بەهۆی كردەوە توندوتیژیەكان لە سەتاسەری عێراقدا، مانگی ئایاری ڕابردوودا 2326 كەس لە شارە جیاوازەكاندا كوژراون و برینداربوون كە زۆرینەیان هاوڵاتیانی مەدەنی بوون.


بەگوێرەی ئامارێكی نێردەی نەتەوەیەكگرتووەكان ناسراو بە یۆنامی لە مانگی ئایاری ڕابردوودا 468 هاوڵاتی مەدەنی كوژراون و 1041 هاوڵاتی مەدەنیش برینداربوون.


هەر بەگوێرەی بەیاننامەكە 399 ئەندامی هێزە ئەمنیەكان لە سوپا و هێزی تایبەت كوژراون و شەهیدانی هێزی پێشمەرگەشیان تێدایە و 418 ئەندامی هێزە ئەمنیەكانیش برینداربوون.


لەنێو ئامارەكاندا، زۆرترین قوربانی لە شاری بەغدا تۆمار كراوە كە 267 كەس و بووە و پاش ئەویش شاری موسڵ.

 

 

am

 

یانەی ئەستۆن ڤێلای ئینگلیزی كە دابەزی بۆ ریزی یانە پلە یەكەكانی ئینگلتەرا دەیەوێت بۆند لەگەڵ دی ماتیۆ واژۆ بكات و وەك راهێنەری نوێ دەستبەكاری بكات".

رۆژنامەی گاردیانی بەریتانی بڵاوی كردەوە یانەی ئەستۆن ڤێلا هەموو هەوڵەكانی خستۆتە گەڕ بۆ ئەوەی ماتیۆ رازی بكات بۆ ماوەی یەك ساڵ و نیو مەشقی یانەكە بداتەوە".

ئەستۆن ڤێلا كە لە ساڵی (1987) بۆ جاری یەكەم دابەزی بۆ ریزی یانە پلە یەكەكانی ئینگلتەرا دەیەوێت بەخێرایی بگەرێتەوە ریزی یانە نایابەكان ، ئەویش لەوكاتەی پۆستی راهێنەرایەتی بە دی ماتیۆ بسپێرێت".


 

رێكان عزیز

 

یانەی پۆرتۆی پورتوگالی بەشێوەیەكی فەرمی نونو ئەسپریتو سانتوی وەك راهێنەری نوێی یانەكە بۆ وەرزی داهاتوو راگەیاند".

سانتوی تەمەن (42) ساڵان لە شوێنی (خۆزێ بیسیرو) راهێنەری پێشوو دەستبەكاردەبێت كە ئەم وەرزەی بەدەستبەتاڵی بەجێهێشت".

نونو پێشتر راهێنەری یانەی ڤاڵانسیا بووە ، ئەو لە لێدوانێكیدا بۆ رۆژنامەنوسان دەڵێت : " هەستێكم بۆ دروست بووە كە گەراومەتەوە ماڵەكەی خۆم ، لەراستیدا ئەمە كاتێكی زۆر تایبەتە بۆمن ، شەرەفێكی گەورە كە پۆرتۆ متمانەی بەمن بێت".


 

رێكان عزیز

 

یەكێتی تۆپی پێی بەرازیل بەشێوەیەكی فەرمی هەواڵی دوورخستنەوەی ریكاردۆ كاكای هێرشبەری تیپەكە لەیارییەكانی كۆپا ئەمریكا دووپات كردەوە".

یەكێتی تۆپی پێی بەرازیل لەبەیاننامەیەكی فەرمیدا بڵاوی كردەوە : " ریكاردۆ كاكا تووشی پێكان هاتووە و بەمهۆیەوە ناتوانێت لە رووبەرووبوونەوەكانی هەڵبژاردەی ووڵاتەكەی لەیارییەكانی كۆپا ئەمریكا بەشداری بكات".

ئەمەو وەك لە بەیاننامەكە هاتووە : " پاولو ئەنریكی جانسو لە شوێنی كاكا بانگهێشتكراوە و قەرەبووی دابڕانی ئەم یاریزانە دەكاتەوە".

