بەڕێوەبەرایتی گشتی كەشناسی و بومەلەرزەزانی هەرێمی كوردستان ڕایدەگەیەنن كەوا لەماوەی ئەم هەفتەیەدا پلەكانی گەرما بەرزبونەوەی زۆر بەخۆیانەوە دەبینن.

بەڕێوەبەرایتی گشتی كەشناسی و بومەلەرزەزانی هەرێمی كوردستان لەپەڕەی تایبەتیان لە تۆڕی كۆمەڵایەتی فەیسبوك ڕایدەگەیەنن كەوا لەماوەی چەند ڕۆژی داهاتوو پلەكانی نزیكەی 8 پلە بەرزدەبنەوە.

 

 

بەپێی لێكۆڵینەوەیەك دەركەوتووە كەخواردنی تەرەپیاز دەبێتە مایەی دووربوونی مرۆڤ لەنەخۆشییەكانی دڵ و هێنانە خوارەوەی كێش.
ئەگەر چی لەژیانی ئەمڕۆ ژەمە خواردنە خێراكان بوونەتە دیاردەو مرۆڤ خۆی لەبرسیەتی پێڕزگار دەكات، بەڵام نابێت دەستبەرداری ئەو خواردن و خۆراكانەش بێت كەسوودی زۆری تەندروستی بۆی هەیە، لەنێویاندا خواردنی پیازە.
توێژەرێك بەناوی (د. خالید یوسف) پسپۆری خۆراك و چارەسەری قەڵەوی و لاوازی رایگەیاندووە، پیاز یەكێكە لەمیوەجاتە بەناوبانگەكان و بەشدارە لەئامادەكردنی زۆربەی خواردنەكانی ماڵ و زۆر سوودیشی بۆ جەستەی مرۆڤ هەیە.
ئەو توێژەرە ڕوونیشی كردۆتەوە كەپیاز ڕێژەیەكی زۆری توخمی كبریتی تێدایە ئەوەش یارمەتیدەر دەبێت لەنەمایندنی خوێن و هاریكاری بەیەكەوە نەنووسانی ئەقراسەكانی ناو خوێنیش دەدات و ڕێژەی كۆلیسترۆڵیش لەناو خوێن كەمدەكاتەوەو مرۆڤیش دووردەخاتەوە لەنەخۆشیەكانی دڵ و كێشیش دێنێتە خوارەوە، ئەمە جگە لەوەی خۆیشی خۆراكێكی بەلەزەتە.
هەروەها ئەو توێژەرە باسیشی لەوەكردووە، پیاز رێژەیەكی گونجاوی لەتوخمی كالیسیۆم تێدایە، ئەوەش دەبێتە مایەی بەهێزبوونی ئێسكەكان و هەرلەبەر ئەوەشە كەزۆربەی پزیشكەكان ئامۆژگاری كەسە بەتەمەنەكان بەتایبەتی ئافرەتان دەكەن كەزۆر پیاز بخۆن، تەنانەت بۆ پڕكردنەوەی كەمی كالیسیۆمیش بەسوودە.

 

ئـ . كـ

 

 

 

 

بەپێی توێژینەوەیەك ئەوە دەركەوتووە كەسێوی سەوز وەكو دەرمانخانەیەكی گەڕۆك وایەو بەردەوام هاوڕێی مرۆڤە.
لێكۆڵەرانی ژاپۆنی توێژینەوەیەكیان لەبارەی سێوی سەوز ئەنجامداوەو گەیشتوونەتە ئەو ئەنجامەی كەئەو جۆرە سێوە وەكو دەرمانخانەیەكی گەڕۆك وایە بۆ تەندروستی مرۆڤ و ئەگەر بەبەردەوامی ڕۆژانە دوو سێو بخۆیت ئەوا ڕەنگە پێویستت بەپزیشك نەبێت.
لێكۆڵەرە ژاپۆنییەكان رایانگەیاندووە، ئەگەر كەسێك ڕۆژانەو بەبەردەوامی دوو سێو بخوات، ئەوا بڕی كۆلیسترۆڵ لەخوێنیدا كەم دەبێتەوە بەڕێژەی (20%)، چونكە ئەو سێوە دەوڵەمەندە بەڤیتامینەكانی (بی 1 و بی 2 و بی 3 و بی 5 و بی 6 و بی 9 سی و ئەی) و ئەوانەش دژە ئۆكسێنن و پارێزگاری لەجەستەی مرۆڤ دەكەن و دەبنە مایەی دواخستنی نیشانەكانی پیربوون بەسەر جەستەو پارێزگاریش لەئاستی بینین و گەنجێتی دەكەن و مادەی بەهێزیشن بۆ بەرگری كردن لەلێوو ددانەكان و وەكو چارەسەری هەوكردنیش وان و بەرگریكارێكی بەهێزیشن لەدژی نەخۆشییەكانی شێرپەنجەو مادەی چەوریشیان تێدانییەو بڕی گەرمۆكەی كەمیشیان تێدایەو چەند جۆرە خوێیەكی بەسوودیشی تێدایە وەكو (كالیسیۆم و مەگنیسیۆم و فۆسفۆرو پۆتاسیۆم و زەنگ).

