هه‌لبژارده‌ى پرتوگال له‌یه‌كه‌م یاریدا له‌ جامى نه‌ته‌وه‌كانى ئه‌وروپا به‌رامبه‌ر ئایسله‌ندا یارى كرد و هه‌ردوو هه‌ڵبژارده‌ به‌بىَ گۆل یه‌كسان بوون .
رۆژنامه‌ى مۆندۆ دیبه‌رتیڤۆى كه‌تالۆنى له‌ رۆژنامه‌ى بێڵدى ئه‌ڵمانى گواستۆته‌وه‌ ،ئه‌ستێره‌ى پرتوگالى و یانه‌ى ریال مه‌درید كریستیانۆ رۆناڵدۆ له‌م یاریه‌ هه‌ڵس و كه‌وتێكى خراپى نواندووه‌ .
رۆژنامه‌كه‌ زیاترى نوسیوه‌ دواى ئه‌وه‌ى یاریزانى ئایسله‌ندى ئارۆن گۆنارسۆن داواى له‌ رۆناڵدۆ كردووه‌ درێسه‌كانیان ئاڵوگۆر بكه‌ن ، كریستیانۆ ره‌تى كردۆته‌وه‌و له‌ وه‌لاَمدا پىَ گوتووه‌ تۆ كێیت ؟
رۆژنامه‌ى ناو براو ئه‌م هه‌ڵس و كه‌وته‌ى رۆناڵدۆى به‌كه‌سێكى له‌ خۆ بایى ناوزه‌ند كردووه‌ و دووپاتى كردۆته‌وه‌ ئه‌م هه‌ڵس و كه‌وته‌ دووره‌ له‌ گیانى وه‌رزشى .

 ن.ش


راپۆرته‌ رۆژنامه‌كان ئاشكرایان كردووه‌ گفت و گۆى نێوان ئه‌لفارۆ مۆراتا هێرشبه‌رى ئیسپانى و یانه‌ى یۆفانتۆس له‌گه‌ڵ چێلسى ناكۆكی تێده‌كه‌وێت به‌هۆى نرخى موچه‌كه‌ى یاریزانى ئیسپانى .
ریال مه‌درید مافى خۆیه‌تى له‌م هاوینه‌دا مۆراتا به‌برى (30)ملیۆن یۆرۆ بگه‌رێنیته‌وه‌ ریزى یانه‌كه‌ى ، پلانى هه‌یه‌ دواتر به‌برێكى زیاتر بى فرۆشێته‌ یانه‌یه‌كى تر .
رۆژنامه‌ى لاگازێتا دیلۆ سپۆرت ئاشكراى كردووه‌ چێلسى له‌سه‌رووى ئه‌و یانایه‌ ده‌یه‌وێت مۆراتا په‌لكێشى ستامفۆرد بریچ بكات و ئاماده‌یه‌ (60)ملیۆن یۆرۆ بدات .
هه‌مان سه‌رچاوه‌ زیاترى نوسیوه‌ یانه‌كه‌ى شارى ته‌مه‌كان له‌گه‌ڵ خانه‌واده‌ى یارلایزانه‌كه‌ى پێشووى مه‌درید گه‌یشتۆته‌ رێكه‌وتن ، به‌لاَم گفت و گۆكان به‌ره‌و رێگایه‌كى داخراو هه‌نگاو ده‌نێت ، ئه‌گه‌رچى چێلسى ئاماده‌یه‌ شه‌ش ملیۆن یۆرۆ وه‌ك موچه‌ى سالاَنه‌ بدات به‌م یاریزانه‌ ، به‌لاَم مۆراتا داواى (7,5)ملیۆن یۆرۆ ده‌كات .
رۆژنامه‌ ئیتاڵیه‌كه‌ ئه‌وه‌شى نوسیوه‌ هه‌لى مانه‌وه‌ى مۆراتا له‌ یۆفانتۆس كه‌مه‌ چونكه‌ زۆر ترین موچه‌ له‌ بیانكۆنێرى یاریزانى فه‌ره‌نسى بۆل بۆگا و جیان لویچى بۆفۆن وه‌رى ده‌گرن سالاَنه‌ شه‌ش ملیۆن یۆرۆیه‌ .

