یەكێك لە چەكدارەكانی داعش كە لە شەڕی تەلسقۆف بە برینداری دەكەوێتە دەستی پێشمەرگە، داوایان لێدەكات زوو كۆتایی بە ژیانی بهێنن، چونكە بە گوتەی خۆی، ئیسراو میعراجە و دەیەوێ‌ سەعات چواری ئێوارە لە بەهەشت بێ‌. پێشمەرگەیەك كە چارەسەی ئەو بریندارەی داعشی كردووە، دەڵێت دیلەكەی داعش پێیگوتووە تۆ كافری چارەسەرم مەكە.

موقەدەم سالم سورچی لە فەرماندەیی سپیلك كە ئەو دیلەی داعشی تیمار كردووە، بۆ رووداو وتی"ئێوارەی رۆژی یەكەمی شەڕی تەلسقۆف پێشمەرگە هەموو سەنگەرەكانی پێشووی خۆیان گرتەوە، بەڵام ناو سەنتەری شارۆچكەی تەلسقۆف هێشتا بەتەواوی نەگیرابووەوە، لە بەرەبەیانی رۆژی دووەمدا نزیكەی 50 خۆكوژ لەنێو شارۆچكەكە هێرشیان هێنایە سەر سەنگەرەكانی پێشمەرگە، ئێمەش هەر زوو بەرپەرچمان دانەوە و شەڕێكی سەخت روویدا".

سالم لەو پێشمەرگانە بوو كە لەو شەڕە گەرمەی نێوان خۆكوژەكانی داعش و پێشمەرگەدا بووە و دەڵێت "ئەوان شەڕێكی زۆر سەختیان دەكرد، هەمووشیان خۆكوژبوون، چەند بەرگریمان دەكرد ئەوان هەر نزیك دەبوونەوە، لە كۆتاییدا بووە شەڕی نارنجۆك، فەرماندەیەكی ئێمە لەگەڵ دوو پێشمەرگەی دیكە شەهید بوون، دوای سێ كاژێر كە دەنگی تەقەیان نەما، چووینە سەر لاشەكانیان".

هەرچەندە یەكێك لەو پێشمەرگانەی لەو شەڕەدا شەهید بوون و سێ‌ لە هاوڕێ‌ نزیكەكانیشی بریندار بوون، بەڵام ئەوە رێگر نەبوو لەوەی سالم هەستی مرۆڤانەی خۆی بەرامبەر بریندارێكی داعش نیشان بدات و هەوڵ بدات لە مەرگ رزگاری بكات.

سالم دەڵێت "بە مۆبایلەكەم وێنەی ڤیدیۆیی چەكدارانی داعشم دەگرت، بینیم یەكێك لەو چەكدارانە قاچی دەجووڵا، بۆیە دەستم لەسەر سینگی دانا بۆ ئەوەی هەناسەی دەستكردی بۆ بكەم، چوار جار هەناسەی قووڵی هەڵمژی و ئاگای لە خۆی بوو، تەنانەت قسەشی كرد".

موقەدەم سالم قسەكانی ئەو دیلە داعشە دەگێڕێتەوە و دەڵێت "پشتێنە بۆمبڕێژكراوەكەی ئەو نەتەقیبووەوە، بەڵام بەهۆی تەقینەوەی پشتێنە بۆمبڕێژكراوەكانی برادەرەكانی، قاچی بریندار بووبوو نەیدەتوانی بڕوات و پێیگوتم ئێوە كافرن، بمكوژن".

سالم گوێ بە قسەی ئەو بریندارەی داعش نادات و قاچە بریندارەكەی دەرمان دەكات. ئەو دەڵێت "كە برینەكەم دەرمان دەكرد، پێمگوت خەڵكی كوێی؟ گوتی خەڵكی سامەڕام، هاتینە ئێرە بۆ جیهاد. ئێمە 50 چەكدار بووین، بڕیاربوو هەموومان خۆمان بە پشتێنی بۆمبڕێژكراو بتەقێنینەوە، چونكە ئەمڕۆ رۆژی ئیسرا و میعراجە، دەبێ‌ سەعات چواری ئێوارە هەموومان لە بەهەشت بین.. بمكوژن".

