دوای ئەوەی شەوی ڕابردوو سەرۆكی ئەنجومەنی نوێنەرانی عێراق بەسەردانێك گەیشتە شاری سلێمانی و لەلایەن پارێزگاری سلێمانی و ژمارەیەك پەرلەمانتارەوە پێشوازی لێكرا بڕیارە كاتژمێر10ی سەرلەبەیانی ئەمڕۆ سەردانی مەكتەبی سیاسی یەكگرتو بكات.

سەرچاوەیەك بە كوردیوی ڕاگەیاندوە" بڕیارە سەلیم جبوری سەرۆكی ئەنجومەنی نوێنەرانی عێراق كاتژمێر10ی سەرلەبەیانی ئەمڕۆ سەردانی مەكتەبی سیاسی یەكگرتو بكات و لەگەڵ بەرپرسانی یەكگرتوو كۆببێتەوە"
بەپێی زانیارییەكانی كوردیوش كۆبونەوەكە تایبەتە بە گفتو گۆكردن لەبارەی رەوشی ئێستای عێراق و دوا گۆڕانكارییەكانی كۆبونەوەی پەرلەمان و چونەوەی پەرلەمانتارانی كورد بۆبەغدادا.
جێگەی ئاماژەیە شەوی ڕابردوو سەلیم جبوری سەرۆكی ئەنجومەنی نوینەۆرانی عێراق بەسەردانیك گەیشتە شاری سلێمانی ئامانج لەسەردانەكەشی گفتوگۆكردنە لەگەڵ بەرپرسانی كوردە بۆگەرانەوەی پەرلەمانتارانی كوردە بۆ شاری بەغداد.

أ.س

 

كڵاودیۆ رانیێری ئیتاڵی و راهێنەری یانەی لیستەر سیتی پاڵەوانی ئەم وەرزەی یانە نایابەكانی ئینگلتەرا پەیامێك بۆ هاندەرانی یانەكەی بڵاودەكاتەوە".

رانیێری پەیامەكەی خۆی لە ئێستگەی بەریتانیا (بی بی سی) بڵاوكردەوە و دەڵێت : " ئەگەر ئەوان زێرەك بن ... بۆ ساڵێكی دیكەش لەلای ئێمە دەمێننەوە".

ئەم پەیامە بۆ هاندەرانە بەڵام ناوەرۆكەكەی تایبەتە بە یاریزانەكانی ، راگەیاندنەكان بڵاویان كردۆتەوە كە لەم هاوینە زۆربەی ئەستێرەكانی لیستەر سیتی بە بۆندە گرانبەهایەكان ڕازی دەبن و ڕیزی تیپەكە بەجێدەهێڵن ، بەڵام راهێنەرەكەیان ئەم پەیامەیان بۆ دەنێرێت".

كڵاودیۆ دەڵێت : " یاریزانەكانم لە بەهێزی یانە پاڵەوانەكانی ئەوروپا دەزانن ، پێم وایە لەدوای چوونە ژوورەوەمان بۆ نێو ئەم تاقیكردنەوە زەحمەتە ئەوان دەتوانن تیپەكەمان جێبهێڵن".

راهێنەرەكەی لیستەر ووتی : " لە ئێستادا كارەكە وەك خەون وایە ، زۆر هەوڵمدا نەگریم بەڵام نەمتوانی چونكە ئەمە خۆشترین هەستە لەلای من ، هیوادارم لە وەرزی نوێ بەهەمان شێوازی ئەم وەرزە ئامادەبین".


 

رێكان عزیز


بەرپرسێکی لە وەزارەتی ئەوقاف ڕایدەگەێنێت، بە هۆی کەمتەرخەمی و دەوام نەکردنەوە ١٢ فەرمانبەر لە وەزارەتەکەیان دوورخراونەتەوە گوتی "دوورخستنەوەی فەرمانبەران لە وەزارەتی ئەوقاف بەردەوامە و بەهۆی قەیرانی داراییشەوە لە ئێستادا مۆڵەتی بێ‌ مووچە بۆتە دیاردە لە وەزارەتی ئەوقاف".


مەریوان نەقشبەندی، بەرپرسی پەیوەندییە گشتییەکان و پێکەوەژیان لە وەزارەتی ئەوقاف و کاروباری ئایینی حکومەتی هەرێم رایگەیاند سەبارەت بە دوورخستنەوەی فەرمانبەرەکان ئاشکرایکردووە  "ئەوانەی لە کارەکانیان دوورخراونەتەوە، هەندێکیان فەرمانبەری ناو وەزارەت و بەرێوەبەرایەتییەکانی سەر بە وەزارەتن لە شارۆچکەکانی هەرێم".

