یانەی فەتحی سعودی بەشێوەیەكی فەرمی هەواڵی هەڵوەشاندنەوەی بۆندی سەلام شاكری بەرگریكاری تیپەكەی راگەیاند".

ناوەندی راگەیاندنی یانەی فەتح بڵاوی كردەوە : " وەك رێزێك بۆ باری تایبەتی ئێستای یاریزانەكە بە رەزامەندی هەردوولامان بۆندی سەلام شاكرمان هەڵوەشاندەوە".

شاكر كە لە مانگی داهاتوو تەمەنی دەبێتە (30) ساڵ ، هاوینی رابردوو بۆ ماوەی دوو ساڵ پەیوەندی بە یانەی فەتح كرد".

سەلام لە وەرزی رابردوو لەكۆی (26) یاری بەشداری (23) یاری كرد و توانی گۆڵێك تۆماربكات و گۆڵێك دروست بكات ، هەروەها گۆڵێكیش لە تۆڕی خۆیان تۆمار بكات".


 

رێكان عزیز

ئەمڕۆ یەك شەممە ، لەکاتی کردنەوەی بازاڕدا نرخی ١٠٠ دۆلار بە ١٢٧ هەزار و ٢٥٠ دینارە.

نرخی دراوەکانی دیکە بەم شێوەیەیە:

١٠٠ پاوەن بە ١٨٢ هەزار دینارە.

١٠٠ یۆرۆ بە ١٤٣ هەزار دینارە.

١٠٠ هەزار تمەنی‌ ئێرانی‌ بە ٣٦ هەزار و ٥٠٠ دینارە.

١٠٠ لیرەی تورکی بە ٤٤ هەزار دینارە.


ڕێبین عەلی

 

دوێنێ یارییەكانی گەڕی سێیەمی قۆناغی گرووپەكانی پاڵەوانیەتی جامی نەتەوەكانی ئەوروپا دەستی پێكرد و هەردوو هەڵبژاردەی فەرەنسا و سویسرا گەیشتنە قۆناغی دووەمی یۆرۆ".

بڕیارە ئەمرۆ یارییەكان بەردەوامیان هەبێت و دوو یاری ئەنجامبدرێت :

خشتەو كاتی یارییەكانی ئەمرۆ بەمشێوەیە :

كاتژمێر (10:00) : ( روسیا × وێڵز )

كاتژمێر (10:00) : ( سلۆڤاكیا × ئینگلتەرا )


 

رێكان عزیز

ئەمڕۆ دوو شەممە20ی حوزەیرانی 2016، 15یەمین ڕۆژی مانگی پیرۆزی رەمەزان، كاتی بانگەكانی شارەكانی هەرێمی كوردستان بەم شێوەیە دەبێت:-

 

 

هەولێر:-

بانگی بەیانی: كاتژمێر 3:16
بانگی نیوەڕۆ: كاتژمێر 12:16
بانگی عەسر: كاتژمێر 4:05
بانگی ئێوارە: كاتژمێر 7:28
بانگی خەوتنان: كاتژمێر 8:43

 

سلێمانی:-
بانگی بەیانی: كاتژمێر 3:08
بانگی نیوەڕۆ: كاتژمێر 12:04
بانگی عەسر: كاتژمێر 3:50
بانگی ئێوارە: كاتژمێر 7:20
بانگی خەوتنان: كاتژمێر 8:30

 

كەركوك:-
بانگی بەیانی: كاتژمێر 3:16
بانگی نیوەڕۆ: كاتژمێر 12:11
بانگی عەسر: كاتژمێر 4:03
بانگی ئێوارە: كاتژمێر 7:28
بانگی خەوتنان: كاتژمێر 8:48

 

دهۆك:-
بانگی بەیانی: كاتژمێر 3:07
بانگی نیوەڕۆ: كاتژمێر 12:18
بانگی عەسر: كاتژمێر 4:06
بانگی ئێوارە: كاتژمێر 7:34
بانگی خەوتنان: كاتژمێر 9:01

 

 


سەلام بێستانسوری

ئەندامێكی جڤاتی نیشتمانی بزوتنەوەی گۆڕان رایدەگەیەنێت پێویستە رێككەوتنێكی نوێ لە نێوان بزوتنەوەكەی و پارتی بێتە ئاراوە و جەختیش دەكاتەوە ئەگەر پارتی خوازیاری ئاسایی كردنەوەی دۆخەكەیە دەبێت، پێشوازی لە شاندی هاوبەشی یەكێتی و گۆڕان بكات.

