كڵاودیۆ رانێری ئیتاڵی و راهێنەری یانەی لیستەر سیتی ئینگلیزی داواكارییەك ئاراستەی (وێڵیام)ــی شازادەی بەریتانیا دەكات".

راهێنەرەكەی لیستەر سیتی داوای لە وێڵیام كردووە ئامادەی دوا یارییەكانی تیپەكەی بێت كە لەنێو یاریگای (كینگ پاوەر ستادیۆم)ی تایبەت بەخۆیان ئەنجامدەدرێت".

رانێری هیوای خواست شازادە پشتگیری تیپەكەیان بكات و ئامادەی یاریگا بێت ، بۆ ئەوەی بتوانن بۆ جاری یەكەم لەمێژوویاندا ببنە پاڵەوانی خولی یانە نایابەكانی ئینگلتەرا".

ئەمەو شازادە ئێستا وەك سەرۆكی فەخری یەكێتی تۆپی پێی ئینگلیزی دەستنیشانكراوە و وەك پێشتر ئاشكرای كردووە هاندەرێكی سەرسەختی یانەی ئەستۆن ڤێلایە".

رێكان عزیز
 

دوای ئەوەی عەلی کەڵەک لە بەرنامەیەکی NRT2 بەشداریکرد، وەڵام و وەڵامکاری لە نێوان  عەلی کەڵەک و د. عەبدولەتیفدا دروست دەبێت و هەریەکە و بەجیا وەڵامی یەکتر دەدەنەوە.

دوابەدوای دواین  بەرنامەکە تێیدا  مەلا عەلی کەڵەک بەشداری تێدا کرد، د. عەبدولەتیف ئەحمەد "سەلەفی"  پێشنوێژ و وتارخوێنی مزگەوتی "بەهەشت"، لە ڤیدیۆییەکیدا وەڵامی بەشێک لە وتەکانی عەلی کەڵەکی دایەوە و ڕایگەیاند "داواكارم لە خوای پەروەردگار هیدایەتی ئەو برایە بدات و بیهێنێتەوە هۆش خۆی "

لەبەرامبەر ئەم وتانەی د. عەبدولەتیفدا، عەلی کەڵەک لە ڤیدیۆییەکدا کە ئەمڕۆ لە تۆڕە کۆمەڵایەتییەکان بڵاوبووەتەوە، دەڵێت هێرشی کراوەتە سەر و گەردنی ئازاد بێت و وەک ئاماژەیەک بە قسەکانی د. عەبدولەتیف دەڵێت " دایكی هاتووەتە ئێرە خوشكی هاتووەتە ئێرە برای هاتووەتە ئێرە، هەموویانم چارەسەركردووە، عەیبە لەسەر كەناڵ هێرش دەكەیتە سەرمن، من هێرش ناكەمە سەر تۆ".

هەروەها بەردەوام دەبێت لە وەڵامدانەوەکانی و دەڵێت " تۆ پیاوێكی پاكی خزمەتی زۆرت كردووە، بەس مەبە پیاوی سعودیە و عەلمانی، كەس مەكە وەلی ئەمری خۆت جگە لە پێغەمبەری خوا ( د.خ)".

 

كۆمپانیای گۆران نێت رایگەیاند خزمەتگوزارییەكانی ئینتەرنێتی لەچەند یەكەیەكی نیشتجێبوون دادەبەزێنێت.

گۆران نێت رایگەیاند" نرخی خزمەتگوزاریەكانی ئینتەرنێت بۆ دانیشتوانی یەكە نیشتەجێكانی (دیلان ستی١، گۆیژە ستی، ڕۆژ ستی، قەیوان ستی، نەورۆز ستی، دریم لاند، جاف تاوەر و بەهاران)دا دەبەزێنێت.

كۆمپانیایەكە ئەوە ئاشكرا دەكات كە نرخەكان لە ٥٠.٠٠٠ دینارەوە بۆ ٤٣٠٠٠ دینار داشكێندرا كە {٣٥٠٠٠ بۆ هێڵی گۆران نێت + ٨٠٠٠ بۆ هێڵی كوردتێل}.


