كوردیو – خازر

 

لەگەڵ دەستپێكردنی ئۆپەراسیۆنی ڕزگاركردنی چەند ناوچەیەك لەژێر چنگی گروپە چەكدارەكانی داعش، ژمارەی خۆكوژەكانی داعش بەرز دەبێتەوە.
سەرچاوەیەك لەمیحوەری پێشمەرگە لەخازر بۆ كوردیو ووتی، ئەمڕۆ بەیانی داعش كەوتە بەر بۆردومان و پەلامارێكی سەختی هێزەكانی پێشمەرگەو فڕۆكەكانی هاوپەیمانان، بەڵام لەبەرامبەریشدا داعش لەڕێگەی خۆكوژی سەر ماتۆرسكیل و پیادەوە كردەی خۆكوژی ئەنجام دەدەن.
بەپێی زانیارییەكان پێشمەرگە گوندی موفتیان لەژێر چنگی داعش دەرهێناوەو ئێستا نزیك بوونەتەوە لەگوندەكانی زارە خاتوون و وەردەك.
هاوكات هەر ئەمڕۆ گولە هاوەنێك لەنزیك كاروانێكی پێشمەرگە تەقیوەتەوەو بەپێی زانیارییەكان لایەنی كەم (7) پێشمەرگە برینداربوونەو پاشان گەیەندراونەتە نەخۆشخانەی خۆرئاوای هەولێر.

 

ئـ . كـ


 

 

 

بەپێی لێكۆڵینەوەیەك دەركەوتووە كە هاوڵاتیانی فەرەنسی لەماوەی هەفتەیەكدا چەند كاتژمێرێك تۆڕی كۆمەڵایەتی فەیس بووك بەكاردەهێنن.
توێژەران لەسەنتەری لێكۆڵینەوەو چاودێری سیستەمی كۆمەڵایەتی و ئەلیكترۆنی رایانگەیاندووە، هاوڵاتیانی فەرەنسی لەماوەی هەفتەیەكدا تەنها (12) كاتژمێر تۆڕی كۆمەڵایەتی فەیس بووك بەكاردەهێنن.
ئەمەو بەپێی بۆچوونەكان بەكارهێنەرانی فەیس بووك لەسەرتاسەری جیهان گەیشتۆتە دوو ملیار كەس و بەڕێژەی (140) ملیۆن كاتژمێر بەكۆی گشتی سەیری فەیس بووك دەكەن.
توێژەران دەڵێن، بینینی فەیس بووك لەسەرتاسەری جیهان بەرامبەرە بە دروست كردنی (20) ئیمپراتۆری نیشتەجێ‌ كردن و دوو یاریگای گەورەی تۆپی پێ و نووسین و چاپكردنی دوو جاری هەموو فەرهەنگی ئەلیكترۆنی ویكیپیدیا.

 

ئـ . كـ

 

 

 

 

بەپێی توێژینەوەیەك ئەوە دەركەوتووە كە خواردنی فراولە كاریگەری هەیە بۆ هێنانە خوارەوەی فشاری خوێن.
توێژینەوەكە لەزانكۆی فلۆریدا ئەنجام دراوەو دەریخستووە كە فراولە كاریگەری هەیە بۆ هێنانە خوارەوەی فشاری خوێن.
(دەیلی مێل) ی بەریتانی بڵاویكردۆتەوە، راولە دەوڵەمەندە بە مادەی دژە ئۆكسێن، ئەوەش كاریگەری دەبێت لەسەر هێنانە خوارەوەی فشاری خوێن.
میوەیەكی زۆر جوان و بۆن خۆش و بەتامە، لەگەڵ ئەوەیدا ئەو میوەیە كالۆری "وزە" ی كەمی تێدایەو پڕاوپڕە لەمادەی دیكەی وەك فایبەر، خواردنی 8 دانە فراولە لە رۆژدا (140%) ڤیتامین C رۆژانە، (12%) مادەی فایبەر لە رۆژداو (6%) مادەی فوات دابین دەكات.
هەروەها فراولە ئەو ڤیتامینانەی تێدایە (K، B2، B5، B6، مس، مانیزیۆم و ئۆمێگا 3).
فراولە هیچ چەشنە چەورێكی زیان بەخشی تێدا نییە، فراولە بۆ نەخۆشییەكانی، دڵ، دەمار، شێرپەنجە كاریگەرییەكی زۆری هەیە. پۆتاسیۆم كە مادەیەكە لە فراولەدا هەیە، زۆر پێویستە بۆ گەیاندنی ئۆكسجین بە مێشك و رێكخستنی لێدانی دڵ و هاوسەنگ راگرتنی ئاوی جەستە.
دەكرێ ئەو میوەیە بەیانیان لەگەڵ شیر بخورێ، هەروەها دەكرێ لەزەلاتەش بكرێ، دەكرێ لەگەڵ پەنیرو ماستیش بخورێ.

