كوردیو ـ سلێمانی
نزیكەی ساڵێكە بڕیاری پێكهێنانی ئیدارەی پارێزگای هەڵەبجە چووەتە بواری جێبەجێكردنەوە و تاوەكو ئێستاش بەهۆی ناكۆكی لایەنە سیاسیەكانەوە پرۆسەكە پەكی كەوتووە بە تایبەت پێكهێنانی ئەنجومەنی پارێزگای هەڵەبجە و بەرپرسی لقی 12ی پارتیش ئۆباڵەكەی دەخاتە ئەستۆی یەكێتی نیشتیمانی وەك لایەنی باڵادەست لە ناوچەكە.
فازڵ بەشارەتی بەرپرسی لقی 12ی پارتی دیموكرات لە پارێزگای هەڵەبجە بۆ كوردیو ووتی" تەقریبەن ئێمە وازمان هێناوە لە پرسی پێكهێنانی ئیدارەی پارێزگای هەڵەبجە، لەسەر ئەو بابەتە قسە زۆر كراوە و وتومانە مافی خۆمان بە تەواوەتی وەرنگەرین هیچ بەشداریەكمان نابێت، بۆیە ئێستا هیچ گفتوگۆ و قسەیەك لەنێوانماندا نەماوە".
بەرپرسی لقی 12ی پارتی وتیشی" لایەنی باڵادەست لە هەڵەبجە بەرپرسە و ئەگەر ئەو نەیەوێت ئەو كارە بەرەو پێش بچێت هەر ئاوای لێ دێت بۆیە خواست و قسەی ئێمە لەسەرەتاوە ڕوون بووە".
پارتی دیموكرات لە هەڵەبجە پۆستی قائیمقام و چوار ئەندامی ئەنجومەنەكە بە مافی خۆی دەزانێت و هەرچی یەكێتی نیشتیمانی كوردستانە ئامادە نیە ئەو پشكە بدات پارتی و لە گەرمی گفتوگۆكانیشدا قائمقامێكی نوێی لەسەر پشكی خۆی بۆ هەڵەبجە دانا.
am
كوردیو - سلێمانی
جێگری سەرۆكی یەكێتی مامۆستایانی كوردستان ڕایدەگەیەنێت: حكومەتی هەرێمی كوردستان ئێمەی لای مامۆستایان بێ متمانە كردووە و بەدوری نازانین هەوڵوێستی جدیمان هەبێت.
مامۆستا عەتا ئەحمەد جێگری سەرۆكی یەكێتی مامۆستایانی كوردستان بە كوردیو ڕاگەیاند: حكومەتی هەرێمی كوردستان یەكێتی مامۆستایانی لە لای مامۆستایان بێ متمانە كردووە و لە مانگی یەكەوە بەڵێنیان پێداوین لە نزیكترین كاتدا نیوموچەی مامۆستایان دابەش بكەن و دواتر جارێكی دیكە لە كۆبونەوەیەكدا بەڵێنیان پێداین لە مانگی چواردا نیوموچەی مامۆستایان دابەش بكەن بەڵام بەداخەوە دابەش نەكراوە.
هەروەها وتیشی: ئێمە گرفتمان لە گەڵ سیستمی موچە هەیە و پێویستە حكومەتی هەرێم بە زوترین كات ئەو بەلێنانەی پێیداوین جێ بەجێی بكات، بە پێەوانەوە بە دوری نازانین هەڵوێستمان هەبێت و مامۆستایان نەچنە هۆڵی تاقیكردنەوەكانەوە.
سەلام بێستانسوری
زێنەدین زێدانی فەرەنسی و راهێنەری یانەی ریال مەدرید ئامانجی تیپەكەی ئاشكرا دەكات ئەویش بردنەوەیە بەرامبەر یانەی دیپۆرتیفۆ لاكەرۆنیا".
زێنەدین زێدان لە لێدوانێكیدا بۆ رۆژنامەنوسان ووتی : " ئێمە لەدواین ساتەكانی خولی ئیسپانیاین ، تەنها یەك یاریمان ماوە رەنگە زۆر شت رووبدات".
