چالاكوانانی تۆره‌ كۆمه‌ڵایه‌تیه‌كان وێنه‌یه‌كی "قه‌یس سه‌عید" سه‌رۆكی نوێی تونسیان بڵاو كردۆته‌وه‌ كه‌ خه‌ریكی لێخوڕینی ئۆتۆمبێلێكی كۆنه‌.

له‌ كاتێكدا هیچ لایه‌ك زانیاری ته‌واوی له‌سه‌ر وێنه‌كه‌ و كاته‌كه‌ی بڵاو نه‌كردۆته‌وه‌ و به‌ڵام چالاكوانان كاتی وێنه‌كه‌ بۆ ئه‌و كاته‌ ده‌گه‌رێنه‌وه‌ كاتێك ناوبراو خۆی كاندید كرد بۆ سه‌رۆكایه‌تی تونس.

جێگه‌ی ئاماژه‌یه‌  دا له‌ هه‌لبژاردنی 13ی ئه‌م مانگه‌ "قه‌یس سه‌عید" توانی به‌رێژه‌ی 72% ده‌نگه‌كان سه‌ركه‌وێت له‌ هه‌ڵبژاردنی سه‌رۆكایه‌تی له‌ به‌رامبه‌ر ركابه‌ره‌كه‌ی "نه‌بیل قوره‌وی" كه‌ توانی ته‌نها 27% ده‌نگه‌كان به‌ده‌ست بهێنێت.

 

ئێواره‌ى ئه‌مڕۆ 9 ته‌قینه‌وه‌یه‌ك له‌به‌رده‌م باره‌گایه‌كی رێكخراوی به‌در له‌شاری كه‌ركوك رویدا.


سه‌رچاوه‌یه‌ك له‌پۆلیس رایگه‌یاند: كاتژمێر ٥ی ئێواره‌ى ئه‌مڕۆ له‌گه‌ڕه‌كی راپه‌ڕینی دووه‌م بۆمبێكی چێندراو له‌به‌رده‌م باره‌گای لقی راپه‌ڕینی رێكخراوی به‌در ته‌قییه‌وه‌.


وتیشی:"به‌هۆی ته‌قینه‌وه‌كه‌وه‌ دوو كارمه‌ندی ئه‌و رێكخراوه‌ شیعه‌یه‌ برینداربوون، له‌ئێستادا ره‌وانه‌ی نه‌خۆشخانه‌ كراون به‌مه‌به‌ستی چاره‌سه‌ر".

ڕێكخراوی مافی مرۆڤی هەنگاو ڕایدەگەیەنێت، كچێكی لاوی خەڵكی كرماشان بە دەستی براكەی كوژرا، بكوژەكەش دەڵێت: “بە هۆی كێشەی خێزانییەوە خۆشكەكەی كوشتووە”.

ڕێكخراوی مافی مرۆڤی هەنگاو لە ڕاگەیەنراوێكدا بڵاویكردەوە، ڕۆژی دوو شەممە 21-10-2019 كچێكی تەمەن ٣٢ ساڵی خەڵكی كرماشان لە شاری ئیلاهیەی ئەو شارە بە دەستی براكەی كوژراوە.

ڕاشیگەیاندووە، كچەكە تەمەنی ٣٢ ساڵە، بكوژەكەش دوای دەستگیركردنی دانی بەوەداناوە، كە بە هۆی كێشەی خێزانییەوە خۆشكەكەی كوشتووە.

بەرێوەبەرایەتی گشتی کەشناسی و بومەلەرزەزانی هەرێمی کوردستان ره‌وشی كه‌ش و هه‌وای ئه‌مرۆ 21/10/2019 و پێشبینی بۆ سبه‌ی سێ سشه‌ممه‌ بڵاو كرده‌وه‌:

ئەندامێکى مەکتەبی سیاسی یەکێتى ڕایگەیاند، لایەنەکانی هاوپەیمانی کوردستانی کۆبوونەوە و دابەشکردنی کاندیدەکانیان یەکلاکردەوە.

