لوكا مۆدریچی كرواتی و ئەستێرەی هێڵی ناوەراستی یانەی ریال مەدرید ئاشكرای دەكات حەز ناكەن یارییەكەی ئەمشەو بگاتە لێدانی یەكلاكەرەوە لە خاڵی سزا و دەیانەوێت یارییەكەی زووتر تەواوبكەن".

مۆدریچ لە لێدوانێكیدا ووتی : " سەرەتا دەبێت لەیارییەكە بەباشی دەربكەوین و هێمن بین ، نابێت بیر لە تەنها (5) خولەك و (10) خولەكی سەرەتا بكەینەوە".

مۆدریچ ووتیشی : " ئێمە یاری رابردوومان شیكردەوە و هەستمان بە هەڵەكانمان كرد ، ئەمشەو بەرپرسیاریەتییەكی گەورەمان لەسەر شانە بۆ ئەوەی بتوانین ئەو پاڵەپەستۆیە تێپەرێنین".

لوكا لەدوا قسەی ووتی : " ئێمە نامانەوێت یارییەكە بگاتە لێدانی یەكلاكەرەوە ، دەمانەوێت ئەنجامەكە بۆ خۆمان مسۆگەربكەین".

رێكان عزیز
 

كوردیو ـ هەڵەبجە ـ حەیدەر حەمەصاڵح
سەر لە بەیانی ئەمڕۆ دادگای بەرایی هەڵەبجە چارەنوسی هەردوو منداڵە وون بوەكەی كیمیابارانی هەڵەبجەی یەكلا كردەوە و تۆماری مردنیان هەڵوەشێنردایەوە.

پارێزەر حەیدەر حەمەڕەشید صادق سەرۆكی لقی هەڵەبجەی سەندیكای پارێزەرانی هەڵەبجە لە كۆنفرانسێكی ڕۆژنامەنووسیدا ڕایگەیاند: هەشت مانگ پێش ئێستا وەك دەستەیەك لە پارێزەرانی هەڵەبجە، ئەم دەستەیەمان پێك هێنا بۆ تەوای كەیسی منداڵە وونبوەكانی هەڵەبجە و دواتر چەند كەیسێك هاتە بەردەستمان، ئەمڕۆ   دادگای باری كەسێتی هەڵەبجە بڕیاری دەركرد بۆ دوو لەو منداڵە وون بوانە كە بریتیتن لە هەریەك لە (چیا تەیب و ئالان تۆفیق )  كە ئێستا لە ژیان ماون و نەمردوون.


هەروەها ڕاشیگەیاند:  ئێمە داواكەمان واتۆماركردبوو تا دادگای هەستێت بە پۆچەڵكردنەوەی بەڵگەنامەی مردنەكانیان چونكە لەسەر جەم تۆمارەكاندا ئەودوانە بەشەهید تۆمار كرابوون،پاش ئەوەی تەوای بەڵگەكانمان خستەڕوو بۆ باری كەسێتی هەڵەبجە دادگاش سەرنجی لەسەر تەواوی بەڵگەكان داوە كە خراونەتە بەردەستی ،بۆیە دادگاش گەشتە ئەو بڕیارەی كە ئەم داوایە داوایەكی ڕەوایە و سەلمێنراوە كە ئەمانە زیندون بۆیە ئەمڕۆ دادگا بڕیاری دا بە پوچەڵكردنەوەی بەڵگەنامەی مردنەكانیان  .


سەرۆكی لقی هەڵەبجەی سەندیكای پارێزەرانی هەڵەبجە ئەوەشی خستەڕوو: ئێسَتە ئەو دوو منداڵە وون بوەی كیمیاباران وەك دوو كەسی زیندو وەك دوو هاوڵاتی خاوەن ماف و ئەرك لەبەردەم تەوای فەرمانگە فەرمیەكاندا مامەڵەیان لەگەڵ دەكرێت ،ئەوان پاش دەرچونی بڕیارەكە دەچنە بەردەم فەرمانگەی باری كەسێتی بۆ دروستكردنەوەی ناسنامەكانیان و دواتر ڕەگەز نامەكانیان.


هەردوو منداڵە وون بوەكەی كاتی كیمیابارانی هەڵًەبجە لەكاتی ساڵیادی كیمیابارانی هەڵەبجەدا  لە مەراسیمێكدا وپاش ئەنجام دانی بشكنین بۆیان بەخانەوادەكانیان شاد بونەوە .

