1. كەم خواردنەوەی شلە (ئاو)؛ ئەگەر بەشێوەیەكی پێویست ئاو نەخورێتە‌وە ئەوا میز چڕدەبێتەوە بەمەش مەترسی دروست بوونی بەرد زیاتر دەبێت.

2. بۆماوە و مێژووی خێزانی؛ ئەگەر یەكێك لە ئەندامانی خێزانەكەت بەردی گورچیلەیان هەیە ئەوا تۆش لە مەترسیدایت. هەروەها ئەگەر تۆ بەردێكت هەیە ئەوا ئەگەر دروست بوونی بەردی تریشت هەیە.

3. تەمەن و رەگەز؛ زۆربەی ئەو كەسانەی تووشی بەردی گورچیلە دەبن لە تەمەنی نێوان 20 بۆ 70 ساڵیدان. رەگەزی نێر زیاتر لەبارن بۆ تووشبوون.

4. خۆراك؛ ئەو خۆراكانەی رێژەیان بەرزە لە پرۆتین و سۆدیۆم، هەروەها رێژەیان‌ كەمە لە كالیسیۆم، مەترسی دروست بوونی بەردی گورچیلە زیاد دەكەن.

5. كەم جووڵانەوە؛ ئەگەر زۆر دابنیشیت و جووڵەت كەمبێت، ئەوا لە مەترسیدایت.

6. قەڵەوی.

7. بەرزی پاڵەپەستۆی خوێن.

8. كێشەی كۆئەندامی هەرس.

ئاڵۆزییەكانی

ئەگەر بەرد لەناو گورچیلەكانت هەبێت، بەزۆری نابنە هۆی دروست بوونی نیشانە تاكو بەشێوەیەكی ئاوا گەورەدەبن دەبنە هۆی داخستنی گورچیلەكان و رێگرتن لە میز كردن، ئەمەش دەبێتە هۆی تێكدانی گورچیلەكان، خوێن بەربوون. هەروەها بەردی گورچیلە هۆكاری یارمەتیدەرە لە تووشبووكردنی رێڕەوی میز بە هەوكردنی.

خۆپاراستن

لە زۆربەی بارەكاندا دەتواندرێت خۆ بپارێزرێت لە بەردی گورچیلە بە چەند گۆڕانكاریەكی بچووك لە شێوازی ژیانی رۆژانە. ئەگەر ئەم گۆڕانكاریانە سەری نەگرت یا بەردەكە لە گەورەبوون دابوو ئەو كات پزیشكی پسپۆڕ لە بواری میزەڕۆ دەرمان دەنووسێت.

گۆڕانكاری لە ژیانی رۆژانە؛ زۆر خواردنەوەی ئاو، زیاتر لە 14 پەرداخ ئاو یا 3.3 لیتر لە شلەمەنی. لە كەش و هەوای گەرم پێویستە زیاتریش بخورێتەوە. ئاو باشترین شلەیە بۆ خواردنەوە، هەروەها رۆژانه خواردنەوەی پەرداخێك لە شەربەتی لیمۆ "سروشتی – خۆت دروستی بكە" مەترسی دروست بوون كەم دەكاتەوە، بەڵام خۆت دووربگەرە لە خواردنەوە‌ شەربەتی پاودەری لیمۆ. هەروەها ئەگەر بەردی گورچیلە جۆری كالیسیۆم ئۆگزالەیت بێت‌، ئەوا پزیشكان بەباش دەزانن ئەو جۆرە خواردنانە بەشێوەی زۆر توند كەم بكرێنەوە كە دەوڵەمەندن لە ئۆگزالەیت، وەك رێواس، چەوەندەر، پاقڵە، كەلەم، سپێناغ، پەتاتەی شیرین، كونجی، باوی. سەرباری ئەمانەش، لێكۆڵینەوەكان ئەمەیان دەرخستەوە كە ئەو خۆراكانەی كە بڕی خوێ و پڕۆتینی گیانلەبەریان كەم تێدایە زۆر بە باشی چانسی دروست بوونی بەردی گورچیلە كەم دەكەنەوە. هەرچی كالیسیۆمە، كەم كردنەوەی خۆراكی دەوڵەمەند لە كالیسیۆم دیارنییە كە ئایا دەبێتە هۆی كەم كردنەوەی مەترس دروست بوونی بەری گورچیلە یان نا، بەڵكو بە پێچەوانەوە، لێكۆڵینەوەكان دەریان خستوە ئەو ئافرەتانەی كە بەرهەمی شیر "دەوڵەمەند لە كالیسیۆم" زۆر دەخۆن ئەوانە كەمتر لە مەترسی تووشبوون بە بەردی گورچیلكەدان.