لە دوای کۆبوونەوەى لیستی هاوپەیمانی کوردستانی لە سلێمانی، ڕزگار عەلی ئەندامی مەکتەبی سیاسی یەکێتى لە کۆنفڕانسێکی رۆژنامەوانیدا رایگەیاند، هەموو لایەنەکانی بەشدار لە هاوپەیمانی کوردستانی پەیماننامەیەکیان واژۆ کردووە کە لە ئایندەدا هیچ لایەنێک لە هاوپەیمانێتیەکە نەکشێتەوە.

ڕزگار عەلی راشیگەیاند، هاوپەیمانی کوردستانی پرسی دانان و دابەشکردنی کاندیدی لایەنەکانی یەکلا کردووەتەوە، وتیشی، هاوپەیمانی کوردستانی پەیوەندی بە پرسی دانانی پارێزگارێکی کورد بۆ کەرکوک نییە.

هاوکات عەبدولرەحمان مستەفا، سەرۆکی لیستی هاوپەیمانی کوردستانی لە کۆنفرانسەکەدا رایگەیاند، هەر پارێزگایەک چەند کورسی بۆ دانراوە لیستە کوردیەکان دوو ئەوەندە کاندیدیان دەبێت بە شێوەیەک لە کەرکوک ٢٦ و لە موسڵ ٤٨ و لە دیالە ٢٦ کاندیدیان دەبێت.

سەرۆکی لیستی هاوپەیمانی کوردستانی ئەوەشی خستووەتەڕوو، تاکو ئێستا ٣٠ پارتی سیاسی و لایەن بەشدارییان لە هاوپەیمانێتییەکە کردووە.

ئەمڕۆ نوێنەرى لایەنە سیاسییەکانى هەرێمى کوردستان جگە لە نەوەى نوێ لەبارەگاى مەکتەبی سیاسی یەکێتى لە سلێمانى بەمەبەستى یەکلاکردنەوەى ڕیزبەندى کاندیدەکانى لایەنە سیاسییەکانە بۆهەڵبژاردنى ئەنجومەنى پارێزگاکان کۆبوونەوە.

وا بریارە لەمانگى نیسانى ساڵى داهاتوو هەڵبژاردنى ئەنجومەنى پارێزگاکان بەڕێوە بچێت و لایەنە کوردییەکان جگە لە نەوەى نوێ لە چوارچێوەى یەک لیستدا بەشدارى هەڵبژاردنى ئەنجومەنى پارێزگاکان لە ناوچەکێشەلەسەرەکان لەژێرناوى هاوپەیمانى کوردستانى دەکەن، کە چەندین پارتى کوردى وعەرەبى لەخۆدەگرێت وعبدولڕەحمان مستەفا کە پێشتر پارێزگارى کەرکوک بووە سەرۆکایەتى هاوپەیمانێتییەکە دەکات.

ئه‌مڕۆ، دووشه‌ممه‌ 21ی تشرینی یه‌كه‌م، حكومه‌تی توركیا سێ سه‌رۆك شاره‌وانی كوردى له‌ باكووری كوردستان ده‌ستگیركرد و بڕیاره‌ له‌ماوه‌یه‌كی نزیكدا دادگایی بكرێن.

عابد ئیكه‌، نوێنه‌ری پارتى دیموكراتى گه‌لان (هه‌ده‌په‌) له‌ هه‌رێمی كوردستان به‌ دواڕۆژی رایگه‌یاند: ئه‌مڕۆ عه‌دنان سه‌لجوق مزراكلی، سه‌رۆكی شاره‌وانی دیاربه‌كر، ئۆرهان ئایاز سه‌رۆك شاره‌وانییه‌كانی بسمیل و كه‌زبان یه‌ڵماز سه‌رۆك شاره‌وانی كایاپنار له‌ باكورى كوردستان له‌لایه‌ن توركیاوه‌ ده‌ستگیركران و ره‌وانه‌ی به‌ڕێوه‌به‌رایه‌تی ئاسایش كراون بۆ لێكۆڵینه‌وه‌".

