بەڕێوەبەرایەتی ئاسایشی شارەزوور ڕایدەگەیەنێت: دوو تۆمەتبار كەپێشتر دەستگیركرابوون لەلایەن دادكای سلێمانیەوە سزادران.

 

بەڕێوەبەرایەتی ئاسایشی شارەزوور لە ڕاگەیەندراوێكدا كەوێنەیەكی دەست كوردیو كەوتوە، ڕایگەیاند: لە ماوەی ڕابردوودا بە بڕیاری دادوەری لێكۆلینەوەی ئاسایشی شارەزوور ، دوو تۆمەتباریان بەناوەكانی ( ڕ . ج .م)و (ش.م.ص) دەستگیر كرد ، بە پێی مادەی (14)چواردەی هۆبەشر.

 

ئەوەشی خستەڕوو: دواتر دوای لێكۆلینەوە دۆسییەی هەردوو تۆمەتبار ڕەوانەی دادگا كرا و بۆ ئەومەبەستەش لە بەرواری (13/10/2019) دادگای تاوانەكانی سلێمانی/2 سزای هەردوو تۆمەتبارەكەی دا هەریەكەیان بە هەشت مانگ زیندانیكردن و سزادانی بەبڕی (450000)چوارسەد و پەنجاهەزار دیناری عێراقی .

 

ئەندامێكی پێشوی ئەنجومەنی نوێنەرانی عێراق نهێیەك ئاشكرا دەكات و ڕایدەگەیەنێت: سوریا بۆ سێ پارچە دابەشكراوەو دابەشكردنەكەشی ڕێككەوتنی نێوان ئەمریكاو توركیا و ڕوسیا بووە.

 

حاكم شێخ لەتیف ئەندامی پێشوی ئەنجومەنی نوێنەرانی عێراق لەلاپەڕەی خۆی لەتۆڕی كۆمەڵایەتی فەیسبوك نوسیویەتی: ئەو ھەواڵە پشت ڕاست دەكاتەوە كە پێش ماوەیەك بڵاو بۆوە ،ناوەڕۆكەكەی ئەوە بوو ڕێككەوتنی نھێنی لە نێوان ترەمپ و پۆتین و ئەردۆگان كراوە كە باكوری سوریا دابەش بكەن بە سێ بەشەوە بەشێكی لە ژێر دەستی توركیادا بێت بەشێكی لەژێر دەستی ڕوسیاو سوریادا بێت بەشەكەی تریشی لەژێر دەستی كوردا بێت.

 

ئەوەشی خستەڕوو: سەرۆك كۆماری توركیا دەیەوێ دوای ئەوەی ١٢٠ كیلۆمەتری نێوان گرێسپی و سەری كانی بۆ چوە سەر پەل باوێ تا سنوری عێراق،ئەوەشیان نەشاردۆتەوە ،ئەردۆگان وتی وەك قۆناغی یەكەم دەچینە ئەو ناوچەیەی نێوان گرێسپی و سەریكانی .

ئاماژەی بەوەشكرد: زۆر گرنگە ئیدارەی خۆسەر ھەر لە ئێستاوە ڕێككەوتنێكی یەكجاری و باش لەسەر مافەكانی كوردو گەلانی باكورو خۆرھەڵاتی سوریا لەگەڵ ڕژێمی سوری بە زەمانەتی ڕوسیا ئیمزا بكات و ڕێگا لە چاچنۆكی و فراوانخوازی ئەردۆگان بگرێت.

دوو شەممە, 14 تشرینی یەکەم 2019 12:23

هێرشێك هیچ پاساوێك هەڵناگریت

نووسراوە لەلایەن:

هیرشی سەربازی توركیا بۆكوردستانی رۆژ ئاوا-باكوری سوریا- لەدیدی ئاسایشی نەتەوەیی توركیاوه هـیچ پاساویكی سەربازی مەقبولی نیه، چونكه هیچ یەك لەگروپه چەكدارەكانی هیزە كوردیەكان تەنانەت هیزه چەكدارەكانی وەك داعش و نوسره...هتد، لەهیچ خالیكی سنوریی نیوان ولاتی سوریا و توركیاوه پەلاماری خاك و ولات و سوپای توركیایان نەداوه، تا ناچاری كاردانەوەی هیرشی سەربازی و دروستكردكردنی پشتینەی ئەمنی بیت؟؟

