بۆل بۆگبا ئەستێرەی فەرەنسی و یانەی یۆفانتۆس ئاشكرای كردووە هەوڵ دەدات ئاستی بگاتە یاریزانە گەورەكان هەروەك دیگۆ ئەرماندۆ مارادۆنا و بێلیە بێت لەیاری كردن ، لە هەمان كاتدا دووپاتی كردەوە دەیەوێت نازناوە گەورەكان بەدەست بهێنێت نەك تەنیا خولی ئیتاڵی .
بۆگبا لە چاو پێكەوتنێكیدا لەگەڵ رۆژنامەی لاریبۆبلێكایی ئیتاڵی دەڵێت : دەمەوێـ هەروەك یاریزانان بێلیە و دیگۆ مارادۆنا باشترین ئاست پێشكەش بكەم ، ناتوانم بلێم من بەهێز نیم ، بەڵام دەمەوێت رۆژێك لە رۆژان وەك ئەم دوو یاریزانە بم .
سەبارەت بەبردنەوەی نازناوی خولی ئیتاڵی بۆجاری چوارەم لەتەمەنی (23)ساڵی ، بۆگبا دەڵێت : چوار نازناوی كالشیۆ بەس نیە ، نامەوێت چیرۆكی ژیانی وەرزشیم بنوسمەوە بەم نازناوانە ،بەلكو دەمەوێت ببمە باشترین یاریزانی هێلی ناوەراست لە مێژودا .
بۆگبا دانی بەوەنا ئەو كەسێكی ئاواتەكانی سنوری نیە و ئەمە میسی و رۆناڵدۆ دەگرێتەوەو دەڵێت : میسی گۆل تۆمار دەكات چونكە خۆپەرستە ؟، لەراستیدا ئەو یارمەتی تیپەكەی دەدات ، وە كریستیانۆ گۆل تۆمار دەكات ئاواتی شكاندنی ژمارە پێوانەیەكانە و نازناوی تۆپی زێرین بباتەوە بروا ناكەم كەسێكی خۆپەرست بێت .
سەبارەت بەو پرسیارەی ئاسا لەم نزیكانە یۆفانتۆس جێدەهێلێت، لەوەڵامدا دەڵێت : ئێستا دەمەوێت نازناوە گەورەكان بەدەست بهێنم لەوانە نازناوی یۆرۆ ،وە دڵخۆشم بەیاری كردن لەگەڵ یۆفانتۆس و پەیوەستم بەم گرێبەستەی هەمە .

 ن.ش

 

كوردیو - محمد عمر كانی

دوای ئەوەی جارێكیتر لەلایەن وەزارەتی ئەوقافەوە سێ زانای ئایینی لە وتاردان دوورخرانەوە ، كاردانەوەی توندی شەقامی كوردی و تۆڕە كۆمەڵایەتیەكانی لێ كەوتەوەو ، رۆژی هەینی رابردووش ئاسایش و هێزە ئەمنیەكان لەبەردەم دوو مزگەوتی شاری هەولێر هێرش كرایە سەر نوێژخوێنان و مامۆستایان و چەندین هاوڵاتی برینداركران و ژمارەیەكیش دەستگیركراون .

لە گرتەیەكی ڤیدیۆییشدا كە بۆ چەند وتارێكی لەمەوبەری دەگەڕێتەوە دكتۆر سەید ئەحمەد پێنجوێنی یەكێك لەدیارترین و بەناوبانگترین وتارخوێنی هەرێمی كوردستان رەخنەی توند ئاراستەی حكومەت دەكات و دەڵێت: لە سەددەی 21 دا لە هەرێمی كوردستان مامۆستای ئایینی فەصڵ دەكرێت و لادەدرێت ، پێمان بڵێن جگە لە هەق وتن مامۆستاكان چیتر دەڵێن و دەبێت چی بڵێن .

ئەو زانا ئایینیە دەشڵێت: رۆژانە لێرەو لەوێ چەندین رووداویتر روودەدەن بەڵام دەڵێن هەر بەبای خەیاڵیشیان دانایەت و لەگەڵ ئەوانیشیان نیە .

