لەپاش تەواو بوونى کۆنگرەى شەشەمى یەکگرتووى ئیسلامى کوردستان بەسەرکەوتوویى ، بەپێى پەیڕەو و پرۆگرامى ناوخۆى حیزب بریارى سەرلەنوێ هەڵبژاردنەوەى کابینەى ناوچەو لق و مەڵبەندەکان درا .

بۆ ئەم مەبەستەش بەسەرپەرشتى لیژنەیەکى تایبەت لەمەڵبەندى 11ى چەمچەماڵى یەکگرتوو لەماوەى دوو رۆژدا هەڵبژاردن بۆ ناوچەکانى سەربەلقەکانى ناو شارى چەمچەماڵ و شۆرش و تەکیە بەرێوە چوو .

حاجى یوسف نجم الدین بەپرسى مەڵبەندو سەرۆکى لێژنەى هەڵبژاردنەکان رایگەیاند کە پرۆسەکە بەشێوەیەکى زۆر سەرکەوتووانەو لەکەشێکى برایانەو ئەوپەڕى ئازادى دا بەرێوە چوو  .

ئاماژەشى بۆ ئەوەکرد لەکۆى ( 12 ) بەرپرسى پێشووى ناوچە لەم هەڵبژاردنانەدا ( 9 )یان گۆڕدراون و کەسى نوێ بۆ ئەو پۆستانە هەڵبژێردراون .

م.خ