وەزارەتی دارایی حكومەتی هەرێم بڕیاریداوە پێداچوونەوە بە رێژەی پاشەكەوتی موچەی پاسەوانانی بەرپرساندا بكات و ئەو كارەش بە چەند قۆناغێك ئەنجام دەدرێت.
لیوا باخەوان محەمەد بەڕێوەبەری پۆلیسی پاسەوانییەكانی سەر بەبەرگری فریاكەوتن لەسلێمانی لەلێدوانێكدا بە snn رایگەیاند: لەلایەن وەزارەتی داراییەوە داوای لیستی ناوەكانمان لێكراوە، ئێمەش ناوەكانمان بەرزكردۆتەوە، بۆئەوەی پێداچونەوەی پێدابكەن و رێژەی پاشەكەوتەكەیان كەمبكەنەوە.
وتیشی:"بەگوێرەی ئەو زانیاریانەی بەئێمەدراوە، كەمكردنەوەكە لەقۆناغی یەكەمدا تەنھا بۆ ئەو كەسانەیە كە بەفعلی پاسەوانی بەرپرس و بارەگا حزبیەكانن لەو ناوچانەی نزیكن لەبەرەكانی جەنگەوەو دژ بەتیرۆریستانی داعش شەڕ دەكەن، چاوەڕوانیدەكرێت بۆ قۆناغەكانی داھاتوو پاشەكەوتەكە بۆ ھەموو پاسەوانەكان كەمبكرێتەوە".
ئەو بەرپرسە باسی لەوەشكرد، لەھەوڵەكانیان بەردەوام دەبن بۆئەوەی قۆناغی دووەمی پۆلیسەكانیش دەستكاری موچەكانیان بكرێت و سەرجەمیان بەڕێژەیەكی كەم پاشەكەوت بیانگرێتەوە.
لەماوەی ڕابردودا حكومەتی ھەرێم ڕێژەی پاشەكەوتی موچەی ئەفسەرو كارمەندانی وەزارەتی ناوخۆ و ئەنجومەنی دادوەری بۆ ڕێژەی لە٣٠% -٣٥% كەمكردەوە، لەئێستاشدا بڕیاردراوە پێداچونەوە بەخشتەی پاشەكەوتی پۆلیسی پاسەوانیەكاندا بكرێتەوە، رێژەی پاشەكەوتەكەیان لە٧٠% بۆ لە٣٠% كەمبكرێتەوە.
لەگەڵ ئەوەی سەردانەكەی ئاسۆ فەرەیدون پارێزگاری سلێمانی بۆ بەغدا نیگەرانی هەندێك لایەنی لێكەوتەو و پاساویشی چارەسەركدنی كێشەكانی سلێمانی بوو، جیاواز لەوەی باس دەكرێت لە كۆبونەوەی پارێزگاری سلێمانی لەگەڵ نوری مالیكی سەرۆكی دەوڵەتی یاسا ناوەڕۆكی ڕێكەوتنەكەی یەكێتی و گۆڕان تەوەری سەرەكی بووە.
بەگوێرەی ڕاگەیەنراوێكی نوسینگەی نوری مالیكی سەرۆكی دەوڵەتی یاسا و سەرۆك وەزیرانی پێشووی عێراق ، ئەمڕۆ دوو شەممە پێشوازی كردووە لە ئاسۆ فەرەیدون پارێزگاری سلێمانی .
لە ڕاگەیەنراوەكەدا هاتووە " مالیكی گوێبیستی شاندی میوان بووە بۆ ڕونكردنەوەی تێروتەسەلی بەندەكانی ڕێكەوتنی نێوان یەكێتی نیشتیمانی و بزوتنەوەی گۆڕان ".
نوری مالیكی وێڕای پیرۆزبایی كردن لە هەردوولایەن بۆ ڕێكەوتنەكەیان داواشی كردووە هەوڵەكان چڕ بكەنەوە بۆ یەكخستنەوەی نێو ماڵی كورد و هاوكاری كردنی زیاتری حكومەتی ناوەند لە پێناو سەركەوتن بەسەر بەربەستەكاندا.
