ئۆنای ئیمری راهێنەری یانەی ئیشبیلیەی ئیسپانی دڵخۆشی خۆی نیشاندا بە بردنەوەی سێیەم نازناوی جامی یۆرۆلیگ ، هەروەها نهێنی سەركەوتن بەسەر لیڤەرپوول ئاشكرا دەكات".

ئیمری لە لێدوانێكیدا بۆ رۆژنامەنوسان ووتی : " ئێمە بەهەموو شێوەیەك لەو ئاستە رازین كە پێشكەشمان كرد ، پێویستە چێژ لە بەرزكردنەوەی نازناوەكە ببینین و بیر لەیاری كۆتایی جامی شای ئیسپانیا نەكەینەوە".

راهێنەرەكەی ئیشبیلیە دەڵێت : " لە گێمی دووەم ئێمە باشترین ئاستمان پێشكەش كرد ، پێویست بوو وا بیر بكەینەوە كە یارییەكە لە یاریگای خۆمان بەرێوەدەچێت ، بۆ ئەمەش كارەكەمان ئەنجامدا".

لەبارەی نهێنی سەركەوتن بەسەر لیڤەرپوول ، ئیمری دەڵێت : " لیڤەرپوول تیپێكی گەورەیە ، بەڵام ئێمە نهێنی خۆمان هەبووە توانیمان كەسایەتی خۆمان بسەپێنین و هێزی خۆمان دووپات بكەینەوە ، بۆ ئەمەش متمانەی تەواومان بەدەستهێنا".


 

رێكان عزیز

 

 

 

سەرۆكی ڕێكخراوی بەدر رایگەیاند، شەڕی فەلوجەو دەركردنی گروپە چەكدارەكانی داعش بەم نزیكانە دەست پێدەكات.
(هادی عامری) سەرۆكی ڕێكخراوی بەدر بۆ رۆژنامەنووسان لەپارێزگای دیالە رایگەیاند، شاری بەغداو دەوروبەری دوای نەمانی گروپە چەكدارەكانی داعش لەنێو قەزای فەلوجە ئارامی بەخۆیانەوە دەبینن.
عامری داواشی كرد، هاوڵاتیانی نێو قەزای فەلوجە هەوڵ بدەن خۆیان دەرباز بكەن، داواشی لەحكومەت كرد ڕێو شوێنی پێویست بۆ جێگەكردنەوەی ئاوارەو پەنابەرەكان بگرێتەبەر.

 

ئـ . كـ

 

كوردیو -

بەڕێوەبەرایەتی‌ گشتی كەشناسی‌ و بومەلەرزەی‌ هەرێمی‌ كوردستان پێشبینی‌ كەشوهەوای‌ سبەی هەینی بڵاوكردەوە.

كەشوهەوای‌ ئەمرۆی شارەكانی هەرێم بەم شێوەیە دەبێت...

 

 

هونەر بانەگوڵانی

 

 

لە شارێكی كەنار دەریای سپی گەنجینەیەكی سەردەمی رۆمانەكان دۆزرایەوە، كە مێژووەكەی لایەنی كەم بۆ شانزە سەدە لەمەوبەر دەگەڕێتەوە.
تیمەكە شوێنەوارناسانی ئیسرائیلی بوونەو لەكەناری شاری قەیسەری فەڵەستینی كە دەكەوێتە سەر دەریای سپی ناوەڕاست گەنجینەیەكی سەردەمی رۆمانەكانیان دۆزیوەتەوە كە مێژووەكەی دەگەڕێتەوە بۆ پێشی (1600) ساڵ لەمەوبەر.
بەپێی زانیارییەكانی ئاژانسی رۆیتەرز، لەنێو گەنجینەكەدا دراوو پەیكەرەو پارچەی جیاجیای بەنرخ بوونیان هەیە.
لەساڵی رابردوودا ژێر دەریاییەكان لەكەنارەكانی ئیسرائیل گەنجینەیەكیان دۆزیەوە كە تەمەنی (1000) ساڵ دەبوو لەسەر دراوەكانیش بەزمانی عەرەبی نووسرابوو.

