سەرۆكی فراكسیۆنی یەكگرتوو رایدەگەیەنیت سیاسەتی ھەڵەی ئابووری سەربەخۆی ھەرێمی كوردستان رێگری كرد لە ھاتنی زیاتر لە سەد وبیست ملیار دۆلاری حكومەتی فیدرال بۆهەرێم و چەند كەسێكیش نەبێت كەس نازانێت سەروەت وسامانی ھەرێم چی لێدەكرێت.


دكتۆر شێركۆ جەودەت، سەرۆكی فراكسیۆنی یەكگرتوو لەپەرلەمانی كوردستان رایدەگەیەنێت" ئەگەر ھەرێمی كوردستان لە دە ساڵی رابردوودا وەبەرھێنانی نەوتی نەكردایە ئەوا بەغدا ناچار دەبوو مانگی بەلای كەمەوە یەك ملیار دۆلار بنێرێت بۆ مووچەوبووجەی ھەرێم ومووچەش پاشەكەوت نەدەكرا وەك گشت فەرمانبەرانی عیراق "


راشیگەیاند" سیاسەتی ھەڵەی ئابووری سەربەخۆی ھەرێمی كوردستان رێگری كرد لە ھاتنی زیاتر لە سەد وبیست ملیار دۆلاری حكومەتی فیدرال لە دەساڵی رابردوودا بێ ئەوەی یەك قەترە نەوتی ھەرێمی كورستان بە ھەدەربچێت ،ئەمەجگە لەو دەرھاوێشتە مرۆیی ودەروونی وژیاری وژینگەیی وگەندەڵكاری سیاسیەكارەساتباویانەی ھێنایە دی ، ئێستاش چەند كەسێك نەبێت كەس نازانێت سەروەت وسامانی ھەرێم چی لێدەكرێت...كەوابێت سیاسەتی ھەڵە كارەساتی درووست كرد."


ئاماژەی بەوەشدا".ئێستاش چواچوو ولەگەڵ ئەوەی بەرپرسەكان لێپرسراون لەبەردەم خواوخەڵكدا بەڵام دەكرێت لە گەڵ بەغدا رێكبكەوین ویاسای نەوت وگازی عیراق بھێنینە دی وبووجەومووچەی ھەرێم وعیراق یەكبخرێت ئەوكات بەدڵنیاییەوەچاكسازیە سیاسی وئابووری وژیاری وسەروەری یاساوبەرەنگاربوونەوەی گەندەڵكاری دەچنە قۆناغێكی نوێوە."


أ.س

 

 

وەزیری دەرەوەی ئەمریكا لە نامەیەكدا بۆ كۆنگرێس، لە بڕیاری سەرۆك كۆماری ئەو وڵاتە بۆ ڕاگەیاندنی حاڵەتی نائاسایی دژی ئێران هەواڵیدا كە دەبێتە هۆی فرۆشتنی چەكی زیاتر بە عەرەبستانی سعودیە.

بی بی سی بڵاویكردۆتەوە، (دۆناڵد ترامپ) سەرۆكی ئەمریكا بە ڕاگەیاندنی حاڵەتی نائاسایی نەتەوەیی بە بیانووی توندبوونەوەی ئاڵۆزییەكان لەگەڵ ئێران، ڕێگەی خۆی بۆ فرۆشی ملیارها دۆلار چەك و تەقەمەنی بە عەرەبستانی سعودیە هەموار كرد.

بڕی ڕێكەوتە تەقەمەنییەكانی ترامپ و عەرەبستان نزیك بە (8) ملیار دۆلار خەمڵێندراوە.

پێشتر، (كریس مۆرفی) سیناتۆری دیموكراتی ویلایەتی كنتاكی ئەمریكا لە پەیامێكی تویتەریدا هۆشداری دابوو كە ئامانجی ترامپ لە گەورە كردنەوەی هەڕەشەی ئێران، ڕەخساندنی هەلێكە بۆ فرۆشی چەك و تەقەمەنی زیاتر بە عەرەبستانی سعودییە.

شایانی باسە كە بەپێی چەند بەندێكی یاسای كۆنترۆڵی چەك، لە ئەگەری ڕوودانی دۆخی نائاسایی نەتەوەیی، سەرۆك كۆماری ئەمریكا دەتوانێت بەبێ ڕەزامەندی كۆنگرێس، لەگەڵ فرۆشی چەك بە وڵاتانی تر ڕێك بكەوێت.



