بەڕێوبەرایەتی پۆلیسی سلێمانی ڕایدەگەیەنێت: بەهۆی ئەنجامدانی چەند تاوانێكی جۆراوجۆر 14 تۆمەتبار دەستگیركران و لێكۆڵینەوەكانیش بەرداوامن.


بەڕێوبەرایەتی پۆلیسی سلێمانی لە ڕاگەیەندراوێكدا كەوێنەیەكی دەست كوردیو كەوتوە، ڕایگەیاند: تۆمەتبارێك دەستگیركراوە بەپێی ماددەی 406 لەیاسای سزادانی عیراقی كە تۆمەتبار ڕاگیراوە لەسەر دۆسیەی كوشتنی هاوڵاتییەك و هەروەها چوار تۆمەتبار دەستگیركراون بەپێی ماددەی 456 لەیاسای سزادانی عیراقی كە تۆمەتباران هەستاون بەفێڵكردن لەهاوڵاتیان‌و لەو ڕێیەوە پارەیان لەهاوڵاتیان سەندووە.


ئاماژەی بەوەشكرد: چوار تۆمەتباری تر دەستگیركراون بەپێی ماددەی 477 لەیاسای سزادان كە تۆمەتباران هەستاون بەزیان گەیاندن بەموڵك‌و ماڵی گشتی و هەروەها سێ‌ تۆمەتباری تر دەستگیركراون بەپێی ماددەی 2 ی خراپ بەكار هێنانی ئامێرەكانی پەیوەندی و تۆمەتبارێكی تریش دەستگیركراوە بەپێی ماددەی 21ی چەك‌و دەستیشگیراوە بەسەر چەكێكی جۆری كڵاشینكۆفدا.


لە ڕاگەیەندراوەكەدا هاتووە: تۆمەتبارێكی تر دەستگیركراوە بەپێی ماددەی 402 لەیاسای سزادانی عیراقی، ماددەكە هەموو ئەو تاوانانە دەگرێتەوە كە دژی دابونەریتی گشتین و لەدرێژەی هەڵمەتەكانی پۆلیسی سلێمانی‌و دانانی بازگەی‌ كاتی‌، شەوی ڕابردو بنكەی پۆلیسی ڕزگاری دەستیگرت بەسەر 25 ماتۆڕسكیلی بێسەرەتاو 67 پەردەی ئۆتۆمبێل‌و زیاتر لە 15 لەزگەی جامی ڕەش لێكرانەوە.

 

وەزیری پەروەردەی حكومەتی هەرێمی كوردستان ڕایدەگەیەنێت: بۆ ساڵی نوێی خوێندنی 2019-2020 ئەو قوتابییەی گزی دەكات بە كەوتوو دادەندرێت .


وەزارەتی پەروەردەی حكومەتی هەرێمی كوردستان لە نوسراوێكدا كە ئاڕاستەی قوتابیانی كردووە، ڕایگەیاند: بۆ ساڵی نوێی خوێندنی 2019-2020 هەر قوتابییەك گزی (قۆپییە ) بكات یان هەوڵی گزیكردن بدات ، لە خولی یەكەم بێت یان خولی دووەم بە كەوتوو دادەندرێت و بڕیارەكە تەنها قوتابیانی ئامادەیی (زانستی –وێژەیی – پیشەیی ) دەگرێتەوە.


ئەوەشی خستەڕوو: هەژماركردنی قۆتابییەكە بە كەوتوو لەو كاتەدا دەبێت كە چاودێر و بەڕێوەبەڕی هۆڵیش باوەڕیان بەو گزیكردنە هەبێت ئینجا بڕیار لەسەر كەوتنی دەدرێت .

 

ڕێكخراوی مافی مرۆڤی هەنگاو ڕایدەگەیەنێت: تەنها لە ماوەی 10 ڕۆژی ڕابردودا 7 كۆڵبەر كوژاون و یان بریندار بوون كە بەتەقەی ڕاستەوخۆی هێزە چەكدارەكانی ئێران بووە.

 

ڕێكخراوی مافی مرۆڤی هەنگاو لە ڕاگەیەنراوێكدا كە وێنەیەكی دەست كوردیو كەوتووە ڕایگەیاند: كۆڵبەرێكی دیكە لە سنوورەكانی سەردەشت ناوی (مەحیەدین مام خدری) بە تەقەی ڕاستەوخۆی هێزە چەكدارەكانی ئێران برینداربووە ، وە لە ڕێكەوتی 6-9-2019 تا 16-9-2019، 7 كۆڵبەر لە سنورەكانی كوردستان بوونەتە قوربانی كە 6 حاڵەتیان بە تەقەی ڕاستەوخۆی هێزە چەكدارەكانی ئێران بووە.