جێگای ئاماژە بۆكردنە سەردانەكەی ئاسۆ فەرەیدون بۆ بەغدا نیگەرانی بەرپرسانی پارتی لێكەوتەوە و بە پێشێلی یاسا ناوزەندیان كرد.
am
جارێكی دیكه نرخی نه‌وت به‌رزبوونه‌وه‌ی به‌خۆیه‌وه بینی به كاریگه‌ری كه‌مبوونه‌وه‌ی مه‌ترسییه‌كانی ده‌رچوونی به‌ریتانیا له یه‌كێتی ئه‌وروپاو، نرخی هه‌ر به‌رمیلێك نه‌وت گه‌یشته‌وه سه‌رووی 50 دۆلار ئه‌مه‌ریكی.
له ئاڵوگۆره‌كانی ئه‌مرۆی بازاڕه‌كانی كڕین و فرۆشتنی نه‌وتدا جارێكی دیكه نرخی نه‌وت به‌رزبویه‌وه و هه‌ر به‌رمیلێك نه‌وتی خاوی جۆری برێنت به 50 دۆلاره و 22 سه‌نته‌وه مامه‌ڵه‌ی پێوه كراو هه‌ربه‌رمیلێك نه‌وت خاوی ئه‌مه‌ریكیش گه‌یشته‌وه 48 دۆلارو 88 سه‌نت.
به‌رزبوونه‌وه‌ی نرخی نه‌وت هاوكاته له‌گه‌ڵ دابه‌زینێكی كه‌می به‌های دۆلارو كه‌مبوونه‌وه‌ی مه‌ترسییه‌كانی ده‌رچوونی به‌ریتانیا له یه‌كێتی ئه‌وروپا
ئەمڕۆ ٢٠ی حوزەیرانی ٢٠١٦، وەزارەتی پەروەردەی هەرێم وەلامی ڕاستی پرسیارەکانی وانەی کیمیای پۆلی ١٢ی ئامادەیی ئاشکرا کرد.
بەپێی ڕاگەیەندراوێکی وەزارەتی پەروەردە کە ئەمڕۆ بڵاویکردووەتەوە، دوو پرسیاری تاقیکردنەوەی کیمیا لە گروپە جیاوازەکان دوو وەڵامی ڕاستیان هەیە.
یەکشەممەی ڕابردوو ١٢ی حوزەیران تاقیکردنەوەی کیمیای پۆلی ١٢ی ئامادەیی لە هەرێمی کوردستان بەڕێوەچوو.
دوانیوەڕۆی ئەمڕۆ دووشەممە ٢٠ی حوزەیرانی ٢٠١٦، نرخی دۆلار لە بازاڕەکانی ھەرێمی کوردستان دابەزینی بەخۆیەوە بینی.
دوانیوەڕۆی ئەمڕۆ جارێکی دیکە نرخی دۆلار دابەزینی بەخۆیەوە بینی، ١٠٠ دۆلار بووە بە ١٢٦ ھەزار و ٩٥٠ دینار، لە دەرەوەی بازاڕیش ١٠٠ دۆلار بە کڕین بە ١٢٦ ھەزار و ٩٠٠ دینارە، بە فرۆشتن ١٢٧ ھەزار دینارە.
ئەمەش لەکاتێکدایە کە بەیانی ئەمڕۆ لە کاتی کردنەوەی بازاڕدا ١٠٠ دۆلار بەرانبەر بە ١٢٧ ھەزار و ٤٠٠ دینار بوو.
كوردیوـ سلێمانی
كارگێڕی ئەنجومەنی سیاسی كۆمەڵی ئیسلامی كوردستان ڕایدەگەیەنێت ھیچ دەسەڵاتێك لە جیهاندا میللەتی وا چاك وبێدەنگی نیە و برادەرانی دەسەڵات وا چەند مانگیشە شەرعیترین دامەزراوە كە میللەت نۆێنەرانی خۆی بۆ هەلبژاردوە وبە ماندبوونی خەڵكی كوردستان و عارەقە و خوێنی شەھیدانمان دروستبووە، بە بڕیاری دەسەڵات ئیفلیج كراوە .