 

ئـ . كـ

 

سەرۆكی لیژنەی مافی مرۆڤ لە پەرلەمانی كوردستان ڕایدەگەیەنێت: سیناریۆیەكیان بۆ داڕێژراوم، بڕیارە پێنج شەمە كچ و دایكێك بەرنە بنكەی پۆلیسی كەسنەزان و چەند كەناڵێكی ڕاگەیاندن كۆ بكەنەوە گوایە من بكوژی ڕۆژنامەنوسێك بووم.

 

سۆران عومەر سەرۆكی لیژنەی مافی مرۆڤ لە پەرلەمانی كوردستان لە لاپەڕەی خۆی لە تۆڕی كۆمەڵاەیتی فەیسبوك نوسیوەیەت:" سیناریۆیەك بۆ بەندە داڕێژراوە، بڕیارە پێنج شەمە كچ و دایكێك بەرنە بنكەی پۆلیسی كەسنەزان و چەند كەناڵێكی ڕاگەیاندن كۆ بكەنەوە بۆ گواستنەوەی ئەم سیناریۆیە و سیناریۆكە ماوەی سێ ڕۆژە خەریكی داڕشتنین، وادانراوە دەست بەگریان بكەن و بڵێن كوڕو براكەمان لەلایەن سۆران عومەرەوە بێ سەروشوێن كراوە!".

 

هەروەها ئەوەش هاتووە: چاوەڕوانی ئەم سیناریۆبن ، ئەمە زانیاریەو لەیەكێك لەو كەسانەوە پێم گەشتووە كەلەنزیكەوە ئاگاداری سیناریۆكەیە.

 

سۆران عومەر ئەوەشی خستەڕوو: سیناریۆكە لەو دۆسێدا ئامادەكراوە كە لە 3/12/2007 هاوڕێیەكی ڕۆژنامەنوسم لەهەولێر بێ سەروشوێنكراوەو من شاهیدم لەسەر ئەو بێ سەروشوێن بوونە، بەڵام دەیانەوێ بیكەنە سیناریۆیەكی پێچەوانە.

 

 

سەلام بێستانسوری

 

 

یانەی بەرشلۆنەی ئیسپانی رەخنەیەكی توندی ئاراستەی بەرپرسانی شاری مەدرید كرد و پێیان وایە ئەوان هێرشیان كردۆتە سەر ئازادی بیر و ڕا".

بەرپرسانی شاری مەدرید بەشێوەیەكی فەرمی رایانگەیاند كە هیچ هۆكارێكی راگەیاندن بۆی نییە بێتە نێو یاریگای ڤێسێنتی كالدیرۆن و رووماڵی یاری كۆتایی بكات هەرچەند یارییەكە لەنێوان بەرشلۆنە و ئیشبیلیە ئەنجامدەدرێت".

یانەی بەرشلۆنە لە بەیاننامەیەكدا بڵاوی كردەوە ، بەرشلۆنە بەهەموو شێوەیەك بەردەوام دەبێت لە بەرگركردن لە ئازادی بیروڕا ، ئێمە داوا لە حكومەتی مەدرید دەكەین كە پابەندبن بە رێنماییەكان و هیچ كێشەیەك بۆ دامەزراوەكانیان نەكەن لەو یارییەدا".

یانەكە دەڵێت : " بڵاوەپێكردنی زیاتر لە (2500) هێزی ئەمنی لەچوارچێوەی یاریگای ڤێسێنتی كالدیرۆن و دوورخستنەوەی هۆكارەكانی راگەیاندنی كەتەلۆنیا پێشێلكردنی یاسایە".


 

رێكان عزیز

 

 

 

فڕۆكە جەنگییەكانی سوپای هاوپەیمانان بۆردومانی باشووری شاری موسڵیان كردووەو لەئەنجامیشدا سێ‌ سەركردەی ئەو گروپە چەكدارە كوژراون.
سەركردایەتی فەرماندەیی هاوبەشی عێراقی ئاشكرای كردووە، ئێوارەی دوێنێ‌ فڕۆكەی جەنگی سوپای هاوپەیمانان بۆردومانی پێگەو موڵگەی گروپە چەكدارەكانی داعشیان لەشاری موسڵ كردووەو لەئەنجامیشدا سێ‌ سەركردەی ئەو گروپە چەكدارە كوژراون، لەنێویاندا والی داعش لەباشووری شارەكە هەیە.
بەپێی زانیارییەكان والی باشووری موسڵ ناوی (ئەبو ئەیوب) بووەو خەڵكی ناوچەی شورەسی باكووری ناحیەی گەیارە بووە.
لەلایەكی ترەوە فڕۆكەی هاوپەیمانان بۆردومانی كاروانێكی گروپە چەكدارەكانی داعشیان كردووەو لەئەنجامیشداسەركردەیەكی داعشیان بەناوی (ئەبو سوفیان ئەبو ئەحمەد) كوشتووەو لەناحیەی گەیارەش والی داعش و سێ‌ لەپاسەوانەكانی كوژراون.

