پرۆگرامی "كارامه‌یی و به‌ها" كۆمه‌ڵایه‌تییه‌كان نوێترین پرۆگرامی گشتگیره‌، كه‌ وه‌زاره‌تی په‌روه‌رده‌ی هه‌رێمی كوردستان ئاماده‌ی كردوه‌ بۆ جێگره‌وه‌ی پرۆگرامی مافی مرۆڤ و مه‌ده‌نی له‌ قوتابخانه‌ بنه‌ڕه‌تیه‌كان و به‌مه‌به‌ستی تاقیكردنه‌وه‌ش له‌ چه‌ند ناوه‌ندێكی خوێندندا ده‌خوێنرێت.

له‌وباره‌یه‌وه‌ عه‌بدوڵڵا سه‌عید، به‌ڕێوه‌به‌ری په‌یمانگای راهێنان و گه‌شه‌پێدانی په‌روه‌رده‌یی له‌ سلێمانی له‌ لێدوانێكدا رایگه‌یاندوه‌: پرۆگرامی كارامه‌یی و به‌ها كۆمه‌ڵایه‌تییه‌كان وانه‌یه‌كی تازه‌یه‌ به‌ هاوكاری رێكخراوی یونیسێف و وه‌زاره‌تی په‌روه‌رده‌ به‌شی پرۆگرامه‌كان دانراوه‌ بۆ قۆناغی بنه‌ڕه‌تی، كه‌ له‌ پۆلی یه‌ك تا نۆی بنه‌ڕه‌تی ده‌گرێته‌وه‌.

ناوبر وتیشی "چه‌ند نمونه‌یه‌كمان له‌ قوتابخانه‌كانی پارێزگای سلێمانی و هه‌ڵه‌بجه‌ وه‌رگرتوه‌، به‌جۆرێك 57 قوتابخانه‌ له‌ سلێمانی و 5 قوتابخانه‌ له‌ هه‌ڵه‌بجه‌ ده‌گرێته‌وه‌، له‌سه‌رئاستی هه‌ر قوتابخانه‌یه‌كیش دوو مامۆستا بۆ ماوه‌ی چوار رۆژ خولێكی تایبه‌ت ده‌بینن، كه‌ رۆژانه‌ پێنج كاتژمێر وانه‌ له‌سه‌ر چۆنێتی وتنه‌وه‌ی وانه‌كه‌ ده‌خوێنن".

رونیشیكرده‌وه‌: ناوه‌ڕۆكی ئه‌و وانه‌یه‌ باس له‌ به‌ها كۆمه‌ڵایه‌تی، ئایینی و مرۆییه‌كان و ئازادی تاك و كۆمه‌ڵگا ده‌كات، به‌مه‌به‌ستی تاقیكردنه‌وه‌ش ئه‌مساڵ له‌و چه‌ند قوتابخانه‌یه‌ی سلێمانی و هه‌ڵه‌بجه‌دا ده‌خوێنرێت و له‌م ماوه‌یه‌دا به‌دواداچونی بۆ ده‌كرێت و داوا له‌ مامۆستای بابه‌ته‌كه‌ و به‌ڕێوه‌به‌ری قوتابخانه‌كان و سه‌رپه‌رشتیارانیش ده‌كه‌ن ره‌خنه‌ی خۆیان پێشكه‌ش بكه‌ن، ئه‌گه‌ر تاقیكردنه‌وه‌كه‌ سه‌ركه‌وتوو بێت، ئه‌وا ساڵی داهاتوو له‌ سه‌رجه‌م قوتابخانه‌كاندا ده‌خوێنرێت.

عه‌بدوڵڵا سه‌عید به‌ نه‌وای وتوه‌: "به‌شێوه‌یه‌كی گشتی كێشه‌ی قوتابخانه‌كان بۆته‌ نمره‌، كه‌ پێی ده‌وترێت نیزامی بانكی، پێویسته‌ واز له‌و سیستمه‌ بهێنرێت، كه‌ شتێك فێری خوێندكار بكه‌ین و له‌ تاقیكردنه‌وه‌دا بمانداته‌وه‌، به‌ڵكو ئێمه‌ ده‌مانه‌وێت شتێكی فێربكه‌ین بۆ ته‌واوی ژیانی پیاده‌ی بكات".

 

رافائێل ڤارانی فەرەنسی و ئەستێرەی هێڵی بەرگری یانەی ریال مەدرید هۆكاری كارەسات و دەستبەتاڵی تیپەكەی لەوەرزی رابردوو ئاشكرا دەكات".

