پاش چەندساڵ لە قەیران و دابڕان بە گوڕو تینێكی نوێوە بەڕێوەبەرایەتی گشتی ڕۆشنبیری و هونەری هەڵەبجە دەست بەكارو چالاكیەكانی دەكاتەوە و رایدەگەیەنێت لەمانگی داهاتوودا شەشەمین فیستیڤاڵی گوڵەهەنار بۆشیعری لاوان سازدەكات.


لەرگەیەنراویكدا كەوینەیەكی دەست كوردیو كەوتوە بەڕێوەبەرایەتی گشتی ڕۆشنبیری و هونەری هەڵەبجەرایگەیاندوە"پاش چەندساڵ لە قەیران و دابڕان بە گوڕو تینێكی نوێوە دەست بەكارو چالاكیەكانمان دەكەینەوە "


ئاماژەی بەوەشداوە"بەمەبەستی ئەنجامدانی شەشەمین ڤیستیڤاڵی گوڵەهەنار )ئاگاداری شاعیرانی لاو دەكەین كە بەم مەرجانەی لای خوارەوە بەرهەمەكانیان بنێرن .


١- بەرهەمەكە دەبێت تایپكراوبێت و لەڕیگای فەیسبوكی بەڕێوەبەرایەتی گشتی ڕۆشنبیری و هونەرەوە بەدەستمان بگات.


٢- بەرهەمەكە نابێت لە هەشت لاپەڕەی (A4) زیاتر بێت .


٣- شاعیر نابێت تەمەنی لە سی ساڵ زیاتر بێت .


٤- بەرهەمەكان تا بەرواری (٥-١١-٢٠١٩) بەدەستمان بگات .

 

رۆژنامه‌یه‌كى به‌ریتانى رایگه‌یاندووه‌: سه‌رۆك وه‌زیرانى عێراقى له‌مانگى داهاتوو ده‌ست له‌كاركێشانه‌وه‌ له‌پۆستى خۆى راده‌گه‌یه‌نێت.

رۆژنامه‌ى ئیندپێندتى به‌ریتانى ئاشكرایكردوه‌: كه‌عادل عه‌بدولمه‌هدى سه‌رۆك وه‌زیرانى عێراق به‌شێوه‌یه‌كى فه‌رمى به‌ر له‌رۆژى 25 تشرینى یه‌كه‌مى داهاتوو ده‌ست له‌كارده‌كشێته‌وه‌، و ده‌شڵێت: هه‌ر یه‌كه‌ له‌هاوپه‌یمانى فه‌تح وسائرون هه‌وڵى ده‌ست له‌كاركێشانه‌وه‌ به‌عه‌بدولمه‌هدى ده‌ده‌ن بۆ دامركاندنه‌وه‌ى خۆپیشاندانه‌كان وتۆره‌یى هاوڵاتیانى شه‌قامى عێراقى.

رۆژنامه‌ ئاماژه‌ى به‌وه‌شكردووه‌: عه‌بدولمه‌دى بیر له‌ده‌ست له‌كاركێشانه‌وه‌ ده‌كات، به‌ر له‌و هه‌ڵمه‌ته‌ى كه‌خۆپیشانده‌ران و چاڵاكوانان بۆ دووباره‌ خۆپیشاندانه‌كان دایناوه‌، كه‌ده‌كاته‌ رۆژى 25ى مانگى داهاتوو، كه‌به‌م هۆیه‌وه‌ وه‌ك رێگایه‌ك بۆ ئارامكردنه‌وه‌ى شه‌قامى عێراقى ده‌بینێت.