زیزۆ ووتی : " ئامانجی ئێمە بردنەوەی تیپەكەیە بەرامبەر یانەی دیپۆرتیفۆ لاكەرۆنیا كە دواین یاری ئێمەیە ، بۆ ئەمەش پلانی تایبەتی خۆمان هەیە".
راهێنەرەكەی ریال مەدرید ووتی : " نابێت لە ئێستاوە بیر لەیاری كۆتایی یانە پاڵەوانەكانی ئەوروپا بكەینەوە ، سەرەتا دەبێت بردنەوە بەرامبەر یانەی دیپۆرتیفۆ لاكەرۆنیا تۆماربكەین و دواتر بیر لەیاری غەرناتە و بەرشلۆنە دەكەینەوە".
رێكان عزیز
هەریەكە لە فوئاد مەعسوم سەرۆك كۆماری عێراق و نوری مالیكی سەرۆكی لیستی دەوڵەتی یاسا داوا چركردنەوەی گفتوگۆكان دەكەن بۆ چارەسەركردنی ناكۆكیەكان.
بە گوێرەی بەیاننامەیەكی سەرۆكایەتی كۆماری عێراق دوێنێ یەك شەممە فوئاد مەعسوم سەرۆكی كۆمار پێشوازی كردووە لە نوری مالیكی و پێكەوە گفتوگۆیان كردووە لەسەر دوا پێشهاتە سیاسی و ئابوریەكان، چۆنیەتی دۆزینەوەی چارەسەر بۆیان.
هەروەك هاتووە كە هەردوولا جەختیان كردۆتەوە لەسەر قوڵكردنەوەی گفتوگۆكان بۆ ئەوەی ئەنجومەنی نوێەران دانیشتنە ئاساییەكانی دەستپێبكاتەوە.
پێشتر نوسینگەی سەرۆكایەتی ئەنجومەنی وەزیران بڵاوی كردەوە كە سەرجەم ڕێووشێنەكانیان گرتۆتە بەر بۆ دابینكردنی ئاسایشی دانیشتنەكانی ئەنجومەنی نوێنەران و پاراستنی ئاسایشی ناوچەی سەوز.
am
دوای ئەوەی بەرەبەیانی ئەمڕۆ دووشەممە سوپای عێراق هێرشی كردە سەر چەكدارانی داعش لە گوندی كەبروك لە باشوری شاری مەخمور و كەمێك پێش ئێستا ئەو گوندە كۆنترۆڵكرایەوە.
سەرچاوەكانی هەواڵ بڵاویان كردوەتەوە " ئەمڕۆ دووشەممە بەهاوكاری فرۆكە جەنگیەكانی هاوپەیمانان سوپای عێراق هێرشی كردوەتە سەر گوندی كەبروك لە باشوری شاری مەخمور توانیان كۆنترۆلی بكەنەوە"
گوندی كەبروك سەربە ناحیەی گەیارەی قەزای مەخمورەو لە ڕووی سەربازیشەوە ئەم گوندە گرنگە .
ئەمڕۆ لەباشووری پارێزگای كەركوك گەورە بەرپرسێكی حەشدی شەعبی شیعەكان لەلایەن چەكدارانی نەناسراوەوە كوژراوە.
سەرچاوەیەك لەپارێزگای كەركوك رایگەیاندووە، ئەمڕۆ چەكدارانی نەناسراو (یوسف رەزا بەشیری) یەكێك لەفەرماندەكانی حەشدی شەعبی شیعەكان لەباشووری شارەكە كوژراوە.
سەرچاوەكە باسیشی لەوەكردووە، بەشیری لەگەڕەكی (ئەسراو مەفقودین) لەلایەن ژمارەیەك چەكدار لەناو ئۆتۆمبێلێك دەستڕێژی لێكراوەو كوژراوە.
ئـ . كـ
ئەلڤارۆ ئەربێلوا بەشێوەیەكی فەرمی بڕیاری وازهێنانی لە یانەی ریال مەدرید راگەیاند و ماڵئاوایی لە یاریزانان و هاندەرانی یانەكە كرد".
ئەربیلوا لەیاری بەرامبەر یانەی ڤاڵانسیا بەشداریكرد و هاندەران بە چەپڵەرێزان ماڵئاواییان لێكرد ، ئەمەش دوای حەوت ساڵ یاریكردن لە ڕیزی ئەو یانەیە".
