كوردیو - ئیسحاق عەلائەدین

بەوپێیەی چاویلكەی دژەخۆر بەشێكی تەواو كەری رواڵەتە ، ئەوە دەركەوتنێكی جوانیش دەبەخشێت ، ناتوانین واز لە چاویلكە بهێنین بەتایبەتی لە وەرزی هاویندا ، لەبەر ئەوەی چاومان لە سوتان بە تیشكی خۆر دەپارێزێت .

ئەگەر ویستت چاویلكەی دژەخۆری تازە بكڕیت ، ئەبێت شێوەیەكی گونجاو هەڵیبژێریت ، كەوا لەگەڵ دەموچاوت بگونجێت .

دەموچاوی سپی : هەڵبژاردنی هەمو مۆدیلەكان بۆ دەموچوەكان دەبێت ، چونكە هەمو جۆر و شێوەكانی چاویلكە بۆ دەموچاوت دەگونجێت .

دەموچاوی چوارگۆشەیی : هەڵبژاردنی چاویلكەی بازنەیی و سپی ، یان چاویلكەی شێوە چاوی پشیلەیی ، كە لەم وەرزەدا رەواجی زۆری هەیە .

دەموچاوی بازنەیی : هەڵبژاردنی چاویكەی چوارگۆشەیی كە گونجاو بێت لەگەڵ شێوەی دەموچاوت ، و دوركەوتنەوە لە چاویلكەی بازنەیی و سپی .

دەموچاوی شێوە درێژ: هەڵبژاردنی چاویلكەی چوارگۆشەیی ، و بازنەیی .

دەموچاوی لە شێوەی دڵ : هەڵبژاردنی چاویلكەی چاوی پشیلەیی بۆ ئەوەی شێوەی دەموچاوت بە جوانی دەربكەوێت ، و دوركەوتنەوە لە چاویلكەی چوارگۆشەكانیان شێوە هاوسەنگە .

دەموچاوی لەشێوەی ئەڵماسی : هەڵبژاردنی ئەو چاویلكەی سپی و چاویلكەی چاوەكەی شێوە چاوی پشیلە تەنانەت ئەتوانی چاویلكەی پەپولەیی هەڵبژێریت .

 

م. كانی

 

كوردیو - حسن یاسین

ل روژئاڤا و بتایبەتی ل ئەمەریكا ئاینێ پیروزێ ئیسلامێ د گەشەكرنەكا بەردەوام و بەرچاڤ دایە سەرەایی هەوێن دژاتیكرنا ئەڤی ئاینی ب رێكا راگەهاندنێ و ئەف جارە موسلمانبینا ستێرەكا كچ دەنگی ل نیویوركێ دیفخوەدا دئینت .

لێندسی لۆهان ستێرا ناڤدارا ئەمریكا ، رادگەهینت، د نوكەدا ئەو مژویلی خوێندنا قورئانا پیرۆزە و پشتی تەمامبوونا خوێندنا قورئانا پیروز ژی ئەگەرێن زۆرهەنە ببتە موسوڵمان .

د ماوێ بوریدا وێنەیەكێ “لێندسی لۆهان” ئەكتەرا ناڤدارا ئەمریكی هاتبیە بەلاڤكرن كو قورئانەك د دەستێن وێ دایە ل دەمێ ژ سەنتەرەكێ زاروكا ل نیۆیۆركێ دەردكەڤت، پشتی پرسیارا ئاینێ وێ هاتیە كرن بێدەنگی هەڵبژارتیە و هیچ لێدوانەك نەدا بۆ مێدیایێن گەلەك هەول داین ئەڤێ چەندێ بزانن ، بەڵێ رۆژناما “زە سەن”یا بەریتانی بێدەنگی شكاند و لێدوانەكا تایبەت ژێ وەرگرت .

ئەف ستێرا ناڤدارا ئەمەریكی بۆ روژناما زە سەن یا بەریتانی گوتیە : ئەز گەلەك داخبارم ب ئایەتێن قورئانا پیروز و ئاینێ ئیسلامێ ، و ئەز نوكە ب كیراتی قورئانێ دخوینم و خواندنا ڤێ پەرتوكا پیروز ژی پێتڤی ب دەمەكێ درێژە تا ب دروستی مروڤ دوانە و پەیاما وێ ب گەهت .

