ئەمرۆ پێنجشەممە  21-11-2019 بەشێوەیەكی فەرمی رێگای نێوان هەولێر – موسڵ كرایەوە دوای ئەوەی ئیدارەی هەردوو پارێزگا كارەكانیان تەواوكرد.

مەنسور مەرعید پارێزگاری نەینەوا لەلێدوانێكیدا بۆ رۆژنامەی (ئەلسەباح) رایگەیاند : " هەردوو بەرێوەبەرایەتی رێگا و بانی پارێزگاكانی هەولێر و موسڵ كارەكانیان تەواوكرد و رێگای سەرەكی نێوان ئەم دوو شارە كرایەوە".

وتیشی : " پێشتر بەهۆی هێرشەكانی داعش بۆ سەر موسڵ و ناوچەكانی دەوروبەر ئەم رێگایە پەك خرا ، ئەمرۆش رێگاكە كرایەوە"

 

ئێوارەی دوێنێ چوار شەممە 2019/11/20 مامۆستا سەلاحەدین محەممەد بەھائەدین ئەمینداری گشتی یەكگرتووی ئیسلامی كوردستان بەیاوەری شاندێكی ئەنجومەنی جێبەجێكردن سەردانی شێخ رەشید شێخ كاكەی كرد لە تەكیەی خۆیان لە شاری ھەولێر.

 

ئەمینداری گشتی یەكگرتوو لە نزیكەوە ھەواڵی تەندروستیانی پرسی و ھیوای سەلامەتی و تەمەندرێژی لە خودا بۆ خواستن .

ئەندامێكی ئەنجوومەنی پارێزگای سلێمانی ڕایدەگەیەنێت، "كارمان بۆ ئەوە كردووە، كە كۆد بۆ كرێكاران دروست بكرێت لە ڕێگەی داتا بەیسێكەوە تەواوی زانیاری ئەرك و مافەكانی تێدا كۆبكرێتەوە، ئەمەش وادەكات چیتر خاوەنكار غەدر لە كرێكاران نەكات".

كاسترۆ مەعروف، ئەندامی ئەنجوومەنی پارێزگای سلێمانی ڕایگەیاندوه‌: لەگەڵ ڕاوێژكاری یاسایی ئەنجوومەن سەردانی بەڕێوەبەرایەتی كار و دەستەبەری كۆمەڵایەتیمان كرد، تێبینی ئەوەمان كرد، كە تا ئێستا داتایەكی تەوایان نیە بۆ كرێكاران، كە ئەمەش كرێكارانی تووشی كێشە كردووە.

ناوبراو وتویه‌تیشی: "نووسراوێكمان بۆ سەرۆكی ئەنجوومەن بەرزكردەوە تاوەكو هاوكار بێـت بۆ ئەوەی لە ڕێگەی داتا بەیسێكەوە تەواوی زانیاری كرێكار لە سنوری پارێزگای سلێمانی و هەردوو ئیدارەكەیەوە بخرێتە ناویەوە، ئەوانیش پشتیوانی داواكەی ئێمەیان كرد".

ناوبراو بۆ سایتی خه‌ڵك ئاماژه‌ی به‌وه‌ش كردوه‌: هەر كرێكارێك كۆدێكی بۆ دروست بكرێت لەكاتی زەمانكردنی كرێكار لەلایەن خاوەنكارەكەوە فێڵی لێ نەكرێت، بەو هەنگاوەی ئێمە ناومانە، كە لە كوردستان شتی لەو چەشنە نیە مانگانە بڕێكی باش پارە بۆ حكومەت دەگەڕێتەوە، كرێكار زەرەرمەند نابێت و بەڕێوەبەرایەتیەكان ناتوانن گەندەڵی لە كارەكانیان بكەن.

رونیشیكردۆته‌وه‌: بەو هەنگاوە ئیدی كرێكار دەزانێت بەچەند زەمان كراوە و مافی پێشێل ناكرێت، هەروەها هەلی كار بۆ هەزاران كەسی دیكە دەدۆزرێتەوە بەوەی ئەو كۆدە وادەكات ئەو كرێكارانەی دەوامی دیكەیان هەیە لە جێگەیان كەسی دیكە دابنرێن، كە خاوەنكارەكە پارەی زەمانی لێ دەبڕێت و بۆ خۆی هەڵی دەگرێت، چونكە ئەو لە حكومەت زەمان دەدات.

