دوای رێگریكردن له‌ محمود سەنگاوی ئه‌ندامی مه‌كته‌بی سیاسی یه‌كێتی كه‌ كاردانه‌وه‌ی یه‌كێتی به‌دواوه‌ هات، وەزارەتی ناوخۆی حكومەتی هەرێم روونكردنه‌وه‌ ده‌دات.

له‌ راگەیاندراوێكیدا كه‌ وێنه‌یه‌كی ده‌ست "كوردیو" كه‌وتووه‌ وەزارەتی ناوخۆی حكومەتی هەرێم لەبارەی رووداوه‌كه‌ رایدەگەیەنێت: رووداوەكە هیچ بڕیارو راسپاردەیەكی لەپشتەوە نەبووە.

جەختی لەوەشكردۆتەوە كە رووداوەكە نەخوازراو بووەو بۆ رەواندنەوەی نیگەرانییەكانی مەكتەبی سیاسیی یەكێتیش، لێكۆڵینەوەیەكی وورد ئەنجام دەدەن.

دەقی راگەیاندراوەكە:

راگەیاندراوێك لە وەزارەتی ناوخۆی حكومەتی ھەرێمی كوردستانەوە

ئەمڕۆ پێنجشەممە ١٩-٩-٢٠١٩ لە كاتی ھاتنی بەڕێز مەحمود سەنگاوی ئەندامی مەكتەبی سیاسیی یەكێتی نیشتمانی كورستان بۆ پارێزگای ھەولێر، لە زاڵگەیەكی دۆڵی سماقۆلی رووداوێكی نەخوازراو رووی داوە، كە ھیچ بڕیار وراسپاردەی لە پشتەوە نەبووە. بۆیە بۆ رەواندنەوەی نیگەرانییەكانی مەكتەبی سیاسیی یەكێتی نیشتمانی كوردستان و رێگەگرتن لە دووبارە بوونەوەی ئەم جۆرە رووداوانە، لێكۆڵینەوەیەكی وورد ئەنجام دەدەین و خەڵكی كوردستان دڵنیا دەكەینەوە ھەموو ھەوڵەكانمان لە رێگاوبانەكان بۆ دابینكردنی ئەمنیەتی سەروسامانی ھاووڵاتیانە.

وەزارەتی ناوخۆ
حكومەتی ھەرێمی كوردستان
١٩-٩-٢٠١٩

 

كاردانەوەكان لەسەر رێگری كردن لەئەندامیكی مەكتەبی سیاسی یەكێتی لەلایەن بازگەیەكی ئاسایشی هەولێرەوە بۆناوشارەكە بەردەوامیان هەیەو فراكسیۆنی یەكێتی رایدەگەیەنێت پێویستە یەكێتیش رێگری لەوكەسانە بكات كە رێگریان لە مەحمود سەنگاوی كردوە.
فراكسیۆنی یەكێتی لە كۆنگرەیەكی رۆژنامەنوسیدا رایگەیاند" پێویستە یەكێتی لەبارەی ریگریكردن لە مەحمود سەنگاوی بێتە سەرخەتوو هەڵویچستی توند وەرگرێ و ئەگەر ئەوكەسەی كەفەرمانی دەركردوە سەرۆكی حكومەت یان سەرۆكی هەرێمەلەبازگەكانی ژێر دەسەلاتی یەكێتی بەهەمان شێوە رێگری لێبكرێت "

وتیشی" ئەگەر محمود سەنگاوی كارێكی نایاسایی كردوە ئەوا یاسا هەیەو دەتوانرا سكاڵای لەسەرتۆماربكرێت" فراكسیۆنی یەكێتی

فراكسیۆنی یەكێتی ئاماژەی بەوەشدا "بەداخەوە سەرۆكایەتی حكومەت نەیتوانی بابەندی بریارەكانی خۆی بێت و كاتێك وتی پێویستە لە زاخۆوە تا خانەقین یەك حكومەت هەبێت بەڵام بەم كارەی ئەمرۆ گەراینەوە بۆساڵەكانی نەوەدەكان"

راشیگەیاند" پیویستە ئەوە بزانین ئەوكارە بەفەرمانی كێ كراوە ئەگەر سەرۆكی حكومەتە یان سەرۆكی هەرێمە یەكێتی ریگری لێ بكات و نەهێلێت بچێتە سلێمانی"

دوای رێگریكردن له‌ محمود سەنگاوی ئه‌ندامی مه‌كته‌بی سیاسی یه‌كێتی ، یه‌كێتیش كاردانه‌وه‌ی نواند و رێگری له‌ به‌ پرسێكی پارتی ده‌كات .