دانا عەبدولكەریم، ئەندامی جڤاتی نیشتمانی گۆڕان، لە لێدوانێكی بەرووداوی رایگەیاند: دەبێت كاربكرێت بۆ ئەوەی رێككەوتنێكی نوێ بهێنرێتە ئاراوە، چونكە ئەو رێككەوتنەی كابینەی هەشتەمی لەسەر پێكهێنرا كۆنە و بەكەڵكی ئەوە نەماوە جارێكی دیكە حكومەتی پێ پێكبهێننەوە". رونیشیكردەوە، "كابینەی حكومەت كە پێكهێنرا، ماوەی سەرۆكایەتی هەرێم تەواو نەببوو، ئێستا ماوەكەی تەواو بووە و پەرلەمانیش پەكخراوە، كەواتە دەبێ رێككەوتنێكی تازە واژۆ بكرێ كە ئەنجامی هەڵبژاردنەكانی 2013 بكرێتە بنەما و سەرۆكی هەرێم و سەرۆكی حكومەت و سەرۆكی پەرلەمان جارێكی دیكە بچێتەوە سەرمێزی گفتوگۆ و هەر حیزبە و بەپێی بەركەوتەی خۆی پۆست وەربگرێت".

سەبارەت بە سەردانی شاندی هاوبەشی یەكێتی و گۆڕان بۆ لای حزبەكان، دانا عەبدولكەریم رایگەیاند: ئامانجی ئەو سەردانانە دەكات بۆ لای حیزبەكان و دڵنیایی دەدات لەوەی بۆ مەبەستی كۆكردنەوەی كۆدەنگییەكی نیشتمانییە بۆ ئەو رێككەوتننامەیەی گۆڕان و یەكێتی "لە پێناوی چاككردنەوەی دۆخی تێكچووی هەرێمی كوردستانە". وتیشی "ئەو سەردانانە بۆ كۆدەنگی نیشتمانییە بۆ ئەوەی پارتی تێبگات زۆربەی حیزبەكان نایانەوێ ئەو دۆخە بەوشێوەیە بەردەوام بێ".

ئەو ئەندامەی جڤاتی نیشتمانی گۆڕان لە لێدوانەكەیدا بۆ هەفتەنامەی رووداو باسی لەوەشكرد: بە فەرمی داوا لە پارتی دەكەن كە دەچنە لایان بۆ كۆبوونەوە "پارتی ئەگەر نیەتی ئەوەبێت دۆخەكە چارەسەر ببێ، دەبێ ئامادەبێت پێشوازی لەو شاندە هاوبەشە بكات، بەڵام ئەگەر مەبەستی ئەوەبێت وەك گوشارێك بەكاری بهێنێت لەدژی گۆڕان، بێگومان سوودێكی لێ نابینێ، چونكە دواجار بەهۆی ئەو گوشارانە لەسەر گۆڕان ژیانی خەڵكیش بە تەواوی ناخۆش دەكات".


ڕێبین عەلی

 

 

 

 

دوای دوورخستنەوەی كۆمەڵێك ووتاربێژ لەشاری هەولێر لەلایەن وەزارەتی ئەوقاف لەماوەكانی رابردوودا، جارێكی تر وەزارەتی ناوبراو نیازی وایە كۆمەڵێك بڕیاری تری هاوشێوەی رابردوو دەربكات.
وەزارەتی ئەوقاف ئەمجارە بڕیاری داخستنی چەندین دەزگای ڕاگەیاندنی وەكو ڕادیۆ، تەلەفزیۆن و چاپخانەی داوە، هاوكات بڕیاریشی داوە چەندین مامۆستا لە وتاربێژی دووربخرێنەوە.
(مەریوان نەقشبەندی) بەڕێوەبەری ڕاگەیاندنی وەزارەتی ئەوقاف بە دەنگی ئەمریكای ڕاگەیاند، دوورخستنەوەی وتاربێژو داخستنی چەند دەزگایەكی ڕاگەیاندن لە هەرێمی كوردستان بۆ ئەوەیە تاكو بیری توندڕەوی بڵاونەبێتەوەو وەزارەتی ناوخۆش بەڵگەی مەترسیداری لە سەر ئەو دەزگاو ناوەندانە هەیە كە بڕیاری داخستنیان دراوە، بەڵام بەهۆی دادگا ئێستا كاتی ئەوەیە ناوی هەموو ئەو دەزگاو ناوەندانە بڵاوبكەنەوە، بەبێ‌ ئەوەی ووردەكاری زیاتر بڵاوبكاتەوە.
ئەمەو ماوەی چەند مانگ لەمەوبەر بەبڕیاری وەزارەتی ئەوقاف لەشاری هەولێر كۆمەڵێك ووتاربێژ لەووتاربێژی مزگەوتەكانیان دوورخرانەوەو كەسانی تریان لەجێگە داندرا، ئەوەش بووە مایەی نیگەرانی. 

