ڕۆژی شەممە ٩/١١/٢٠١٩ بەشیر حەداد جێگری سەرۆكی ئەنجومەنی نوێنەرانی عیراق نووسراویكی ئاڕاستەی سەرۆكایەتی ئەنجومەنی نوێنەران كرد بۆ زیاد كردنی ئەندامانی لیژنەی هەمواركردنەوەی دەستووری عیراق و بە ھەوڵ و پشتگیریی فڕاكسیۆنە كوردستانییەكانی نێو ئەنجومەنی نوێنەران، توانرا ژمارەی ئەندامانی كورد لە لیژنەی هەمواركردنەوەی دەستوور لە ٣ كەسەوە بۆ ٦ كەس زیاد بكرێت.

بەشیر حەداد ڕایگەیاند، “ئەمڕۆ ئەندامانی لیژنەی هەمواركردنەوەی دەستوور زیاد كران، لەسەر داوای جێگری سەرۆكی ئەنجومەنی نوێنەران و ھەوڵی فڕاكسیۆنە كوردستانییەكانی نێو ئەنجومەنی نوێنەرانی عیراق توانرا ژمارەی ئەندامانی كوردی نێو لیژنەی نووسینەوەی دەستوور لە ٣ كەسەوە بۆ ٦ زیاد بكەین.”

جێگری سەرۆكی ئەنجومەنی نوێنەرانی عیراق ئاشكراشیكرد، ئەندامانی كورد لە لیژنەی هەمواركردنەوەی دەستووری عیراق بریتین لە: د. ڤیان سەبری، د.جوان ئیحسان، د.یوسف محەمەد سادق، د. عەبدولباری مدرس، د.جمال كۆچەر و سەرۆكی لیژنەی یاسایی ڕێبوار ھادی.

 

بەڕێوبەرایەتی هاتوچۆی پارێزگای سلێمانی ئاماری ڕوداوەكانی هاتوچۆی هەفتەی ڕابردووی سنوری پارێزگاكەی ڕاگەیاندو ئاماژەی بەوەكرد لە ئەنجامی 25 ڕوداوی هاتوچۆدا 47 كەس بونەتەقوربانی.

 

بەڕێوبەرایەتی هاتوچۆی پارێزگای سلێمانی كۆی گشتی ئاماری ڕووداوەكانی هەفتەی ڕابردوو لەهاتوچۆی سلێمانی، ئیدارەی گەرمیان ‌و دەڤەری ڕاپەڕین‌ و دوكان ‌و چەمچەماڵ ‌و دەربەندیخان بڵاوكردەوەو ئەوەی خستەڕوو: لەو ماوەیەدا 25 ڕوداوی هاتوچۆ ڕویانداوەو بەهۆیەوە 45 كەس برینداربوون و دوو كەسیش گیانیان لەدەستداوە.

 

سەرچاوە كانی پۆلیس لە عێراق بڵاویان كردوەتەوە دوێنێ شەممە بەهۆی تەقەی هێزە ئەمنیەكانەوە پێنج خۆپیشاندەری دیكە كوژراون .
سەرچاوە كان باسیان لەوە كردوە خۆپیشاندەران ویستویانە بچنە ناوچەی سەوزەوە بەلام هێزە ئەمنیەكان رێگریان لێ كردون روبەرویان بونەتەوە بەو هۆیەشەوە پێنج خۆپیشاندەری دیكە كوژراون .

جێگەی ئاماژەیە لە سەرەتای مانكە ئۆكتۆبەرەوە هاوڵاتیانی عێرا بەمەبەستی ئەنجامدانی چاكسازی و هەلچوەشاندنەوەی حكومەت رژاونەتەسەر شەقام و تائێستاش زیاتر280 كەس كوژراون نزیكەی چوار هەزاركەسیش برینداربون.

چینییەكان بۆ یەكەم جار دەركیان بە سوودەكانی چای سەوز كردووە، نهێنی لەپاڵ سوودەكانی چای سەوز ئەو مادە دژە ئۆكسانانەن كە تەندروستی دەپارێزن.