رۆژی 3/5/2016 چەكدارانی داعش هێرشێكی بەرفراوانیان كردە سەر هێزەكانی پێشمەرگە لە میحوەری تەلسقۆف كە دانیشتووانەكەی كریستیانن. هەرچەندە سەرەتا داعش توانی كۆمەڵگەكە داگیر بكات، بەڵام دواتر هێزەكانی پێشمەرگە بە هاوكاریی فڕۆكەكانی هاوپەیمانان كۆمەڵگەكە كۆنتڕۆڵ دەكەنەوە.

لەو شەڕەدا لاشەی 81 چەكداری داعش كەوتە دەست هێزەكانی پێشمەرگە. هەروەها سێ‌ چەكداری داعشیش بە دیلی كەوتنە دەست پێشمەرگە. موقەدەم سالم دەڵێت "دوو چەكدارەكەی دیكە چەك و تەقەمەنییان پێ نەمابوو، بەهۆی ئەوەی پشتێنە بۆمبڕێژكراوەكانیان لەكاركەوتبوو نەیانتوانیبوو خۆیان بتەقێننەوە، بۆیە بە دیلی كەوتنە دەست پێشمەرگە. بریندارەكە هەتا لەلای ئێمە بوو بەردەوام دەیگوت بمكوژن بۆ ئەوەی بچمە بەهەشت".


ڕێبین عەلی

 

 

زڵاتان ئیبراهیمۆڤیچی سویدی و ئەستێرەی هێڵی پێشەوەی یانەی میلانی ئیتاڵی دەیەوێت بگەرێتەوە ریزی یانە پێشووەكەی".

ئیبراهیمۆڤیچ لە لێدوانێكیدا كە ماڵپەری (فوتبۆڵ ئیتاڵیا) بڵاوی كردۆتەوە دەڵێت : " كاتێك میلانم بەجێهێشت دڵخۆش نەبووم ، نەمدەویست ئەو بڕیارە بدەم ، چونكە ئەوە بڕیاری من نەبوو".

ئەو دەڵێت : " پێم وایە من لە گەورەترین یانەی جیهان یاریم كردووە ، من میلانم خۆشدەوێت عاشقی ئەو تیپەم ، دەرچوونم لە یانەكە بۆتە بەشێك لە رابردوو".

سوڵتان لە لێدوانەكەی ووتی : " دەبێت چاوەرێی داهاتوو بكەین بزانین چی روودەدات ، من لە كاتەكانی كۆتاییم لەگەڵ یانەی پاریس سان جێرمان و دوای كۆتایی هاتنی وەرز بڕیارێكی گونجاو دەدەم".


 

رێكان عزیز

كوردیوـ سلێمانی
هەرچەندە بڕیار وایە سبەینێ شەممە ئەنجومەنی نوینەرانی عێراق كۆببێتەوە و سەرۆكی پەرلەمانیش دوای لەسەرجەم پەرلەمانتاران كردوە كە ئامادەی كۆبونەوەكەبن، بەڵام پەرلەمانتارانی كورد رایدەگەیەنن ئەوان بەشداری ئەو كۆبونەوەیە نابن.
دكتۆر موسەننا ئەمین سەرۆكی فراكسیۆنی یەكگرتوو لە پەرلەمانی عێراق، لە لێدوانێكی تایبەتدا بە كوردیوی راگەیاند" پەرلەمانتارانی كورد بەشداری كۆبونەوەی سبەی پەرلەمان ناكەن "
سەرۆكی فراكسیۆنی یەكگرتوو وتیشی" وەك پەرلەمانتارانی كورد ڕامان گەیاندوە" پێویستە لایەنە سیاسیەكان كۆببنەوە بڕیارێك لەبارەی گەرانەوەی پەرلەمانتارانی كورد بدەن و پێویستە كورد گرنتی وەربگرێت بۆئەوەی جارێكی تر ئەو حاڵەتانەی ڕابردوو ڕونەدەنەوە ژینگەیەكی لەباریش فەراهەم بهێنرێت بۆ كۆبونەوەكان"