ژێدەرێن جیهانی بەلاڤكرینە كو ئەڤە نەبو جارا ئێكێ یە ستێرێن هولیودێ و كەساتیێن بناڤ و دەنگێن جیهانی و ب تایبەتی یێن روژئاڤایی موسلمان دبن ژوانا یێن ئەمەریكی (مایك تایسون ، جانیت جاكسون ، كات ستیڤنز، كاسیوس كلایی ) و گەلەكێن دی راگەهاندنێن روژئاڤایی باس ژێ ناكن ، و هندەكێن دی ب رێكا دیتن و ناسكرنا وان ل كومبینێن ئیسلامیی و ل مزگەفتا دیسان ل فەرزا حەجێ دیاربینە كو ژمیژە موسلمان بینە .

 

ژێدەر / TRIBUNNEWS.COM

 

 

كوردیو - هەولێر

نرخی دۆلاری ئەمریكی بەرامبەر بە دیناری عێراقی لە بەرزبونەوەو نزمبونەوە بەردەوامەو ئێوارەی ئەمرۆ پێنج شەممە جارێكیتر بەرزبونەوەی تۆمار كرد .

دوای ئەوەی سەرلەبەیانی ئەمرۆ پێنج شەممە 2016/4/21 نرخی دۆلاری ئەمریكی بەرامبەر بە دیناری عێراقی نزمبونەوەی بەخۆیەوە بینی ، ئێوارەی ئەمرۆ كەمێك بەرزبونەوەی بینی بە جۆرێك تەنها 150 دینار بەرزبۆتەوە .

ئێوارەی ئەمرۆ پێنج شەممە لەگەڵ داخستنی بازاری دراوەكان نرخی 100 دۆلاری ئەمریكی بەرامبەر بە 129 هەزار دیناری عێراقی بوو، ئەوەش لەكاتێكدایە بەیانی هەمان رۆژ نرخی 100 دۆلار بەرامبەر بە 128 هەزارو 850 دینار بوو .

م. كانی

 

لە نزیك بارەگای ئاسایشی وەحدەی شاری قامیشلۆ تەقینەوەیەك روویداو دەیان كەس بەهۆیەوە مردوون .

ئێوارەی ئەمرۆ پێنج شەممە لە قامیشلۆ و لە نزیك بارەگایەكی ئاسایش لەوكاتەی شەڕو پێكدادان لەنێوان یەپەگەو بەعس روویداوە ئۆتۆمبێلێك تەقیوەتەوەو بەهۆیەوە دەیان كەس كوژراون .

روانگەی سوریاش بۆ مافەكانی مرۆڤ ئاشكرای دەكات ئۆتۆمبێلەكە لەنزیك‌ ئاسایشی ناوچەی  وەحدە تەقیوەتەوەو لەهێزە كوردیەكان شەش قوربانی هەیە .

دوای تەقینەوەكەش رێكخراوی تیرۆرستی داعش بەرپرسیاریەتی خۆی راگەیاندوە .

م. كانی

 

كوردیو - هەولێر

دوای ئەوەی ئەمرۆ مووچەی چەند وەزارەتێك و دەستەیەك دابەش كرا، چاوەڕوان دەكرێت هەفتەی داهاتوو مووچەی مانگی سێی چەند وەزارەت و دەستەیەكیتری حكومەتی هەرێم دابەش بكرێت .

بەپێی زانیاریەكانی كوردیو لە ئێستادا چەندین وەزارەت لیستی مووچەكانیان ووردبینی تێدا كراوە و لەهەفتەی داهاتووش دابەشكردنی مووچەكانیان رادەگەیەندرێت .

لە ئێستادا وەزارەتەكان چاوەڕوانی ئاگاداركردنەوەی وەزارەتی دارایین بۆ راگەیاندنی دابەشكردنی مووچەكانیان .