 

ئـ . كـ

 

 

كەریم بنزیمەی فەرەنسی و هێرشبەری یانەی ریال مەدرید دڵخۆشی خۆی نیشاندا بە بەرزكردنەوەی نازناوی یانە پاڵەوانەكانی ئەوروپا و باس لە ئەگەری رۆیشتنی لە یانەكەش دەكات".

بنزیمە لە لێدوانێكیدا بۆ رۆژنامەنوسان ووتی : " من لێرە زۆر دڵخۆشم دەمەوێت بۆ چەند ساڵێكی دیكە بمێنمەوە".

كەریم دەڵێت : " هاندەران لێرە پشتگیریم دەكەم ، سوپاس بۆ هەموو لایەك ، شانازی بەخۆم دەكەم كە یاریزانی تیپێكم خاوەنی (11) نازناوی چامپیۆنس لیگە".

ئەستێرە فەرەنسییەكە دەڵێت : " رۆیشتنم لە یانەی ریال مەدرید دوورە لەراستییەوە ، چونكە من پلانی ئەوەم داناوە بۆ چەند ساڵێكی دیكەش لێرە بم".


 

رێكان عزیز

 

 

 

 

سەرچاوەیەكی ئەمنی عێراقی بڵاویكردۆتەوە، لەهێرشی گروپە چەكدارەكانی داعش بۆ سەر شارەدێی هیتی باكووری خۆرهەڵاتی پارێزگای ئەنبار دەیان سەربازو چەكداری هۆزەكان كوژراون.
كەناڵی جەزیرە بڵاویكردۆتەوە، ئەمڕۆ بەیانی داعش لەچەند قۆڵێكەوە هێرشێكی تووندی كردۆتە سەر شارەدێی هیتی باكووری خۆرهەڵاتی پارێزگای ئەنبارو بەپێی زانیارییەكان لایەنی كەم (40) چەكدارو سەرباز كوژراون، بەڵام هیچ ئاماژەیەك بەوەنەدراوە كە داعش هیچ شوێنێكی كۆنترۆڵ كردبێت.
ئەمەو پەلاماری داعش بۆ سەر شارەدێی لەدەمێكدایە كە ئێستا ئەو گروپە چەكدارە لەشاری فەلوجە گەمارۆدراون و لەچەند میحوەرێكی سنووری هەولێریش ئەمڕۆ هێرشیان هێناوە.


 

ئـ . كـ

 

738 حسن شه‌ميراني
615 امجد محمد عبدلله
612 فاضل حيدر كاكه‌ احمد
435 دلَخواز عبدالله حسين
425 جلال الدين نجم الدين طه
810 د.اسماعيل سگێرى
584 د.لقمان محمد علي جاميعي
271 لطيفة احمد محمود احمد 
255 برهان خضر حسين

 

 

 

 

