کونسوڵی ئەمریکا لە هەرێم لە شەقڵاوە خەریکی نانەقەیسی کڕینە! ئه‌مه‌ش لەکاتێکدایە کە ئەمریکا فەرمانی کردووە بە جێهێشتنی عێراق بۆ هەندێک لە کارمەندەکانی.

كونسوڵخانه‌ی ئه‌مریكا له‌هه‌رێم له‌لاپه‌ره‌ی تایبه‌تی خۆی بڵاوی كردۆته‌وه‌ كه‌ شتیڤ فیگەن کونسوڵی ئەمریکی لە هەرێم ڕۆژی 18-5-2019 سەردانی شەقڵاوەی کردوە و لەوێ باسوق و نانەقەیسی کڕیوە و بە بازاڕی شارۆچکەکەدا سوڕاوەتەوە.

ئەمەش لەکاتێکدایە کونسوڵ کەمتر لە 130km لە خاکی ئێران دوربووەو بەتوندترین ساتەوەختی هەڕەشەی پێکدادانی سەربازی تێپەڕ دەبن و ئاماژەکان بۆ ئەوە دەچن کە عێراق میحوەرێکی گەرمی شەڕەکە بێت.

هەروەها لەکاتێکدایە کە ئەمریکا فەرمانی کردووە بە جێهێشتنی عێراق بۆ هەندێک لە کارمەندەکانی

 

سەرچاوەیەک لە وەزارەتی دارایی حکوومەتی هەرێمی کوردستان زانیارییەک لەبارەی دابەشکردنی مووچەیەکی دیکە پێش جەژنی ڕەمەزان ئاشکرا دەکات.

سەرچاوەیەکی تایبەت لە وەزارەتی دارایی و ئابووری حکوومەتی هەرێمی کوردستان ڕاگەیاند کە تا سەرەتای مانگی داهاتوو داهاتی نەوتیان لەلایەن وەزارەتی سامانە سرووشتییەکانەوە پێ ناگات، جەژنیش دەکەوێتە نێو 4و 5ی مانگی 6 بۆیە بەهۆی نەبوونی پارەی پێویست ئەستەمە مووچەیەکی دیکە پێش جەژن دابەش بکرێ".

ئەو سەرچاوەیە جەختیشیکردەوە کە ئەگەر وەزارەتی دارایی پارەی پێویستی هەبێت دەست بە دابەشکردنی مووچە دەکرێ.

هه‌ر له‌لایه‌كی دیكه‌وه‌ غالب محه‌مه‌د، ئه‌ندامى لیژنه‌ى نه‌وت و وزه‌ و سامانه‌ سروشتییه‌كان له‌ ئه‌نجومه‌نى نوێنه‌رانى عێراق بۆ دوارۆژ وتی : بە‌غداد به‌ر له‌ كۆتایى ئه‌م مانگه‌ مووچه‌یه‌كى دیكه‌ بۆ هه‌رێمی کوردستان ده‌نێرێت، بەڵام ئەگەر بۆ موچە دابەش نەکرێت سکاڵای یاسای لەسەر حکومەتی هەرێم تۆماردەکات.
 
 
 
ئەو پەرلەمانتارە کوردە ئاماژەی بەوەشکردووە" ئەو پارانەی بۆ موچە لە بەغداوە دێت بۆ هەرێم ده‌بێت بیخه‌نه‌ خزمه‌تى خه‌ڵكه‌وه‌، به‌ڵام حكومه‌تى هه‌رێم به‌ بیانووى دانه‌وه‌ى قه‌رز مووچه‌ دابه‌ش ناكات، من بڕوام به‌و قه‌رزانه‌ نییه‌ و ئه‌وان به‌ناوى قه‌رزه‌وه‌ ده‌یبه‌ن".

 

 

 

 

 

 

 

باسنیوز

 


سەرۆكی فراكسیۆنی بەرەی توركمانی ڕایدەگەیەنێت: پارتەكەی پۆستی لە سەرۆكایەتی هەرێم دەوێت و دەیەوێت لە پۆستە سیادییەكاندا وەك پێكهاتەی توركمانی پشكییان هەبێت.


ئایدن مەعروف سەرۆكی فراكسیۆنی بەرەی توركمانی لە پەرلەمانی كوردستان ڕایگەیاند: لە كۆبوونەوەكانی ڕابردووماندا لەگەڵ شاندی پارتی وا رێككەوتن كراوە كە بەشداریی لە حكوومەت بكەین و ئەوەش داواكاریی پارتی بوو و بەشداریی بەرەی توركمانییان لە كابینەی نۆیەم و لە پەرلەماندا بە گرنگ زانیوە چونكە ئەوە بە سەقامگیریی سیاسیی هەرێمی كوردستان زانراوە.

 

هەروەها ووتیشی:" تا ئێستا بەفەرمی لەگەڵ برادەرانی پارتی باسی ئەوەمان نەكردووە چی پۆستێك دەدرێت بە توركمانەكان، چونكە ئێستا یەكەمجار كار بۆ چالاككردنەوەی سەرۆكایەتی هەرێم دەكرێت وەكو قۆناغی یەكەم، قۆناغی دووەم كاندید بۆ سەرۆكی حكوومەت تەكلیف دەكرێت و بۆ ئەو كاتە رەنگە قسە و باس لەسەر پۆست بكەین، ئێمە بەشداریین لە پەرلەمان و دەمانەوێت لە حكوومەت و لە سەرۆكایەتی هەرێمیشدا بەشدارببین و ئەمە نیازی ئێمەیە، دەمانەوێت بەشێوەیەكی كارا بەشداربیین.