ڤاران لە لێدوانێكیدا كە ماڵپەری بێرنابیۆ بڵاوی كردۆتەوە دەڵێت : " پێم وابێت وەرزی رابردوو هیچ چارەسەرییەك بۆ ئێمە نەبوو ، زۆر ئەستەمە بتوانیت بۆ ماوەیەكی زۆر لەسەر یەك ئاست بمێنێتەوە".

وتیشی : " پاڵەپەستۆی یارییەكان بۆ ماوەی چەند وەرزێكی و بردنەوەی سێ چامپیۆنس لیگ لەسەر یەكتر ئەركی ئێمەی زیاتر قورس كرد ، هەستمان بە ماندووبوونێكی زۆر كرد ، بۆیە پێم وایە ئەم وەرزە بەباشترین شێوە ئامادەین بۆ بردنەوەی نازناوەكان".

 

بەڕێوبەرایەتی پەروەردەی رانیە سەرجەم مامۆستایانی سنوری بەڕێوەبەرایەتیەكەی ئاگادار كردەوە بۆ دانانەوەیان لە ناوەندەكانی خوێندن سەردانی پەروەردەكانیان بكەن و لەڕۆژی یەكشەممە 24-9-2019 فۆڕمەكان وەردەگیرێنەوە كە مەرجە مامۆستاكە خۆی بیگەڕێنێتەوە.


بەڕێوبەرایەتی پەروەردەی رانیە لە ئاگاداری نامەیەكدا كەوێنەیەكی دەست كوردیو كەوتوە، ڕایگەیاند: سەرجەم ئەو مامۆستا وانەبێژانەی ئاگادار دەكەینەوە كە ساڵی ڕابردوو لەسنوری پەروەردەی ڕانیە وانەبێژ بوون، ئەمڕۆ سێشەممە 17-9-2019 تا ڕۆژی پێنج شەممە 19-9-2019 سەردانی پەروەردەی ڕانیە بكەن بەمەبەستی دانانەوەیان لە ناوەندەكانی خوێندن وەك مامۆستای وانەبێژ.

 

ئەوەشی خستەڕوو: تەنها مامۆستایانی وانەبێژی ساڵی ڕابردوو سەردانیان بكەن چونكە هەر ئەوان دادەنرێنەوە، لە تێبینیی دوەمیشدا رایگەیاندوە: هەرناوەندێك مامۆستای وانەبێژ بەدەر لە لیژنەی وانەبێژی پەروەردەی ڕانیە دابنرێت بەهیچ شێوەیەك پارەی بۆ خەرج ناكرێت.

 

ئاماژەی بەوەشكرد: هەرمامۆستایەكی وانەبێژ ئەم فۆڕمە پڕنەكاتەوە فەرمانی كارگێڕی بۆ دەرناكرێت و لەڕۆژی یەكشەممە 24-9-2019 فۆڕمەكان وەردەگیرێنەوە كە مەرجە مامۆستاكە خۆی بیگەڕێنێتەوە و ناسنامەی پێبێت و مامۆستایانی پەروەردەی تایبەت(دەرونناسی و كۆمەڵناسی) سەردانمان نەكەن چونكە فەرمانی داراییان نییە و دانانرێنەوە، دەرچوانی باخچەكانی منداڵانیش تاكو ئاگاداریان دەكەینەوە سەردانمان نەكەن.

پێشووتر پاسەوانی پەرلەمانتاران و وەزیرەکان بە دامەزراندنی هەمیشەیی فەرمانیان بۆ دەردەچوو، بەڵام کابینەی تازە ئەو دامەزراندنە دەکات بە گرێبەست.

لیوا بەختیار بابان، بەرێوەبەری گشتی پۆلیسی هەرێمی کوردستان  رایگەیاند: بڕیاروایە پاسەوانی پەرلەمانتاران و بەرپرسانی حکوومی بکرێنە گرێبەست، وتیشی:" ئەگەر بکرێنە پاسەوانی گرێبەست ئەوە پەیوەندی بە پۆلیسەوە نامێنێت چونکە ئەو کاتە گرێبەستێکە و میلاکی ئێمە نابن، تاوەکو ئێستا مامەڵەی هیچ پاسەوانێکی تازە نەکراوە".