كەواته ئەم پەلاماره سەربازیه و دروستكردنی ناوچەی ئارامه بەسادەیی تەنها بۆ دژایەتی گەلی كورد و پەلاماردانیەتی لەسەرمال و خاكی خۆی، ئاماژەیەكی روونی پاساو هەلنەگری دژایەتی هەبوونی نەژادی كورد وەك گەلیكی جیاواز و خاوەن خەسلەیی نەتەوەیی و زمان و میژوو وسەزەمینی خۆی، چونكه ئەگەر پەلاماری هیزەكانی ppk لەناوچەكانی كوردستانی باكور لەدیدی حكومەتی توركیاوه پاساوی مەترسی بۆسەر ئاسایشی نەتەوەیی و پاراستنی ئاسایش و ئۆقرەیی هاولاتیان و سەروەریی ولاتی توركیا بیت، ئەوا بۆ كوردستانی رۆژئاوا چ پاساویكی هەیه؟ ئەمنی نەخیر؟ سیاسی نەخیر؟ تیرۆر لەسنوره هاوبەشەكانەوه؟ نەخیر؟ كەواته تەنها پاساو و تەفسیر هەبوونی رقیكی نەتەوەیی رون و رەهایه لەدژی گەلی كورد! ئەم پەلاماره ئاماژەی دوبارەكردنەوەی میژووی تۆرانیەت و رۆحیەتی شۆڤینیەتی نكولگەرایه لەهەبوونی جگه له سەروەریی نەژاد و رەگەزیكی نەتەوەیی لەناوچەكەدا.

سەرباری بەسەرچوونی سەردەمی ئەم هەناسه و رۆحیەته لەكۆمەلگەی سەردمدا، ئەم پەلاماره سەربازەیەی پئچەوانەی دانپیانەحەماسیەكانی خودی سەرۆكی توركیایه له سالانی رابردودا لەسەر كیشە و میحنەتەكانی گەلی كورد لەبەردەم پەرلەمانی توركیادا،

هاودژی پرەنسیپه ئەخلاقیەكانی سەركردە و حزبیكه خۆی بەپابەند بەئیسلام و برایەتی موسلمانان دەزانئ!! دوبارەی دەكەینەوه ئایا هیچ پاساویتر جگه گیانی شۆڤینیەت و رق لەبوونی نەتەوەیەكی مەزلوم لەسەر خاك و له نەنیومالی خۆیدا شتیكیتر هەیه؟؟ ئیوه دەمرن و ئیمەش دەمرین، بەلام به تۆماری چ كار و رەفتارئكەوه دەچینه حوزوری حەق كاتیك خوینی سەدان بئگوناه و هەزاران مالویرانكراو لەگەردنتادایه؟؟

ئیمه بئخەمین ئەمه و هەزار ئەوەندەیتر لەشكركیشی بۆقران وكوشتار !!گەلی كورد لەبوون ومانەوه ناسریتەوه، بەلام دریژەدان بە رق و كینەی نیوان گەلانی ناوچەكه و ئەستەمكردنی پیكەوه ژیانیان و بەردەوامی نائارامی لەئەستۆی ئەوانەدایه ئاوی ئەم درەختی ئەهریمەنه دەدەن.

فەرماندەی گشتی هێزەکانی سووریای دیموکرات پێیوایە، ئەگەر وەزارەتی دەرەوەی ئەمریكا پابەندبایە بە بەڵێنەكانی لەبەرامبەر ئێمە، توركیا نەیدەتوانی ئەو ئۆپەراسیۆنە ئەنجامبدات. ئەو دەڵێت، رەنگە ناچار بین ئاراستەمان بەرەو دیمەشق و مۆسكۆ بگۆڕین،

مەزڵووم عەبدی، فەرماندەی گشتی هێزەكانی سووریای دیموكرات لە وتارێکدا بۆ گۆڤاری فۆرن پۆلیسی ئەمریکی کە یەکێکە لە گۆڤارە بەناوبانگەکانی جیهان ئاماژەی بە هێرشی تورکیا، بێ بەڵێنی ئەمریکا و ناچاربوونیان بۆ رێککەوتن لەگەڵ دیمەشق کردووە.

مەزڵووم عەبدی لە وتارەکەیدا نووسیویەتی، ماوەی پێنج ساڵ بەرگریمان لە بەهاكانی دیموكراتی و فرەڕەنگی كرد، بەهیچ شێوەیەك هیچ جەنگاوەرێك تەقەی بە ئاراستەی سنووری توركیا نەكردووە، سەرباز و فەرماندە ئەمریكییەكانیش شایەدن لەسەر توانای جەنگاوەرانمان.