 

 

م. كانی


راپۆرتە رۆژنامەكان ئاشكرایان كردووە یانەی بەرشلۆنە داوای ئەستێرەی یانەی پاریس سان جێرمانی فەرەنسی خافێر باستوری كردووە ، بۆئەوەی لە هاوینی داهاتوو پەلكێشی كامپ نووی بكات .
رۆژنامەی تۆتۆ مێركاتۆی ئیتاڵی لێدوانێكی رۆژنامەنووسی ئیتاڵی بەناو بانگ ئەلفرێدۆ ی بڵاو كردۆتەوە دەڵێت : ئەستێرەی ئەرجەنتینی لە ریزی یانەی پاریس سان جێرمان یاری دەكات بەڵێنی بە بەرشلۆنە داوە پەیوەندی بەو یانەیە بكات .
رۆژنامە نوسە ئیتاڵیەكە ئەوەشی ئاشكرا كردووە باستۆری ئەگەر ریزی یانەی  فەرەنسیەكە جێبهێلێت ئەوا پەیوەندی بەیانەی بەرشلۆنە دەكات و لە پێناو ئەو یانەیە چەد دەستەوارەیەكی ئەوروپی رەت كردۆتەوە .
گرێبەستەكەی باشتوری لەگەڵ پاریس سان جێرمان لەساڵی (2019)بەكۆتا دێت ، پێش بینی دەكرێت بەبری (25)ملیۆن یۆرۆ پەیوەندی بكات بەیانەی بەرشلۆنە .

ن.ش 


بەرگریكاری یانەی رۆما كۆستاس مانۆلاس باشترین پێنچ یاریزانی تۆپی پێ‌ دەست نیشان دەكات لە ژیانی وەرزشی بینویەتی .
رۆژنامەی تۆتۆ مێركاتۆی ئیتاڵی لێدوانێكی مانۆلاسی بڵاو كردۆتەوە پێنچ یاریزانی دەست نیشان كردووە و لە هەمان كاتدا وەسفی رۆناڵدینهۆ دەكات .
مانۆلاس دەڵێت : لە یادمە كاتێك لە رێگەی شاشەی تی ڤیەكان رۆنالدینهۆم بینیوە و توانی ئاستێكی بەرز پێشكەش بكات لەگەڵ یانەی بەرشلۆنە ، خاوەن بەهرەیەكی خەیالی بوو .
سەبارەت بەباشترین پێنچ یاریزان مانۆلاس دەڵێت : رۆناڵدۆ نازاریۆ و كریستیانۆ رۆناڵدۆ و لیۆ میسی و زێدان و رۆناڵدینهۆ لە باشترینەكانی  جیهانن .

ن.ش

كوردیو-سلێمانی
دوای ئەوەی دوێنی هەینی ژمارەیەك كەس هەڵیان كوتایە سەر دوو مزگەوت و ڕێگریان كرد لە دوووتار خوێن كە وتاری هەینی پێشكەش بكەن و لەچەند نوێژخوێنێكیشان دا  ئەمڕۆ شەممە مامۆستایانی ئاینی لە شاری سلێمانی   گردبونەوەیەكیان دژی هەڵكوتانە سەر مزگەوت و مامۆستایانی ئاینی  ئەنجامدا .
ئەمڕۆ شەممە لە كاتژمێری 10ی پێش نیوەرۆ ژمارەیەك مامۆستای ئاینی لەشاری سلێمانی   گردبونەوەیەكیان ئەنجامداو و وەك خۆشیان ئاماژەیان بەوە دا گردبونەوەكەیان دژی هەڵكوتانە سەر مزگەوتەكان و مامۆستایانی ئاینیە.
ئەومامۆستایانە   لە گردبونەوەكەدا داوایان كرد ئەو مامۆستایانەی كەلە شاری هەولێر لە ووتاردان دورخراونەتەوە بگەڕێنرێنەوە سەر كارەكانیان و ئەو كەسانەشی كە هەڵیان كوتاوەتە سەر مامۆستایان و مزگەوت و نوێژ خوێنان بدرێنە دادگا.

هەر ئەمڕۆش بۆ هەمان مەبەست ژمارەیەكی تر لە مامۆستایانی ئاینی سنوری پارێزگای هەڵەبجە گردبونەوە .

جێگەی ئاماژەیە لە چەند ڕۆژی ڕابردودا وەزارەتی ئەوقاف سێ مامۆستای ئاینی لە وتاردان دورخستەوەو  دوێنێ هەینیش لە كاتی وەتارداندا ژمارەیەك كەس هەڵیان كوتایە سەر هەردوومزگەوتی جودی و  اللە اكبرو ژمارەیەك نوێژخوێن برینداربون و چەند كەسێكی تریش دەستگیركران.

