بەرپرسێكی باڵای یەزیدیەكان ڕایدەگەیەنێت هێزە عێراقیەكان لە میانەی پرۆسەی ڕزگاركردنی فەلوجەدا 354 ژنی یەزیدی ڕزگاركراون.


ئاژانسی هەواڵی ئەڵمانی لەزاری بەرپرسێكی باڵای یەزیدیەكان لە دهۆك بڵاوی كردۆتەوە سوپای عێراق لە شەڕی ئازادكردنی فەلوجەدا 354 ژنە یەزیدی ئازادكراون، كە لە لایەن ڕێكخراوی داعشەوە ڕفێندرابوون دوای داگیركردنی قەزای شەنگال لە ساڵی 2014 دا .


وتیشی ئێستا سەرگەرمی ئامادەكارین بۆ گێڕانەوەی ئەو هاوڵاتیە یەزیدیانە بۆ هەرێمی كوردستان كە لە ناوچەی عامریە لە ژێر چاودێری سوپای عێراقدان.

 

 

am

 

 

 

نووسەرو رۆژنامەنووسێك دەڵێت، ڕێژەی هەژاری لەهەرێمی كوردستان بەشێوەیەكی چاوەڕوان نەكراو ڕووی لەبەرز بوونەوە كردووە.
(جەرجیس گولی زادە) نووسەرو رۆژنامەنووس لەپەیجی خۆی لەفەیس بووك نووسیویەتی، ڕێژەی هەژاری لەهەرێمی كوردستان بەبەرارود لەگەڵ ناوچەكانی تری عێراق زۆر جیاوازە، بەشێوەیەكی لەهەرێم چەند هێندەی ناوچەكانی تری عێراقە.
ئەو رۆژنامەنووسە نووسیویەتی، لەماوەی نێوان ساڵانی (2013 – 2016) ڕێژەی هەژاری لەهەرێمی كوردستان بەڕێژەی (153%) بەرز بۆتەوە، ئەوەش لەئەنجامی ئەو گەندەڵی و ناعەدالەتییەی كە لەئارادایە دروست بووە.
گولی زادە باسیشی لەوەكردووە، كە ڕێژەی (153%) ی هەژاری لەهەرێمی كوردستان بەم شێوەیە، بڵاوبوونەوەی هەژارییە بەقەد پێنج هێندەی ناوچەكانی تری عێراق.

 

ئـ . كـ

 

بەرێوەبەرایەتی گشتی كەشناسی و بومەلەرزەزانی هەرێمی كوردستان پێشبینی كەش و هەوای 48 كاتژمێری داهاتوی ڕاگەیاند كە تێیدا ئاسمان ساماڵ دەبێت لە گەڵ بوونی تۆزوخۆڵ.

 

 

هەروەها گەرمترین و نزمترین پلەی گەرمای شارەكانی هەرێمی كوردستانی ڕاگەیاند كە نزمترینی 26پلەی سەدیە لە شارەكانی سلێمانی و دهۆك، و بەرزرتین پلەی گەرماش لە كەركوكە كە 42پلەی سەدیە.

 

 


سەلام بێستانسوری

 

 

كوردیو – دووزخورماتوو

 

درەنگانێكی شەوی رابردوو جارێكی تر گروپە چەكدارەكانی داعش هێرشیان هێنایەوە سەر سنووری قەزای دووزخورماتوو.
سەرچاوەیەك لەنێو قەزای دووزخورماتوو بۆ كوردیو ووتی، درەنگانێكی شەوی رابردوو داعش پەلاماری هێنایە سەر هەردوو گوندی (بیر ئەحمەدی گەورەو بچووك) لەباستاملی ڕووەو ناحیەی ئامرلی.
ئەو سەرچاوەیە باسیشی لەوەكرد، كە داعش دەستی گرتبوو بەسەر كۆمەڵێك خاڵی چەكدارە شیعەكانی ەشدی شەعبی، بەڵام دوای شەڕێكی نیو كاتژمێری چەكدارەكانی داعش پاشەكشەیان كردەوە شوێنەكانی خۆیان.
ئەمەو لەگەڵ پێكدادانەكانی نێوان حەشدی شەعبی و چەكدارەكانی داعش، پێشمەرگەش بۆ هەر ئەگەرێكی چاوەڕوان كراو خرایە حاڵەتی ئامادەباشی.

 

ئـ . كـ

 

نرخی نەوتی خاو لە بازاڕەكانی جیهان بە بەراورد بە رۆژی رابردوو سەدا 2 بەرزبونەوەی بەخۆیەوە بینیوە.

ئەمرۆ 19/6 نرخی نەوتی خاوی برێنت بەرمیلێك بە 49 دۆلار‌و 77 سەنتە.

هەروەها نرخی بەرمیلێك نەوتی خاوی ئەمەریكا بە 49 دۆلار 11 سەنتە.


