چەند راپۆرتە هەواڵێك ئەوەیان ئاشكرا كردووە سەرۆكی یانەی ریال مەدرید رەنگە بۆ رزگاركردنی ڕیال مەدرید لەم دۆخەی ئێستا پشت بە یاریزانێكی پێشووی تیپەكە ببەستێت ئەویش چابی ئەلۆنسۆیە.

رۆژنامەی مۆندۆ دیبۆرتیڤۆ رایگەیاندووە ئەلۆنسۆی یاریزانی پێشووی ناوەراستی ریال مەدرید و لیڤەرپول و بایرن میونخ لە ئێستادا ڕاهێنەری تیپی دووەمی ریال سۆسیدادە ، لەلایەن سەرۆكی ریال مەدرید رێزێكی زۆری هەیەو بیریشی لەوە كردۆتەوە لە قۆناغی داهاتوو پشتی پێ ببەستێت.

راپۆرتەكان ئاماژەیان بۆ ئەوەش كردووە كارگێری ریال مەدرید متمانەی بە تواناكانی زێدان نەماوە بۆ چارەسەر كردنی كێشەكانی تیپەكە پاش ئەوەی دەرفەتی باشی پێدرا بەڵام لە كارەكانی تا ئێستا سەركەوتوو نەبووە.

پێرێز لەلای نزیكەكانی ئەوەشی باس كردووە هەڵەی كردووە رێگەی بە ئەلۆنسۆ داوە مەشقی یانەیەكی تر بداتەوە، ئەو و رائول گۆنزالیس نزیكترینن بۆ شوێن گرتنەوەی زێدان.

 

ڤالڤێردی ڕاهێنەری یانەی بەرشلۆنە ئامادەیی تیپەكەی نیشاندا بۆ یاری بەرامبەر غەرناتە لە خولی یانەكانی ئیسپانیا.

ئەم ڕاهێنەرە لە كۆنگرەی رۆژنامەوانی بەر لە یارییەكە گوتی :" غەرناتە سەرەتای ئەم وەرزەی زۆر باشە، ئاستی بەرز بۆتەوە تیپێكی مەترسیدارە، لە حاڵەتی مت بوون دەرچووە، ئەمساڵ ئەم تیپە ئاستێكی بەرز پێشكەش دەكات و پاڵەپەستۆ دروست دەكات، ئێمەش لە دۆخێكی ئاڵۆزداین و لە دوو یاری لە دەرەوەی یاریگای خۆمان براوە نەبووین، پێویستی ئاستی خۆمان لە دەرەوەی یاریگای خۆمان بەرز بكەینەوە، ئەگەر بمانەوێت ركابەری لەسەر بردنەوەی نازناوەكە بكەین نابێت لە دەرەوەی یاریگای خۆمان ئەنجامەكانمان بەم شێوەیە بێت".

لەكۆتایشدا گوتی :" ئامۆژگاری فاتێ دەكەم پەیوەندی بە ئیسپانیا بكات بۆ یاری نێودەوڵەتی، میسیش لە دۆخێكی باشدایە ئامادەیە بۆ یارییەكەو تیپەكەشمان بەشێوەیەكی گشتی ئامادەیە".

 

بڕیاره‌كه‌ی هه‌رێم بۆ گۆڕانكاری له‌مۆڵه‌ت و ساڵانه‌ی ئۆتۆمبێل، ده‌خرێته‌بواری جێبه‌جێكردنه‌وه‌، به‌ڕێوه‌به‌ری گشتی هاتوچۆی هه‌رێمیش له‌وباره‌یه‌وه‌ زانیاری ده‌خاته‌ڕوو.

لیوا ڕزگار عه‌لی، به‌ڕێوه‌به‌ری گشتی هاتوچۆی هه‌رێم، ڕایگه‌یاندوه‌: تاوه‌كو ئێستا ئه‌و گۆڕانكارییانه‌ی بڕیاره‌ له‌ساڵانه‌و مۆڵه‌تی شۆفێری بكرێت، نه‌گه‌یشتوون به‌ئه‌نجام و نه‌خراونه‌ته‌ بواری جێبه‌جێكردنه‌وه‌، به‌شێكی كاره‌كان جێبه‌جێكراون و به‌شێكی تریشیان ماون".

