ئەندامێكی پەرلەمانی كوردستان رایدەگەیەنێت، كەسێكی لوبنانی، ھەرێمی كوردستان پڕ دەكات لە مەوادی جوانكاری ئێكسپایەرو تەزویر،ئاماژەی بەوەشداوەئەوكەسە لە بەیروتەوە بەناوی لەناوبردنی مەوادی بەسەرچو دەیهێنێت بۆ زبڵدانی ھەولێر گوایە لەھەولێر تەلەفی دەكات.

سۆران عومەر، ئەندامی پەرلەمانی كوردستان لە نوسینێكدا لە فەیسبوكی خۆی بڵاویكردەوە، "كەسێكی لوبنانی، ھەرێمی كوردستان پڕ دەكات لە مەوادی جوانكاری ئێكسپایەرو تەزویر، دەشڵێت، لە بەیروتەوە بەناوی لەناوبردنی مەوادی بەسەرچو دەیهێنێت بۆ زبڵدانی ھەولێر گوایە لەھەولێر تەلەفی دەكات، بەڵام لە كۆگایەك لەھەولێر ئێكسپایەرەكان دەسڕێتەوەو بەتەئریخی تازە دەیانخاتە بازاڕ".
راشیگەیاندوە"دوای ئەوەی لەلایەن دەزگای كۆنترۆڵی جۆریەوە ئەم كارە مەترسیدارە ئاشكرا دەكرێ و دەست بەسەر كۆگاو مەوادەكانی دا دەگیرێ بەداخەوە لێپرسینەوەی یاسایی نەكراوەو كابرا لەكارەكەی بەردەوامەو ھەوڵی ئازادكردنی مەوادە ئێكسپایەرەكانیشی دەدرێ!
ئەوەشی نوسیوە" ئەمە سەرەڕای ئەوەی وێران كردنی ئەم كۆمەڵگەیە بێ ڕێزیشە بە كوردستان و ھەولێر كەسێك بەو ناونیشانە مەوادی ئێكسپایەر بێنێ بۆ زبڵدانی ھەولێر گوایە لێرە تەلەفی دەكات!"
لەكۆتایدا ئەو پەرلەمانتارە ئەوەشینوسیوە"بەشوێن ئەم دۆسێوە دەبم ،خانمان دەزانن ئێوە زۆرینەتان بونەتە تاقیگەی مەوادی ئێكسپایەرو زیانبەخش بەناوی جۆرەھا كرێم و شامپۆی تەزویرو زیانبەخش؟ باجەكەشی تێكچونی پێست و روتانەوەی قژو توش بونە بەجۆرەھا نەخۆشی "

 

كچێكی كوردی ئێزدی دوای ئەوەی ساڵی 2014 دەكەوێتە دەستی داعش، لە كەمپی هۆل رزگاركرا و راشیدەگەیەنێت لە لە شەڕی باغۆزدا برینداربووە و لە ئێستاشدا چارەنووسی دایك و باوك و دوو برای دیارنییە .

ئەڵماس 22 ساڵە و خەڵكی سیبا شێخدری باشووری شنگالە. دوای ئەوەی حەوت مانگ لە كەمپی هۆل دەبێت، لە قامشلۆ خۆی رادەستی ماڵێكی ئێزدی دەكات و پاش 45 رۆژ بە كەسوكارەكەی دەدرێتەوە كە لە كەمپی شاریای باشووری كوردستانن.

ئەڵماس باسی بریندابوونی لە شەڕی باغۆز دەكات و دەڵیت "سێ كەس بووین، یەكێكیان چێشتی بۆ لێدەناین و یەكێكیشیان دانیشتبوو. گوللەیەك هات و بەری سنگم كەوت و لە پشتمەوە دەرچوو. لەو ساتەدا كەس نەهات بە دەممەوە. تەنیا ئەو دوو ژنە لەلام مانەوە، نە دكتۆر هەبوو نە دەرمان. دەستماڵێكم لە برینەركەم بەست. ئەو داعشانەی من لایان بووم، هەڵهاتن".

 

ئەڵماس لە خێزانێكی 12 كەسی بووە كە هەموویان كەوتبوونە دەستی داعش. ئێستا ئەو هەشتەمین كەسیانە لە دەستی داعش رزگاردەكرێت، چارەنووسی دایك و باوك و دوو برای دیارنییە.

