وەزیری خوێندنی باڵا و توێژینەوەی زانستی ڕایدەگەیەنێت: دۆسیەی زیاتر لە شەش هەزار قوتابی لە زانكۆی سەلاحەدینەوە بۆ زانكۆی سلێمانی گەڕێندرایەوە و بەگێڕانەوەشی دۆكیۆمێنتی ئەو قوتابیانە كۆتایی بە ئاسەوارەكانی رژێمی لەناوچو بەرامبەر بە زانكۆی سلێمانی هێنرا.

 

د.یوسف گۆران وەزیری خوێندنی باڵا و توێژینەوەی زانستی لە ڕاگەیەندراوێكدا كە وێنەیەكی دەست كوردیو كەوتوە ڕایگەیاند: لەكۆبوونەوەیەكی ئەنجومەنی وەزارەتی خوێندنی باڵا و توێژینەوەی زانستی لەسەر داوای زانكۆی سلێمانی و بە ڕەزامەندنی زانكۆی سەڵاحەددین بڕیاردرا بەگەڕانەوەی دۆسێی ئەو قوتابیانەی، كە بەهۆی گواستنەوەی زانكۆی سلێمانییەوە بۆ هەولێر لەلایەن رژێمی بەعسی رووخاوەوە بردرابوونە ئەو زانكۆیە.

 


د.یوسف گۆران ئەوەشی خستەڕوو:" بۆ ماوەی چەندین ساڵ دۆسێی قوتابیانی ئەو كاتی زانكۆی سلێمانی لە زانكۆی سەڵاحەددین پارێزربون و ئێستاش لەنێوان هەردوو زانكۆی سلێمانی ‌و سەڵاحەددین رێكەوتنێك ئەنجامدرا، بۆ گێڕانەوەی ئەو دۆكیۆمێنتانە بۆ شوێنی خۆی، بۆیە دەتوانین بڵێن ئەمە كۆتا ئاسەوارەكانی ئەو كارە بوو، كە رژێمی بەعس دژی زانكۆی سلێمانی كردبووی".

 

وەزیری خوێندنی باڵا و توێژینەوەی زانستی ڕاشیگەیاند: ڕژێمی ڕوخاوی بەعس پێیوابو، بەگواستنەوەی زانكۆی سلێمانی بۆ هەولێر دەتوانێ گیانی كوردایەتی‌ و شۆڕشگێڕی لای قوتابیان لاواز بكات، بەڵام هەر قوتابیەكی زانكۆی سلێمانی بوو، كە لەساڵانی نێوان (1981 - 1982)، خۆپیشاندانی دژی بەعس لەشاری هەولێر ئەنجامدا.




جێگای ئاماژە بۆكردنە بەهۆی چالاكییە سیاسییەكانی زانكۆی سلێمانی ‌و ئەو ڕۆڵە چالاكەی كە لە بزوتنەوەی ڕزگاریخوازی گەلی كوردەوە دەیگێڕا، ساڵی 1981 رژێمی ڕوخاوی بەعس بەبڕیارێكی شۆڤینیانە زانكۆی سلێمانی بۆ هەولێر گواستەوە‌و دۆكیۆمێنتی شەش هەزارو 302 قوتابی ڕەوانەی ئەو شارە كرد.

 

 

سەلام بێستانسوری

بەڕێوەبەرایەتی كارەبای سلێمانی داوا لە فەرمانبەران دەكات رۆژی پێنج شەممە بچنەوە دەوام بەهۆی ئەوەی موچەی مانگی نیسان دابەش دەكرێت.


لە ڕاگەیەندراوێكدا ، كارەبای سلێمانی داوا لەسەرجەم فەرمانبەرانی بەڕێوەبەرایەتییەكە دەكات كە سبەینێ ٢ی حوزەیرانی ٢٠١٦ دەوامی فەرمیە، چونكە مووچەی مانگی نیسان دابەش دەكرێت.

جێی باسە ئەمڕۆ وەزارەتی دارایی رایگەیاند، رۆژی پێنجشەممە موچەی سەرجەم وەزارەت و دەستەكان دابەشدەكرێت و بانكەكانیش تا ئێوارە دەوامی ئاسایی دەكەن.


ڕێبین عه‌لی

 

نرخی دراوە بیانیەكان لەبازارەكانی هەرێمی كوردستان بەم شێوەیە:

نرخی 100 دۆلار 129 هه‌زارو 400 دینار.

نرخی 100 یۆرۆ 145 هه‌زاردیناره‌‌‌‌،

100 پاوه‌ن 188 هه‌زاردیناره‌‌‌، ‌

100 هه‌زار تمه‌نی ئێرانی 37 هه‌زارو 750 دیناره‌‌،

100 لیره‌ی توركی 44 هه‌زار و 250 دیناره‌.