لەدوای كۆتایی هاتنی یارییەكە ، فلۆرێنتینۆ پێرێز سەرۆكی یانەی ریال مەدرید لە ئۆفیسی تایبەتی خۆی رێزی لە ئەربیلوا گرت و درێسێكی تایبەت و دیارییەكی پێبەخشی و سوپاسی كرد كە لەماوەی رابردوو لەگەڵ تیپەكە كاری كردووە".
رێكان عزیز
له ڕاگه‌یاندراوێكدا وەزارەتی ئەوقافی هه‌رێم، دواین مۆڵەت ده‌داته ئەو کەسانەی کە دەیانەوێت ئه‌مساڵ سەفەری حەج بکەن.
وەزارەتی ئەوقاف و كاروباری ئاینی حكومه‌تی هه‌رێمی كوردستان ڕایده‌گه‌نێت، ئەو كەسانەی ناویان لەتیروپشكی ئەمساڵ دەرچووە یان ناویان لەساڵانی رابردو دەرچوە و سەفەرەكەیان بۆ ئەمساڵ دواخستوە ١٥/٥/٢٠١٦ی وەك دوا مۆڵەت بۆ ئەو دەستنیشان كراوە.
هه‌ر له ڕاگه‌یاندراوه‌كه‌دا هاتووه، له دوای ئه‌و ڕێكه‌وته‌وه وه‌زاره‌تی ئه‌وقاف یەدەكەكان بەپێی ڕیزبەندی ناوەكانیان جێگەی ئەو كەسانە دەگرنەوە كە تا ئەو بەروارە پەیوەندیان نەكردووە بەبەرێوەبەرایەتیەكانی حەج لەهەولێر و سلێمانی و دهۆك و گەرمیان.
ڕێبین عەلی
سه‌رۆكی لیژنه‌ی وزه‌و سامانه‌سروشتییه‌كانی په‌رله‌مانی كوردستان ڕایگه‌یاند، حكومه‌تی هه‌رێم به هه‌ڵه بڕیاری پاشه‌كه‌وتكردنی موچه‌ی داوه، ده‌شڵێت هیچ به‌ڵگه‌یه‌كیش نییه كه هه‌نارده‌كردنی نه‌وتی هه‌رێم كه‌می كردبێت تا داهاتی هه‌رێم كه‌مبێت.
دكتۆر شێركۆ جه‌وده‌ت به سولی ڕادیۆی ڕاگه‌یاند" حكومه‌تی هه‌رێمی كوردستان هه‌ڵه‌ی كردووه كه بڕیاری پاشه‌كه‌وتكردنی موچه‌ی فه‌رمانبه‌رانی داوه، چونكه دۆخێكی نا سه‌قامگیری دروستكردووه له ناو چینه‌كانی كۆمه‌ڵگاداو حكومه‌تی هه‌رێم مانگانه زیاتر له 300ملیۆن دۆلار پاشه‌كه‌وتی موچه‌ی فه‌رمانبه‌رانی هه‌رێمی ده‌كه‌وێته لا".
وتیشی" پێویسته دوای به‌رزبونه‌وه‌ی نرخی نه‌وت له بازاڕه‌كانی جیهان ده‌ستكاری پاشه‌كه‌وتكردنی موچه‌ی فه‌رمانبه‌رانی هه‌رێم بكرێت ، به‌ڵام كه وه‌زاره‌تی سامانه‌سروشتییه‌كانی هه‌رێم ده‌ڵێت هه‌نارده‌ی نه‌وت كه‌میكردووه هیچ ڕونكردنه‌وه‌یه‌ك و هۆكاری كه‌مبونه‌وه‌ی ناخاته ڕوو".