هەڵبژاردەی بەرازیل لەیارییەكانی یادی سەد ساڵەی كۆپا ئەمریكا لە قۆناغی گرووپەكان رووبەرووی هەڵبژاردەكانی ئیكوادۆر و پیرۆ و هایتی دەبێتەوە".


 

رێكان عزیز

 

 

 

سەرچاوەیەكی ئەمنی عێراقی بڵاویكردۆتەوە، ئێوارەی دوێنێ‌ گروپە چەكدارەكانی داعش هێرشێكی تووندی كردۆتە سەر شارەدێی كوبەیسەی خۆرئاوای پارێزگای ئەنبار.
پەلاماری گروپە چەكدارەكانی داعش بۆ سەر شارەدێی كوبەیسە دوای ئەوە دێت كە هێزە ئەمنییەكانی عێراق پەلاماریان بۆ سەر شاری فەلوجە راگرت و سەرۆك وەزیرانی عێراقیش باسی لەوەكردووە، كە ئەوان لەبەر گیانی هاوڵاتیانی مەدەنی پەلامارەكانیان راگرتووە.
هاوكات سەرچاوە ئەمنییەكان ئاماژە بەوەدەدەن، كە گروپە چەكدارەكانی داعش دەستی گرتووە بەسەر پانتاییەكی زۆری شارەدێی كوبەیسە.
باسیش لەوەكراوە كە داعش لەهێرشەكەیدا بۆ سەر شارەدێی كوبەیسە هێرشی خۆكوژی ئەنجامداوەو لەئەنجامیشدا دەیان چەكدارو سەرباز كوژراون.

 

ئـ . كـ

 

 

 

راپۆرتە رۆژنامەوانییەكانی ووڵاتی كۆستەریكا بڵاویان كردەوە دەستەی پزیشكی هەڵبژاردەكەیان ئامۆژگاری دەستەی پزیشكی یانەی ریال مەدریدیان كردووە نەشتەرگەری بۆ كایلۆر ناڤاس ئەنجامبدەن".

ئەلیخاندرۆ رامیرێز پزیشكی هەڵبژاردەی كۆستەریكا لەمیانی لێدوانێكیدا بۆ راگەیاندنەكانی ووڵاتەكەی دەڵێت : " ئێمە بەشێوەیەكی فەرمی لە پێكانەكەی ناڤاس دڵنیا بووین ، لەوانەیە پێكانەكەی تەشەنە بكات ، بۆیە ئامۆژگاری دەستەی پزیشكی یانەی ریال مەدریدمان كردووە نەشتەرگەری بۆ ئەنجامبدەن".

ئەو دەڵێت : " پسپۆران پێیان وایە لە ئێستادا ناڤاس گرینگی بە چارەسەری بدات و نەشتەرگەری ئەنجامنەدات ، بەڵام ئەمە پێچەوانەی بۆچوونی ئێمەیە و پێویستە بڕیار بدرێت كە ئەو یاریزانە بچێتە ژێر نەشتەرگەری".

ئەمەو ناڤاس لەدواین یاری تیپەكەی بەرامبەر یانەی ئەتلەتیكۆ مەدرید لە یانە پاڵەوانەكانی ئەوروپا هەستی بە ئازار كردووە و بەمهۆیەوە نەیتوانی لەگەڵ هەڵبژاردەكەی بەشداری یارییەكانی یۆرۆ بكات".


 

رێكان عزیز

كوردیو -

ئه‌مڕۆ پێنج شه‌ممه‌ نرخی دراوە بیانیەكان لەبازارەكانی هەرێمی كوردستان بەم شێوەیە ك

‌ 100 دۆلاری ئه‌مریكی به‌ 129 هه‌زار و 250 دیناره‌

100 یۆرۆ به‌ 144 هه‌زار‌‌‌و 750 دیناره‌

100 پاوه‌ن به‌ 187 هه‌زار‌و 500 دیناره‌

100 هه‌زار تمه‌ن به‌ 37 هه‌زار و 250 دیناره‌

100 لیره‌ی توركیش به‌ 44 هه‌زار‌‌و 250 دیناره‌

 

هونەر بانەگوڵانی

 

 

 

 