 

ئـ . كـ

 

 

 

بەپێی توێژینەوە زانستییەكان ئەوە دەركەوتووە كەخواردنی ڤیتامینە دەستكردەكان هیچ سوودی نییەو ڕەنگە لەهەندێك كاتدا زیانیشی هەبێت.
سایتی ئیلاف بڵاویكردۆتەوە، بەپێی توێژینەوەیەكی زانستی كەلەسەر نزیكەی نیو ملیۆن كەس ئەنجامدراوە ئەو راستییە دەركەوتووە كەخواردنی ڤیتامینە دەستكردەكان هیچ ڕۆڵێكی نەبووە بۆ تەندروستی مرۆڤ، بەڵكو لەهەندێك كاتدا زیانیشی هەبووە، ئەوەی كە بەرگوێی مرۆڤیش دەكەوێت لەبەكارهێنانی ئەو ڤیتامینانە تەنها پڕوپاگەندەیە بەهەدەردانی داراییەو هیچی تر نییە.
لەلایەن خۆشیانەوە پسپۆرانی زانكۆی (وارۆویك) و كۆلێژی (جۆنز هۆبكنز) كەتایبەتن بۆ زانستە پزیشكییەكان لەوویلایەتی بالتیمۆری ئەمریكا رایانگەیاندووە، نەخواردنی ڤیتامینەكان باشترە لەخواردنیان، چونكە مرۆڤ ڕووبەڕووی چەند مەترسییەك دەكاتەوە، وەك نۆرە دڵێ‌ و نەخۆشییەكانی دڵ و جەڵتەی سنگ و دەماغ، هەروەها هیچ ڕۆڵێكی نییە لەبەرەنگاربوونەوەی نەخۆشییەكانی شێرپەنجە.
هەروەها بەپێچەوانەی ئەو بیركردنەوانەی پێشووتر كەباسیان لێوەكردبوو، ڤیتامینەكان هیچ ڕۆڵێكیان نییە لەڕێگری كردن لەنیشانەكانی پیربوون و لەبیرچوونەوە.
لەلایەن خۆشیەوە (ئێدگار میلیەر) پسپۆر لەكۆلێژی (جۆنز هۆبكنز) بۆ زانستە پزیشكییەكان رایگەیاندووە، ڕەنگە ڤیتامینەكان لەهەندێك حاڵەتی تایبەتی سوودیان هەبێت وەك ئەو كەسانەی نەخۆشن و ناتوانن ژەمە خۆراكیەكان بخۆن و یان ئەو ئافرەتانەی تازە منداڵیان دەبێت، ئەگەرنا خواردنی ڤیتامینەكان بەبەردەوامی كاریگەری نێگەتیڤ لەسەر جەستەی مرۆڤ دروست دەكات.

 

ئـ . كـ

 

 

 

بۆ تاووتوێكردنی رێككەوتنی نێوان یەكێتی و گۆڕان، ئەمڕۆ سەركردایەتی یەكێتی كۆدەبێتەوە.
(سەعدی ئەحمەد پیرە) ئەندامی مەكتەبی سیاسی یەكێتی رایگەیاند، ئەمڕۆ سەركردایەتی حزبەكەی كۆدەبێتەوەو تاووتوێی پڕۆژەی رێككەوتنی نێوان یەكێتی و بزووتنەوەی گۆڕان دەكەن و لەو كۆبوونەوەیەدا گفتوگۆ لەسەر بیروڕای ئەندامانی سەركردایەتی دەكرێت.
پیرە لەلێدوانێكی تەلەفزیۆنیدا ئاماژەی بۆ ئەوەشكرد، پڕۆژەكە نێردراوە بۆ هەموو لایەك و هەرلایەنە ئیشی خۆی دەكات بۆ پەسەندكردنی رێككەوتنەكە.

