پاش ئەوەی مەسعود بارزانی سەرۆكی لەسەر لاپەڕەی تایبەت خۆی لە فەیس بەك پەیامێكی ئاڕاستەی لایەنگرانی یەكێتی و پارتی كرد لە فەیس بوك، پەیجەكانی یەكێتی بە توندی وەڵامی دەدەنەوە و پێی ڕادەگەیەنن كە ئەو مافی ئەوەی نیە بڕیار لەسەر یەكێتی بوونی ئەوان بدات و هەروەها دەڵێن كە ناوانن بێ دەنگ بن لە ئاست سوتاندنی بارەگاكانی حیزبەكان لە هەولێر و دهۆك.

لە پەیامەكەی لایەنگرانی یەكێتیدا كە بەناوی (سەرۆك كام پەلاماردان)بڵاوكراوەتەوە لەسەر چەند پەیجێكی نزیكی یەكێتی هاتووە"سەرۆك.. ئەم ناكۆكییەی گەنجانی یەكێتی و پارتی كە لەفەیسبووك ناو بەناو دروست دەبێت، شەڕی شەخسی ئەدمینی پەیجەكان نییە، بەڵكو زادەی ئەو رووداوە سیاسیانەیە كە لەهەرێمەكەماندا لەسەر دەستی بەڕێزت و حزبەكەت و هەندێك سەركردەو ئەندام پەرلەمانی و میدیا سێبەرەكانی حزبەكەت خوڵقاوە. ئەوە ئێمە نین هێرش دەكەین جەنابی سەرۆك.. پەیام بۆ ئێمە مەنێرە، بەڵكو پێویستە پەیام بۆ بەرپرسان و پەڕلەمانتارەكانی حزبەكەت و میدیای سێبەرو راوێژكارەكانت بنێریت".

هەروەها دەنوسێت" سەیرە.. ئاشكراكردنی داهاتی گومرگی ئیبراهیم خەلیل، هێرش كردن و یەكتر سوككردنە.؟ داواكردن و رادەست كردنی تەقەكەرانی 17ی شوباتی سلێمانی بە دادگاو یاسا هێرشی ناڕەوایە؟ داواكردنی ئاشكراكردنی گرێبەستە نەوتییەكان بۆ خەڵكی كوردستان پەلاماردانە؟ قبوڵنەكردنمان بەدانانی وەزیرێكی ئەنفالچی لە كابینەی 7دا هێرشە؟ ئەرێ جەنابی سەرۆك.. داواكردنی گێڕانەوەی پارەی خەڵك بۆ خەڵك یەكتر سوككردنە؟ قبوڵنەكردنی هەڵگیرساندنی شەڕێكی تاك لایەنەو شەخسی لەگەڵ بەغدا لەسەر حسابی خەڵكی كوردستان پەلاماردانە؟".

ئەمەی خوارەوە دەقەكەیەتی:

وەڵامی ئێمە بۆ پەیامەكەی سەرۆكی هەرێم
سەرۆك كام پەلاماردان؟

 
لەبەرامبەر ئەو (بارگرژییەی) كە لەنێوان لایەنگرانی یەكێتی و پارتی-دا جاربەجار دروست دەبێت، بەتایبەت لە نێوان پەیجی (من یەكێتیم و خوێنم سەوزە) ...لەگەڵ پەیجەكانی پارتیدا، ئەمڕۆ بەرێز مسعود بارزانی (سەرۆكی هەرێمی كوردستان) لەپەیامێكیدا داوا لەلایەنگرانی هەردوولا دەكات كە ئەو هێرشانە رابگرن و بەهێرشی ناڕەوای لەقەڵەم داون. بۆیە ئێمەش بەپێویستی دەزانین بەچەند سەرەنجێك وەڵامی پەیامەكەی بدەینەوە.