فەرماندەی گشتی هەسەدە بێ بەڵێنی ئەمریکا بە هۆکاری هێرشەکەی تورکیا ناودەبات و دەنووسێت، ئەگەر وەزارەتی دەرەوەی ئەمریكا پابەندبایە بە بەڵێنەكانی لەبەرامبەر ئێمە، توركیا نەیدەتوانی ئەو ئۆپەراسیۆنە ئەنجامبدات، كە ناوەڕۆكەكەی ئەوەیە لە ناوچە سنووریەكان بكشێینەوەو پێگەكانی بەرگریمان وێران بكەین، بەڵام ئەوەی لێرە روویدا ئەوەیە، سینگ رووت بووین لەبەردەم خەنجەری توركی.

 

لەبارەی رێککەوتنیان لەگەڵ حکومەتی سووریا، مەزڵووم عەبدی دەڵێت، كاتێك دوو بژاردەت لەبەردەم بێت لەنێوان كۆمەڵكووژی نەتەوەیی و دەستبەرداربوون لە هەندێك ماف، بەدڵنیاییەوە رزگاركردنی گەل لە كۆمەڵكووژی باشترینە، هەوڵ بۆ سووریایەكی دیموكراتی نوێی بێ كێشە دەدەین، كە پەیوەندی باشی لەگەڵ وڵاتانی جیهان هەبێت، هەر ئەوەش هانیداین هاوپەیمانی لەگەڵ ئەمریكا بكەین، بەڵام پاراستنی گەل هەمیشە لەسەرووی هەموو شتێكەوەیە.

لەبەشێکی نووسینەکەیدا فەرماندەی گشتی هەسەدە باس لە چاوەڕوانییەکانیان لە ئەمریکا دەکات و دەڵێت: "ئیمە ئەوە دەزانین ئەمریكا پۆلیسی جیهان نییە، بەڵام ئەوەی پێویستمان پێیبوو و هەمووشمان دەزانین ئەمریكا توانای هەیە، بوونی ئەمریكا گرێنتی بوو بۆ چارەسەری سیاسی، ئێمە دەزانین ئەو هێز و هەژموونەی هەیەتی توانای دەستپێكردنی دیالۆگی سیاسی هەیە بۆ گەییشتن بە چارەسەرێكی هەمیشەیی لە نێوان ئێمە و توركیا".

ئەو هەروەها دەڵێت، لەژێر سێبەری مەترسی ئەو كۆمەڵكووژیەی رووبەڕووی گەلەكەمان دەبێتەوە بەهۆی هێرشی توركی، پێدەچێت رووسیا و رژێم بیرۆكە و پێشنیاریان هەبێت بۆ رزگاركردنی گیانی ملیۆنان كەس لە گەلەكەمان، بۆیە رەنگە ناچار بین ئاراستەمان بەرەو دیمەشق و مۆسكۆ بگۆڕین.

دەقی نووسراوەکەی مەزڵووم عەبدی، فەرماندەی گشتی هێزەكانی سووریای دیموكرات

لە دەریای پشێوی و شەڕی ناوخۆ لە سووریا، جیهان ناوی هێزەكانی ئێمەی بیست، ئەو كات من وەكو فەرماندەی گشتی هێزەكان كارم دەكرد، ئەوان 60 هەزار جەنگاوەری سووری راستەقینە بوون، كاری زۆرمان كرد بۆ ئەوەی نەخزێینە نێو تووندوتیژی و رەگەزپەرستی، ماوەی پێنج ساڵ بەرگریمان لە بەهاكانی دیموكراتی و فرەڕەنگی كرد، بەهیچ شێوەیەك هیچ جەنگاوەرێك تەقەی بە ئاراستەی سنووری توركیا نەكردووە، سەرباز و فەرماندە ئەمریكییەكانیش شایەدن لەسەر توانای جەنگاوەرانمان.

چەندینجار بە هێزەكانمانم راگەیاندووە، پێش هەموو لایەنێك ئێوە پەیوەستن بە شەڕی دژی داعشی تیرۆریست، چونكە ئەوان خاكی ئێمە داگیر دەكەن، گوند و شارەكانمان تاڵان دەكەن، خوێنمان حەڵاڵ دەكەن و ژنەكانمان دەكەنە كەنیزەك، ئەو تیرۆریستانە لە زۆربەی ناوچەكانی سەر زەوی هاتوون، هەمیشە جەختمان دەكردەوە سەربازانی سوپای ئەمریكی و هێزە هاوپەیمانەكان هاوبەشی ئێمەن لەو شەڕە، بەڵام لەهەمانكاتدا میوانی خۆشەویستن لە وڵاتەكەمان، لەبەر ئەوە دەبێ زۆر هۆشیاربین بۆ دوورخستنەوەی سەربازانی سوپای ئەمریكی و هاوپەیمانانی لە رووبەڕووبوونەوەی هەر مەترسییەك، ئاشكراشە لە پێناو رزگاركردنی مرۆڤایەتی لەو مەترسییە 11 هەزار جەنگاوەر و فەرماندەمان كوژراون.

