قائیمقامیەتی قەزای مەڵبەندی سلێمانی ڕایدەگەیەنێت: بەهۆی فێڵكردن لەهاوڵاتیان لیژنە هاوبەشەكانی قائیمقامیەتی سلێمانی كارگەیەكی تایت دادەخرێت.


قائیمقامیەتی قەزای مەڵبەندی سلێمانی لە ڕاگەیەنراوێكدا كە وێنەیەكی دەست كوردیو كەوتووە ڕایگەیاند: لەلایەن بەڕێوەبەرایەتی ئاسایشی سلێمانیەوە زانیاری لەسەر هەبونی كارگەیەك دراوە بە لیژنە هاوبەشەكانی قائیمقامیەتی سلێمانی كە خاوەنەكەی بەنیازبووە تایتی هاوردەكراو بكات بە‌ تایتێكی بەناوبانگ و لەبازاڕەكانی شاری سلێمانی بەهاوڵاتیانی ‌بفرۆشێت.


‌‌هەروەها ئەوەشی ووتوە: كارگەكە لەناوچەی تانجەرۆی شاری سلێمانییە و تیایدا دەست بەسەر ئامێری تێكردنەوەی تایت بۆ زەرف، (8) تۆن تایتی جۆراوجۆر، (7)هەزار كارتۆنی بەتاڵی چاپكراو لەجۆری (سۆپەربای) لەگەڵ (680) كیلۆگرام نایلۆنی بەتاڵ كەبۆ تێكردنەوەی تایتەكە سودیان لێبینیوە.


ئەوەشیخستەڕوو: بەفەرمانی قائیمقامی سلێمانی و لەلایەن لیژنەهاوبەشەكانەوە كارگەكە دادەخرێت و خاوەنەكەشی روبەروی رێكاری یاسایی دەكرێتەوە.

 

خواردنی گوڵە بەڕۆژ بڕێكی زۆر چەوری تێدایە ئەمەش وایكردووە زەیتی لێدەربهێنرێت و زەیتەكەی لە ئامادەكردنی خۆراكە جۆر بەجۆرەكانی ڕۆژانەدا بەكاربهێنرێت گوڵە بەڕۆژە یەكێكە لەو گوڵانەی كە زۆرترین تۆوی تێدایە كە سوودی زۆری هەیە بۆ هەموو ئەندامەكانی لەش زۆر بە ئاسانیش دەتوانین بەدەستی بهێنین و كۆمەڵێك سودی زۆر گرنگی هەیە بۆ مرۆڤ.

چەند سودێكی تر گوڵە بەرۆژە بزانن گوڵە بەرۆژە دەبێتە هۆی بەهێز كردنی هەستی بینین

ئەگەری توشبوون بە هەستیاری كەمدەكاتەوە

نینۆكەكان بەهێز دەكات و ناهێڵێت تووشی شكان ببن

گوڵە بەڕۆژە سنگ لە بەڵغەم پاك دەكاتەوە

سوودی بۆ سیەكان هەیەو ئەگەری تووشبوونیان بە شێرپەنجە كەمدەكاتەوە ئەمەش بە تایبەت بۆ كەسانی جگەرە كێش.

هەروەها توێژینەوە پزیشكیەكان باس لەوە دەكەن چەوری گوڵەبەرۆژە چەورییەكەی زیان بەخش نییە بە پێچەوانەوە دەبێتە هۆی كەمكردنەوەی ڕێژەی كۆلیسترۆلی زیان بەخش لە خوێندا

كۆنتڕۆڵی لە ناوبردنی خانەكان دەكات، بۆیە ڕۆڵێكی گرنگ دەبینێ بۆ قەدەغەكردنی نەخۆشی شێرپەنجە چونكە تۆوی گوڵە بەڕۆژە سەرچاوەیەكی باشە بۆ سیلینیۆم كە شەڕ دەكا دژی شێرپەنجە ماددەی كانزایی تەندروستی بۆ ئێسك تێدایە ئێسكەكان پێویستیان بە مەگنیسیۆم و مس هەیە بۆ ئەوەی بە بەهێزی بمێننەوە تۆوی گوڵە بەڕۆژەش هەردوو ماددەی تێدایە هێمن كەرەوەیە، مەگنیسیۆمی گوڵە بەڕۆژە كاریگەری لەسەر هێور كردنەوەی دەمارەكان هەیە بۆیە بە ئاسانی دڵە ڕاوكێ كەم دەكاتەوەو وا دەكات زیاتر هێمن بین پێست درەوشاوە دەكات ئەمە بە هۆی ڤیتامین E كە پێست دەپارێزێ و درەوشاوەی دەكات.