 

 

 

بۆ مانگی رەمەزانی ئەمساڵ، بەبەشداری دەیان ئەكتەری سینەمایی زنجیرەیەك لەبارەی ژیانی كەسایەتی ناسراو (ئەحمەدی كوڕی حەنبەل) نمایش دەكرێت.
زنجیرە تەمسیلی (ئەحمەدی كوڕی حەنبەل) لەلایەن دوو كۆمپانیای بواری بەرهەمهێنانی فیلم كە هی ووڵاتانی قەتەرو توركیان بەرهەم دەهێندرێت.
تاكو ئێستا وێنەكانی نێو زنجیرە تەمسیلەكە لە حەوت ووڵات وێنەیان بۆ گیراوەو چوار جاریش دەقی نێو تەمسیلەكان نووسراونەتەوە.
(ئەحمەدی كوڕی حەنبەل) یەكێكە لەچوار ئیمامی چوار مەزهەبە سەرەكییەكەی ئایینی ئیسلام و لەساڵی (164) ی كۆچی لەدایك بووەو لەساڵی (241) بەهۆی نەخۆشییەوە كۆچی دوایی كردووەو بۆ دەستكەوتنی زانست و زانیاری زۆر ووڵاتان گەڕاوە.

 

ئـ . كـ

 

 

 

بۆ ناسینی خۆی بێت یان بۆ بەدەستهێنانی بڕێك پارە بێت مرۆڤ پەنا بۆ زۆر پیشە دەبات، هەندێك لەو پیشانە مەترسیدارن بۆسەر ژیانی خۆی.
لەژیانی ئێستای مرۆڤدا لەگەڵ ئەوەی جەنجاڵیەو ئاڵۆزە، بەڵام 10 یشە دیاریكراوە وەك نامۆترین و مەترسیدارترین پیشە كەمرۆڤ ئەنجامیان بدات.

1. شیكەرەوەی خوێن : ئەو كەسانە دەبێت بەردەوام لەگەڵ خوێن مامەڵە بكەن، ئەمە لەگەڵ ئەوەی ئەو پیشەیە مەترسیدارەو كاریگەری لەسەر تەندروستی مرۆڤ هەیە.
2. پزیشكی دادی : ئەو جێگەیە تایبەتە بەلێكۆڵینەوە لەهۆكارەكانی مردنی كەسەكان ، كەسی تایبەتمەند ناچار دەبێت پەنا بباتە بەر توێكاری كردنی جەستە، ئەوەش كاریگەری لەسەر دڵ و دەروونی ئەوانە دەبێت كەدڵیان لاوازەو بێهێزن.
3. قەساب : پیشەی قەسابی پیشەیەكی كۆنە، بەڵام دەبێت ئەو كەسەی ئەو كارە دەكات دڵ و دەروونی بەهێز بێت، چونكە مامەڵە لەگەڵ چەقۆو ئاژەڵ دەكات و رۆژانە ئەوە پیشەكەیەتی.
4. تایبەتمەند بۆ توێژینەوە لەزانستی خشۆكەكان : ئەو پیشەیە مەترسیدارەو كەسی تایبەتمەند بەبەردەوامی لەگەڵ ئەو خشۆكانە ژیان بەسەر دەبات بۆ ئەوەی ئەنجامی توێژینەوەكەی بەدەستەوە بدات و رۆژانە چاوی بەجۆرەها خشۆك دەكەوێت.
5. چاودێری كردنی بەشی توێژكاری : بەشی توێكاری یەكێكە لەبەشەكانی نەخۆشخانە گەورەكان و تێیدا ژمارەیەك مردووی تێدایەو بۆ كاروباری تاقیكردنەوەی قوتابیانی بەشی كۆلێژی پزیشكیەكان سوودی لێوەردەگیرێت.
6. كرێكاری كانەكان : پیشەیەكی مەترسیدارەو كرێكارەكانی كانەكان بەبەردەوامی لەناو كانەكان سەرقاڵی كاركردنن و شوێنەكەشیان تاریكەو تەنگەبەرەو هەوایەكی پیسی هەی بۆ هەڵمژین.
7. مردوو نێژەكان : ئەوانەی تایبەتمەندن بەناشتنی مردووەكان و كاریان شۆردن و بەرگ كردن و ناشتنی مردووە، ئەو كارە كۆنترین پیشەیە لەمێژووی مرۆڤایەتی.
8. جیهانی زیندەوەرەكان : كەسی تایبەتمەند پیشەی مامەڵەكردنە لەگەڵ جیهانی زیندەوەرەكان و مەترسیشی لەسەر ژیانی مرۆڤ هەیە، چونكە هەندێك زیندەوەری ژەهراوی هەیە.
9. چاودێری گیانلەبەرە دەریاییەكان : لەناو دەریاو زەریاكان گیانلەبەری مەترسیدارو دڕندە بوونیان هەیە، بۆیە ئەوانەی لەو بوارە كار دەكەن دەبێت زۆر وورد بن لەچۆنیەتی بەڕێوەبردنی پیشەكەیان.
10. تاوەری پەخش كردن : بەهۆی بەرزی تاوەرەكان زۆرجار ژیانی مرۆڤ دەكەوێتە مەترسی، ڕەنگە بەهۆی ووزەی كارەباوە بێت، یان بەهۆی بەرزی تاوەرەكان بێت، بۆیە ئەو پیشەیەش مەترسی بۆسەر ژیانی مرۆڤ هەیە.

