سه‌ركۆماری توركیا ره‌جه‌ب ته‌یب ئه‌ردۆغان كاردانه‌وه‌ی توندی له‌دژی سه‌رۆكی گشتیی جه‌هه‌په‌ كه‌مال كڵچدارئۆغڵو نیشاندا كه‌ گوتبووی، "ناتوانی سیستمی سه‌رۆكایه‌تی بهێنیته‌ ئه‌م وڵاته‌، بێ ئه‌وه‌ی خوێن بڕژێت." و گوتی،"ئیستا یه‌كێك هاتووه‌ له‌ ناوچه‌ جیاوازه‌كانی جیهان ده‌ڵێت 'سیستمی سه‌رۆكایه‌تی خوێنی پێویسته‌ خوێن، ئه‌مانه‌ به‌خوێن ده‌ژین". 

ئه‌ردۆغان له‌میانه‌ی به‌شداریكردنی له‌ پڕۆگرامێكی نێوده‌وڵه‌تیی خوێندكاراندا له‌ ئیستانبوڵ وتارێكی پێشكه‌شكرد و به‌توندی كاردانه‌وه‌ی دژی قسه‌كانی كڵچدارئۆغڵو نیشاندا.

ئه‌ردۆغان گوتی: "ئیستا یه‌كێك هاتووه‌ له‌ ناوچه‌ جیاوازه‌كانی جیهان ده‌ڵێت 'سیستمی سه‌رۆكایه‌تی خوێنی پێویسته‌ خوێن' سێ توخم هه‌ن. یه‌كێك له‌و سێ توخمه‌ مه‌زهه‌بگه‌راییه‌، دووه‌میان ره‌گه‌زپه‌رستی و سێهه‌میشیان توخمی تیرۆره‌. له‌ گوته‌ی ئه‌و كه‌سه‌دا ئه‌و سێ توخمه‌ هه‌ن. ئه‌وانه‌ به‌ خوێن گۆشت ده‌كرێن. وه‌ك درێژكراوه‌كانی رێكخراوی تیرۆریستی دابه‌شكار. له‌وانه‌شدا ئه‌و هه‌وایه‌ سه‌ری هه‌ڵدا. له‌وانه‌یه‌ به‌خیلیان به‌وه‌ هاتبێت. ته‌ماشایان كرد ئه‌و ئیشه‌ به‌ سندوقی ده‌نگدان ناكرێت. ده‌نگه‌كانیان دیاره‌ له‌و هه‌ڵبژاردنانه‌ی به‌شداریان كردووه‌. ئیستا ده‌ڵێن ' تۆ بڵێی ئه‌و كاره‌ به‌ خوێن بكرێت؟' ناتوانیت به‌ده‌ستی بهێنێت. ناتوانیت له‌سه‌ر ئه‌م گه‌له‌ حسابی خۆت بكه‌یت. سه‌روه‌ری بێ مه‌رج و بێ تۆمار هی گه‌له‌. گه‌ل چی بڵێت ئه‌وه‌ ده‌بێت".

كورديو -  

فه‌رمانی ده‌ستگیركردن بۆ گه‌وره‌ بازرگانێكی بواری به‌رهه‌مهێنانی نه‌وت ده‌ركرا.

بەگوێرەی زانیارییەکانی كه‌ناڵی کوردستان 24، مةسعود بارزانی فەرمانی دەستگیرکردنی بۆ چراخان رەفیق، گەورە بازرگانی بواری نەوتی هەرێمی کوردستان دەرکرد.  

به‌گوێره‌ی هه‌واڵه‌كه‌، ماوەیەکە چراخان ره‌فیق هەرێمی کوردستانی جێهێشتووە و لە دەرەوەی وڵاتە.  

چراخان رەفیق هاوسەری ئاشتی هەورامی، وەزیری سامانە سروشتییەکانی حکوومەتی هەرێمی کوردستان بوو، بەڵام پێش ماوەیەک چراخان بە چەند ناوەندێکی میدیا لە هەرێمی کوردستان رایگەیاندبوو: "ئێستا له‌ ده‌ره‌وه‌ی‌ وڵات ده‌ژیم و چه‌ند مانگێكه‌ له‌ دکتۆر ئاشتی‌ هه‌ورامی وه‌زیری‌ سامانه‌ سروشتییه‌كان جیابوومه‌ته‌وه‌".