 

سەلام بێستانسوری
 

 

 

چاوەڕوان دەكرێت هەفتەی ئاییندە ووڵاتانی بەرهەمهێنی نەوت لەقەتەر كۆببنەوە، بەڵام ناڕوونی تەوەری كۆبوونەوەكە جارێ‌ ناتوانێت جوڵە بەنرخەكانی نەوت بكات.
ئاژانس و سەرچاوە هەواڵییەكان باس لەوەدەكەن، تاكو كۆبوونەوەی دەوحە سازدەكرێت بۆ پرسی جێگیركردنی هەناردەی نەوت، ئەوا نرخەكان هەردەم لەبەرز بوونەوەو نزم بوونەوە دەمێننەوە.
ئێستا لەبازاڕی سووتەمەنی جیهانی، خستنەڕووی نەوت زۆرەو كڕیار كەمە، ئەوەش كاریگەری كردۆتە سەر نرخی نەوت و بەشێوەیەكی بەرچاو رووی لەدابەزین كردووە.
ئەمەو ئەمڕۆ نرخی بەرمیلێك نەوتی خام بۆتە (39.50) دۆلارو نرخی بەرمیلێك نەوتی برێنتیش بۆتە (41.80) دۆلار.

 

ئـ . كـ


 

 

زێنەدین زێدانی فەرەنسی و راهێنەری یانەی ریال مەدرید بانگهێشتی سەرجەم یاریزانانی تیپەكەی دەكات بۆ یارییەكەی ئەمشەو كە بڕیارە رووبەرووی یانەی فۆلفسبۆرگ ببنەوە".

زێدان لەوەڵامی پرسیاری رۆژنامەنوسێك ووتی : " بنزیمە گەڕایەوە و بۆ یارییەكەی ئەمرۆ ئامادەیە ، ئەو دەتوانێت بەشداری یارییەكە بكات".

زێدان ووتیشی : " ئێمە پێویستیمان بە (15 تا 20) خولەكی سەرەتای یارییەكەیە بۆ ئەوەی بتوانین هەنگاوەكان بەباشی بنێین و سەركەوتن بۆ قۆناغی داهاتوو مسۆگەربكەین".

زیزۆ ووتیشی : " ئەمە یەكەم یاری لووتكە نییە بۆ ئێمە ، بەڵكو توانیومانە پاڵەپەستۆی لەوە زیاتر تێپەرێنین و سەركەوتن تۆماربكەین".

لەكۆتاییدا زێدان ووتی : " من زۆر لەگەڵ یاریزانەكان قسەم نەكردووە ، چونكە ئەوان دەزانن لەماوەی ئەو (90) خولەكە پێویستە چی بكەن".

رێكان عزیز

 
 
 
رۆِژنامەی فاینانشال تایمزی بەریتانی ڕایدەگەیەنێت بارودۆخی خراپی ئێستای عێراق و گیرۆدەبوونی هاوڵاتیان بە دەست بەرپرسانی گەندەلەوە وای لە هاوڵاتیانی عێراق كردووە بە هەرێمی كوردستانیشەوە  كە بە چەكی كیماوی بۆردومان كراون خۆزگە بخوازن بە سەردەمی سەدام حسێنی ڕژێمی پێشوو .
 
بە گوێرەی ڕاپۆرتێكی ڕۆژنامەكە، دوای 13 ساڵ لە ڕوخانی ڕژێمی بەعس، وڵات بە دەیان قەیرانی سیاسی و مەزهەبی و ئابوریەوە دەناڵێنێت و ئێستا هەموو نەتەوە و مەزهەبەكان بە شیعە و سونە و كوردەوە، خۆگە بە سەردەمی سەدام حسێن دەخوازن و پێیان وایە ئەو دیموكراسیەی ئەمریكا بانگەشەی بۆ دەكرد لە عێراقدا مایە پوچ بوو.
 
رۆِژنامەی فاینانشال تایمز ئاماژەی بەوەكردووە، وڵاتی عێراقی دەوڵەمەند بە نەوت، ئابوریەكەی بەرەو داڕمان دەڕوات، هۆكاری سەرەكیش بریتیە لە چینێكی گەندەڵكار كە دەستیان بەسەر دەسەڵاتدا گرتووە و خێر و بێری وڵات تەخشان و پەخشان دەكەن لە بری ئەوەی دوای 13 ساڵ كەرتی تەندروستی و كارەبا و ئاو چارەسەر بكەن.
ڕژۆنامەكە دەڵێت" هاوڵاتیانی هەرێمی كوردستان كە سەدام حسێن بە چەكی كیمایی بۆردومانی كردن و زیاتر لە 5 هەزار كەسی لێ كوشتن، ئێستا ئەوانیش خۆزگە بە سەردەمی ڕژێمی بەعس دەخوازن بەهۆی ئەو هەموو قەیرانانەی توشی وڵاتەكەیان بووە".
 
 
a.m

    سەرۆكی لیستی هاوپەیمانی هێزە عێراقیەكان ڕایدەگەیەنێت: داوایەكی ئەمریكاو ئێرانی بە توندی  ڕەت كردوەتەوە بە مەبەستی بەشداری كردن لە كابینە نوێكەی حەیدەر عەبادی و كۆبوەنەوەی لەگەڵ سێ سەرۆكایەتیەكەی عێراقدا.
 
