زێنەدین زێدانی فەرەنسی و راهێنەری یانەی ریال مەدرید بۆ رووبەرووبوونەوەی یانەی خیتافی لەیارییەكانی خولی یانەكانی ئیسپانیا بانگهێشتی (19) یاریزانی كردووە".

یارییەكە كاتژمێر (5:00) ئێوارە بەكاتی هەولێر لەیاریگای (ئەلفونسو پێرێز) بەرێوەدەچێت ، بۆ یارییەكەش زێدان هەرسێ یاریزان (رامۆس و دانیلۆ و كاسیمیرۆ)ی دوورخستۆتەوە".

ئەمەش لیستی یاریزانەكانە:

گۆڵچی : كایلۆر ناڤاس ، كیكۆ كاسیا ، رۆبن یانیز

بەرگری : ڤاران ، ناچۆ ، پیپی ، مارسیلۆ ، كارفاخال ، ئەربێلوا

ناوەراست : كروس، خامێس ، بێل ، كۆفاسیچ  ، مۆدریچ ، ئیسكۆ

هێرشبردن : كریستیانۆ رۆناڵدۆ ، بنزیمە ، خیسێ ، فاسكێز

رێكان عزیز

 

سیسك فابریگارسی ئیسپانی و ئەستێرەی هێڵی ناوەراستی یانەی چێڵسی ئینگلیزی ئاشكرای دەكات لەگەڵ هاتنی ئەنتۆنیۆ كۆنتی بۆ ریزی یانەكە پێویستە بەخێرایی لەگەڵ فەلسەفەكەی بگونجێن".

فابریگارس لە لێدوانێكیدا بۆ رۆژنامەی ئێكسپرێسی ئینگلیزی ووتی : " تۆ دەتەوێت بەباشترین شێوە یاری بكەیت ، هەوڵدەدەی متمانەی راهێنەری نوێ بەدەستبهێنیت ، پێشكۆتایی هاتنی وەرز چاوەروانی ئاستی بەرزت لێدەكات پێویستە هەمیشە لەسەر ئاستێكی بەرز بەردەوامبیت".

فابریگارس ووتیشی : " نازانم راهێنەر چی لە ئێمە دەوێت ، بەڵام ئەوە كە گرینگە پێویستە خۆمان زوو لەگەڵ پلان و فەلسەفەی راهێنەر بگونجێنین".

ئەستێرە ئیسپانییەكە ووتی : " من دڵنیام بە هاتنی كۆنتی دەتوانین بگەرێینەوە ئاستی راستەقینەی خۆمان ، بۆیە چاوەروانی كاری زیاترین و دەمانەوێت جارێكی دیكە ببینە پاڵەوانی خولی پرێمەرلیگ".

رێكان عزیز
 

جێگری‌ پارێزگاری‌ سلێمانی‌ ڕایدەگەیەنێت: بەمەبەستی دروستی كردنی هەرزان بازاڕ، زەوی و نەخشەكەی ئامادە كراوە و چاوەڕێی بودجەی دیاریكراوین.

سەردار قادر جێگری‌ پارێزگاری‌ سلێمانی‌ لە ڕاگەیەندراوێكدا كە وێنەیەكی دەست كوردیو كەوتوە ڕایگەیاند: بەمەبەستی‌ در‌وستكردنی‌ دوو هەرزان بازاڕ لەنێو شاری‌ سلێمانیدا نەخشەو زەویان ئامادەكردووە، تەنها بودجەی‌ پرۆژەكە لەبەردەستدا نیە، ئەویش لەڕێگەی‌ سەرمایەداران‌و حكومەت لەهەوڵدان، تاوەكو بودجەی‌ پێویست بۆ ئەو مەبەستەش دابین بكەن.