لەگەرمەی شەڕی نەتەوەیی و رەگەزی كە تەڕ و وشك پێكەوە دەسووتێنێ لە وڵاتەكەمان لە سووریا، بەهای ئەخلاقی و سیاسی خۆمان لەدەست نەداوە و كارمان لەسەر بونیادنانی هێزێكی رووخێنەری هاوشێوەی رێكخراوەكانی (non-state Actor) نەكردووە، رێكخراوی قاعیدەمان رووخاند هەروەها داعشیشمان لەناوبرد، كارمان لەسەر پێكهێنانی حكومەتێكی ناوخۆیی فرەڕەنگ كردووە، هاوكاریمان كردووە لە بونیادنانەوەی دامەزراوە خزمەتگوزارییە ناوخۆییەكان بە هاوبەشی كورد، عەرەب و سریان، چەمكی ناسنامەی سووریای دیموكراتمان وەكو چوارچێوەیەك بۆ كۆكردنەوەی سەرجەم پێكهاتەكانی سووریا خستووەتەڕوو، ئەوە چەمكی ئێمە بووە بۆ سیاسەت و چارەسەری سیاسی.

چەند رۆژێكە ئەو هێزانەی سەركردایەتییان دەكەم، شەكەتن له بەرگریكردن لە سێیەكی خاكی سووریا، لەبەردەم هێرشی توركی پاڵپشت بە گرووپە جیهادیەكان، ئەو رووبەرە كە شوێنی پارێزراوی ئەو نەتەوانە بووە كە لە دوو سەدەی رابردوو رووبەڕووی كۆمەڵكوژی توركی بوونەتەوە لە كورد و سریان و ئاشووری و ئەرمەن، هەروەها ئێمە ئەو وڵاتە لەمەترسی میلیشیاكانی نزیك لە ئێران دەپارێزین، لەكاتێكدا زیاتر لە 12 هەزار تیرۆریستی رێكخراوی داعشی لەخۆگرتووە كە لە ماوەی چەندین قۆناخی شەڕ دەستگیركراون، ئەگەر وەزارەتی دەرەوەی ئەمریكا پابەندبایە بە بەڵێنەكانی لەبەرامبەر ئێمە، توركیا نەیدەتوانی ئەو ئۆپەراسیۆنە ئەنجامبدات، كە ناوەڕۆكەكەی ئەوەیە لە ناوچە سنووریەكان بكشێینەوەو پێگەكانی بەرگریمان وێران بكەین، بەڵام ئەوەی لێرە روویدا ئەوەیە سینگ رووت بووین لەبەردەم خەنجەری توركی.

كاتێك جیهان سستی نوواند لە پێشكەشكردنی هاوكاری، ئەمریكا دەستی هاوكاری بۆ درێژكردین، ئەوەش جێگای رێز و ستایشی ئێمەیە، چەند ساڵێك تێپەڕین سەرۆك ترامپ باس لە گەڕانەوەی سەربازانی بۆ وڵات دەكات، ئێمە لەوە تێدەگەین، هەموو مرۆڤێك دەخوازێت بگەڕێتەوە ماڵەوە، كوڕ بۆ باوەشی باوانی، باوك تامەزرۆی بینینی منداڵەكانیەتی، دڵدار تامەزرۆی خۆشەویستەكەیەتی، دەمەوێ بڵێم ئەوەی ئێمە لێرە پێویستمان بوو، ئەوەنەبوو سەربازی ئەمریكی لەگەڵمان بجەنگێ، ئیمە ئەوە دەزانین ئەمریكا پۆلیسی جیهان نییە، بەڵام ئەوەی پێویستمان پێیبوو و هەمووشمان دەزانین ئەمریكا توانای هەیە، بوونی ئەمریكا گرێنتی بوو بۆ چارەسەری سیاسی، ئێمە دەزانین ئەو هێز و هەژموونەی هەیەتی توانای دەستپێكردنی دیالۆگی سیاسی هەیە بۆ گەییشتن بە چارەسەرێكی هەمیشەیی لەنێوان ئێمە و توركیا.