 

 

هونەر بانەگوڵانی 

به‌ڕێوه‌به‌ری به‌ڕێوه‌به‌رایه‌تیی شه‌هیدان و ئه‌نفالكراوانی سۆران ڕایگەیاندووە ئه‌مڕۆ سێشه‌ممه‌ له‌ قه‌زای سۆران ده‌رماڵه‌ی هاتوچۆ بۆ ئه‌و خوێندكارانه‌ خه‌رج دەكرێت كه‌ كوڕ و كچی شه‌هیدان و ئه‌نفالكراوانن.

ئه‌شقی مه‌لا، به‌ڕێوه‌به‌ری به‌ڕێوه‌به‌رایه‌تیی شه‌هیدان و ئه‌نفالكراوانی سۆران رایگه‌یاند " سەرلەبەیانی ئه‌مڕۆ سێشه‌ممه‌ له‌ مه‌راسیمێكدا به‌ڕێوه‌به‌رایه‌تیی شه‌هیدان و ئه‌نفالكراوانی سۆران ده‌رماڵه‌ی هاتوچۆ بۆ قوتابیانی كوڕ و كچی شه‌هیدان و ئه‌نفالكراوان خه‌رج كرد كه‌ له‌ په‌یمانگاكان ده‌خوێنن."

ئه‌شقی مه‌لا ئاماژەشی داوە بەوەی " ئه‌و بڕه‌ پاره‌یه‌ی خه‌رج ده‌كرێت بۆ قوتابیانی ناو شار 900 هه‌زار دینار و بۆ قوتابیانی ده‌ره‌وه‌ی شاریش یه‌ك ملیۆن و 800 هه‌زار دیناره‌.


ڕێبین عەلی

 

به‌ڕێوه‌به‌رى ناحیه‌ى سه‌عدییه‌ لە لیدوانێکیدا رایگەیاندووە، پاش ئازادکردنی ناحیەکەیان لەدەست تیرۆرستانی داعش، هەتا ئەم کاتە ته‌نها ڕێكخراوه‌ نێوده‌وڵه‌تیه‌كان هاوكارى دانیشتوانه‌كه‌ى ده‌كه‌ن.

ئه‌حمه‌د زه‌ڕگۆشى، به‌ڕێوه‌به‌رى ناحیه‌ى سه‌عدیه‌، بۆ دواڕۆژ ڕاگه‌یاندووە" له‌ دواى پڕۆسه‌ى ئازادكردنه‌وه‌ى ناحیه‌ى سه‌عدیه‌ كەله‌ژێرده‌ستى چه‌كدارانى داعشدا بوو، تاوه‌كو ئێستا ته‌نها 2 هه‌زار ماڵ گه‌ڕاوه‌ته‌وه‌ ناحیه‌كه‌، هه‌وڵیش بۆ گه‌ڕانه‌وه‌ى خه‌ڵكى تریش ده‌ده‌ین".

ئەو بەڕێوبەرە ئاماژەشی داوە بەوەی " تاوه‌كو ئێستا حكومه‌تى عێراق ته‌نها پاراستنى ئاسایشى له‌ ئه‌ستۆگرتووه‌ كه‌ ئه‌وانیش هێزه‌كانى سوپا و پۆلیس و حه‌شدى شه‌عبى لێیه‌ و ئه‌ركى پاراستنى دانیشتوانه‌كه‌یان له‌ ئه‌ستۆ گرتووه‌ له‌گه‌ڵ ڕێگاوبانه‌كانى ده‌ره‌وه‌ى ناحیه‌كه‌".

هەروەها وتوێتی" تاوه‌كو ئێستا ڕێكخراوى "ئۆكسام" ڕێكخراوێكى نێوده‌وڵه‌تى خێرخوازییه‌ و مانگانه‌ بڕى (400) دۆلار ده‌داته‌ (350) خێزانى دانیشتوانى ناحیه‌كه‌ كه‌ ئێستا گه‌ڕاونه‌ته‌وه‌ و له‌ناحیه‌كه‌دا ده‌ژین، ئه‌مه‌ش وه‌ك هاریكارییه‌ك بۆ ئه‌وه‌ى بتوانن ئیداره‌ى ژیانى ڕۆژانه‌ى خۆیان بده‌ن".


