دوێنێ گروپی تیرۆریستی داعش سێ ھاوڵاتی شارۆچکەی حەویجەی سەر بە كەركوك بە تۆمەتی پێدانی ھەواڵ و زانیاری بە هێزی پێشمەرگەی كوردستان بە شێوەیەكی دڕندانە سەربڕی.

ئەو ھاوڵاتیانە مانگێک پێش ئێستا لە ماڵەکانی خۆیان دەستگیر کراون، كە ناویان (حسێن خەتاب) و (ئەحمەد عبدللە) و (محمد احمد)، هەموویان لە نەتەوەی عەرەب و سوننە مەزهەبن.

لە تۆڕی کۆمەڵایەتی تویتەر و پەیجەکانی داعش ئەو ڤیدیۆیەیان بڵاو کردەوە کە سێ هاوڵاتیەكە سەردەبڕن، لە ڤیدیۆکەدا سێ هاوڵاتیەكە دەردەکەون بە جلی پرتەقاڵیەوە و هاوشێوەی قوربانیەكانی دیكەی داعش.

 

گروپێکی چەکداری سەربە حەشدی شەعبی لە ناحییەی ئامرلیی قەزای خورماتوو، شەش زیندانی كراویان کوشتووە، ئەو زیندانیانە لە نەتەوەی عەرەب وتورکمانی سوننەن، وەکو تۆڵە سەندنەوەی کوژراوەکانی دوێنە شەویان ئەمکارەیان ئەنجامداوە.

سەرچاوە رۆژنامەوانییەكان باس لەوە دەكەن كە گروپێكی چەکدارانی حەشدی شەعبی ھێرشیان کردووەتە سەر ئەو گرتووخانەیە لە ناحیەی ئامرلی بەبێ گوێدان بە پەرپرسانی حکوومی سنوورەکە و بە بڕیاری دادگا ، (6) بەندکراوی سونە گولەباران دەکەن و ژمارەیەکی بریندار دەکەن، ھەروەھا ڕێگا نادەن بۆ نەخۆشخانە بگوازرێنەوە.

 ئەمە لەکاتێکدایە کە ئەو بەندکراوانە ساڵێک پێش ئێستا بە تۆمەتی جیاواز نەک بەتۆمەتی تیرۆر لە زیندان کرا بوون، بەڵام بەھۆی ئەوەی کە سوننە مەزھەبن حەشدی شەعبی گوللەبارانیانی کردووە".

 

لەسەر داواكاری یۆرگن كڵۆپی راهێنەر ، یانەی لیڤەرپوول هەوڵەكانی خۆی دەستپێكردووە بۆ گواستنەوەی ئەستێرەیەكی یانەی ریال مەدرید".

رۆژنامەی لاگازێتا دیلۆسپۆرتی ئیتاڵی بڵاوی كردەوە ، یانەی لیڤەرپوول هاتۆتە سەر هێڵ بۆ گواستنەوەی (ماتیۆ كۆفاسیچ)ی كرواتی و یاریزانی هێڵی ناوەراستی یانەی ریال مەدرید".

كڵۆپ دەیەوێت باری ئێستای ئەم یاریزانە بقۆزێتەوە كە لەلایەن زێدانەوە گرینگی پێنادرێت و وەك یاریزان سەرەكی مامەڵەی لەگەڵ ناكات و لە وەرزی رابردوو تەنها لە (8) یاریدا بەشێوەی سەرەكی یاری كردووە".

رۆژنامەكە لەبارەی نرخی كۆفاسیچ ئاشكرای كردووە ، نرخی یاریزانەكە لەلایەن ریال مەدریدەوە دیاریكراوە كە دەگاتە بڕی (24) ملیۆن جونەیهی ئیسترلینی".


 

رێكان عزیز

پاش دروستبونی دەمەقاڵێیەک لە ناو خێزانێکی شاری هەولێر، پۆلیسێكی فریاكەوتن بەدەستی برا بچوكەكەی دەكوژرێت.

كوردیو بۆ زانیاری لە بارەی ئەو روداوە پەیوەندی كرد بە هۆگر عەزیز، وتەبێژی پۆلیسی هەولێر، ئەویش رایگەیاند "دوێنێ پۆلیسی تاوان ئاگاداركراوەتەوە بە بوونی رووداوێكی كوشتن لە گەڕەكی هاوكاری شاری هەولێر و دەركەوت كەسێك كوژراوە كە كارمەندی پۆلیسی فریاكەوتنە".

ئەو بەرپرسەی پۆلیس وتیشی "ڕووداوی كوشتنەكە لەوكاتە بووە كە دەماقاڵی دەكەوێتە نێوان دایكێك و دوو كوڕ‌و لە ئەنجامدا برا گەورەكەیان كە ناوی سەنگەر ئەسعەدە و تەمەنی (26) ساڵە كارمەندی پۆلیسی فریاكەوتنە لەلایەن برابچوكەكەیەوە بە فیشەك دەكوژرێت كە تەمەنی (16) ساڵە".

هۆگر عەزیز ڕاشیگەیاند کە بکوژەکە پاش ئەنجامدانی کارەکەی ڕایکردووە، بەڵام دوای چەند كاتژمێرێك خۆی رادەستی ئاسایشی گەڕەكی باداوە کردووە.

 

بڕیارە ئەمرۆ لەیارییەكانی گەڕی دووەمی قۆناغی گرووپەكانی پاڵەوانیەتی جامی نەتەوەكانی ئەوروپا ، هەردوو هەڵبژاردەی پورتوگال و نەمسا رووبەرووی یەكترببنەوە ، ژمارەیەكیش چاوەروانی رۆناڵدۆ دەكات".