ژمارەیەك چالاكوان، دادوەر، پارێزەر، مامۆستاو رێكخراورایدەگەیەنن سكاڵا لەسەر حكومەتی‌ هەرێم لە دادگای اتحادی لەبغداد تۆمار دەكەن، لەبەرامبەر "دیارنەمانی‌" موچەی‌ مانگی‌ 1 تا 4ی‌ فەرمانبەرانی‌ هەرێم و بۆئەومەبەستەش كەمپەینێك رادەگەیەنن‌ .

لەئاگاداری نامەیەكدا ‌ كەمپەینی‌ "موچەی مانگی 1 تا 4 چی لێهات"دا هاتووە، "رایگەیاندوە "بۆ هەمو موچە خۆرانی كوردستان، وەك لای هەموان ڕونە كە موچەی مانگی 1 تا 4ی‌ 2019 هاتووە بۆ حكومەتی هەرێمی كوردستان، بەڵام حكومەت تەنها موچەی مانگی یەك‌و دوی داوە، بۆ ئەو مەبەستە كۆمەڵێك دڵسۆز لەچالاكوان، ڕێكخراوەكان، دادوەر، پارێزەر مامۆستایانی ناڕازی خەریكی گرتنەبەری ڕێكارەكانی تۆماركردنی سكاڵاین لەدادگای اتحادی لەبغدادو لەهەریمی كوردستان".

دەقی‌ ئاگادارییەكە:

ئــــــــــــاگــــــــــاداری
#موچەی_مانگی_1تا4_چی_لێهات
بۆ هەموو مووچە خۆرانی كوردستان وەك لای هەموان ڕونە كە مووچەی مانگی 1 تا 4/2019 هاتووە بۆ حكومەتی هەرێمی كوردستان بەڵام حكومەت تەنها موچەی مانگی یەكی و دووی داوە بۆ ئەو مەبەستە كۆمەڵێك دڵسۆز لە چالاكوان و ڕێكخراوەكان و دادوەر و پارێزەر و مامۆستایانی ناڕازی خەریكی گرتنەبەری ڕێكارەكانی تۆماركردنی سكاڵاین لە دادگای اتحادی لەبغداد و لە هەریمی كوردستانیش هەرمووچە خۆرێك ئامادەیە سكاڵا تۆمار كات ئەوا با ناوی سیانی خۆی و ژمارەكە بنێریت بۆ ئەم ژمارە تلفونە بۆ ئەوەی ڕۆژی سكاڵا تۆماركردنەكە ئاگاداری بكەینەوه كۆمەڵێك پارێزەری بەڕیزی خۆبەش كەیسەكان دەگرنە ئەستۆ و كاری لەسەر دەكەن بەشداری كردنت نیشانەی ڕازی نەبونە بەزوڵم و ستەم
07824900251
07701376726

كۆمەڵێك لەچالاكوان‌و دادوەرو ڕێكخراوەكانی كۆمەڵی مەدەنی پارێزەرو مامۆستایانی ناڕازیی
تێبینی /ئەمە دووەم جارە ئەم ئاگادارییە دادەنێین‌و لە 25/4/2019 ئەم كارە دەستیپێكردووە بەردەوامە تا زۆرترین موچە خۆر بەشداربێت
هیوادارین ناڕازییە مافخوراوەكان تەنها لەفیسبوك گلەی نەكەن بەكرداری بێن‌و هاوكارمان بن تا زۆرترین موچە خۆر سكاڵا تۆماركەین
أ.س


بریارە لە چەند كاتژمێری داهاتوودا سەرۆك كۆماری عێراق سەردانی هەریەكە لە توركیاو سعودیە بكات ومەبەست لە سەردانەكەش دوورخستنەوەی پرشكی ئەو جەنگەیە كە باس لەوە دەكرێت كە لەناوچەكەدا روودەدات.


رێبورا كریم ئەندامی لیژنەی پەیوەندیەكان لەئەنجومەنی نوینەرانی عێراق بە رۆژنامەی( صباح)ی رایگەیاندوە" لە چەند كاتژمێری داهاتوودا بەرهەم ساڵح سەرۆك كۆماری عێراق سەردانی هەریەكە لە توركیاو سعودیە دەكات ومەبەست لە سەردانەكەشی بۆ دوورخستنەوەی پرشكی ئەو جەنگەیە كە باس لەوە دەكرێت كە لەناوچەكەدا روودەدات."


