خۆپیشاندانی لایەنگرانی موقتەدا سەدر تا ئێستا بەردەوامەو لە گرتەیەكی ڤیدیۆیی ئەوە دەردەكەوێت كە چەند خۆپیشاندەرێك بە ئۆتۆمبێلی سوپای عێراق بەرەو ناو پەرلەمان دەرۆن .

 

 

كوردیو - هەولێر

لەسەر رووداوەكانی هەولێرو هێرشكردنە سەر دوو مزگەوت و هەڵكوتانە سەر مامۆستایانی ئایینی و لێدان و دەستگیركردنی نوێژخوێنان، هەردوو فراكسیۆنی خزمەت و گۆڕان لە ئەنجومەنی پارێزگای هەولێر دێنە دەنگ.

لە بەیاننامەیەكی هەردوو فراكسیۆنی خزمەت (یەكگرتووی ئیسلامی و كۆمەڵی ئیسلامی) و گۆڕان ئەوە هاتووە: لە كاتێكدا مامۆستایان ڕۆڵی كاریگەریان هەبووە لە پاراستنی ئاشتی كۆمەڵایەتی و پێكەوە ژیان لە كۆمەڵگەدا و پێویستە حورمەتی زانایانی ئاینی و حەرەمی مزگەوت پارێزراوبێت ، لە بەرانبەردا لە سەر كار لادانی مامۆستایانی ئاینی و بێ بەشكردنیان لە وتارخوێندنەوە بێ هیچ پاساوێك بە كارێكی نەشیاوی دەزانین .


دەقی بەیاننامەی فراكسیۆنەكانی ( گۆڕان _ خزمەت ) لە ئەنجومەنی پارێزگای هەولێر سەبارەت بە رووداوەكانی ئەمرۆی شاری هەولێر


دەقی بەیاننامەی فراكسیۆنەكانی ( گۆڕان _ خزمەت ) لە ئەنجومەنی پارێزگای هەولێر سەبارەت بە رووداوەكانی ئەمرۆی شاری هەولێر:

لە كاتێكدا كە هەرێمی كوردستان بە دۆخێكی قەیراناوی دارایی دا تێدەپەڕێت و ، سەرەڕایی ئەو بارە ناسەقامگیرەی ناوچەكە كە بە هۆی شەری تیرۆرستانی داعشەوە تێیكەوتووە ، زیاتر پێویستمان بە تەبایی و ئاشتی و یەك ریزی ناوەخۆیە ، بەڵام بە داخەوە ئەو حاڵەتە نەخوازراوەی كە گشت لایەكمان لێی دەترسین بریتییە لە دروستبوونی پشێوی و تێكچوونی ئاشتی كۆمەڵایەتی لە لایەك و دووبارەبوونەوەی لە لایەكی ترەوە لە كاتێكدا مامۆستایان ڕۆڵی كاریگەریان هەبووە لە پاراستنی ئاشتی كۆمەڵایەتی و پێكەوە ژیان لە كۆمەڵگەدا و پێویستە حورمەتی زانایانی ئاینی و حەرەمی مزگەوت پارێزراوبێت ، لە بەرانبەردا لە سەر كار لادانی مامۆستایانی ئاینی و بێ بەشكردنیان لە وتارخوێندنەوە بێ هیچ پاساوێك بە كارێكی نەشیاوی دەزانین .

لە لایەكی تریشەوە پەلاماردانی نوێژخوێنان لەلایەن چەند كەسانێكەوە كە هێرشیان كراوەتە سەر و چەند كەسێكیش لە ئەنجامی دروستبونی پشێوی لە ناو مزگەوت بریندار دەبن و دواتریش چەند كەسێكیش لە لایەن دەزگاكانی ئەمنییەوە دەستگیردەكرێن .

هەروەها پەلاماردانی ستافی كەنالەكانی ڕاگەیاندن و شكاندنی كەلوپەلەكانیان ، كارێكی نایاسایی و دوورە لە مافی ئازادی ڕا دەربرین و كاری رۆژنامەنووسی وهەموو جۆرە كارێك كە مافی مرۆڤ پێشێل بكات ئیدانەی دەكەین .