بەپێی توێژینەوەیەك دەركەوتووە، گەشتكردن مرۆڤ دووردەخاتەوە لەچەند نەخۆشییەك و كەشێكی تری بۆ دەرەخسێنێت.
توێژەرانی ئەمریكی جەختیان لەوەكردۆتەوە، كە گەشتكردن تەمەنی مرۆڤ درێژدەكاتەوەو دووریشی دەخاتەوە لەنەخۆشیەكانی زەهایمەر.
لەتوێژینەوەكەدا ئەوە دەركەوتووە كە گەشتكردنی ئەو فەرمانبەرانی لەناو دووساڵ جارێك گەشت دەكەن، نەخۆشی زیاترە وەك لەناو ئەو نەخۆشانەی كە لەماوەی شەش ساڵ جارێك گەشت دەكەن.
هەروەها باسی ئەوەشكراوە، كە گەشتكردن بۆ تەمەنداران سوودی زیاترو زۆرتری هەیە بەبەراورد لەگەڵ گەنجان و لاوان، ئەمە جگە لەخۆشگوزەرانی و خۆشحاڵی و ئاڵوگۆڕكردنی كەشێكی نوێ‌.

 

ئـ . كـ

 

 

 

 

ئەنجامی توێژینەوەیەكی نوێ‌ ئەوەی دەرخستووە كە نان ئەو زیانەی نییە كە لەتوێژینەوەكانی پێشووتر باسی لێوەدەكرا.
ڕۆژنامەی (دەیلی مێل) ی بەریتانی بڵاویكردۆتەوە، توێژەران رایانگەیاندووە، نان بۆ تەندروستی مرۆڤ سوودی هەیە، ئەوەش بەپێچەوانەی لێكۆڵینەوەكانی پێشووترە كەباسی لەزیانی نانی ئارد دەكرد لەسەر تەندروستی مرۆڤ.
هەروەها توێژەرانی تەندروستی مرۆڤ رایانگەیاندووە، لەناو ئارد ژمارەیەك بەكتریای بەسوود هەیە كە بۆ تەندروستی مرۆڤ بەسوودن، ئەوەش پێچەوانەی بیركردنەوەو لێكۆڵینەوەكانی پێشووە كەباسی لەزیانی نانی ئارد دەكرد.

 

ئـ . كـ

 

 

 

 

 

بڕیارە ئەم هەفتەیە هەردوو لایەنی پارتی و یەكێتی كۆببنەوەو تاوتوێی ڕاپرسی دەكەن و دواتریش لەگەڵ لایەنەكانی تریش كۆدەبنەوە.
(ئاراس حەسۆ میرخان) ئەندامی سەركردایەتی پارتی رایگەیاند، بڕیاروایە ئەم هەفتەیە یەكێتی سەردانی پارتی بكات و پێكەوە كۆببنەوە، چونكە لە كاتی خۆی ئەوان و یەكێتی لەسەر گشتپرسی كۆبوونەتەوەو ڕێككەوتبوون، كەچی ئێستا لە ڕێككەوتنی یەكێتی و گۆڕان یەكێك لە بەندەكان گشتپرسی گرێدراوە بە گەڕانەوەی (یوسف موحەمەد) بۆ ئەوەش دەبێت یەكێتی لە كاتی كۆبوونەوەكە ڕوونكردنەوە بدات.
میرخان بۆ رۆژنامەی هەولێر وتیشی : ئەگەر ئەوان لەگەڵ یەكێتی گەیشتنە ئەوەی كە دەبێت لە كوردستان گشتپرسی بكرێت، دەتوانن لەگەڵ لایەنەكانی دیكەش دابنیشن و بگەنە ڕێككەوتن، چونكە زۆربەی زۆری لایەنەكانی دیكە هەڵوێستیان دیارەو لەگەڵ گشتپرسی دان.

 

ئـ . كـ

 

ئەمڕۆ یەكشەممە نرخی دۆلاری ئەمریكی لەبەرامبەر دراوی عێراقی، گۆڕانكارییەكی ئەوتۆی بەسەردا نەهاتووە.
بەپێی زانیارییەكانی كوردیو، ئەمڕۆ نرخی دۆلار (129.500) هەزار دینارەو ئەوەش لەبەردەوامی بەرز بوونەوەو نزم بوونەوەی نرخەكانە لەماوەی چەند رۆژی رابردوودا، كە تاكو ئێستا جێگیر نەبووە.


ڕێبین عه‌لی