 ن.ش


به‌رێوبه‌رى كاره‌كانى هێرشبه‌رى به‌رازیلى و یانه‌ى به‌رشلۆنه‌ فینگه‌ر ریبیرۆ ئاشكراى كردووه‌ سىَ یانه‌ى گه‌وره‌ى ئه‌وروپى ئاماده‌ن مه‌رجى هه‌ڵوه‌شاندنه‌وه‌ى گرێبه‌سته‌كه‌ى نیمار داسێلفا بده‌ن له‌گه‌ڵ بلوگرانه‌ هه‌یه‌تى .
رۆژنامه‌ى مۆندۆ دیبه‌رتیڤۆى كه‌تالۆنى لێدواێمیكى رێبیرۆى ئاشكرا كردووه‌ ، ده‌ڵێت : سىَ یانه‌ ئاماده‌ن مه‌رجى هه‌ڵوه‌شاندنه‌وه‌ى گرێبه‌ستى نیمار له‌گه‌ڵ به‌رشلۆنه‌ بده‌ن .
ریبێرۆ ده‌ڵێت :ئه‌مرۆ سىَ یانه‌ ئاماده‌یى خۆیان نیشان داوه‌ ئاره‌زوو ده‌كه‌ن گرێبه‌ست له‌گه‌ڵ نیمار ئیمزا بكه‌ن برى (200)ملیۆن یۆرۆ بده‌ن .
سه‌باره‌ت به‌ناوى یانه‌كان ، رێبیرۆ ره‌تى كرده‌وه‌ ناوى هیچ یانه‌یه‌ك ئاشكرا بكات و ته‌نیا ئه‌وه‌نده‌ى گوت ئه‌مه‌ بابه‌تێكى نهێنیه‌ .
جێگه‌ى ئاماژه‌یه‌ مه‌رجى هه‌ڵوه‌شاندنه‌وه‌ى گرێبه‌ستى نیمار له‌گه‌ڵ به‌رشلۆنه‌ خۆى له‌ (200)ملیۆن یۆرۆ ده‌دات .

ن.ش

 

بۆ یەكەم جار حیزبی دیموكراتی كوردستانی ئێران كوژرانی ژمارەیەك پێشمەرگە ڕادەگەیەنێت لە شەڕەكەی شنۆی ڕۆژهەڵاتی كوردستان بێ ئەوەی وردەكاری زیاتر بڵاوبكاتەوە و كوژرانی دەیان پاسدار و جاش دوپات دەكاتەوە.


بەپێی ڕاگەیەنراوێكی شواری نیزامی حیزبی دیموكرات لە شەڕەكەی ڕۆژی چوار شەممەدا نزیكەی 10 كاتژمێر ڕوبەڕوبونەوە ڕویداوە.


هەروەك لە ڕاگەیەنراوەكەدا هاتووە" ڕێكەوتی ٢٦ی جۆزەردانی ١٣٩٥ی هەتاوی دەستەیەك لە كادر و پێشمەرگەكانی حیزبی دێموكراتی كوردستانی ئێران كە بۆ بەڕێوەبردنی ئەركی سیاسی و تەشكیلاتی لە ناوچەی شنۆ بوون، بۆ پشوودان ڕوو دەكەنە گوندەكانی قەرەسەقەڵ و سەرگیز كە دەكەونە بەر پەلاماری هێزەكانی ڕێژیم و ناچار بە بەرگری لە خۆیان دەبن و لە ئاكامدا شەڕ و تێكهەڵچوونێكی قورس و خوێناوی ڕوو دەدا كە بۆ ماوەی ١٠ كاتژمێری خایاند".


سەبارە بە زیانەكانی هێزەكەی پێشمەرگە نوسراوە" لەو تێكهەڵچوونەدا چەند پێشمەرگە پاش شەڕێكی قارەمانانە شەهید بوون و بە دەیان كەس لە فەرماندە و جاش و پاسداری ڕێژیم كوژران و بریندار بوون . هێزەكانی ڕێژیم بە دڕندانەترین شێوە كەوتنە وێرانكردنی ماڵ و موڵكی خەڵك لە گوندی قەرەسەقەڵ و زیانێكی زۆریان بە موڵك و ماڵی خەڵك گەیاند".


