بەپێی توێژینەوەیەكی ئەمریكی ئەو هاوڵاتیانەی تووشی بێكاری دەبن یان كارەكەیان لەدەستدەدەن ئەگەری تووش بوونیان بەنەخۆشییەكانی دڵ هەیە.

چەند لێكۆڵەرێكی زانكۆی (دیۆك) ی وویلایەتی (نۆرس كارۆلینا) لەئەمریكا رایانگەیاندووە، چەند بەڵگەو نیشانەیەك هەیە كەدەریدەخات پەیوەندی هەیە لەنێوان بێكاری و نەخۆشیەكانی دڵ.
ئەو لێكۆڵەرانە توێژینەوەیەكی گەورەیان بەبەشداری نزیكەی (13.5) هەزار كەس كەتەمەنیان لەنێوان (51 – 75) ساڵی بووە ئەنجامداوەو ئەوەیان بۆ دەركەوتووە كەئەوانەی كاریان لەدەستداوە ئەگەری تووش بوونی ئەوان بەنەخۆشی دڵ چاوەڕوان كراوەو لەكۆی ڕێژەی (14%) ی ئەوانەی كاریان لەدەستداوە (9.7%) یان تووشی نەخۆشی دڵ هاتوون.
هەروەها ئەو لێكۆڵەرانە باسیشیان لەوەكردووە، رێژەی (35%) ئەوانەی تووشی نەخۆشییەكانی دڵ دەبن لەوانەن كەبێكارن یان كاریان لەدەستداوە.

 

ئـ . كـ


 

 

یانەی مانچستەر سیتی ئینگلیزی پێش رووبەرووبوونەوەی یانەی ریال مەدرید لەیارییەكانی چوونی قۆناغی پێشكۆتایی یانە پاڵەوانەكانی ئەوروپا دەیەوێت شەمەندەفەر بەكاربهێنێت".

هەفتەی داهاتوو هەردوو یانە لە یاریگای (ئیتیحاد) رووبەرووی یەكتردەبنەوە ، بۆ ئەمەش بەرپرسانی یانەی ریال مەدرید بڕیاریانداوە شەمەندەفەر بەكاربهێنن بۆ گواستنەوەی هاندەرانیان".

بەبروای بەرپرسانی یانەكە ، هاندەرێكی زۆر لە باشووری لەندەن دەیانەوێت سەیری یارییەكە بكەن و ئامادەی یاریگابن ، بۆ ئەمەش شەمەندەفەرێك لەلەندەنەوە هاندەران دەگوازێتەوە شاری مانچستەر".

ئەم گواستنەوەیە تەنها بۆ ئەو هاندەرانەیە كە هەڵگری بلیتی یاریگای ئیتیحادن و دەیانەوێت ئامادەی یارییەكە بن".

رێكان عزیز
 

 بەمەبەستی بتەوكردنی پەیوەندی بارزگانی لە نێوان هەرێمی كوردستان و كۆماری ئیسلامی ئێران، مانگی داهاتوو مەرزی سەیرانبەن دەكرێتەوە.

بە گوێرەی هەواڵێكی ژوری بازرگانی سلێمانی وا بڕیارە  مانگی داهاتوو  مەرزی سەیرانبەنی نێوان پارێزگای سلێمانی و كۆماری ئیسلامی ئێران بكرێتەوە بە مەبەستی بەهێزكردنی ئاڵوگۆڕەكانی نێوانیان ئه‌مه‌ش ده‌بێته‌هۆی ڕه‌خساندنی هه‌لی كار بۆ ژمارەیەك لە هاوڵاتیان.

جێگای ئاماژە پێدانە هەرێمی كوردستان لە چەند مەرزێكەوە لە وانە مەرزی ئیبرایم خلیل و مەرزی حاجی ئۆمەران و مەرزی باشماخ و چەند مەرزێكی لاوەكی دیكە هاوردە و هەناردەی شمەك و كاڵاو خزمەتگوزارییەكانی ئەنجام دەدات.