محمد حەكیم ، كارگێڕی ئەنجومەنی سیاسی كۆمەڵی ئیسلامی كوردستان لەپەیجیتایبەتی خۆی لەنوسینیكدا ئاماژەی بەوەداوە"ئەم دەسەڵاتەی ھەرێمی كوردستان بەر لە ھاتنی ساڵیادی ڕاپەرین تەنھا خەمی ئەوەی بوو كە خەڵكی ناڕازی نەڕژێتە شەقام و خۆپیشاندان نەكەن ، كە ئەمەش رووی نەدا و خەڵك نەھاتە سەرشەقام، دەسەڵات (كە پێشتر ترسی لە ئەگەری ڕاپەڕین و خۆپیشاندانی خەڵكی ھەبوو) ئەم ھەڵۆێست و بێدەنگی و خۆڕاگرییەی خەڵكی كوردستانی بە (ترس) لێكدایەوە وگوایە ھەڕەشەو چاوسوركردنەوەكانی دەسەڵات كاریگەری ھەبوو لەسەر بێدەنگكردنی شەقام ! بەڵام راستیەكەی ئەوەیە كە میللەت ھۆشیارەو لێكدانەوەی ژیرانە و واقیعی بۆ ڕوداوەكان ھەبوو ودەرس وپەندی لە دەورو پشت وەرگرتبوو !"
لەبەشێكی تری نوسینەكەیدا كارگێڕی ئەنجومەنی سیاسی كۆمەڵی ئیسلامی ڕاشیگەیاندوە"كە موچەش كرایە چارەك و نیوە، دیسان دەسەڵات ترسی لێنیشتبوو كە میللەت كاردانەوەی دەبێ، كە بینی كاردانەوەی نەبوو لەبەرامبەر نیوە و ڕوبعە موچە و قەناعەتیان بە خۆیان كرد بۆ بەڵێنی حكومەت بەوەی كە روبع ونیوەكە مانگانە ئەدرێ وپاشەكەوت كاتیە و چاكی دەكەنەوە !! دیسان ئەم ھەلۆێستەشی بە پێچەوانە لێكدایەوە ودەلێن وتویانە خۆزگە ئەم چەند ساڵە ھەر لەتە موچەمان بدایە !"
لەكۆتایی نوسینەكەشیدا محمد حەكیم ئەوەشی نوسیوە"میللەتێكمان ھەیە ئەوەندە باشە برادەرانی دەسەڵات وا چەند مانگە شەرعیترین دامەزراوە كە میللەت نۆێنەرانی خۆی بۆ هەلبژاردوە وبە ماندبوونی خەڵكی كوردستان و عارەقە و خوێنی شەھیدانمان دروستبووە، بە بڕیاری دەسەڵات ئیفلیج كراوە و لە ئەركی چاودێری خراوە لە گەڵ رێزوحورمەتم بۆیان وا بێ كاربون هەمویان ، بەڵام ئەم میللەتە لە گوڵ كاڵترتان پێ ناڵێ و،ئەمانەو زۆری تریش لە چاكەو باشی وبێ وێنەیی ودڵپاكی سنگ سافی ومیللەتی كورددە دە ئیتر بەسە بەزەییەكتان بەم میللەتەدا بێتەوە"
أ.س
میدیای فەرمی بزوتنەوەی گۆڕان ناوەڕۆكی دیداری نەوشیروان مستەفا ڕێكخەری گشتی بڵاوكردۆتەوە لەگەڵ ڕاگەیاندنەكانی یەكێتی نیشتیمانیدا و تیایدا ڕایگەیاندووە " كورد گەیشتوەتە قۆناغێك دەتوانێت هەمو گۆڕانكارییەكان لەسەر بنەمای دیموكراسی ئەنجام بدات".
