كوردیو ـ سلێمانی ـ كاروان كهریم
ئهمینداری گشتی هێزی پێشمهرگه رایگهیاند رێژهی كورد لهڕیزی سوپای عێراق بۆ رێژهی لهسهدا چوار بۆ پێنج دابهزیوه و ئاماژه بهوهش دهكات كه سوپای عێراق لهوساتهی دامهزراوه تا ئێستا ئامرازێك بوه بهدهست حكومهته یهك لهدوایهكهكانی عێراق بۆ چهوساندنهوهو لهناوبردنی كورد.
جهبار یاوهر، ئهمینداری گشتی هێزی پێشمهرگه له دیمانهیهكیدا لهگهڵ كهناڵی ئاسمانی سپێده كهشهوی رابردوو پهخش كرا رایگهیاند: رێژهی كورد لهنێو سوپای عێراق ڕوی لهكهمی كردوهو لهساڵی 2007 بهشداری كورد بهرێژهی 9%بوه بهڵام ئێستا دابهزیوه بۆرێژهی 4% بۆ 5%.
ئهمینداری گشتی هێزی پێشمهرگه ئاماژهی بهوهكرد كه سوپای عێراق لهكاتی دامهزراندنیهوه لهساڵی 1920 بهدرێژایی ساڵانی رابردوو ئامرازێك بوه بهدهستی حكومهت یهك لهدوایهكهكانی عێراق بۆ لهناوبردن و چهوساندنهوهی كورد.
لهبهشێكی تری قسهكانیدا جهبار یاوهر باسی لهوهشكرد كه تائێستا حكومهتی عێراقی رازی نیه سندوقێك فیشهك بكرن تهنانهت بۆ كڕینی فیشهكی موختار كوژیش دهبێت داواكاری پێشكهش بكرێت دهبێت بچێته فهرماندهی گشتی هێزه چهكدارهكان و وهزارهتی بهرگری و دهرهوه و تادهگاته مالكییش كه فهرماندهی گشتی هێزه چهكدارهكانی عێراقه .
س.س