لەكۆتاییدا حیزبی دیموكرات دەڵێت" لێرەوە ڕادەگەیەنین سەرەڕای شەهیدبوونی چەند پێشمەرگە، هێزەكانی پێشمەرگەی حیزب لە هەلسووڕان و چالاكیەكانیان لە ناوچەكە بەردەوامن و لە ڕاگەیەندراوەكانی دواتری شورای نیزامیدا لە وردەكارییەكانی ئەو شەڕە و ژمارە و ناوی شەهیدەكانی هێزی پێشمەرگە ئاگادارتان دەكەینەوە".

 

am

 

 

بەتۆماركردنی داوای یاسایی و فەرمانی دەستگیركردن بۆ نەوشیروان موستەفا، پەیوەندییەكانی پارتی و بزووتنەوەی گۆڕان پێدەنێتە قۆناغێكی نوێ و سەختەوەو پێشبینی دەكرێت گەڕانەوەی دۆخەكە بۆ قۆناغی پێشووتر ئاڵۆزتر ببێت.

هەواڵی دەرچوونی فەرمانی دەستگیركردنی (نەوشیروان موستەفا) ی رێكخەری گشتی بزوتنەوەی گۆڕان لەمیدیاكاندا دوێنێ‌ بڵاوبوویەوە.
فەرمانی دەستگیركردنەكە دوای ئەوە هات كە لەسەرەتای ئەم مانگەدا داواكاری گشتی لەشاری هەولێر بەتۆمەتی هاندانی خەڵك بۆ هێرشكردنە سەر كونسوڵخانە بیانییەكان لەهەولێر، داوای یاسایی دژی رێكخەری گشتی بزوتنەوەی گۆڕان جوڵاند، ئەویش بەپشت بەستن بەو تۆمارە دەنگیانەی لەماوەی رابردوودا لەكەناڵی زاگرۆسی سەر بەپارتی بڵاوكرابوویەوە.
دوابەدوای ئەوەش ووتەبێژی بزوتنەوەی گۆڕان كۆنگرەیەكی رۆژنامەوانی ساز كردو هەموو ئەو تۆمەتانەی رەتكردەوە كە خراونەتە پاڵ (نەوشیروان موستەفا).
(شۆڕش حاجی) لەو كۆنگرە رۆژنامەوانییەدا رایگەیاند، تۆمارە دەنگییەكانی (نەوشیروان موستەفا) دروستكراون و هیچ قورساییەكانی یاساییان نییە.
لەبارەی بڕیاری دەستگیردنەكەشەوە لەلایەن دادگای هەولێرەوە ئاماژەی بەوەكرد كە تانەیان لەبڕیارەكە داوەو داوای گواستنەوەی دۆسییەكەشیان كردوە بۆ دادگای سلێمانی.
لەلایەن خۆشیەوە مەكتەبی سیاسیی پارتی بەیاننامەیەكی كورتی بڵاوكردۆتەوەو تێیدا وەڵامی ئەو وتانەی (نەوشیروان موستەفا) ی دایەوە كە ئاماژەی بەوەدابوو ئەوان لەگەڵ یەكێتیدا دەیانەوێت كۆتایی بەتاكڕەویی بهێنن و باڵانسی هێز لەهەرێمی كوردستان بگۆڕن.
لەبەیاننامەكەدا مەكتەبی سیاسی پارتی رایگەیاندووە، بەچەواشەكاری و تۆمەتی بێ بنەماو تێكدانی یەك ریزی نێوماڵی كوردستانی گۆڕین ناكرێت، هەروەها بە هەڕەشەو گوڕەشەكانشتان گۆڕین ناكرێت.
هەروەها مەكتەبی سیاسی پارتی بەنەوشیروان موستەفا دەڵێت، هەروەكو لەكۆن نەتان توانیوەو بووە بە گرێی دەرونی و لە (17) ی شوبات و (23) ی حوزەیران و (19) ی ئابیشدا پێتان نەكرا، دڵنیابن ئێستاش پێتان ناكرێت، بۆیە باشترین گۆڕین ئەوەیە كە تۆ خۆت بگۆڕی و چیتر بەو هزرەوە سیاسەت نەكەی.
لەبارەی گرژییەكانی نێوان بزووتنەوەی گۆڕان و پارتی دیموكراتی كوردستان، (رزگار عەلی) ئەندامی مەكتەبی سیاسیی یەكێتی بەئاوێنەی راگەیاندووە، ئەوەی پارتی و بزوتنەوەی گۆڕان دەیكەن، خزمەت بەكەس ناگەیەنێت و سوودی بۆ هیچ لایەك نیە.
دەشڵێت، دەبێت ئەو دوو لایەنە سیاسییە ووتاریان نەرمتر بێت لەوەی ئێستا هەیە، تەنها چارەش بۆ نێوان ئەو دوولایەنە سیاسییە رێككەوتن و مێزی گفتوگۆیە.
لەدوای ئەو رووداوانەی ئەمڕۆشەوە، هێرشی راگەیاندنی هەردوو حزبەكە بۆ سەر یەكتری دەستپیێكردۆتەوە.