ئاماژە بۆ ئەوە كراوە " پێشنیوەڕۆی ئەمڕۆ لە شاری سلێمانی، نەوشیروان مستەفا رێكخەری گشتیی بزوتنەوەی گۆڕان، لەگەڵ ژمارەیەك لە رۆژنامەنوسان و راگەیاندنكارانی دەزگاكانی راگەیاندنی یەكێتی نیشتیمانی كوردستان كۆبوەوە‌و لە كۆبونەوەكەدا، بە وردی گفتوگۆ كرا لەبارەی دۆخی ئێستای هەرێمی كوردستان‌و سەرجەمی ئەو كێشەو قەیرانانەی هەیە.
نەوشیروان مستەفا رایگەشیگەیاندووە: كورد گەیشتوەتە قۆناغێك دەتوانێت هەمو گۆڕانكارییەكان لەسەر بنەمای دیموكراسی ئەنجام بدات.
رێكخەری گشتیی بزوتنەوەی گۆڕان، داواشی لە دەزگاكانی راگەیاندنی هەردولا كرد لە قۆناغی داهاتودا، كاری پێكەوەیی بكەن بۆ سەرخستن‌و جێبەجێكردنی پرۆژەی رێككەوتنە هاوبەشە سیاسییەكەی نێوان بزوتنەوەی گۆڕان و یەكێتی نیشتمانی كوردستان.
am
دوای ئەوەی ماوەی سێ رۆژە سەرنوسەری رۆژنامەیەكی عێراقی دەرفێنرێت لەلایەن چەكدارە میلیشیاكانەوە بە كوژراوی دەدۆزرێتەوە.
سەرچاوەیەك لە پارێزگای سەلاحەدین ئەمڕۆ دووشەممە بە (مدی نیوز)ی ڕاگەیاندوە" ئەمڕۆ دووشەممە پۆلیس تەرمی ئەحمەد محمد حمیدی كە سێ رۆژ پێش ئێستا ڕفێنرابو دۆزیوەتەوە تەرمەكەش براوەتە نەخۆشخانەی دووزخورماتو"
سەرچاوەكە ئاماژەی بەوەشداوە ئەو كەسە پێشتر لە قەزای شەرقات سەرنوسەری رۆژنامەیەكی محەلی بووەو لە هەمان كاتیشدا قوتابی ماستر بووە لەزانكۆی بەغداد .
ئەوسەرچاوەیە ئاشكراشیكردوە " ئەحمەد محمد حمیدی سێ رۆژ پێش ئێستا لەسەرڕێگای نێوان كەركوك - ئامرلی ڕفێنراوە لەلایەن چەكدارانی نەناسراوەو ئەوەش لەكاتێكدا بوە كە بەرەو شاری بەغداد ڕۆیشتوە بۆ وەرگرتنەوەی ئەنجامی تاقیكردنەوەكانی"
أ.س
لە شاری هەولێر، یەکێتی نیشتیمانی کوردستان لەگەڵ نوێنەری ئەمریکا و ڕووسیا و بەشێک لە وڵاتانی ئەوروپا کۆبووەوە و کۆبوونەوەکەش بۆ قسەکردن بووە سەبارەت بە دۆخی سیاسیی و ئابوری هەرێمی کوردستان و دوای كۆبوونەوەكەو لە كۆنگرەیەكی رۆژنامەوانی سەعدی ئەحمەد پیرە ئەندامی مەكتەبی سیاسی یەكێتی نیشتمانی كوردستان، پارتی دیموكرات‌و بزووتنەوەی گۆڕان تۆمەتباردەكات بەوەی گۆڕان پێداگرەو پارتیش غروری هەیە.
ئەمڕۆ دوو شەممە سەعدی ئەحمەد پیرە ئەندامی مەكتەبی سیاسی یەكێـتی لەمیانی كۆنگرەیەكی رۆژنامەوانی رایگەیاند، یەكێتی بەشێك نییە لەپێداگری گۆڕان‌و بەشێكیش نابێت لەغروری پارتی، كە كێشەكانی هەرێمی بەم رۆژە گەیاندووە.