راشیگەیاندوە" لەسەردانەكەی سەرۆككۆماری عێراقدا جگە لەباسكردنی ئەو جەنگەیە لەهەمانكاتیشدا پەیوەندیە ئابوری بازرگانیەكانی ئەو وڵاتانەو عێراق باسی لێوە دەكرێت "


جێگەی ئاماژەیە لەدوو رۆژی رابردودا بەرهەم ساڵح سەرۆككۆماری عێراق سەردانی ئەرەدەنی كردو بەشداری كۆبونەوەی لوتكەیسەرۆكی ولاتانی ئەردەنو فەلەستینی كرد.


أ.س

 

یانەی ریال مەدرید بەشێوەیەكی فەرمی رائول دی تۆماسی ئەستێرەی پێشووی خۆی گەراندەوە یاریگای بێرنابیۆ".

رۆژنامەی ماركای ئیسپانی بڵاوی كردەوە ، رائول دی تۆماس كە بەشێوەی خواستن یاری بۆ یانەی رایۆ ڤالیكانۆ ئەنجامدا لەسەر داواكاری زێدان گەرایەوە ریزی یانەی ریال مەدرید".

دی تۆماس لە لێدوانێكیدا بۆ رۆژنامەی ماركا وتی : " لەراستیدا خەونەكەم بەدیهات ، دەمەوێت بۆ زێدان بسەلمێنم شایستەی پۆشینی درێسی ریال مەدریدم ، بەهیوام وەرزێكی تایبەت بەرێبكەم و متمانەی راهێنەر بەدەستبهێنم".

سه‌رۆك وه‌زیرانی پێشوی عێراق رایده‌گه‌یه‌نێت هه‌رێمی كوردستان راده‌ستی چه‌ند گروپێك كراوه‌و ده‌شڵێت ئه‌و گروپانه‌ن كه‌ نه‌وت هه‌نارده‌ ده‌كه‌ن و ناشزانرێت پاره‌كه‌ی چی لێ دێت و "ته‌نانه‌ت له‌ بودجه‌ی هه‌رێمیش دیار نیه‌"

حه‌یده‌ر عه‌بادی سه‌رۆك وه‌زیرانی پێشوی عێراق له‌چاوپێكه‌وتنێكدا له‌ به‌رنامه‌ی (الجدار الرابع) كه‌ناڵی عێراقییه‌ رایده‌گیه‌نێت،" تۆ كاتێك دێیته‌ هه‌رێمی كوردستان به‌ شێوه‌یه‌كی دیكه‌ مامه‌ڵه‌ی تێدا ده‌كرێت، هه‌رێمه‌كه‌ راده‌ستی حزبه‌كان كراوه‌، ته‌نانه‌ت حزبه‌كانیش نا راده‌ستی چه‌ند گروپێك كراوه‌ كه‌ ئه‌وان نه‌وت هه‌نارده‌ ده‌كه‌ن، ناشزانیت پاره‌ی نه‌وت بۆ كوێ ده‌چێت"

له‌ باره‌ی گروپه‌كانیشه‌وه‌ عه‌بادی ده‌ڵێت،"ئه‌وانه‌ن كه‌ كۆنترۆڵی هه‌رێمیان كردوه‌، ئاشكرایه‌ و دیاره‌ كێ له‌ هه‌رێم ده‌سه‌ڵاتی هه‌یه‌؟ ئێستا كێیه‌ كه‌ نه‌وتی هه‌رێم هه‌نارده‌ ده‌كات؟ كوا پاره‌كانی نه‌وت؟ ئایا ده‌چێته‌ سه‌ر بودجه‌ی وڵات؟ دیار نیه‌، ته‌نانه‌ت له‌ بودجه‌ی هه‌رێمیش دیار نیه‌". 

عه‌بادی وتوشیه‌تی:" ئێمه‌ ده‌مانه‌وێت له‌سه‌ر ئه‌مه‌ لێپرسینه‌وه‌یان لێ بكه‌ین، ئێمه‌ ده‌مانه‌وێت دادپه‌روه‌ری بۆ سه‌رجه‌م خه‌ڵكی عێراق په‌یڕه‌وبكرێت". 

