ئەمڕۆ ١٨ی حوزەیرانی ٢٠١٦، لەکاتی کردنەوەی بازاڕدا نرخی ١٠٠ دۆلار بە ١٢٧ هەزار و ٥٠٠ دینارە.

 نرخی دراوەکانی دیکە بەم شێوەیەیە:

١٠٠ پاوەن بە ١٨٢ هەزار دینارە.

١٠٠ یۆرۆ بە ١٤٣ هەزار دینارە.

١٠٠ هەزار تمەنی‌ ئێرانی‌ بە ٣٦ هەزار و ٥٠٠ دینارە.

١٠٠ لیرەی تورکی بە ٤٤ هەزار دینارە.

 

بڕیارە ئەمرۆ لەیارییەكانی قۆناغی چارەكی كۆتایی پاڵەوانیەتی جامی كۆپا ئەمریكا هەردوو هەڵبژاردەی ئەرجەنتین و ڤەنزویلا رووبەرووی یەكترببنەوە".

یارییەكە كاتژمێر (2:00) شەو بەكاتی هەولێر لەیاریگای (گیلیت ستادیۆم) لە فوكسبورو ئەنجامدەدرێت".

براوەی ئەم یارییە راستەوخۆ دەگاتە قۆناغی پێشكۆتایی پاڵەوانیەتی جامی كۆپا ئەمریكا شان بە شانی هەردوو هەڵبژاردەی كۆڵۆمبیا و ئەمریكا كە سەركەوتنیان بۆ ئەم قۆناغە مسۆگەركردووە".

جێی باسە لەكاتی دیاریكردنی پاڵەوانی ئەم یارییە ، یارییەك لە قۆناغی پێشكۆتایی ئاشكرادەبێت ، چونكە براوەیان رووبەرووی هەڵبژاردەی ئەمریكا دەبێتەوە".


 

رێكان عزیز

 

بڕیارە ئەمرۆ یارییەكانی گەڕی دووەمی قۆناغی گرووپەكانی پاڵەوانیەتی جامی نەتەوەكانی ئەوروپا ناسراو بە یۆرۆ كۆتایی پێبێت و سبەی یارییەكانی گەڕی سێیەم دەستپێدەكات".

خشتەو كاتی یارییەكانی ئەمرۆ بەمشێوەیە :

كاتژمێر (4:00) : ( بەلجیكا × ئێرلەندا )

كاتژمێر (7:00) : ( ئایسلەندا × هەنگاریا )

كاتژمێر (10:00) : ( پورتوگال × نەمسا )

 


 

رێكان عزیز

 

لەمیانی یارییەكانی قۆناغی چارەكی كۆتایی پاڵەوانیەتی جامی كۆپا ئەمریكا ، هەڵبژاردەی كۆڵۆمبیا زۆر بە زەحمەتی بەربەستی (پیرۆ)ی بڕی و سەركەوت بۆ یارییەكانی قۆناغی پێشكۆتایی".

كۆڵۆمبیا یارییەكەی بە لێدانی یەكلاكەرەوە لە خاڵی سزا بردەوە ، ئەمەش دوای یەكسانبوونیان لەكاتی ئاسایی یارییەكە بەبێ گۆڵ ، هاورێیانی خامێس رۆدریگێز بە ئەنجامی (4 – 2) یارییەكەیان لەبەرژەوەندی خۆیان یەكلایی كردەوە".

بەمەش هەڵبژاردەی كۆڵۆمبیا شان بەشانی ئەمریكای میواندار سەركەوت بۆ یارییەكانی قۆناغی پێشكۆتایی و چاوەروانی ناوی دوو هەڵبژاردە دەكەن بۆ ئەوەی چوار بلیتەكە تەواو بكەن".


 

رێكان عزیز

 

لەمیانی یارییەكانی گەڕی دووەمی قۆناغی گرووپەكانی پاڵەوانیەتی جامی نەتەوەكانی ئەوروپای (2016) ، هەڵبژاردەی ئیسپانیا بە ئاست و بە ئەنجام لە هەڵبژاردەی توركیای بردەوە و گەیشتە قۆناغی داهاتوو".

