وەزارەتی دارایی بڕی 300 هەزار دینار وەك دەرماڵەی هاندان بۆ فەرمانبەرانی سێ كۆمەڵگای دەروازەی نێودەوڵەتی خەرج دەكات.
بەپێی نوسراوێكی وەزارەتی دارایی و ئابوری كە واژۆی رابەر سدیق، بریكاری وەزارەتی دارایی لەسەرە ، بڕی 48 ملیۆن و 900 سەد هەزار دینار، وەك دەرماڵەی هاندان و تایبەتی مانگی 2015/9ی فەرمانبەرانی دەروازە نێودەوڵەتییەكانی باشماخ، حاجی ئۆمەران و پەروێزخان دەربڕیووە.

بەگوێرەی نوسراوەكە، بەمەرجێك ئەم دەرماڵەیە خەرج دەكرێت كە لە كاتی دابەشكردنی مووچەی مانگی ئەیلوولی 2015 دەبێت ئەم بڕە پارەیە كە لەگەڵ لیستی مووچە بۆیان بەستراوە بگەڕێتەوە بۆ گەنجینەی حكوومەت.


ڕێبین عه‌لی

 

 

تیرۆرستێکی داعش، پاش ئەوەی لەلایەن هێزە ئەمنیەكانی عیراقەوە دەکوژرێت، چەند وێنەیەکی ناو مۆبایلەکەی کە لەگەڵ کچێکی منداڵدا گرتوێتی دەست هێزە ئەمنییەکان کەوتووە و دوای بڵاوبونەوەیان لە تۆڕە کۆمەڵایەتییەکان، هەرایەکی گەورەی ناوەتەوە.

وەک لە وێنەکاندا دەردەکەوێت، تیرۆرستەکە لەگەڵ کچێکی مناڵدا ماچی یەکتر دەکەن و پێدەچێت ئەو تیرۆرستە جیهادی نیكاحی لەگەڵ ئەو کچە کردبێت.

 