پێشمان وایە هەر بڕیارێكی حكومەت كە دەری دەكات لە پێناو جێ بە جێ كردن و یەكلاكردنەوەی پێویستە پەنا بۆ دادگا ببردرێت .

بۆیە داواكارین لە دەزگاكانی ئەمنی و لایەنە پەیوەندیدارەكان ، دەست بەجێ‌ لێكۆلینەوەی جددی لەسەر رووداوەكانی هەردوو مزگەوتی الله اكبر و مزگەوتی جودی بكرێت ، تاكو تاوانباران دەست نیشان بكرێن و بدرێن بە دادگا و سزای خۆیان وەربگرن .

فراكسیۆنی خزمەت ، فراكسیۆنی گۆڕان
ئەنجومەنی پارێزگای هەولێر

م. كانی

 

كوردیو - هەولێر

لە بەرەبەیانی ئەمرۆ شەممەوە هێزەكانی پێشمەرگە هێرشیان دەست پێ كردوەو چەند گوندێكیان كۆنترۆڵ كردەوە ، ئێوارەی ئەمرۆش توانیان بچنە ناو گوندی بەشیرەوە .

هێزەكانی پێشمەرگەی كوردستان دوای شەرێكی درێژخایەن توانیان خۆیان بگەیەننە ناو گوندی بەشیرو لە ئێستادا لەناو گوندەكە شەڕ بەردەوامە .

گوندی بەشیر یەكێكە لە گوندە ستراتیجیەكانی ناوچەكە كە دەكەوێتە باشووری رۆژئاوای كەركووك .

 

م. كانی

 

كوردیو - بەغدا

دوای ئەوەی خۆپیشاندەران و لایەنگرانی موقتەدا سەدر پەرلەمانیان كۆنترۆڵ كردو بەرەو ئەنجومەنی وەزیران هەنگاویان نا ، سەرۆك وەزیرانی عێراق فه‌رمانده‌ی‌ فیرقه‌ی‌ ئاڵتونی راسپارد بۆ ‌پاراستنی ئه‌نجومه‌نی وه‌زیران لەدژی خۆپیشاندەران .

بەپێی ئەو زانیاریانەی بڵاوكراونەتەوە حەیدەر عەبادی، سەرۆك وەزیرانی عێراق ناوچەی سەوزی بەجێ هێشتووە ، بەڵام فەرمانی دەركردووە كە فازڵ بەرواری فەرماندەی فیقرەی ئاڵتونی باڵەخانەی ئەنجومەنی وەزیران بپارێزێت .

لە ئێستادا جگە لەوەی خۆپیشاندەران باڵەخانەی پەرلەمانیان داگیركردووە هەوڵ دەدەن بەرەو باڵەخانەی ئەنجومەنی وەزیران برۆن و ئەوێش كۆنترۆڵ بكەن .


م. كانی

 

 

كوردیو - بەغدا

دوای ئەوەی خۆپیشاندەران د. عەمار طعمەی سەرۆكی فراكسیۆنی فەزیلەیان دەست بەسەر كرد لە گرتەیەكی ڤیدیۆییدا دەردەكەوێت خۆپیشاندەران لێی دەدەن .

 

 

م. كانی


راپۆرتە رۆژنامەكانی ئینگلیزی ئاشكرایان كردووە راهێنەری ئیتاڵی و داهاتووی چێلسی ئەنتۆنیۆ كۆنتی رەتی كردەوە رێگە بدات گۆلچی بەلجیكی تیبۆ كۆرتوا لە هاوینی داهاتوو یانە لەندەنیەكە جێبهێلێت .
یاریزانی بەلجیكی هەوڵ دەدات پەیوەندی بكات بەیانەكی تر ، دوای ئەوەی یانەی بلوز شكستی هێنا لەبەشداری كردنی یاریەكانی خولی یانە پاڵەوانی ئەوروپا لەوەرزی داهاتوو .
رۆژنامەی میرۆری بەریتانی ئاشكرای كردووە پەیوەندی راهێنەری گۆلچیەكان كریستۆف لۆلیچۆن هۆكارێكی ترە بۆئەوەی كۆرتوا بیر لە رۆیشتن بكاتەوە لە یاریگای ستامفۆرد بریچ ،بەڵام ئەگەر دەستەوارەیەكی گونجاوی پێ‌ بگات .
چێلسی لە هاوینی رابردوو رێگری لە رۆیشتنی یاریزانی (23)ساڵی گرت ، بەڵام لەم كاتەدا لەلایەن یانەكانی ئەتلەتیكۆ مەدرید و ریال مەدریدی ئیسپانی و پاریس سان جێرمانی فەرەنسی گرنگی پێ‌ دەدرێت .