ئیسپانیا بە ئەنجامی (3 – 0) لە هەڵبژاردەی توركیا بردەوە ، دوو لەو سێ گۆڵە ئەلڤاۆر مۆراتا تۆماریكرد ، گۆڵەكەی دیكەش باشترین یاریزانی یارییەكە (نۆلیتۆ) تۆماریكرد".

لەئێستادا هەڵبژاردەی ئیسپانیا خاوەنی (6) خاڵە و بەفەرمی سەركەوت بۆ قۆناغی دووەمی یۆرۆ ، توركیاش هەلێكی كەمی هەیە بۆ ئەوەی بگاتە قۆناغی دووەم ، چونكە بەبێ خاڵ پلەی چوارەمی گرتووە".


 

رێكان عزیز

 

 

كوردیو – هەولێر


ئەمڕۆ تاقیكردنەوەی وانەی عەرەبی نیشتمانی پۆلی نۆی بنەڕەتییە، دیسان دەنگۆی ئەوە بڵاوبۆتەوە كە پرسیارەكانی ئەو تاقیكردنەوەیە دزەی پێكراوە.
سەرچاوەیەك بۆ كوردیو چەند پەڕەیەكی لە پرسیاری تاقیكردنەوەكانی ئەمڕۆی وانەی عەرەبی ناردووەو ئاشكرای كردووە، كە پرسیارەكانی ئەمڕۆی وانەی عەرەبی دزەی كردووە، بەڵام تاكو ئێستا هیچ سەرچاوەیەك بە وەزارەتی پەروەردەش پشت راستی ئەو زانیاریانەی نەكردۆتەوە.

 

ئـ . كـ

 

 

 

بەپێی توێژینەوەیەك ئەوە ئاشكرا كراوە كە ئەو ئافرەتانەی جلی باڵاپۆشی لەبەر دەكەن لەرووی دەروونییەوە ئارام ترن لەكەسانی تر.

گۆڤاری (برێچ فیسیۆلۆجی) ئەنجامی توێژینەوەیەكی بڵاوكردۆتەوە كە بەم دواییە لەووڵاتی بەریتانیا ئەنجامدراوەو گەیشتۆتە ئەو ئەنجامەی كە ئەو ئافرەتانەی جلی باڵاپۆشی لەبەردەكەن كەمتر تووشی دڵەڕاوكێیی و دوودڵی دەبنەوە بەبەراورد لەگەڵ كەسانی تر.
هەروەها لەبەشێكی تری توێژینەوەكەدا باسی ئەوەكراوە كە ئافرەتانی باڵاپۆش زیاتر گەشبینن بەڕووی ژیان وەك لەوانی ترو سووریش نین لەسەر ئەوەی دەبێت لەكەسانی تر جوانتر بن.

 

ئـ . كـ

 

 

 

 

1. ڕێژەی (41%) ی لەدایك بووانی ساڵی (2010) لەئەمریكا لەو كچانە بووە كە شوویان نەكردووە.
2. لەنێو زەریاكان لەسەر رووی زەوی (10) ملیار تۆن زێڕو گەوهەر هەیە.
3. لەووڵاتی فنلەندا هەر كەسێك خوێندنی زانكۆیی تەواو بكات، لەكۆتاییدا كڵاوێك و شمشێرێكی بەدیاری پێدەبەخشن.
4. ئەو كەسانەی تووشی خەمۆكی هاتوون، لەكەسانی تر زیاتر دەنوون.
5. بۆمە ئەو باڵندە هەژارو داماوەی بەردەوام غەمبارە، تاكە باڵندەیە توانای لەیەك جیاكردنەوەی سەرجەم رەنگەكانی هەیە.
6. نەوەی هۆزی ئۆتۆسیسی بۆرۆندی لەسەر ئاستی جیهان بەرزترین باڵایان هەیە، كە باڵایان دەگاتە دوو مەتر.
7. باخچەی گشتی سلێمانی لەسەردەمی (عەبدولـمەجید یەعقوبی) موتەسەریفی سلێمانی لەساڵی (1937) دروستكراوە.
8. كێشی دڵی زەرافە 11 كیلۆگرامە.
9. پارەی كاغەز تەنها ڕێژەی (8%) ی پارەی گیرفانی هاوڵاتیان پێكدێنێت، بەڵام ئەوەی تر هەمووی پارەی ئەلیكترۆنییە.
10. توێژینەوە : گەڕانی چوار كاتژمێر لێكۆڵینەوە لە گۆگڵ یەكسانە بەفێربوونی یەك مانگی خوێندنی قوتابخانەكان.