ئەمرۆ مەحمود سەنگاوی ئەندامی مەكتەبی سیاسی یەكێتی نیشتیمانی كوردستان بەمەبەستی كۆبونەوەی مەكتەبی سیاسی حزبەكەی بەرەو هەولێر بەڕێ دەكەوێت، بەڵام لە بازگەی گۆمەسپان رێگری لێدەكرێت.
بەرپرسانی بازگەكە داوای لێدەكەن" باشترە نەچێتە هەولێر"، هێزێكی زۆر لەو ناوچەیە كۆدەكرێتەوە بۆ رێگری لە مەحمود سەنگاوی، دەمەقاڵی دروست دەبێت لە نێوانیاندا، مەحمود سەنگاوی دەگەڕێتەوەو ناچێتەوە هەولێر.

ئه‌مه‌ش كاردانه‌وه‌ی لێكه‌وته‌وه‌ و وته‌بێژی یه‌كێتی لەكۆنگرەیەكی رۆژنامەوانیدا لەهەولێرەوە رایگەیاند: ئەو كارە بە كارێكی دوور لە نەریتی پێكەوە ژیان لەهەرێمی كوردستان دەزانین و جێی قبوڵ نیە." دواتریش شاڵاو كۆسه‌ره‌ت ره‌سول به‌رپرسی مه‌ڵبه‌ندی هه‌ولێری یه‌كێتی له‌ به‌یانامه‌یه‌ك رایگه‌یاند "هەولێر پایتەختی هەرێمی كوردستانەو ڕێگری كردن لە خەڵكی و تۆخكردنەوەی دوو ئیدارەیی خەریكە دەبێتە دیاردە و هەرگیز مایەی قبوڵكردن نییەو دەبێ بنبڕ بكرێ."

له‌ كاردانه‌وه‌ی ئه‌م رێگریه‌ش به‌ پێێ زانیاریه‌كان ئه‌مڕۆ لە بازگەی تۆپزاوای کۆیە ڕێگری لە بەرپرسی ناوچەی کۆیەی پارتی کراوه‌.

سەرچاویەكی باڵای ئەمنی یەكێتیش به‌ درەو میدیا راگەیاندوه‌ " لەبەرامبەر رێگریكردن لە چوونی مەحمود سەنگاوی بۆ هەولێر، یەكێتیش رێگری دەكات لە هاتنی بەرپرسانی باڵای پارتی بۆ ناوچەی سەوز، بۆ ئەو مەبەستەش بازگەكان ئاگاداركراونەتەوە.


پێده‌چێت رێگریكرن له‌ مه‌حمود سه‌نگاوی له‌ لایه‌ن پاریته‌وه‌ كه‌ بچێته‌ هه‌ولێر بۆ ئه‌وه‌ بگه‌رێته‌وه‌ كه‌ ماوه‌یه‌ك پێش ئێستا ناوبراو لێدوانێكدا رەخنەی توندی لە مەسعود بارزانی سه‌رۆكی پارتی دیموكراتی كوردستان گرتبوو و وتبووی "مەسعود بارزانی زۆر بچوكە"


دوابەدوای ئەوەی ئەمڕۆ پێنج شەممە ڕیگری كرا لە چونی مەحمود سەنگاوی ئەندامی مەكتەبی سیاسی یەكێتی بۆ شاری
هەولێر لەلایەن بازگەی ئەو شارە ،كاردانەوەكان بەردەوامن ومەڵبەندی هەولێری یەكێتی ئیدانەی ڕێگرتن لە مەحمود سەنگاوی دەكات

دەقی بەیاننامەكە :

‎زۆر بەداخەوە ئەمڕۆ لەبازگەی سماقوڵی ڕێگری لەهاتنی هەڤاڵ مەحمود سەنگاوی ئەندامی مەكتەبی سیاسی یەكێتی نیشتمانی كوردستان كرا بۆ هەولێر، ڕێگری كردن لەكاك مەحمود تەنها ڕێگری كردن نییە لە كەسایەتییەك بەڵكو ڕێگرتنە لە هەموو هاووڵاتیەك و خەباتگێڕێكی كورد، بەناوی خۆم و هەڤاڵانم لە مەڵبەندی هەولێر ئیدانەی ڕێگری كردن لەهەڤاڵ مەحمود سەنگاوی دەكەین و دژی قۆرخكردنی هەولێرین لەلایەن لایەنێكی سیاسی و دووپاتی دەكەینەوە كە هەولێر هی هیچ گروپ و تاخم و لایەنێك نییە، هەولێر پایتەختی هەرێمی كوردستانەو ڕێگری كردن لە خەڵكی و تۆخكردنەوەی دوو ئیدارەیی خەریكە دەبێتە دیاردە و هەرگیز مایەی قبوڵكردن نییەو دەبێ بنبڕ بكرێ.