 

ئـ . كـ

 

 

 

 

لێكۆڵەرانی چینی داوایان كردووە، ئەو كەسانەی بەردی گورچیلەیان هەیە هەوڵ بدەن بەڕێگەی جۆراو جۆر بەردەكانیان لەناو ببەن.
گۆڤاری ئەمریكی بۆ نەخۆشییەكانی گورچیلە ئەنجامی توێژینەوەیەكی چینی بڵاوكردۆتەوەو تێیدا هاتووە، توێژەرانی ئەو ووڵاتە داوا دەكەن ئەو كەسانەی بەردیان لەنێو گورچیلەدا هەیە هەوڵ بدەن بەڕێگە جیاجیاكان بەردەكان لەنێو گورچیلەكانیان لەناو ببەن، چونكە ڕەنگە دواتر كاریگەری لەسەر تووش بوون بەنەخۆشییەكانی دڵ و جەڵتەی دەماغ هەبێت.
توێژەرە چینیەكان تاقیكردنەوەیان لەسەر (3.5) ملیۆن نەخۆشی گورچیلە ئەنجامداوەو گەیشتوونەتە ئەو ئەنجامەی كە ڕێژەی (19%) ی ئەو كەسانەی تووشی بەردی گورچیلە هاتوون دواتر مەترسی تووش بوونیان بەنەخۆشییەكانی دڵ و خوێن و جەڵتەی مێشك لەسەر دروست بووە.

 

ئـ . كـ

 

 

 

یەكێك لەو گرفتە تەندروستیانەی ئەمڕۆ بەرۆكی هاوڵاتیانی گرتووە، گەورەبوون و هاتنە خوارەوەی كەرشە، وێڕای پێدانی سیمایەكی ناشرین، زیانی تەندروستیشی هەیە.

زۆربەی خەڵك بەدوای سكێكی ڕێك و سافدا وێڵن، بەڵام كەمیان پێی ئەگەن، ئەوەش لەبەر ئەوەی زۆر سەختە گەیشتن بە سكێكی ڕێك و ساف، بەڵام ئێوە ئەتوانن لە درێژەی بابەتدا سود لە ڕێگەیەكی ئاسان وەربگرن.