روونیشیکردەوە: هەر بڕیارێک لە وەزارەتی ناوخۆ بۆ ئەو بابەتە دەربکرێت پابەند دەبن پێوەی ، وتیشی:" تاوەکو ئێستا بڕیاری کۆتایی لەو بابەتە دەرنەکراوە و چاوەڕوانین بزانین چی لێ دێتەوە".

بڕیار وایە مووچەی هەر پاسەوانێک بە گرێبەست 700 هەزار دینار بێت و بۆ 4 ساڵ بەردەوام دەبێت. شاخەوان رەئوف بەگ، ئەندامی لیژنەی پێشمەرگە و ناوخۆ و ئاسایش لە پەرلەمانی کوردستان بە (باس)ی راگەیاند: زانیاریان هەیە یەکلابۆتەوپاسەوانی پەرلەمانتاران بە گرێبەست دادەمەزرێندرێن، وتیشی:" زانیاریمان هەیە ئەوە یەکلایی بۆتەوەکە پاسەوانی پەرلەمانتاران بە گرێبەست دادەمەزرێندرێن و هەر پەرلەمانتارێکیش بۆی دەبێت سێ پاسەوانی هەبێت".

بەپێی یاسای ژمارە 15ی ساڵی 2012، پەرلەمانتاران سێ پاسەوانیان بۆ دادەمەزرێنرێت و لە کۆتاییشدا پاسەوانێکی لەگەڵ دەمێنێتەوە و دوانەکەی تریش دەچنە سەر میلاکی یەکەی پاسەوانی و لەوێوە دابەش دەکرانەوە بەسەر ئەو شوێنانەی حکومەت پێویستی پێیان بووە، بەڵام بەپێی بڕِیاری نوێی حکوومەت پاسەوانەکانی دوای کۆتاییهاتنی خولی پەرلەمان گرێبەستی پاسەوانەکان هەڵدەوەشێندرێنەوە.

بەپێی زانیاریەکانیش مانگانە نزیکی 2 ملیار دینار لە بودجەی گشتی بۆ مووچەی پاسەوانی پەرلەمانتاران و وەزیرەکان خەرج کراوە.

شاخەوان رەئۆف روونی دەکاتەوە: "تەنها پاسەوانی پەرلەمانتاران بە گرێبەست نابێت، بەڵکو پاسەوانی وەزیرەکانیش گرێبەست دەبێت ". ئەو پەرلەمانتارە پێیوایە ئەو بڕیارە لایەنی باش و خراپی هەیە، دەشڵێت :" لەسەرێک باشە قورسایی کەم دەکاتەوە لەسەر بودجەی گشتی، لەلایەکیشەوە ناخۆشە دوای 4 ساڵ پاسەوانەکە بەڕێ بکرێت بۆ ماڵەوە".

سامی جەلال،بەرێوەبەری گشتی دیوانی وەزارەتی ناوخۆ، رایدەگەیەنێت:" بۆ ئەم خولەی پەرلەمانی کوردستان هیچ پاسەوانێک بۆ هیچ پەرلەمانتارێک دانەمەزرێندراوە".

بەپێی زانیاریەکان تەنها لە پەرلەمان هەزار و 332 پاسەوان چوونەتە سەر میلاکی گشتیی حکوومەت و دواتریش دەبێت خانەنشینیان بۆ ببڕێتەوە.

پەرلەمانتارەکەی کوردستان ئاشکرای دەکات" خەڵکێکی زۆر کە لەسەرووی 60 هەزار کەسە بە پاسەوان دامەزرێندراون، زۆربەشیان بە کردار پاسەوانی ناکەن و کاری تریان پێ کراوە".


ئێڤار ئیبراهیم ژنە پەرلەمانتاری پێشوو لەسەر فراكسیۆنی گۆڕان لە پەرلەمانی كوردستان لەبەرنامەیەكی تەلەفزیۆنیدا ڕایگەیاند: ئەو پێنج ساڵەی لە پەرلەمان بووم جلی دووبارە نەكردووەتەوە و هەموو رۆژێك جلێكی نوێم بۆ دانیشتنەكانی پەرلەمان لەبەركردووەو لە مانگێكدا 30 دەست جلم كڕیووە.

جێگەی ئاماژەبۆكردنە ئێڤار ئیبراهیم پەرلەمانتاری خولی پێشووی پەرلەمانی كوردستان بووە لەسەرلیستی گۆڕان و لەسەرەتای دامەزراندنی بزووتنەوەكەدا بەرپرسانی ئەو حزبە بەڵێنی بڕینەوەی موچەیان بە خانمانی ناو ماڵ دەدا.