خۆپیشانده‌ران ماڵی یەکێک لە کاندیدەکانی سه‌رۆك حکوومەتی عیراقیان له‌شاری عه‌ماره‌ی ناوه‌ندی پارێزگای میسان سووتاند.

ئاژانسی (شەفەق نیوز) بڵاویکردەوە، ئه‌م شه‌و ژماره‌یه‌كی زۆر له‌خۆپیشانده‌ران چوونه‌ته‌ سه‌ر ماڵی محه‌مه‌د سودانی یه‌كێك له‌كاندیده‌كانی سه‌رۆك وه‌زیرانی عیراق له‌شاری عه‌ماره‌ی ناوه‌ندی پارێزگای میسان".

ئەوەش خراوەتە روو، کە ماڵه‌كه‌ی محه‌مه‌د سودانی بەتەواوی لەلایەن خۆپیشاندەرانەوە سوتێندراوه‌.


بەرێوەبەرایەتی كارەبای سلێمانی رایدەگەیەنێت لەسەر بودجەی داهاتی كارەبای بەرێوەبەرایەتیەكەیان و بەپێی گرێبەستێك كە لەگەڵ كۆمپانیایەك ئەنجامدراوە، بەبڕی (167.698.650) پرۆژەیەكی كارەبا لەقەزای ماوەت جێبەجێ دەكرێت، پرۆژەكەش بریتین لە:

-تەواوكاری فیدەری سورەقەڵات لەوێستگەی 33 كەی ڤی ماوەت قۆناغی یەكەم، وێستگەی ماوەت فیدەری 4.
-دانانی (RMU) بۆ فیدەرەكانی 157 بازرگانی وێستگەی زەرگەتە فیدەری 157.
-تەواوكەری قۆناغی دووەمی سورەقەڵات لەوێستگەی 33 كەی ڤی ماوەت/ ماوەت فیدەری 4.
-دانانی 1 محاویلەی 400 كەی ڤی ئەی بۆ مساعدی محاویلەی ژمارە 10ی فیدەری 102/ وێستگەی راپەڕین فیدەری 102.
-پرۆژەی گواستنەوەی گۆڕینی محاویلەی ناو قەزای ماوەت/ وێستگەی ماوەت فیدەری 8 لەسلێمانی.

بڕیارە پرۆژەكەش لەماوەی (60) رۆژدا تەواوببێت و لەلایەن كۆمپانیای (هەسونە)ەوە جێبەجێدەكرێت.

به‌ڕێوه‌به‌ری په‌روه‌رده‌ی كه‌ركوك له‌ كۆنگره‌یه‌كی ڕۆژنامه‌وانیدا ڕاگه‌یاند: زیاتر له‌ 84 هه‌زار كه‌س ناویان بۆ دامه‌زراندن وه‌ك مامۆستا تۆمار كردووه‌ و ئه‌و ژماره‌یه‌ش زۆره‌ و ئه‌وان ته‌نها ده‌توانن 2841 كه‌س دابمه‌زرێنن و ئه‌م هه‌فته‌یه‌ ناوی ئه‌و كه‌سانه‌ ڕاده‌گه‌یه‌نن.

 

 

 

دوای دوو دۆڕانی لەسەریەك لە خولی ئەڵمانیا یانەی بایرن میونخ بەئەنجامێكی گەورە بە (6-1) گۆڵ لە ڤێردەربریمەنی بردەوەو گەڕایەوە بردنەوەكان.

سەرەتا یانەی ڤێردەربریمەن گۆڵەكەی خۆی لەلایەن میلۆت راشیكا لەخولەكی 24 تۆمار كرد، پاشان بایرن میونخ لە رێگە فلیپ كۆتینیۆ لەخولەكی 45 گۆڵی بەرامبەری تۆمار كردەوە، لەدوای ئەویش لەخولەكی چوارەمی كاتی بەفیرۆچوو رۆبەرت لیڤاندۆفسكی گۆڵی دووەمی بۆ بایرن میونخ تۆمار كرد، گێمی یەكەمیش بەم ئەنجامە كۆتایی هات.

