فرانك دیبوری هۆڵەندی و راهێنەری یانەی ئەیاكس ئەمستردام خاوەن پلەی دووەمی ئەم وەرزەی خولی یانەكانی هۆڵەندا دەبێتە پاڵێوراوی یەكەم بۆ وەرگرتنی ئەركی مەشقدانەوەی یانەی ڤاڵانسیا".

بریكاری كارەكانی فرانك لە لێدوانێكیدا دەڵێت : " دیبور دەیەوێت مەشقی یەكێك لە یانەكانی ئێڤەرتۆن و ڤاڵانسیا بداتەوە ، چونكە ئەم دوو یانەیە هاوكارن بۆ فرانك تا فەلسەفەی خۆی جێبەجێ بكات".

بریكارەكە دەڵێت : " تا ئێستا فرانك دیبور گفتوگۆی لەگەڵ هیچ یانەیەك نەكردووە ، بەڵام لەدەستدانی نازناوی ئەم وەرزەی خولی یانەكانی هۆڵەندا رەنگە وا لە راهێنەرەكە بكات هۆڵەندا بۆ ئیسپانیا یان ئینگلتەرا بەجێبهێڵێت".


 

رێكان عزیز

 

لیۆنێل مێسی ئەرجەنتینی و هێرشبەری یانەی بەرشلۆنە راشكاوانە رایدەگەینێت تیپەكەی نایەوێت یانەی ریال مەدرید هیچ نازناوێك بەدەستبهێنێت".

میسی لەمیانی دیمانەیەكی لەگەڵ ئاژانسی (ESPN) ووتی : " بردنەوەی دوو نازناو لەم وەرزە كارێكی گرینگە بۆ ئێمە ، دوو یاری كۆتاییمان هەیە كە دوو نازناوی تێدایە ، یەكەمیان خولی ئیسپانیا و دووەمیان جامی شای ئیسپانیا".

میسی دەڵێت : " ئێمە پێمان خۆش بوو بگەینە یاری كۆتایی یانە پاڵەوانەكانی ئەوروپا بەڵام ئەوە رووینەدا و سەركەوتوونەبوون لە بەدەیهێنانی ئامانجەكە".

میسی لەبارەی ریال مەدرید دەڵێت : " شتێكی روونە كە هەموو هاندەرانی بەرشلۆنە ئاواتەخوازن ریال مەدرید هیچ نازناوێك دەستەبەر نەكات ، ئەوانیش بەهەمان شێوە ئەم ئاواتە بۆ ئێمە دەخوازن".


 

رێكان عزیز

 

بەشێكی زۆر لە یاریزانەكانی یانەی چێڵسی بڕیاریانداوە لەكۆتایی ئەم وەرزە ریزی یانەكەیان بەجێبهێڵن ، چەند یاریزانێكیش داوای گۆرانكاری دەكەن".

نیمانیا ماتیچی سڕبی و یاریزانی یانەی چێڵسی داوا دەكات خۆزێ مۆرینهۆی پورتوگالی و راهێنەری پێشووی یانەكە بگەرێتەوە پۆستەكەی خۆی و ئەركی مەشقدانەوەی بلوز بگرێتە ئەستۆ".

رۆژنامەی دەیلی مەیل ئاشكرای كردووە ، هەردوو یانەی مانچستەر یونایتد و یوڤینتۆس دەیانەوێت بۆندێك لەگەڵ ماتیچ واژۆ بكەن بەڵام یاریزانەكە مانەوەی خۆی لە یانەی چێڵسی پێباشترە لە رۆیشتن بۆ دەرەوەی لەندەن".

مەرجی مانەوەی ماتیچ و چەند یاریزانێكی دیكە گەرانەوەی خۆزێ مۆرینهۆی پورتوگالیە بۆ ریزی تیپەكە".


 

رێكان عزیز

نرخی دۆلار لە کاتی داخستنی بازاڕدا بەرزبوونەوەی بەخۆیەوە بینی و نرخی ١٠٠ دۆلار گەیشتە ١٢٩ هەزار و 500 دینار.

١٠٠ پاوەن بە ١٨٦ هەزار دینارە.

١٠٠ یۆرۆ بە ١٤٧ هەزار و ٥٠٠ دینارە.

١٠٠ هەزار تمەنی‌ ئێرانی‌ بە ٣٧ هەزار دینارە.

١٠٠ لیرەی تورکی بە ٤٣ هەزار ٥٠٠ دینارە.