 

ئـ . كـ

 

 

 

مرۆڤ كەسایەتی خۆی لای خۆیەتی و توانای هەیە بەو هۆكارانەی كە هەیەتی خۆی بكاتە كەسێكی زۆر خۆشەویست، یان بەپێچەوانەشەوە.

كەسایەتی مرۆڤ ئەزموونەكان و فێربوون و هاوسەنگی راگرتنە، ئەوەش دیارە كە ڕێزگرتنی بەرامبەرەو دەبێتە هۆی ڕێزگرتن و نەرم و نیانی خۆت بۆ بەرامبەرەكانت.
ئەو ڕێگەیانەی كە مرۆڤ دەتوانێت خۆی بەكەسێكی خۆشەویست دەربخات بریتین لەم ڕێگەیانە.

1. سەرەتا تۆ سەلام لەخەڵك بكە، چونكە دڵی بەرامبەرەكەت لەئاست خۆت ئارام و دڵنیا دەكەیت.
2. دەم بە زەردەخەنەبە، زەردەخەنە دەبێتە هۆی ڕاكێشانی دڵی بەرامبەرەكەت.
3. گرنگی و ڕێز بۆ بەرامبەرەكەت دەربخە، وا هەڵسوكەوت لەگەڵ خەڵكدابكە كەخۆت پێت خۆشە بەرامبەرت بكرێت.
4. ئیش و كاری خەڵك جێ‌ بەجێ‌ بكە، دەچیتە دڵیانەوە، چونكە خەڵكان بەلای كەسانێكدا دەچن كە كاریان بۆ جێ‌ بەجێ‌ دەكات.
5. لێبوردەبە بەرامبەر هەڵەی بەرامبەرەكانت و گیانی لێبوردەییت زۆر بێت.
6. لەدیارنەبوونی هاوڕێكانت پرسیاربكە، هۆكارێكە بۆ ڕاكێشانی دڵیان بۆ لای خۆت.
7. چروك مەبە لەدیــاریدا ئەگەرچی نرخەكەشی كەم بێت، چونكە دیاری بەها مەعنەویەكەی زیاترە لە بەها مادیەكەی.
8. خۆشەویستی خۆت دەربخە بۆ هاوڕێكانت بە ئاشكرایی.
9. لێزانی بەكاربهێنە لە ئامۆژگاریەكانتداو مەیكە بە ئاژاوە نانەوە.
10. بەدەم دۆستانت بەو لەئیش و كارو یارمەتی هاریكاریان بكە.

 

ئـ . كـ

 

 

 

بەرهەمە تەكنۆلۆژییەكان زۆربەیان تیشكی لیزەر بەكاردێنن، وەك ئامێری ڤیدیۆ (C.D) و ئامێرەكانی پزیشكی ددان و ئامێری بڕین و لەحیم زۆر بواری تر.

ئەم هەموو ئامێرە لیزەر بەكاردێنن ئەمەش تایبەتمەندی دەداتە لیزەر كە لە سەرچاوەكانی تری رووناكی جیای دەكاتەوە.
وشەی لیزەر (LASER) بریتییە لە پیتی یەكەمی وشەكانی ئەم ڕستەیە:
(Light Amplification by Stimulated Emission of Radiation ) كە مانای بەهێزكردنی (گەورەكردنی) رووناكی (Light Amplification) بەهۆی كاراكردنی دەردانی (Stimulated Emission) تیشكی كارۆموگناتیسی (Radiation) كە یەكەم ئامێری لیزەر لە ساڵی (1960) لەلایەن زانا (میمان) دروستكرا بە بەكارهێنانی یاقوت وە بە لیزەری یاقوت ناونرا.

 

ئـ . كـ