چای سەوز رێژەیەكی بەرزی لە مادە پۆلیفینۆلەكان تێدایە بە ناوی (EGCG) كە گەشەی خانە شێرپەنجەییەكان رادەگرێت و لەناویان دەبات بێ ئەوەی كە زیان بە خانە دروستەكان بگەیەنێت، هەروەها یارمەتی دابەزاندنی كۆلیسترۆلی خراپ (LDL) دەدات كە بەرپرسە لە تووشبوون بە نەخۆشی دڵ و جەڵتەی مێشك.

هەروەها خواردنەوەی چای سەوز یارمەتی كۆنترۆلكردنی شەكری خوێن و پەستانی بەرزی خوێن دەدات لە تووشبووان بەم نەخۆشییانە، لە هەمان كاتیشدا لەوانەیە كە مرۆڤ بپارێزێت لە تووشبوون بە نەخۆشی شەكرەو بەرزبوونەوەی پەستانی خوێن.

پێكهاتەكانی ناو چای سەوز دژی ڤایرۆس و بەكتریا كاریگەرییان هەیە بەتایبەتی ڤایرۆسەكانی هەڵامەت و سكچوون، پاشان ئێسكەكان دەپارێزن لە پووكانەوەو لاوازبوون.

مادە كاتێچینەكان كە پێكهێنەری سەرەكی چای سەوزن، سوودیان هەیە بۆ خۆپاراستن لە بۆنی ناخۆشی دەم، ئەمە جگە لە پێكهاتەكانی تری چای سەوز وەكو جۆرەكانی ڤیتامین B كە گرنگن بۆ كرداری زیندەپاڵی (میتابۆلیزمی) كاربۆهیدراتەكان، هەروەها ڤیتامین C كە شەكەتی سووك دەكات، فلاڤۆنۆیدەكان Flavonoids كە مادەی دژە ئۆكسانن یارمەتی پتەوی دیواری خوێنبەرەكان دەدەن.

بەم هەموو پێكهاتووە گرنگانەی چای سەوزو سەرەڕای ئەو هەموو سوودە تەندروستییانەی كە لە سەرەوەدا باسكران، لەوانەیە كە چای سەوز نیشانەكانی هەوكردنی قۆڵۆن و گرژبوونی قۆڵۆن كەم بكاتەوە.

هەروەها چای سەوز، جگەر لە مادە ژەهراوی و مادە زیانبەخشەكانی وەكو كهول دەپارێزێت، جگە لەمانە هەمووی، چای سەوز هێشتا سوودی تەندروستی تری هەیە وەكو: سووككردنی نیشانەكانی هەوكردنی رۆماتیزمی جومگەكان، بەهێزكردنی سیستەمی بەرگری لەش دژ بە هەوكردنەكان، خۆپاراستن لە تووشبوون بە گەلێك جۆری شێرپەنجە.


مەلەبندی دهۆكی یەكگرتووی ئیسلامی بەبۆنەی یادی لەدایكبونی پێغەمبەرەوەسەلامی خوای لەسەر بیت هەڵمەتی:ی خوین بەخشینی راگەیاندو لە هەڵمەتەكەشدا دووپەرلەمانتاری یەكگرتوو بەشداربوون.

دوێنی شەممە لە شاری دهۆك هەردوو پەرلەمانتارای فراكسیۆنی یەكگرتوو د.ئیسماعیل سگێری و مامۆستا هلز ئەحمەد بەبۆنەی یادی مەولودی پێغەمبەرسەلامی خوای لەسەر بێت بەشداریان لە هەڵمەتی خوێن بەخشین كرد.

 


كوردیوـ سلێمانی


بڕیارە ئەمرۆ یەك شەممە ئاهەنگی یادی لە دایك بوونی پێغەمبەر دوردی خوای لەسەر بێت لە شاری سلێمانی بەڕێوەبچێت و هەموانیش دەتوانن بەشداربن.


مەڵبەندی یەكی یەكگرتووی ئیسلامی كوردستان لە سلێمانی بڵاویكردەوە، ئەمڕۆ یەك شەممە 10-11-2019، بەبۆنەی یادی لەدایك بوونی سەروەری مرۆڤایەتی محەمەد درودی خودای لەسەر بێت كەرنەڤاڵێكی جەماوەری سازدەكرێت و هاتن بۆ هەمووانە.


بڕیارە كەرنەڤاڵە جەماوەرییەكەی شاری سلێمانی كاتژمێر دووی پاشنیوەڕۆ لەهۆڵی تەلاری هونەر بەڕێوەبچێت.