 

ئـ . كـ

 

وەزارەتی بازرگانی عێراق ساڵانە ڕێژەیەك گەنم لە ناوخۆو دەروە دەكرێت و بۆ ئەمساڵیش بڕی 50 هەزار تۆن لە دەروە دەكرێت.

 

ئاژانسی هەواڵی رۆیتەرز لەزاری بازرگانانی دانەوێڵەی ئەوروپا بڵاوی كردەوە: وەزارەتی بازرگانی عێراق بە نیازی كڕینی گەنمە لە دەروەی ولات بە بڕی 50 هەزار تۆن و كەمكردنەوەی نهێنی.



هەروەها ئاماژەی بەوەش كردووە كە وەزارەتی بازرگانی عێراق ڕۆژی هەشتی ئایار ڕایگەیاند كە ئەو بڕە گەنمە دەكرێت.

 

جێگای ئاماژە بۆكردنە عێراق ساڵانە گەنم لە ناوخۆ و دەروەی وڵات دەكرێت بە مەبەستی دابینكردنی ئاردی بەشەخۆراكی هاۆتیان و تا ئێستاش نەیتوانیوە پارەی گەنمی جوتیارانی هەرێمیكوردستانی دابین بكات.

 

 

 

سەلام بێستانسوری

100 دۆلاری ئەمریكی 130.000 هەزار دینار
100 یۆرۆی ئەوروپی 114 دۆلار
100 یۆرۆی ئەوروپی 147 هەزار دینار
100 پاوەنی ئیستەرلینی 144.5 دۆلار
100 پاوەنی ئیستەرلینی 186.600 هەزار دینار
100 دۆلار 340 تومەنی ئێرانی
100 دۆلار 380 ریالی سعودی
1000 دینار 2640 تومەنی ئێرانی
100 دۆلار 293 لیرەی توركی
1 لیرەی توركی 550 دینار
1000 لیرەی سوری 5500 دینار
1 دیناری ئەردەنی 1760 دیناری عێراقی


ڕێبین عه‌لی

 

یۆرگن كلۆپی ئەڵمانی و راهێنەری یانەی لیڤەرپوولی ئینگلیزی دوای دۆراندنی لەیاری كۆتایی جامی یۆرۆلیگ بەرامبەر یانەی ئیشبیلیە بە ئەنجامی (3 – 1) خۆی بە بەرپرسیار دەزانێت".

كلۆپ لە لێدوانێكیدا بۆ رۆژنامەنوسان ووتی : " ئێمە بەشێوەیەكی زۆر باش دەستمان پێكرد ، گۆڵێكی نایابمان تۆماركرد ، تەنانەت گۆڵێكی دیكەشمان تۆماركرد بەڵام هەژمار نەكرا".

ئەو دەڵێت : " لە گێمی دووەم كەمتر بیرمان لای تۆپەكان بوو ، بەشێوەیەكی باش یاریمان نەكرد ، بەتایبەت دوای ئەو گۆڵەی بەخێرایی لێمان تۆماركرا".

راهێنەرەكەی لیڤەرپوول دەڵێت : " بەشێوەیەكی باش بەرگریمان نەكرد ، ئەمەش زیاتر منی تورە كرد ، هیوام دەخواست ئەنجامەكە لەبەرژەوەندی ئێمە بوایە ، بەڵام ئەمە تۆپی پێیە".

لەكۆتاییدا كلۆپ دەڵێت : " من بەرپرسیاریەتی دۆراندنەكە لە ئەستۆ دەگرم ، رەخنە لە هیچ یاریزانێك ناگرم ، من وەك راهێنەر دانی پێدادەنێم كە هەڵەی من بووە".


 

رێكان عزیز