 

 

 

رافائێل بینیتێزی ئیسپانی و راهێنەری یانەی نیوكاسڵی ئینگلیزی بە بۆندەكەی یانەی رۆما رازی دەبێت و پۆستی راهێنەرایەتی ئەم یانەیە لە ئەستۆ دەگرێت".

ماڵپەری كالچیۆ مێركاتۆ ئاشكرای كردووە : " یانەی رۆما بۆندێكی فەرمی پێشكەشی رافائێل بینیتێز كردووە و راهێنەرەكەش بە ئەرێنی وەڵامی بۆندەكەی داوەتەوە".

رۆما پێش كۆتایی هاتنی ئەم وەرزە بۆندی لەگەڵ رانێری واژۆكرد و لە شوێنی دی فرانچیسكۆ دەستبەكاریكرد ، تیپەكەش توانی پلەی شەشەمی ریزبەندی وەربگرێت بە كۆكردنەوەی (63) خاڵ وەرزی داهاتووش بەشداری یۆرۆلیگ دەكات".

 

 

لە ویلایەتی مێشیگانی ئەمریكا پیاوێك بە ڕێكەوت و بە هۆی بەردە نەیزەكێكی بچووكەوە دەوڵەمەند دەبێت.

پیاوێكی خەڵكی ناوچەی ئەدمۆر لە ویلایەتی مێشیگان لەساڵی (1988) ەوە كێلگەیەكی بچووك دەكرێت كە خانوویەكی بچووكیشی لەگەڵدایەو ماوەیەكی زۆر تێیدا نیشتەجێ دەبێت.

ئەو پیاوە بە ڕێكەوت بەردێك دەبینێت كە ماوەی دەیان ساڵە دەیخاتە بەردەرگای یەكێك لە ژوورەكان و سەرنجی ڕادەكێشێت، ئەویش دوای ئەوەی دەنگۆی ئەوە بڵاو دەبێتەوە كە هەندێك كەس بە بڕی دەیان هەزار دۆلار ئەو بەردە نەیزەكانە دەفرۆشن كە ساڵی ڕابردووتر كەوتووتە خوارەوە لەو شارۆچكەیە.

بە گوتەی ڕۆژنامەنووسان پیاوەكە بەردەكە دەبات بۆ یەكێك لە هاورێكانی بە ناوی (مونالێزا سێربیسكو) كە مامۆستای زانكۆیە‌و پسپۆڕی زانستەكانی زەوی و بەرگەهەوایە بۆ ئەوەی پشكنینی بۆ بكات.

دواتر دەیبەنە ناوەندی سمیشونیانی ئەمریكی بۆ فێركردن ‌و توێژینەوە بەمەبەستی هەڵسەنگاندنی بەردەكەو دەردەكەوێت ئەو بەردەی چەندین ساڵە بە بێبایەخی دەخرێتە بەردەرگای یەكێك لەژوورەكان بەردێكی نەیزەكی پڕبایەخە.

پاشان ناوەندەكە لەرووی زانستییەوە دەیسەلـمێنێت بەردەكە بەردێكی نەیزەكییەو پێكهاتەكەشی بریتییە لە ئاسن و نیكڵ و نرخی بەردەكەش بە (100) هەزار دۆلار مەزەندە دەكەن.

بەردەكە ڕەوانەی زانكۆی میشیگان دەكرێت بۆ زیاتر توێژینەوە لەبارەیەوە پاشان لەو ناوەندە دوای توێژینەوەی تەواو دەگەنە ئەو دەرەنجامەی ئەو بەردە یەكێكە لە پاشماوەكانی ئەو نەیزەكەی لە سەردەمێكی زۆر كۆندا لەو ناوچەیەی ئەمریكادا داوییەتی بە زەویداو كێشەكەی (22.5) رەتڵەو شەشەمین بەردی گەورەیە لە نێو ئەو (12) پارچە بەردە نەیزەكییەی تا ئێستا لە میشیگان دۆزراونەتەوە، دواجاریش ئەو پیاوەی بەردەكەی هەبوو بووە خاوەنی (100) هەزار دۆلار.

 

پەڕەى 3 لەکۆى 5202 پەڕەدا