* سەرۆك.. ئەم ناكۆكییەی گەنجانی یەكێتی و پارتی كە لەفەیسبووك ناو بەناو دروست دەبێت، شەڕی شەخسی ئەدمینی پەیجەكان نییە، بەڵكو زادەی ئەو رووداوە سیاسیانەیە كە لەهەرێمەكەماندا لەسەر دەستی بەڕێزت و حزبەكەت و هەندێك سەركردەو ئەندام پەرلەمانی و میدیا سێبەرەكانی حزبەكەت خوڵقاوە. ئەوە ئێمە نین هێرش دەكەین جەنابی سەرۆك.. پەیام بۆ ئێمە مەنێرە، بەڵكو پێویستە پەیام بۆ بەرپرسان و پەڕلەمانتارەكانی حزبەكەت و میدیای سێبەرو راوێژكارەكانت بنێریت، ئەوە ئەوانن تەشهیرو هێرشی ناڕەوا دەكەن بۆ سەر هەموو خەڵك و یەكێتیی-ەكەی هاوپەیمانتان.

* جەنابی سەرۆك... ئێمە لەكاتی خوێندنەوەی پەیامەكەتدا كۆمەڵێك پرسیارمان لەلا گەڵاڵە بوو.. سەیرە.. ئاشكراكردنی داهاتی گومرگی ئیبراهیم خەلیل، هێرش كردن و یەكتر سوككردنە.؟ داواكردن و رادەست كردنی تەقەكەرانی 17ی شوباتی سلێمانی بە دادگاو یاسا هێرشی ناڕەوایە؟ داواكردنی ئاشكراكردنی گرێبەستە نەوتییەكان بۆ خەڵكی كوردستان پەلاماردانە؟ قبوڵنەكردنمان بەدانانی وەزیرێكی ئەنفالچی لە كابینەی 7دا هێرشە؟ ئەرێ جەنابی سەرۆك.. داواكردنی گێڕانەوەی پارەی خەڵك بۆ خەڵك یەكتر سوككردنە؟ قبوڵنەكردنی هەڵگیرساندنی شەڕێكی تاك لایەنەو شەخسی لەگەڵ بەغدا لەسەر حسابی خەڵكی كوردستان پەلاماردانە؟ بەرگریكردنی ئێمە لەمانەوە چەندین مەلەفیتر كە بۆگەنیان كردووە لەزیهینی خەڵكی ئەم وڵاتەداو هەروەها هاتنەدەنگمان لەسەر تیرۆركردنی رۆژنامەنووسان و گرتن و راوەدونیان و دواتر كردنیان بەتیرۆریست و سوتاندنی بارەگای حزبە سیاسییەسییەكان لە هەولێرو دهۆك، تۆ بەسوكایەتی و پەرلاماری تێگەیشتووی؟ جەنابی سەرۆك لەگەڵ ئەوپەڕی رێزماندا.. تۆ مافی ئەوەت نییە بڕیار لەسەر یەكێتیی بوون یان نەبوونی ئێمە بدەیت، ئێمە پێمان سەیرە كە باس لە ئاشتەوایی و یەكڕیزی گەلی كورد دەكەیت و تەنها روودەمت دەكەیتە پەیجەكانی یەكێتی و پارتی، بەڵام لە ئەرزی واقیعدا خۆ ئۆپۆزسیۆن و لایەنەكانیتریش خەڵكی رەسەن و هاووڵاتی ئەم وڵاتەن؟ بۆ پەیامەكەت ئاراستەی ئەوانیش نەكرد مەگەر هاوولاتی پلە دوو-ن.؟! دەبێت ئەوە بزانیت جەنابی سەرۆك یەكڕیزیی نەتەوەیی بەیەكدەنگی نەتەوەیی دەبێت، ئەوەشت بیردێنینەوە یەكێتیی نیشتمانی كوردستان حزبێكی سوشیال دیموكراتەو حزبی قبوڵنەكردنی ناعەدالەتی و یەكسانییە لەم وڵاتەدا، سەرۆك رێككەوتننامەی ستراتیژی نێوان یەكێتیی پارتی رێككەوتننامەی قڕوقەپكردن نییە لەبەرامبەر گەندەڵی و ناهەقی و بەرتەسككردنەوەی ئازادی لەم وڵاتەدا.!

السلام علی من تبع الهدی

أ.م