هاوكات دكتۆر شێركۆ جه‌وده‌ت ئه‌ندامی لیژنه‌ی دارایی په‌رله‌مانی كوردستانه ئاشكرایكرد" هه‌ر له سه‌ره‌تاوه له‌گه‌ڵ سیستمی پاشه‌كه‌وتكردنی موچه‌ی فه‌رمانبه‌رانی هه‌رێَمدا نه‌بووم و ئه‌و بڕایاره نایاساییه و ناحه‌قییه به‌رامبه‌ر فه‌رمانبه‌ران، ئه‌كاته‌ی كه ئه‌و بڕیاره‌ش دراوه نرخی نه‌وت له بازاڕه‌كانی جیهان زۆر نزم بوو، به‌ڵام له ئێستادا نرخی نه‌وت به‌رز بۆته‌وه به به‌راورد به‌و كاته‌ی كه پاشه‌كه‌وتكردنی موچه‌ی تێداكرا".
ئه‌وه‌شی خسته ڕوو" هه‌رێمی كوردستان هه‌ر داهاتی هه‌ر له هه‌نارده‌كردنی نه‌وت له ڕێگه‌ی بۆرییه‌وه ده‌ست ناكه‌وێت، به‌ڵكۆ له ڕێگه‌ی ته‌نكه‌ر داهاتی ناوخۆو چه‌ند ڕێگه‌یه‌كی تر".
ڕێبین عەلی
سێرجیۆ ئەگوێرۆی ئەرجەنتینی و هێرشبەری یانەی مانچستەر سیتی ئینگلیزی ژمارەیەكی پێوانەیی بۆ خۆی تۆماردەكات كە پێشتر تۆماری نەكردووە".
ئەگوێرۆ لەیاری دوێنێ بەرامبەر یانەی ئەرسناڵ لەیارییەكانی پێش دوا گەڕی خولی یانە نایابەكانی ئینگلتەرا گۆڵێكی تۆماركرد و بەم گۆڵە دەرگایەكی بۆ خۆی كردەوە".
ئەگوێرۆ بۆ جاری یەكەم لەمێژووی كاروانی وەرزشی خۆی لەماوەی شەش یاری لەسەر یەكتر بتوانێت گۆڵ تۆماربكات و تۆڕی تیپی بەرامبەر بهەژێنێت".
ئەگوێرۆ لەئێستادا خاوەنی (24) گۆڵە و سێیەم گۆڵكاری خولی پرێمەرلیگە و بەجیاوازی یەك گۆڵ لەدوای یاریزانان (هاری كین و جیمی ڤاردی) دێت".
رێكان عزیز
زیاتر...
پاكۆ ئایستاران راهێنەری یانەی ڤاڵانسیای ئیسپانی بە پێكەنینەوە وەڵامی رۆژنامەنوسان دەداتەوە و پێی وایە ئەگەر ناوبژیوان نەبوایە لە ریال مەدریدیان دەبردەوە".
ئایستاران لە لێدوانێكیدا بۆ رۆژنامەنوسان ووتی : " ئێمە بەبەخت نەبووین ، ناوبژیوان و یاریدەدەرەكەی باش نەبوون ، پێم وایە یەكسانبوون باشترین ئەنجام بوو".
راهێنەری ڤاڵانسیا ووتی : " ناوبژیوانی یاری ، (رۆدریگۆ)ی كردە دەرەوەی یاریگا چونكە هەڵەی كردووە ، بەڵام من پێم وایە ئەو هەڵەیە شایستەی كارتی سوور نەبوو".
ئایستاران بە پێكەنینەوە دەڵێت : " ئەگەر هەڵەكانی ناوبژیوان نەبوایە ئەوا ئێمە دەمانتوانی یارییەكە ببەینەوە ، یان هیچ نەبێت خاڵێكمان بەدەستدەهێنا".
رێكان عزیز
ئەمڕۆ دووشەممە فرۆكە جەنگیەكانی عێراق سەدان هەزار بڵاو كراوە بەسەر دانیشتوانی موسڵدا بەردەدەنەوە لەبارەی بەنداوی موسڵەوە.