ڕێبین عەلی

 

 

 

كوردیو – هەولێر

 

لەگەڕەكێكی شاری هەولێر، هاوڕێییەك هاوڕێكەی خۆی دەكوژێت و پۆلیسیش سەرقاڵی لێكۆڵینەوەیە.
نەقیب (هۆگر عەزیز) بەڕێوەبەری راگەیاندنی پۆلیسی هەولێر بۆ كوردیو ووتی، ئێوارەی دوێنێ‌ لەشەقامی ئەلبانی گەڕەكی كوران دوای دروست بوونی دەمەقاڵی هاوڕێییەك بەچەقۆ هاوڕێكەی كوشووەو ئێستاش پۆلیس سەرقاڵی لێكۆڵینەوەیە.
پۆلیسی هەولێر راشیگەیاند، كوژراوەكە ناوی (موحەمەد عومەر) ەو لەدایك بووی ساڵی (1990) ەو بكوژەكەش ناوی (و ، ی).

 

ئـ . كـ

 

بێویستە مرۆڤ لە كاتی تێكچوونی كەش و هەواو بوونی خۆڵباریندا، بەتەواوی خۆی بپارێزێت لەو نەخۆشییانەی بەهۆی بوونی ئەم جۆرە كەش و هەوایەوە ڕووبەڕووی دەبێتەوە، بۆیە لەمكاتانەدا پێویستە پابەندی چەند ڕێنماییەك بین ئەوانیش بریتین لە:

1. پێویستە دەم و چاو و لوتت بە بەردەوامی بشۆرێت و پاكی بكەیتەوە بۆ مەبەستی نەهێشتنی كاریگەری خۆڵبارینەكە و ڕێگریكردن لە چوونی بۆ ناوسییەكان.

2. هەڵمژینی ئاو لەڕێگەی دانانی لوت لەناو ئاوداو بەپێچەوانەوە دەركردنە دەرەوەی بۆ مەبەستی پاكردنەوەی لوت لەو تۆزو خۆڵەی تیایەتی.

3. دانان و بەكارهێنانی ( كەمامە )  دەمبەست یان كلینكسی تەڕ لەسەر دەم و لوت.

4. زۆر خواردنەوەی ئاو بەتایبەتی لەم جۆرە كەش و هەوایانەدا.

5. داخستنی دەرگاو پەنجەرە بەشێوەیەكی باش و دانانی پەڕۆیەكی تەڕ لەدرز و كەلەبەرە بچوكەكانی پەنجەرەكاندا.

6. ئەو كەسانەی كە نەخۆشییەكانی تەنگە نەفەسی و كۆئەندامی هەناسەیان هەیە، پێویستە لەناو ماڵەكانیان و شوێنی نیشتەجێ بوونیاندا بمێننەوەو هەوڵبدرێت زۆر پێویست نەبێت نەیەنە دەرەوەو لەكاتی هاتنە دەرەوەشدا كەمامە بەكاربهێنن.

" بە هیوای تە ندروستییەكی باش بۆ هەمووان "

ئا/ تەندروستی سلێمانی


ڕێبین عەلی

 

كوردیو -
جەواد ئەبوخەتاب وەك سەرۆكی حكومەتی كاتیی سوریا هەڵبژاردرا.
هاوپەیمانیی نیشتمانیی سوریا لەڕوونكردنەوەیەكدا لەتۆری كۆمەڵایەتی تویتەر بڵاوكراویان كردۆتەوە ئاماژەیان بەوە كردوە: بە دەنگی چەنجاو چوار كەس لە كۆی 98 ئەندامی دەستەی گشتیی هاوپەیمانیی نیشتمانیی هێزە ئۆپۆزسیۆن و شۆڕشگێڕەكانی سوریا، ئەبوخەتاب وەك سەرۆكی حكومەتی كاتیی هەڵبژێردراوە.

