ژمارەی بەكارهێنەرانی تۆڕی كۆمەڵایەتی فەیس بووك دەگاتە (900) ملیۆن كەس و بەمەش ئەو تۆڕە كۆمەڵایەتییە دەبێتە سێیەم گەورەترین ووڵاتی جیهان.
ژمارەی بەشداربووانی تۆڕی كۆمەڵایەتی فەیس بووك لەجیهان بۆتە (900) ملیۆن كەس و بەمەش لەدوای هەریەكە لەووڵاتانی هیندستان و چین دەبێتە سێیەم گەورەترین ووڵاتی جیهان لەڕووی ژمارەی دانیشتوان.
بەپێی ئەو ڕاپۆرتانەی لەئینتەرنێت بڵاوبوونەتەوە، وویلایەتە یەكگرتووەكانی ئەمریكا زۆرترین ڕێژەی بەكارهێنەرانی تۆڕە كۆمەڵایەتییەكانی فەیس بووكی تێدایە كەدەگاتە نزیكەی 170 ملیۆن كەس و دواتریش هیندستان دێت كە دەگاتە 51 ملیۆن كەس و پاشانیش ووڵاتی بەرازیل دێت كەژمارەی بەكارهێنەرانی دەگاتە 45 ملیۆن كەس.
هەروەها بەپێی ئەو زانیاریانەی بڵاوبوونەتەوە بەكارهێنەرانی فەیس بووك ڕۆژانە 300 ملیۆن وێنە بڵاودەكەنەوەو زیاتر لە 488 ملیۆن كەسیش لەڕێگەی تەلەفۆنی مۆبایلەوە بەشداری لەخزمەتگوزارییەكانی فەیس بووك دەكەن.