ڕێبین عەلی

 

پۆلیسی عێراقی بڵاویكردۆتەوە، ئاماری تەقینەوەكەی شاری بەعقوبە گەیشتۆتە (70) قوربانی و گروپە چەكدارەكانی داعشیش بەرپرسیارێتی خۆی راگەیاندووە.
ئێوارەی دوێنێ‌ لەناوەڕاستی شاری بەعقوبە ئۆتۆمبێلێكی بۆمب ڕێژكراو تەقیوەتەوەو لەئەنجامیشدا (16) كەس كوژراون و (54) كەسیش برینداربوونە.
دوای تەقینەوەكەش گروپە چەكدارەكانی داعش بەیاننامەیەكیان بڵاوكردۆتەوەو تێیدا باسیان لەوەكردووە، ئەوان تەقینەوەكەی شاری بەعقوبەیان ئەنجامداوە.

 

ئـ . كـ

 

كوردیو ـ هەڵەبجە ـ حەیدەر حەمەصاڵح
لەهەوڵێكیدا وەك بەڵێنی دابوو شێخ عومەر بەرزنجی بەرپرسی باڵوێزەكانی دەرەوەی عێراق بەمەبەستی چارەسەركردنیان ژمارەیەك لە بەركەوتوانی چەكی كیمیایی ڕەوانەی عەرەبستانی سعودیە دەكات، جێگری پارێزگاری هەڵەبجە ڕایدەگەیەنێت كە سەرقاڵی ئامادە كردنی لیستێكن بۆ ڕێكخستنی بریندارەكان بەپێی كاری گەری برینەكانیان .

 


كاوە شێخ عەلی جێگری پارێزگاری هەڵەبجە لە لێدوانێكیدا بۆ كوردیو ڕایگەیاند: ئێمە چاومان بە شیچخ عومەر بەرزنجی بەپرسی سەفیەرەكانی دەروەی عێراق كەوت كە سەردانی عەرەبستانی سعودیەیان كردبوو لەوێ‌ سەفیری عیراق لە سعودیە لە ڕێگەی ئەوەوە توانراوە كە ژمارەیەك لە بریندارنی پارێزگای ئەنبار و ڕومادی بۆ چارەسەر ببەنە سعودییە، شیخ عومەر بەرزنجیش داوی ئەوەی كردوە كە وەك چۆن هەوڵت داوە بۆ ئەبریندارنە هەوڵێكیش بۆ بریندارنی چەكی كیمیایی هەڵەبجە بدە لەبەر ئەوەی لە هەڵەبجە كۆمەڵێكی زۆر برینداری چەكی كیمیایی هەیە و پێویستیان بە چارەسەر هەیە بۆیە سەفیری عێراق پەیوەندی بەپارێزگاری هەڵەبجەوە كرد بوو بۆ ئەو مەبەستە .

 


هەروەها ڕاشگەیاند: ئێمە شێخ عومەر بەرزنجی مان بینی داوای لێكردین كە لیستێك ئامادە بكەین بۆناوی ئەو بریندارانەو ڕێژەی برینداریەكەیو باری تەندروستی و جۆری نەخۆشیەكە دیاری بكرێت و ئاراستەی بكەین، بۆیە ئێستا لەگەڵ كۆمەڵەی قوربانیانی كیمیابارنی هەڵەبجە خەریكی ئامادە كردنی ئەو لیستەین كە نزیكەی 254 ناوێكیان لایە كە پێویستی بەڕێكخستن هەیە بۆئەوەی بزانرێت تاچەند دەتوانرێت هاوكاری ئەو بریندارنە بكرێت .

 


جێگری پارێزگاری هەڵەبجە بۆ كارو باری هونەری ئاماژەی بۆ ئەوە كرد: لە هەنگاوی یەكەمدا ئەوان داوای لیستەكەیان كردوە چونكە هیچ زانیاریەی تەواویان لەبارەی بریندارەكان و ڕێژەی كاریگەری و جۆری برینەكەیان لانییە بۆیە دەبێت چاوەڕوان بین تا بزانین ئەوان وەڵامیان چی دەبێت تا هاوكاری بكەن.

 


ئاماژەی بۆ ئەوەشكرد: ئێستا لە سەرەتای كارەكەداین لەلیستەكەدا 90 برینداریان باری تەندروستیان ناجێگیرە و حاڵەتی بریندارەكانیش جیاوازن ،ئەوان لیستەكە دەبینن و دواتر بڕیار دەدەن كە بەچەند وەجبە ڕەوانەی عەرەبستانی سعودی دەكرێن بۆ چارەسەر وەرگرتن .

