بەڕێوبەرایەتی هاتوچۆی پارێزگای سلێمانی ڕایدەگەیەنێت: شەوی ڕابردوو ڕوداوێكی هاتوچۆ لە شەقامی سالم ڕویداو هۆكارەكەشی تیژڕەوی بووە.


بەڕێوبەرایەتی هاتوچۆی پارێزگای سلێمانی لە ڕاگەیەندراوێكدا كەوێنەیەكی دەست كوردیو كەوتوە، ڕایگەیاند: شەوی ڕابردوو ئۆتۆمبێلێك بەھۆی تیژڕەویەوە كۆنتڕۆڵی لەدەستداوە و وەرگەڕاوە.


هەروەها بەڕێوبەرایەتی هاتوچۆی پارێزگای سلێمانی ئەوەشی خستەڕوو:ڕوداوەكە لە شەقامی سالم نزیك مەڵبەند ڕویداوەو تەنھا شۆفێری ئۆتۆمبێلەكە بریندارە.

 

رۆژنامەیەكی ئیسپانی بڵاوی كردەوە ، پێش رووبەرووبوونەوەی یانەی ریال مەدرید لەیارییەكانی گەڕی یەكەمی چامپیۆنس لیگ ، پاریس سان جێرمان گورزێكی كوشندەی بەركەوت".

رۆژنامەی موندو دیپۆرتیفۆی ئیسپانی رایگەیاند : " كولین داگبای ئەستێرە و باڵی راستی یانەی پاریس سان جێرمان تووشی پێكان بووە و ناتوانێت لەیاری بەرامبەر مێرنگی ئامادەبێت".

سەرچاوەكە دەڵێت : " داگبا لەیاری بەرامبەر یانەی ستراسبۆرگ لەخولی فەرەنسی دووچاری پێكان بوو ، بەهۆی ئەمەوە لەیارییەكەی سبەی بەرامبەر ریال مەدرید ناتوانێت بەشداری بكات".

 

مارك كوسیك بریكاری كارەكانی یۆرگن كلۆپی ئەڵمانی و راهێنەری یانەی لیڤەرپوول ئاشكرای دەكات راهێنەرەكە دەیەوێت ریزەكانی رێدز بەجێبهێڵێت".

كوسیك لە لێدوانێكیدا رایگەیاند : " بەهۆی نەبوونی تیشكی خۆر و كەمی تیشكەكەی لە ئینگلتەرا ، كلۆپی تووشی هەراسانی كردووە و دەیەوێت لە وڵاتەكە بچێتە دەرەوە".

وتیشی : " راستە بۆندی كلۆپ تا ساڵی (2022)ـە بەڵام پێداچوونەوە بە بریارەكە دەكەین و لەوانەیە بگەرێینەوە ئەڵمانیا".

 

بریارە ئەمرۆ یارییەكانی وەرزی نوێی خولی یانە پاڵەوانەكانی ئەوروپا دەستپێبكات ، لە گرنگترین یارییەكانیشدا هەردوو یانەی بەرشلۆنە و دۆرتمۆند رووبەرووی یەكتردەبنەوە".

یارییەكە كاتژمێر (10:00) شەو بەكاتی هەولێر لەسەر یاریگای (سیگنال ئیدونا پارك) لەشاری دۆرتمۆند بەرێوەدەچێت".

ئەمەش پێكهاتەی پێشبینیكراوی هەردوو یانەیە:

Capture

 

بریارە ئەمرۆ یارییەكانی وەرزی نوێی خولی یانە پاڵەوانەكانی ئەوروپا دەستپێبكات ، ئەمەش خشتە و كاتی یارییەكانە:

ئەمرۆ : (7:55) : ( ئینتەرمیلان × سلاڤیا براگ)

ئەمرۆ : (7:55) : ( لیۆن × زینیت )

ئەمرۆ : (10:00) : ( دۆرتمۆند × بەرشلۆنە )

ئەمرۆ : (10:00) : ( ناپۆلی × لیڤەرپوول )

ئەمرۆ : (10:00) : ( رید بول × جینك )

ئەمرۆ : (10:00) : ( ئەیاكس × لیل )

ئەمرۆ : (10:00) : ( چیلسی × ڤالانسیا )

ئەمرۆ : (10:00) : ( بەنفیكا × لایپزیگ )

پارتی ڕەتیدەكاتەوە، هۆكاربێت بۆ ئەنجام نەدانی كۆبونەوەی دوو قۆڵی لەگەڵ یەكێتی، بەرپرسێكی ئەو حزبەش هەڵوێستەكەیان سەبارەت بەدروستكردنی یەك لیستی لە كەركوك ئاشكرادەكات.