دەرمان؛ وەرگرتنی دەرمان بۆ چارەسەری بەردی گورچیلە پێویستی بە سەردانی پزیشكی پسپۆڕ هەیە.

 

ئـ . كـ

 

به‌پێی زانیارییه‌كانى سه‌رچاوه‌یه‌ك له‌ ئاسایشى رۆژهه‌ڵاتى هه‌ولێر، شه‌وى رابردوو تۆمه‌تبارى سه‌ره‌كى كوشتنى دوو پیاوه‌كه‌ى شارى كۆیه‌ ده‌ستگیر كرا كه‌ ته‌مه‌نى ته‌نها 17 ساڵه‌.

به‌پێی زانییارییه‌كان، هێزه‌كانى ئاسایش دواى وه‌رگرتنى زانیاریی ورد و به‌دواداچوون، شه‌وى رابردوو توانییان تۆمه‌تبار (ع . ع . س) له‌دایكبووى ساڵى 1999 به‌ تۆمه‌تى كوشتنى دوو پیاوه‌ هه‌ژاره‌كه‌ى كۆیه‌ ده‌ستگیر بكه‌ن.

له‌ دواى لێكۆڵینه‌وه‌ له‌گه‌ڵیدا، ئه‌و تۆمه‌تباره‌ دانى به‌وه‌داناوه‌ كه‌ ئه‌و بكوژى هه‌ردوو پیاوه‌كه‌ى شارى كۆیه‌یه‌ كه‌ شه‌وێك پێشتر هه‌ستابوو به‌ كوشتنیان.

دوو رۆژ پێش ئێستا له‌ دره‌نگانێكى شه‌و، دوو پیاوى هه‌ژار له‌ پشت پێشانگاى ئۆتۆمبیله‌كان له‌ شارى كۆیه‌، به‌ چه‌قۆ كوژران.

لەئێستا بەهۆی بەردەوامی لێكۆڵینەوەكان و پەسندنەكردنی وتەكانی بكوژەكە لەلایەن دادوەرەوە، هۆكاری كوشتنی ئەو دوو پیاوە بڵاونەكراوەتەوە.

 

باسنيوز

 

 

 

لەچوارچێوەی بەردەوامی شەڕو پێكدادانەكانی سنووری شاری فەلوجە لەنێوان هێزە ئەمنییەكان و چەكدارە شیعەكان لەدژی گروپە چەكدارەكانی داعش، فەرماندەیەكی میلیشیا شیعەكان بەسەختی بریندار دەبێت.
لەشەڕی شاری فەلوجە لەدژی گروپە چەكدارەكانی داعش (10) گروپی میلیشیا شیعەكان بەشدارن، یەكێك لەو میلیشیایانە خوراسانی ئێرانین.
بەپێی سەرچاوە میدیاییەكان، دوێنێ‌ لەسنووری شاری فەلوجە لەپێكدادانی نێوان میلیشیا شیعەكان و چەكدارەكانی داعشدا كەسێك بەناوی (حامید جەزائیری) كە بەفەرماندەی میلیشیاكانی خوراسانی ناسراوە بەسەختی بریندار كراوە.
ئەمەو دوای برینداربوونی، ناوبراو گەیەندراوەتە نەخۆشخانەكان و ئێستا لەژێر چاودێری چڕدایە.

 

ئـ . كـ

 

 

 

 

 

دوای تێپەڕبوونی سێ‌ هەفتە بەسەر ئۆپەراسیۆنی هێزە ئەمنییەكان و چەكدارە شیعەكان بۆ كۆنترۆڵ كردنەوەی شاری فەلوجە، بەڵام تاكو ئێستا هیچ پێشڕەوییەك نەكراوە.
بەپێی دوایین زانیاریش، ئەمڕۆ بەرەبەیانی گروپە چەكدارەكانی داعش لەچەند میحوەرێك پەلاماری هێزە ئەمنییەكان و چەكدارە شیعەكانیان داوە لەباكووری شاری فەلوجەو توانیویانە ناوچە لەدەستداوەكانیان كۆنترۆڵ بكەنەوە.
هاوكات ئاماژە بەوەشدراوە، لەپەلامارەكەیدا داعش ناوچەی (ئەزرەكییە) ی لەباكووری خۆرئاوای شاری فەلوجە لەژێر چنگی چەكدارە شیعەكان كۆنترۆڵ كردۆتەوەو دەنگۆی ئەوەش هەیە كە تەنها لەڕیزی چەكدارە شیعەكان (60) كوژراوو بەدەیان بریندار هەیە.
ئەمەو دوای ئەو زیانە زۆرەی بەر شیعەكان كەوت، هێزەكانی تر ناچاربوونە لەهەریەكە لەمیحوەرەكانی (ئەزرەكیەو گۆڕستانی ئەلبو عەكاش و گردی ئەبو فەیاز) بەئاڕاستەی گەڕەكی شەهیدانی ناحیەی سەقڵاوییە پاشەكشە بكەن.