ڕێبین عەلی

 

جۆن تێری ئینگلیزی و كاپتن و سەركردەی یانەی چێڵسی ئینگلیزی باشترین یاریزانی ئەم وەرزەی خولی نایابی ئینگلیزی ئاشكراكرد".

تێری تەمەن (35) ساڵ لە ئەژماری خۆی لە تۆڕی كۆمەڵایەتی ئینستگرام لیستی دەنگدانی باشترین یاریزانانی ئەم وەرزەی خولی نایابی ئینگلیزی بڵاوكردۆتەوە".

تێری بۆ باشترین یاریزانی ئەم وەرزە دەنگی بە ریاز موحریزی جەزائیری و یاریزانی یانەی لیستەر سیتی داوە و بەباشترینی دەزانێت".

ئەمەو ریاز لەم وەرزە لەگەڵ یانەی لیستەر سیتی یەكێك لە باشترین ئاستەكان پێشكەش دەكات و تا ئێستا (16) گۆڵی بۆ یانەكەی تۆماركردووە".

رێكان عزیز
 


نرخی یەك بەرمیل نەوتی خاوی برێنت دوای ئەوەی لەبازاڕەكانی جیهاندا دابەزینی بەخۆیەوە بینی، سەرلەنوێ بەرزبوونەوەی بەرچاوی تۆمار كرد و گەیشتەوە سەرووی 40 دۆلار.

بەهۆی دابەزینی بەهای دۆلارەوە دوای ئەنجامدانی كۆبوونەوەی بانكی ناوەندیی ئەمریكا لەسەر رێژەی سوو، نرخی نەوت رووی لە بەرزبوونەوە كردەوە.

هاوكات بەهۆی ئاشكراكردنی داتاكانی دەزگای زانیاریی وزەی ئەمریكا كە چوار ملیۆن و 900 هەزار بەرمیل كەمتر لە ژمارەی چاوەڕوانكراو خراوەتە بازاڕەكانەوە، نرخی نەوت بەرزبووەوە.

نرخی خاوی برێنت كه بەهۆی ئەو پێشهاتانەوە دوێنێ گەیشتە 40 دۆلار و 26 سەنت، ئەمڕۆ بەردەوام بوو لە بەرزبوونەوە و نرخی یەك بەرمیل 40 دۆلاری تێپەڕاند و گەیشتە 41 دۆلار و 85 سەنت. لەئێستادا نەوت بەڕێژەی سەدا 2.8 بەرزتر لە دوێنێ كاتی داخستنی بازاڕ و بە 40 دۆلار و 8سەنت مامەڵەی پێوەدەكرێت.

شارەزایان پێیان وایە بەرزیی ئەگەرەكان بۆ گەیشتن بەڕێككەوتنی وڵاتانی بەرهەمهێنی نەوت لەسەر كەمكرنەوەی بەرهەم و كەمبوونەوەی نەوت لە بازاڕەكاندا، هاوكارە بۆ بەرزبوونەوەی نرخی نەوت.

شارەزایان پێیان وایە ئەگەر نرخی نەوت لەسەرووی 40 دۆلارەوە بمێنێتەوە، ئەگەری هەیە بگاتە 41 دۆلار و 50 سەنت. هەروەها ئەگەر روو لە دابەزین بكات، ئەگەری هەیە تا 38 دۆلار و 3 سەنت دابەزێت.

 

نیمار داسیلڤای بەرازیلی و هێرشبەری یانەی بەرشلۆنەی ئیسپانی لەلایەن یانەكەیەوە بێ هیوا دەكرێت و بەبڵاوبوونەوەی هەواڵێك دووچاری شۆك دەبێت".

رۆژنامەی ئاسی ئیسپانی بڵاوی كردەوە یانەی بەرشلۆنە نامەیەكی بۆ یەكێتی تۆپی پێی بەرازیل ناردووە تیایدا رەتیدەكاتەوە رێگەی پێبدات بەشداری لەیارییەكانی كۆپا ئەمریكا بكات".

