دابه‌شكردنی موچه‌ به‌رده‌وامه‌ و سه‌رچاوه‌یه‌ك له‌ وه‌زارەتی دارایی و ئابوری حكومه‌تی هه‌رێمیش ئاشكرای ده‌كات كه‌ سبه‌ی سێشه‌ممه‌ مووچه‌ی وەزارەتی داد دابه‌ش ده‌كرێت.

سەرجەم وەزارەتەکان بەم خشتەیە موچە وەردەگرن....

رۆژی سێشەممە 19/11/2019 موچەی ئەم وەزارەتە دابەشدەكرێت:

وەزارەتی داد
رۆژی چوارشەممە 20/11/2019 موچەی ئەم وەزارەت و شوێنانە دابەشدەکرێت:

وەزارەتی ناوخۆ

وەزارەتی خوێندنی باڵا و توێژینەوەی زانستی

وەزارەتی ئەوقاف و کاروباری ئایینی

وەزارەتی سامانە سروشتیەکان

ھێزەكانی زێرەڤانی

ئەنجومەنی ئاسایش

دەزگای گشتی ئاسایش

هێزی بەرگریی فریاکەوتن

بەڕێوەبەرایەتی گشتی ڕەگەزنامەی ھەرێم

پۆلیسی نەوت و گاز

رۆژی پێنجشەممە 21/11/2019 موچەی ئەم وەزارەت و شوێنانە دابەشدەکرێت:

وەزارەتی شاره‌وانی‌ و گەشتوگوزار

وەزارەتی كشتوكاڵ

وەزارەتی كاره‌با

وەزارەتی پلاندانان

وەزارەتی گواستنه‌وه و گه‌یاندن

دیوانی‌ چاودێری‌ دارایی

دەستەی مافی مرۆڤ

ده‌سته‌ی وه‌به‌رهێنان

دەستەی ده‌ستپاكی

ده‌سته‌ی ژینگه

ده‌سته‌ی ناوچه‌ كوردستانییه‌كانی ده‌ره‌وه‌ی ئیداره‌ هه‌رێم

كۆمیسیۆنی هه‌ڵبژاردن

ده‌زگای گشتی کاروباری مین
رۆژی یەكشەممە 24/11/2019مووچەی ئەم وەزارەت و شوێنانە دابەشدەکرێت:

وەزارەتی پیشەسازی و بازرگانی

وەزارەتی رۆشنبیری

وەزارەتی ئاوەدانکردنەوە

سەرۆکایەتی هەرێم

سەرۆکایەتی پەرلەمان

ئەنجومەنی وەزیران

رۆژی دوشەممە 25/11/2019 موچەی ئەم شوێنە دابەشدەكرێت:

خانەنشینانی پێشمەرگە

رۆژی سێشەممە 26/11/2019 موچەی ئەم شوێنە دابەشدەكرێت

خانەنشینانی شارستانی

 

مەكتەبی سیاسی لەبارەی تێكەڵكردنی ناوی پێشمەرگە بە رووداوەكان لەناو خۆپیشاندەرانی عێراق روونكردنەوەیەك بڵاوكردەوەو ڕاگەیاند: بۆ ئەوەی ئاگاداری هەوڵی هەندێ خەڵكی سەرلێشێواوی تێكدەر بن كە بۆ لەباربردن و تێكدانی ئاشتیی كۆمەڵایەتی و دروستكردنی مەترسی بۆ سەلامەتیی نیشتمان، لەدژی پێشمەرگە پروپاگەندەی ژەھراوی بڵاو دەكەنەوە، ئەویش لە رێگەی تێكەڵكردنی ناوی برا پێشمەرگەكانتان لە بەرپرسیارێتی لەو بابەتانەی لە خۆپێشاندانەكان روویانداوە .

 

 

دەقی روونكردنەوەی مەكتەبی سیاسی پارتی دیموكراتی كوردستان.