 


لە16/3/ 1988دا ڕژێمی لەناوچووی بەعس بە بۆمبی كیمیایی هێرشی كردە سەر هەڵەبجەو بە پێی ئامارە نا فەرمیەكان بەهۆیەوە 5000 شەهید و بە هەزراران بریندار و ئاوارەی لێكەوتۆتەوە ئێستا ژمارەیەك لەو بریندارە بەبێ‌ چارەسەر بەدەم برینەكانیانەوە دەناڵێنن .

 

 

 

 

سەلام بێستانسوری

 

 

لە راپرسییەكی رۆژنامەی ئاسی ئیسپانی هاتووە یانەی بەرشلۆنە بەشێوەیەكی فەرمی دەبێتە پاڵەوانی ئەم وەرزەی لالیگا".

رۆژنامەی ئاس راپرسییەكی ئەنجامداوە لەبارەی پاڵەوانی ئەم وەرزەی خولی یانەكانی ئیسپانیا كە بڕیارە لەدوا ساتەكان ناوەكەی ئاشكرابكرێت".

لەئەنجامی راپرسییەكە هاتووە رێژەی (58.6%) بەشداربووان پێیان وایە یانەی بەرشلۆنە دەبێتە پاڵەوانی ئەم وەرزەی خولی ئیسپانیا ، لەبەرامبەردا (41.4%)بەشداربووانی راپرسییەكە پێیان وایە ریال مەدرید نازناوەكە لە چنگی بەرشلۆنە بهێنێتە دەرەوە".

لەدوا گەڕی یارییەكانی خولی ئیسپانیا ریال مەدرید رووبەرووی دیپۆرتیفۆ لاكەرۆنیا دەبێتەوە و یانەی بەرشلۆنە بەرامبەر یانەی غەرناتە یاری دەكات".


 

رێكان عزیز

كوردیو ـ هەڵەبجە ـ حەیدەر حەمەصاڵح
بیرمەندێكی فكری ئیسلامیی پێیوایە لەئەگەری دەستەبەر نەبونی تەواوی ماف و ئازادیەكانمان لەگەڵ دەوڵەتی عێراق لەناوخۆماندا یەكتریش بكوژین لەوە باشترە بیانی بمانكوژێ ،لەشوێن خۆمان دانیشتوین و دەڵێین عێراق خوات لەگەڵ .

 


د. موحسین عەبدول حەمید كەسایەتی دیاری عێراقی و بیرمەندی فكری ئیسلامی لە لێدوانێكیدا بۆ كوردیو ڕایگەیاند: ئەگەر گەلی عێراق نەهێنەوە هۆش خۆیان بە سوود وەرگرتن لەو دەساڵە پڕ لە عەزابەی كە بەسەری هاتووە و جارێكی دیكە بە خۆیاندا نەچنەوە ئەوا عێراق نامێنێت و بەرەو كەناری لەناو چوون دەچێت .

 


ڕاشیگەیاند : دەكرێت لە دژی ئەوەی ئێمە دەمانەوێت ، گەلی عێراق وایان لێبێت بڵێن ئەم هەموو نەهامەتیانەمان ناوێت و با دابەش بین بۆ سێ‌ دەوڵەت و سێ كەس عەرەب دەڵێ‌ (تاڵیم نەچەشت تا كەوتم بەسەر تاڵیەكی تردا ئەگەر بمخواردایە دەی كوشتم ) ئێمە وامان لێهاتوە لە عێراق هەموو شت مومكینە .

 


ئەو بیرمەندە ئیسلامییە ئاماژەی بۆ ئەوە كرد : لە حاڵەتێكدا ئەگەر عێراقیەكان بەخۆیاندا نەچنەوە دەكرێت دابەشكردنی عێراق بژاردەیەك بێت بۆ چارەسەر ، لێرەدا ئەركی كورد جیاوازە ئەوە حەفتا ساڵە دەچەوسێنرێتەو و خوێنی دەڕێژن و ئاوارە دەكرێت ، دەكرێت لەگەڵ عێراقیەكان بەئازادی بژێت و تەواوی مافەكان و خاكەی بۆ بگەڕێتەوە ئەگینا ئەوا كوردیش لەشوێنی خۆمان دانیشتوین خوا حافیز.