 

ئـ . كـ

 

 

 

هەڵبژاردەی ئەلبانیا سەركەوتنێكی مێژوویی لە پاڵەوانیەتی جامی نەتەوەكانی ئەوروپا تۆماردەكات و چاوەروانی موعجیزەیەك دەكات بۆ ئەوەی بگاتە قۆناغی دووەم".

ئەلبانیا بە ئەنجامی (1 – 0) لە هەڵبژاردەی رۆمانیای بردەوە و بووە خاوەنی یەكەمین سەركەوتن لە مێژووی خۆیان كە لە یۆرۆ تۆماری بكەن".

گۆڵی یارییەكە یاریزانی یانەی زیوریخی سویسری (ئەرماندۆ سادیكو) تۆماریكرد و هەڵبژاردەكەی كردە خاوەنی سێ خاڵ".

ئێستا ئەلبانیا بە كۆكردنەوەی (3) خاڵ پلەی سێیەمی ریزبەندی گرتووە و چاوەرێ دەكات وەك باشترین سێیەم سەركەوێت بۆ قۆناغی دووەمی یۆرۆ".


 

رێكان عزیز

وتەبێژی پۆلیسی گەرمیا ڕایدەگەیەنێت بەهۆی ڕوداوێكی هاتوچۆوە لە ڕێگەی ناحییەی مەیدان و گوندی هۆرێن، 10 كوژراو برینداری لێدەكەوێتەوە.

 

عەلی جەمال قدووری وتەبێژی پۆلیسی گەرمیان لە لاپەڕەی خۆی لە تۆڕی كۆمەلایەتی فەیسبوك نوسیویەتی: لە ڕێگەی ناحییەی مەیدان و گوندی هۆرێن بەهۆی وەرگەڕانی ئۆتۆمبێلێك كە دەكەسی تێدا بووە دوو كەسیان مردوون و هەشت سەرنشینەكەی دیكەیان بریندار دەبن.

 

هەروەها ڕاشیگەیاند: ئۆتۆمبێلەكە لە جۆری پیكاب نیسان بووە و گەنجەكان لە یاری تۆپی پێ گەڕاونەتەوە.

 

 

 

 

سەلام بێستانسوری

بەپێی ڕاگەیەندراوێکی وەزارەتی دارایی و ئابووری حکومەتی هەرێمی کوردستان، ئەمڕۆ ٢٠ی حوزەیرانی ٢٠١٦ دابەشکردنی موچەی مانگی ئایاری پێشمەرگە بەردەوام دەبێت.

رۆژی شەممەی رابردووی وەزارەتی دارایی ڕایگەیاند ڕۆژانی یەکشەممە و دووشەممە ١٩ و ٢٠ی حوزەیرانی ٢٠١٦، موچەی هەریەکە لە لیواکانی ٧٠ و ٨٠ی پێشمەرگە دابەشدەکرێت.

ئەمەش لە کاتێکدا دێت پێشتر وەزارەتی دارایی ڕایگەیاندبوو لە ڕۆژی پێنجشەممەوە دەستکراوە بە دابەشکردنی موچەی مانگی ئایاری وەزارەتی پێشمەرگە.

 

لەمیانی یارییەكانی گەڕی سێیەمی قۆناغی گرووپەكانی پاڵەوانیەتی جامی نەتەوەكانی ئەوروپا ، هەردوو هەڵبژاردەی فەرەنسا و سویسرا رووبەرووی یەكتربوونەوە و بەیەكەوە سەركەوتن بۆ قۆناغی دووەم".

هەردوو هەڵبژاردە لەماوەی (90) خولەك سەركەوتوونەبوون لە هەژاندنی تۆڕی تیپی یەكتر و یارییەكەیان بەو ئەنجامە كۆتایی پێهێنا كە دەستی پێكرد".

ئێستا هەڵبژاردەی فەرەنسا خاوەنی (7) خاڵە و بە پلەی یەكەم سەركەوت بۆ قۆناغی دووەمی یۆرۆ ، هەڵبژاردەی سویسرا هاوشانی فەرەنسا بوو بە كۆكردنەوەی (5) خاڵ سەركەوت بۆ هەمان قۆناغ".


 

رێكان عزیز