ئەمەش لەكاتێكدایە ئەم هەفتەیە وەزارەتی دارایی لە راگەیەندراوێكیدا كە بۆ ئەمرۆ پێنج شەممە بڵاوی كردبۆوە رایگەیاند: " پێنج شەممە بەرواری ٢١ی نیسانی ٢٠١٦ مووچەی هەریەك لە وەزارەتەكانی شەهیدان و ئەنفالكراوان و تەندروستی و دارایی و سامانە سروشتیەكان و پلاندانان دەستەكانی دیوانی چاودێری و دەستەی گشتی ناوچەكانی دەرەوەی ئیدارەی هەرێم و دەستەی مافی مرۆڤ و دەستەی دەست پاكی و كۆمسیۆنی باڵای سەربەخۆی هەڵبژاردنەكان و دەستەی ژینگە و وەبەر هێنان و دەزگای مین دابەش دەكرێت .

بەم پێیەش چاوەڕوان دەكرێت هەفتەی داهاتووش خشتەیەكیتری دابەش كردنی مووچەی مانگی ئادار بڵاوبكرێتەوە .

م. كانی

كوردیو - هەولێر

كۆمەڵی ئیسلامی لۆگۆی حزبەكەی دەگۆڕێت و درووشمەكانی (لا الە الا اللە محمد رسول اللە) لادەبات و لەبری ئەوە وێنەی گوڵە گەنمێك دادەنێت .

لە راگەیەندراوێكی كۆمەڵی ئیسلامی ئەوەهاتووە: لە كۆنگرەی سێیەمی كۆمەڵدا، بەپێی مادەی (٤) لە پەیڕەوی ناوخۆ، بڕیاردرا بەگۆڕینی لۆگۆی حیزب .

هەروەها هاتووە: لۆگۆی نوێی كۆمەڵی ئیسلامی كوردستان پێكدێت لە ناوی كۆمەڵ و گوڵە گەنمێكیشی لەناودایە، گوڵەگەنمەكە و گەڵاكانی بەھێمای دەستی ڕاستی مرۆڤ دێت و گوڵەكە ھێمای پەنجەی شایەتومانی مرۆڤەو دەنكە گەنمەكانیش ھێمای پایەكانی ئیمان و ئیسلامە، كە لە (١١) پایە پێكھاتووە .

بەپێی راگەیەندراوەكەش لەئەمڕۆ پێنجشەمە ٢١ی نیسانی ٢٠١٦ەوە، ئەم لۆگۆیە لۆگۆی ڕەسمی كۆمەڵی ئیسلامی كوردستانە و كاری پێدەكرێت .

داواش لە سەرجەم ڕاگەیاندنەكان كراوە بەفەرمی ئەم لۆگۆیە بەكاربهێندرێت و كار بەھیچ لۆگۆیەكی تر ناكرێت .

 

م. كانی

 

لە گرتەیەكی ڤیدیۆییدا كە میدیا جیهانیەكان بڵاویان كردۆتەوە رۆژی چوارشەممە 20/4/2016 لە یەكێك لە شەقامەكانی بەرازیل چەند كەسێك لەبەردەم زانكۆیەك هەوڵ دەدەن كچێك بڕفێنن، بەڵام كچەكە خۆی رزگار دەكات.

بە پێی گرتەڤیدیۆكە كە لەكامیراكانی چاودێریەوە دەركەوتوە كەسێك لە تەنیشت ئۆتۆمبێلەكەوە وەستاوەو لەو كاتەی كچە قوتابیەك دەگاتە لایان پەلاماری دەدات و دەیەوێت بیڕفێنێت، بەڵام كچەكە بەرگری دەكات وخۆی ڕزگار دەكات .

دواتریش ئەو كەسانەی دەیانەوێت كچەكە بڕفێنن پلانەكەیان تێكدەچێت و رادەكەن .