 

هەروەها وتیشی: كۆڵبەرێكی لاوی خەڵكی پیرانشار بە ناوی (ئیدریس ڕەحیمی) كوڕی محەمەد بە تەقەی ڕاستەوخۆی چەكدارانی جێگیر لە پایگای میلان گیانی لە دەست داو، لەلایەكی دیكەوە دوو كۆڵبەر بە ناوەكانی (محەمەد هادی زادە) خەڵكی شاری قوتوور و (ئازاد نێعمەتی) خەڵكی سەردەشت بە تەقەی هێزە چەكدارەكانی ئێران بریندار كراون.

 

ئاماژەی بەوەشدا: كۆڵبەرێكی دیكەی خەڵكی سەردەشت بە ناوی ”یوسف مستەفاپوور“ بەتەقەی ڕاستەوخۆی چەكدارانی ئێرانی بریندار كرا، ڕۆژی هەینیش، كۆڵبەرێكی خەڵكی پیرانشار بە ناوی (محەمەد ئەحمەدیان) بە تەقەی ڕاستەوخۆی چەكدارانی ئێرانی بریندار و كۆڵبەرێكی خڵكی مەریوانیش بە ناوی (ڕەحمەت نادریان) بە هۆی ڕووداوی هاتووچۆوە بریندار بوون.

 

 

خوان ریكیلمی ئەرجەنتینی و ئەستێرەی پێشووی تانگۆ دوو هیوا بۆ لیۆنێل مێسی هاونیشتیمانی خۆی دەخوازێت".

ریكیلمی لەلێدوانێكیدا وتی : " لیۆنێل مێسی بەرشلۆنەی زۆر خۆشدەوێت ، من بەهیوام لەگەڵ یانەكە بتوانێت چامپیۆنس لیگ بباتەوە و بەنازناوەكە شاد بێت".

وتیشی : " هیوای دووەم بۆ مێسی ئەوەیە رۆژێك لە رۆژان درێسی یانەی بوكا جۆنیۆرز بپۆشێت ، ئەمە شەرەفێكی گەورەیە بۆ مێسی ، هیوادارم رۆژێك لەرۆژان ئەمە رووبدات".

 

دادگای كاسی نێودەوڵەتی سزای سەر نیماری بەرازیلی و ئەستێرەی یانەی پاریس سان جێرمانی راگەیاند".

دادگای كاس رایگەیاند : " سزای نیمار بە سڕكردنی لە سێ یارییەوە بۆ دوو یاری كەمكرایەوە و لە گەڕی سێیەمی چامپیۆنس لیگ دەتوانێت بگەرێتەوە یاریگاكان".

نیمار بەهۆی ئەم سزایەوە ناتوانێت لەیاری بەرامبەر گالاتەسەرای و ریال مەدرید بەشداری بكات ، بەڵام لەیاری بەرامبەر یانەی كلوب بروج دەگەرێتەوە یاریكردن".

 

دوێنێ سێ شەممە هەڵبژاردنی پەرلەمانی ئیسرائیل بەڕێوەچوو،بەپێی ئەنجامە بەراییەكان ژمارەی كورسییەكانی پارتەكەی بنیامین نەتەنیاهوو و هاوپەیمانی شین و سپی میانڕەو یەكسانن.


بەپێی هەواڵێكی رۆژنامەی هائاڕتزی ئیسرائیلی، لەدوای جیاكردنەوەی زیاتر لە 92%ی دەنگەكان، هەدوو پارتی لیكود، پارتی راستڕەو و هاوپەیمانی شین و سپی میانڕەویش یەكی32 كورسی پەرلەمانیان بەدەستهێناوە.