لەنامەكەی بەرشلۆنە هاتووە ، رێگە بە نیمار دراوە تەنها بەشداری لەیارییەكانی ئۆڵۆمپیاد بكات و بانگهێشتی یارییەكانی كۆپا ئەمریكا نەكرێت".

ئەمەو هەڵبژاردەی بەرازیل دەیەوێت لەهەردوو پاڵەوانیەتییەكە كە ئەمساڵ ئەنجامدەدرێت بانگهێشتی نیمار بكات ، بەڵام یانەی بەرشلۆنە بۆ تەنها یەك پاڵەوانیەتی رێگەی پێدەدات بەشداری بكات".

رێكان عزیز
 

نزیكەی سەدا ٣٣ی ئەو دیوارە كۆنكرێتییە تەواو بووە كە بەدرێژایی ٣٠٠ كیلۆمەتر لە كۆی گشتی ٩١١ كیلۆمەتر سنووری نێوان توركیا و سووریا، درووست دەكرێت و توانای بەرگەگرتنی مووشەكی هەیە.

بەشێكی زۆری ئەو بوودجە ٢٥٠ ملیۆن لیرەییە بەكارهاتووە كە وەك گوژمەی یەكەم بۆ درووستكردنی ''پشتێنەیەكی ئەمنی'' لەسەر سنووری نێوان توركیا و سووریا بەدرێژایی سنووری پاریزگاكانی شرنەخ، ماردین، ئورفا، كلیس، عەنتاب و هەتای، لەلایەن وەزارەتی ناوخۆی توركیاوە دابینكراوە.

لەو چوارچێوەیەدا دانانی دیواری كۆنكرێتی لەسەر ٣٠٠ كیلۆمەتر لەو ٩١١ كیلۆمترەی سنووری نێوان توركیا و سووریا، درێژەی هەیە. بەشێكی زۆری ئەو دیوارە كە توانای بەرگەگرتنی مووشەكی هەیە، لە هەریەك لە پارێزگاكانی هەتای و ئورفا تەواو بووە.

لەو بەشەی دیوارەكەدا كە تەواو بووە و بە بلۆكی گوازراوەی كۆنكرێتیی درووستكراوە كە دوو مەتر ئەستوور، سێ مەتر بەرز و حەوت تۆن قورسە. ئەمە جگە لەوەی لەسەر دیوارەكانەوە تەلی دڕكاوی جێگیر دەكرێت.

بڕیار وایە ساڵی داهاتوو دیوارەكە لەهەریەك لە پارێزگاكانی ماردین، شرنەخ، عەنتاب و كلیس كە لە ئێستادا كاركردن تێیدا بەردەوامە، تەواو بێت.

كارەكانی هەڵكەندنی خەندەقێكی ٣٦٥ كیلۆمەتری لەسەر سنووری نێوان توركیا و سووریا، بەمەبەستی رێگریكردن لە قاچاخچێتی سەر سنوور و هەوڵەكانی پەڕینەوەی نایاسایی، درێژەی هەیە. لە هەریەك لە پارێزگاكانی كلیس و عەنتاب كە بەدرێژایی ١٦٠ كیلۆمەتر سنووریان لەگەڵ سووریادا هەیە، لە كۆی ئەو ١٦٠ كیلۆمەترە خەندەقی ١٣٥ كیلۆمەتری تەواو بووە.

هاوكات لە سەر سنووری هەریەك لە پارێزگاكانی شرنەخ، ماردین، ئورفا و هەتای لەگەڵ سووریادا، لەو ناوچانەی كە دیاریكراون، هەڵكەندنی خەندەق بەردەوامە.

لەلایەكی دیكەوە و هەر لەچوارچێوەی ئەو رێوشوێنانەی گیراونەتە بەر، بڕیار وایە بەدرێژایی ٣٨٩ كیلۆمەتر سنوورەكە رووناك بكرێتەوە، بە درێژایی ١٦١ كیلۆمەتر تەلی دڕكاوی دابنرێت و بەدرێژایی١٤٥ كیلۆمەتری دیكە ئەو تەلانەی پێشتر دانراون، نوێ بكرێنەوە.