1. خواردنەوەی ڕێژەیەكی زۆر ئاوی خاوێن، چونكە ئاو هەوكردنەكانی گەدە خاوێن دەكاتەوەو كرداری هەرسكردن ڕێك دەخات، بە زیاد كردنی چەند دڵۆپێك ئاوی لیمۆ بۆ ناو ئاوەكە سودی زۆرتر دەبێت.
2. بە پێ ڕۆشتن : وەرزشێكە كە دەبێت بە شێوەیەكی ڕێك و پێك ئەنجام بدرێت و ئەگەر بەیانیان زوو بۆ ماوەی 20 خولەك بە پێ بڕۆیت ئەوە چەوری دەوری سك زیاتر دەسووتێت و بە درێژای ئەو ڕۆژەش چاڵاكی و جوڵەتان زیاتر دەبێت.
3. زیاد كردنی ژەمە خۆراكەكان : ئامۆژگاری ئەوەیە ڕۆژانە 6 ژەمە خۆراك بخۆن، بەڵام كەم بخۆن، چونكە كەم خواردن دەبێتە هۆی ئەوەی كە وزەی پێویست بە شێوەی چەوری كۆناكەیتەوە.
4. شیری كەم چەوری بخۆن : كەمكردنەوەی چەوری لە ژەمە خۆراكەكاندا زۆر گرنگە، هەوڵ بدە بەشێوەی سەرەكی شیری كەم چەوری لەگەڵ ژەمە خۆراكەكاندا بگونجێنیت.
5. بەكار هێنانی پرۆتین : ئەو خۆراكانەی پرۆتینیان زۆر تێدایە بەكاربهێنن، چونكە پرۆتین دەبێتە هۆی بەهێز بوون و گەورەبوونی ماسولكەكان و كەم بوونەوەی چەوری لەش و هەوڵ بدەن گۆشتی بێ چەوری و سنگی مریشك و ماسی بۆ ژەمە خواردنەكانتان زیاد بكەن.

 

 

پێوەرەكانی ژمارە گرنگە بیزانیت 

پێوەرەكانی ژمارە
ملیۆن پێكهاتووە لە 6 سفر (000,000)
ملیار پێكهاتووە لە 9 سفر (000,000,000)
بلیۆن پێكهاتووە لە 12 سفر (000,000,000,000)
بلیار پێكهاتووە لە 15 سفر (000,000,000,000,000)
تریلیۆن پێكهاتووە لە 18 سفر (000,000,000,000,000,000)
تریلیار پێكهاتووە لە 21 سفر (000,000,000,000,000,000,000)
كریلیۆن پێكهاتووە لە 24 سفر (000,000,000,000,000,000,000,000)
كزیلیار پێكهاتووە لە 27 سفر (000,000,000,000,000,000,000,000,000)
سنكلیون پێكهاتووە لە 30 سفر (000,000,000,000,000,000,000,000,000,000)
سنكلیار پێكهاتووە لە 33 سفر (000,000,000,000,000,000,000,000,000,000,000)
سیزیلیۆن پێكهاتووە لە 36 سفر (000,000,000,000,000,000,000,000,000,000,000,000)
سیزیلیار پێكهاتووە لە 39 سفر (000,000,000,000,000,000,000,000,000,000,000,000,0 00)
سیتلیون پێكهاتووە لە 42 سفر (000,000,000,000,000,000,000,000,000,000,000,000,0 00,000)
سیتلیار پێكهاتووە لە 45 سفر (000,000,000,000,000,000,000,000,000,000,000,000,0 00,000,000)
ویتلیۆن پێكهاتووە لە 48 سفر (000,000,000,000,000,000,000,000,000,000,000,000,0 00,000,000,000)
ویتلیار پێكهاتووە لە 51 سفر (000,000,000,000,000,000,000,000,000,000,000,000,0 00,000,000,000,000)
تیفلیۆن پێكهاتووە لە 54 سفر (000,000,000,000,000,000,000,000,000,000,000,000,0 00,000,000,000,000,000)
تیفلیار پێكهاتووە لە 57 سفر (000,000,000,000,000,000,000,000,000,000,000,000,0 00,000,000,000,000,000,000)
دیشلیۆن پێكهاتووە لە 60 سفر (000,000,000,000,000,000,000,000,000,000,000,000,0 00,000,000,000,000,000,000,000)
دیشلیار پێكهاتووە لە 63 سفر (000,000,000,000,000,000,000,000,000,000,000,000,0 00,000,000,000,000,000,000,000,000

 

ئـ . كـ

 

 

 

 

زۆرجار ئێمە لەنوێژەكانمان یان لە بۆنەو یادەكان سوورەتی (ئەلفاتیحە) دەخوێنین، بەڵام ڕەنگە زۆرجار بیرمان لەمانا كوردیەكەی نەكردبێتەوە، دیارە ئەوەش كاریگەری خۆی هەیە لەسەر زیاتر تێگەیشتنمان لەماناو ووشەكانی ئەو سوورەتە گەورەیە.