له‌باره‌ی ئه‌و تۆمه‌تانه‌ی كه‌ ئاڕاسته‌ی سه‌رۆك شاره‌وانییه‌كان كراوه‌، عابد ئیكه‌ وتی:" توركیا تۆمه‌تی بانگه‌شه‌كردن بۆ رێكخراو و گروپی نایاسایی ئاڕاسته‌ى ئه‌و سه‌رۆك شاره‌وانیانه‌ كردووه‌، به‌ڵام له‌ بنه‌ڕه‌تدا دوورخستنه‌وه‌ی سه‌رۆك شاره‌وانییه‌كان بۆ ئه‌وه‌یه‌ كورد نه‌توانێت له‌و شوێنانه‌ی زۆرینه‌ خزمه‌ت بكات بۆ ئه‌وه‌ی هه‌ده‌په‌ ده‌نگه‌كانی زیاد نه‌كات".

ناوبراو بۆ دواڕۆژ وتیشی: "دوای دوورخستنه‌وه‌ی ئه‌و سه‌رۆك شاره‌وانیانه‌، كه‌سانی دیكه‌ وه‌ك قه‌یوم ( جێگره‌وه‌ له‌لایه‌ن حكومه‌ته‌وه‌ ) خرانه‌ شوێنه‌كانیان".

نوێنه‌ری هه‌ده‌په‌ له‌ هه‌رێم ئاماده‌ به‌وه‌شده‌كات: هه‌فته‌ی رابوردوو سێ سه‌رۆك شاره‌وانی دیكه‌ دوورخرانه‌وه‌ و ده‌ستگیركراون، به‌مه‌ش ژماره‌ی ئه‌و سه‌رۆك شاره‌وانیانه‌ی كه‌ تائێستا ده‌ستگیركراون زیاتره‌ له‌ 80 سه‌رۆك شاره‌وانی كورده‌.

بەگوێرەی خشتەی وەزارەتی دارایی و ئابووری حکومەتی هەرێمی کوردستان سبەی سێشەممە ڕێکەوتی ٢٠١٩/١٠/٢٢ مووچەی ئەم شوێنانە دابەشدەکرێت:

وەزارەتی پیشەسازی و بازرگانی
وەزارەتی رۆشنبیری
وەزارەتی ئاوەدانکردنەوە
سەرۆکایەتی هەرێم
سەرۆکایەتی پەرلەمان
ئەنجوومەنی وەزیران

له‌ ئاگادارییه‌كدا به‌شی مۆڵه‌تی به‌ڕێوه‌به‌رایه‌تی هاتوچۆی "سلێمانی" بڵاویكردۆته‌وه‌، ئه‌و فێرخوازانه‌ی له‌ به‌رواری 22/10/2019 تاقیكردنه‌وه‌ی تیۆریان هه‌یه‌ تاقیكردنه‌وه‌كه‌یان راده‌وه‌ستێت.

 
ئه‌مڕۆ دووشه‌ممه‌ 21/10/2019، به‌شی مۆڵه‌تی به‌ڕێوه‌به‌رایه‌تی هاتوچۆی سلێمانی له‌ ئاگادارییه‌كدا بڵاویكردۆته‌وه‌: "ئه‌و فێر خوازانه‌ی له‌ به‌رواری 22/10/2019 تاقیكردنه‌وه‌ی تیۆریان هه‌یه‌ تاقیكردنه‌وه‌كه‌یان راده‌وه‌ستێت له‌ به‌رواری 22/10/2019 تا به‌رواری 28/10/2019.

 

ئاماژه‌ به‌وه‌شكراوه‌: له‌ به‌رواری 29/10/2019 تاقیكردنه‌وه‌كات ده‌ستپێده‌كاته‌وه‌ به‌هه‌مان ریزبه‌ندی، كه‌ بۆیان دیاریكراوه‌.

پەڕەى 4 لەکۆى 5387 پەڕەدا