‎شاڵاو كۆسرەت ڕەسول
‎لێپرسراوی مەڵبەندی ٣ی ڕێكخستنی هەولێری
‎یەكێتی نیشتمانی كوردستا


ئەمڕۆ پێنجشەممە ‌ 19-9-2019 ئالان حەمە سەعید وەزیری پەروەردەی حكومەتی هەرێمی كوردستان بەئامادەبونی مامۆستا بەشدار عەبدولخالق خۆشناو بەڕێوەبەری گشتی پەروەردەی هەولێر و مامۆستا جەلال هەمزە كاكەشین بەڕێوەبەری گشتی سەرپەرشتیكردن و مامۆستا دلێر عەبدوڵڵا بەڕێوەبەری پەروەردەی ناوەندی هەولێر و ڕاوێژكاران لەوەزارەتی پەروەردە لەگەڵ بەڕێوەبەری قوتابخانەكانی ئامادەیی و بنەڕەتی سنووری بەڕێوەبەرایەتی پەروەردەی ناوەندی هەولێر كۆبۆوە .

لەو كۆبوونەوەیەدا وەزیری پەروەردە لەسەرەتای قسەكانیدا خۆشحاڵی خۆی دەربڕی وەك یەكەم كۆبو‌نەوە‌ لەگەڵ بەڕێوەبەری قوتابخانە ئامادەیی و بنەڕەتییەكان ، لەوبارەوە رایگەیاند كە بەرێوەبەری قوتابخانە بەرپرسی یەكەمی پڕۆسەی پەروەردەییەو هەروەها پیرۆزبایی ساڵی نوێی خوێندنی لەسەرجەم مامۆستایان و قوتابیان كرد.

هەر لەم كۆبوونەوەدا، وەزیری پەروەردە رایگەیاند كە پێویستە بەهەموو لایەكمان هەوڵی باشتر بدەین بۆ بەڕێوەچوونی پرۆسەو فێركردن لەهەرێمی كوردستان، هەروەها جەختی كردەوە لەسەر گرنیگدانی زیاتر بە ژینگەی قوتابخاكان و وانەكانی هونەر و وەرزش و هەروەها وەرگرتنی قوتابی بەپێی شوێنی جوگرافی.
وەزیری پەروەردە راشیگەیاند" بەداوداچوونی تەواو بۆ داواكاری و یاخود سكاڵای كەسوكاری قوتابیان دەكرێت ئەگەر كەمتەرخەمییەك لەقوتابخانەكان هەبێت بەتایبەت لە یەكپۆشی جلوبەرگی قوتابخانەو قوتابیان سەرپشكن لەهەموو شوێنێك جلوبەرگی قوتابخانە بكڕن"
.
لەلایەن خۆشیانەوە بەرێوەبەری قوتابخانەكان راوو سەرنجی خۆیان سەبارەت بەگرفت و كەموكوڕییەكانی بواری پەروەردە خستەڕوو، دواتر لەلایەن وەزیری پەروەردەوە وەڵامی سەرنج و تێبینییەكانی بەشێك لەبەرێوەبەری قوتابخانەكان دایەوە هیوای سەركەوتنی بۆ خواستن و گوتیشی: پاڵپشتی تەواوی قوتابخانەكان دەبین لەسەرخستنی پرۆسەی خوێندن

1. مەلەوانگەکان، توێژینەوەکان دەریان خستووە کە 70 ٪ ئەو مەلەوانگانە میکرۆبی ئیشریشیای کۆلۆنی تیایە E.Coli

2 . لیستی خواردن لە چێشتخانەکان Restaurant menu

3 . قاشی لیمۆ کەلەسەر لێواری پەرداخ دائەنرێت لە چێشتخانەکان.