 

 

م. كانی

 

 

كوردیو - هەولێر

جێگری سەرۆكی حكومەتی هەرێمی كوردستان ئەنجامی سەردانەكەیان بۆ ئەمریكا شی دەكاتەوەو رایدەگەیەنێت: ئەنجامی سەردانەكە باش بوە، لەبارەی مووچەی فەرمانبەرانیشەوە دەڵێت: مووچەی فەرمانبەران باشتر دەبێت .

لە كۆنگرەیەكی رۆژنامەوانیدا كە ئەمرۆ پێنج شەممە 2016/4/21 لەلایەن قوباد تاڵەبانی، جێگری سەرۆكی ئەنجومەنی وەزیران و كەریم سنجاری، وەزیری ناوخۆ و وەزیری پێشمەرگە بە وەكالەت و سەفین دزەیی، وتەبێژی حكومەت بەڕێوەچوو ئەنجامی سەردانەكەی شاندی هەرێم بۆ ئەمریكا خرایە روو .

لەو كۆنگرە رۆژنامەوانیەدا قوباد تاڵەبانی، جێگری سەرۆكی ئەنجومەنی وەزیران رایگەیاند: هاوكاریەكانی ئەمریكا كە بۆ پێشمەرگە ڕەوانی دەكات بارگرانیەكی گەورە لەسەر شانی حكومەتی هەرێم لادەبات .

ووتیشی: ئەو پارەیەی لەشەڕی داعش خەرج دەكرێت لەمەولا دەتواندرێت بدرێت بە فەرمانبەرانی هەرێم و بەمەش مووچەی فەرمانبەران باش دەبێت .

م. كانی

 

كوردیو -

جارێكیتر پارتێكی وڵاتێكی ئەوروپا داواكاریەك پێشكەش دەكات كە لەگەڵ بنەماكانی دیموكراسی و مرۆڤایەتی یەك ناگرێتەوە كە خۆیان بانگەشەی بۆ دەكەن، ئەویش قەدەغەكردنی سەرپۆش و منارەی مزگەوتەكانە لە ئەڵمانیا .

پارتی نەژادپەرستی ئەڵتەرناتیڤ لە وڵاتی ئەڵمانیا دژایەتی خۆی بەرامبەر بە مسوڵمانان و ئەركە ئایینیەكانی ئیسلام راگەیاند .

پارتە نەژادپەرستەكە رایگەیاندووە: ئیسلام لەكەلتوری ئەڵمانیا جێگای نابێتەوەو بەشێك نیە تێیدا، بۆیە دەبێت منارەی مزگەوتەكان و سەرپۆشی ئافرەتان لە ئەڵمانیا قەدەغەبكرێت .

هەرچەندە ئەو پارتە داوایەكی لەو شێوەی بەرزكردۆتەوە بەڵام پارتی سی دی ئۆی دەسەڵاتدار رەخنەی توندی لە داواكاریەكان گرتوەو داوا دەكات سەرجەم پارتەكانیتری ئەڵمانیا دژی ئەو داواكاریانە بوەستنەوە .

پێشتریش لە چەند وڵاتێكی ئەوروپا داواكاری لەو شێوەیە هەبووە، بەڵام بەهۆی ئەوەی مسوڵمانان لە وڵاتانی ئەوروپا رێژەیان لە بەرزبونەوەی بەردەوام دایەو مەترسی نین لەسەر ئاسایشی و خەڵك بۆیە بڕیارەكان رەتدەكرێنەوە .

م. كانی

 

كوردیو - 

چەند رۆژێكە پەیوەندیەكانی نێوان هێزەكانی یەپەگەو رژێمی عەلمانی بەعسی سەر بە بەشار ئەسەد لە ئاڵۆزی و پێكدادان دایەو شەڕ لەنێوانیان روویدا ، ئەمەش بۆ یەكەم جارە لە ماوەی پێنج ساڵی جەنگی سوریا شەڕ لە نێوان ئەو دوو لایەنە روو بدات.

لە گرتەیەكیدی ڤیدیۆییشدا ئەوە دەردەكەوێت كە شەڕڤانانی یەپەگە دەستیان بەسەر بارەگاكانی بەعش دا گرتووە لە شاری حەسەكە .