 هەروەها ناوبراو ئاشکرایکردوە "هەر فەرمانبەرێک ئەگەر لە ناوخۆی هەرێم بێت دوای ئاگادارکردنەوەی بۆ ماوەی یەک هەفتە نەیەت بۆ دەوام  راستەوخۆ لە کارەکەی دوور دەخرێتەوە، ئەو فەرمانبەرانەشی کە لە دەرەوەی وڵات بن بۆ ماوەی یەک مانگ مۆڵەتیان پێدەدرێت، ئەگەر نەگەڕێنەوە سەر کارەکەیان بەهەمان شێوە دووردەخرێنەوە".

 

كوردیو ـ هەڵەبجە ـ حەیدەر حەمەصاڵح
بۆ بەرەنگار بونەوەی ئەو قەیرانە داراییەی كە ڕوی لە هەرێمی كوردستان كردوە و هەموو چین و توێژەكانی گرتۆتەوە سكرتێری ڕێكخراوی یەكگرتووی خوشكان ڕایدەگەیەنێت كە دەبێت بگەڕێنەوە بۆ بەگەڕ خستنی تواناكانی خوشكان لە بوارەكانی دەست ڕەنگینی و كشتوكاڵ كردن .


خەرامان محەمەد سكرتێری ڕێكخراوی یەكگرتووی خوشكانی ئیسلامیی كوردستان لە لێدوانێكیدا بۆ كوردیو ڕایگەیاند: خێزانەكان پشكێكی گەورەیان بەركەوتوە لەم قەیرانی داراییەی كە ڕوی لە هەرێمی كوردستان كردوە دەبێت ژنان ڕۆڵێكی زۆر گەورەیان هەبێت لە ڕوبەڕوبونەوەیدا ئەمە پێویستی بەكار كردنە وئەركی ڕێكخراوەكانیش ئەوەیە كە چین و توێژەكان هۆشیار بكاتەوە بەتایبەت ئافرەتان بەرانبەر ئەو هەمو كێشانەی كەدێنە پێشەوە .


هەروەها ڕاشیگەیاند : ئەوەی پێویستە كاری لەسەر بكرێت بەگەڕخستنی دەست ڕەنگینی و گەڕاندنەوەی كلتوری ئیشی دەستی ژنانە كە جاران هەبوو لەهەمانكاتدا زیندو كردنەوەی ئیش و كاری كشتوكاڵی و گەڕانەوە بۆ ئەو ئیش و كارانەی كەلە دامو دەزگا خزمەتگوزاریەكاندا شان بەشانی پیاوان ئەنجام دەدرێت دەكرێت و ژنان ڕۆڵی سەرەكی تێدا دەبینن بۆیە هەڵمەتێكی سەرتاسەریمان لەكوردستان دەست پێكردوە بۆئەوەی بتوانین ڕۆڵمان هەبێت لە ڕوو بەڕوو بونەوەی قەیراندا.


سكرتێری ڕێكخراوی یەكگرتووی خوشكانی ئیسلامیی كوردستان ئاماژەی بۆ ئەوە كرد : دەبێت خوشكی ئێمە ڕۆڵی هەبێت لە بار سوك كردنی خێزانەكان بۆ ڕوبەڕوبونەوەی قەیرانەكان و دوركەوتنەوە لە خۆ بەدەستەوەدان و خەرجی لەڕادەبەر دەست پێوە نەگرتن ،دەبێت ڕێكخراوەكانی ئافرەتان لە رێِگەی خولی جۆراو جۆرەوە ئەو توانایانەی كەهەیە لەناو ئافرەتی كورد دا زۆر زۆرە ئەبێ بخرێنەگەر ِ و بەشداری خولە پێشەییەكانیان پێ بكرێت .


ئاماژەی بۆ ئەوەش كرد: ڕۆڵی ڕێكخراوەكانی ئافرەتان دەبێت لەبەرچاو بگیرێت چونكە دەبینین كە ئەمڕۆ بۆ هەرشارێك دەچێت دەبینین ئافرەتان ئیش دەكەن و لە ناو سۆپەرماركێتەكان و ئیشی نان كردن و تەنانەت دوكانداری دەكەن كە پێشتر ئەم هەنگاوانە بونیان نەبوە ئێستە ئافرەتا هۆشیارن ئەو لاوازیەش كە ڕوی لە ئافرەتان كردوە هۆكارەكەی ئەو گەندەڵی و بە بندیوار كردنەیەكەلەلایەنی حیزبانی دەسەڵاتەوە كەبەموچەیەك بەستراونەتەوە و پاڵی داوەتەوە ئەبینین تەنها پیاوان بندیواریان نییە بەڵكو ئافرەتانیش بندیواریان هەیە.