بڕوامان بە دیموكراتیەت هەیە وەكو چەمك، هەروەها ئێمەش كراوەین بۆ بە بنەماكردنی هەر پڕۆژەیەكی دیموكراتی، بەڵام ئێمە كاتێك رووبەڕووی ئەو هێرشە و مەترسی كۆمەڵكووژی دەبینەوە بژاردەكانمان تاوتوێ دەكەین، رەنگە ناچاربین چاو بە هاوپەیمانییەتییەكانماندا بخشێنینەوە، چونكە مەترسی داعش هێشتا ماوە، هەروەها زیندانییەکانیان و كەمپەكانیشیان بریتین لە بۆمبێكی تەوقیتکراو و نازانین كەی بە ئێمە و جیهاندا دەتەقێتەوە.

لەژێر سێبەری مەترسی ئەو كۆمەڵكوژییەی رووبەڕووی گەلەكەمان دەبێتەوە بەهۆی هێرشی توركی، پێدەچێت رووسیا و رژێم بیرۆكە و پێشنیازیان هەبێت بۆ رزگاركردنی گیانی ملیۆنان كەس لە گەلەكەمان، بۆیە رەنگە ناچاربین ئاراستەمان بەرەو دیمەشق و مۆسكۆ بگۆڕین، ئەگەریش هەیە دەستبەرداری هەندێك لە مافەكانمان بین، بەڵام كاتێك دوو بژاردەت لەبەردەم بێت لەنێوان كۆمەڵكووژی نەتەوەیی و دەستبەرداربوون لە هەندێك ماف، بەدڵنیاییەوە رزگاركردنی گەل لە كۆمەڵكووژی باشترینە، هەوڵ بۆ سووریایەكی دیموكراتی نوێی بێ كێشە دەدەین، كە پەیوەندی باشی لەگەڵ وڵاتانی جیهان هەبێت، هەر ئەوەش هانیداین هاوپەیمانی لەگەڵ ئەمریكا بكەین، بەڵام پاراستنی گەل هەمیشە لەسەرووی هەموو شتێكەوەیە.

ئێستا سووریا چەند رێگەیەكی لەپێشە، شەڕی خوێناوی نەتەوەیی نوێ، یان داهاتوویەكی پارێزراو و چارەسەری سیاسی ، ئەمەش لەسەر بڕیاری ئەمریكی رادەوەستێ، كشانەوەی بێ چارەسەر دەبێتە هۆی شەڕ و كوشتن و وێرانكاری زیاتر، بەڵام مانەوەی بە گرێنتی دەبێتە هۆی چارەسەری سیاسی، بڕوامان بە سووریایەكی نوێی دیموكراتی هاندەری بنەڕەتی بوو كە وایكرد هاوپەیمانی لەگەڵ ئەمریكا بكەین، بەڵام ئێستا ئێمە بێ ئومێد بووین، بەهۆی ئەو هێرشە دڕاندنەی گەلەكەمان رووبەڕووی دەبێتەوە، هەر ئەوەش كاری لە پێشينەمان دیاریدەكات بۆ بەرگریكردن پێش بیركردنەوە لەهەر شتێك.

مەزڵووم عەبدی

فەرماندەی گشتی هێزەكانی سووریای دیموكرات

 

ئەمڕۆ دووشەممە، وەزیرانی وڵاتان لە یەكێتیی ئەورووپا لەبارەی رەوش و بارودۆخی عێراق و سووریا و لەشكركێشیەكانی توركیا بۆ ڕۆژئاوای كوردستان، كۆببنەوە.



بڕیارە كاتژمێر سێی پاش نیوەڕۆی ئەمڕۆ دووشەممە بەكاتی هەولێر، وەزیرانی دەرەوەی وڵاتانی ئەندام لە یەكێتیی ئەورووپا كۆبوونەوەیەك ساز دەكەن و تێیدا باسی بارودۆخی عێراق و سووریا و لەشكركێشیەكانی توركیا بۆسەر ڕۆژئاوای كوردستان بكەن.

 


جێگەی ئاماژەبۆكردنە ڕۆژی چوارشەممە 9-10-2019، توركیا هێرشی كردە سەر ڕ‌وژئاوای كوردستان و هێرشەكەش كاردانەوەی جیهانی لێكەوتەوە.

چەند تەقینەوەیەک لە بنکەیەکی حەشدی شەعبی لە باشووری رۆژهەڵاتی بەغدا روویاندا.

بەگوێرەی چەند سەرچاوەیەك، شەوی رابردوو چەند تەقینەوەیەک لە بنکەیەکی سەربازی حەشدی شەعبی لە ناوچەی مەدائن لە باشووری رۆژهەڵاتی بەغدا روویانداوە.

ئاماژە بەوەشكراوە، بنکەکە شوێنی عەمبارکردنی چەک و تەقەمەنی چەکدارانی حەشدی شەعبی بووە. بەبێ ئەوەی وەزارەتی بەرگری و دەستەی حەشدی شەعبی هیچ روونکردنەوەیەک لەبارەی تەقینەوەکان بدات.

