حكومەتی چین هۆشداریدا بە كۆمپانیای ئەپڵ تاكو نەوەی نوێی مۆبایلە هۆشمەندەكانی رابگرێت و چیتر نەیفرۆشێت.
كۆمپانیایەكی چینی چەنزینی بایلی داوای لە حكومەتی ووڵاتەكەی كردووە ڕێگری بكات لەكۆمپانیای ئەپڵ تاكو چیتر ڕێگە نەدات مۆبایلەكانی ئایفۆن شەش و ئایفۆن شەش گەورە بفرۆشرێن، چونكە لەشێوازی دروستكردنەكەیاندا پێشێلكاری كراوە.
ئەو كۆمپانیا چینییە راشیگەیاندووە، نەخشەكانی ئایفۆن شەش و شەش پڵەس نزیكن لەو نەخشانەی كە ئەوان لەسەر مۆبایلەكانی (110 C) كێشاویانە.
جێگەی باسكردنە ئێستا نزیكە بڕیارەكە لەشاری پەكین بخرێتە بواری جێبەجێكردن و دواتریش چەند ناوچەیەكی دیكەش بگرێتەوە.
ئەمەو جموجۆڵەكانی حكومەتی چین لەهەمبەر كۆمپانیای ئەپڵ نیگەرانی ئەو كۆمپانیایەی بەدوای خۆیدا هێناوە، چونكە ئەوان پێیان وایە دوای ئەمریكا، چین پڕفرۆشترین بازاڕیانە لەجیهاندا.

 

ئـ . كـ

 

 

دوای كۆتایی هاتنی یارییەكانی قۆناغی چارەكی كۆتایی پاڵەوانیەتی جامی كۆپا ئەمریكا ، بەشێوەیەكی فەرمی ناوی ئەو چوار هەڵبژاردەیە ئاشكرابوو كە یارییەكانی قۆناغی پێشكۆتایی ئەنجامدەدەن".

هەریەكە لە هەڵبژاردەكانی (ئەمریكا و كۆڵۆمبیا و ئەرجەنتین و چیلی) سەركەوتن بۆ قۆناغی پێشكۆتایی ، ئەمەش دوای بردنەوەیان لە هەڵبژاردەكانی (ئیكوادۆر و پیرۆ و ڤەنزویلا و مەكسیك)".

بەرەبەیانی رۆژی چوارشەممەی داهاتوو هەردوو هەڵبژاردەی ئەمریكا و ئەرجەنتین رووبەرووی یەكتردەبنەوە ، یارییەكەی كۆڵۆمبیا و چیلی لە بەرەبەیانی رۆژی پێنجشەممە ئەنجامدەدرێت".


 

رێكان عزیز



ئەمرۆ یارییەكانی گەڕی سێیەمی قۆناغی گرووپەكانی پاڵەوانیەتی جامی نەتەوەكانی ئەوروپا دەستپێدەكات و رۆژانە ناوی ئەو دوو هەڵبژاردەیە بەدیار دەكەوێت كە لەهەر گرووپێك سەردەكەون بۆ قۆناغی داهاتوو".

خشتەو كاتی یارییەكانی ئەمرۆ بەمشێوەیە :

كاتژمێر (10:00) : ( رۆمانیا × ئەلبانیا )

كاتژمێر (10:00) : ( فەرەنسا × سویسرا )


 

رێكان عزیز

 

لەمیانی یارییەكانی قۆناغی چارەكی كۆتایی پاڵەوانیەتی جامی كۆپا ئەمریكا ، هەڵبژاردەی ئەرجەنتین بە ئەنجامێكی گەورە و بە (4 – 1) لە هەڵبژاردەی ڤەنزویلای بردەوە".

چوار گۆڵەكەی ئەرجەنتین یاریزانان (گۆنزالۆ هیگواین (2) گۆڵ و لیۆنێل میسی و ئەریك لامیلا) تۆماریانكرد ، گۆڵەكەی هەڵبژاردەی ڤەنزویلا یاریزان (خۆزێ سالومون رودوندون) تۆماریكرد".

بەم ئەنجامەش هەڵبژاردەی ئەرجەنتین سەركەوت بۆ قۆناغی پێشكۆتایی جامی كۆپا ئەمریكا و رووبەرووی هەڵبژاردەی ئەمریكا دەبێتەوە".