 

 

 

ئەمانە ئەو خۆراکانەن کەدەوڵەمەندن بەپرۆتین خواردەمەنییەکان چەندین سودیان ھەیە بۆ مرۆڤ بەڵام دەبێ کامانەبن ئەو خۆراکانەی کەدەوڵەمەندن بەپرۆتین و ھاوکاری دەکەن لەدابەزاندنی کێش و بنیاتی ماسولکەکان و بەھێزکردن و پێدانی ھەستی تێربوون. 

 

پاقلە بابەتییەکان رەنگی سور و خۆڵەمێشی و رەش سەرباری نیسک و لۆبیا و فاسۆلیای سپی.

گەنمەشامی ھەر کوپێک ١٥.٦ گرام پرۆتینی تێدایە سەرباری ریشاڵ و کانزا و کالیسیۆم

سەلمۆن سودەکانی تەنیا بۆ پرۆتین نیە بەڵکو دەوڵەمەندە بەترشی ئۆمیگا ٣

پەتاتە ھەر یەک پەتاتە ٤ گرامی پرۆتینە سەرباری پۆتاسیۆم و ڤیتامین سی.

هەروەهابرۆکلیی ھەر کوپێک ٢.٦ گرامی پرۆتینە

قەرنابیت ھەر کوپێکی ٢ گرامی پرۆتینە 

ھێلکە ھەر دانەیەکی ١٢ بۆ ١٣ گرامی پرۆتینە 

گۆشتی سورباشترینە و سەرچاوەی ١٢ ترشی ئەمینییە کەپرۆتینی لێ دروست دەبێت شیری و پەنیر شیر ٨ گرامی پرۆتینە شۆفان ھەر ١٠٠ گرامی ١٧ گرامی پرۆتینە ماسی تونە بەسوودە وەک سەرچاوەی پرۆتین و بەسودیشە بۆ دڵ میوە و سەوزەی تر: تەماتە و خەرشوف و بەزالیا و نۆک و کینوا و بادەم و فستق.

بەڕێوەبەری گشتی چاودێری و گەشەپێدانی كۆمەڵایەتی هەولێر ئاشكرای دەكات مووچەی ئەو 13 هەزار كەمئەندامە دابەش دەكرێت كە پێشتر مووچەیان ڕاگیرا بوو.

ئەمڕۆ سێشەم 17ـی ئەیلوولی /2019/، یوسف چاوشین بەڕێوەبەری گشتی چاودێری و گەشەپێدانی كۆمەڵایەتی هەولێر بە كورديوي ڕاگەیاند: لەو هەفتەیە مووچەی كەمئەندامانی دەرچوو لە لێژنە پزیشكییەكان خەرج دەكرێت.

ناوبراو وتیشی: تەواوی پرۆسەكانی پشكنینی پزیشكی كەمئەندامان و وردبینی كردنەوەیان لە لایەن وەزارەتی كار و كاروباری كۆمەڵایەتی كۆتایی پێهات و كەمئەندامانی دەرچوو لە لێژنە پزیشكیەكان لەو هەفتەیە مووچەی خۆیان وەردەگرن.

ئاشكراشی كرد: بۆ سەرخستنی ئەو پرۆسەیە هەوڵ و ماندووبوونێكی زۆر درا و ئێمە وەك وەزارەتی كار بە هاوكاری لێژنە پزیشكییەكان رۆژانی پشوومان خستە سەر رۆژانی دەوام و ماندوونەناسانە كارمان كرد تاكوو دواجار توانیمان 13 هەزار كەمئەندام بە مافەكانیان شاد كەینەوە.

وتی، ئێستاش جێگای خۆیەتی سوپاسی فەرمانبەرانمان لە وەزارەتی كار و سوپاسی لێژنە پزیشكییەكان لە وەزارەتی تەندروستی بكەین كە لە چوارچێوەی هاوكاری و هەماهەنگی نێوان دوو وەزارەت پێكەوە بەو ئەركە هەستان.

 

 

چۆن بزانم توشی بۆن ناخۆشی دەم ھاتووم چۆن چارەسەری بۆنی ناخۆشی دەمم بکەم بۆنی ناخۆشی دەم میلیۆنەھا کەسی بێزارکردوە لە کاتێکدا چارەسەری ئاسانەپێویستە پێش چارەسەر کردن بزانرێت کەسێک بۆنی دەمی ھەیە یان نالە کاتێکدا ھەندێ کەس ھەست بە بۆن ناخۆشی دەمی ناکات چونکە مێشک راھاتوە لەسەر ئەو بۆنە.