سەركۆماری توركیا رەجەب تەیب ئەردۆغان سەبارەت بە پێكهاتەی هاوتەریب رایگەیاند: ''لەگەڵ ئەم پرۆسەیەدا هێزێكی لۆكاڵی و نیشتمانیی نوێی پۆلیس درووست دەكرێت كە نەك لەژێر فەرمانی ئەم كەس و ئەو پێكهاتەدا بێت بەڵكو لەژێر فەرمانی نیشتمان و گەلدا بێت، بەداخەوە درەنگ هەستمان بەو ستەمە كرد كە ئەم پێكهاتەیە لە گەلەمانی كرد''.

ئەردۆغان لە كۆشكی سەرۆكایەتی بەبۆنەی ١٧١ـەمین ساڵیادی دامەزراندنی هێزی پۆلیسی توركیاوە پێشوازی لە كارمەندانی پۆلیسی پارێزگاكانی توركیا كرد.

رەجەب تەیب ئەردۆغان ئاماژەی بەوەكرد كەسانێك بوونیان هەیە كە دزەیان كردووەتە نێو هێزەكانی پۆلیسەوە و خوازیارن كارمەندانی ئەو هێزە بكەنە ئامراز بۆ خواستە گڵاوەكانیان و لەمبارەیەوە گوتی: ''ئەم جۆرە هەوڵانە بەشێوەی بچووك لە رابردووشدا بوونیان هەبووە، بەڵام ئەو كێشانەی دوایینجار رووبەڕوومان بوویەوە، ئەوەندە گەورە بوو لەگەڵ ئەوانەی پێشوودا بەراورد نەدەكرا''.

سەركۆماری توركیا دواتر باسی لەوەكرد ئەو رێكخراوە خراپەكارە كە ناوی پێكهاتەی هاوتەریبی دەوڵەتی لێنراوە، لە ڕێگای ئەندامەكانیەوە لەناو دەزگاكانی ئاسایش و داد بەتایبەتی، وڵاتەكەمانی گەیاندووەتە رۆخی كەندەڵانێك.

ئەردۆغان لەسەر گوتەكانی بەردەوام بو و رایگەیاند: ''ئەگەر تەماشایەكی رابردوو بكەین، جێگای دەست و پێی ئەندامانی ئەو پێكهاتەیە لەپشت چەندین بەڵاوە دەبینرێت كە ئەم وڵاتە و ئەم گەلەی دووچاری سەرئێشە و گرفت كردووە، بەداخەوە ئێمە درەنگ هەستمان بەو ستەمە كرد كە ئەم پێكهاتەیە لە گەلەكەمانی كردووە، ئەو پێكهاتەیەی كە من بەم شێوەیە پێناسەم كردووە 'جەماوەرەكەی خواپەرست، چینی ناوەڕاستی بازرگان و لوتكەكەی كەسانی ناپاكن'. لەبنەڕەتدا رێوشوێنمان سەبارەت بەم پێكهاتەیە گرتبووە بەر، بەڵام لەدوای هەوڵەكانی كودەتا لە ١٢تاوەكو ٢٥ی كانوونی یەكەم، ئەو رێوشوێنانەمان بۆ هەڵمەتێكی راماڵینی تەواوەتی گۆڕی. لەم قۆناغەدا دەستمان بە پرۆسەیەكی نوێبوونەوە لەڕووی جەستەیی و بۆچوونەوە لە ریزەكانی هێزە ئەمنییەكاندا كرد. لەگەڵ ئەم پرۆسەیەدا هێزێكی لۆكاڵی و نیشتمانیی نوێی پۆلیس درووست دەكرێت كە نەك لەژێر فەرمانی ئەم كەس و ئەو پێكهاتەدا بێت بەڵكو لەژێر فەرمانی نیشتمان و گەلدا بێت. ئەو زیانانەی كە پێكهاتەی هاوتەریب بە هێزە ئەمنییەكانمانی گەیاندووە، بە داخەوە زۆر گەورەیە''.