 

زۆربه‌ی هاوڵاتیان زانیاری پێویستیان نیه‌ ده‌رباره‌ی ژه‌می ئێواره‌ و کۆمه‌ڵێک نازان ئه‌گه‌ر شه‌وان برسیان بوو چی بخۆن ژه‌می ئێواره‌ یه‌کێکه‌ له‌ ژه‌مه‌ سه‌ره‌کیه‌کان و نابێت نه‌خورێت به‌ تایبه‌ت پاش ده‌وام و ته‌واو بوون له‌ کاری ڕۆژانه‌ مرۆڤ هه‌ست به‌ هیلاکی و بێهێزی ئه‌کات ئه‌گه‌ر بێتوو نه‌خورێت ئه‌وا شه‌وان دوچاری برسیه‌تیه‌کی زۆر ده‌بێته‌وه‌ و ده‌بێته‌ هۆی تێک چوونی خه‌و .

هەروەها نه‌خواردنی ژه‌می ئێواره‌ به‌ مه‌به‌ستی دابه‌زینی کێش و ڕێگه‌ گرتن له‌ قه‌ڵه‌وی یان له‌و که‌سانه‌ی نه‌خۆشی درێژخایه‌نی وێنه‌ی شه‌کره‌ و به‌رزی فشاری خوێن و کۆلیستڕۆڵ و چه‌وریه‌ سیانیه‌کان کارێکی هه‌ڵه‌یه‌ و سوودی نیه‌ و به‌ پێچه‌وانه‌وه‌ زیانی هه‌یه‌ باشترین خۆراک ژه‌می ئێواران خواردنی قاپێک زه‌ڵاته‌ی وه‌رزی چاره‌کێک پێش خواردن باشتره‌ سه‌وزه‌ گه‌ڵا تۆخه‌کانی تێدا بێت وێنه‌ی که‌له‌رم و سپێناخ کاهوو ترۆزی خه‌یاریه‌کێک له‌م خۆراکانه‌ ماسی برژاو دکتۆری ئۆنلاین

په‌نیر یان ماست بێ سه‌رتوێژ له‌گه‌ڵ نانی تیری ئاردی بۆر یان جۆ بێت باشتره‌ یه‌ک قاپ ته‌ماته‌ی سوورکراوه‌ له‌ ناو یه‌ک یان دوو که‌وچک زه‌یت 

په‌تاته‌ کوڵاو یان یه‌ک هێلکه‌ی کوڵاو و نانی تیرە

قاپێک شۆڤانی ئه‌سڵی له‌ ناو یه‌ک کووپ شیری که‌م چه‌وری.

 

قاپێکی بچووک لۆبیا یان نیسک یان نۆکاو یان پاقله‌بۆ ئه‌و که‌سانه‌ ناشێت که‌ کێشه‌ی کۆڵۆن و غازاتی زۆریان هه‌یه‌ باشترین خۆراک له‌ شه‌ودا چیه‌ کاتی برسیه‌تی باشترین بژارده‌ بریتیه‌ له‌ سه‌وزه‌ی وه‌ک ترۆزی ، خه‌یار یان میوه‌یه‌ک به‌ تایبه‌ت سێو ، مۆز ، ئه‌ڤۆگادۆ ، هه‌نجیر ، چواله‌ی سه‌وز ، قه‌یسی ، هه‌ڵوژه‌ یان یه‌ک گه‌نمه‌شامی کوڵاو یان برژاو یان یه‌ک پیاڵه‌ چه‌ره‌س دوو سه‌عات پێش نوستن پێویسته‌ هیچ نه‌خورێت دوور که‌وتنه‌وه‌ له‌ خواردنه‌وه‌ی چا و قاوه‌ پاش سه‌عات نۆی شه‌و.

 

وەزیری كشتوكاڵ و سەرچاوەكانی ئاوی هەرێم ڕایدەگەیەنێت: لەچوارچێوەی پاراستن و پەرەپێدانی بەرهەمی ناوخۆیی هاوردەكردنی هەنگوین بۆ هەرێمی كوردستان قەدەغەدەكرێت.