4. بەلوعەی ئاو کە دەرکەوتووە لە سەرئاوەکان پیسترە چونکە ئەویان پاک ئەکرێتەوە.

5. دەرگای چونەدەرەوە لە سەرئاوەکان، دەرکەوتووە سێ یەکی پیاوان و سێ یەکی ئافرەتان دەستیان بە جوانی ناشۆن کاتێک دێنە دەرەوە.

6. عەرەبانەی کەلوپەل لە مۆڵەکان، لەبەر ئەوە پێویستە منداڵی تێ نەکرێت.

7. دوگمەی مەصعەدەکان کە دەرکەوتووە لە سەرئاوەکان پیسترە.

8. ژوری ئوتێلەکان وپیسترین شتیش تیایدا کۆنترۆڵی تەلەڤزیۆن و سپلێتە.

9. حەوزی لم بۆ یاریکردنی منداڵ کە دەرکەوتووە 36 جار لە سەرئاوەکان پیسترە.

10. ئەو ئامرازانەی لە یانەی وەرزشی بەکاردێت GMS

11. مۆبایلەکان، کەمترین ژمارەی ڤایرۆس بە مۆبایلەوە 40 دانەیە.

12. بەنزین خانەکان GAS STATION

13. بەڵام پیسترین شت دەرکەوت پارەی کاغەزە!


بەهاوكاری خێرخوازانی ناوەوەی هەریمی كوردستان ئەمرۆ لە شاری هەولێر وەك پیشەی ساڵانەی خۆی لقی هەولێر ڕابیتەی خێرخوازی قرتاسیەی بەسەر300 منداڵی بێ باوك دابەش كرد.


لقی هەولێر ڕابیتەی ئیسلامی خێرخوازی ئەمڕۆ پێنج شەممە 2019-9-19 ، بۆخوێندنی ساڵی2019-2020
قرتاسیە بەسەر300 منداڵی بێ باوك دابەش كرد.


كەسو كاری منداڵەنازدارەكانیش سوپاسی رێكخراوی رابێتەی ئیسلامی و خێرخوانیان كردو كردو دوعای خێریان بۆكردن و هیوای سەلامەتیان بۆخواستن.

دوای ئه‌وه‌ی وه‌زیری په‌روه‌رده‌ی حكومه‌تی هه‌رێم رایگه‌یاند، ده‌بێت ئه‌و مامۆستایانه‌ی له‌خوێندنگه‌ ئه‌هلییه‌كان وانه‌ده‌ڵێنه‌وه‌ خۆیان یه‌كلایی بكه‌نه‌وه‌ كه‌ وه‌ك فه‌رمانبه‌ر ده‌مێننه‌وه‌ یان ده‌چنه‌ كه‌رتی تایبه‌ت به‌مه‌ش هه‌لی كار بۆ هه‌شت هه‌زار كه‌س ده‌ره‌خساند ، به‌ڵام ئه‌م بڕیاره‌ تا ئێستا جێبه‌جێنه‌ركراوه‌ و په‌روه‌رده‌ی سلێمانیش رایده‌گه‌یه‌نێت تائێستا ئه‌و بڕیاره‌مان به‌ده‌ستنه‌گه‌یشتووه‌.

عومه‌ر محه‌مه‌د یاریده‌ده‌ری به‌ڕێوه‌به‌ری گشتی په‌روه‌رده‌ی سلێمانی رایگه‌یاند: تائێستا هیچ بڕیارێكمان به‌ده‌ستنه‌گه‌یشتووه‌ بۆئه‌وه‌ی ئه‌و مامۆستایانه‌ی میلاكی په‌روه‌رده‌ن و له‌خوێندنگه‌ ئه‌هلییه‌كان وانه‌ ده‌ڵێنه‌وه‌ خۆیان یه‌كلایی بكه‌نه‌وه‌، به‌ڵام بڕیاره‌كه‌ی وه‌زیری په‌روه‌رده‌ وایه‌ كه‌ 20%ی ئه‌و مامۆستایانه‌ له‌خوێندنگه‌ ئه‌هلییه‌كان وانه‌ ده‌ڵێنه‌وه‌ فه‌رمانبه‌ری حكومه‌ت بن و 80%یشیان ئه‌و ده‌رچووانه‌بن كه‌ دانه‌مه‌زراون.

