بەنكی رافیدەینی عێراقی رایگەیاند، ئەوان قەرز بە كەرتی تایبەت دەدەن تاكو گەشەبدەن بەچاڵاككردنی بەروبوومی نیشتمانی.
(كەمال حەسەنی) بەڕێوەبەری بەنكی رافیدەین رایگەیاند، ئەوان پلانیان هەیە قەرز بدەن بە كەرتی تایبەت تاكو پەرە بەبەربوومی نیشتمانی بدەن و گەشەی پێبدەن و ژێرخانی ئابووری ببوژێننەوە.
حەسەنی ئاماژەی بەوەشكرد، قەرز بەو كەسانە دەدەن كە خاوەنی متمانەن و دەتوانن بە پێی گرێبەستەكان قەرزەكانی لەكاتی خۆیدا بگەڕێننەوە، ئەو هەنگاوەشی لەكاتێكدا بەهۆی دابەزینی نرخی نەوتەوە دووچاری قەیرانی ئابووری بووەو بۆپڕكردنەوەی كورتهێنانەكانیش لەدانووستاندایە بۆ وەرگرتنی قەرز لە سندوقی دراوی نێودەوڵەتی.

 

ئـ . كـ

 

 

جارێكیتر نرخی دۆلاری ئەمریكی بەرامبەر بە دیناری عێراقی بەرزبۆوە، ئەمەش دوای ئەوەدێت چەندین هەفتەیە لەبەرزبونەوەدایەو دابەزینی زۆر كەم بەخۆیەوە دەبینێت .

ئەمرۆ یەك شەممە 2016/4/17 نرخی 100 دۆلاری ئەمریكی بەرامبەر بوو بە 130 هەزار و 350 دینار.

نرخی دراوەكانیتریش بریتیە لە:
100 یۆرۆ بەرامبەر بە 147 هەزار دینار .
100 تمەنی ئێرانی بەرامبەر بە 37 هەزار دینار .
100 پاوەن بەرامبەر بە 181 هەزار دینار .
100 لیرەی توركی بەرامبەر بە 44 هەزار دینار .

ئەمڕۆ ١7ی نیسانی ٢٠١٦، یەك مسقاڵ زێڕی عەیارە ٢١ بە ٢٢٤ هەزار دینارە.

هەروەها نرخی جۆرەكانی تری زێر بەم شێوەیەیە:

یەك مسقاڵ زێڕی عەیارە ١٨ بە ١٩٤ هەزار دینارە.

یەك مسقاڵ زێڕی عەیارە ٢٤ بە ٢٥٦هەزار دینارە.

نرخی یەك لیرە بە ٣٤١ هەزار دینارە.


ڕێبین عەلی

 

 

ئەمڕۆ ئێران بەشداری كۆبوونەوەی ووڵاتانی نەوت فرۆش ناكات كە لەشاری دەوحەی قەتەری بەڕیوەدەچێت.
ئێران رایگەیاند، ئەوان گومانیان لەكۆبوونەوەكە هەیە، بۆیە بەشداری ناكەن، بەڵام هەردوو ووڵاتی سعودییەو رووسیا بەشداری دەكەن.
لەلایەن خۆیەوە (ئەكبەر نیعمەتولڵا) ووتەبێژی وەزارەتی نەوتی ئێرانی رایگەیاندووە، (بێجان زەنگەنە) بەشداری كۆبوونەوەی ووڵاتانی نەوت فرۆش ناكات.
پێشتر ئێران ئاماژەی بەوەدابوو، كە ئەوان جارێ‌ ناتوانن بێنە ڕیز ووڵاتانی نەوت فرۆش بۆ پرسی سنوورداركردنی هەناردەی نەوت.
لەماوەی دوو ساڵی رابردوودا نرخی نەوت دابەزینی بەخۆیەوە بینی تاكو گەیشتە نزمترین نرخی لەوەتەی (13) ساڵی رابردوودا، ئەوەش زیانی زۆری بەئابووری ووڵاتانی نەوت فرۆش گەیاند.

