ئیبراهیم دێرگژنیكی ـ دهوك:

عه‌بدلره‌حمان بامه‌رنی سه‌رنڤیسه‌رێ روژناما چاڤدێر ل دهوكێ، دگه‌ل هوزانڤان هوشه‌نگ شێخ محه‌مه‌د، ئه‌ڤرو روژا چارشه‌مبی 3/2 ب كه‌فاله‌ت هاتنه‌ به‌ردان هه‌روه‌كی پارێزه‌رێ سه‌ندیكا روژنامه‌نڤیسێت كوردستانێ د په‌یوه‌ندیه‌كا ته‌له‌فونیدا ئه‌م ئاگه‌هداركرین.

پشتی سه‌رنڤیسه‌رێ روژناما چاڤدێر ژ لایێ دادگه‌ها ل دویڤچونا دهوكێ دگه‌ل هوزانڤانه‌كی، هاتینه‌ ده‌سته‌سه‌ركرن ل روژا دوشه‌مبیا چویی، پشتی توماركرنا دوو سكالایان ئێك ژ لایێ رێڤه‌به‌ریا ئه‌وقافا پارێزگه‌ها دهوكێ و ئێك ژ لایێ هاولاتیه‌كی، وه‌ك نه‌رازیبون ل سه‌ر وێ هوزانا د روژناما چاڤدێر هژمار 102 به‌لاڤ بوی و نه‌ رازیبون ژ لایێ خه‌لكی و زانایێت ئیسلامی په‌یدابوی، ل دویڤ یاسایا سزایێت عیراقی ماددا 372 یا گرێدای سه‌رپێچیكرنێ ل سه‌ر پیروزیێت ئاینی، هاتبونه‌ ده‌سته‌سه‌ركرن و ئه‌ڤرو ب كه‌فاله‌ت هاتنه‌ ئازادكرن، هه‌روه‌كی پارێزه‌ره‌كی گوتی "بریارا دوماهیێ یا دادگه‌هێ یه‌ و (المتهم بريء حتى يثبت ادانته).