 

 

شۆفێران هێندە گرنگی بەبابەتی ڕۆنی مەكینەو گێڕ ئوتومبیلەكەیان دەدەن ئەوەندە گرنگی بە ئاوی ناو ڕادێتەر نادەن كە بەهەمان شێوە ئاوی ڕادێتەریش پێویستییەكی هەرە گرنگی ئۆتۆمبێلە و ئەویش بەدەر نییە لەسیانەكردن و پێویستە ناو بەناو سیانەی بۆ بكرێت كە زۆرێك لەكۆمپانیاكانی بەرهەمهێنانی ئۆتۆمبێل ڕێنمایی خۆیان هەیە بۆئەوەی ئاوی ڕادێتەر كە لە چ كاتێكدا بگۆڕێت و بۆنمونە:

 

• كۆمپانیای میرسیدس بۆ یەكەم سێرڤس ٢٤٠٠٠٠ كیلۆمەتر یاخود ١٢ ساڵ، و بۆ دووهەم سێرڤس و دواتر ٢١٠٠٠٠ كیلۆمەتر.

 

• كۆمپانیای هیۆندای كۆری نزیكی ١٠٠٠٠٠ كیلۆمەتر بۆیەكەم سێرڤس و بۆ سێرڤسەكانی دواتر ٥٠٠٠٠ كیلۆمەتر.

 

بەگشتی واباشترە هەموو ٥٠٠٠٠٠ كیلۆمەترێك ئاوی ڕادێتەر بگۆڕێت لەبەر ئەم چەند هۆكارەی خوارەوە:

 

1-لەكاتی گۆڕینی ئاوی ڕادێتەر هەموو ئەو پیسی و كلس و ژەنگ لەناو ڕادێتەردا دروست بووە كە بەشێكی بەهۆی تێكردنی ئاوی ئاساییەوەیە و لەگەڵ تێكردنی ئەنتی فرێزەوە دروست بووە دەخرێتە دەرەوە.

 

2-بەتێپەڕبوونی كات و زۆری گۆڕانی پلەی گەرمی ئاوی ڕادێتەرەوە، كوالیتی ئاو بۆ گواستنەوەی گەرمیی دادەبەزێت ئەگەر چی كەمە، بەڵام بۆ كیلۆمەتری زۆر كاریگەری دەبێت.

 

3-ژەنگی دروست بوو زیان بەواتەر پەمپ و فلتەر و حاسە و بەشەكانی تر دەگەیەنێت كە لەو ڕێڕەوەدان.

 

 

 

 

 

 


سەرچاوە/ بەڕێوبەرایەتی هاتوچۆی سلێمانی

ئێوارەی دوێنێ چوارشەممە لەسەر ڕێگەی عەربەت- سەیدسادق روداوێكی هاتوچۆ لەنێوان دوو ئۆتۆمبێل رویدا و بەهۆیەوە نۆ كەس برینداربوون، هێلكاری بۆروداوەكە كراوە، رونبۆتەوە كە بەهۆی تێپەراندنی هەڵەی مینی پاسێكەوە ڕوداوەكە ڕویداوە.

 

 

بەڕێوبەرایەتی هاتوچۆی سلێمانی لە ڕاگەیەندراوێكدا كەوێنەیەكی دەست كوردیو كەوتوە، ڕایگەیاند: ئێوارەی دوێنێ چوارشەممە 20-11-2019 لەسەر ڕێگەی (عەربەت- سەیدسادق) روداوێكی هاتوچۆ لەنێوان دوو ئۆتۆمبێلی جۆرەكانی (مینی پاس- تۆیۆتا تاكسی) رویدا پاسەكە كە 17 سەرنشینی تێدابوو نۆ كەسیان برینداربوون، هێلكاری بۆروداوەكە كراوە، رونبۆتەوە كە بەهۆی تێپەراندنی هەڵەی پاسەكە ڕویداوەو مەرجەكانی توندو تۆلیشی ڕەچاو نەكردوە.