 

 

 

سەلام بێستانسوری

 

هێزە كانی هاوپەیمانانی رایدەگەیەنن بەهۆی سەختی برینكەیەوە دوێنی ئیوارە دووەم سەربازی ئەمریكی لە عێراق گیانی لەدەست داوە.
لەبەیاننامەیەكدا هێزە هاوبەشەكانی هاوپەیمانان بڵاویان كردوەتەوە" بەهۆی سەختی برینەكەیەوە ئێوارەی دوێنێ شەممە سەربازیكی ئەمریكی گیانی لە دەستدا"
بەیاننامەكە ئەوەشی بڵاو كردوەتەوە " ئەو سەربازە ئەمریكیە كەبەهۆی برینكەیەوە گیانی لەدەستداوە لە شەڕو روبەروبونەوەكاندا بریندارنەبووە و كات و شوینی برینداربونەكەشی بڵاو نەكراوەتەوە "

هەفتەی ڕابردوش سەربازێكی ئەمریكی لە ناوچەی موسڵ لەروبوبەروبونەوەی لەگەڵ چەكدارانی داعش كوژرا .
بەپێی راپۆرتیكی وەزارەتی بەرگری ئەمریكی كە لەكانونی دووەمی دەرچووە لە عێراق حەوت سەربازی ئەمریكی بەبێ بەشداریكردنیان لە روبەروبونەوەكاندا كوژراون سی سەربازیتریش لەكاتی روبەڕوبونەوەكاندا كوژراون.

 

 

ئەندامێكی ئەنجوومەنی نوێنەران رایگەیاند، سەردانی كردنی سەرۆكی ئەنجوومەنەكەی بۆ هەرێمی كوردستان بەمەبەستی پێدانی گەرەنتی ئاسایشی بووە بۆ پەرلەمانتارە كوردەكان.
(عەباس بەیاتی) ئەندامی ئەنجوومەنی نوێنەران لەلیستی ئیئتیلافی دەوڵەتی یاسا رایگەیاند، هەوڵێك لەئارادایە تاكو كۆبوونەوەی ئەنجوومەنی نوێنەران لەم هەفتەیە سازبكرێت، پێشی وابوو كوتلەكان پێیان وایە ناكرێت پەرلەمان پەكبخرێت.
بەیاتی لەبارەی هۆكاری سەردانەكەی جبوری بۆ هەرێمی كوردستان ووتی، جبوری دەیەوێت گەرەنتی ئەمنی بۆ پەرلەمانتارە كوردەكان بگەیەنێت ئەگەر بێت و بگەڕێنەوە بۆ بەغداو بەشداربن لەكۆبوونەوەی ئەنجوومەنی نوێنەران.
لەوەتەی دوو هەفتەی رابردوو كاتێك لایەنگرانی رەوتی سەدر هەڵیان كوتایە سەر ئەنجوومەنی نوێنەران، كۆبوونەوەكان پەكیان كەوتووە.
ئەمەو دوێنێ‌ (سەلیم جبوری) سەرۆكی ئەنجوومەنی نوێنەران سەردانی هەرێمی كوردستانی كردو لەگەڵ كوتلە كوردستانییەكانی ئەنجوومەنەكەی كۆبوویەوە.

 

ئـ . كـ

 

عەلی حەمە ساڵح پەرلەمانتاری کوردستان لە فراکسیۆنی گۆڕان ڕایگەیاند، ڕێککەوتنەکەی یەکێتی و گۆڕان بە هیچ شێوەیەک بۆ دابەشکردنی پۆست و پارە نییە.


عەلی حەمە ساڵح لە لاپەڕەی تایبەتی خۆی لە فەیسبوک نووسیویەتی "له‌ ئێستادا هاوسه‌نگی هێز نه‌ماوه‌ و فه‌راغێکی گه‌وره‌ی ئیداریی هه‌یه‌، هەروەها په‌رله‌مان په‌کی که‌وتووه‌، حه‌جمی فه‌ساد له‌ کوردستاندا به‌ ئه‌ندازه‌یه‌کی زۆر زیادی کردووه‌، قه‌یرانی ئابوری قوڵتربووه‌ته‌وه‌، ئەگەری هەیە ئه‌م دۆخه‌ ڕۆژ به‌ ڕۆژ خراپتر ببێت، ئه‌گه‌ر چاره‌یه‌کی جدی بۆ نه‌دۆزرێته‌وه‌."