رەجەب تەیب ئەردۆغان باسی لەوەشكرد كە هێشتا كاری زۆر ماوە ئەنجام بدرێت و گوتی: ''تاوەكو كۆتایی لە خەباتی سەر لەنوێ كردنەوەی هێزە ئەمنییەكان بە هێزگەلێك كە لەژێر فەرمانی دەوڵەت و گەلدا بن و خزمەت بە دەوڵەتی یاساسەروەری بكەن، لەگەڵتاندا بەردەوام دەبم''.

لە كۆتاییدا ئەردۆغان كاردانەوەی بەرامبەر بە پەكەكە نیشان دا و گوتی: ''یەك نیشتمانمان هەیە، كە ٧٨٠ هەزار كیلۆمەتر چوارگۆشەیە، تەنها یەك نیشتمان. رێگە نادەین هیچ كەسێك لەم نیشتمانەدا ئۆپەراسیۆن ئەنجامبدات. ئەوانەی كە ئازایەتی ئەوە دەدەنە بەر خۆیان ئۆپەراسیۆن ئەنجام بدەن، هاوشێوەی ئەوەی ئەمڕۆ بەڕێوە دەچێت، باجەكەی دەدەن و بەردەوام دەبن لە دانی ئەو باجە. تاكە دەوڵەتێكمان هەیە و ئێمە جگە لە كۆماری توركیا دەوڵەتی دیكەمان نییە. نازانم ''دەوڵەتی هاوتەریب'' و ئەمە و ئەوە، شتێكی لەو جۆرە نە لەبەرنامەی ئێمەدا و نە لە دەزگای داوەریماندا بوونی هەیە. ئەم دەوڵەتە ئەو پێكهاتەیەیە كە ئێمە دامانمەزراندووە و درووستمان كردووە، ئێستاش لە هەوڵی ئەوەداین بیژیەنینەوە''.

 

 

ڕێكخراوی فاوی سەربە نەتەوە یەكگرتووەكان رایگەیاندووە، لەمانگی ئازاری رابردوودا نرخی خۆراك لەسەر ئاستی جیهان بەرز بوونەوەی تۆماركردووە.
ئاژانسی خۆراك و كشتوكاڵی سەربە نەتەوە یەكگرتووەكان ناسراو بە (فاو) راپۆرتێكی بڵاوكردۆتەوەو تێیدا ئاشكرای كردووە، لەمانگی ڕابردوودا نرخی خۆراك بەرزبۆتەوە.
بەگوێرەی ڕاپۆرتەكە نرخی خۆراك لانی كەم (1%) بەرز بووەتەوە، بەبەراورد بەمانگی پێشووتر، هەورەها باسی ئەوەشكراوە كە نرخی شەكرو زەیت لەناو هەموو كاڵاكاندا زیاتر بەرز بۆتەوە.
ئاماژە بەوەشكراوە كە تێكڕای بەرزبوونەوەی نرخی كاڵا خۆراكییەكان (151) خاڵی تۆماركردووە، بەبەراورد بە (149.5) خاڵ بەبەراورد بە مانگی پێشووتری.
ئەو نرخە بەگوێرەی پێوەرێك دیاری دەكرێت كە پێنج كاڵای سەرەكی ڕەچاو دەكرێت كە بریتین لە: دانەوێڵە، زەیت، بەرهەمەكانی شیرو گۆشت، شەكر. جێگەی ئاماژەیە ساڵی ڕابردوو لەم كاتەدا بەهۆی زۆری بەرهەمی خۆراك، كەمی گەشەی ئابووری و توانای دۆلارەوە نرخی خۆراك دابەزی بوو.
ڕێكخراوی فاو ئاماژی بەوەشداوە كە لەساڵی (2016) بەرهەمی گەنمی جیهانی دەگاتە (2521) ملیۆن تۆن گەنم، واتە بەبەراورد بەساڵی رابردوو ڕێژەی (0.2%) كەمتر بۆتەوە.

 

ئـ . كـ


 

بەرێوەبەرایەتی گشتی كەشناسی و بومەلەرزەزانی هەرێمی كوردستان كەش و هەوای ئەمڕۆ شەمەی ڕاگەیاند كە ئاسمان لە نیمچە هەور بۆ هەوری تەواو دەگۆڕێت و ئەگەری كەمی نمە باران لە تایبەت لە كاتەكانی درەنگدا.