له‌گه‌ڵ راگه‌یاندنه‌كه‌ی به‌ڕێوه‌به‌رایه‌تی خۆسه‌ر له‌ باكوور و باكووری رۆژهه‌ڵاتی سووریا، له‌گه‌ڵ حكوومه‌تی سووریا بۆ بڵاوكردنه‌وه‌ی سوپا له‌ سنووری سووریا و توركیا، چه‌ندین راپۆرتی رۆژنامه‌وانی له‌ پێگه‌ هه‌واڵییه‌كانه‌وه‌ له‌باره‌ی ناوه‌ڕۆكی رێككه‌وتنه‌كه‌وه‌ بڵاوكرانه‌وه‌.

به‌گوێره‌ی راپۆرتێكی پێگه‌ی ئه‌لیكترۆنی روسیا الیوم، هه‌ندێك له‌ راپۆرته‌ رۆژنامه‌وانییه‌كان ته‌ئكیدیان له‌سه‌ر چه‌ند خاڵێكی ناو رێككه‌وتنه‌كه‌ كردووه‌ته‌وه‌ و ده‌ڵێن: "دیارترین خاڵی رێككه‌وتنه‌كه‌ نه‌مانی ناوی (هێزه‌كانی سووریای دیموكراتی) و ناونانیانه‌ به‌ "فه‌یله‌قی پێنجه‌می سووریا" له‌گه‌ڵ ئه‌وه‌شدا په‌یكه‌ر به‌ندی هێزه‌كه‌ و فه‌رمانده‌ كورد و عه‌ره‌به‌كانی وه‌ك خۆیان ده‌مێننه‌وه‌".

له‌لایه‌كی دیكه‌وه‌ ئاماژه‌ به‌وه‌ كراوه‌، به‌گوێره‌ی رێككه‌وتنه‌كه‌، ده‌سته‌به‌ری مافی كورد له‌ ده‌ستووری نوێی سووریا ده‌كرێت و خۆبه‌ڕێوه‌به‌رییه‌كی گونجاو جێگای ده‌كرێته‌وه‌ و كار بۆ ده‌ركردنی هێزه‌كانی توركیا له‌ عه‌فرین و سه‌رجه‌م ناوچه‌كانی سووریا ده‌كه‌ن.

به‌ڵام به‌رپرسێكی باڵای كورد له‌ رۆژئاوای كوردستان، ده‌ڵێت: "لێكتێگه‌یشتنه‌كه‌ ته‌نها سه‌ربازییه‌ و گرتنه‌به‌ری رێوشوێنی خێرایه‌ به‌رامبه‌ر هێرشه‌كانی توركیا و میلیشیا هاوپه‌یمانه‌كانی بۆ سه‌ر باكوور و باكووری رۆژهه‌ڵاتی سووریا".

ئاڵدار خه‌لیل، به‌رپرسی ناوه‌ندی په‌یوه‌ندییه‌ دیپلۆماسییه‌كانی بزووتنه‌وه‌ی كۆمه‌ڵگای دیموكراتی له‌ باكووری سووریا (ته‌ڤده‌م) له‌ تویته‌ره‌وه‌ نوسیوویه‌تی: "ئه‌و یاداشتی لێكتێگه‌یشتنه‌ی نێوان هه‌سه‌ده‌ و سوپای سووریا و رووسیا، هه‌نگاوێكی خۆپارێزییه‌ بۆ پارستنی سنووره‌كانی سووریا، به‌ڕێوه‌به‌رایه‌تی خۆسه‌ر له‌ پرۆژه‌ی خۆیدا دژی هه‌نگاوی له‌و جۆره‌ نییه‌ و ئه‌وه‌ به‌ ئه‌ركی حكوومه‌تی سووریا ده‌زانێت سنووره‌كان بپارێزێت".

به‌رپرسه‌كه‌ی ته‌ڤده‌م ده‌ڵێت: "لێكتێگه‌یشتنه‌كه‌ ته‌نها سه‌ربازییه‌ و پرسی به‌ڕێوه‌به‌رایه‌تی خۆسه‌ری و شار و شارۆچكه‌كانی دیكه‌ی تێدا نییه‌، گرتنه‌به‌ری رێوشوێنی خێرا بووه‌ به‌رامبه‌ر هیرشه‌كانی توركیا و هاوپه‌یمانه‌كانی بۆ سه‌ر ناوچه‌كه‌".

