كورديو - دهوك
پشتی ل دهمێ رومالكرنا نهرازيبونا هژمارهكا پێشمهرگێت كورد يێن ل بهغدا دهوامێ دكهن كری، پهيامنێر و وێنهگرێ كهنالێ NRT هاتنه ئێشاندن و پاشی بو ماوێ چهند دهمژمێران هاتنه دهستهسهركرن ژ لايێ هێزێت زێرهڤانيێ ڤه، ئهڤرو نێزيكی ئێڤاری هاتنه ئازادكرن.
وهكی سهنتهرێ ميترو ژ سهباح ئهتروشی بهرپرسێ ئوفيسا دهوك يا كهنالێ NRT راگههاندی شايدحالان ئهو ئاگههدار كربوون هيزێت زێرهڤانيێ ب قونتاخێت تڤهنگان و بوكس و شهقان هێرش كربونه سهر تيمێ كهنالێ وان و دهستهسهركرن.
پشتی چهند دهمژمێران ژ دهستهسهركرنا وان سهباح ئهتروشي ئهم ئاگههدار كرين تيمێ كهنالێ وان ل زاخو هاتينه ئازادكرن و هێزێت زێرهڤانيێ داخازا لێبورينێ ژی ژێ كرينه.
ههژيه بێژين ئهڤه چهندين جاران روژنامهڤان ل پارێزگهها دهوكێ و پرانيا دهڤهرێت كوردستانێ دهێنه ئهشكهنجهدان و گرتن و تا نوكه سهنديكا روژنامهنڤيسان نهشيايه كارتهكا فشارێ يا ب هێز ل سهر لايهنێت دهستههلاتدار بكهت بو رێگری كرنێ ل ڤان دهستدرێژيان بهرانبهر روژنامهڤانان.
ل دويڤ ياسايا كارێ روژنامهڤانی يا ژ پهرلهمانێ كوردستانێ دهركهتی و سهروكێ ههرێمێ ئيمزا كری، تێدا هاتيه يێ دهستدريژيێ بكهته سهر روژنامهڤانی ل دهمێ كاری ههر وهكي دهستدريژی كريه سهر فهرمانبهرهكی ل دهمێ دهواما فهرمی.
ا.ه
.jpg)