 

ئـ . كـ


 

 

لەمیانی یارییەكانی گەڕی (33) خولی یانەكانی ئیتاڵیا یانەی ئینتەرمیلان بە بردنەوەی لە یانەی ناپۆلی بە ئەنجامی (2 – 0) تا رادەیەكی زۆر نازناوەكەی پێشكەشی یانەی یوڤینتۆس كرد".

دوو گۆڵەكەی ئینتەرمیلان یاریزانان (ماورو ئیكاردی و مارسیلۆ بروزویچ) تۆماریانكرد و یانەكەیان كردە خاوەنی سێ خاڵ".

بەم ئەنجامە یانەی ناپۆلی خاڵەكانی لە (70) خاڵ مایەوە و (6) خاڵ لەدوای یانەی یوڤینتۆسی پێشەنگ دێت ئەم یانەیە یارییەكی كەمتریش ئەنجامداوە ، هەرچی ئینتەرمیلانە بە كۆكردنەوەی (61) خاڵ پلەی چوارەمی گرتووە".

رێكان عزیز

 

لەمیانی یارییەكانی گەڕی (34) خولی یانەكانی ئینگلتەرا یانەی مانچستەر سیتی لەدەرەوەی یاریگای خۆی بە ئەنجامی (3 – 0) لە یانەی چێڵسی بردەوە".

سێ گۆڵەكەی یانەی مانچستەر سیتی یاریزان (سێرجیۆ ئەگوێرۆ) تۆماریكرد و یانەكەی كردە خاوەنی سێ خاڵی گرینگ ، هێندەی دیكە برینەكانی یانەی چێڵسی قوڵتركرد".

مان سیتی بە كۆكردنەوەی (60) خاڵ و بەهەبوونی یارییەكی دواخراو پلەی سێیەمی گرتووە و بە (12) خاڵ لەدوای یانەی لیستەر سیتی پێشەنگ دێت".

هەرچی یانەی چێڵسییە بە كۆكردنەوەی (44) خاڵ پلەی (10) ریزبەندی گرتووە و ئومێدی گەیشتن بە خولە ئەوروپییەكان لە وەرزی داهاتوو زۆر لاوازبووە".

رێكان عزیز
 

جێگری سەرۆکی حکومەتی هەرێمی کوردستان ڕایگەیاند، دەکرێت ئەمرێکا بڕێک لە پارەیەی بۆ شەڕی دژی داعش تەرخانکراوە بدرێت بە حکومەتی هەرێم لەبەر ئەوەی هیچ لایانێک وەک و ئەم هەرێمە بەرەنگاریان نەبۆتەوە.
قوباد تالەبانی، جێگری سەرۆکی حکومەتی هەرێم لە چاوپێکەوتنێکدا لەگەڵ ماڵپەڕی ئەلمۆنیتەر ڕایگەیاند "خراپی دۆخی ئابووری بووەتە هەڕەشەیەک لەسەر هەرێمی کوردستان و بەرەکانی شەڕی داعش لە مەترسیدایە، پێویستە هاوپەیمانان لەسەرتاسەری جیهاندا لەو ڕاستیە تێبگەن و دەستبەجێ هاوکاری ڕاستەوخۆیان پێبگەیەنن ."

لەبەر ئەم هۆکارە، قوباد تاڵەبانی داوای کرد بەشێک لەو هاوکاریانەی ئەمریکا کە بۆ شەڕی دژی داعش تەرخانیکردووە بیداتە حکومەتی هەرێم.

هەروەها ناوبراو ئاشکرایکردووە کە  "ئەمریکا و وڵاتانی نێودەوڵەتی پارەیان هەیە و هیچ لایەنێکیش وەکو ئێمە لەسەر زەوی شەڕی داعش ناکات کەواتە شتێکی دروستە لەدوای ڕەزامەندی کۆنگرێس سود لە هاوکاریەکانی شەڕی داعش ببینین ."