لە گێمی دووەم بایرن میونخ ئاستێكی بەرزی پێشكەش كردوو لەخولەكی 63 فلیپ كۆتینیۆ گۆڵی سێیەمی بۆ بایرن میونخ تۆمار كرد كە گۆڵی دووەمی خۆی بوو لە یارییەكە، لەخولەكی 72 رۆبەرت لیڤاندۆفسكی گۆڵی دووەمی خۆی و چوارەمی تیپەكەی تۆمار كرد، دوای سێ خولەكی تر تۆماس مۆلەر گۆڵی پێنجەمی تۆمار كرد، گۆڵی شەشەمیش لەلایەن كۆتینیۆ لەخولەكی 78 تۆمار كراو بووە خاوەنی هاتریك، یارییەكەش بەم ئەنجامە كۆتایی هات بایرن میونخ بەم بردنەوەیە بووە خاوەنی 27 خاڵ پلەی چوارەمی گرتوە.

 

 


دوای ئەوەی وەزارەتی پەروەردە ناوی قوتابخانەیەكی لە شاری هەولێر گۆڕی وەزارەتی پەروەردە روونكردنەوە لەسەر ئەو بابەتە دەداتو رایدەگەیەنێت گۆڕینی ناوی قوتابخانە لەدەسەڵاتی بەڕێوبەرایەتی گشتی پەروەردەیە نەك وەزیر.
دەقی روونكردنەوەكە:
رونكردنەوەیەك لەڕاگەیاندنی وەزارەتی پەروەردە وە :
هەندێك پەیج لە سۆشیال میدیا دەنگۆیەكیان بڵاوكردۆتەوە كە بەڕێز وەزیری پەروەردە ناوی قوتابخانەی قەندیل ی لەسەرداوای كۆنسوڵی دەوڵەتێك گۆڕیوە بۆ قوتابخانەی چێنەر، ئەم هەواڵە بێ بنەمایە و ئامانجەكانی پشتی ئەو پڕوپاگەندانە ڕوونن ، بەكورتی :
۱ـ گۆڕینی ناوی قوتابخانە لەدەسەڵاتی بەڕێوبەرایەتی گشتی پەروەردەیە نەك وەزیر.
۲ـ كاتێك وەزیری پەروەردە ئەو هەواڵەی بیست ، لەهۆكارەكەی كۆڵییەوە ، دوو قوتابخانە بەناوی قەندیل هەیە، لەبەرئەوە ناوەكەی گۆڕدراوە، بەڕێز وەزیری پەروەردە فەرمانیكرد كە ناوی قەندیل بۆ ئەو قوتابخانەیە بگەڕێننەوە و قوتابخانەكەی دیكەش كە دەكەوێتە گوندی قەندیل ناوەكەی بكرێت بە قوتابخانەی گوندی قەندیل.
ڕاگەیاندنی وەزارەتی پەروەردە


یەكگرتووی ئیسلامی كوردستان لە ئامادە كاریەكانی بۆكۆنگرە بەردەوامەو دوێنیت دوا كۆبونەوەی ئەنجومەنی سەركردایەتی لە شاری هەولێر بەرێوە چوو و لە كۆبونەوەكەشدا بریاردرا لە كۆتایی ئەم مانگەدا یەكگرتوو كۆنگرەی هەشتەمی خۆی ببەستێت.
دوای كۆبونەوەی ئەنجومەنی سەركردایەتی یەكگرتووبەلاغێكی راگەیاندو لە بەلاغەكەدا ئەوە هاتووە" ئامادەكاریەكان بۆ گرێدانی كۆنگرەیەكی سەركەوتوو تاوتوێ كرا و بڕیاری پێویست لەو بارەیەوە وەرگیرا، لەومیانەشدا بریاردرا كە لە رۆژانی پێش كۆتایی ئەم ساڵدا كۆنگرەی هەشتەمی یەكگرتوو ئەنجام بدرێت."
دەقی بەلاغەكە:

بەلاغی كۆتایی كۆبوونەوەی ئەنجومەنی سەركردایەتی یەكگرتووی ئیسلامی كوردستان

بسم الله الرحمن الرحیم
بەلاغی كۆتایی كۆبوونەوەی ئەنجومەنی سەركردایەتی
ئەمڕۆ شەممە بەرواری 14/12/2019 ئەنجومەنی سەركردایەتی یەكگرتووی ئیسلامی كوردستان بە سەرپەرشتی د. هادی عەلی سەرۆكی ئەنجومەنی سەركردایەتی و بە ئامادەبوونی بەرێز مامۆستا سەلاحەدین محەممەد بەهائەدین ئەمینداری گشتی یەكگرتووی ئیسلامی كوردستان دوا كۆبوونەوەی ئاسایی خولی حەوتەمی خۆی ئەنجامدا.