 

سەلام بێستانسوری

حكومه‌تی‌ هه‌رێمی‌ كوردستان رۆژێكی‌ تر ی‌ كرده‌ پشوی‌ فه‌رمی‌ له‌سه‌رجه‌م دامه‌زراوه‌ حكومیه‌كاندا.

سەفین دزەیی وتەبێژی فەرمیی حكوومەتی هەرێمی كوردستان لە لێدوانێكیدا بۆ ماڵپەڕی حكوومەتی هەرێمی كوردستان ڕایگەیاند ، ڕۆژی چوارشەممە 20 - 4 - 2016 بە بۆنەی جەژنی چارشەمبیا سۆری كوردانی ئێزدی لە سەرجەم فەرمانگە و دەزگاكانی سەر بە حكوومەتی هەرێمی كوردستان پشووی فەرمییە.

وتیشی‌ " ڕۆژی پێنجشەممە 21 - 4 - 2016 دەوامی سەرجەم فەرمانگە و دەزگاكانی سەر بە حكوومەتی هەرێمی كوردستان ئاسایی دەبێت".


ڕێبین عەلی

 

دوای كۆتایی هاتنی یارییەكانی گەڕی (34) خولی یانە نایابەكانی ئینگلتەرا ، یەكێتی تۆپی پێی ئەو ووڵاتە ریزبەندێكی نوێی بڵاوكردەوە".

وەك لە ریزبەندەكە دەردەكەوێت ، یانەی لیستەر سیتی پێشەنگی یانەكانی گرتووە بە كۆكردنەوەی (73) خاڵ پلەی یەكەمی گرتووە و یانەی تۆتنهام لەدوای ئەو دێت بە كۆكردنەوەی (68) خاڵ".

ئەمەی خوارەوە ریزبەندی یانەكانە :

رێكان عزیز

 

ئەلیساندرۆ دیڵپیرۆی ئەستێرەی پێشووی یانەی یوڤینتۆسی ئیتاڵی ستایشی زێنەدین زێدانی فەرەنسی و راهێنەری یانەی ریال مەدریدی كرد و پێی وایە توانیویەتی ئەقڵیەتی تیپەكە بگۆرێت".

دیلپیرۆ لەلێدوانێكیدا بۆ ماڵپەری (فۆر فۆر تو) ووتی : " زێدان بەڵێنی بەخۆیداوە ببێتە راهێنەرێكی چاوەرواننەكراو ، كارێكی قورسە باوەربكەی كە لەم ماوە كورتە زێدان چی كردووە".

دیڵپیرۆ ووتیشی : " ئەو توانی ئەقڵیەتی ریال مەدرید بگۆرێت ، چ لەسەر ئاستی یاریزانەكان یاخود هاندەران ، من هیوای سەركەوتنی بۆ دەخوازم و هیوام وایە یانە پاڵەوانەكانی ئەوروپا بەدەستبهێنێت".

لەبارەی ئەو ئاستە خراپەی ئێستا یانەی بەرشلۆنە پێشكەشی دەكات ، دیڵپیرۆ ووتی : " لەراستیدا من تووشی شۆك بووم ، چونكە بارودۆخەكە ئاسایی نییە".

رێكان عزیز
 

 

 

لەسەروبەندی ئاڵۆزییە سیاسییەكانی ئێستای عێراق، سەرۆك كۆمار پڕۆژەیەكی لەحەوت خاڵدا خستەڕوو، بەڵام كوتلەی ئەحرارو پەرلەمانتارە مانگرتووەكان پڕۆژەكەیان رەتكردۆتەوە.
(د. فوئاد مەعسوم) سەرۆك كۆماری عێراق شەوی رابردوو پڕۆژەیەكی خستەڕوو لەحەوت خاڵ و تیشكی خستۆتە سەر كۆبوونەوەی ئەنجوومەنی نوێنەران و دوورخستنەوەی سەرۆكی پەلەرمان.
سەرۆك كۆماری عێراق نەخشە ڕێگەی چارەسەركردنی كێشەی سەرۆكایەتی پەرلەمانی راگەیاند، كە بەپێی نەخشە رێگاكە داوای دانیشتنێكی تایبەتی پەرلەمان دەكات بۆ تاوتوێكردنی پرسی لابردنی سەرۆكی پەرلەمان.
خاڵەكانی نەخشە ڕێگەی چارەسەركردنی كێشەی سەرۆكایەتی پەرلەمان كە لەلایەن سەرۆكایەتی كۆمار داواكراوە ئەمانەی خوارەوەن :