 

 

ئەوەشی خستەڕوو: هێڵكاری بۆ روداوەكە كردووە دەركەوتوە كە بەهۆی تێپەراندنی هەڵەی پاسەكەوە روداوەكە رویداوە، سەرجەم بریندارەكان بۆ نەخۆشخانەی فریاكەوتنی سلێمانی گواستراونەتەوە .

 

 

لەكاركەوتنی فلتەری بەنزین یەكێكی ترە لەو گرفتانەی كەرووبەرووی شۆفێران دەبێتەوە لەكات و ساتە نەگونجاوەكاندا ئەمەش دەتوانین بەئاسانی بزانین كەئۆتۆمبیلەكەت ئەو گرفتەی هەیە و پێویستە فلتەرەكەی بگۆڕیت:

 

گرفتی یەكەم: بەگران كاركردنی ئۆتۆمبێل: زۆربەی جار ئەم كێشەیە بەیانیان دروست دەبێت كاتێ ئۆتۆمبیلەكە ساردە یان زۆر وەستێنراوە، كەبەگران ئۆتۆمبیلەكە دەست بەكاركردن دەكات، ئەمەش یەكێكە لەو گرفتانەی كەتوشت دەبێت بۆیە هەوڵی گۆڕینی بدەیت.

 

٢- گرفتی لاوازی رۆشتن و خێرایی: كاتێ فلتەری بەنزینەكە دەگیرێت ئەوا دەبێتە هۆی رێگر لەتێپەربونی سوتەمەنی پێویست بۆ كاركردنی مەكینە بەشێوەی سروشتی و ئەمەش كاریگەری دەبێ لەسەر ئەدای ئۆتۆمبیلەكە و خێرایی لەسەر رێگاكان و لاوازی گوڕی ئۆتۆمبیلەكە لەكاتی پێنان بەبەنزیندا.

 

٣-گرفتی سێیەم: وەستانی لەناكاوی مەكینە لەرێگادا: وەستانی لەناكاو و لەگەڵ كارپێكردنەوەشدا هەمان شت دووبارە دەبێتەوە ئەمەش ئاماژەیە بۆ بوونی گرفت لەسستمی سوتەمەنی تایبەت بەئۆتۆمبیلەكە كەبەدڵنیاییەوە گرفتەكە لەفلتەری سوتەمەنییەكەدایە.

 

 

 

 


سەرچاوە/ هاتوچۆی سلێمانی

سەرۆکی شارەوانیی هەولێر نامەی دەست لەکار کێشانەوە ڕادەستی وەزیری شارەوانی و گەشتوگوزاری هەرێمی کوردستان دەکات وه‌چاوه‌ڕیی قبوڵكردنه‌.

دوێنی چوارشەممە ٢٠ی تشرینی دووەم، ئەندازیار سامان محەمەد، سەرۆکی شارەوانیی هەولێر، نامەی دەست لەکار کێشانەوەی پێشکەش بە ساسان عەونی، وەزیری شارەوانی و گەشتوگوزاری حکوومەتی هەرێمی کوردستان کردووە.

ساسان عەونی، وەزیری شارەوانی و گەشتوگوزاری حکوومەتی هەرێمی کوردستان ووتی  ”سەرۆکی شارەوانیی هەولێر نامەی دەست لەکار کێشانەوەی پێشکەش کردووم“.

ڕوونیشی کردەوە کە بابەتی دەست لەکار کێشانەوەکە ”لە چوارچێوەی گۆڕانکارییەکانی حکوومەتە و ئەو پۆستە گۆڕانکاری تێدا دەکرێت و دەدرێتە کەسێکی دیکە".

سەرچاوەكانی هەواڵ بڵاویان كردەوە ، هێزە ئەمنییەكانی سەر بە حكومەتی ئێران دەیان تەرمی خۆپیشاندەرانیان لە نەخۆشخانەكان گواستۆتەوە بۆ شوێنێكی نادیار.