به‌كارێكى چاوه‌روان نه‌كراوى سه‌ده‌دا خولى نایابى ئینگلیزى نزیك بۆته‌وه‌ له‌ كۆتایى هاتنى و ته‌نیا یه‌ك هه‌فته‌ ماوه‌ ، به‌شێوه‌یه‌كى چاوه‌روان نه‌كراودا یانه‌ى لیسته‌ر سیتى نازناوى ئه‌م وه‌رزه‌ى به‌ده‌ست هێنا ، له‌هه‌مان كاتدا یانه‌ گه‌وره‌كان له‌ركابه‌رى كردن دوور كه‌وتنه‌وه‌ پاڵه‌وانى وه‌رزى رابردوو له‌ناوه‌راستى خشته‌ى ریزبه‌ندى ده‌بیندرێت ،له‌م راپۆرته‌دا خراپترین پێكهاته‌ى ئه‌م وه‌رزه‌ى (2015-2016)ده‌خه‌ینه‌ روو .
گۆلچى / براد جۆزان له‌م وه‌رزه‌ (58)گۆلى لىَ تۆمار كرا له‌ریزى یانه‌ى ئه‌ستۆن فێلا .
به‌رگریكارى راست ئیڤانۆڤیچ له‌م وه‌رزه‌ ئاستێكى خراپى پێشكه‌ش كرد ،ئه‌گه‌رچى دواى هاتنى هیدینگ بۆیانه‌ى چێلسى ئاستى باشتر بوو ، به‌لاَم نه‌یتوانى بگاته‌وه‌ ئاستى رابردووى .
دڵى به‌رگرى / میكار ریچاردز له‌ هاوینى داهاتوو له‌گه‌ڵ ئه‌ستۆن فێلا خانه‌نیشین ده‌كرێت ئیشاره‌ى كاپتنى یانه‌كه‌ى به‌ده‌ست هێنا ، به‌لاَم ئاستێكى لاوازى پێشكه‌ش كرد و به‌هیچ شێوه‌یه‌ك به‌راورد ناكرێت له‌گه‌ڵ ئاستى رابردووى .
دڵى به‌رگى / ستیفن تایلۆر به‌رگریكارى نیوكاسل به‌درێژایى ئه‌م وه‌رزه‌ ته‌نیا له‌ هه‌شت یارى یاریزانى سه‌ره‌كى بوو ئه‌گه‌رچى خاوه‌ن توانایه‌كى جه‌سته‌یى به‌هێز بوو .
به‌رگریكارى چه‌پ / ئالان هۆسۆن به‌رگریكارێكى ترى ئه‌سۆن فێلایه‌ شكستى هێنا له‌ پێشكه‌ش كردنى ئه‌و ئاسته‌ى لىَ داوا كرابوو .
لاى راست / ممفیس دیباى له‌ هاوینى رابردوو مان یونایتد گرێبه‌تسى له‌گه‌ڵ ئه‌م یاریزانه‌ به‌برى (25)ملیۆن پاوه‌ند ئیمزا كرد ، به‌لاَم لویس فانگال بىَ هیوا بوو له‌ ئاستى ئه‌م یاریزانه‌ له‌ (16)یارى وه‌ك یاریزانى سه‌ره‌كى یارى كرد و ته‌نیا یه‌ك گۆلى تۆمار كرد و بۆماوه‌یه‌كى درێژ له‌سه‌ر كورسى یه‌ده‌گ دانیشت .
ناوه‌راست / نیمانیا ماتیچ له‌وه‌رزى رابردوو یه‌كێك بووله‌ باشترین یاریزان ، به‌لاَم به‌شێوه‌یه‌ك ئاستى دابه‌زى جێگاى بروا كردن نه‌بوو ، دواى هاتنى هیدینگ بۆچیلسى متمانه‌ى به‌ئۆبى مێكێل كرد له‌سه‌ر حیسابى ماتیك .
یاریزانى ناوه‌راست / جۆردان فیرتۆس ئه‌م یاریزانه‌ له‌وه‌رزى رابردوو له‌ یانه‌ى لیسته‌ر سیتى یارى ده‌كرد ، به‌لاَم هاوینى رابردوو په‌یوه‌ندى كرد به‌یانه‌ى ئه‌ستۆن فێلا ،له‌گه‌ڵ یانه‌ نوێكه‌ى ئاستێكى خراپى پێشكه‌ش كرد .
لاى چه‌پ / ئیدن هازارد له‌وه‌رزى رابردوو باشترین یاریزانى خولى ئینگلیزى بوو سه‌ركردایه‌تى یانه‌كه‌ى كرد بۆبردنه‌وه‌ى نازناوى خولى پریمه‌رلیگ ، به‌لاَم ئه‌م وه‌رزه‌ ته‌نیا سىَ گۆلى تۆمار كرد به‌شێوه‌یه‌كى چاوه‌روان نه‌كراو ئاستى دابه‌زى .
هێرشبه‌ر / ویلفرێد بۆنى ئه‌م یاریزانه‌ به‌برى (25)ملیۆن پاوه‌ند په‌یوه‌ندى كرد به‌یانه‌ى مان سیتى له‌ زستانى (2015)، تا ئێستا توانیوه‌تى چوار گۆل تۆمار بكات و ئاستى دابه‌زى و له‌دواى ئه‌گوێرۆ دێت و ئه‌گه‌رى هه‌یه‌ به‌هاتنى گواردیۆلا بۆیانه‌ى مان سیتى یاریگاى ئیتحاد جێبهێلێت .
هێرشبه‌ر / فالكاو له‌ هاوینى رابردوو په‌یوه‌ندى كرد به‌یانه‌ى چێلسى به‌شێوه‌ى خواستن دواى ئه‌وه‌ى وه‌رزێكى خراپى له‌گه‌ڵ مان یونایتد به‌سه‌ربرد ، ئه‌م یاریزانه‌ هوڵى دا له‌گه‌ڵ مۆرینۆ ئاستى بگه‌رێته‌وه‌ ،به‌لاَم نه‌یتوانى ته‌نیا له‌یه‌ك یارى وه‌ك یاریزانى سه‌ره‌كى به‌شدارى كرد .

 ن.ش

بەشی تاقیكردنەوەكانی زانكۆی كەركوك داوادەكات خوێندكارانی كورد پتە كوردیەكانی ناوەكانیان بە پیتی عەرەبی بنوسن.

بەپێی نوسراوێكی فەرمی بەشی تاقیكردنەوەكانی زانكۆی كەركوك كە وێنەیەكی دەست كوردیو تیایدا داوا كراوە بە پاساوی نەبوونی فۆنتی كورد لە كۆمپیوتەری ناوەندی وەزارەتی خوێندنی باڵا خوێندكاران ناوی تەواوەتی خۆیان بە پیتی عەرەبی بنوسن.

دەرچونی ئەو بڕیارە ناڕەزایەتیەکی زۆری خوێندکاران و چالاکوانانی کوردی کەرکوکی لێکەوتوەتەوە، بەو پێیە ئەو هەنگاوە بە سەرلەنوێ تەعریبکردنەوە شارەکە دادەنێن.

سەپاندنی ئەو بڕیارە لە كاتێكدا كە بەپێی دەستوری عێراق هەر دوو زمانی كوردی و عەرەبی زمانی فەرمین و پێویستە كاریان پێبكرێت.