 

رێكان عزیز

 

لەمیانی یارییەكانی گەڕی دووەمی قۆناغی گرووپەكانی پاڵەوانیەتی جامی نەتەوەكانی ئەوروپا هەڵبژاردەی پورتوگال دوای یەكسانبوونی لەگەڵ هەڵبژاردەی نەمسا بەبێ گۆڵ دوو خاڵی گرینگی لەدەستدا".

رۆناڵدۆ لەم یارییە بەبێ بەختی یاری كرد و لێدانێكی سزای بۆخۆی هەژماركرد بەڵام سەركەوتوو نەبوو لە جێبەجێ كردنی و تۆپەكە بەر ستون كەوت".

بەم یەكسانبوونە هەڵبژاردەی پورتوگال كۆی خاڵەكانی كردە دوو خاڵ و پلەی سێیەمی ریزبەندی گرتووە ، هەرچی نەمسایە بە یەك خاڵ پلەی چوارەمی ریزبەندی گرتووە".


 

رێكان عزیز

كوردیوـ سلێمانی
بڕیارە ئەمڕۆ یەك شەممە شاندە هاوبەشەكەی یەكێتی و گۆڕان سەردانی هەریەكەلە بزوتنەوەی ئیسلامی و حیزبی زەحمەت كێشانی كوردستان بكەن.
وابڕیارە سەرلەبەیانی ئەمڕۆ یەكشەممە شاندە هاوبەشەكەی یەكێتی و گۆران سەردانی حیزبی زەحمەت كێشان بكەن لە شاری سلێمانی و لەبارەی ڕێكەوتننامەكەیانەوە گفتو گۆبكەن.
بڕیاریشە پاش نیوەڕۆ ئەمڕۆ یەكشەممە شاندە هاوبەشەكەی یەكێتی و گۆران سەردانی بزوتنەوەی ئیسلامی بكەن و بە هەمان شێوە لەبارەی ڕێكەوتننامەی نێوانیانەوە لەگەڵ بەرپرسانی بزوتنەوە گفتو گۆبكەن و ناوەرۆكی ڕێكەوتننامەكەیان بۆ ڕونبكەنەوە.
جێگەی ئاماژەیە لە لەچەند ڕۆژی رابردودا شاندە هاوبەشەكەی یەكێتی و گۆڕان سەردانی هەریەكەلە كۆمەڵی ئیسلامی و یەكگرتوی ئیسلامی و حیزبی شیوعی كوردستان و حیزبی سیۆسیالیست دیموكراتی كوردستانیان كرد و لەبارەی ڕێكەوتننامەكەی نیوانیانەوە گفتو گۆیان كرد.

أ.س

كوردیو -

براکەیەكی سەرۆک کۆماری پێشووی ئێران لە فەلوجە دەكوژرێت

بەگوێرەی هەواڵەکان دوێنێ ئێوارە لە دەوروبەری فەلوجە برایەکی سەرۆک کۆماری پێشووی ئێران مەحموود ئەحمەدی نەژاد کوژراوە.

ئەو وێنەیەش بڵاوکراوەتەوە کە ئەحمەدی نەژاد بەسەر تەرمی براکەیدا دەگری. تا ئێستا سەرچاوە فەرمییەکانی عێراق و ئێران لێدوانیان نەداوە. بەڵام سوننەکانی فەلووجە هەواڵ و وێنەکەیان بڵاوکردوەتەوە.

 

 

هونەر بانەگوڵانی

 