ڕێبین عەلی

كوردیو ـ سلێمانی ـ یانی یادگار بزووتنەوەی گۆڕان و یەكێتیی نیشتمانیی كوردستان ئەمڕۆ لە شاری سلێمانی كۆدەبنەوە و وتەبێژی گۆڕانیش دەڵێت كۆبوونەوەكە بۆ باسكردنە لەسەر كۆبوونەوەكەی دوێنێی پارتی و یەكێتی شۆڕش حاجی وتەبێژی بزووتنەوەی گۆڕان بە كوردیوی ڕاگەیاند "كۆبوونەوەكەی ئەمڕۆمان لەگەڵ یەكێتی لەسەر داوای یەكێتییە و پێدەچێت لەسەر ئەو كۆبوونەوەی دوێنێی‌ خۆیان بێت لەگەڵ پارتی". وتەبێژی گۆڕان وتیشی " لەسەر هەڵویستی كورد لەبەغدادو سەردانی شاندی حزبە سیاسیەكان پێشنیارو دەرئەنجامی كۆبوونەوەكەی دوێنێمان پێدەڵێن بۆ ئەوەی ئێمەش هەڵوێستی خۆمان بخەینەڕوو". أ.س

 

لەمیانی یارییەكانی گەڕی (33) خولی یانەكانی ئیسپانیا یانەی ریال مەدرید لەدەرەوەی یاریگای خۆی ئەنجامێكی گەورە تۆماركرد و بە ئەنجامی (5 – 1) لە یانەی خیتافی بردەوە".

پێنج گۆڵەكەی ریال مەدرید یاریزانان (كەریم بنزیمە وئیسكۆ و گاریس بێل و خامێس رۆدریگێز و كریستیانۆ رۆناڵدۆ) تۆماریانكرد ، گۆڵەكەی خیتافی یاریزان (سارابیا) تۆماریكرد".

بەم ئەنجامەش یانەی ریال مەدرید بەشێوەیەكی كاتی سەركەوت بۆ پلەی دووەم و جیاوازی خاڵەكانی لەگەڵ یانەی بەرشلۆنەی پێشەنگ بۆ یەك خاڵ كەمكردەوە لەچاوەروانی یارییەكەی ئەمرۆی یانە كەتەلۆنییەكەیە".

 

رێكان عزیز


كوردیوـ هەولێر
شەوی رابردوو لە گەڕكێكی شاری هەولێر پیاوێك دەكوژرێت و پۆلیسی هەولێریش ڕایدەگەیەنێت  بەپێی لێكۆڵینەوەكان ئەو كەسە بە چەقۆ كوژراوەو  شایەتحاڵەكانیش ئاماژە بۆئەوە دەكەن  پیاوەكە لەلایەن ژنێكەوە كوژراوە.
نەقیب هۆگر عەزیز، وتەبێژی پۆلیسی هەولێر لەلێدوانێكی ڕۆژنامەوانیدا رایگەیاندوە"شەوی رابردوو كەسێك بەناوی (ه.ا.م) لەدایكبووی ساڵی  و تەمەنی نزیكەی 32 ساڵ دەبێت و كوژراوەو تەرمەكەی لە گەڕەكی ئازادی نوێ لە نزیك وەزارەتی پێشمەرگە دۆزراوەتەوە و شوێنی چەند چەقۆیەكیش  بە جەستەیەوە دیارە
وتەبێژی پۆلیسی هەولێر راشیگەیاندوە" هۆكاری كوشتنەكەی دیار نیەو تائێستاش  ئەو كەسەی كە ئەو كارەی ئەنجامداوەو دەستگیر نەكراوەو بۆئەو مەبەستەش دۆسیەی لێكۆڵینەوەیان كردوەتەوە"
بەپێی زانیارییەكانیش لە ئێستادا تەرمی كوژراوەكە لە پزیشكی دادی هەولێرەو بەپێی لێدوانی ئەو كەسانەش كە لە نزیك ڕووداوەكە بوون  ئەو كەسەی  كارەكەی ئەنجامداوە ژن بووەو بەچەقۆ كەسەكەی كوشتوە.

أ.س