ئێوارەی ئەمڕۆ 16ی 9ی 2019، لەرێوڕەسمی بڵاوكردنەوەی كتێبێكی شێخ سەلامی شاعیر، كە لەسلێمانی بەڕێوەچوو، ڕۆژ نوری شاوەیس، ئەندامی مەكتەبی سیاسی پارتی دیموكرات لەلێدوانێكدا بۆ میدیاكان، هەڵوێستی حزبەكەی لەسەر دروستكردنی یەك لیستی لایەنەكان لەهەڵبژاردنی ئەنجومەنی پارێزگاكانی عیراق ئاشكراكردو وتی:" پارتی لەدژی یەك لیستی نییە لەگەڵ ئەوەداین یەكڕیزی و هەماهەنگی تەواو لەنێوان لایەنەكاندا هەبێت، تا هەمووان پێكەوە ڕووبەڕووی ئەو دۆخە هەستیارە ببینەوە".

سەبارەت بەكۆبوونەوەی یەكێتی و پارتیش، ڕۆژ نوری شاوەیس وتی: "كێشەكان بەكۆبوونەوەیەك و دوو كۆبوونەوە چارسەر نابن، پارتیش هەمیشە دەرگای بۆ كۆبوونەوە كراوەیە، هۆكاری كۆنەبوونەوەشمان لەگەڵ یەكێتی، خەتای ئێمە نییە".

لەسەر پێدانی مۆڵەتی دابەشکردنی نەوتی هاونیشتمانییان لەلایەن پارێزگارەوە، ئەنجوومەنی پارێزگای سلێمانی دەنگی ناڕەزایەتی بەرزکردووەتەوە و ئەندامێکی ئەنجوومەن دەڵێت "پارێزگار بێ کەمکردنەوەی ئاشکرا خۆکارانە مۆڵەتەکەی بە کۆمپانیایەک داوە".

ساڵانە دابەشکردنی بەشە نەوتی هاونیشتمانییان دەدرێتە کۆمپانیایەکی کەرتی تایبەت، پێدانەکەش بە کەمکردنەوەی ئاشکرا دەبێت و بۆ ماوەی یەک ساڵ دەبێت، بەڵام رەمەزان نامیق ئەندامی ئەنجوومەنی پارێزگای سلێمانی راگەیاند، پارێزگاری سلێمانی بێ کەمکردنەوەی ئاشکرا ئەرکی دابەشکردنی بەشە نەوتی هاونیشتمانییانی بە کۆمپانیایەک داوە کە مۆڵەتی تەواو بووە.

ئەو ئەندامەی ئەنجوومەنی پارێزگای سلێمانی باسی لەوەشکرد، "ئەنجوومەنی پارێزگای سلێمانی بەو بڕیارەی پارێزگار رازی نییە و قبووڵی ناکات، دەبێ بە شێویەکی یاسایی و لە کەمکردنەوەی ئاشکرادا بدرێتە هەر کۆمپانیایەک کە زۆرترین سوودی بۆ حکومەت و خەڵک هەبێت".

هاوکات هەڤاڵ ئەبوبەکر، پارێزگاری سلێمانی راگەیاند، لە رابردوودا گرێبەست لەگەڵ ئەو کۆمپانیا کرابوو لەماوەی سێ ساڵدا سێ بەرمیل نەوتی سپی بەسەر هاونیشتمانییاندا دابەشبکات، بەڵام ئەو کۆمپانیایە تاوەکو ئێستا تەنها یەک بەرمیلی بە هاونیشتمانییانداوە و گرێبەستەکەشی تەواوبووە.