راپۆرتە رۆژنامەوانییەكان كە لەلایەن راگەیاندنی ئۆپۆزسیۆنی ئێرانی بڵاوكراوەتەوە ، ئیتلاعاتی ئێرانی زیاتر لە (36) تەرمی خۆپیشاندەرانیان بە نهێنی بۆ شوێنێكی نادیار گواستۆتەوە كە بەهۆی برینداربوونیان گەیەنرابوونە نەخۆشخانە".

كەناڵی ئەلحورە رایگەیاند : " گواستنەوەی تەرمەكان بە ئۆتۆمبێلی تایبەتی گواستنەوەی گۆشت بووە لەنەخۆشخانەكە ، ئەمەش بۆ ئەوەیە هیچ كەسێك هەستی پێنەكات".

ئەو كەناڵە دەڵێت : " ژمارەی قوربانیانی نەخۆشخانەكانی (سوجاد كرج و شەهریار و بەرزكرج) بۆ (118) كەس بەرزبۆتەوە".

 

 

 

 

سەرۆكی فراكسیۆنی یەكگرتووی ئیسلامی كوردستان لە پەرلەمانی كوردستان لەسەر موچەخۆرانی هەرێم ڕونكردنەوە دەدات و ڕایدەگەیەنێت: تاكو هێز و ئاسایش نیشتمانی و یەكگرتوو نەبێت ، تاكو یاسا سەروەر نەبێت ، خواستی خەڵك بەم جۆرە نایەتەدی.



د.شێركۆ جەودەت سەرۆكی فراكسیۆنی یەكگرتووی ئیسلامی كوردستان لەپەرلەمانی كوردستان بە كوردیوی ڕایگەیاند: پەرلەمان یاسا و بڕیار دەربكات ئەگەر حكومەت جێبەجێی نەكات و لەسەر ئەرزی واقیعیش هێزیتر جێبەجێكار بێت و گۆڕانكارییەكان بكات ، بە راستی خواستی خەڵك بەم جۆرە نایەتەدی .

 

ئاماژەی بۆ ئەوەشكرد: لەسەر ئەو بنچینەیە نەچووینە ناو حكومەتەوە چونكە بڕوامان وایە بەم جۆرە خواستی خەڵك نایەتەدی و ئێستاش ئەم تەحەداییە رووبەڕووی هەمووان دەبێتەوە.

 

ووتیشی: ئایا حكومەتی بەهێز بەم جۆرە دەبێت كە 110 رۆژ بەسەر پێكهێنانی حكومەت تێپەڕیووە ، تاكو ئێستا نەیتوانیوە یاسای چاكسازی یەكلایی بكاتەوە ، نەیتوانیوە كێشەكانی خەڵك یەكلایی بكاتەوە ، نەیتوانی لەگەڵ بەغداد رێكبكەوێت و 250 هەزار بەرمیل نەوت رادەست بكات و بودجە و موچە مسۆگەر بكات .

 


سەرۆكی فڕاكسیۆنی یەكگرتوو روونیشیكردەوە: حكومەتی بەهێز نەیتوانی پشتیوانی لە دیوانی چاودێری دارایی بكات و چاكسازی پێویستی بۆ بكات بۆ ئەوەی ووردبینی بكات و پاكسازی لە داهات و خەرجییەكانی هەرێمی كوردستان بكات .

 

ماڵپەرێكی فەرەنسی بڵاوی كردەوە ، پێر ئۆبامیانگی گابۆنی و ئەستێرەی یانەی ئەرسناڵ خەون بەیاریكردن لەریزی بەرشلۆنە دەبینێت بۆیە گفتوگۆیەكانی لەگەڵ گانارز وەستاند".

ماڵپەری (le10sport)ـی فەرەنسی رایگەیاند : " ئۆبامیانگ نایەوێت بۆندەكەی لەگەڵ ئەرسناڵ نوێ بكاتەوە و چاوەری بەرشلۆنە دەكات بۆندێكی فەرمی پێشكەش بكەن".

سەرچاوەكە دەڵێت : " یانەی بەرشلۆنە دەیەوێت شوێنگرەوەی لویس سوارێز پەیدا بكات ، باشترین كەسیشی بۆ ئەم بابەتە دۆزیوەتەوە ئەویش پێر ئۆبامیانگە".

پەڕەى 4 لەکۆى 5494 پەڕەدا