هەروەها ئەنجامەكان بەم جۆرەن:

پارتی لیكود، پارتی راستڕەو 32 كورسی
هاوپەیمانی شین و سپی میانڕەو32 كورسی
لیستی هاوبەشی عەرەبی 12 كورسی
پارتی ئیسرائیل ماڵمانە، پارتی كۆنسەرڤاتیڤی راستڕەو بە سەرۆكایەتیی ئیڤیگدۆر لیبرمان،9 كورسی
پارتی شاس، پارتی ئەوپەڕی راستڕەوی ئیسرائیل 9 كورسی
پارتیی یەكێتی تەوراتی جووەكان، ئەوپەڕی راستڕەو 8 كورسی
یامینای راستڕەو 7 كورسی
پارتی كار، پارتی سۆشیال دیموكرات 6 كورسی
پارتی یەكێتی دیموكرات، پارتی میانڕەو 5 كورسی

 

جێگەی ئاماژەیە هیچكام لە لایەنە سیاسیەكان نەیتوانیوە زۆرینەی كورسیەكانی پەرلەمان بەدەستبهێنێت كە بریتییە لە 61 كورسی.

 

 

بریارە ئەمرۆ یارییەكانی وەرزی نوێی خولی یانە نایابەكانی عێراق دەستپێبكات ، ئەمەش خشتە و كاتی یارییەكانە:

Capture2

 

ئەردەڵان محەمەد

یانەكە جیاواز لەساڵانی رابردوو بەئامانج‌و پلانێكی جیاوازتر بەشداری هەردوو خولی كوردستان‌و عێراق دەكات‌و بۆ بەهێزكردنی پێكهاتەكەشی چەند یاریزانێكی یانەكانی كوردستان‌و عێراق‌و پیشەگەرێكی كۆتدیڤواری هێنایە ریزەكانییەوە.

یانەی نەورۆز خاوەن پلەی دووەمی وەرزی رابردووی خولی نایابی كوردستان ئەمساڵ جگە لەبەشداریكردنی لەخولی كوردستان بەشداری كێبركێكانی خولی پلەیەكی یانەكانی عێراقیش دەكات‌و ئەندامێكی دەستەی كارگێری یانەكەش ئەوە بۆ دواڕۆژ ئاشكرا دەكات كە ئامانجی یانەكە ئەمساڵ سەركەوتنیەتی بۆ خولی نایابی عێراق.

پرسیار عەبدولرەزاق راهێنەری یانەی نەورۆز رایگەیاند:"دوای ئەوەی دەستەی كارگێری بڕیاریدا بەشداری هەردوو خولی كوردستان‌و عێراق بكەین ئێمەش دەستمان كرد بەرێكخستنەوەی تیپەكەمان‌و جگە لەمانەوەی زۆربەی یاریزانانی وەرزی رابردوو تیپەكە بۆندمان لەگەڵ چوار یاریزانی یانەكانی كوردستان‌و عێراق ئیمزا كردووە.

وتیشی: بۆ زیاتر بەهێزكردنی هێڵی ناوەندی تیپەكەمان ئەمڕۆ بۆندمان لەگەڵ پیشەگەری كۆتدیڤوار" براهیما تۆری" ئیمزا كردووە كە ساڵی رابردووو لەخولی عێراق لەیانەی حدود یاری كردووە، هەروەها پێشتریش بۆ چەندین یانەی بەناوبانگی جیهان یاری كردووە.

راشیگەیاند: ئێمە لەبەهێزكردنی پێكهاتەكەمان بەردەوامین‌و بەنیازین دوو تا سێ یاریزانی تر بگوازینەوە پێكهاتەكەمان لەیانەكانی كوردستانەوە.

راهێنەرەكەی یانەی نەورۆز ئاماژەی بەوەشدا: ئامانجی ئەمساڵی یانەكەمان بەدەستهێنانی ئەنجامێكی گەورەیە لەخولی نایابی كوردستان، بەڵام كاری سەرەكیمان بەشداریكردنمانە لەخولی پلەیەكی عێراق‌و سەرخستنی تیپەكەمانە بۆ خولی نایابی عێراق.

 

كایلۆر ناڤاسی كۆستەریكی و ئەستێرەی نوێی یانەی پاریس سان جێرمان بەڵێنێك بە هاندەرانی ریال مەدرید دەدات".

ناڤاس لەیەكەم یاری چامپیۆنس لیگ بە درێسی پاریس سان جێرمان رووبەرووی یانە كۆنەكەی دەبێتەوە ، لەمبارەیەوە دەڵێت : " ئەم یارییە بۆمن تایبەتە ، ئەزمونێكی نوێیە بۆمن".

وتیشی : " بیر و هۆشی من تەنها بردنەوەیە ، بۆیە هەرچەندە بەرامبەر ریال مەدرید یاری دەكەم بەڵام خەونی من بردنەوەیە و هەر لەو پێناوەش دەجەنگم".