ناوبراو سه‌باره‌ت به‌گۆڕانكاریه‌كانیش له‌ درێژه‌ی لێدوانه‌كه‌ی بۆ سایتی تۆڕی هه‌واڵی سلێمانی ئاشكرایكرد، "مۆڵه‌ت و ساڵانه‌ ده‌كرێن به‌ئه‌لیكترۆنی و به‌هه‌مانشێوه‌ی عیراق ده‌بێت، به‌جۆرێك له‌جۆره‌كان هاوتا ده‌كرێت له‌گه‌ڵ مۆڵه‌ت و ساڵانه‌ی پارێزگاكانی ناوه‌ڕاست و خوارووی عیراق.

له‌باره‌ی واده‌ی ئه‌نجامدانی گۆڕانكاریه‌كه‌و جێبه‌جێكردنه‌كه‌شی، به‌ڕێوه‌به‌ری گشتی هاتوچۆی هه‌رێم وتی:" تا ئێستا كاره‌كان كۆتاییان نه‌هاتووه‌، له‌ئاینده‌یه‌كی نزیكدا كه‌ كاره‌كان ته‌واوكران، ده‌خرێته‌بواری جێبه‌جێكردنه‌وه‌".

لیمۆ یەكێكە لە میوە مزرەمەنیەكان و دەوڵەمەندە بە چەندین ماددە و ڤیتامینی گرنگ، دوای گوشین و وەرگرتنی ئاوی لیمۆكە چەندین سوودی ھەیە.

بەشێك لە مرۆڤەكان وا راھاتوون كە لیمۆیەكیان بەكارھێنا، دواتر فڕێی بدەن چونكە وا دەزانن سوودی نییە، بەڵام بە پێچەوانەوە چەندین سوودی بۆ مرۆڤ ھەیە، لەو سوودە گرنگانەش.

دەتوانیت بیدەیت لە بنباڵت رێگری دەكات لە ئارەق كردنەوە.

دەبێتە ھۆی سپی كردنەوەی ناوچە ھەستیارەكان.

بیدە لە رووخسارت مەساجی پێ بكە بۆ ماوەیەك، پێستی مردوو لە ناو دەبات.

شەوان بەر لە نووستن بیدە لە ژێر چاوەكانت، رەشی ژێر چاو ناھێڵێت.

دەبێتە ھۆی لابردنی بۆنی ماسی.

پەڵەی جلوبەرگ لادەبات.

بۆ بریسكەداربوونی قاپەكانت بیكەرە ناو غەسالەی قاپشتنەوە.

بیدە لە رەنە و تێكەڵاوی بكە لەگەڵ پەرداخێك ئاودا، بە پەمپێك بیڕژێنە بە ماڵەكەتدا بۆنی ناو ماڵ خۆش دەكات.

 

وەزیری دارایی و ئابووریی حکوومەتی هەرێم بڕیارێکی لەبارەی "گواستنەوەی پۆستەی هەرێم" دەرکرد.

 

بەپێی نووسراوێکی وەزارەتی دارایی، كه‌ واژۆی ئاوات جەناب نوری، وەزیری دارایی بەسەرەوەیە و تێیدا رەزامەندی دراوە لەسەر نوێکردنەوەی گواستنەوەی پۆستەی هەرێمی کوردستان بۆ هەموو وڵاتانی جیهان لە رێگەی کۆمپانیای (الاتجاه العراق) بە هێڵی ئاسمانی (المملکە الاردنیە) بەبڕی 7 هەزار دینار بۆ هەر کیلۆیەک.