100 پاوه‌ن به‌ 144 دۆلاره‌

100 یۆرۆش به‌ 111 دۆلارو 35 سه‌نته‌‌.


ڕێبین عه‌لی

 

 

 

 

ئەمڕۆ فەرماندەی گشتی هێزە چەكدارەكان گەیشتۆتە بارەگای ژووری عەمەلیاتی شاری فەلوجە، كە ماوەی چند رۆژێكە شەڕێكی سەخت بەڕێوەدەچێت.
نووسینگەی (حەیدەر عەبادی) سەرۆك وەزیران و فەرماندەی گشتی هێزە چەكدارەكانی عێراق بڵاویكرۆتەوە، ئەمڕۆ (حەیدەر عەبادی) گەیشتۆتە ژووری عەمەلیاتی فەلوجەو چاوی كەوتووە بەفەرماندە سەربازییەكان.
شاری فەلوجە لەچەندین لاوە لەژێر گەمارۆی هێزە ئەمنییەكان و چەكداری هۆزەكان و چەكدارە شیعەكاندایە، بەڵام بەهۆی بەرگری سەختی داعش پێشڕەوییەكان زۆر لاوازن.
ئەمەو گەیشتنی عەبادی بۆ ژووری عەمەلیاتی شەڕی شاری فەلوجە لەكاتێكدایە كە هەر ئەمڕۆ (سەلیم جبوری) سەرۆكی ئەنجوومەنی نوێنەران گەیشتبووە هەمان شوێن.

 

ئـ . كـ

 

كوردیو ـ گەرمیان ـ محەمەد شەهاب

تیرۆریستێکی داعش بە سزای زیندانی هەتا هەتای " موئەبەد" سزا درا

لە ڕوونكردنەوەیەكی ئاسایشی گەرمیان كە وێنەیەكی بۆ كوردیو نێردراوە هاتووە: پاش ئەوەی رۆژی27/9/2014 بە هۆی بۆمبی لکێنەرەوە ئۆتۆمبیلێکی جۆری مسیبۆشی لە ناو شاری خانەقین تەقییەوە و بە هۆیەوە هاوڵاتییەک شەهید بوو و چەند هاوڵاتییەکیش برینداربوون لە لایەن هێزەکانی بەرێوەبەرایەتی ئاسایشی گەرمیان و یاریدەدەرێتی ئاسایشی خانەقین دەست کرا .

هەر لە ڕوونكردنەوەكەدا هاتووە: بە لێکۆڵینەوەی وورد و بەدواداچوونی تەواو توانرا لە ماوەیەکی کورتدا تاوانباری سەرەکی تاوانە تیرۆریستیەکە ئاشکرابكرێت و دەستگیربکرێت ، بەناوی(م ع ح)لە دایک بووی(1983)بەرەگەز عەرەب و دانیشتووی گوندی(عەساکرە)ی ناحیەی سەعدیە.
لە كۆتایی ڕوونكردنەوەی ئاسایشی گەرمیاندا ئاماژە بەوە كراوە: پاش چەندین دانیشتنی دادگا و دانپێدانانی تاوانباری ناوبراو بە تاوانەکەیدا سەرەنجام رۆژی31/5/2016لە لایەن سەرۆکایەتی دادگای تاوانەکانی کەرکووک/گەرمیان بە پێی مادەی(2) برگەی(3)تیرۆر سزای هەتا هەتایی بۆ دەرکرا.

 

بەشداری كردنی كارای ژەنەڕاڵ قاسم سلێمانی فەرماندەی فەیلەقی قودسی سوپای پاسدارانی ئێرانی لەشەرەكانی فەلوجەدا بەئاشكرایی ڕادەگەیەنرێت و لە ئێستاشدا فەرماندە باڵاكانی پۆلیس لە ژێر فەرمانی ئەودان.


بڵاوبونەوەی وێنەیەكی قاسم سلێمانی لە ناحیەی سەقلاویە، بەشداری كارای فەرماندە ئێرانیەكە ئاشكرا دەكات.


لە وێنەكەدا لیوایەكی وەزارەتی ناوخۆ بە ناوی محمد غەبان دەردەكەوێت كە تیایدا لە تەنشیتیەوە قاسم سلێمانی فەرمان دەدات.

 

am

سەرۆكی ژوری بازرگانی و پیشەسازی سلێمانی ڕایدەگەیەنێت: بەمبەستی بردنە پێشەوەی كەرتی كشتوكاڵ لە كۆنفرانسێكدا لە سلێمانی سەرجەم كێشەكانی دەخەینەڕوو.