أ.س

كوردیو -
لەساڵیادی رۆژنامەگەری كوردیدا مەكتەبی راگەایاندنی یەكگرتووی ئیسلامی كوردستان خەڵاتی رۆژنامەنوسانی كۆچكردوو دەكات 
بە بۆنەی ١١٨ هەمین ساڵیادی ڕۆژنامەگەری كوردیەوە ،مەكتەبی راگەیاندنی یەكگرتووی ئیسلامی كوردستان ٣ رۆژنامەنوسی كۆچ كردوو خەڵات كرد .
خەڵاتی مەكتەبی راگەیاندنی یەكگرتووی ئیسلامی كوردستان بەخشرا بە خانەوادەی رۆژنامەنوسانی كۆچكردوو (كاك ئەكرەم عەنەبی، كاك دلێر عەلی ، د.ئاوات) .

هونەر نامق 

شۆرشگێڕانی موسڵ  بەنهێنی  شەوانە لەسەر دیواری باڵەخانەو شوێنە گشتیەكان  دروشمی روخانی داعش بڵاو دەكەنەوە و ئەمەش وەك ئاماژەیەك بۆ نزیك بونەوەی كۆتایهاتنی دەسەڵاتی ئەو ڕێكخراوە لە وشارەدا .
سكا نیوز بڵاو یكردوە ،ژمارەیەك گەنجی موسڵ كە خۆیان بە شۆرشگێری موسڵ لەژێرناوی كەتیبەی حەقی نەینەوا خۆیان درەخستوە   شەوانە  لەسەردیواری باڵەخانەكان دروشمی ڕوخانی رێكخراوی داعش بڵاو دەكەنەوەولە دروشمەكانیادا مردن بۆ ڕێكخراوی داعش دەخوازن.
چاودێرانیش ئاماژ بۆئەوە دەكەن ئەوە ئاماژەیەك بۆ نزیك بونەوەی كۆتایهاتنی دەسەڵاتی ئەو ڕێكخراوە لە وشارەدا و لاوازی پێگەی داعش لە شاری موسڵ.

 

 

ئەمڕۆ شەممە لەنزیك خاڵێكی ئاسایش لەشاری قامیشلۆ تەقینەوەیەك روویداو لەئەنجامیشدا ژمارەیەك لەهێزەكانی ئاسایش بوونە قوربانی.
ئاسایشی شاری قامیشلۆ رایگەیاند، ئەمڕۆ بەیانی هێرشێكی خۆكوژی كراوەتە سەر خاڵێكی ئاسایش لەشەقامی خەلیج لەشارەكەو بەپێی زانیارییە سەرەتاییەكان نزیكەی (10) كارمەندی هێزەكانی ئاسایش كوژراون و برینداربوونە.
سەرچاوەكەی ئاسایشی شاری قامیشلۆ راشیگەیاندووە، لەنێو قوربانییەكاندا پێنج كەسیان كوژراون و چواری تریشیان برینداربوونە.

 

ئـ . كـ


 

كوردیو -

بەڕێوەبەرایەتی‌ گشتی‌ كەشناسی‌ و بوومەلەرزەزانی‌ هەرێمی‌ كوردستان پێشبینی‌ كەش و هەوای‌ سبەینێ‌ یەكشەممە 1ی‌ ئایاری‌‌ 2016ی‌ خستەڕوو بەم شێوەیە :


هونەر نامق
 

 

بڕیارە ئەمرۆ لەیارییەكانی گەڕی (32) خولی یانەكانی ئەڵمانیا هەردوو یانەی بایرن میونخ و بوروسیا مونشن گلادباخ رووبەرووی یەكترببنەوە".

یارییەكە كاتژمێر (4:30) عەسر بەكاتی هەولێر لەیاریگای (ئەلیانز ئەرێنا) لەشاری میونخ بەرێوەدەچێت".

ئێستا بایرن میونخ بە كۆكردنەوەی (81) خاڵ پلەی یەكەمی ریزبەندی گرتووە ، بەجیاوازی (7) خاڵ پێش یانەی بوروسیا دۆرتمۆندی خاوەن پلەی دووەم دێت".

هەرچی یانەی بوروسیا مونشن گلادباخە بە (48) خاڵ پلەی پێنجەمی ریزبەندی گرتووە و بەجیاوازی یەك خاڵ دوای هێرتا بەرلینی خاوەن پلەی چوارەم دێت".

لەم یارییە بایرن میونخ پێویستی بە سێ خاڵی یارییەكە هەیە بۆ ئەوەی ببێتە پاڵەوان ، یان بە هەر ئەنجامێك لەیارییەكە بێتە دەرەوە ، بەمەرجێك دۆرتمۆند لەیاری بەرامبەر فۆلفسبۆرگ بدۆرێت".

رێكان عزیز