به‌پێى چه‌ند سه‌رچاوه‌یه‌ك كه‌بۆ رۆژنامه‌ به‌ریتانیه‌كه‌ رایگه‌یاندوه‌: عه‌بدولمه‌هدى له‌هه‌فته‌ى رابردوو دا له‌گه‌ڵ نوێنه‌رانى هه‌ردوو كوتله‌ى سائیرون وفه‌تح باسى له‌پرسى ده‌ست له‌كاركێشانه‌وه‌كه‌ى كردوه‌، كه‌پێده‌چێت له‌مانگى داهاتوو دا دووباره‌ خۆپێشاندانه‌كان سه‌رهه‌ڵبده‌نه‌وه‌ وئه‌مجاره‌ داواى رووخانى سیسته‌مى سیاسى عێراق بكه‌ن.

رۆژنامه‌كه‌ راشیگه‌یاندوه‌: كه‌له‌ئێستا دا عه‌بدولمه‌هدى هیچ پشتیوانێكى سیاسى له‌م قوناغه‌دا بۆى نه‌ماوه‌، وته‌نها خۆى ماوه‌ته‌وه‌ كه‌به‌رده‌وام بێت یاخود ده‌ست له‌كاربكشێته‌وه‌ هه‌ردووكیان یه‌ك ئاستن له‌ده‌ست عه‌بدولمه‌هدى دا چونكى له‌ئێستا دا خۆى به‌ته‌نها چاره‌نووسى خۆى ده‌ست نیشان ده‌كات.

 

وەزارەتی شارەوانی و گەشت و گوزاری حكومەتی هەرێمی كوردستان رایدەگەیەنێت لە ئێستادا كاركردن لە شەقامی 150 مەتری هەولێر بەردەوامی هەیەو پرۆژەكە بە پێنج قۆناغ جێبەجێ دەكرێت.

وەزارەتی شارەوانی و گەشت و گوزاری حكومەتی هەرێمی كوردستانئاماژەی بەوەكردوە " كاركردن لە شەقامی 150 مەتریی هەولێر بەردەوامە، پرۆژەی شەقامی 150 مەتریی هەولێر بە پێنج قۆناغ جێبەجێ دەكرێت."

وەزارەتی شارەوانی و گەشت و گوزار، راشیگەیاندوە"قۆناغی یەكەم 14 كیلۆمەتری تەواو دەكرێت، كە رێگەی بەحركە بە رێگەی كۆیه دەگەیەنێت. شەقامی 150 مەتری لە هەولێر، درێژییەكەی 70 كیلۆمەترە، هەر ئاراستەیەكی نزیكەی 20 مەتر پانە و پێنج ئۆتۆمبێل دەتوانن بە تەنیشت یەكەوە لەسەری رێبكەن."

 

لەیاری لوتكەی خولی نایابی یانەكانی ئینگلتەرا یانەی مانچستەریۆنایتد كاتژمێر 6:30 ئەمرۆ ئێوارە میوانداری یانەی لیڤەرپول دەكات ، هەردوو یانەش بەدوای سەركەوتن دەگەڕێن.

ئەمەش پێكهاتەی پێشبینیكراوی هەردوو یانەیە:

Untitledrrr

 

مانچستەرسیتی هاتەوە دووەمی خولی نایابی یانەكانی ئینگلتەرا پاش ئەوەی لە دەرەوەی یاریگای خۆی بە دوو گۆڵی بێ بەرامبەر لە یانەی كریستاڵ پاڵاسی بردەوەو بردنەوەی شەشەمی لەم وەرزە بەدەست هێنا.

گابریێل خیسۆس لەخولەكی 39 گۆڵی یەكەمی بۆ مانچستەرسیتی تۆمار كرد، دوای تەنها دوو خولەكی تر داڤید سیلڤا گۆڵی دووەمی تۆمار كرد، ئەنجامی یارییەكەش تا كۆتایی بەم شێوەیە مایەوە، بەم بردنەوەیەش مانچستەرسیتی بە كۆكردنەوەی 19 خاڵ گەڕایەوە پلەی دووەمی ریزبەندی.

