به‌بۆنه‌ی نۆیه‌مین ساڵیادى ده‌ستپێكردنى په‌خشى ته‌له‌فزیۆنی یه‌كگرتوو كه‌ناڵی كه‌ركوك مه‌كته‌بی راگه‌یاندنی یه‌كگرتوو پیرۆزباییه‌ك ئاراسته‌ی ئه‌و كه‌ناڵه‌ ده‌كات .

ده‌قی پیرۆزباییه‌كه‌ :

بروسكه‌ى پیرۆزبایى

مه‌كته‌بى راگه‌یاندنى یه‌كگرتوو

بۆ ته‌له‌فزیۆنى كه‌ركوكى یه‌كگرتوو

به‌رِێزان و خۆشه‌ویستان به‌رِێوه‌به‌رو كارمه‌ندانى ته‌له‌فزیۆنى یه‌كگرتوو ئیسلامى كوردستان/ كه‌ناڵى كه‌ركوك

السلام علیكم ورحمه‌ الله وبركاته

نۆیه‌مین ساڵیادى ده‌سپێكردنى په‌خشى ته‌له‌فزیۆنه‌كه‌تان له‌ ئێوه‌ى ماندونه‌ناس و جه‌ماوه‌رى شارى كه‌ركوكى خۆشه‌ویست پیرۆز ده‌كه‌ین ..

مایه‌ى شانازیه‌، كه‌ ته‌له‌فزیۆنى یه‌كگرتوو شان به‌شانى ده‌نگى یه‌كگرتوو له‌ شارى كه‌ركوك، له‌ ماوه‌ى نۆ ساڵى رِابوردودا وه‌ك ده‌نگ و رِه‌نگێكى رِه‌سه‌ن خزمه‌تى به‌ په‌یامى (برایه‌تى و ئازادى و دادپه‌روه‌رى) و بڵاوكردنه‌وه‌ى كه‌لتورى پێكه‌وه‌ژیانى پێكهاته‌كانى كه‌ركوك كردووه‌و تا رِاده‌یه‌كى به‌رچاو بووه‌ته‌ جێ ى متمانه‌ى بینه‌ران و بیسه‌رانى  و له‌ پاڵ ئه‌ركه‌ میدیاییه‌كه‌یدا ئه‌ركى په‌روه‌رده‌و رِۆشنبیرى و هۆشیارى گشتى و هه‌روه‌ها ئه‌ركى كۆمه‌ڵایه‌تى و مرۆیى له‌ ئه‌ستۆگرتووه‌و له‌ هه‌موو ئه‌م بوارانه‌دا وێراى كه‌مى ئیمكانات، به‌ هه‌وڵ و هیممه‌تى كارمه‌ندانى دڵسۆزى كه‌ناڵه‌كه‌، خزمه‌تى كه‌م وێنه‌ى پێشكه‌ش كردووه‌ ..

هیوادارین به‌ پشتیوانى خواى گه‌وره‌و ئه‌مجاریش پاڵپشتى جه‌ماوه‌رى شارى برایه‌تى و پێكه‌وه‌ ژیان، به‌رده‌وام بن له‌سه‌ر ئه‌و رِێبازه‌و له‌ ساڵى نوێدا داهێنانى جوانترو پرِۆژه‌ى گه‌وره‌تر ئه‌نجام بده‌ن و رِۆڵى پێشه‌نگ بگێرِن له‌ خزمه‌تگوزارى رِاگه‌یاندن ..

خواى گه‌وره‌ ئه‌رك و خزمه‌ت و ماندوو بونتان به‌ ( صدقه‌ جاریه ‌) بۆ تۆمار بكات ...

جارێكى تریش ساڵیادى ته‌له‌فزیۆنى یه‌كگرتوو / كه‌ناڵى كه‌ركوك

پیرۆزو شكۆدار بێت و ئێوه‌ش سه‌ركه‌وتوو ئاسود بن .

مه‌كته‌بى راگه‌یاندنى

یه‌كگرتووى ئیسلامیى كوردستان

م.خ