جێگای ئاماژەپێدانە بەهۆی قەیرانی دارایی و دواكەوتنی موچەی فەرمانبەران و بڕیاری پاشەكەوت كردنی  پارێزگای سلێمانی  چەند بڕیارێكی بۆ دابەزینی نرخ دەركرد لە نێویاندا دروست كردنی هەرزان بازاڕ بەڵام تاوەكو ئێستا بەشێكی ئەو بڕیارانانە جێبەجێ نەكراوون.


سەلام بێستانسوری

 

 

رابیتەی یانەكانی ئەمریكا بڵاوی كردەوە ، نایگل دی یۆنگی ئەستێرەی یانەی لۆس ئەنجلۆس گالاكسی بۆ ماوەی سێ یاری سڕ كرا و سزای پێ بژاردنی بەسەردا سەپێنرا".

دی یۆنگ لەیاری تیپەكەی بەرامبەر یانەی پۆرتلاند تێمبرز لەیارییەكانی خولی یانەكانی ئەمریكا لەخولەكی (73) هێرشێكی توندی كردە سەر یاریزانێكی تیپی ركابەر و بەمهۆیەوە ئەم سزایەی بەسەردا سەپێنرا".

وێرای ئەوەی دی یۆنگ لەیارییەكە كارتی زەردی بەروویدا بەرزدەكرێتەوە ، بەڵام لێژنەی تەمبێكردن لە یەكێتی تۆپی پێی ئەمریكا بڕیاریدا بە سڕكردنی یاریزانەكە بۆ ماوەی سێ یاری".

ئەمەو بەهۆی ئەم سزایەوە ، دی یۆنگ ناتوانێت یاوەری تیپەكەی بكات لە هەرسێ یاری بەرامبەر یانەكانی هیوستون و ریال سولت و كانساس سیتی".

رێكان عزیز
 

 

رۆبینهۆی بەرازیلی و یاریزانی پێشووی هەردوو یانەی ریال مەدرید و مانچستەر سیتی وەڵامی پرسیارێكی قورسی نێوان ئەم دوو یانەیە دەداتەوە".

رۆبینهۆ لە لێدوانێكیدا لەبارەی ئەو تیپەی كە ئێستا هانی دەدات بۆ ئاژانسی هەواڵی (ESPN) ووتی : " لەراستیدا ئەمە پرسیارێكی قورسە ، بەڵام من لەڕیزی یانەی مانچستەر سیتی دەبم ، چونكە ئەم تیپە شتی گەورەی بۆ من دروست كرد".

رۆبینهۆ بەهۆی كێشەكانی لەگەڵ فابیۆ كاپیلۆی راهێنەری ئەو كاتی ریال مەدرید ریزی تیپەكەی بەجێهێشت و پەیوەندی بە یانەی مانچستەر سیتی كرد ، لەلێدوانێكیدا ووتبووی : " من لە كریستیانۆ رۆناڵدۆ باشترم" ، لەبارەی ئەو لێدوانەش رۆبینهۆ دەڵێت : " لە لێدوانەكەم پاشگەز نەبوومەتەوە".

ئەم ئەستێرە بەرازیلییە لە هاوینی ساڵی (2005) لە یانەی سانتۆسەوە پەیوەندی بە ریزەكانی ریال مەدرید كرد و بەبڕی (42) ملیۆن یۆرۆ لە ساڵی (2008) رووی كردە یانەی مانچستەر سیتی".

بەم لێدوانەش ، رۆبینهۆ لەكاتی رووبەرووبوونەوەی ریال مەدرید و مانچستەر سیتی هانی یانە ئینگلیزییەكە دەدات".

رێكان عزیز

وا بڕیارە ئەمڕۆ كاتژمێر ٩ پەرلەمانتارانی مانگرتوو لە بینایەی پەرلەمان كۆبوونەوەو سەرۆكی پەرلەمان و هەردوو جێگرەكەی هەڵبژێرن.

كۆبوونەوەی پەرلەمان كە وابڕیار بوو لەلایەن دەستەی سەرۆكایەتی د. سەلیم جەبوریەوە ساز بكرێت بە هۆكاری ئەمنی دواكەوت بۆ كاتێكی نادیار.