بەناوی خوای بەخشندەی میهرەبان
(بەناوی ئەو خوایەی كانگای ڕەحمەت و سۆزو بەزەییە). (١) ‌سوپاس و ستایش هەر شایستەی خوایەو بۆ خوایە، كەخاوەن و پەروەردگاری هەموو جیهانیان و هەموو بوونەوەرە. (٢) بەخشندەی میهرەبان‌، كانگای ڕەحمەت و میهرەبانیە (ڕەحمەتی لەدنیادا هەموو شتێكی گرتۆتەوە، بەڵام لە قیامەتدا تەنها بۆ ئیماندارانە). (٣) خاوەن و سەرداری ڕۆژی پاداشت و سزایە (پادشای ڕۆژی قیامەتە كە دادپەروەری ڕەهاو بێ سنووری تێدا بەرپا دەكات). (٤) خوایە، تەنها هەر تۆ دەپەرستین و هەر لەتۆش داوای یارمەتی و پشتیوانی دەكەین (لە كاروباری دین و دنیاماندا، بەكەسی تر لە بەندەكانت ناكرێت). (٥) خوایە بەردەوام ڕێنمووییمان بفەرموو بۆ ئەم ڕێبازی ڕاست و دروستی ئیسلام. (٦) كە بەرنامەو ڕێبازی ئەوانەیە لەنازو نیعمەتی خۆت بەهرەوەرت كردوون، نەمانخەیتە سەر ڕێبازی ئەوانەی خەشم و قینیان لێگیراوە (بەهۆی ئەوەوە دەیزانن و لایانداوە)، هەروەها نەمانخەیتە سەر ڕێبازی ئەوانەش، كە سەرگەردان و گومڕان (بەهۆی لاساری و یاخی بوون و نەزانینیانەوە) (٧)

 

ئـ . كـ

 

 

 

 

ئەنجامی لێكۆڵینەوەیەك دەریخستووە، هەر كەسێك لەماوەی كاتژمێرێكدا تەنها پێنج خولەك بەپێ بڕوات، ئەوا دووردەبێت لەتووش بوونی بەنەخۆشییەكانی دڵ.
توێژەران ئاماژەیان بەوەداوە، هەر كەسێك بۆ ماوەیەكی دوورودرێژ بەردەوام بێت لەسەر دانیشتن، ئەوا ئەگەری زۆری هەیە كاریگەری نەرێنی هەبێت لەسەر دڵی، چونكە دانیشتن هۆكارێكە بۆ بەرز بوونەوەی ڕێژەی كۆلیسترۆڵ لەناو خوێندا، ئەوەش كاریگەری دەبێت لەسەر راپەراندنی ئەركەكانی دڵ.
توێژەرەكان تاقیكردنەوەیان لەسەر 11 پیاو ئەنجامداوە كە هەندێكیان قەڵەوو هەندێكی تریان لاواز بوونەو تەمەنیان لەنێوان (20 – 35) ساڵان بووەو تێیدا دوو تاقیكردنەوەیان لەسەر ئەنجامدراوەو هەندێكیان بۆ ماوەی سێ‌ كاتژمێر دانیشتوون و هیچ جوڵەیان نەكردووەو بەشی دووەمیشیان لەناو ئەو سێ‌ كاتژمێرە ماوەیەك بەپێ رۆیشتوون، دەركەوتووە ئەوانەی هەردەم دانیشتوون ئەكتیڤی خوێن بەریان چاڵاك نەبووە، وەك ئەوانەی ناوە ناوە جوڵەیان كردووە.
هەروەها ئەو توێژەرانە ئامۆژگاری مرۆڤ دەكەن بەردەوام نەبێت لەسەر دانیشتن بەناوی كاركردن، چونكە ئەو دانیشتنە سەری لەچەندین نەخۆشی جۆراو جۆر دەردەچێت، بۆیە ئەوان دەڵێن : جوڵانەوەی بەردەوام مایەی دووربوونە لەنەخۆشی.

 

ئـ . كـ