یەكەم : بەپشتبەستن بە ماددەی (58) و بڕگەی یەكەم لە دەستوورو ماددەی (28) لە پەیڕەوی ناوخۆیی ئەنجوومەنی نوێنەران، سەرۆك كۆمار داوای دانیشتنێكی تایبەتی پەرلەمان دەكات بۆ تاووتوێكردنی پرسی لابردنی سەرۆكی پەرلەمان.
دووەم : دانیشتنێكی گشتی بە ئامادەبوونی سەرجەم فراكسیۆنەكان و بە پشتبەستن بە بنەماكانی برگەی یەكەم لە ماددەی (11) لە پەیڕەوی ناوخۆی پەرلەمان، پەرلەمانتارێك سەرۆكایەتی دانیشتنەكە دەكات.
سێیەم : بە پشتبەستن بە ماددەی (60) لە پەیڕەوی ناوخۆی پەرلەمان ئەندامانی دەستەی سەرۆكایەتی پەرلەمان لە رێزی ئەندامانی پەرلەمان دادەنیشن.
چوارەم : رێگە بە (سەلیم جبوری) دەدرێت وتارێك پێشكەش بكات، بۆ خستنەڕووی بۆچوونی خۆیی و باسكردن لە رووداوەكان و چۆنیەتی تێپەڕاندنی قەیرانی ئێستا.
پێنجەم : پرسی لابردنی دەستەی سەرۆكایەتی و ئەوانەی دەیانەوێت دەستەكە دەستلەكاربكێشنەوە بەپێی پەیڕەوی ناوخۆ دەبێ داواكارییەك بە واژۆو بەپێی یاسا پێشكەش بكات و دەخرێتە دەنگدانەوە.
شەشەم : ئەگەر ئەنجوومەنی نوێنەران پێداگیری دەكات لەسەر دەستلەكاركێشانەوەی دەستەی سەرۆكایەتی، دەستەیەكی نوێی سەرۆكایەتی هەڵدەبژێردرێت.
حەوتەم : ئەگەر ئەنجوومەنی نوێنەران نەیانتوانی رێككەون لەسەر لابردنی سەرۆكی پەرلەمان، دەستەی سەرۆكایەتی ئێستا بەو شێوەیەی ئێستا هەیە بەردەوام دەبێت لەكارەكانی، ئەمەش بە پشتبەستن بە پەیڕەوی ناوخۆ.
دوابەدوای راگەیاندنی نەخشە ڕێگەی سەرۆكایەتی، كوتلەی ئەحرارو لێژنەی دانوستاندنكاری پەرلەمانتارە مانگرتووەكان، نەخشە ڕێگەكەیان رەتكردەوە.

 

ئـ . كـ

 

 كوردیو - گەرمیان

دیواری میهرەبانی رێكخراوی دۆستان لە دەنگی یەكگرتوو رادیۆی گەرمیان لە سێ‌ مانگی رابردودا زیاتر لە 5000 هەرا پارچە جلوبەرگی بەخشیوە بە هەژاران. جێگای ئاماژە پێدانە ڕۆژانە پردەكرێت لە جل و بەرگو بەوشێوەیە بەتاڵ دەبێتەوە و جێگای دڵخۆشی ئەو كەسانەیە كە دەبەخشن و ئەوانەشی كە وەری دەگرن.