بەپێی ئەنجامی لێكۆڵینەوەیەكی پزیشكی لەكاتی ئەنجامدانی نوێژ، كۆمەڵێك گۆڕانكاری بەسەر جەستەی مرۆڤدا دێت، كە لەكاتەكانی تردا ڕوونادات.
سەرەتا یەكەم گۆڕانكاریش بریتییە لەئاوێزان بوونی عەقڵی مرۆڤ لەگەڵ گەردووندا بە تەواوی پاش تێپەڕ بوونی (50) چركە بەسەر دەستپێكردنی نوێژ، ئەو توێژینەوەیە كە (رامشاندران) توێژەریّكی ئەمریكی بە هاوبەشی لەگەڵ كۆمەڵێك توێژەری تردا ئەنجامیدابوو، جەخت دەكاتەوە لەوەی :
لەكاتی نوێژدا، تێكڕای هەناسەدان و بەكاربردنی ئۆكسجین لەناو جەستەی مرۆڤدا بە ڕێژەی (20% - 30%) دادەبەزێت و بەرگری پێست و كڵۆبوونی خوێن بەرێژەیەكی بەرچاو زیاد دەكات.
توێژینەوەكە روونیدەكاتەوە ئەو وێنانەی كە بە تیشك گیراون شێوازگەلێكی سەرسوڕهێنەر دەردەخەن سەبارەت بەكاركردنی مۆخ لەكاتی نوێژداو ئاماژە دەكات بەوەی وێنەی مۆخ لەكاتی نوێژ جیاوازترە لە وێنەی مۆخ لە كاتە ئاساییەكانی تردا.
هەروەها چاڵاكی خانە دمارییەكانی ناو مۆخ كەم بووەتەوەو بە رەنگێكی درەوشاوە لە تیشكدا دەردەكەوێت.
لای خۆیشیەوە (رامشاندرن) تەئكیدی كردەوە لەوەی: ئەو دەرئەنجام و وێنانە بەڵگەیەكی زانستین لەسەر بەرز بوونەوەی روحی و بوونی دین لە مۆخدا كە دواتر كار دەكاتە سەر تەواوی ئەندامەكانی تری وەك ماسولكەكان و چاو و جومگەكان و هاوسەنگی كۆئەندامەكان.
وتیشی : سەرجەمی ئەو ئەندامانە لەكاتی نوێژدا ئاماژەیەك دەنێرن بۆ مۆخ و ئەمەش دەبێتە هۆی زیادبوونی چاڵاكی مۆخ تاكو وای لێدێت مۆخی نوێژ خوێن پەیوەندی لەگەڵ جەستەدا دەپچڕێت و بەتەواوی دەبێتە عەقڵێكی پوخت و ساغ لە جیهانی زەمینەوە بۆ جیهانێكی تر پەلدەهاوێت.

 

ئـ . كـ

 

 

 

 