 

سیروان محەمەد سەرۆكی ژوری بازرگانی و پیشەسازی سلێمانی لە ڕاگەیەندراوێكدا كە وێنەیەكی دەست كوردیو كەوتوە ڕایگەیاند: ژوری بازرگانی و پیشەسازی سلێمانی بە هەماهەنگی لەگەڵ بەڕێوەبەرایەتی كشتوكاڵی سلێمانیدا كۆنفرانسێكی تایبەت بە كەرتی كوشتوكاڵ ساز دەكات كە تێیدا بەبمەبەستی بردنە پێشەوەی كەرتی كشتوكاڵ و ئابوری بەدروشمی كشتوكاڵ تینوی وەبەرهێنانە لە چواری حوزەیران سەرجەم كێشەكانی بەردەم ئەوكەرتە و چارەسەركردنیان دەخەنەڕوو.

 

هەروەها ئاماژەی بەوەش كردووە: چەندین پسپۆڕی شارەزای بواری كشتوكاڵ و لایەنی حكومی و نوێنەرانی كەرتی تایبەت و وەبەرهێنەران و جوتیاری نمونە بەشداردەبن لە كۆنفرانسەكەدا تابتوانین وەبەرهێنەران و خەڵكانی خاوەن سەرمایە هان بدەین وەبەرهێنان لەكەرتی كشتوكاڵدا بكەن و ئەوكەرتە پشتگوێ نەخرێت كەدەتوانێت هەموجۆرە وەبەرهێنانێك لەكشتوكاڵدا بكرێت.

 

 


سەلام بێستانسوری

 

 

 

ڕاوێژكاری پێشكەوتووی دادگای ئەوروپا ڕایگەیاند، یەكێتی ئەوروپا بڕیاریداوە، باڵاپۆشی لە كارمەندانی ئافرەتانی قەدەغە بكات و ئەو بڕیارەش تەنها بۆ كاتی كاركردنیان دەبێت.
(جولیان كۆكۆت) راوێژكاری پێشكەوتووی دادگای ئەوروپا رایگەیاند، كارمەندانی ئافرەت نابێت لە ماوەی كاركردنیان لە فەرمانگەو دامەزراوەو كۆمپانیاكاندا سەرپۆش لەسەر بكەن، بەپێچەوانەوە سزا دەدرێن.
كۆكۆت باسیشی لەوەكردووە، ئەوان مەبەستیان هیچ ئاینێك نییە، تەنها بۆ گرتنەبەری ڕێو شوێنی ئاسایشییەو هیچی تر.
ئەمەو لە بەلجیكا، بەهۆی بەستنی لەچكەوە ژنە كارمەندێكی كۆمپانیاییەك لە كارەكەی دوور خرایەوەو دواتریش ئەو ئافرەتە سكاڵای لەدادگای ووڵاتەكەی تۆماركرد، بەڵام دادگا داواكارییەكەی رەتكردەوە.

 

ئـ . كـ

 

 

ئەنتی ساسیچ راهێنەری هەڵبژاردەی كرواتیا بەشێوەیەكی فەرمی لیستی یاریزانانی تیپەكەی بۆ بەشداریكردن لە كۆتاییەكانی یۆرۆی (2016) راگەیاند و ئەستێرەیەكی دوورخستەوە".

ساسیچ بانگهێشتی (23) یاریزانی كردووە ، بەڵام لەوانە ناوی یاریزان (ئەلین خەلیلۆڤیچ)ی یاریزانی یانەی بەرشلۆنە كە بەشێوەی خواستن یاری بۆ یانەی سپۆرتینگ خیخۆن دەكات لە لیستەكە نابینرێت".

ئەلین لەم وەرزەی خولی ئیسپانیا ئاستێكی بەرزی پێشكەش كرد ، بەهۆی نزیكی لە شێوازی یاریكردنیان بە مۆدریچی نوێ ناسراوە".

بەهەمان شێوە راهێنەرەكەی هەڵبژاردەی كرواتیا بانگهێشتی بەرگریكاری یانەی لیڤەرپوول (دیان لوفرین)ــی نەكردووە".


 

رێكان عزیز

كوردیو -

نرخی دراوە بیانیەكان لەبازارەكانی هەرێمی كوردستان بەم شێوەیە:

نرخی 100 دۆلار 129 هه‌زارو 750 دینار.

نرخی 100 یۆرۆ 145 هه‌زاردیناره‌‌‌‌،

100 پاوه‌ن 188 هه‌زاردیناره‌‌‌، ‌

100 هه‌زار تمه‌نی ئێرانی 37 هه‌زارو 750 دیناره‌‌،

100 لیره‌ی توركی 44 هه‌زار و 250 دیناره‌.

100 پاوه‌ن به‌ 144 دۆلاره‌

100 یۆرۆش به‌ 111 دۆلارو 35 سه‌نته‌‌.

 

هونەر بانەگوڵانی