لە نووسراوەکەی وەزارەتی دارایی ئەوەش هاتووه‌، ئەم نوێکردنەوەیە بۆ ماوەی یەک مانگ لە 1/9/2019 تا 30/9/2019 درێژ دەکرێتەوە، بەمەرجێک لە دوای کۆتایی هاتنی ئەم رێکەوتە رێکاری تەندەرین ئەنجام بدرێت.


 

 

سەرۆکایەتی ئەنجومەنی وەزیرانی "هەرێم" بەمەبەستی کەمکردنەوەی رۆتین و رێکخستنی ئەو نووسراوانەی لەلایەن وەزارەت و دامودەزگاکانی حکوومەت ئاراستەیان دەکرێت بڕیارێکی دەرکرد.

 

له‌ نووسراوێکی سەرۆکایەتی ئەنجومەنی وەزیراندا هاتووه‌، "بەرەچاوکردنی بارودۆخی دارایی هەرێم و رکخستنی میلاکات و خەرجییەکان، جەخت لە ناوەرۆکی گشتاندنمان ژمارە 4150 لە 6/7/2014ـە دەکەینەوە، پێویستە هەموو لایەک پابەندی ئەوەبن ئەوجۆرە نووسراوانەی ناوەرۆکەکەی ئەم باباتانەی خوارەوە لە خۆ دەگرێت ئاراستەی ئەم سەرۆکایەتییە نەکرێت".

ئاماژه‌ بۆ ئه‌وه‌شكراوه‌، بەپێچەوانەوە نووسراوەکان لە وەرگرتەی ئەونجومەنی وەزیران وەرناگیرێن و بۆتان دەگەڕێندرێتەوە.

 

ناوەرۆکی بابەتەکانیش ئەمانەن:

1- دامەزراندن تا ئەوکاتەی لەچوارچێوەی یاسای بوودجەی ساڵانەدا لەلایەن ئەنجومەنی راژە رێک دەخرێت.

2- گەڕاندنەوەی فەرمانبەران بۆ راژەی سەربازی و شارستانی، تەنها ئەو فەرمانبەرانە نەبێت کە بەهۆی حوکمی دادگا یان دۆسیەیەکی دادوەرییەوە لە راژە دادەبڕێن.

3- گواستنەوەی تەنسیب کردنی فەرمانبەران لە دەرەوەی هەرێم بۆ دامودەزگاکانی هەرێم.

4- گواستنەوەی فەرمانبەران لە یاسای خزمەتی سەربازی بۆسەر یاسای خزمەتی شارستانی و بەپێچەوانەشەوە.

5- درێژکردنەوەی ماوەی خزمەتی ئەو فەرمانبەرانەی تەمەنی یاساییان تەواو کردووە.

6- بەرزکردنەوەی پلەی فەرمانبەران بەدەر لە رێنماییەکان و، بۆ ئەم مەبەستەش پێویستە رەچاوی گشتاندنمان ژمارە 12496 لە 28/11/2013 بکرێت.

7- تەرخانکردن و نوێکردنەوەی رەزامەندی و گواستنەوەی زەوی نیشتەجێکردن.

8- نووسراوەکانی تایبەت بە قەرەبووکردنەوە کە وەزارەت و دامودەزگاکانی هەرێم لێی بەرپرسیارنین.

9- کڕینی ئۆتۆمبێل بۆ بەکارهێنانی تایبەتی.

10- نووسراوەکانی تایبەت بە هاوکاری دارایی بۆ هەر مەبەستێک.

 

لە خولی ئیسپانیا لە كاتژمێر 10:00 یانەی بەرشلۆنە دەبێتە میوانی یانەی غەرناتە، بەرشلۆنە لە جەولەی رابردووی خولەكە ئاستێكی بەرزی پێشكەش كردوو بە پێنج گۆڵ لە ڤالنسیای بردەوەو ئێستا بە كۆكردنەوەی حەفت خاڵ پلەی پێنجەمی ریزبەندی گرتوە.