بە پێچەوانەی ئەمانەوە، پەرلەمانتاری مانگرتوو كە رۆژی ٤/١٤ وەك خۆیان ئاماژەی بۆ دەكەن توانیان بەكۆی ١٧١ ئەندام متمانە لە سلیم جەبوری و هەردوو جێگرەكەی بسێننەوەو سەرۆكێكی كاتی هەڵبژێرن، بڕیارە ئەمڕۆ جارێكی تر كاتژمێر ٩ كۆببنەوە بۆ هەڵبژاردنی دەستەی سەرۆكایەتی نوێی پەرلەمانی عێراق.
شایەنی باسە وا چاوەڕواندەكرێت كەوا پەرلەمانتارێكی كورد پۆستی جێگری سەرۆكی پەرلەمان یاخود جێگری دووەمی سەرۆكی پەرلەمان وەربگرێت.


ڕێبین عەلی

 

راپۆرتە رۆژنامەوانییەكانی ووڵاتی فەرەنسا بڵاویان كردەوە سەرۆكی یانەی پاریس سان جێرمان لەدوای دەرچوونی تیپەكەی لە یانە پاڵەوانەكانی ئەوروپا خۆی ئامادەكردووە بۆندێك لەگەڵ راهێنەرێكی نوێ واژۆ بكات".

لەئێستادا ناسر خڵیێفی سەرۆكی یانەی پاریس سان جێرمان دەیەوێت لەگەڵ خۆرخێ میندێزی بڕیكاری كارەكانی مۆرینهۆ كۆبێتەوە و باس لە چوونی راهێنەرەكە بكەن بۆ ووڵاتی فەرەنسا".

لویس فێرناندێز راهێنەری پێشووی یانەی پاریس سان جێرمان كە ئێستا لە ئێستگەی (RMC)ی فەرەنسی كار دەكات دەڵێت : " من پەیوەندیم بە بریكاری كارەكانی مۆرینهۆ كرد ، ئەو بۆمن دووپاتی كردەوە كە لەچەند رۆژی داهاتوو لەگەڵ سەرۆكی یانەی پاریس سان جێرمان كۆدەبینەوە".

ئەمەو دەرچوونی یانە پاریسییەكە لە قۆناغی چارەكی كۆتایی یانە پاڵەوانەكانی ئەوروپا لەسەر دەستی مانچستەر سیتی ، بۆتە جێگای نیگەرانی خلێفی و دەیەوێت راهێنەرێك بباتە ریزەكانی بتوانێت بگاتە یاری كۆتایی یانە پاڵەوانەكان".

رێكان عزیز
 

 

 

مۆز میوەجاتێكی كۆنەو مرۆڤ زۆر لەكۆنەوە شارەزای بووەو سوودی وەرگرتووە لەخواردنەكەی و سێ‌ جۆرە شەكری بەسوودی تێدایە لەوانە (سكرۆزو شەكری میوەجات و گلۆكۆز) و راستەخۆش ووزە بەجەستەی مرۆڤ دەبەخشێت.
بەپێی رای چاودێرانی پزیشكی خواردنی دوو مۆز لەرۆژێكدا وەك ئەنجامدانی وەرزشە بۆ ماوەی 90 خولەك لەشەوو ڕۆژێكدا، ئەمە جگە لەوەی مۆز دەبێتە هۆی چارەسەركردنی چەندین نەخۆشی وەك ئەمانەی لای خوارەوە :