جێگەی ئاماژەیە دوێنێ شەممە بەبۆنەی یادی لە دایكبونی پێغەمبەری پێشەواوە لە شارو شارۆچكەكانی هەرێم ئاهەنگی جەماوەری بەرێوەچوو هاوڵاتیانیش بە دڵخۆشیەوە بەشداری ئەو ئاهەنگانەیان كرد.

 


كوردیوـ سلێمانی


وابریارە ئەمرۆ یەك شەممە 10/11/2019 موچەی مانگی هەشتی یەكەكانی 70و 80ی پێشمەرگە دابەش بكرێت.

 

دوای ئەوەی لە رۆژی پێنج شەممەی رابردوە وەزارەتی دارایی دەستی بە دابەشكردنی موچەی مانگی هەشتی فەرمانبەرانو موچە خۆرانی هەرێم كردو هەمان رۆژیش موچەی وەزارەتی پێشمەرگەو لیواكان دابەش كرا بریارە ئەمرۆش ئەمڕۆ موچەی یەكەكانی 70و 80 پێشمەرگە دابەش بكرێت.


هەربەپیی ئەو خشتەیەش كە وێنەیەكی دەست كوردیو كەوتوە و وەزارەتی داراییو ئابوری حكومەتی هەریم رایگەیاندوە بریاریشە سبەینێ موچەی وەزارەتی پەروەردەی حكومەتی هەریم دابەش بكرێت.


ئەمە لەكاتێكدایە موچەی مانگی هەشت بەهۆی ئەوەی وەزارەتی سامانە سروشتیەكان درەنگ پارەی خستە سەر ئەژمێری بانكی وەزارەتی دارایی بۆماوەی 5 رۆژێكدابەشكردنی موچە دوا كەوت.

 

 

لە میانی یارییەکانی هەفتەی سیانزەیەمی خولی فەرەنسا یانەی پاریس سانجێرمان لەدەرەوەی یاریگای خۆی بوە میوانی یانەی ستاد بریست.

یانەی پاریس سانجێرمان بە دوو گۆڵ بەرامبەر بە گۆڵێک سەرکەوتنی بەسەر ستاد بریست بەدەستهێنا.

دووگۆڵەکەی پاریس هەردوو یاریزانی ئەرجەنتینی ئەنخێل دی ماریا و ماورۆ ئیکاردی تۆماریانکرد.

 

 

لەمیانی یارییەکانی هەفتەی دوانزەیەمی خولی ئینگلتەرا یانەی چێلسی لەناو یاریگای خۆی میوانداری یانەی کریستاڵ پاڵاسی کرد.

یانەی چێلسی بە ئەنجامی دوو گۆڵی بێ بەرامبەر سەرکەوتنی بەسەر کریستاڵ پاڵاس بەدەستهێنا.

دوو گۆڵەکەی چێڵسی تامی ئەبراهام و کریستیان پۆلیسیچ لەخولەکەکانی 52 و 79 تۆماریانکرد

 

 

فیدراسیۆنی ڕێكخراوەكانی كۆمەڵی مەدەنی ڕایگەیاند، سەبارەت بە دۆخی دەستەڵاتی دادوەری و سزادانی دادوەران و ئەندامانی داواكاری گشتی گردبونەوەیەكی ناڕەزایی ئەنجام دەدرێت.

فیدراسیۆنی ڕێكخراوەكانی كۆمەڵی مەدەنی ڕایگەیاند فیدراسیۆنەكەنمان سبەی یەك شەممە ١٠-١١-٢٠١٩ كاتژمێر ١٢ لەبەردەم دادگای سلێمانی، گردبوونەوەیەكی ناڕەزایی ساز دەكات.

لە ڕاگەیەندراوەکەدا هاتووە، دۆخی دەستەڵاتی دادوەری و سزادانی دادوەران و ئەندامانی داواكاری گشتی ئامانجی گردبوونەوەكەیە، بۆیە داواكارین لە هەمووان بۆ پشتیوانی لەسەربەخۆیی دەستەڵاتی دادوەری لەگەڵمان بەشداربن.

پەڕەى 12 لەکۆى 5460 پەڕەدا