بەرشلۆنە لەم یارییەدا سوود لە تواناكانی میسی وەردەگرێتەوە پاش ئەوەی لە جەولەكانی تری رابردووی خولەكە بەهۆی پێكانەوە بەشداری نەكردووە، ئەم یاریزانە ئێستا لە پێكان چاك بۆتەوەو بۆ بەشداری كردن لەم یارییەدا بەتەواوی ئامادەیە، پاش ئەوەی لە یاری یەكەمی تیپەكەی لە یانە پاڵەوانەكانی ئەوروپا لە گێمی دووەم بەرامبەر بروسیادۆرتمۆند بەشداری كرد، گەڕانەوەی میسی هێزێكی زیاتر بە یانەی بەرشلۆنە دەبەخشێت، ئەم یانەیە ئەگەر بیەوێت ئەم وەرزە پارێزگاری لە نازناوەكەی بكات نابێت بەهیچ شێوەیەك توشی دۆڕان بێت و هیچ خاڵێكی تر لەدەست بدات، عوسمان دێمبلی و صاموێل ئۆمتیتی بەشداری لە یارییەكە ناكەن.

ئەمەش پێكهاتەی پێشبینیكراوی هەردوو یانەیە:

Capture

سەرلەبەیانی ئەمڕۆ شەممە ٢١/٩/٢٠١٩ ھەڵمەتی (ھەموان خۆشەویستن) بەسەرپەرشتی عەمید (فەرەیدون عومەر) بەرێوەبەری هاتوچۆی سلێمانی ،لەشاری سلێمانی بەڕێوەچوو.


ھەڵمەتەكە پێكھاتبوو لە پێشكەشكردنی گوڵ و بروشەری ھۆشیاری ھاتوچۆ بۆ شۆفێران، لەلایەن ئەفسەران و كارمەندانی ھاتوچۆوە.


ھەڵمەتەكە بە سەرپەرشتی بەڕێوەبەرایەتی ھاتوچۆی پارێزگای سلێمانی و ڕێكخراوی DDO و بە سپۆنسەری تاقیگەی بازیان بەڕێوەچوو.


لەھەمانكاتدا بەسپۆنسەری پەیمانگای بابانی ناحكومی، بروشەری ھۆشیاری ھاتوچۆ بۆ منداڵان دابەشكرا بەسەر خوێندنگاكاندا.

 

لە جەولەی شەشەمی خولی نایابی ئینگلیزی یانەی مانچستەرسیتی دوای دۆرانە چاوەڕوان نەكراوەكەی جەولەی ڕابردوو بەرامبەر نۆرویچ سیتی، كاتژمێر 5:00 ئەمرۆ ئێوارە میوانداری واتفۆرد دەكات.

مان سیتی بەهۆی پێكانی یاریزانانی بەرگری كێشەی لەم هێڵە بۆ دروست بووە بەڵام گواردیۆلا دەتوانێت بەشێوەیەكی كاتی چارەسەری بكات تا دەگاتە گواستنەوەی زستانەی یاریزانان.

ئەم یانەیە كە پاڵەوانی دوو وەرزی رابردووی جامەكەیە تا ئێستا پێنج خاڵی لە پێشبركێی بردنەوەی نازناوەكە لەدەستداوەو بە كۆكردنەوەی 10 خاڵ پلەی دووەمی ریزبەندی گرتوەو بە جیاوازی پێنج خاڵ لەدوای لیڤەرپولی پێشەنگ دێت، بۆیە ناكرێت ئەم تیپە هیچ خاڵی تر لەدەست بدات ئەگەر نیازی بردنەوەی نازناوی ئەم وەرزەی هەبێت.

هەرچی یانەی واتفۆردە پلەی كۆتایی ریزبەندی یانەكانی گرتوە بە كۆكردنەوەی تەنها دوو خاڵ، لەدواین جەولەش توانی خاڵێكی گرنگ لە یانەی ئەرسناڵ وەربگرێت، ئامانجیشی ئەوەیە خاڵێكیش لە یانەی مانچستەرسیتی وەربگرێت بۆ ئەمەش ڕیزەكانی خۆی رێكخستۆتەوە.

پەڕەى 3 لەکۆى 5280 پەڕەدا