سەرچاوەیەكیش لەپەرلەمانی عێراق ئاماژەی بەوەداوە "ئەگەر پەرلەمانتارانی كورد و پەرلەمانتارە مانگرتوەكان بەشداری كۆبونەوەكە نەكەن ئەوا نیسابی یاسای تەواو نابێت و ئەمەش دەبیتە هۆی پەكخستنی كۆبونەوەكەو لیژنەكەكانیش بۆئەوەی كارەكانیان بكەن پێویستە نیسابیان تەواو بێت"
جێگەی ئاماژەیە لە هەفتەی رابردودا خۆپیشاندەران هێرشیان كردە سەر باڵەخانەی پەرلەمان و ئەمەش بوە هۆی ئەوەی كە پەلاماری پەرلەمانتارانی كورد بدرێت ئەوانیش گەڕانەوە هەریمی كوردستان و ماوەی دووڕۆژیشە سەلیم جبوری سەرۆكی ئەنجومەنی نوێنەران هاتوەتە سلێمانی بۆ رازیكردنی پەرلەمانتارانی كورد بۆئەوەی بگەڕێنەوە هۆلی پەرلەمان.

أ.س

 

 

 

 

نرخی دۆلار لە کاتی داخستنی بازاڕدا بەرزبوونەوەی بەخۆیەوە بینی و نرخی ١٠٠ دۆلار گەیشتە ١٢٩ هەزار و 65٠ دینار.

١٠٠ پاوەن بە ١٨٦ هەزار دینارە.

١٠٠ یۆرۆ بە ١٤٧ هەزار و ٥٠٠ دینارە.

١٠٠ هەزار تمەنی‌ ئێرانی‌ بە ٣٧ هەزار دینارە.

١٠٠ لیرەی تورکی بە ٤٣ هەزار ٥٠٠ دینارە.


ڕێبین عەلی

 

 

ئارسن ڤینگەری فەرەنسی و راهێنەری یانەی ئەرسناڵی ئینگلیزی هەوڵەكانی خۆی چڕ كردۆتەوە بۆ گواستنەوەی ئەستێرەیەكی یانەی ریال مەدرید".

رۆژنامەی دەیلی ئێكسپرێسی بەریتانی بڵاوی كردەوە ڤینگەر ئامادەیی خۆی نیشانداوە بۆندێك پێشكەشی ریال مەدرید بكات بۆ ئەوەی لوكاس فاسكێز بباتە یاریگای ئیمارات".

ئەو رۆژنامەیە روونی كردۆتەوە ، ڤینگەر دڵنیایە لە رۆیشتنی ئەلێكسیس سانچێز بۆ دەرەوەی لەندەن و بۆ ئەمەش دەیەوێت فاسكێز بكاتە شوێنگرەوەی ئەستێرە چیلییەكە".

لەئێستادا ئەرسناڵ دەبێت ركابەری یانەی لیڤەرپوول بكات بۆ ئەوەی یاریزانەكە بباتە ریزەكانی چونكە فاسكێز بۆتە جێگای تێبرینی یۆرگن كلۆپی ئەڵمانی".


 

رێكان عزیز

وەزیری تەندروستی حكومەتی هەرێمی كوردستان ڕایدەگەیەنێت: لە هەرێمی كوردستاندا چاندنی مۆخی ئێسك بۆ 170 نەخۆش بەسەركەوتوی ئەنجام دراوە.

د.ڕێكەوت حەمە ڕەشید وەزیری تەندروستی حكومەتی هەرێمی كوردستان لە لاپەڕەی خۆی لە تۆڕی كۆمەڵایەتی فەیسبوك نوسیویەتی:" نەشتەرگەری چاندنی مۆخی ئێسك بەسەركەوتویی بۆ170 نەخۆشانی تالاسیمیا ئەنجام دراوە.


هەروەها وتیشی: سەنتەرەكانی تالاسیمیا لە هەرێمی كوردستان بەردەوام لە خزمەتی نەخۆشەكانین بەهەوڵ و دڵسۆزی پزیشكان و كارمەندان كە جێگای دەست خۆشیە.