وتیشی:"له‌ئێستادا زۆربه‌ی ئه‌و مامۆستایانه‌ی له‌خوێندنگه‌ ئه‌هلییه‌كان وانه‌ ده‌ڵێنه‌وه‌ میلاكی وه‌زاره‌تی په‌روه‌رده‌ن".

یاریده‌ده‌ری به‌ڕێوه‌به‌ری گشتی په‌روه‌رده‌ی سلێمانی بۆ سایتی سلێمانی راشیگه‌یاند: تائێستا ئه‌و بڕیاره‌مان به‌ده‌ستنه‌گه‌یشتووه‌و ره‌نگه‌ له‌هه‌فته‌ی داهاتووه‌وه‌ بڕیاره‌كه‌ی وه‌زاره‌تمان به‌ده‌ست بگات، ئه‌وكاته‌ ده‌خرێته‌بواری جێبه‌جێكردنه‌وه‌.

 

 

جێگری سەرۆكی فراكسیۆنی یەكگرتوو لە پەرلەمانی كوردستان رایدەگەیەنێت ئەگەر هەرێم لەگەڵ بەغدا رێكنەكەوێت، رەوشی دارایی هەرێم دەگەڕێتەوە بۆ ساڵانی قەیران و روبعە موچەی فەرمانبەران
د. ئیسماعیل سگێری جێگری سەرۆكی فراكسیۆنی یەكگرتوو لە پەرلەمانی كوردستان كە بەشداربوو لەكۆبونەوەكەی سەرۆك كۆماری عێراق ڕاگەیاند: هیچ ڕێگایەك لەبەردەم هەرێمی كوردستان نیە تەنها ڕێكەوتن نەبێـت لەگەڵ بەغدا.

د.ئیسماعیل سگێری وتیشی "هەرێمی كوردستان و بەغدا پێویستە لەسەر بودجەی ساڵی 2020 ڕێك بكەون ئەگەر هەرێم ڕێكنەكەوێت لەگەڵ بەغدا ئەوا دەگەڕێتەوە بۆ قەیارنی دارایی ساڵانی 2014، 2015، 2016 كە ڕوبعە موچەی بە فەرمانبەرانی دەدا.

جێگری سەرۆكی فراكسیۆنی یەكگرتوو ئاماژەی بەوەشكرد هەرێم لە گفتوگۆكانی لەگەڵ بەغدا داوای نەفەقاتی سیادی و قەرزی پاشەكەوتی موچەی فەرمانبەرانی هەرێم و كرێی كۆمپانیا نەوتیەكانی كردووە بەڵام تائێستا بەغدا بەومەرجانەی هەرێم ڕازی نەبووە.

پاش گەیشتنی پارەی موچەی فەرمانبەران لە بەغداوە بۆ لقی ھەولێری بانکی ناوەندی عێراق حکومەت دوا لیستی دابەشکردنی موچەی مانگی شەشی راگەیاند.

لیستی دابه‌شكردنی مووچەی سه‌رجه‌م وەزارەت و فەرمانگەکان:
لە دوو رۆژی ھەفتەی داھاتوو مووچەی مانگی ٦ ی ھەموو وەزارەت و فەرمانگەکان دەدرێت.
رۆژی یەکشەممە ٢٢ی ٩ مووچەی ئەم شوێنانە دەدرێت:
• وەزارەتی سامانە سرووشتیەکان
• وەزارەتی ناوخۆ
• خوێندنی باڵا
• ئەوقاف
• ب.گشتی رەگەزنامەی ھەرێم
• لیوای نەوت
• زێرەڤانی
• بەرگری و فەریاکەوتن
• دەزگای ئاسایش
• ئەنجومەنی ئاسایش
رۆژی دووشەممە ٢٣ی ٩ مووچەی ئەم شوێنانە دەدرێت:
• وەزارەتی شارەوانی
• وەزارەتی کارەبا
• گواستنەوە
• پلاندانان
• کشتوکاڵ
• دیوانی چاودێری دارایی
• مافی مرۆڤ
• ناوچە کوردستانیەکان
• ژینگە
• دەستەی وەبەرھێنان
• دەستەی دەستپاکی
• کۆمسیۆنی ھەڵبژاردن
• دەزگای مین
• وەزارە تی پیشەسازی
• ئاوەدانکردەنەوە
• رۆشنبیری
• سەرۆکایەتی ھەرێم
• سەرۆکایەتی پەرلەمان
• ئەنجومەنی وەزیران

 
پەڕەى 6 لەکۆى 5280 پەڕەدا