كورديو - دهوك - ياسر عبدالرحمن

یه‌كگرتووى ئیسلامیى كوردستان ل 1 ئه‌یارا 2012 كونگرێ خو یێ شه‌شێ ل هه‌ڤلێرا پایته‌خت گرێدا، د ڤى كونگره‌یدا گه‌له‌ك گوهورینێت دیار و به‌رچاڤ و بوو جهێ به‌حسكرنێ د ناڤ و ده‌رڤه‌ى كوردستانێ، هند تشتێ گرنگ و پێدڤى هاته‌ رویدان و هه‌ر كه‌سه‌ك پێڤه‌ هاته‌ گرێدان، كه‌سێت تایبه‌تمه‌ند و شروڤه‌كارێت سیاسى ژى بوچوونێت جودا جودا هه‌بووینه‌

عه‌بدلبارى زوبێر به‌رپرسێ مه‌لبه‌ندێ (9) یێ كومه‌لا ئیسلامى ل دهوكێ دبێژیت: كونگره‌یێ شه‌شێ یه‌كگرتووى ئیسلامیی  كوردستان یێ جیاواز بوو بو یه‌كگرتوو و پارتێت كوردستانێ ب تایبه‌ت ل ڤان خالان (گوهورینا ئاشتى یا ده‌ستهه‌لاتا حزبێ و هه‌لبژارتنا ده‌سته‌كا بالا یا چاڤدێریێ و دویڤداچوونێ و هه‌روه‌سا ڤه‌گوهاستنا رێ و ره‌سمێت كونگره‌ى ب شێوازه‌كێ ئێكسه‌ر ل سه‌ر كه‌نالێ عه‌سمانیێ سپێده‌).

عه‌بدلبارى زێبارى د به‌رده‌وامیا ئاخفتنێت خو دا دبێژیت: یه‌كگرتوویا ئیسلامی پشتى سه‌ركه‌فتنا كونگرێ شه‌شێ دێ خاله‌كا مه‌زنتر بو خو توماركه‌ت ب جێبه‌جێكرنا ئستراتیجیه‌ت و راسپاردێت كونگره‌ى.

هه‌روه‌سا گوت: ئه‌م ب ناڤێ مه‌لبه‌ندێ (9) یێ كومه‌لا ئیسلامی ل دهوكێ ده‌ستخوشى و پیروزباهیه‌كا گه‌رم ئاراسته‌ى برایێت خو ئه‌ندامێن كونگرێ شه‌شێ یێ یه‌كگرتوو دكه‌ین و هیڤیا سه‌ركه‌فتنێ  بو  وان  دخوازین و ئه‌م دبێژینه‌ وان ئه‌م د خوشیێت هه‌وه‌دا د كه‌یفخوشین و د نه‌خوشیێت هه‌وه‌دا د خه‌مبارین، ده‌ستخوشى و پیروزباهیان ئاراسته‌ى رێزدار ماموستا سه‌لاحه‌ددین محه‌مه‌د بهائه‌ددین ئه‌میندارێ به‌رێ یێ یه‌كگرتوو و ماموستا محه‌مه‌د فه‌ره‌ج ئه‌میندارێ نوكه‌  دكه‌ین، هه‌روه‌سا پیروزباهیان ئاراسته‌ى هه‌ردوو ده‌سته‌كان، یا چاڤدێریێ و ئه‌نجومه‌نێ سه‌ركردایه‌تى دكه‌ین و داخوازا سه‌ركه‌فتنێ بو دخوازین.

ا.ه