 

 


سەلام بێستانسوری

 

 

 

یەكەم: بیلبیلەی چاوی مرۆڤ (١٣٠) ملیۆن ڕووناكی وەرگری تێدایە كە بە سیستەمێكی زۆر ئاڵۆز بەستراونەتەوە بە دەمارەكانەوە.
دووەم: برژان و پێڵووی چاوی مرۆڤ چاو لە تەپوتۆز و شتی نامۆ و ترسناك و مەترسیدار دەپارێزن، هەروەها برژانگ سێبەر دروست دەكات بۆ چاو و لە تیشكی راستەوخۆی خۆر دەیپارێزێت و تیشكەكان دەشكێنێتەوە، پێڵووش ناهێڵێت چاو تووشی وشكبوونەوە بێت، چونكە زوو زوو بە فرمێسك دەیشوات و پاكژی دەكاتەوە.
سێیەم: تێكڕای هێزی بینینی چاو لە مرۆڤی ئاساییدا دەگاتە (0.3000) پلە بۆ هەر خولەكێك.
چوارەم: لەفرمێسكی مرۆڤدا جۆرە ماددەیەك هەیە كە دەتوانێت زیاتر لە (١٠٠) جۆر بەكتریا و ڤایرۆس بكوژێت، سەر لەوەدایە ئەگەر ئەو فرمێسكە (٦٠٠) جار روون و سووك بكرێتەوە (تخفیف) بكرێت، هەر هەمان توانا و كاریگەریی خۆی دەمێنێت.
پێنجەم: چاوی مرۆڤ دەتوانێت (١٢٠ تا ١٢٥) رەنگی جۆراوجۆری دیاریكراو لە یەكتر جیا بكاتەوە، هەروەها لە تواناشیدایە كە (١٠ ملیۆن) رەنگی ئاوێتەكراو و تێكەڵاو بناسێتەوە.

 

ئـ . كـ

 

 

چا یان چایی ناوێكی چینییە بەكاردێت بۆ ئەو درەخت و دەوەن و گەڵاو خواردنەوەیەی لەگەڵا دروستدەكرێت، ڕووەكەكەی هەردەم سەوزەو شوێنی بنەڕەتی ڕۆژهەڵاتی ئاسیایە، لە شوێنی خۆیدا تا ٩ مەتر بەرز دەبێتەوە، بەڵام لە كێڵگەكاندا دەوەنی بچوكن درێژییان (٩٠ – ١٥٠) سەنتیمەترەو گەڵاكانی ڕمییە لە شێوەداو ڕەنگی سەوزی تۆخەو گوڵەكانی سپی زەردباوی بۆنخۆشەو لە سەدەی هەشتدا چێنراوە بە شێوەیەكی بازرگانی.

چا بەخواردنەوەیەك هەژمار دەكرێت كە زۆرترین بەكارهێنانی هەیە لە دوای ئاوەوەو گرنگترین ووڵاتانی بەرهەمهێنی چا ئەمانەن: (هیندستان، چین، سیلان، ئەندەنوسیاو ژاپۆن) و ئەو ووڵاتانەی زۆرترین وەریدەگرن، شانشینی یەكگرتوو، وویلاتە یەكگرتووەكانی ئەمریكا، ئوسترالیا، ڕووسیا، كەنەدا، هۆڵەندا. چاندنی پێویستی بە خاكێكی پاراوی سوك هەیە، لەگەڵ كەشێكی گەرم و هەوای شێدارو بارانێكی زۆر، گەڵاكانی بە سەوزی بە دەست لێدەكرێنەوەو وازیان لێ دەهێندرێت تا ووشك دەبن.
تامی چا هۆكارەكەی زەیتێكە، تایبەتمەندیی بێداركردنەوەی هەیە بە هۆی ئەو كافایینەی تێیدایەتی، لە ناودارترین و بەچێژترین خواردنەوەكانە لە جیهاندا، لە شێوەو تامی جیاوازدا پێشكەش دەكرێت و ئامادەكردنی پێنج دەقیقە دەخایەنێت، خەڵك جیاوازن لە خواردنەوەی چادا، هەندێك زۆر پێیان خۆشە، هەندێكی تر بە شیرەوە پێیان خۆشترەو هەندێك بە سادەیی.
لێكۆڵینەوە زانستی یەكان ئەوەیان دەرخستوە كە ( چا ) چەند سودێكی هەیە وەك:-

1. چاڵاككەرەوەیەكی باشە بۆ مێشكەو پشووی پێ دەدات.
2. بۆجوانی پێست بەسودە.
3. بۆ كۆئەندامی میز بەسودە.
4. لە كاتی سكچوون و ڕشانەوەدا یارمەتی نەخۆش دەدات بۆ گەڕانەوەی ئاوی لەش، بەڵام بە مەرجێك بە لایەنی كەمەوە دوای یەك كاتژمێر لەنان خواردن بخورێت، چونكە ئەگەر ڕاستەوخۆ دوای نان خواردن بخورێتەوە زەرەر دەدات و ماددە ئاسنەكانی لە ناو دەبات.