بەپێی ئامارەكان دەركەوتووە ، رۆناڵدۆی هێرشبەری بەتوانای یانەی ریال مەدرید پێویستی بە یەك یاری هەیە بۆ ئەوەی ژمارەیەكی نوێ تۆمار بكات".

رۆناڵدۆ بەبەشداریكردنی لەیارییەكەی ئەمشەو ، دەبێتە یەكەم یاریزان لەمێژووی ووڵاتەكەی زۆرترین بەشداری هەبێت لەپاڵەوانیەتییە نێودەوڵەتییەكان".

لەمبارەیەوە سانتۆسی راهێنەری هەڵبژاردەی پورتوگال دەڵێت : " رۆناڵدۆ لەباشترین دۆخی خۆیدایە و دەتوانێت سەركردایەتی تیپەكەمان بكات لە گەیشتن بە قۆناغی داهاتووی یۆرۆ".

رێكان عزیز

ئەمڕۆ ١٨ی حوزەیرانی ٢٠١٦، لەکاتی کردنەوەی بازاڕدا نرخی ١٠٠ دۆلار بە ١٢٧ هەزار و ٥٠٠ دینارە.

 نرخی دراوەکانی دیکە بەم شێوەیەیە:

١٠٠ پاوەن بە ١٨٢ هەزار دینارە.

١٠٠ یۆرۆ بە ١٤٣ هەزار دینارە.

١٠٠ هەزار تمەنی‌ ئێرانی‌ بە ٣٦ هەزار و ٥٠٠ دینارە.

١٠٠ لیرەی تورکی بە ٤٤ هەزار دینارە.

 

بڕیارە ئەمرۆ لەیارییەكانی قۆناغی چارەكی كۆتایی پاڵەوانیەتی جامی كۆپا ئەمریكا هەردوو هەڵبژاردەی ئەرجەنتین و ڤەنزویلا رووبەرووی یەكترببنەوە".

یارییەكە كاتژمێر (2:00) شەو بەكاتی هەولێر لەیاریگای (گیلیت ستادیۆم) لە فوكسبورو ئەنجامدەدرێت".

براوەی ئەم یارییە راستەوخۆ دەگاتە قۆناغی پێشكۆتایی پاڵەوانیەتی جامی كۆپا ئەمریكا شان بە شانی هەردوو هەڵبژاردەی كۆڵۆمبیا و ئەمریكا كە سەركەوتنیان بۆ ئەم قۆناغە مسۆگەركردووە".

جێی باسە لەكاتی دیاریكردنی پاڵەوانی ئەم یارییە ، یارییەك لە قۆناغی پێشكۆتایی ئاشكرادەبێت ، چونكە براوەیان رووبەرووی هەڵبژاردەی ئەمریكا دەبێتەوە".


 

رێكان عزیز

 

بڕیارە ئەمرۆ یارییەكانی گەڕی دووەمی قۆناغی گرووپەكانی پاڵەوانیەتی جامی نەتەوەكانی ئەوروپا ناسراو بە یۆرۆ كۆتایی پێبێت و سبەی یارییەكانی گەڕی سێیەم دەستپێدەكات".

خشتەو كاتی یارییەكانی ئەمرۆ بەمشێوەیە :

كاتژمێر (4:00) : ( بەلجیكا × ئێرلەندا )

كاتژمێر (7:00) : ( ئایسلەندا × هەنگاریا )

كاتژمێر (10:00) : ( پورتوگال × نەمسا )

 


 

رێكان عزیز

 

لەمیانی یارییەكانی قۆناغی چارەكی كۆتایی پاڵەوانیەتی جامی كۆپا ئەمریكا ، هەڵبژاردەی كۆڵۆمبیا زۆر بە زەحمەتی بەربەستی (پیرۆ)ی بڕی و سەركەوت بۆ یارییەكانی قۆناغی پێشكۆتایی".

كۆڵۆمبیا یارییەكەی بە لێدانی یەكلاكەرەوە لە خاڵی سزا بردەوە ، ئەمەش دوای یەكسانبوونیان لەكاتی ئاسایی یارییەكە بەبێ گۆڵ ، هاورێیانی خامێس رۆدریگێز بە ئەنجامی (4 – 2) یارییەكەیان لەبەرژەوەندی خۆیان یەكلایی كردەوە".

بەمەش هەڵبژاردەی كۆڵۆمبیا شان بەشانی ئەمریكای میواندار سەركەوت بۆ یارییەكانی قۆناغی پێشكۆتایی و چاوەروانی ناوی دوو هەڵبژاردە دەكەن بۆ ئەوەی چوار بلیتەكە تەواو بكەن".


 

رێكان عزیز

 

لەمیانی یارییەكانی گەڕی دووەمی قۆناغی گرووپەكانی پاڵەوانیەتی جامی نەتەوەكانی ئەوروپای (2016) ، هەڵبژاردەی ئیسپانیا بە ئاست و بە ئەنجام لە هەڵبژاردەی توركیای بردەوە و گەیشتە قۆناغی داهاتوو".

ئیسپانیا بە ئەنجامی (3 – 0) لە هەڵبژاردەی توركیا بردەوە ، دوو لەو سێ گۆڵە ئەلڤاۆر مۆراتا تۆماریكرد ، گۆڵەكەی دیكەش باشترین یاریزانی یارییەكە (نۆلیتۆ) تۆماریكرد".

لەئێستادا هەڵبژاردەی ئیسپانیا خاوەنی (6) خاڵە و بەفەرمی سەركەوت بۆ قۆناغی دووەمی یۆرۆ ، توركیاش هەلێكی كەمی هەیە بۆ ئەوەی بگاتە قۆناغی دووەم ، چونكە بەبێ خاڵ پلەی چوارەمی گرتووە".


 

رێكان عزیز