كوردیوـ سلێمانی

وته‌بێژی كۆنگره‌ی شه‌شه‌می  یه‌كگرتووی ئیسلامی له‌ كۆنگره‌یه‌كی رۆژنامه‌نوسیدا رایده‌گه‌ێنێت له‌ماوه‌ی ئه‌و دوورۆژه‌ی كۆنگره‌دا چه‌ندین ئیش و كار ئه‌نجامدراون له‌وانه‌ قسه‌كردن له‌سه‌ر پۆستی ئه‌میندارو  و بڕگه‌ی پرۆگرام و خوێندنه‌وه‌ی په‌یره‌و پرۆگرامی ناوخۆی یه‌كگرتوو گفتوگۆكردن له‌سه‌رئه‌ندامانی  سه‌ركردایه‌تی  و مه‌كته‌بی سیاسی.
 ته‌ها سۆڵه‌یی وته‌بێژی كۆنگره‌ی یه‌كگرتووی ئیسلامی له‌كۆنگره‌یه‌كی رۆژنامه‌وانیدا رایگه‌یاند: ئه‌و مه‌رجانه‌شی كه‌پێویسته‌ له‌ئه‌مینداردا هه‌بن ئه‌وه‌یه‌ پێویسته‌ چل ساڵی ته‌واو كردبێت  و دوو یاریده‌ده‌ری ده‌بێت و بۆناو خۆو ده‌ره‌وه‌ له‌ناو ئه‌نجومه‌نی  سه‌ركردایه‌تیدا هه‌ڵده‌بژێرێن و ئه‌مینداریش  بۆماوه‌ی دووخول  ده‌توانێت خۆی هه‌لبژێرێت.

   وته‌بێژی كۆنگره‌ی شه‌شه‌می  یه‌كگرتووی ئیسلامی وتیشی "  له‌كۆنگره‌دا ده‌زگایه‌كی نوێ هاتوه‌ته‌ ئاراوه‌ ئه‌ویش ده‌زگای به‌دواداچونه‌ و له‌11 كه‌س پێك دێت و پله‌كانیشیان هاوتایه‌ له‌گه‌ڵ پله‌ی ئه‌ندامانی ئه‌نجومه‌نی سه‌ركردایه‌تیدا و هه‌مان پله‌و ئیمتیازاتیان هه‌یه‌ و ده‌سه‌ڵاتی ئه‌وه‌یان هه‌یه‌ كه‌ لێپرسینه‌وه‌و و به‌دواداچون بۆسه‌رجه‌م ئۆرگانه‌كانی یه‌كگرتوو بكه‌ن" 

 
ته‌ها سۆڵه‌یی ئاماژه‌ی به‌وه‌شدا" سیستمی كۆتا له‌كۆنگره‌دا  بۆخوشكان دانراوه‌ وپێویسته‌ خوشكان له‌ سه‌رجه‌م ئۆرگانه‌كانی حیزبدا له‌25%  پێك بهێنن وبه‌م پێیه‌ش له‌كۆی 35 ئه‌ندامی ئه‌نجومه‌نی سه‌ركردایه‌تی كه‌ 2 كه‌سیان یه‌ده‌كن 9 ئه‌ندامی ئه‌نجومه‌نی سه‌ركردایه‌تی بۆخوشكان ده‌بێت و له‌12 ئه‌ندامی مه‌كته‌بی سیاسیش 3 ئه‌ندامی به‌رخوشكانده‌كه‌وێت"

وته‌بێژه‌كه‌ی كۆنگره‌ی شه‌شه‌می  یه‌كگرتووئه‌وه‌شی خسته‌ روو:هه‌رله‌ كۆنگره‌دا ئه‌نجومه‌نی سه‌رۆكایه‌تی بڕیاری له‌سه‌ردراوه‌و وه‌ك چوارچێوه‌یه‌ك ده‌بێت و پێكدێت له‌ ئه‌میندارو دوو یاریده‌ده‌ره‌كه‌ی وسه‌رۆكی ئه‌نجومه‌نی سه‌ركردایه‌تی و سه‌رۆكی ده‌سه‌تی باڵای ده‌زگای به‌دواداچون وپارێزگاكان"

ته‌ها سۆڵه‌یی ئاشكراشیكرد" له‌سه‌ر ئاستی پارێزگاكان ئه‌مجاره‌ یه‌كگرتووی ئیسلامی له‌جیاتی نوسینگه‌ی مه‌كته‌بی سیاسی ئه‌نجومه‌نی سه‌ركردایه‌تی یه‌كگرتو ده‌بێت و ئه‌ندامێكی مه‌كته‌بی سیاسی سه‌رپه‌رشتی ده‌كات و پێكدێت له‌ئه‌ندامه‌كانی سه‌ركردایه‌تی و مه‌ڵبه‌نده‌كانی ئه‌و پارێزگایه‌ .

له‌كۆتایی كۆنگره‌ رۆژنامه‌وانیه‌كه‌یدا وته‌بێژی كۆنگره‌ی شه‌شه‌می یه‌كگرتوو راشیگه‌یاند" هه‌ركه‌سێكیش بۆ مه‌كته‌بی سیاسی خۆی هه‌ڵبژێرێت ته‌نها بۆماوه‌ی دووخول ده‌توانێت و ئه‌مه‌ش له‌پێناو ئه‌وه‌دایه‌ تاوه‌كو رێگا بۆگه‌نجان خۆشبكات ئه‌وانیش بێنه‌ پێشه‌وه‌ و ته‌مه‌نیش كه‌مكراوه‌ته‌ بۆ 25 ساڵ بۆئه‌ندامبون له‌مه‌كته‌بی سیاسی و گه‌نجانیش ده‌توانن خۆیان بۆئه‌و پۆسته‌ كاندیدبكه‌ن"

جێگه‌ی ئاماژه‌یه‌ له‌ دوێنێوه‌ كۆنگره‌ی شه‌شه‌می یه‌كگرتووی ئیسلامی كوردستان له‌شاری هه‌ولێرو به‌ به‌شداری 755 ئه‌ندامی كۆنگره‌ ده‌ستی به‌كاره‌كانی كردووه‌ ماوه‌ی سێ رۆژیش ده‌خایه‌نێت و بڕیاریشه‌ ئه‌مشه‌و ده‌سبكرێت به‌ هه‌ڵیبژاردنی ئه‌ندامانی ئه‌نجومه‌نی سه‌ركردایه‌تی و ئه‌مینداری گشتی یه‌كگرتوو.

أ.س