لە كۆبوونەوەكەدا سەرەتا راپۆرتی كۆنفرانسەكان لەلایەن لێژنەكانەوە خرایە ڕوو كە لەماوەی هەفتەی رابردوودا لە چوار كۆنفرانس بۆ سەرجەم ئەندامانی كۆنگرە لە شارەكانی ( دهۆك و سلێمانی و هەڵەبجە و هەولێر ) سازكرا و بەسەركەوتوویی كارنامەی كۆنفرانسەكان بەئەنجام گەیەنران.

لەتەوەرێكی تردا دوا ئامادەكاریەكان بۆ گرێدانی كۆنگرەیەكی سەركەوتوو تاوتوێ كرا و بڕیاری پێویست لەو بارەیەوە وەرگیرا، لەومیانەشدا بریاردرا كە لە رۆژانی پێش كۆتایی ئەم ساڵدا كۆنگرەی هەشتەمی یەكگرتوو ئەنجام بدرێت.

لە كۆتایی دا ئەنجومەنی سەركردایەتی ئەوپەڕی رێز و سوپاس و دەستخۆشی ئاراستەی سەرجەم رێكخستنەكان و دەزگاكانی راگەیاندن و مەڵبەند و دەزگا و ئۆڕگانەكانی حیزبی كرد كە لەماوەی خولی رابردوودا هەموو تواناكانی خۆیان خستۆتە گەڕ بۆ خزمەتكردنی كاروانی شكۆداری یەكگرتووی ئیسلامی كوردستان.
كۆبوونەوە هیوای خواست كە خوای پەروەردگار پشتیوان و هاوكارمان بێت بۆ ئەنجامدانی كۆنگرەیەكی سەركەوتوو كە بتوانێت بڕیار و ستراتیژی نوێ بۆ خولی داهاتوو دیاری بكات و لە ئاست داخوازیەكانی قۆناغەكە دا بێت ..

خوای گەورە پشتیوان و رێ نیشاندەری هەموان بێت ....


بڕیارە ئەمڕۆ یەك شەممە ٢٠١٩/١٢/١٥ دابەشــكردنی نەوت لەناوشاری هـــەڵەبجە دەستپێدەكاتەوە و بۆئەو مەبەستەش سەرۆكی لیژنەی سوتەمەنی پارێزگای هەڵەبجەئاگاداری هاولاتیان دەكاتەوە.


ئاوات مـحمد سەرۆكی لیژنەی سوتەمەنی پارێزگای هەڵەبجە لەلێدوانێكدا رایگەیاند"ئەمڕۆ یەك شەممە نەوت دابەش دەكرێت و نەوت دەدرێتە ئەو ماڵانەی گەڕەكی بۆییـــنی و ئێناخیەكان كە ماون."


راشیگەیاند" هەرئەمڕۆ یەك شەممە نەوت لەگەڕەكی گــۆران سیتیش دابەش دەكرێت"

 وابریارە ئەمڕۆ یەك شەممە  15/12/2019 وەزارەتی دارایی و ئابوری موچەی مانگی ئەیلولی چەند شوێنێكی دیكەدابەش بكات.

بەپێی ئەو لیستەی كە دەست كوردیو كەوتوە لە گەنجیەنەكانەوە دەستی كەوتوە بریارە ئەمڕۆ یەكشەممە ڕێكەوتی ٢٠١٩/١٢/١٥ مووچەی ئەم شوێنانە دابەش بكرێت:

1-وەزارەتی_شەهیدان_و_ئەنفالكراوان

2-كەسوكاری_شەهیدان_و_ئەنفالكراون

3-زیندانیە_سیاسیەكان

پەڕەى 4 لەکۆى 5583 پەڕەدا