 

 

ژیانی هاوسەرگیری لەسەردەمی ئێستای جەنجاڵی ژیان زۆرجار كۆسپ و تەگەرەی زۆری دێتە سەر ڕێگەو ڕەنگە زۆرجار مرۆڤ تووشی زۆر قەیرانی سەربارەكی ژیان بكات و ناڕەحەتی بكات.

ئەوەی لێرەدا گرنگە ئەوەیە مرۆڤ ڕێگەنەدات قەیران و كۆسپەكانی ژیانی ژیانی ئاڵۆزبكات و كاریگەری تەنانەت بەسەر ژیانی تایبەتی خۆیشی هەبێت، بۆیە ئەم چەند خاڵە خراوەتە ڕوو بۆ ئەوەی هەر ئەوەندەش بێت بتوانێت خۆرشاگر بێت و كۆڵ نەدات لەبەرامبەر نەهامەتییەكانی ژیانیدا.

1. ئەمرۆ هەر تۆ لەخەیاڵمدابویت : كاتێك دەگەڕێیتەوە ماڵەوە پێی بڵی تۆ لە خەیاڵمدابویت یاخود زۆرجار لە كاتی ئیشەكەتدا تەلەفونی بۆ بكە، چونكە بەمە دڵی خۆش دەبێت و زیاتر بڕوای بە خۆی دەبێت.
2. بۆنەكەت زۆر خۆشە : كاتێك هەست دەكەیت بۆنێكی تازەی بەكارهێناوە پێیبڵی ئەم بۆنەت زۆر خۆشەو سەرنجی ڕاكێشاوم.
3. تۆ دایكێكی نموونەیت : وەك ئاشكرایە دایكان هەمیشە ئاگاداری منداڵەكانیان دەبن و گرنگیان پێدەدەن بۆ ئەمەش باشتر وایە تۆ یارمەتی بدەیت و ئەگەر ناتوانیت یارمەتی بدەیت ئەوا باشتر وایە پێێ بڵێیت كە تۆ دایكێكی نمونەیت و لە هەموو دایكێك زیاتر گرنگی بە منداڵەكانمان دەدەیت.
4. دڵ خۆشم كە تۆ هاوسەری منیت : هەمیشە پێی بڵی من هەست بە خۆشییەكی زۆر دەكەم لەگەڵ تۆدا، دڵخۆشم بەوەی كە تۆ هاوسەری منیت، ئەوە یەكێك دەبێت لەو شتانەی كە وا دەكات ژنەكەت دڵخۆش ببێت و بروای بە خۆی ببێت و هەروەها دڵنیا ببێتەوە لەوەی كە تۆ ئەوت خۆش دەوێت و ناپاكی لەگەڵ ناكەیت.
5. ئەوەی تۆ دەتەوێت ئێستا دەیكەم : كاتێك داوای شتێكت لێدەكات باشتر وایە لە كاتی خۆیدا بۆی بكەیت ئەگەر نەتتوانی لەو كاتەدا ئەنجامی بدەیت و كاتێكی دیكە هەمان شتی داواكردەوە ئەوا باشتر وایە لەو كاتەدا پێی بڵێی كە ئێستا دەیكەم ئەمەش بۆئەوەی وا هەست نەكات كە داواكارییەكانی ئەو پشت گوێ دەخەیت.
6. هەوڵ بدە لەگەڵ ئەو بچیتە دەرەوە : باشتر وایە زیاتر لەگەڵ ئەو بچیتە دەرەوەو زۆربەی كاتەكانت بۆ ئەو تەرخان بكەیت تاكو هەست بە تەنیای نەكات.
7. لەبۆنەكاندا دیاری پێشكەش بكە : لە هەموو بۆنەیەكدا هەوڵبدە دیاری تایبەتی پێشكەش بكەیت.
8. هەمیشە پێی بڵی خۆشم دەوێی : زۆربەی جارەكان بەتایبەتی ئەو كاتانەی كە بەیەكەوەن پێی بڵی خۆشم دەوێیت و ئەم وشەیە چەند جارێك دووبارە بكەرەوەو پێی بڵێرەوە بەمەش وا دەكەیت كە باوەڕی تەواوەتیت بكات.