ئەندامەكەی مەكتەبی سیاسی یەكێتی جەختیكردەوە، كە ئەوان بەو سیاسەتەی لەماوەی رابردوو هەیانبووە، بەردەوامدەبێت لەسەر سیاسەتەكانی بۆ چارەسەری كێشەكان‌و هێوركردنەوەی دۆخی سیاسی هەرێم.
ئاماژەی بۆ ئەوەش كرد وەك یەكێتی پێشنیازیان بۆ چارەسەركردنی کێشەکان داوەتە کونسوڵی وڵاتان. وتیشی "داوای هاوکاریی داراییمان لە کونسوڵی وڵاتان كرد بۆ حكومەتی هەرێمی کوردستان".
كوردیو -
سەرۆک وەزیرانی پێشووتری عێراق پیرۆزبایی لە رێککەوتی بزووتنەوەی گۆڕان و یەکێتیی نیشتیمانی دەکات.
رۆژی دووشەممە 20ـی حوزەیرانی 2016، نوری مالیکی، سەرۆک وەزیرانی پێشووی عێراق لە شاری بەغدا پێشوازی لە ئاسۆ فەرەیدون، پارێزگاری سلێمانی و شاندێکی یاوەری کردووە.
لە پۆستێکدا لە لاپەڕەی تایبەتیی خۆی لە تۆڕی کۆمەڵایەتیی فەیسبووک، نووری مالکی ڕای گەیاندووە، کە ئاسۆ فەرەیدون بڕگە و ماددەکانی رێککەوتنی گۆڕان و یەکێتی روون کردووەتەوە و مالیکیش پیرۆزبایی رێککەوتنەکەی لە هەردوو حزبەکە کردووە.
نوری مالیکی هیوای خواستووە ئەم رێککەوتنە ببێتە هۆی هەماهەنگیی زیاتر لەگەڵ حکوومەتی عێراق بۆ رووبەڕووبوونەوەی ئەو کێشانەی، رووبەڕووی وڵات دەبنەوە.
هونەر بانەگوڵانی
زیاتر...
وەزارەتی بەرگری عێراق ڕایدەگەیەنێت: دەستیان كردووە بە ئازاد كردنەوەی ناوچەی زنكورە و ئەبو ڕیشە لە پارێزگای ئەنبار.
لە بەیاننامەیەكی وەزراەتی بەرگری عێرقدا هاتووە، لە درێژەی ئازادكردنەوەی ناوچەكانی ژێر دەستی ڕێكخراوی تیرۆرستی داعش، ئەمڕۆ دوو شەممە هێزەكانی عێراق ئامادەكاریان كرد بەمەبەستی ڕزگاركردنی ناوچەی زنكورە و ئەبوریشە لە پارێزگای ئەنبار لە دەست ڕێكخراوی تیرۆرستی داعش.
هەروەها ئاماژەی بەوەش كردوە: ئازادكردنەوەی ئەو ناوچەیە هێزەكانی 16ی زەمین و فەرماندەی ئەنبار هێزی دەریایی و بە پاڵپشتی فڕۆكە جەنگیەكان ئەنجام دەجرێت.
سەلام بێستانسوری
نووسینگەی موقتەدا سەدر فتوایەكی سەیر لە بارەی ئەو كەسانە بڵاو دەكاتەوە كە بە ئەنقەست سەفەر دەكەن بۆ شكانی رۆژوەكەیان.
بە پێی نووسراوەكەی نووسینگەی موقتەدا سەدر لێ دەپرسن ، سەماحەتى حوجەتى ئیسلام موقتەدا سەدر ، حوکمى شەرع چییە دەربارەى ئەوانەى سەفەر بۆ خۆىان دروست دەکەن بۆ ئەوەى رۆژووەکەىان بشکێنن و نەخۆشیش نین..
ـ موقتەدا سەدریش لە وەڵامیدا دەڵێت : هیچ ئیشکالێکى تیا نییە..