گروپی ڕاگەیاندنی جەنگی لە سوپای عێراق ئەمڕۆ دووشەممە لەبەیاننامەیەكدا بڵاویكردوەتەوە " ئەمڕۆ دووشەمە فرۆكە جەنگیەكان سەدان هەزار بڵاوكراوەیان بەسەر دانیشتوانی موسڵدا بەرداوەتە لەبارەی ڕێنمایی خۆپارێزی دانیشتوانەكەی لەكاتی دارمانی بەنداوی موسڵ"
لەلایەكی ترەوە ئەنجومەنی پارێزگای سەلاحەدین لە28ی ئازاری 2016دا ڕایگەیاند" بۆ كەمكردنەوەی مەترسیەكانی دارمانی بەنداوی موسڵ پێویستە بەنداوی بادوش تەواو بكرێت تاوەكو مەترسیەكانی بۆسەر شاری بەغداد كەمبكرێنەوە"
جێگەی ئاماژەیە باڵوێزی ئەمریكا لە عێراق ستیوارت جونز، لە 20مانگی ئازاری رابردودا مەترسی داڕمانی روخانی بەنداوی موسڵی ڕاگەیاند و ئەمەش كاردانەوەی بەدوای خۆیدا هێنا.
سەرۆكی لیژنەی دارایی پەرلەمانی كوردستان ڕایدەگەیەنێت: حكومەتی هەرێمی كوردستان نەوت تاڵان فرۆش دەكات و لە بری گەڕان بە دوای كڕیاری باشدا بە 17دۆلار كەمتر لە بازاڕ دەیفرۆشێت.
عیزەت سابیر سەرۆكی لیژنەی دارایی پەرلەمانی كوردستان لە لاپەڕەی خۆی لە تۆڕی كۆمەڵایەتی فەیسبوك نوسیویەتی: بە گوێرەی ڕاپۆرتی سامانە سروشتەیەكان حكومەتی هەرێمی كوردستان نەوت لە مانگی نیساندا زیاتر لە 14 ملیۆن بەرمیل بووە و لە ڕێگەی بەندەری جەیهانەوە فرۆشراوەو داهاتەكەی زیاتر بووە لە 376 ملیۆن دۆلار كە نرخی هەر بەرمیلێك بە 26 دۆلار و نیو فرۆشراوە.
ئاماژەی بەوەش كردووە: كاتێك حكومەتی هەرێم نەوتی بەو نرخە فرۆشتووە لە هەمان شوێن واتە بەندەری جەیهان نرخی بەرمیلێك نەوت بە 43دۆلار فرۆشراوە، واتە حكومەتی هەرێمی كوردستان نرخی هەر بەرمیلێك نەوتی بە 17دۆلار كەمتر فرۆشتووە و پێویستە حكومەتی هەرێم بە دوای كڕیاری باشتر بگەڕێت.
سەلام بێستانسوری
بەهاوبەشی لەگەڵ پۆلیسی ئتیحادی ، حەشدی شەعبی بە فەرمی دۆسیەی ئەمنی گوندی بەشیری لە هێزی پێشمەرگە وەرگرتەوە لە ڕێگەی ڕێكەوتنێكی نێوانیانەوە.
حاجی ڕەزا نەجار فەرماندەی حەشدی شەعبی لە باكوری عێراق لە ڕاگەیەنراوێكدا نوسیویەتی " بە فەرمی بنكەی پۆلیسی بەشیر كراوەتەوە و دۆسیەی ئەمنیمان وەرگرتۆتەوە و هەموو ئەو هێزانەی هێنراونەتە گوندەكە دەكشێنەوە جگە لە هێزەكانی حەشدی شەعبی".
بە گوێرەی ڕێكەوتنەكەی حەشدی شەعبی و هێزی پێشمەرگە دەبێت لەماوەی سێ مانگدا حەشدی شەعبیش بكشێتەوە و دۆسیەی ئەمنی ڕادەستی پۆلیس بكرێت.
یەك شەممە ڕابردوو هێزی پێشمەرگە بە پشتیوانی فڕۆكە جەنگیەكانی هاوپەیمانان لە پرۆسەیەكی سەربازیدا و تەنها لە ماوەی دو ڕۆژدا توانی گوندی بەشیر و چەند گوندێكی تری دەوروبەری كۆنترۆَل بكات و بەهۆیەوە دوو پێشمەرگەش شەهید بوون، لەكاتێكدا لەماوەی دوو ساڵدا و دوای چەندین هێرش حەشدی شەعبی شكستی هێنا لە كۆنترۆَلكردنەوەی گوندی بەشیر.
am