عەشائیرە سوونەكانی عێراقیش لەگەڵ ئەوەدان عێراق بۆ سێ دەوڵەتی كوردی و سووننی و شیعی دابەش بكرێت و ئاماژە شبەوە دەكەن لە ئێستادا عێراق بۆئەو سێ دەوڵەتە دابەشبووە.
مەزاحم حەویت ، وتەبێژی عەشایرە عەرەبەكانی پارێزگای موسڵ بە سۆمەریە نیوزی ڕاگەیاندوە" ئەوان وەك سوونەكان لەگەڵ پرۆژەی دابەشكردنی عێراقن بۆ سێ دەوڵەت و ئەوەش بە تاكە چارەسەردەزانن بۆ كێشەكانی ئێستای عێراق"
وتەبێژەكەی عەشایرە عەرەبەكانی موسڵ ئاماژەی بەوەشداوە" لە ڕوی واقیعیەوە لە ئێستادا عێراق دابەشبووە و ئەو بارو دۆخە كارەساتبارەی ساڵانی ڕابردوش كەبەسەر عێراقدا هاتووە هۆكارەكەی بۆ ئەو سیاسەتە تائیفی و مەزهەبیە دەگەڕێتەوە كە پیادە كراوە و داواشی كردوە كە پەند وەربگیرێت و هەڵەكانی ڕابردوو دوبارە نەكرێنەوە"
ڕاشیگەیاندوە" دابەشكردنی عێراق بۆسێ هەرێم دەبێتە هۆی چارەسەركردنی تەواوی كێشەسیاسی و ئابوریەكان و لە هەمانكاتیشدا دەبێتە هۆی ئارامی و ئاسایشی و گەشەپێدانی ناوچەكە"
جێگەی ئاماژەیە پێشتریشمەسرور بارزانی سەرۆكی ئەنجومەنی ئاسایشی هەرێم لە چاو پێكەوتنێكیدا ڕایگەیاندبوو پێویستە دوای شەڕی داعش عێراق بۆ سێ دەوڵەتی كوردی و سووننی و شیعی دابەش بكرێت.

أ.س

بەپێی ڕاگەیەنراوێكی وەزارەتی دارایی و ئابوری حكومەتی هەرێمی كوردستان ئەمڕۆ موچەی بەشێك لە وەزارەتی پێشمەرگە دابەشدەكرێت ، كەهاوكات ڕۆژی پێنجشەممەی رابردوو موچەی بەشەكەی دیكەی وەزارەتی پێشمەرگە دابەشكرابوو.
وەزارەتی دارایی و ئابووری هەرێمی کوردستان رایدەگەیێنێت: "ئەمڕۆ یەكشەممە و سبەی دووشەممە بەرواری 19 و 20-6-2016 مووچەی هەر دوو یەكەی (70و80) لە وەزارەتی پێشمەرگە دابەش دەكرێت".
"كوردیو " لە سەرچاوەیەكی تایبەت و باوەڕ پێكراو زانیاری دەستكەوتووە، كە ئێستە حكوومەتی هەرێم لە هەوڵدایە لە ماوەی دوو رۆژی داهاتوو ئەو بڕە پارەیەی نەوت كە پێشبینی دەكرێت زیاتر بێت لە 300 ملیۆن دۆلاری ئەمریكی لە بازاڕەكان بیگۆڕێتەوە، بۆ ئەوەی لەگەڵ ئەو بڕە پارەیەی وەك داهات دەستی كەوتووە مووچەی فەرمانبەرانی پێ دابین بكەن.

وەك سەرچاوەكە روونی كردەوە، چاوەڕوان دەكرێت لە دوای تەواوبوونی دابەشكردنی مووچەی هەموو یەكەكانی وەزارەتی پێشمەرگە، رۆژی سێ شەممە مووچەی ئەنجومەنی ئاسایش دابەش بكرێت، هەروەها رۆژانی چوارشەم و پێنج شەم مووچەی هێزەكانی زێرەڤانی و هێزی ئامادە دابەش دەكرێت.
بەپێی زانیاریەكانی كوردیو كە لە سەرچاوەیەكی وەزارەتی دارایی دەستیكەوتوو ئەم هەفتەیە تا نزیكبوونەوە لە جەژن مووچەی وەزارەتە مەدەنیەكان دابەش ناكات، بەڵكو تەنها یەكە سەربازی و دەزگا ئەمنیەكان مووچە وەردەگرن.


ڕێبین عەلی

 

ئەمڕۆ یەك شەممە ، لەکاتی کردنەوەی بازاڕدا نرخی ١٠٠ دۆلار بە ١٢٧ هەزار و ٣٠٠ دینارە، شایەنی باسە دوێنێ لەساتی داخستی بازاڕەكان نرخی دۆلار دابەزی بۆ ١٢٧ و ٣٥٠ دینار.

نرخی دراوەکانی دیکە بەم شێوەیەیە:

١٠٠ پاوەن بە ١٨٢ هەزار دینارە.

١٠٠ یۆرۆ بە ١٤٣ هەزار دینارە.

١٠٠ هەزار تمەنی‌ ئێرانی‌ بە ٣٦ هەزار و ٥٠٠ دینارە.

١٠٠ لیرەی تورکی بە ٤٤ هەزار دینارە.


ڕێبین عەلی