چۆن بزانم توشی بۆن ناخۆشی دەم ھاتووم 

تاقیکردنەوەی لە رێگەی ڕەنگی زمانەوە ئەگەر ڕەنگی زمان پەمەی کاڵ یان پیازی بریقەدار بوو ئەوا ھیچ کێشەیەکی بۆن ناخۆشی دەمت نیە ئەگەر رەنگی زمان سپی بوو ئەوا تۆ بە دڵنیایەوە کێشەی بۆن ناخۆشی دەمت ھەیە لێدانی پشتی دەست بۆ زمان تەڕکردنی پشتی دەست بەزمان واز ھینان بۆ چەند چرکەیەک تا شوێنەکە وشک ئەبیتەوە دواتر بۆنی شوێنەکە بکە بە ئاشکرا ھەست بە بۆن ناخۆشی ئەو شوێنە دەکەیت ئەگەر کێشەی بۆن ناخۆشی دەمت ھەبێ.

ھۆکارەکانی بۆن ناخۆشی دەم 

ئیھمال کردنی ددانەکان و باش پاکنەکردنەوەیان

پاکنەکردنەوەی زمان بەکتریانزیکەی ٦٠٠ جۆری بەکتریا لە ناو دەمی ھەموو کەسێکی ئاسایدا دۆزراوەتەوە وشکی دەم وشکی ناو دەم ھۆیەکی گرنگە بۆ مانەوەی بەکتریا لە ناو دەم و گەشەکردنی بەکتریاکە.

چۆنیتی چارەسەرکردنی بۆن ناخۆشی ناودەم 

لەبەر ئەوەی ناو دەم لیکی تیدایە لە ناو لیکیشدا ئۆکسجین ھەیە ئۆکسجین ھۆیەکی باشە بۆ مانەوەو گەشەکردنی بەکتریا لەبەر ئەم ھۆیە دەبیت 

رۆژانە بڕێکی زۆر لە ئاوو شلە بخورێتەوە جوینی سەوزەی نەعنا رۆژانە کە بۆن و تامێکی خۆش ئەدات بە دەم شۆردن و پاکردنەوەی ناو دەم ڕۆژانە بە باشی ئەمانە ھەندێ لە چارەسەری کاتی بوون کە دەبیتە ھۆی نەھێشتنی بۆنی دەم بۆ ماوەیەک بەڵام ئەمانە نابنە بۆی لەناو بردنی بەکتریا لێرەدا باس لە ھەندێ خۆراکی بەسود دەکەین کە دەبنە ھۆی لەناو بردنی بەکتریاو نەھێشتنی بۆنی ناخۆشی دەم .

هەروەهاچای سەوز لەبەر ئەوەی چای سەوز دەوڵەمەندە بە دژە بەکتریاکان ئەبیتە ھۆی لەناوبردنی زۆر لەو بەکتریانەی لە ناو دەمدا دەژین و دەبنە ھۆی بۆن ناخۆشی دەم دارچین ڕۆنی سروشتی تێدایە کە دەبێتھۆی لەناوبردنی زۆربەی ئەو بەکتریایانەی کە لە ناودەم دەژین سەوزەو میوەھات بە تایبەت خواردنی سێوو کەرەوز زۆر باشە بۆ پاراستنی ناو دەم لە جۆرەکانی بەکتریاجوین و خواردنی ئەمانە وا ئەکات لیک لە ناو دەمدا زۆر بیت و ناو دەم وشک نەبێت ،ھەروەھا کاڵەک و شاتوو یارمەتیدەرە بۆ لە ناوبردنی بۆنی ناخۆشی دەم .