 

سەلام بێستانسوری

 

 

خوای گەورە لەقورئاندا باسی زۆر جۆرە میوەو میوەجات و خواردنی كردووە، حیكمەت و هۆكاری باسكردنیان زۆرە، بەڵام ئەوەی لێرەدا مەبەستە باس بكرێت چەندێتی و چۆنیەتی باسكردنیانە.
یەكێك لەو میوەجاتانەی كەخوای گەورە لەقورئاندا باسی كردووە (ترێ‌) یە، (ترێ‌) لەیانزە سورەتی قورئان و یانزە جاریش باسی لێوەكراوە، وەك سورەتەكانی (موئمینون و ئەنعام و نەحل و یاسین و عەبەس و رەعدو نەبەئـ و كەهف و ئیسرائـ) ، بەڵام دووجار لەسورەتەكانی (ئیسرائـ و عەبەس) باسكراوە.
لەسەرجەم سورەتەكانی قورئانی پیرۆز، خوای گەورە مرۆڤ بەئاگادێنێتەوە كە (ترێ‌) یەكێكە لەبەخششەكانی خۆی و ئەوانەی ئیماندارو برواداری راستەقیەنەن لەبەهەشتەكەی ئەودا ئامادەكراوە.
بەپێی سەرچاوە مێژووییەكان (ترێ‌) میوەجاتێكی كۆنەو لەسەردەمی زوەوە مرۆڤ ئاشنایەتی و خواردویەتی و لەنەخشەكانی ناو پەرستگە كۆنەكانی میسریش وێنەی كێشراوە.
(ترێ‌) زۆر رەنگی هەیە و ڕەنگە دەیان جۆریش هەبێت، لەبەری دارەكەشدا جاری وا هەیە نزیكەی (300) بەری پێوەدێت و لەخۆرئاوا (ترێ‌) بۆ پیشەسازی دروستكردنی (مەی) بەكاردەهێندرێت.
(ترێ‌) میوەیەكی دەوڵەمەندە بەشەكر، هەربۆیە چاڵاكی جەستە بەرزدەكاتەوەو یارمەتی جوڵەی ئەندامانی دەدات و هەروەها ئاوێتەی ئاسنی تێدایە كەبۆ پێكهاتەی خرۆكە سورەكان پێویستە، هەروەها سودی هەیە بۆ كۆكەو رەوانیش ئاسان دەكات.   

 

ئـ . كـ


 

ئەمڕۆ خۆپێشاندەران لەشاری بەغدا ڕێڕەوی خۆپێشاندانەكانیان گۆڕی و ڕووەو ناوچەی سەوز بەڕێككەوتن.

لەئێوارەی ڕۆژی شەممەوە هاوڵاتیانی شاری بەغداو شارەكانی تر ڕوویان كردە گۆڕەپانی تەحریر تاكو دەستبە مانگرتن و خۆپێشاندان بكەنەوە.
خۆپێشاندەران بەشی زۆریان لەلایەنگری سەدرییەكانن، ئەوان داوا دەكەن چاكسازی بكرێت و گەندەڵی بنەبڕبكرێت، ئەمەش لەدەمێكدایە كە ئێستا هەوڵەكان بۆ لابردنی سەرۆكایەتی پەرلەمان لەئارادایەو بارەگای سەرەكی ژمارەیەك وەزارەتیش گەمارۆدراون.
ئاژانسی دەنگ و باسی فەرەنسا بڵاویكردۆتەوە، لەبڵندگۆی مزگەوتەكانەوە داوا لەهاوڵاتیان دەكرێت ڕووبكەنە ناوچەی سەوزی شاری بەغدا.
هاوكات ئێوارەی ئەمڕۆ لەشاری بەغدا كۆبوونەوەیەكی بەپەلە لەنێوان لایەنە سیاسییەكان و ئەمینداری شارەكە سازكراوەو تێیدا باس لەهەر ئەگەرێكی چاوەڕوان نەكراوو پشێوی كراوەو لەناوچە جیاجیاكانیش هێزێكی زۆری ئەمنی بڵاوەی پێكراوە.