 

ئـ . كـ

 

سەرۆكی یەكێتی مامۆستایانی كوردستان باس لەوەدەكات: تائێستا بێ ئومێد نەبووین لەوەرگرتنی نیو موچەی مانگی ئەیلول و لەھەوڵیشداین دابەشكردنی زەوی ئەو مامۆستایانەش بگرێتەوە كە پێشتر زەویان پێدراوە و ئێستا لەكرێچیدان.

ئەحمەد گەرمیانی سەرۆكی یەكێتی مامۆستایانی كوردستان لەلێدوانێكدا بۆ snn راگەیاندووە: لەھەوڵەكانمان بۆ بەدەستھێنانی مافەكانی مامۆستایان و ئەو بەڵێنانەی حكومەت پێیداوین بەردەوامین، بەتایبەت بۆ (پڕۆژەكانی نیشتەجێبوون، كۆلێژی كراوە، نیوموچەی مانگی ئەیلول و نازناوی زانستیی مامۆستایان)، چونكە ئەو مامۆستایانەی خوێندنی باڵایان تەواوكردووەو لەناو وەزارەتی پەروەردەدان، تائێستا نازناوی زانستیان وەرنەگرتووە.

ناوبراو وتیشی: "بۆ تاوتوێكردنی سەرجەم ئیشوكاری مامۆستایان كە بەشێوەیەكی گشتی دوادەكەوێت، بڕیارە لەگەڵ وەزارەتی دارایی كۆبینەوە، بەڵام تائێستا وادەی كۆبوونەوەكە دیارینەكراوە".

لەبارەی پێدانی نیو موچەی دووەمی مانگی ئەیلولی ساڵی پار، كە تائێستا چەندین وادەی بۆ دیاریكراوە، بەڵام دابەشنەكراوە، ئەحمەد گەرمیانی وتی: "بێومێد نەبووین لەپێدانی ئەو نیو موچەیە، چونكە ئەوە بەڵێنێكەو ئەنجومەنی وەزیران بە ئێمەو وەزارەتی پەروەردەی داوە، حكومەتیش تائێستا نەیوتووە نیو موچەی مامۆستایان نادرێت یان دوادەخرێت، بەڵام ھەركاتێك بارودۆخی دارایی باشبوو، ئەوكاتە دەدرێت".

سەبارەت بەپێدانی زەوی بەمامۆستایان، سەرۆكی یەكێتی مامۆستایانی كوردستان ئاماژەی بەوەكرد: لەڕابردوودا مامۆستایان پشكی شێریان بەركەوتووە لەوەرگرتنی زەوی، بۆیە چاوەڕوان دەكەین ئەمجارەش ژمارەیەكی زۆر لەمامۆستایان، بەتایبەت ئەوانەی پێشتر سودمەند نەبوون، زەویان پێبدرێت.

ئەوەشیخستەڕوو: "لەھەوڵداین بۆئەوەی بڕیاری دابەشكردنی زەوی ئەو مامۆستایانەش بگرێتەوە، كە پێشتر زەوییان وەرگرتووەو ئێستا لەكرێچیدان.

وەزیری كشتوكاڵ و سەرچاوەكانی ئاوی حكومەتی هەرێمی كوردستان باس لەوەدەكات هەندێك حزب لە بەرژەوەندیاندا نییە سەرچاوەی داهات شەفاف بێت.

عەبدولستار مەجید، وەزیری كشتوكاڵ و سەرچاوەكانی ئاوی حكومەتی هەرێمی كوردستان لە لێدوانێكدا بۆ میدیاكانی حزبەكەی ڕایگەیاند "بۆردی داھاتەكان تا ئێستا تەنھا یەك كۆبوونەوەی كردووە و بەھۆی (تەحەفوز)ی ھەندێك حزبەوە نەكەوتۆتە سەر ڕێڕەوی كاری ئاسایی خۆی".