ڕێبین عەلی

 

 

 

 

لەمیانەی بەردەوامی شەڕو پێكدادانەكانی نێوان هێزەكانی سوریای دیموكرات و گروپە چەكدارەكانی داعش، ئێستا شەڕەكە گەیشتۆتە دەروازەكانی شاری مەنبەج.
شاری مەنبەج دەكەوێتە ریفی حەلەب لەبەشی خۆرهەڵاتی و ئێستا هێزەكانی سوریای دیموكرات گەیشتوونەتە دەروازەكانی شارەكەو بەسەختی لەدژی گروپە چەكدارەكانی داعش دەجەنگن.
بەپێی سەرچاوە میدیاییەكان، هێزە كوردییەكان لەئێستادا لەدەروازەكانی شاری مەنبەج لەدژی گروپە چەكدارەكانی داعش دەجەنگن و فڕۆكە جەنگییەكانی سوپای هاوپەیمانانیش بۆردومانی پێگەكانی داعش دەكەن.
هاوكات سەرچاوەكان باس لەوەدەكەن، دوێنێ‌ داعش لەڕێگەی ئۆتۆمبێلیكی بۆمب ڕێژكراوەوە پەلامارێكی خۆكوژی كردۆتە سەر گەریلاكانی كورد، بەڵام هیچ زانیارییەك لەبارەی زیانەكانی نەزاندراوە، ئەوەش زاندراوە كە ئێستا هێزە كوردییەكان تەنها دوو كیلۆمەتر لەسەنتەری شاری مەنبەجەوە دوورن.
هەروەها لەسەرێكی ترەوە باس لەوەكراوە، كە دۆخی هاوڵاتیانی نێو شاری مەنبەج تەواو پەشۆكاوەو ئاوو كارەبا بڕاوەو كەلوپەلی خۆراكیش تەواو كەمبۆتەوە.
لەلایەن خۆشیەوە ناوەندی سوریا بۆ مافەكانی مرۆڤ رایگەیاندووە، بەسەدان هاوڵاتی شاری مەنبەج خۆیان گەیاندۆتە ژێر دەسەڵاتی ناوچەكانی هێزە كوردییەكان تاكو لەوێوە بچنە نێو ناوچە ئارامەكان.

 

ئـ . كـ

 

 

مینو رایولا بریكاری كارەكانی هەنریك موختاریانی ئەرمینی و یاریزانی یانەی بوروسیا دۆرتمۆند هەوڵەكانی خۆی دەستپێكردووە بۆ ئەوەی واژۆ لەسەر ئەو بۆندە بكات كە لەلایەن مانچستەر یونایتدەوە پێشكەشیان كراوە".

موختاریان رەتی كردۆتەوە بۆندەكەی لەگەڵ یانەی دۆرتمۆند نوێ بكاتەوە كە لە هاوینی داهاتوو كۆتایی پێدێت ، بۆیە چاوی لەوەیە خولی ئەڵمانیا بەجێبهێڵێت".

لەمبارەیەوە رایولا لە لێدوانێكیدا ووتی : " لەراستیدا كارێكی زۆر هەڵەیە ئەگەر گفتوگۆیەكانمان لەگەڵ یانەی مانچستەر یونایتد بوەستێنین".

ئەو دەڵێت : " ئێمە دڵخۆشین كە یانەی مانچستەر یونایتد گرینگی بە یاریزانەكە دەدات و لەدەرگای یانەی دۆرتمۆند دەدات".


 

رێكان عزیز

 

یانەی فەتحی سعودی بەشێوەیەكی فەرمی هەواڵی هەڵوەشاندنەوەی بۆندی سەلام شاكری بەرگریكاری تیپەكەی راگەیاند".

ناوەندی راگەیاندنی یانەی فەتح بڵاوی كردەوە : " وەك رێزێك بۆ باری تایبەتی ئێستای یاریزانەكە بە رەزامەندی هەردوولامان بۆندی سەلام شاكرمان هەڵوەشاندەوە".

شاكر كە لە مانگی داهاتوو تەمەنی دەبێتە (30) ساڵ ، هاوینی رابردوو بۆ ماوەی دوو ساڵ پەیوەندی بە یانەی فەتح كرد".

سەلام لە وەرزی رابردوو لەكۆی (26) یاری بەشداری (23) یاری كرد و توانی گۆڵێك تۆماربكات و گۆڵێك دروست بكات ، هەروەها گۆڵێكیش لە تۆڕی خۆیان تۆمار بكات".


 

رێكان عزیز

ئەمڕۆ یەك شەممە ، لەکاتی کردنەوەی بازاڕدا نرخی ١٠٠ دۆلار بە ١٢٧ هەزار و ٢٥٠ دینارە.

نرخی دراوەکانی دیکە بەم شێوەیەیە:

١٠٠ پاوەن بە ١٨٢ هەزار دینارە.

١٠٠ یۆرۆ بە ١٤٣ هەزار دینارە.

١٠٠ هەزار تمەنی‌ ئێرانی‌ بە ٣٦ هەزار و ٥٠٠ دینارە.

١٠٠ لیرەی تورکی بە ٤٤ هەزار دینارە.


ڕێبین عەلی

 

دوێنێ یارییەكانی گەڕی سێیەمی قۆناغی گرووپەكانی پاڵەوانیەتی جامی نەتەوەكانی ئەوروپا دەستی پێكرد و هەردوو هەڵبژاردەی فەرەنسا و سویسرا گەیشتنە قۆناغی دووەمی یۆرۆ".

بڕیارە ئەمرۆ یارییەكان بەردەوامیان هەبێت و دوو یاری ئەنجامبدرێت :

خشتەو كاتی یارییەكانی ئەمرۆ بەمشێوەیە :

كاتژمێر (10:00) : ( روسیا × وێڵز )

كاتژمێر (10:00) : ( سلۆڤاكیا × ئینگلتەرا )


 

رێكان عزیز