 

 

زۆركەس هەن پێیان وایە بۆ پاك ڕاگرتنی گوێیان دەبێت گوێ پاكەرەوە یاخوود هەرشتێكی دیكە بۆ گوێیان بەكاربهێنن بەڵام لە ڕاستیدا كارێكی هەڵەیە ئەگەر كارێكی وەها ئەنجام بدرێت ئەكادیمیای لووت و قورگ و گوێی ی وڵاتی ئەمریكا گوێ پاككەرەوە یان پەنچە كردن بە گوێدا یاخود هەر شتێكی دیكە ڕەت دەكاتەوەو پێی وایە كارێكی زۆر خراپە

مادەی مۆمی كەلەناو گوێیەكاندا هەیە مادەیەكی بەسودە و بە "پاككەرەوەی ڕوپۆشی گوێچە" دادەنرێت ، ئەمە سەرەڕای ئەوەی كە دژە بەكتریای تێدایە هەر لە پەردەی گوێوە تاوەكو دیوی دەرەوە پاك دەكاتەوە بێ‌ ئەوەی پێویست بە دەست تێوەردانی دەرەكی هەبێت و پاشان خۆی ووشك دەبێتەوە و دەوەرێت بۆیە ئەگەر مۆمی ناو گوێ‌ نەبێت ئەوا ڕووپۆشی ناوگوێ‌ وشك دەبێتەوە و دەخورێت و هەستیاری پەیدا دەكات.

هەروەهاكاتێ‌ گوێ‌ پاك دەكەیتەوە چی ڕوو دەدات هەر كە گوێ‌ پاكەرەوە بەكاردەهێنیت مۆمی ناو گوێ زۆرتر دەبەیتەوە ناوگوێ‌ واتە پاڵەپەستۆ دەخرێتە سەری و زیاتر نزیكی دەكەیتەوە لە پەردەی گوێ‌ زیانێكی زۆر بەو پەردەیە دەگەیەنێت ئەویش دەبێتە هۆی كۆبونەوەی لەسەر پەردەی گوێ‌ و وەك ئەوەیە ئەو پەردەیە چەن چین بێت و گوێ‌ كپ دەكات بەمەش كەڕوەكان و بەكتریا و ڤایرۆسی جۆراوجۆر دەچێتە ناو گوێ‌ و ئازاری زۆر تووشی گوێ دەكات و زۆرجاریش دەبێتە هۆی لەدەست دانی بیستن.

توێژینەوەکان ئەوەیان سەلماندووەئایا چ كاتێك دەبێت گوێ‌ پاك بكرێتەوە نابێت هیچ كات گوێیەكان پاك بكرێتەوە دور لە ڕێنمایی پزیشك بە پاككردنەوەی گوێیەكان تەنها دووچاری كارێكی هەڵە دەبیت وەك ئەوەی پێستی ناوەوەی گوێیەكان دابماڵیت و دەبێتە هۆی هەوكردنێكی زۆری گوێ‌ هەر كە گوێ‌ بخورێنیت زیاتر تووشی خوران دەبێت ، تەنها كاتێك دەبێت پاك بكرێتەوە كە پزیشك بڕیار بدات و بە ئامێری تایبەت لەلایەن پزیشكی پسپۆڕەوە پاك بكرێتەوە.

سەرۆکى حکومەتى هەرێمى کوردستان لەمیانەى کۆبوونەوەى لەگەڵ لیژنەى کۆکردنەوەى داهاتەکاندا، جەختی لە سەر دابینکردنی نەوتی سپی بۆ هاووڵاتیان کردەوە، پێش هاتنی وەرزی زستان .

نووسینگەى رۆژنامەوانى مەسرور بارزانى، سەرۆکى حکومەتى هەرێمى کوردستان راگەیەندراوێکى بڵاوکردەوە و تیایدا ئاماژە بەوە کردوه‌: “سەرۆکی حکومەتی هەرێم سەرپەرشتی کۆبوونەوەی لیژنەی کۆکردنەوەی داهاتەکانی کرد و رایسپاردن کار بکەن بۆ هاوسەنگی دروستکردن لەنێوان داهات و خەرجییەکان”.

به‌پێی ڕاگەیەندراوەکە، لە کۆبوونەوەکەدا سەرۆکی حکومەت ئاماژەی بەوە کردووە: پێویستە حکومەت کار لە سەر ئەوە بکات هاوسەنگی هەبێت لەنێوان داهات و خەرجییەکان، بە شێوەیەک لە خزمەتی بەرژەوەندی گشتی و هاووڵاتیانی هەرێمی کوردستان بێت. 

 

له‌به‌شێكیتری ڕاگه‌یه‌نراوه‌كه‌دا هاتوه‌: لە کۆبوونەوەکەدا گفتوگۆ لەبارەی کۆکردنەوەی داهاتەکان و ڕێکخستنەوەی باج و گومرگەکان و کاراکردنی سیستەمی بانکی لە هەرێمی کوردستان کرا.

پەڕەى 9 لەکۆى 5273 پەڕەدا