 ن.ش 

 

كوردیو - بەغدا

خۆپییشاندەران و لایەنگرانی سەدر بەدوای پەرلەمانتارانەوەن و ژمارەیەك لە پەرلەمانتاری كوردیش گیریان خواردووە .

 
بەپێی زانیریەكانی كوردیو ژمارەیەك پەرلەمانتاری كورد لە ئەنجومەنی نوێنەران گیریان خواردوەو رێگەی‌ چوونە دەرەوەیان نییە ، بەهۆی ئەوەی خۆپیشاندەران رێگاكانیان كۆنترۆڵ كردووە .
 
پەرلەمانتارەكان لە فراكسیۆنە جیا جیاكانی كوردن و بەشێكیان لە ناوچەی سەوزن .
 
لە ئێستاشدا پەرلەمانتارە كوردەكان هەوڵ دەدەن لەگەڵ بەرپرسانی رەوتی سەدر گفتوگۆ بكەن تا لەدەستی خۆپیشاندەران سەلامەت بن .
 
 
م. كانی
 

 

دوای ئەوەی خۆپیشاندەران پەرلەمانیان كۆنترۆڵ كرد، هێزێكی سەر بە موقتەدا سەدر دەرگای سەرەكی فرۆكەخانەی بەغدایان گرتوە .

هێزەكە سەر بە موقتەدا سەدرەو دەرگای سەرەكی چونە ژورەوەیان بۆ ناو فرۆكەخانەی بەغدا داخستووەو لەوێ جێگیربوونە ، ئەمەش وەك رێگری لە چونەدەرەوەو هەڵاتنی بەرپرسان و سیاسیەكان .

 

م. كانی


لەنێو چەپلەی و پێكەنینی ياريزانان  لەكاتی ئەنجامدانی یەكەی مەشقی بەرشلۆنە،ئەستێرەی ئەرجەنتینی لیۆنێل میسی چۆن یاریزانە هاورێكەی لە ریزی بلوگرانە جیرارد پیكی فریو دەدات كاتێك تۆپ بەنێوان قاچەكانی دەباتە دەرەوە .

 ن.ش 

 


هەردوو یانەی ئینگلیزی مانچستەر یونایتد و تۆتنهام هەوڵ دەدەن گرێبەست لەگەڵ یاریزانی لاوی بەهرەمەندی یانەی ریال مەدرید پیدرۆ رویز ئیمزا بكەن تەمەنی تەنیا شانزە ساڵە .
رۆژنامەی مۆندۆ دیبەرتیڤۆی كەتالۆنی بڵاوی كردۆتەوە دوای ئەو ئاستە بەرزەی یاریزانە تازە پێگەیشتوەكەی ریال مەدرید پێشكەشی كردووە چلەگەڵ یانەكەی یاخود لەگەڵ هەلبژاردەی ئیسپانیای خوار تەمەن (16)ساڵ ، وای كردووە یانەئینگلیزیەكان ركابەری بكەن .
هەمان سەرچاوە ئەوەشی ئاشكرا كردووە دۆزەرەوەی یاریزانان لە هەردوو یانە ئینگلیزیەكە ئامادەی چەند یاریەكی ریال مەدرید بوینە بەشێوەیەكی ورد چاودێری تواناكانی رویزیان كردووە.
یانەكان بێ‌ هیوا نەبوینە لە ئیمزا كردنی گرێبەست لەگەڵ رویز وچاوەروانی بریاری كۆتایی یاریزانەكە دەكەن و ئەگەری هەیە لەماوەی داهاتوو بریاری رۆیشتن بدات لەیانەی ریال مەدرید .

 ن.ش