ئاڵدار خه‌لیل ده‌ڵێت: "گه‌له‌كه‌مان له‌ باكوور و باكووری رۆژهه‌ڵاتی سووریا له‌ هیچ قۆناغێكدا داوای جیابوونه‌وه‌یان نه‌كردووه‌ له‌ سووریا، به‌پێچه‌وانه‌وه‌ سه‌لماندمان ئه‌وه‌ی پێویست بووه‌ له‌ پێناو یه‌كێتی خاك و كۆمه‌ڵگای سووریا كردوومانه‌".

رۆژی یه‌كشه‌ممه‌ 13/10/2019 به‌ڕێوه‌به‌رایه‌تی خۆسه‌ر رایگه‌یاند: "له‌گه‌ڵ حكوومه‌تی سووریا رێككه‌وتووین بۆ ئه‌وه‌ی سوپای سووریا بگه‌ڕینه‌وه‌ ناوچه‌ كوردنشیینه‌كان و به‌درێژایی سنووری توركیا بڵاوده‌بنه‌وه‌".

ئه‌و زانیاریانه‌ له‌ كاتێكدایه‌ هێشتا به‌ فه‌رمی ناوه‌ڕۆكی رێككه‌وتنه‌كه‌ له‌لایه‌ن هه‌سه‌ده‌ و سوپای سووریاوه‌ ئاشكرا نه‌كراوه‌

بەڕێوەبەرایەتی پۆلیسی پارێزگای سلێمانی ڕایدەگەیەنێت: مەفرەزەكانی بنكەی پۆلیسی بەختیاری تۆمەتبارێكیان دەستگیركرد بەتۆمەتی ساختەكردنی تابلۆی ئۆتۆمبێل.

 


بەڕێوەبەرایەتی پۆلیسی پارێزگای سلێمانی لە ڕاگەیەندراوێكدا كەوێنەیەكی دەست كوردیو كەوتوە، ڕایگەیاند: دوای ئەوەی پۆلیسی سلێمانی زانیاری پێگەیشت لەبارەی كەسێكەوە كە هەڵدەستێت بەساختەكردنی تابلۆی ئۆتۆمبێل، بنكەی پۆلیسی بەختیاری لێكۆڵینەوەكانی دەستپێكردوو دوای چاودێریكردنێكی ورد توانرا تۆمەتبار (ڕ ، ح ، ن ) بەڕەگەز كورد دەستگیربكرێت و دەستیشبگیرێت بەسەر ئۆتۆمبێلێكی جۆری مارسیدسدا كە هیچ سەرەتایەكی نییەو تۆمەتبار ویستویەتی لەبەرامبەر بڕێك پارەدا تابلۆكەی ساختە بكات.

 

ئەوەشی خستەڕوو: لەئێستادا تۆمەتبار بەفەرمانی بەڕێز دادوەرو بەپێی ماددەی 453 لەیاسای سزادانی عیراقی ڕاگیراوەو لێكۆڵینەوەكان لەگەڵیدا بەردەوامە، ھەروەھا لەبەردەم ئەفسەری لێكۆڵینەوەدا دانی بەتاوانەكەیەدا ناوە.

 

پاش ئەوەی سوپای سوریا لەگەڵ شەرڤانانی كورد رێككەوتنیان كرد بۆ بڵاوبونەوەی سوپای سوریا بەدرێژایی سنور لەگەڵ توركیا،نەخشەی دابەشكردنی دەسەڵاتی سەربازی زەمینە سازی رەخساندوە بۆ هەڵگیرسانی رووبەروبونەوەیەكی سەربازی فرە لایەن.

گەرانەوەی سوپای سوریا بۆ سنوری توركیا بەشێوەیەكی فراوانتر دەرگا واڵادەكات لەبەردەم ئەگەری رووبەروبونەوەی راستەوخۆ لەگەڵ سوپای توركیادا 

پێشتر سوپای سوریا هێزەكانی خۆی لە سنوری عیراق بڵاوكردبوە بە ئاراستەی باكوور بەرەو پارێزگای رەقە و بەشی باشوری دێر زور و ناوچەكانی باشوری حەلەب تا دەگاتە دەریای ناوەراست لە خۆرئاوا.

پاش ئەو رێككەوتنە نوێیە چەند یەكەیەكی سوپای سوریا بەرەو باكوور كەوتنە رێ بەمەبەستی رووبەروبونەوەی داگیركاری توركیا بۆ سەر شارۆچكەكان و ناوچە سنوریەكان و رەقە ، سوپای داگیركەری توركیا چەندین كردەوە رەشەكوژی دەرهەق بە دانیشتوانی خەڵكی سڤیل ئەنجامداوەو پارێزگای حەسەكەی داگیركردوەو ژێر خانی ئەو ناوچانەی وێران كردوە.