 

ئـ . كـ

 

 

 

لەكاتی نووستندا، زۆر جار لیك لە دەم دەڕژێت لەبەر زەحمەتی لە قووتدانی لیك و هێشتنەوەی لەناو دەمدا. 

شێوەی دەم ئاوایە كە پارێزگاری لە مانەوەی شلە تیایدا دەكات و لەكاتی پێویست شلەی زیاد قووت دەدرێت، بەڵام كە بڕی شلە زیاتر بوو لە توانای دەم بۆ هێشتنەوەی شلە ئەوا شلەی زیاد كە بە رێژەی گونجاو قووت نەدرێت بە لێوارەكانی دەمدا دێتە دەرەوە، بۆ نموونە زیاد دەردانی لیك هۆكارێكە.
گلاندەكانی لیك بەردەوام لیك دەردەدەن بۆ تەڕكردنی دەم و قوڕگ، دەردانی لیك لەكاتی خواردن و بە هۆكاری تر زیاد دەبێت.
لەكاتی نووستندا، لەوانەیە كە میكانیزمەكانی هێشتنەوەی لیك لەناو دەم و قووتدانی لیك بە باشی كارنەكەن، بۆیە لیك لە گۆشەكانی دەم دەڕژێت.
لە منداڵاندا، رژانی لیك لەكاتی نووستندا حاڵەتێكی زۆر باوە لەبەر هێشتا پەرەنەسەندنی كاردانەوەكان، لە پێگەیشتوواندا، رژانی كەمێك لیك لەكاتی نووستندا ئاساییە، بەڵام بڕی زیاد لەوانەیە كە گرفتێكی تەندروستی لەپاڵ بێت، بۆ نموونە نەخۆشی پاركینسۆن، جەڵتەی مێشك، ئیفلیجبوونی دەماری دەموچاو (دەماری حەوتەم)، نەخۆشی زەهایمەر، زیانی لابەلای هەندێك دەرمان، هەروەها لەكاتی دووگیانیدا بڕی لیك زیاد دەبێت.

 

ئـ . كـ

 

 

مارسیلۆ جۆنیۆری بەرازیلی و باڵی چەپی یانەی ریال مەدرید لە رایەكەی پەشیمان نابێتەوە و پێی وایە لە بەدەستهێنانی نازناوی ئەم وەرزەی خولی یانەكانی ئیسپانیا هیوایان ماوە".

مارسیلۆ جۆنیۆر لە لێدوانێكیدا بۆ رۆژنامەنوسان ووتی : " لەسەرەتای یارییەكانی ئەم وەرزەی خولی یانەكانی ئیسپانیا پێم وابوو دەتوانین نازناوەكە بەرزبكەینەوە ، ئێستاش هەمان رام هەیە و پەشیمان نەبوومەتەوە".

مارسیلۆ دەڵێت : " هێشتا دەرفەتی زیاترمان ماوە و پێویست دەكات لەیاری داهاتوو بردنەوە تۆماربكەین ئەوكات سەیری تەواوی ئەنجامەكان بكەین".

مارسیلۆ لەبارەی كریستیانۆ رۆناڵدۆی هاورێی دەڵێت : " بیركردنەوەمان نەگۆراوە و بەردەوامین لە ركابەریكردن تا دوا ساتەكان ، ئەمەش خەسڵەتی تایبەتی تیپەكەمانە".

لەكۆتاییدا مارسیلۆ لەبارەی ماڵئاوایی كردنی ئەربیلوا ووتی : " من زۆر شت لەو فێربووم ، كاتێكی زۆرمان بەسەربرد ، لە كەشێكی زۆر خۆش ماڵئاوایی كرد".


 

رێكان عزیز