 

 

یانەی ڕیال مایۆركا پێشەنگی خولی یانەكانی ئیسپانیای كردە دیاری یانەی بەرشلۆنە پاش ئەوەی لە یارییەكانی جەولەی نۆیەمی خولەكە بە گۆڵێكی بێ بەرامبەر لە ڕیال مەدریدی بردەوە.

تاكە گۆڵی بردنەوەی ریال مایۆركا لەخولەكی حەفت لەلایەن لاگۆ جۆنیۆر تۆمار كرا، سەرەرای هەوڵەكانی ڕیال مەدرید بۆ بەرامبەر كردنەوەی ئەنجامەكە بەڵام سەركەوتوو نەبوون، بەم ئەنجامەش ریال مەدرید بە كۆكردنەوەی 18 خاڵ بۆ پلەی دووەمین دابەزی و پێشەنگی بۆ بەرشلۆنە لەدەستدا، یانەی ریال مایۆركاش بە 10 خاڵ پلەی 14می ریزبەندی گرتوە، ئەمەش یەكەمین دۆران بوو لەم وەرزە توشی ڕیال مەدرید بوو.

 

 

وەزارەتی دارایی حكومەتی هەرێمی كوردستان رایگەیاندوە ئەمڕۆ یەك شەممە َ موچەی مانگی حەوتی ژمارەیەك وەزارەت و شوێن دابەش دەكرێت.


وەزارەتی داریی رایگەیاندوە ئەمڕۆ یەكشەممە ڕێكەوتی ٢٠١٩/١٠/٢٠ مووچەی ئەم شوێنانە دابەشدەكرێت:


وەزارەتی_ناوخۆ
وەزارەتی_خوێندنی_باڵا_و_توێژینەوەی_زانستی
وەزارەتی_ئەوقاف_و_كاروباری_ئایینی
وەزارەتی_سامانە_سروشتیەكان
وەزارەتی_داد
ھێزەكانی_زێرەڤانی
ئەنجومەنی_ئاسایش
دەزگای_گشتی_ئاسایش
هێزی_بەرگریی_فریاكەوتن
بەڕێوەبەرایەتی_گشتی_ڕەگەزنامەی_ھەرێم
پۆلیسی_نەوت_و_گاز

 

ئێوارەی دوێنی َشەممە بەهۆی هەرورە بروسكەوە لەگوندەكانی ناوچەی نەورۆڵی سەر بە پارێزگای ھەڵەبجە دوو كەس دەبنە قوربانی كە یەكێكیان ڕاستەوخۆ گیان لەدەست دەدات و ئەویتر بریندار دەبێت.

ڕائید بەرزان عوسمان ووتەبێژی پۆلیسی پارێزگای ھەڵەبجە لە ڕاگەیەنراوێكیدا ئەوەی ئاشكرا كردوە كە بەھۆی ھەورە بروسكەوە گەنجێك بەناوی ئاران ئەركان حسن تەمەن ١٩سال دانیشتوی پاریزگای هەڵەبجە پیشە خۆیندكار گیان لەدەست دەدات وگەنجێكی تر بەناوی. ا ا ف. تەمەن ٢٤سال دانیشتوی پارێزگای هەڵەبجە لەگەرەكی فەرمانبەران بریندار دەبێت .
ووتەبێژی پۆلیسی پارێزگای ھەڵەبجە ئاماژەی بەوەشداوە"ڕاستەوخۆ بریندارەكە ئاراستەی نەخۆشخانەی فریاكەوتن هەڵەبجەیە كراوە وتەرمی گەنجەكەی دیكە گوازرایەوە بۆ پزیشكی دادی هەڵەبجە پەڕاوی لێكۆڵینەوە لەبنكەی پولیسی سیروان ڕێكخراوە بۆڕوداوەكە."

بەپێ زانیارییەكان ئەو گەنجەی گیانی لەدەستداوە كوڕی مامۆستا ئەركان حسن قائیمقامی پێشووی هەڵەبجەیە ئەمساڵی لەپۆلی 12ی ئامادەیدا نمرەیەكی بەرزی بەدەست هیناوەو لە كۆلیژی پزیشكی زانكۆی سلیمانی وەرگیراوە.