 

بێگەرد تاڵەبانی, وەزیری كشتوكاڵ ‌و سەرچاوەكانی ئاوی هەرێم لە ڕاگەیەنراوێكدا ڕایگەیاند: ئەمساڵ ڕێژەیەكی باش هەنگوین لەناوخۆی هەرێم بەرهەم هاتووە،بۆیە لەپێناو پاراستن و پەرەپێدانی بەرهەمی ناوخۆیی بڕیارمانداوە هاوردەكردنی هەنگوین قەدەغە بكەین.

 

هەروەها وتیشی: هەر بەرهەمێكی ناوخۆیی هەرێمی كوردستان خواست و پێداویستی بازارو هاوڵاتیان پڕبكاتەوە هاوردە كردنی قەدەغە دەكرێت، یان بەگوێرەی پێویستی بازاڕ ڕیگە بە هاوردەكردنی دەدرێت.

 

 

پسپۆڕێکی خۆراک لە هەرێمی کوردستان خواردنی کەباب بە باش و پێویست دادەنێت ئەگەر بەپێی پێویست بخورێت و رەچاوی پاک و خاوێنی بکرێت لە کاتی ئامادەکردنیدا.

کەباب سوودی بۆ تەندروستی مرۆڤ هەیە لەبەر ئەوەی بەشێکی زۆر لە پرۆتینی ئاژەڵی تێدایە لەگەڵ بوونی چەوری ئاژەڵ بەڵام لە هەمان کاتدا پێویستە زیادەڕۆی تێدا نەکرێت لەخواردنیدا پرۆتین لە کاری دروستبوونی ماسولکە و زیندە چالاکییەکانی لەش بەشدارە و دەچێتە پێکهاتەی خوێنەوە چونکە رێژەیەکی باش ئاسنی تێدایە گرنگە بۆ خرۆکە سورەکانی خوێن ئۆکسجین دەگوازرێتەوە بۆ بەشەکانی تری جەستەچەورییەکەشی سەرچاوەی ترشە چەورییەکان و ووزە و ڤیتامینەکانە.

هەروەها توێژینەوەکان لەبارەی زیانەکانی کەبابەوە دەڵێن ئەگەر هاتوو کەباب بە ڕێژەیەکی زۆر بخوریت بێگومان زیان بە تەندروستی مرۆڤ دەگەینێت چونکە زیاتر لە ٣٥٪ پێکهاتەی کەباب چەورییە چەوریەکەشی چەوری تێرە نا تەندورستانە کۆلسترۆڵ زیاد دەکات و کار دەکاتە سەر بۆریەکانی دڵ، لەکاتی برژاندندا مادەی ئەماین دروست دەکات کە کاریگەری لەسەر تەندروستی هەیەیەکێکی تر لە زیانەکانی کەباب بەهۆی ئەوەوەیە ڕێژەیەکی زۆری خوێی تێدا بەکاردێت بە جۆرێک کە بۆ یەک کەباب (٧)گرام خوێ بەکاردێت کە مرۆڤ نابێت رۆژانە لە (٦) گرام زیاتر خوێ بخوات لەهەمان کاتدا یوریک ئەسید زیاد دەکات کە کار دەکاتە سەر جومگەکان و گورچلەکان.

لەم بابەتە تەندروستییەدا کە راگەیاندنی تەندروستیی سلێمانیش بڵاوی کردووەتەوە ئاماژە بەوەکراوە، بەپێی ئەو توێژینەوە زانستیانەی لە کوردستاندا لەسەر کەباب کراوە لە توێژینەوەیەکدا دەرکەوتووە هەموو ئەو نموونانەی وەرگیراوە لە کەباب پیس بوون بە بەکتریا پێش برژاندن، بەڵام دواتر دوای برژاندن بەکتریا هەر هەبووە بەڵام بە ڕێژەیەکی کەمتر، هەروەها رێژەی٥٣٪ بەکتریای کۆلیفۆرمی تێدا بووە پێش براژندن لە کاتێکدا دوای برژاندن دابەزیوە بۆ ڕێژەی لە ۱۰٪، کەواته بوونی بەکتریا بە ڕێژەیەکی زۆر دەگەڕێتەوە بۆ پابەندبوون بە سەلامەتی وپاکوخاوێنی.