باسی لەوەشكرد، "لە یەكەم كۆبوونەوەی بۆردەكەدا وتمان كە دەبێت چوارچێوەی كار و دەسەڵاتەكانی دیاریكراو بێت و مانگی ڕاپۆرتێكی شەفافیش لەسەر كۆی داھاتی گشتی ھەرێمی كوردستان بۆ ڕایگشتی ئاشكرابكرێت".

وەزیری كشتوكاڵ بە بێ ئەوەی ناوەكانیان ئاشكرا بكات، ئاماژەی بەوەدا"ھەندێك حزب (تەحەفوز)ی ھەیە لەسەر كاری بۆردەكە بەو شێوە شەفافە و نایەوێت بڕی ڕاستەقینەی داھاتەكان بۆ خەڵكی كوردستان ئاشكرابكرێن".

عەبدولستار مەجید دوپاتی كردەوە "ھەندێ حزب، نایەوێ خەڵك ھیچ بزانێت و زانیاریی لەسەر داھاتی وڵاتەكەی ھەبێت یان بەرژەوەندیان لەھەندێ پرسی ناشەفاف و نادیاری تایبەت بە داھاتەكانەوە ھەیە" .


یانه‌ى ریال مه‌دریدى ئیسپانى ره‌تى كرده‌وه‌ جارێكى تر گفت و گۆ له‌گه‌ڵ یانه‌ى مانچسته‌ر یونایتد بكات له‌ پێناو به‌ده‌ست هێنانى دى خیا و متمانه‌ى خۆى به‌گۆلچى كۆسته‌ریكى كیلۆر نافاس به‌خشیه‌وه‌ .
رۆژنامه‌ى مۆندۆ دیبه‌رتیڤۆى كه‌تالۆنى بلاَوى كردۆته‌وه‌ ریال مه‌درید بریارى كۆتایى داوه‌و ئاماده‌ نیه‌ گرێبه‌ست له‌گه‌ڵ دى خیا ئیمزا بكات ،ئه‌گه‌رچى سه‌رۆكى یانه‌ى مێره‌نگى فلۆره‌نتینۆ پێرێز به‌لێنى پىَ داوه‌ گۆلچیه‌كه‌ى شه‌یتانه‌ سوره‌كان په‌لكێشى برنابیۆ بكات ، دواى ئه‌وه‌ى له‌ هاوینى رابردوو له‌ چركه‌ ساته‌كانى كۆتایى مێركاتۆ شكستى هێنا .
رۆژنامه‌كه‌ زیاترى نوسیوه‌ فلۆره‌نتینۆ پێرێز سه‌رۆكى ریال مه‌درید به‌خۆرخى مندێزى به‌رێوبه‌رى كاره‌كانى گۆلچى ئیسپانى راگه‌یاندووه‌ لیستى گۆلچیه‌كانى ریال پێك هاتووه‌ له‌ كیلۆر نافاس و كیكۆ كاسیا و رۆبن یانیز بۆوه‌رزى داهاتوو گۆرانكارى به‌سه‌ر دا ناهێت .
له‌لایه‌كى تر جۆزىَ مۆرینۆ راهێنه‌رى نوىَ ى مانچسته‌ر یونایتد ئاماده‌ نیه‌ ده‌ست به‌ردارى دى خیا بێت بۆهیچ یانه‌یه‌ك دووپاتى كردۆته‌وه‌ گۆلچى ئیسپانى له‌ پرۆژه‌ نوێكه‌ى مان یونایتده‌ بۆئه‌وه‌ى جارێكى تر بگه‌رێنه‌وه‌ سه‌ر سه‌كۆى نازناوه‌كان .
ئه‌م بریاره‌ى پێرێز له‌سه‌ر ئاره‌زوه‌كانى زێدان بووه‌ ، چونكه‌ راهێنه‌رى فه‌ره‌نسى بریارى داوه‌ كار له‌گه‌ڵ كیلۆر نافاس بكات دواى ئه‌وه‌ى ئاستێكى به‌رزى پێشكه‌ش كرد له‌وه‌رزى رابردوو ، راهێنه‌ره‌كه‌ى مێره‌نگى واى ده‌بینێت هاتنى دى خیا بۆ برنابیۆ بریارێكى داد په‌روه‌رانه‌ نیه‌ بۆ كیلۆر نافاس .