لەبەرامبەردا توركیا بڵاویكردەوە سوپای توركیا رووبەروی سوپای سوریا دەبێتەوە ئەگەر بێنە باكووری خۆرهەڵاتی وڵات.

یاسین ئەقتای راۆێژكاری سەرۆكی توركیا رایگەیاند: سوپای سوریا نەیتوانیوە رووبەروی یەكینە كوردەكان ببێتەوە كە ئەو بە رێكخراوێكی تێرۆریستی ناوی بردن كە كاریان بۆ دابەشكردنی خاكی سوریا و بونیات نانی دەوڵەتی سەربەخۆ دەكەن خۆی ئامادەكردوە بۆ شەڕی سوپای توركیا تەئكیدیشی كردوەتەوە ئەگەر سوپای سوریا دەتوانێت شەڕی سوپای توركیا بكات با بفەرموێت.

ئەقتای ئاماژەی بۆ ئەوەشكرد :ئەگەر سوپای سوریا هەوڵی ئەوەبدات رووبەرووی سوپای توركیا بێتەوە لە باكووری خۆرهەڵاتی سوریا ورێگە لەكارەكانی توركیا بگرێت ئەگەری زۆر هەیە شەڕ لەنێوان هەردوولادا هەڵگیرسێت.

سنور بەزاندنی سوپای توركیا 

هێزەكانی توركیا و میلیشیا چەكدارەكانی سەر بە توركیا پاش شەرو ململانییەكی زۆر لە گەڵ شەرڤانە كوردەكاندا توانیویانە شارۆچكەی گرێ سپی لە سنوری سوریا داگیربكەن و توركیا تەئكیدی كردوەتەوە سوپای وڵاتەكەی 35 كم چوەتە ناوخاكی سوریاوە.

لەبەرامبەردا چەند سەرچاوەیەك بڵاویكردوەتەوە یەكینەكانی پاراستنی گەل لە رۆژی پێنجەمی لەشكركێشێكی سوپای توركیادا توانیویانە جارێكی دیكە شاری گرێ سپی كۆنترۆڵ بكەنەوە.

وەزارەتی بەرگری توركیا بڵاویكردوەتەوە هێزەكانی توركیا توانیویانە رێگەی خێرای " ئێم4" داگیربكەن كە شەقامێكی سەرەكییە لە باكووری سوریا بە دووری نزیكەی 30 بۆ 35 كم لەناوخاكی سوریادا.

گۆرینی دیموگرافی ناوچەكە.

توركیا كاردەكات بۆ ئەنجامدانی گۆرانكاری دیموگرافی لە ناوچەكەدا لە رێگەی دوورخستنەوەی كورد لە سنوری سوریا و نیشتەجێكردنی سەدان هەزار عەرەب لە لاینگرانی توركیا لەو شوێنانەدا و ئەنقەرە ئاوارەكان وەكو كارت بەكاربهێنێت بۆ فشار خستنە سەر ئەوروپا بە ئامانجی بەدەستهێنانی دەستكەوتی زیاتری سیاسی و ئابوری.

گەڕانەوەی چەكدارانی داعش

پاش پەرەسەندنی رووداوەكان بەهۆی لەشكركێشی سوپای توركیاوە زیاتر لە 800 چەكداری بیانی داعش لە كەمپی عەین عیسا لە باكووری وڵات هەڵهاتوون كە ئەو رووداوە كۆمەڵگەی نێودەوڵەتی تووشی دڵەراوكێ ونیگەرانی كردوە.

هەڵهاتنی ئەو چەكدارانە پاش هۆشداریەكانی هێزەكانی هەسەدە هات كە بڵاویانكردوە كە ئەوان ژمارەی پاسەوانی پێویستیان لەبەردەستدا نیە بۆ پاسەوانی كردنی ئەو كەمپ و گرتوخانانەی كە چەكدارانی داعشی تێدایە.

ئەو رووداوە بە یەكەمین گورزی توركیا دانانرێت كە رێگەی خۆش كرد بۆ هەڵهاتنی چەكدارانی داعش بەڵكوو لەیەكەم رۆژی لەشكركێشێكی سوپای توركدا بەفرۆكە هێرشی كردە سەر یەكێك لەو گرتوخانانەی كەچەكدارانی داعش و خێزانەكانیان تێدا بەند كرابوو ، كەئەوەش بەهەوڵێكی ئەنقەرە دادەنرێت بۆ رێگە خۆش كردن بۆ جموجۆڵی داعش و دەرچوونیان لە بەندیخانەكان.

پەڕەى 14 لەکۆى 5378 پەڕەدا