هەڤاڵ ئەبوبەکر سەرەڕای تێبینییەکان پێی باشە بە مەرج جارێکی دیکە کارەکان بەو کۆمپانیایە بدرێتەوە و دەڵێت: لەبەرئەوەی گرێبەست لەگەڵ هیچ کۆمپانیایەکی دیکە نەکراوە و ئێستا کۆمپانیایەک نییە بۆ دابەشکردنی نەوت پشتی پێببەستین. لەگەڵ ئەوەی تێبینیمان هەیە لەسەری بەڵام پێمان باشە بۆ یەک جاری دیکە دابەشکردنی نەوت بدرێتەوە ئەو کۆمپانیایە، بەڵام بەو مەرجەی کارت، سیستەم، داتا، کارمەند و ئامێرەکانی بکرێنە موڵکی بەڕێوەبەرایەتی نەوت و کانزای سلێمانی.

هەرچەندە تاوەکو ئێستا ئەوەیان نەکردووە بە بڕیار، بەڵام بە گوتەی پارێزگاری سلێمانی ئەگەر بیکەن بۆ حکومەت سەرمایەیەکی گرنگ دەبێت. 

لە لەندەنی پایتەختی بەریتانیا، کوڕە کوردێک لەکاتی بەرگریکردن لە کچێک کە لەلایەن ژمارەیەک چەتە هێرشی کرابووە سەر، درایە بەرچەقۆ و دوای پێنج کاژێر و نیو گیانی لەدەستدا.

ئەو کوڕە کوردە ناوی یوسف کەریم ـە، تەمەنی 17 ساڵانە و قوتابی بەشی بازرگانی بووە لە کۆلێژی سیتی ئۆف وێست مینیستەر لە لەندەن.

بەگوێرەی شایەتحاڵان، کاتێک ژمارەیەک چەتە هێرشیان کردووەتە سەر کچێک، یوسف ویستوویەتی بەرگری لە کچەکە بکات، بەڵام شەڕەکە گەورەبووە، چەتەکان چەقۆیان دەرهێناوە و ئەو کوڕە کوردەیان داوەتە بەرچەقۆ.

یوسف لەبەردەم کۆمەڵە خەڵکانێک لە شەقامی ئێدوارد لە کاژێر 02:00ـی نیوەڕۆ درایە بەرچەقۆ و کە یەکێکە لە شەقامە قەرەباڵخەکانی لەندەن.

یوسف لەگەڵ خوشک و برا و دایکی لە نزیکی ئەو شوێنە ژیاوە، شایەتحاڵان باس لە بەجەرگی ئەو کوڕە دەکەن، دەڵێن پرسە ناگێڕین، چونکە ناتوانین بێنینە پێشچاومان کە مردووە.

یەکێکی دیکە دەڵێت دواین وشەی یوسف بە برینداری ئەوەبوو کە گوتی"یا ئەڵڵا".

کوشتنی یوسف دەبێتە 105ـەمین حاڵەتی کوشتن لە بەریتانیا لە ماوەی ئەمساڵدا و حەوتەمین کوشتن لەماوەی نۆ رۆژی رابردوودا. ئێستا پۆلیس شوێنی رووداوەکەی داخستووە، بەڵام هێشتا هێرشکارەکان دەستگیرنەکراون.

بەشێک لە هاوڕێکانی یوسفیش تاجەگوڵینەی رێزیان لە شوێنی کوشتنەکەی داناوە، یەکێک لە خزمەکانی دەڵێت "یوسف وەکو فریشتە وابوو و ئێستا ئەو لە بەهەشتە، ئەوێ شوێنێکی باشترە بۆ ئەو".

بەرپرسێكی بانكی ناوەندی عێراق زانیاری لە بارەی گەیشتنی ئەو بڕە پارەیە دەدات كە بەغدا بۆ مووچەی فەرمانبەرانی كوردستان رەوانەی دەكات.

عابد مزووری، بەڕێوەبەری لقی ھەولێری بانکی ناوەندیی عێراق بە (باسنیوز)ی ڕاگەیاند: "تاوەكو ئەمڕۆ فەرمانی خەرجكردنی پارەی مووچەی فەرمانبەرانی هەرێمی كوردستان لە بەغداوە بۆمان نەهاتووە، بەڵام پارەكە بەم نزیكانە دێت".