لەوبارەیەوە سەرۆكی هاوپەیمانییەكە (ئەنەد ئەلعەبدە ) ئەوەی پشتڕاستكردووەتەوە هاوپەیمانیی نیشتمانیی هێزە ئۆپۆزسیۆن و شۆڕشگێڕەكانی سوریا لەڕێگەی دانیشتنێكی نائاساییەوە جەواد ئەبوخەتابی راسپاردووە بەمەبەستی پێكهێنانی ئەو حكومەتە كاتییەی، كە ئامانجی خزمەتكردنی ناوچە رزگاركراوەكانە لەدەستی حكومەتی سوریا.


 


هونەر بانەگوڵانی

به‌ڕێوه‌به‌رایه‌تی‌ كه‌شناسی‌ و بومه‌له‌رزه‌ی‌ هه‌رێمی‌ كوردستان لە تۆڕی كۆمەڵایەتی فەیسبووك پێشبینی‌ كه‌شوهه‌وای‌ سبه‌ینێی‌ بڵاوكرده‌وه‌.

كه‌شوهه‌وای‌ سبه‌ینێ‌ به‌م شێوه‌یه‌ ده‌بێت....


ڕێبین عەلی

 

بانكی ناوەندی عێراق ڕایدەگەیەنێت: سەر لە بەیانی ئەمڕۆ ئاگرێك لە بانكی ناوەندی عێراق دەكەوێتەوە و بە بێ هیچ زیانێك كۆنترۆل كراوە.

 

بانكی ناوەندی عێراق لە بەیاننامەیەكدا ڕایگەیاند: سەر لە بەیانی ئەمڕۆ سێ شەممە ئاگرێك لە بۆردی كارەبایی تایبەت بە سیستەمی ساردكەرەوەی چێشتخانەی بانكی ناوەندی لە نهۆمی حەوتەمی بانكی ناوەندی عیراق دەكەوێتەوە و پاش چەند خولەكێك ئاگرەكە كۆنتڕۆڵ دەكرێت.

 

هەر لە بەیاننامەكەدا ئەوەش هاتووە: ئاگرەكە بەهۆی شۆرتی كاربای چێشتخانەی ئە بانكەوە بووە.

 

جێگای ئاماژە پێدانە بانكی ناوەندی عێراق لە ساڵی 1947 دامەزراوە و دەكەوێتە شەقامی رەشیدی بەغداد و چوار لقی هەیە لە شارەكانی سلێمانی و هەولێر و بەسرە و موسڵ.

 

 

سەلام بێستانسوری

كوردیو

بەڕێوەبەرایەتی هاتوچۆی سلێمانی ئاگاداری سەرجەم ئەو هاوڵاتییە بەڕێزانە دەکات کە مامەڵەی ( تۆماری یەکەم جاری ئوتومبیل) یان ( نوێکردنەوەی ساڵانەی ئوتومبیل و مۆڵەتی شۆفێری)یان هەیە وە کەوتۆتە سزای دواکەوتن واتە ( غرامه‌ التأخیر). 

له‌ ئاگادارییه‌كدا به‌ڕێوبه‌رایه‌تی‌ هاته‌چۆی‌ سلێمانی‌ ئاگاداری سەرجەم ئەو هاوڵاتیان ده‌كاته‌وه‌ کە مامەڵەی ( تۆماری یەکەم جاری ئوتومبیل) یان ( نوێکردنەوەی ساڵانەی ئوتومبیل و مۆڵەتی شۆفێری)یان هەیە وە کەوتۆتە سزای دواکەوتن دەتوانن لە بەرواری 15/5 تاوەکو 19/5/2016 سەردانی بەڕێوبەرایەتیمان بکەن لە بینای نوێی بەڕێوەبەرایەتی هاتوچۆی سلیمانی لە تاسڵوجە - بەرامبەر بینای پێشانگای نێودەوڵەتی سلێمانی.

هه‌ر له‌ ئاگادارییه‌كه‌دا هاتووه‌،  هاوڵاتیان لەو ماوەیەدا دەبەخشرێن لە سزای دواکەوتنەکە، وە لەدوای ئەو بەروارەوە ئەو بەڕیزانەی کە ناوەڕۆکی ئەم ئاگادارییە دەیانگرێتەوە واتە لە ڕۆژی یەکشەممە کە دەکاتە بەرواری 22/5/2016 بەپێی یاسا سزا دەیانگرێتەوە.

 
 

ڕێبین عەلی