ڕێبین عه‌لی

 

سبەی سێشه‌ممه‌ لیژنەی ڕووبەڕوبوونەوەی قەیرانی دارایی بە سەرۆکایەتی نێچیرڤان بارزانی کۆدەبێتەوە و باس لە فرۆشتنی نەوت و گۆڕانکاری لە موجەدا دەکرێت.

سەرچاوەیەک به‌كوردیوی ڕاگەیاند سبەینێ سێشه‌ممه‌ لیژنەی ڕووبەڕوبوونەوەی قەیرانی دارایی بە سەرۆکایەتی نێچیرڤان بارزانی کۆدەبنەوەو لە کۆبونەوەکەشدا هەریەک لە قوباد تاڵەبانی، ئاشتی هەورامی ، ڕابەر صدیق و عەلی سندی بەشدار دەبن.

سەرچاوەکە ئاماژەشی دا بەوەی کە لە کۆبونەوەکەدا باس لەم تەوەرانە دەکرێت کە ئەوانیش داھات و خەرجییەکانی حکومەتی ھەرێم و فرۆشتنی نەوت و داھاتی ناوخۆو موچەی فەرمانبەرانە.


ڕێبین عه‌لی

 

پەرلەمانتارێكی فراكسیۆنی پارتی لە پەرلەمانی كوردستان پێیوایە رێكەوتنی یەكێتی ‌و گۆڕان كوردستان توشی دابەشبوونێكی قوڵتر دەكات.

فەرحان جەوهەر، ئەندامی پەرلەمانی كوردستان لە فراكسیۆنی پارتی، لە وتارێكدا لەروانگەی خۆیەوە تیشك دەخاتەسەر رێكەوتنی نێوان یەكێتی‌و پارتی‌و پێیوایە "یەكێتی بەهەمان نیاز‌و نەفەسی گۆڕان ئەو رێكەوتنە" ئیمزا ناكات ‌و دەڵێت "بەڵام بەدڵنیاییەوە یەكێتی بەمەبەست و نیازی جیاوازتری هەیە لە گۆڕان، چونكە مەبەستی گۆڕان لەم رێكەوتنە لەگەڵ یەكێتی كۆكردنەوەی هێزی سیاسی و سەربازییە لە دژی پارتی، ئەگەرنا هەموو ئەو هۆكارانەی كاتی خۆ وای كردووە گۆڕان لە یەكێتی جیابێتەوە، نەك نەماون بەڵكو زیاتربوونە".


ڕێبین عه‌لی

 

هه‌رسىَ هێرشبه‌ره‌كه‌ى به‌رشلۆنه‌ ناسراوه‌ به‌ (MSN)ژماره‌یه‌كى نمونه‌یى گۆل تۆمار كردنیان تۆمار كردووه‌ ، دواى ئه‌وه‌ه‌ى شه‌وى رابردوو پێنچ گۆلیان تۆمار كرد له‌یانه‌ى ئیسپانیۆل و ژماره‌ى گۆله‌كانیان بۆ (249)گۆل به‌رز بویه‌وه‌ .
رۆژنامه‌ى سپۆرتى كه‌تالۆنى بلاَوى كردۆته‌وه‌ هه‌رسىَ یاریزانه‌كه‌ى به‌رشلۆنه‌ هه‌وڵ ده‌ده‌ن ژماره‌ى گۆله‌كانیان بگه‌ینه‌ (250)گۆل به‌ر له‌ كۆتایى هاتنى وه‌رزى ئه‌مساڵ ، میسى و سوارێز و نیمار رێژه‌ى (67,8%)گۆلیان تۆمار كردووه‌ له‌وكاته‌ى لویس ئه‌نریكى بۆته‌ راهێنه‌رى به‌رشلۆنه‌ .
له‌وه‌رزى یه‌كه‌م هه‌رسىَ یاریزان (122)گۆلیان تۆمار كرد به‌م شێوه‌یه‌ بوو :
میسى (58)گۆل
سوارێز (25)گۆل ،به‌لاَم سه‌رتایى یارى كردنى به‌درێسى بلوگرانه‌ له‌ (24)ئكتۆبه‌رى (2014)بوو .
نیمار (39)گۆل
له‌وه‌رزى دووه‌م هه‌رسىَ یاریزان (127)گۆلیان تۆمار كردووه‌ به‌م شێوه‌یه‌ :
میسى (41)گۆل
سوارێز (56)گۆل
نیمار (30)گۆل.

ن.ش

ئەمڕۆ لەگەڵ كردنەوەی بازاڕەكانی وزە نرخی نەوت لە هەردوو جۆری برێنت و خاو بەرزبوونەوەی بەرچاوی بە خۆیەوە بینی و له‌ ئێستاشدا نرخه‌كانی نه‌وت به‌خراپی دابه‌زین.