روونیشی كردەوە، لەگەڵ وەزارەتی دارایی و بانكی ناوەندی عێراق لەسەر هڵێن بۆ ئەوەی فەرمانی تەمویلی پارەكە زووتر رەوانە بكرێت.

عابد مزووری فەرمانبەرانی دڵنیا كردەوە، کە لقی هەولێری بانكی ناوەندی پارەی پێویستی لەبەر دەستە و هیچ كێشەیەكی نییە، گوتی: "تەنها فەرمانەكەمان بۆ بێت، راستەوخۆ پارەكە دەدرێتە وەزارەتی دارایی هەرێمی كوردستان بۆ تەواوكردنی دابەشکردنی مووچەی فەرمانبەران“.

لە لایەن بەغداوە مانگانە بڕی 453 ملیار دینار دەنێردێت بۆ تەواوكردنی مووچەی فەرمانبەرانی كوردستان.

پێشتر د.ئەحمەد سەفار ئەندامی لیژنەی دارایی پەرلەمانی عێراق  راگەیاندبوو: "ناردنی پارەی مووچەی فەرمانبەرانی هەرێمی کوردستان لە دەسەڵاتی د.فوئاد حسێن وەزیری دارایی نییە، دەبێت سەرۆکوەزیران رازی بێت پاشان لیژنەی بودجە واژووی دەکات ئەو کات وەزیری دارایی نووسراو دەکات بۆ ئەوەی پارەکە خەرج بکرێت".

به‌رهه‌مى ئه‌مساڵى هه‌نگوینى هه‌رێمى كوردستان چوار هێنده‌ى ساڵانى رابوردوو زیادیكردووه‌ و له‌مڕۆوه‌ (دووشه‌ممه‌ 16ى ئه‌یلولى 2019) به‌ بڕیارى وه‌زاره‌تى كشتوكاڵ هاورده‌كردنى هه‌نگوین بۆ هه‌رێم قه‌ده‌غه‌كرا.

ئه‌مساڵ به‌رهه‌مى هه‌نگوین له‌ هه‌رێمى كوردستان 500 ته‌ن زیاتر  بووه‌، له‌كاتێكدا به‌رهه‌مى هه‌نگوینى پارساڵ 95 ته‌ن كه‌متر بووه‌، به‌مه‌ش به‌رهه‌مه‌كه‌ بۆ زیاتر له‌ چوار هێنده‌ زیادیكردووه‌.

بێگه‌رد تاڵه‌بانى، وه‌زیرى كشتوكاڵ و سه‌رچاوه‌كانی ئاوى هه‌رێم له‌ لێداونێكى رۆژنامه‌وانیدا له‌ هه‌ولێر رایگه‌یاند: به‌هۆى زیادبوونى به‌رهه‌مى ئه‌مساڵى هه‌نگوین، بڕیاریانداوه‌ له‌مڕۆوه‌ هاورده‌كردنى هه‌نگوین بۆ هه‌رێم قه‌ده‌غه‌ بكرێت.

وتیشى: "هه‌ركاتێك هه‌ست بكه‌ن، به‌رهه‌مى ناوخۆ به‌شی پێویستی بازاڕه‌كان ده‌كات، ئه‌وا رێگه‌نادرێت به‌رهه‌مى هاوشێوه‌ له‌ وڵاتانه‌وه‌ هاورده‌ى هه‌رێم بكرێت، ئه‌مه‌ش بۆ په‌ره‌پێدانى به‌رهه‌مى ناوخۆییه‌".

به‌پێى راپۆرتێكى تۆڕى هه‌نگه‌وانانى هه‌رێم، ئه‌مساڵ زیاتر له‌ 23 هه‌زار هەنگەوان سەرقاڵى به‌خێوكردنى زیاتر له‌ 80 هه‌زار پوره‌هه‌نگ بوون، به‌مه‌ش ئەمساڵ زیاتر له‌ دوو هه‌زار هەنگه‌وان زیادیكردووه‌.

شایانی  باسە  له‌سه‌ره‌تاى ئه‌م مانگه‌ وه‌زاره‌تى كشتوكاڵى هه‌رێم بڕیاریدا هاورده‌كردنى ته‌ماته‌ و هه‌نار قه‌ده‌غه‌ بكات.

پەڕەى 10 لەکۆى 5273 پەڕەدا