 ن.ش

 


ئه‌ستێره‌ى تۆپى پىَ ئه‌رجه‌نتینى دیگۆ ئه‌رماندۆ مارادۆنا هێرشێكى توندى كرده‌ سه‌ر یاریزانى هاو نیشتیمانى و گۆلكارى به‌رشلۆنه‌ لیۆنێل میسى .
مارادۆنا له‌ لێدوانێكدا ده‌نگۆى زۆر به‌دواى خۆى ده‌هێنێت ، هێرش ده‌كاته‌ سه‌ر میسى و وه‌سفى رۆناڵدۆ ده‌كات .
رۆژنامه‌ى ئاس ئاشكراى كردوه‌ له‌و كاته‌ى ئه‌ستێره‌كانى تۆپى پىَ وه‌ك مارادۆنا و بێلیه‌ ئاماده‌ى رێكلامێكى بازرگانى بوون له‌شارى پاریسى پایته‌ختى فه‌ره‌نسا به‌ر له‌ یاریه‌كانى یۆرۆ ، بێلیه‌ پرسیارێكى له‌ مارادۆنا كردووه‌ ، گوتویه‌تى میسى خاوه‌ن كه‌سایه‌تیه‌كى باشه‌ ، له‌وه‌لاَمدا ، ئه‌ستێره‌كه‌ى پێشووى ئه‌رجه‌نتین ده‌ڵێت : به‌ڵىَ وایه‌ میسى خاوه‌ن كه‌سایه‌تیه‌كى به‌هێزه‌ ، به‌لاَم كه‌سایه‌تى ئه‌و گونجاو نیه‌ بۆسه‌ركردایه‌تى تیپ .
مارادۆنا باس له‌ پاڵه‌وانیه‌تى یۆرۆ ده‌كات بریاره‌ یاریه‌كانى سبه‌ینىَ ده‌ست پێبكات له‌ولاَتى فه‌ره‌نسا و ده‌ڵێت : چه‌ند یاریزانێك حه‌ز ده‌كه‌م سه‌یرى یاریه‌كانیان بكه‌م له‌ یۆرۆ له‌وانه‌ هازارد ، دى برۆین ، رۆنى ، ئه‌نێستا، ئه‌م یاریزانانه‌ وا ده‌كه‌ن من له‌ دیار تى ڤى دابنیشم سه‌یرى یاریه‌كانى جامى نه‌ته‌وه‌كانى ئه‌وروپا بكه‌م .
سه‌باره‌ت به‌و یاریزانه‌ى واى ده‌بینێت ئه‌ستێره‌ى یه‌كلا كه‌ره‌وه‌ بێت له‌ یۆرۆ ، مارادۆنا ده‌ڵێت : هیچ گومانێك نیه‌ رۆناڵدۆ یه‌كێكه‌ له‌ یاریزانه‌ به‌تواناكان و ده‌توانێت سه‌ركردایه‌تى هه‌ڵبژارده‌كه‌ى بكات بۆگه‌یشتن به‌یارى كۆتایى ، كریستیانۆ نه‌ریتى تۆپى پىَ یه‌ ،هه‌ركه‌سێك له‌ جیهان حه‌ز بكات یاریزانى جادووگه‌ر ببینێت پێویسته‌ سه‌یرى كریستیانۆ بكات ، من بروا ناكه‌م فشارى له‌سه‌ر دروست بێت له‌ یاریه‌كانى یۆرۆ ، به‌لاَم ئه‌و فشار له‌سه‌ر به‌رگریكاره‌كان درووست ده‌كات بۆئه‌وه‌ى رێگرى لىَ بكه‌ن له‌ تۆمار كردنى گۆل .

 ن.ش

 

 

دوای ئەوەی رۆژی سێشەممە 7ی حوزەیران هەڵسووڕاوێكی بزووتنەوەی گۆڕان لەلایەن ئاسایشی فرۆكەخانەی نێودەوڵەتی سلێمانیەوە دەستگیر كرا، ئەمڕۆ پێنجشەممە دادگا بە كەفالەت ئازادی كرد.

سەرچاوەیەكی ئاگادار لە بزووتنەوەی گۆڕان رایگەیاند:"فەرمانی ئازادكردنی عەبدوڵای كوێخا موبارەك، باژێڕوانی چەمچەماڵی بزووتنەوەی گۆڕان دەركرا".

سەرچاوەكە ئاماژەی بەوەشكردووە، ئەو باژێڕوانە لە دادگای چەمچەماڵ وتەكانی لێوەرگیراوە و بە كەفالەت ئازاد كراوە.