ئەمڕۆ دووشەممە نرخی نەوت بۆ 43 دۆلار و 81 سەنت دابه‌زی.

هاوكات نرخی بەرمیلێك نەوتی خاویش كە لە كردنەوەی بازاڕدا بە 45 دۆلار و 2 سەنت بوو بۆ 43 دۆلار و 53 سەنت دابه‌زی.


ڕێبین عەلی

نرخی دۆلار لە کاتی داخستنی بازاڕدا بەرزبوونەوەی بەخۆیەوە بینی و نرخی ١٠٠ دۆلار گەیشتە ١٢٩ هەزار و 75٠ دینار.

١٠٠ پاوەن بە ١٨٦ هەزار دینارە.

١٠٠ یۆرۆ بە ١٤٧ هەزار و ٥٠٠ دینارە.

١٠٠ هەزار تمەنی‌ ئێرانی‌ بە ٣٧ هەزار دینارە.

١٠٠ لیرەی تورکی بە ٤٣ هەزار ٥٠٠ دینارە.


ڕێبین عه‌لی

دەستەی سەربەخۆی مافی مرۆڤ، لەبارەی كوشتنی قوتابییەكەی زانكۆی جیهان هاتە دەنگ و ئاماژەی بەوە كرد كە ئەو ڕووداوە هەموو لایەكی دڵگران كردووە.


ئەمڕۆ دووشەممە 9\5\2016، دەستەی سەربەخۆی مافی مرۆڤ ڕاگەیاندراوێكی بڵاو كردەوە و تێیدا ئاماژەی بەوە كرد: “دوای ئەوەی لەچەند ڕۆژی ڕابردوو گەنجێكی شاری هەولێر لەلایەن كەسێكەوە به ‌بەرچاوی خەڵك و لەناو قەرەباڵغیی شار كوژرا، لەسەر بەكارهێنانی (فول لایتی ئۆتۆمبێل) بەرامبەری، ئەو ڕووداوە هەموو لایەكی نیگەران كردووە، ڕووداوێكی ناخ هەژێن و نەخوازراو بوو”. جەختیش لەوە كراوەتەوە كە دەستەكە وێڕای دڵگرانییان بۆ ئەو ڕووداوە، بەپێویستی زانیوە هاووڵاتییان لە بەكارهێنانی توندوتیژی و بەكارهێنانی چەك و زمانی هەڕەشە لە كاتی بوونی كێشە و گرفتەكان، خۆیان بە دوور بگرن.

دەستەی سەربەخۆی مافی مرۆڤ ئەوەشی ڕوون كردووەتەوە: “هێشتا بكوژەكە نەدراوەتە یاسا و یەكلا نەبووەتەوە و دیار نییە، چونكە تەنها یاسا دەتوانێت كێشەكان یەكلا بكاتەوە و ماف بۆ تاوان لێكراو وەربگرێتەوە و مافی تاوانباریش پارێزراو بێت”. جەختیشی لەوە كردووەتەوە كە وەك دەستەی مافی مرۆڤ، لە نزیكەوە چاودێریی ڕەوشەكەیان كردووە و‌ چاوەڕێی هەوڵەكانی پۆلیس و هێزە ئەمنییەكانیان كردووە،‌ بۆ ئەوەی لە ڕێگەی دادگاوە ئەو كەیسە یەكلا بكەنەوە. دووپاتیشی كردووەتەوە: “نەمانویستووە دەست وەردەینە قۆناغەكانی بەدواچوون و لێكۆڵینەوەكان و ڕێكارە یاساییەكان لەو كەیسە”.

هەر لەو ڕاگەیاندراوەدا ئەوە دووپات كراوەتەوە كە دەبێت دیاردەی چەكداری و هەڵگرتنی لە دەرەوەی دەوام و چەكداریی بێ مۆڵەت كۆنتڕۆڵ بكرێت و به ‌یاسا ڕێك بخرێت، سەرەڕای بوونی یاسای ژمارەی (16) ی ساڵی 1993ی تایبەت به ‌چەك، بەڵام ئەو یاسایە بۆ ئێستای هەرێمی كوردستان و ئەو قۆناغە ناگونجێت و پێویستە هەموار بكرێتەوە، وەك دەستەكە ئاماژەی پێ داوە. لە كۆتاییشدا دەستەی سەربەخۆی مافی مرۆڤ هیوای خواستووە، هەرچی زووە ئەو كەیسە ڕێكاری یاسایی خۆی وەربگرێت و لە ڕێگەی دادگاوە یەكلا بكرێتەوە.