به‌ بڕیاری ئه‌نجومه‌نی وه‌زیرانی هه‌رێم: رەزامەندی پلە بەرزکردنەوە بۆ (221) سەرپەرشتیاری پەروەردەیی درا و ئه‌و سه‌رپه‌رشتیارانه‌ سبه‌ی ده‌ست به‌كار ده‌بن.

ئالان سه‌عید، وه‌زیری په‌روه‌رده‌ی حكومه‌تی هه‌رێم رایگه‌یاند: دوای ئه‌وه‌ی له‌ رێگه‌ی نووسراوێكه‌وه‌ داواكاری 221 سه‌رپه‌رشتیاری په‌روه‌رده‌ییان ئاڕاسته‌ی ئه‌نجومه‌نی وه‌زیران كرد، له‌لایه‌ن ئه‌نجومه‌نی وه‌زیرانه‌وه‌ ره‌زامه‌ندی له‌سه‌ر داواكاری ئه‌و كه‌سانه‌ درا كه‌ پله‌یان بۆ به‌رز بكرێته‌وه‌.

ناوبراو وتیشی: "ئه‌و سه‌رپه‌رشتیارانه‌ به‌ رەسمی پله‌یان به‌رز كراوه‌ته‌وه‌ و بڕیاره‌كه‌ش له‌ رۆژی ده‌رچوونیه‌وه‌ كه‌ 17ی ئه‌م مانگه‌یه‌ چووەته‌ بواری جێبه‌جێكردنەوە و له‌ هه‌وڵیشداین داواكاری تر كه‌ لە لایه‌ن مامۆستایان و فه‌رمانبه‌رانی وه‌زاره‌تی په‌روه‌رده‌وه‌ ئاڕاسته‌مان كراوه‌ جێبه‌جێیان بكه‌ین".

وه‌زیری په‌روه‌رده‌ بۆ دواڕۆژ ئه‌وه‌شی خسته‌ڕوو: سبه‌ی یه‌كشه‌ممه‌ ئه‌و 221 كه‌سه‌ی فه‌رمانه‌كه‌یان بۆ ده‌رچووه‌ وه‌ك سه‌رپه‌رشتیاری په‌روه‌رده‌یی ده‌ست به‌كار ده‌بن.

جێگری یەكەمی سەرۆكی ئێران سوپاسی مەرجەعی ئایینی و گەل و حكومەتی عیراق دەكات لەبەرئەوەی پێشوازییان لە زیاتر لە سێ ملیۆن سەردانیكەری ئێرانی كردوە.
بۆ بەشداریكردن لە چلەی ئیمام حسێن، ئەمڕۆ ئیسحاق جیهانگیری جێگری یەكەمی سەرۆكی ئێران گەیشتۆتە شاری نەجەف و لەلێدوانێكدا بۆ رۆژنامەنوسان وتویەتی "پێشوازیكردنی عیراق لەو ژمارە گەشتیارە سەرەڕای كەموكورتی ژێرخان، هەروا كارێكی ئاسان نییە. بۆیە حكومەت و گەلی ئێران سوپاسی گەلی عیراق و حكومەتەكەی دەكەن بۆ ئەو میواندارییە".
لەلایەن خۆیەوە لوئەی یاسری پارێزگاری نەجەف لەكاتی پێشوازیكردنی لە جێگری یەكەمی سەرۆكی ئێران رایگەیاندوە، شانازی دەكەن بە پێشوازیكردن لە سەردانیكەرانی ئیمام حسێن بەتایبەتی سەردانیكەرانی ئێرانی، كە رۆڵێكی گرنگ دەبینێت لە پتەوكردنی پەیوەندی نێوان گەلی هەردوو وڵات.

پەڕەى 11 لەکۆى 5389 پەڕەدا