ئەیاد عەلاوی یەكەم سەرۆك وەزیرانی  عێراق لە دوای ڕووخانی رژێمی بەعس و جێگری پێشووی سەرۆك كۆماری عێراق ڕایگەیاند: ڕۆژی یەك شەممەی ڕابردوو شاندێكی ئێران سەردانیان كردووە داوایان لێ كردووە بەشداری بكات لە حكومەتە نوێكەی سەرۆك وەزیرانی عێراق، ئەیاد عەلاوی لە وەڵامی داواكارییەكانی شاندەكەی ئێران پێی ووتون ئەوە پەیوەندی بە ئێوەوە نیە.


هەروەها ئاماژەی بەوەش كرد: نوێنەری ئەمریكا لە بەغداد داوای لێ كردووە بەشداری لە  حكومەتە تەكنۆكراتیەكەی عێراقدا بكات كە ئێستا مشتومڕی لەسەر دەكرێت بەڵام ئەیاد عەلاوی ڕەتی كۆدوەتەوە بەشداری بكات.

 

سەلام بێستانسوری
 

 

بڕیارە ئەمرۆ لەیارییەكانی گەرانەوەی قۆناغی چارەكی كۆتایی یانە پاڵەوانەكانی ئەوروپا هەردوو یانەی پاریس سان جێرمان و مانچستەر سیتی رووبەرووی یەكترببنەوە".

یارییەكە كاتژمێر (9:45) شەو لەیاریگای (ئیتیحاد) لەشاری مانچستەر ئەنجامدەدرێت ، ئەمەش پێكهاتەی پێشبینیكراوی هەردوو یانەیە :

رێكان عەزیز
 

 

كوردیو – گوێڕ

 

گروپە چەكدارەكانی داعش گولە هاوەنێك ئاڕاستەی سەنگەرێكی پێشمەرگە دەكەن لەمیحوەری گوێڕو بەهۆیەوە دوو پێشمەرگە بریندار دەبن.
سەرچاوەیەك لەمیحوەری گوێڕی هێزەكانی پێشمەرگە رایگەیاند، ئێوارەی دوێنێ‌ گروپە چەكدارەكانی داعش هاوەێكیان لەسەنگەرێكی پێشمەرگە كردووەو لەئەنجامیشدا دوو پێشمەرگە برینداربوونە.
ئەمەو هەر ئێوارەی دوێنێ‌ لەقەزای داقوق داعش بۆردومانی سەنگەرێكی پێشمەرگەی كردبوو، لەئەنجامیشدا چوار پێشمەرگە بریندارببوون.

 

ئـ . كـ

 

 

لەئێستادا سینسا میهالۆڤیچی سڕبی و راهێنەری یانەی میلانی ئیتاڵی بەبارودۆخێكی زۆر خراپ تێپەردەبێت و دوای دۆراندنی بەرامبەر یانەی یوڤینتۆس لەدواین یاری تیپەكە لە خولی ئیتاڵیا".

رۆژنامەیەكی ئیتاڵی بڵاوی كردەوە یانەی میلان كە لە دواین پێنج یاریدا شكستی هێناوە لە تۆماركردنی سەركەوتن دەیەوێت میهالۆڤیچ دووربخاتەوە".

سەرۆكی یانەی میلان (بێرلسكۆنی) بڕیاریداوە لەكۆتایی ئەم وەرزە دەستبەرداری میهالۆڤیچ بێت و داوای لە ئیدارەی یانەكەی كردووە بیر لە گواستنەوەی راهێنەرێكی دیكە بۆ یانەكەیان بكەنەوە".

رێكان عزیز

 

یانەی مانچستەر سیتی نزیكدەبێتەوە لە گواستنەوەی ئیلكای گۆندوگانی ئەستێرەی یانەی بوروسیا دۆرتمۆندی ئەڵمانی بۆ ئەوەی بیگوازێتەوە خولی نایابی ئینگلتەرا".

تۆڕی هەواڵی سكای سپۆرتیسی ئینگلیزی بڵاوی كردەوە : " لەسەرداوای پیپ گواردیۆلا ، یانەی مانچستەر سیتی بۆند لەگەڵ گۆندوگان واژۆ دەكات و دەیباتە یاریگای ئیتیحاد".

تۆڕەكە بڵاویشی كردەوە ، ناكۆكی نێوان بوروسیا دۆرتمۆند و مانچستەر سیتی تەنها (10) ملیۆن یۆرۆیە ، یانە ئەڵمانییەكە داوای (45) ملیۆن یۆرۆی كردووە و مان سیتی تەنها (35) ملیۆنی ئامادەكردووە".

رێكان عزیز