 


سەبارەت بە ڕاگەیاندی سەربەخۆیی بۆكورد دكتۆر موحسین عەبدول حەمید وتی:" دەكرێت بۆخۆمان دەوڵەتی كوردی ڕابگەیەنین ئەگەر ئازادیەكان مان لەگەڵ عێراق بەرجەستە نەبێت لە ژیاندا، ئەگەر هەر لە ژێر چەپۆكی بەغدا بمێنین و ستەممان لێبكەن و ئەنفال و كیمیابارانێكی ترمان بكەن ،ئەگەر لە عێراق ئازاد نەبین لەناوخۆمانا یەكتریش بكوژین لەوە باشترە بیانی بمانكوژێ .
ئەم وتانەی ئەو بریمەندە ئیسلامیە لە كاتێكدایە كە بۆماوەیەك لە عێراقدا بەرپرسی خیزبی ئیسمی عێراق بوە و بەشێكی زۆری ژیانی لە نێو زانكۆكانی عێراق و وڵاتانی دراوسێدا بەوانە وتنەوە بەسەر بردوە .

 

 

 

سەلام بێستانسوری

 

پیپی مارۆتا بەرێوەبەری وەرزشی یانەی یوڤینتۆسی ئیتاڵی ئاشكرای دەكات بەهیچ شێوەیەك بەنیازنین بۆند لەگەڵ ئیسكۆی یاریزانی هێڵی ناوەراستی یانەی ریال مەدرید واژۆ بكەن".

مارۆتا لە لێدوانێكیدا بۆ ماڵپەری (ئیتاڵیان فوتبۆڵ) ووتی : " ئەوەی لە راگەیاندنەكانەوە باس دەكرێت دوورە لەراستییەوە و ئێمە بەنیازنین بۆند لەگەڵ ئیسكۆ واژۆ بكەین".

لەبارەی مانەوەی ئەلڤارۆ مۆراتا یان رۆیشتنی لە تیپەكە ، مارۆتا ووتی : " ئێمە لەگەڵ بەرپرسانی یانەی ریال مەدرید كۆدەبینەوە و باسی ئەم بابەتە دەكەین".

بەرپرسەكەی یوڤینتۆس دەڵێت : " لەدوای ئەنجامدانی یاری كۆتایی یانە پاڵەوانەكانی ئەوروپا لەگەڵ بەرپرسانی یانەی ریال مەدرید كۆدەبینەوە و بڕیاری كۆتایی دەدەین لەبارەی مانەوەی مۆراتا لە ریزی تیپەكەمان یان گەرانەوە بۆ مەدرید".


 

رێكان عزیز

كوردیو ـ سلێمانی ـ یانی یادگار
بۆ بڕیاردان لەبارەی دۆخە شلەژاوەكەی ئێستای عێراق بڕیارە فراكسیۆنە كوردستانیەكان و سەركردایەتی حزبە سیاسیەكان كۆببنەوە ، سەرۆكی فراكسیۆنی یەكگرتوو لەبەغداد دەلێت پێشنیازێكی وەهامان كردوە چونكە دواجار هەر دەبێت لەدەرەوەی پەرلەمان ڕێكەوتنی سیاسی بكرێت بۆ چارەسەری كێشەكانی ئێستای عێراق.

 


د.موسەنا ئەمین سەرۆكی فراكسیۆنی یەكگرتووی ئیسلامی كوردستان لەبەغداد بە كوردیوی ڕاگەیاند:" دۆخەكە هێشتا شلەژاوە ، پێشنیازێكی وەهامان كردوەو كە فراكسیۆنە كوردستانیەكان و سەركردایەتی حزبە سیاسیەكان كۆبونەوەیەكی باڵا و فراوان ئەنجام بدەن ، چونكە دواجارە هەر دەبێت لەدەرەوەی پەرلەمان رێكەوتنی ساسی بكرێت بۆ چارەسەری كێشەكانی ئیستای عێراق ".

 


سەرۆكی فراكسیۆنی یەكگرتوو لەبەغداد وتیشی:" دەكرێت بۆ تێپەڕاندنی دۆخی ئیستا بەشێك لە كێشەو گرفتانەی ئیستا بخرێتە كات و قۆناغێكی تر چونكە هەموی پێكەوە ئاسان نیە ".

 


لەبارەی بەشداری پەرلەمانتارە كوردەكان لە كۆبونەوەكانی پەرلەمانی عێراقدا موسەنا ئەمین وتی:" چاوەڕوانی بڕیاری سەركردایەتی سیاسی كوردین كە پێدەچێت بەم زوانە كۆبونەوەیەكی باڵا ئەنجام بدرێت".

 

 

 


سەلام بێستانسوری