بۆ دڵنیابوون لە پاک و خاوێنی کەباب و خۆ بەدوورگرتن لە زیانەکانی لەشکر حەمید سەرپەرشتیاری لیژنەی تەندروستی، ئەم رێنماییانەی خستووەتەڕوو کە پێویستە بەهەند وەربگیرێن دڵنیا بوون لە سەلامەتی ئەو گۆشتەی کە بەکاردێت بۆ کەباب شوێنی ئامادەکردنەکەی تا چەندێک تەندروستە پاکو خاوێنی کەسێتی ئەو کەسانەی کەباب دروست دەکەن، لەڕووی پشکنینی تەندروستی کارمەندەکە و بەکارهێنانی کڵاو و سەدریە و دەستکێش بە پێی ڕێنمایەکان ئەو شتانەی کە بەکاردێن تاچەند تەندروستن و پاک دەکرێنەوە بە جوانی ئەو ئاوەی بەکاردێت بۆ دەست تەڕکردن بۆ دروستکردنی کەباب سەرچاوەی سەرەکی دروستبوونی نەخۆشییه.

 نرخی دراوه‌ بیانیه‌كان له‌بازاره‌كانی هه‌رێمیی كوردستان بۆ ئه‌مرۆ چوار شه‌ممه‌ 18-9-2019 به‌مشێوه‌یه‌:

١٠٠ یۆرۆ ١٣٣ ھەزار دینار.

١٠٠ دۆلاری ئەمریکی ١٢٠ ھەزارو ٤٠٠ دینار.

١٠٠ پاوەن ١٤٨ ھەزار دینار.

١٠٠ لیرەی تورکی ٢١ ھەزارو ٥٠٠ دینار.

١٠٠ ھەزار تمەنی ئێرانی ١٠ ھەزارو ٧٥٠ دینار.

 

 

وەزارەتی دارایی و ئابووری حكومەتی هەرێم ڕایدەگەیەنێت: ئەمڕۆ موچەی مانگی حوزەیرانی ئەنجومەنی دادوەری دابەشدەكرێت.



وەزارەتی دارایی و ئابووری حكومەتی هەرێم راگەیاند: ئەمڕۆ چوارشەممە 18-9-2019، مووچەی ئەنجومەنی دادوەری دابەشدەكرێت.

 

 

بەڕێوبەرایەتی كەشناسی و بومەلەرزەزانی گەرمیان ڕایدەگەیەنێت: شەوی رابردوو بومەلەرزەیەك لە ناوچەكانی مەریوان و پاوەی رۆژهەڵاتی كوردستان و قەزای سەیدسادقی هەرێمی كوردستانیدا.

 

بەڕێوبەرایەتی كەشناسی و بومەلەرزەزانی گەرمیان ڕایگەیاند: شەوی رابردوو كاتژمێر 10:29 خولەكی ئەمشەو بومەلەرزەكە رویداوە و چەقی بومەلەرزەكە لەناوچەی سروش ئاباد لە ئێران بووە و ناوچەكانی مەریوان و پاوەی گرتوەتەوە.

 

ووتیشی: گوڕی بومەلەرزەكە 4.4 بووە بە پێوەری رێكختەر لە قوڵاتیی 10 كیلۆمەتر و بە دووریی 111 كیلۆمەتر لە سەنتەری قەزای كەلارو كاتژمێر 10:27 دەقیقە بومەلەرزەیەك بە گوڕی 4.5 پلە بە پێوەری‌ رێختەر قەزای سیدسادقی هەژاندوە.

 

 

بڕیارە ئەمڕۆ چوارشەممە سەرۆكی ئەنجومەنی نوێنەرانی عیراق بە یاوەری چەند پەرلەمانتارێك بگاتە هەرێمی كوردستان و تاووتوێی پرسی پڕۆژە یاسای بودجەی گشتی عیراق بكەن.

 

بڕیارە ئەمڕۆ چوارشەممە 18-9-2019 محمد حەلبوسی، سەرۆكی ئەنجومەنی نوێنەرانی عیراق بە یاوەری چەند پەرلەمانتارێك بگاتە هەرێمی كوردستان بۆ قسەكردن پرسی پڕۆژە یاسای بودجەی گشتی عیراق و چەند پرسێكیتری تایبەت بە هەرێم.

 

بڕیارە لە سەردانەكەیدا بۆ هەولێر لەگەڵ هەریەكە لە نێچیرڤان بارزانی، سەرۆكی هەرێمی كوردستان و مەسروور بارزانی، سەرۆك وەزیرانی هەرێمی كوردستان كۆببێتەوە.

 

پەڕەى 5 لەکۆى 5273 پەڕەدا