ئەمڕۆدووشەممە بەهۆی تەقینەوەی بۆمبێكی چێنراوەو لەناوچەكانی ڕۆژئاوای كەركوك پێنج ئەندامی خێزانێك بونە قوربانی.
سەرچاوەیەك لە شاری كەركوك بە سۆمەریەنیوزی ڕاگەیاندوە" ئەمڕۆ دووشەممە لەكاتی هەڵهاتنی خیزانێك لە ناوچەكانی ژێردەسەڵاتی داعش لە قەزای حەویجە بۆمبێكی چێنراوە تەقیوەتەوە بە خێزانەكەدا"
سەرچاوەكە ئاماژەی بەوەشداوە" بەهۆی تەقینەوەكەشەوە ژنێك كوژراوە و چوار ئەندامی تری خیزانەكەش برینداربون و كەیەكێكیان منداڵە"
جێگەی ئاماژەیە قەزای حەویجەو ناحیەكانی ڕەشاد و زابو ڕیازو عەباسیە لە ڕۆژئاوای شاری كەركوك لە 10یحوزەیرانی 2014ەوە كەوتونەتە ژێر كۆنترۆڵی چەكدارانی داعش و لەماوەی ئەو دووساڵەشدا تائێستا 150 هەزار هاوڵاتی هەڵهاتون بەرەو كەركوك.
أ.س
ناكۆكیە توندەكانی نێوان لایەنە سیاسیەكانی هەرێم و پەكخستنی دامەزراوە شەرعیەكانی هەرێم و مەترسیەكانی سەرهەڵدانەوەی دوو ئیدارەیی، سنورەكانی كوردستان دەبڕێت و دەبێتە باسی میدیا جیهانیەكان.
دوای سەردانەكەی ئاسۆ فەرەیدون پارێزگاری سلێمانی بۆ بەغدا و توندبوونی ناكۆكیەكانی نێوان بزوتنەوەی گۆڕان و پارتی و لێدوانە دژ یەكەكانی هەردوولا، مەترسی جارێكی گەڕانەوەی هەرێمی كوردستان بۆ سەردەمی دوو زۆن و دوو ئیدارەیی سەر هەڵدەداتەوە.
ڕۆژنامەی حەیاتی لەندەنی نوسیویەتی ناكۆكیەكانی لایەنە سیاسیەكان لەسەر پرسی لامەركەزیەتی ئیداریی، پارێزگاری سلێمانی ناچار كردووە هانا بۆ بەغدا بەرێت و سەردانەكەش بەرپرسانی پارتی توڕە كردووە و پێیان وایە پێچەوانەی یاسایە.
هاوكات ژمارەیەك لە میدیا جیهانیەكانی تر وەك ڕۆژنامەی زەمان و نەبەئی كوەیتی و چەند پێگەیەكی تری جیهانی .
دوای ڕێكەوتنی ستراتیجی نێوان یەكێتی و پارتی كە كۆتایی بە شەڕی ناوخۆی چەند ساڵەی نێوانیان هێنا، جارێكی تری ڕێكەوتنی سیاسی نێوان بزوتنەوەی گۆڕان و یەكێتی، دۆخی سیاسی هەرێمی ئاڵۆزتر كرد و پارتی لە بری پێشوازی كردن لە ڕێكەوتنەكە بەرەو هەڵكشانی سیاسی بەرامبەر بزوتنەوەی گۆڕان هەنگاوی ناو فەرمانی دەستگیركردنی بۆ نەوشیروان مستەفا ڕێكخەری گشتی بزوتنەوەی گۆڕان دەكرد و لە بەرامبەریشدا میدیاكانی گۆڕان هێرشێكی بێ وێنەی ڕاگەیاندنیان بەرامبەر پارتی دەستپێكرد تاوەكو دواجار لەسەر دەستپێشخەری مامۆستا سەڵاحەدین محمد بەهائەدین، شەڕی ڕاگەیاندن ڕاگیرا و ئێستاش دۆخەكە لە بارێكی هەستیاردا ماوەتەوە.
am