 

ئـ . كـ

 

 

 

 

بەردی زراو زۆر ئاسایی لەزۆر كاتدا مەترسیدار نیە، قەبارەكەی لەچەند مللی مەترێك بۆ چەند سەنتی مەترێك دەبێت.
لەكاتی هێرشی بەردی زراو بەردەكان خۆیان قەتیس داوە لەرێرەوەكانی زراو و ئازارێكی زۆر پەیدا دەكات لەسك، ئازارەكە بۆ نێوان شانەكان دێت.
بەردەكانی زراو دروست دەبن لەزراو و پێكهاتەكەیان لەمادەی كۆلیسترۆلە، زەرداوو وەك عەمبار بۆ شلەی زەرداو بەكاردەهێندرێت لە لەش كە لەجگەرەوە بەرهەم دەهێندرێت، لەزەرداوو شلەیەك دروست دەبێت كەدەردەدرێت بۆ ریخۆڵەكان بۆ تواندنەوەی خواردن.
تواندنەوەی خواردن ئەنجام دەدرێت ئەگەر بەردیش هەبێت لەزەرداو، ئەو كات زەرداو بەرهەم دەهێندرێت راستەوخۆ لە جگەر دەرژێدرێتە ناو ریخۆڵەكان لەڕێگەی ڕێرەوەكانی زەرداو بەبێ ئەوەی عەمبار كرابێت لەزەرداو، تواندنەوەی خواردن لەوكاتەش باشە كەنەشتەرگەری دەكرێت زەرداو لادەبرێت.
بەردەكان بەخۆیان هیچ ئازارێك نادەن، بەڵام ئەگەر بەردەكان لەڕێڕەوەكانی زەرداو قەتیس مابن ئەوا ئازاری زۆر دەگەیەنێت پێی دەڵێن هێرشی بەردەكانی زراو.
هەروەها لەكوێی ڕێڕەوەكانی زراو بەردەكان قەتیس ماوە، ئەمەش هۆیەكی تر زەردوویی یان هەوكردنە لەپەنكریاس.
بەزۆری ژنان زیاتر توش دەبن بەبەردی زراو وەك لە پیاوان، ئاسایی نیە لەلایەن منداڵ و گەنج، زۆر كەس بەردی هەیە بەبێ ئەوەی هەستی پێ بكات.
لەوانەیە زیاتر مەترسی داربێت ئەگەر تۆ ...
1. كەسە نزیكەكانی تۆ لەخێزانەكەت بەردی زراویان هەبوە.
2. زۆر قەڵەوی یان بەخێرایی دابەزاندنی كێش.
3. ڕێژەیەكی زۆر لەچەوری خوێن یان كۆلیسترۆل.
4. ئەگەر تازە بەم زوانە دوو گیانی بووی (حاملە).
5. هەوكردنی درێژخایەنی ڕیخۆڵەكان، نەخۆسی درێژ خایەنی جگەر.
نیشانەكانی
زۆرجار نیشانەكانی پاش نان خوارد بەدیار دەكەون، لەگەڵ ئەو چەورییەی كە لەخواردن هەیە، لەكاتی هێرشی بەردی زراو ئازارەكە لەژێر ئێسكی سنگت لەلای ڕاست دروست دەبێت.
ژانەكان وەك بروسك بۆ لای نێوان شانەكان دێت، لەوانەیە عارەقە بكەیت. رشانەوەت بێت برشێتەوە، ژانەكان بەشە پۆل دێن بۆ ماوەی كاتژمێرێك زیاد دەكات پاشان كەم دەكاتەوە.
هێرشی بەردی زراو لەچەند خولەكێك بۆ چەند كاتژمێرێك دەخایەنێت، ژانەكان جیاوازن لەنەخۆشێك تاكو نەخۆشێكی تر.
نیشانەكانی لەوانەیە بەكزیی بێت هەندێك جار هەروەها گرژبوونی سك.
ئەگەر تاتهات گەرم بوی ئەگەر ئازارەكە لە (18) كاتژمێر زیاتربوو ئەوە مەترسی تووشبونە بەهەوكردنی زراو.
هەندێك جار جیاكردنەوەی نیشانەكانی زراو لەگەڵ نیشانەكانی دوانزە گرێ ئەستەمە، هەروەها ترش بوونی گەدە، زەخمی گەدە قرحەی گەدە، ئازاری دڵ ، هەوكردنی سنگ، بەردی گورچیلە، كێشەكانی پشت.
خواردن لەكاتی بەردی زراو
ئەگەر ئازارت هەیە لەگەڵ بەردی زراو پێویستە ئاگاداری خواردنت بی، خۆت دووربخەرەوە لە خواردنی قورس، چەوری ، هێلكە ، سێو.
لەو كاتانەدا پەیوەندی بە دكتۆر بكە
1. ئەگەر ژانت هەبوو كەدەست لەزگت دەدەیت، هەروەها تاوو لەرز.
2. ئەگەر ژانی ڕاستەخۆ هات لەسك كە شكی بەردی زراوت هەبوو.
3. ئەگەر پێستت زەرد بوو، میزەكە رەنگی گۆرا، پیساییەكەت رەنگی نەبوو.
هەندێ ئاڵۆزیی هەیە كە لەهەوكردنی پەنكریاس یان لەزەردووی پێویستی بەچارەسەری خێرا هەیە، هەروەها هەندێ جار پشكنینی ڕێڕەوەكانی زەرداوو بە ڕێگەی چوونە ژورەوە بەكامیرا.
نەشتەرگەری
نەشتەرگەری دەكرێ بەلابردنی زەرداوو ئەمەش بەدوو شێوە دەكرێت بەكردنەوەی پێستی سك یان بە كون كردن.