1. خەمۆكی : بەپێی ئەو توێژینەوانەی ئەنجامدراوە لەسەر خواردنی مۆز دەبێتە هۆی دوورخستنەوەی خەمۆكیەكە، ئەوەش بەهۆی بوونی مادەیەكە بەناوی (سیرۆتنیۆم) و دەبێتە هۆی هێوركردنەوەی لاشەی مرۆڤ و هەست كردن بەهێمنی.
2. سوڕی مانگانە : خواردنی مۆز دەبێتە هۆی هاوسەنگ راگرتنی ڕێژەی شەكری گلۆكۆز لەناو خوێن، چونكە مۆز دەوڵەمەندە بەڤیتامین (B6) و ئازار هێور دەكاتەوە.
3. كەم خوێنی : مۆز ڕێژەیەكی بەرز مادەی ئاسنی تێدایەو ئەوەش دەبێتە هۆی بەرزكردنەوەی ڕێژەی هیمۆگلۆمبین.
4. فشاری خوێن : میوەی مۆز لەناوچەكانی ناوەڕاستی زەوی بەرهەم دەهێندرێت بۆیە دەوڵەمەندە بەپۆتاسیۆم.
5. پارێزگاری لەهێزی مێشك : لەتاقیكردنەوەیەك لەسەر 300 قوتابی ئەنجامدراوە ئەوە دەركەوتووە مۆز خواردنی ئەوان دەبێتە هۆی پارێزگاری كردنیان لەهێزی مێشكیان.
6. كرانەوەی گەدە : خواردنی مۆز دەبێتە هۆی كرانەوەی گەدەو ئەو گرفتانەی ڕووبەڕووی گەدە دەبێتەوە بەبێ‌ چارەسەری پزیشكی چارەسەر دەكرێت.
7. خواردنی بەیانیان : هەوڵ بدە یەكەم خواردنی بەیانیان مۆز بێت، چونكە ڕێژەیەكی باش لەپرۆتینی تێدایە.
8. كێش زۆری و كاركردن : بەپێی ئەو توێژینەوانەی ئەنجامدراوە ئەوە دەركەوتووە هەندێك جۆری خواردن دەبێتە هۆی لاواز كردنی هەستی برسێتی بوون، ئەوەش دەبێتە هۆی كەمبوونەوەی رێژەی شەكر، بەتایبەتی لەكاتی كاركردن.
9. هەوكردنی گەدە : خواردنی مۆز دەبێتە هۆی هێوركردنەوەی هەوكردنی گەدە.
10. جگەرەكێشان : خواردنی مۆز دەبێتە هۆی دەستبەرداربوون لەجگەرەكێشان، چونكە مۆز دەوڵەمەندە بەتوخمەكانی پۆتاسیۆم و مەگنیسیۆم.

 

ئـ . كـ

 

به‌ڕێوه‌به‌رایه‌تی‌ كه‌شناسی هه‌رێمی‌ كوردستان رێژه‌ی‌ بارانبارینی‌ له‌ماوه‌ی‌ 24كاتژمێری‌ ڕابردودا بڵاوكرده‌وه‌، ڕێژه‌كه‌ش به‌م جۆره‌یه‌:


ڕێبین عەلی

 

 

بەپێی زانیارییە میدیاییەكان، سەركردەیەكی دیاری میلیشیا چەكدارە شیعەكانی حەشدی شەعبی لەعێراقەوە گەیشتۆتە سوریا.
پەیجە نزیكەكانی ڕژێمەكەی ئەسەد بڵاویكردۆتەوە، (ئەبو عیزرائیل) سەركردەی دیاری میلیشیا چەكدارە شیعەكانی حەشدی شەعبی لەعێراقیەوە گەیشتۆتە ریفی حەلەب بۆ بەشداری كردنی شەڕەكانی گروپە چەكدارەكانی دژ بە ڕژێمەكەی ئەسەد.
(ئەبو عیزرائیل) یەكێكە لەسەركردەكانی حەشدی شەعبی و بەشداری زۆرێك لەشەڕەكانی دژی چەكدارەكانی داعش كردووەو لەناوچەی سوونییەكانیش تاوانی جەنگی دژی هاوڵاتیانی مەدەنی ئەنجامداوە.

ئـ . كـ