ئەو پەرلەمانتارە له‌باره‌ی ڕێککه‌وتنی گۆڕان و یه‌کێتی نووسیویەتی "ڕێککه‌وتنی گۆڕان و یه‌کێتی، که‌من له‌ نزیکه‌وه‌ ئاگاداری ورده‌کاریه‌که‌یم و له‌ شوێنێکدا پێویستی کردبێت تێبینیمان داوه‌، بۆ ڕاستکردنه‌وه‌ی ئه‌و دۆخه‌ خراپه‌ی ئێستایه‌. "

ئەوەشی وتووە "به‌هیچ شێوه‌یه‌ک ئه‌م ڕێککه‌وتنه‌ بۆ دابه‌شکردنی پۆست و پاره‌ نییە، بەڵکو بۆ گه‌شه‌ی ئابوری، دادی کۆمه‌ڵایه‌تی، خزمه‌تی پرسی دیموکراسی و سه‌روه‌ری یاسایە و ڕێگەش نادەین لە ئامانجەکەی لابدات."

کۆبونەوە دوو قۆڵیەکانی چەند مانگی ڕابردووی نێوان گۆڕان و یەکێتی و پێشکەشکردنی پرۆژە لەلایەن یانە هەردوولاوە، بەرهەمەکەی ڕێککەوتنێکی سیاسی نێوانیان بوو.

 

یانەی بایرن میونخ بۆ جاری چوارەم لەسەر یەكتر و بۆ جاری (27) لەمێژوویدا بووە پاڵەوانی خولی یانە كانی ئەڵمانیا ناسراو بە بۆندس لیگا".

بایرن میونخ پێویستی بە یەك بردنەوەی دیكە هەبوو بۆ ئەوەی ببێتە پاڵەوان ، ئەو تیپە لەدەرەوەی یاریگای خۆی بووە میوانی یانەی ئەنگولشتات و بە ئەنجامی (2 – 1) یارییەكەی بردەوە".

دوو گۆڵەكەی یانەی بایرن میونخ یاریزان (رۆبێرت لیفاندۆفیسكی) تۆماریكرد و یانەكەی كردە پاڵەوانی ئەم وەرزە ، گۆڵەكەی ئەنگولشتات یاریزان (هارتمان) تۆماریكرد".

بەم ئەنجامەش یانەی بایرن میونخ بەفەرمی بووە پاڵەوانی خولی ئەڵمانیا و چاوەروانی دواین نازناو دەكات كە جامی یانەكانی ووڵاتەكەیەتی".


 

رێكان عزیز

كوردیوـ سلێمانی
دوای ئەوەی شەوی ڕابردوو سەرۆكی ئەنجومەنی نوێنەرانی عێراق بەسەردانێك گەیشتە شاری سلێمانی و لەلایەن پارێزگاری سلێمانی و ژمارەیەك پەرلەمانتارەوە پێشوازی لێكرا بڕیارە ئەمڕۆ لەگەڵ مەكتەبی سیاسی یەكێتی و بزوتنەوەی گۆران كۆبێتەوە.
سەرچاوەیەك بە كوردیوی ڕاگەیاندوە" سەلیم جبوری شەوەكەی سەردانی ماڵی ئارام شێخ محمد جێگری سەرۆكی ئەنجومەنی نوێنەران و ماڵی ئاڵا تالەبانی سەرۆكی فراكسیۆنی یەكێتی لە ئەنجومەنی نوێنەرانی عێراق دەكات "
سەرچاوەكە ئاماژەی بەوەشداوە" ڕۆژی یەك شەممەش سەلیم جبوری سەرۆكی ئەنجومەنی نوێنەرانی عێراق كاتژمێر 9:30 نەوشیروان مستەفا ڕێكخەری گشتی بزوتنەوەی گۆران كۆدەبێتەوە و دواتریش لەكاتژمێر11ی پێش نیوەڕۆ سەردانی مەكتەبی سیاسی یەكێتی دەكات"
جێگەی ئاماژەیە شەوی ڕابردوو سەلیم جبوری سەرۆكی ئەنجومەنی نوینەۆرانی عێراق بەسەردانیك گەیشتە شاری سلێمانی ئامانج لەسەردانەكەشی گفتوگۆكردنە لەگەڵ بەرپرسانی كوردە بۆگەرانەوەی پەرلەمانتارانی كوردە بۆ شاری بەغداد.

أ.س