 

ئایدن مەعروف كە بە ئاژانسی ئەنادۆڵی ڕاگەیاند، ئەوەشی خستەڕوو: داواكارین لە دامەزراوەی سەرۆكایەتی هەرێم وەكو توركمانەكان و بەرەی توركمانی بە پۆستی یاریدەدەری سەرۆكی هەرێم یان راوێژكار بەتایبەتمەندی وەزیر بۆ كاروباری توركمان ببێت، هەروەها لە حكوومەتیش دەمانەوێت پۆستی وەزارییمان هەبێت بەتایبەت وەزارەتێك هەبێت بۆ كاروباری پێكهاتەكان .

 

 

 

س ب

 

شەوی ڕابردوو لەلایەن چەند كەسێكی نادیارەوە ئاگر لە دەغڵ و دانی چەند گوندێكی سنوری كەركوك بەردراو بەهۆیەوە بەشێكی زۆر دەغڵودان سوتان.

 

بەگوێرەی ئەو زانیاریانەی كە دەست كوردیو كەوتوە، درەنگانێكی شەوی ڕابردوو ئاگر لە دەغڵودانی گوندی مەنسور لە حەفتەغار و باشوری داقوق و گوندی قەرە دەرە لە سنوری قەزای دوبز بەردراو بەهۆیەوە بڕێكی زۆر دەغڵودانی ئەو سنورانە سوتان و هەروەها لە ناحیەی ڕیاز و قەزای حەویجەش ئاگر کەوتووەتەوە.


هەروەها بە هەمان شێوە شەوی ڕابردوو ڕوبەڕێك پوش و پاوان و دەغڵودانی بەشێك لە جوتیارانی خانەقین سوتێنران و تاوەكو ئێستاش هۆكاری سوتانی دەغڵودانی ئەو جوتیارانە ئاشكرا نەكراوە.



جێگەی ئاماژەبۆكردنە دوێنێ شەممە فراكسیۆنە كوردستانیەكان ڕاگەیەندراوێكیان لەسەر زوڵمو زۆرەكانی خانەقین و ناوچە كوردستانیەكان بڵاوكردەوەو داوایان لەسەرۆك كۆماری عێراق و سەرۆك وەزیران كرد، سنورێك بۆ ئەو تاوانانە دابنێن كە لەو ناوچانە ڕودەدەن.

 

 

س ب

 

كریستیانۆ رۆناڵدۆی پورتوگالی و ئەستێرەی یانەی یوڤینتۆس پەیامێك ئاراستەی ماسیمیلیانۆ ئەلێگری راهێنەری یانەی خانمە پیرەكە دەكات".

دۆن لە نامەیەكدا لە ئەژماری فەرمی خۆی لە تویتەر بڵاویكردۆتەوە دەڵێت : " زۆر سوپاس میستەر ئەلێگری ، بەیەك ساڵ كاركردن لەگەڵ تۆ خۆشمویستی ، تۆ بەراستی راهێنەرێكی گەورەی".

وتیشی : " یەكێكی لە باشترین راهێنەرەكانی جیهان ، من زۆر دڵخۆشبووم بە كاركردن لەگەڵ تۆ ، سوپاس بۆ هەموو شتێك".

 

پیپ گواردیۆلای ئیسپانی و راهێنەری یانەی مانچستەر سیتی دوای بردنەوەی نازناوی جامی ئینگلتەرا و بردنەوەی لە یانەی واتفۆرد بە ئەنجامی (6 – 0) ستایشی ئاستی تیپەكەی دەكات".

گواردیۆلا لە لێدوانێكیدا وتی : " من عاشقی چامپیۆنس لیگم ، بەڵام بردنەوەی سێ نازناوی ناوخۆیی لە بردنەوەی یانە پاڵەوانەكانی قورسترە".

گواردیۆلا وتیشی : " راستە ئێمە باشترین نین ، بەڵام لەنێو باشترینەكانین ، كە بۆ جاری یەكەم لەمێژوودا سێ نازناوە ناوخۆییەكە ببەینەوە".

 

 

یەكەم تاقیكردنەوەی تەكسی ئاسمانی كە هی كۆمپانیای ئەڵمانی لیلیۆمە ئەنجامدرا، ئەو تەكسی ئاسمانییە ئەلیكتریكییەو (36) ماتۆڕی هەیەو بە شێوەی درێژایی لە زەوی هەڵدەستێت و دەنیشێتەوە.

ستارت ئاپی ئەڵمانی لیلیۆم ڕایگەیاند، تەكسی ئاسمانی ئەلیكتریكی بۆ یەكەم جار لە ئاسمانی ئەو وڵاتە تاقی كرایەوە.

لیلیۆم تەكسیەكی ئاسمانی ئەلیكتریكی دروست كردووە، كە جێگەی پێنج كەس دەبێتەوە، ئەو تەكسیە ئاسمانییە كە بە شێوەی ڕاست لە سەر زەوی دەنیشێتەوە، گەشتێكی تاقی كردنەوەی بەبێ گەشتیار ئەنجام داوە، جگە لەوە ئەو تەكسییە دەتوانێت بەبێ فڕۆكەوانیش گەشت بكات.

تەكسی ئاسمانی ئەلیكتریكی لیلیۆ، (36) ماتۆڕی هەیەو زیاترین خێرایی (300) كیلۆمەتر لە كاتژمێر ڕاگەیێندراوە، هەروەها بە یەك شارژ دەتوانێت مەودای (300) كیلۆمەتر بپێوێت.

بە وتەی بەرپرسانی باڵای ئەو كۆمپانیا، ئەو ئامێرە گواستنەوە ئاسمانییە دەتوانێت لە ماوەی كەمتر لە یەك كاتژمێردا موسافیرەكان لە لەندەنەوە بگەیێنێتە مانشستەر.

پەڕەى 7 لەکۆى 5183 پەڕەدا