بەپێی لێكۆڵینەوە زانستیەكان دەركەوتووە كە پەیوەندی لەنێوان پاكی ددانەكان و بەهێزی دڵ هەیە، بەڵام دەبێت ئاماژە بەوەشبكرێت كە بەرلەسەدان ساڵ بەرلە ئێستا پێغەمبەری سەردار (صلی الله علیه وسلم) ئاماژەی بەم مەسەلەیە كردووە.
لێكۆلینەوەیەكی بەریتانی دەڵێت : پشتگوێخستنی شووشتنی ددان دووجار لە ڕۆژێكدا، تەنها كار لە تەندروستی ددان، یان پووك ناكات، بەڵكو كاریگەرییەكی یەكجار زۆری لەسەر تەندروستی دڵیش هەیە.
لەو لێكۆڵینەوە زانستیەی كە لە گۆڤارێكی تەندروستی بەریتانی بڵاوكراوەتەوە هاتووە، كە بەرزبوونەوەی رێژەی (70%) بەمەترسیەكانی تووشبوون بەنەخۆشیەكانی دڵ لەنێوان تاكەكاندا بریتیە لەو كەسانەی كە گرنگی بە پاكوخاوێنی دەم و ددان نادەن، بەجیاوازی لە ئەو كەسانەی كە ڕۆژانە دووجار ددانەكانیان دەشۆن.
چەند لێكۆڵینەوەیەكی تر دەریانخستووە، كە پشتگوێخستنی خاوێنكردنەوەی ئەم بەشەی لاشە (دەم و ددان) بەرەو كێشەی تەندروستیت دەبات.
ئەم لێكۆڵینەوە جەختدەكاتەوە لەسەر ئەوەی كە پشتگوێخستنی خاوێنكردنەوەی ددانەكان هۆكارە بۆ تووشبوون بە نەخۆشی زۆر ترسناك و ئەنجامی خراپ.
هەروەها شارەزایانی بواری پزیشكی دەڵێن، ڕۆژانە خاوێنكردنەوەی ددان بە ڕێكی دەبێتە هۆی بەهێزكردنی یادگەو پارێزگاریكردنی مێشك لەجەڵتە.
پزیشكی ئەمریكی (بێڵ دورفمان) رایگەیاندووە، ئەوەی كە لە دەمتدا ڕوودەدات كاریگەریەكی ڕاستەوخۆی بە تەواوی لەسەر جەستەت هەیە، لەبەر ئەوە تەندروستی دەم و خاوێنكردنەوەی زۆر گرنگە بۆ تەندروستی تەواوی لاشەت، هەروەها چەندان لێكۆڵینەوەی تری زانستی نوێ جەختدەكەنەوە، كەخاوێنكردنەوەی دەم و ددان كاریگەریەكی تەواوی لەسەر زۆربەری ئەندامەكانی لاشەت هەیە، لەسەرووی هەمووشیانەوە دڵ و مێشك.
پێغەمبەر (صلی الله علیه وسلم) دەفەرموێت : (لولا أن أشقّ علی أمتی ڵامرتهم بالسواك عند كل صلاە) ‌!! واتە: (ئەگەر ناخۆشی و بارگرانی نەبوایە بۆ ئوممەتەكەم، ئەوا فەرمانم پێدەكردن بە سیواككردن لە دوای هەموو نوێژێكەوە).
ئەم فەرموودەیە بەڵگەیە لەسەر چەندێتی گرنگیدانی پێغەمبەرمان بە خاوێن راگرتنی دەم و ددانمان، هەروەها ئاماژەیەكی ڕوون و ئاشكراشی تێدایە بۆ خاوێنكردنەوەی ددانەكانمان ڕۆژانە پێنج جار، واتە : زیاتر لەوەی كە پزیشكەكان ئامۆژگاریمان دەكەن، چونكە ئەم پێغەمبەرە بەبەزەییە چاكەو سوودو تەندروستییەكی باشی بۆ ئوممەتەكەی دەوێت.

كوردیو -

ئەمڕۆ سەرۆکی حکومەت بەبۆنەی دەستپێکردنی تاقیکردنەوەی قۆناغی ١٢ی ئامادەیی، لەکۆنگرەیەکی رۆژنامەوانیدا رایگەیاند پلانمان ھەیە بۆ تێپەراندی ئەم قەیرانەی روبەڕوی ھەرێم بۆتەوە.

ئەمرۆ پێنج شەممە نێچیرڤان بارزانی سەرۆکی حکومەتی هەرێمی کوردستان بەبۆنەی دەستپێکردنی تاقیکردنەوەی قۆناغی ١٢ی ئامادەیی، لەکۆنگرەیەکی رۆژنامەوانیدا ئاماژەی بە بەرەوپێشچوونی پرۆسەی خوێندن و بەردەوامی پرۆسەکەکرد سەڕەڕایی بوونی قەیران و وتیشیپلانمان ھەیە بۆ تێپەراندی ئەم قەیرانەی روبەڕوی ھەرێم بۆتەوە.



بەهۆی بونی قەیرانی داراییەوە ناوبراو داوای کرد کەھەر کەس و خێرخوازێک لەلای خۆیەوە ھاوکاری حکومەت بکات لەدروستکردنی بینایی خوێندنگا.

لەبارەی دامەزراندنیشەوە وتی: سەردەمی دامەزراندن لە كەرتی گشتیدا بەسەرچوو، دەبێت رێگاچارەیەك بۆ ئەو قوتابیانە بدۆزرێتەوە كە پرۆسەی خوێندن تەواو دەكەن بۆئەوەی بخرێنە سەر كار.



هونەر بانەگوڵانی