 

ئـ . كـ

 

 

 

كوردیو – هەولێر

 

بڕیارە ئەم هەفتەیە كۆبوونەوەی پێنج لایەنە سیاسییەكەی هەرێم بۆ پرسی گەڕانەوە یان نەگەڕانەوە بۆ بەغدا بەڕێوەبچێت.
چەند هەفتە لەمەوبەڕ لایەنگرانی رەوتی سەدر هەڵیان كوتایە سەر بارەگای ئەنجوومەنی نوێنەران لەشاری بەغداو بەشێكی زۆری پەرلەمانتارەكان رایانكردو چەند پەرلەمانتارێكی كوردیش دەستبەسەركران.
دوای ئەو رووداوە پەرلەمانتارە كوردەكان هاتنەوە هەرێمی كوردستان، دوابەدوای ئەوەش سەرۆكی ئەنجوومەنی نوێنەران سەردانی هەولێرو سلێمانی كردو چاوی بەلایەنە سیاسییەكان و سەرۆكی فراكسیۆنەكان كەوت، هەوڵەكانی خۆی خستەگەڕ بۆ گێڕانەوەی نوێنەرانی كورد بۆ نێو ئەنجوومەنی نوێنەران.
بەپێی زانیارییەكانی كوردیو، كۆبوونەوەی پێنج لایەنە كوردستانییەكە ئەم هەفتەیە بۆ ئەگەری گەڕانەوە یان نەگەڕانەوە بەڕێوەدەچێت.

 

ئـ . كـ