بەشێك لە ڕۆڵەكانی گەلی عێراق بە خۆپێشاندان و داواكردنی مافەكانیان لە چوارچێوەی ناسنامەی ھاووڵاتیبوون و لەپێناو باشتركردنی ھەلومەرجی ئێستای عێراق، مافێك پەیڕەو دەكەن كە دەستوور فەراھەمی كردووە.
ئێمە لە پارتی دیموكراتی كوردستان ڕێز و پێزانینمان ھەیە بۆ ھەموو ھەوڵ و كۆششی جەماوەریی ئاشتیخوازانەی سەرجەم چین و توێژەكان كە لە گۆڕەپانەكانی خۆپێشاندان كۆبوونەتەوە، بە پێویستمان زانی سەرنجی خوشك و براكانمان كە خاوەن مافی دەستوورین رابكێشین بۆ ئەوەی ئاگاداری هەوڵی هەندێ خەڵكی سەرلێشێواوی تێكدەر بن كە بۆ لەباربردن و تێكدانی ئاشتیی كۆمەڵایەتی و دروستكردنی مەترسی بۆ سەلامەتیی نیشتمان، لەدژی پێشمەرگە پروپاگەندەی ژەھراوی بڵاو دەكەنەوە، ئەویش لە ڕێگەی تێكەڵكردنی ناوی برا پێشمەرگەكانتان لە بەرپرسیارێتی لەو بابەتانەی لە خۆپێشاندانەكان ڕوویانداوە.
پێشمەرگە بە مێژووی دوور و درێژی نیشتمانی خۆی بۆ ھەموو عێراقییەكان قەڵغان بووە و ھەموویانی پاراستووە و بە شەھیدە سەربەرزەكانییەوە قوربانی و وەفاداری پێشكەش كردووە بۆ ئەوەی گەلی عێراق بە ھەموو پێكھاتەكانی لە پێشەنگی گەلانی ئازادیخواز و پێشكەوتنخوازدا بێت، ھێزی پێشمەرگە بەشێكە لە سیستمی بەرگری عێراق و برای ئێوەن، پێشمەرگە زۆر لەوە دوورە كە بە پێچەوانەی ویژدان و خواستی نیشتمان ناو و رێبازەكەی لەكەدار بكرێت.
لەبەر ئەوە دوژمنانی یەكریزی نیشتمانی بە ئامانجی بەلارێدابردنی ڕێڕەوی ڕووداوەكان و بۆ خزمەتی بەرژەوەندییە گوماناوییەكانیان، ھەوڵی بەخشینی تۆمەتی درۆزنانە دەدەن. ئێمەیش پەیمان دەدەین كە گەلەكەمان بە هەموو هێزكانییەوە بۆ ڕووبەڕووبوونەوەی ھەموو ئەوانەی كە ھەوڵی تێكدانی یەكریزیی نیشتمانی دەدەن، لە ئامادەباشیدا دەبێت.
مەكتەبی سیاسیی پارتی دیموكراتی كوردستان
2019/11/18
ھەولێر

 

بەڕێوەبەرایەتی‌ پۆلیسی‌ پارێزگای‌ سلێمانی‌ ڕایدەگەیەنێت: مەفرەزەكانی‌ بنكەی‌ پۆلیسی‌ سەرا تۆمەتبارێكیان دەستگیركرد كە بڕی‌ ٦٠٠ دۆلاری‌ ئەمریكی‌ ساختەی‌ پێبوەو بەنیاز بووە لەناو بازاڕی‌ شاری‌ سلێمانیدا ساخی‌ بكاتەوە.

 

بەڕێوەبەرایەتی‌ پۆلیسی‌ پارێزگای‌ سلێمانی‌ لە ڕاگەیەندراوێكدا كەوێنەیەكی دەست كوردیو كەوتوە، ڕایگەیاند: پاش چاودێریكردن‌و كۆكردنەوەی‌ زانیاری‌ ورد لەسەر تۆمەتبارەكە، لەلایەن مەفرەزەكانی‌ بنكەی‌ پۆلیسی‌ سەرا توانرا تۆمەتبار بەناوی‌ (م، ت، ب) دەستگیر بكرێت كە بەڕەگەز ئێرانییە.

 

ئاماژەی بەوەشكرد: لەئێستادا تۆمەتبار بەپێی‌ ماددەی‌ (٢٨٩-٢٩١) لەیاسای‌ سزادانی‌ عێراقی‌ ڕاگیراوەو پەڕاوی‌ لێكۆڵینەوە بۆ تۆمەتبار كراوەتەوەو دۆسیەكەی‌ ڕەوانەی‌ بەشی‌ پۆلیسی‌ نەهێشتنی‌ تاوان كراوە، بەمەبەستی‌ لێكۆڵینەوەی‌ زیاتر.

 

پۆلیسی سلێمانی چەند کەسێکی ده‌ستگیركردکە لەڕێگەی دروستکردنی نوشتە و جادوەوە فێڵیان لە ژنان کردوە. 

ئەمڕۆ دوو شەممە پۆلیسی سلێمانی ڕایگەیاند، مەفرەزەكانی بنكەی پۆلیسی سەرچنار دوو تۆمەتباریان دەستگیرکرد كە لەڕێی تۆڕی كۆمەڵایەتی فەیسبووكەوە خۆیان وەک شێخ و مەلا ناساندوە و فێڵیان لە هاووڵاتییان كردووە.

پۆلیس دەڵێت، لەسەر سكاڵای چەند هاووڵاتییەك و دوای كۆكردنەوەی زانیاری ورد، لەلایەن مەفرەزەكانی بنكەی پۆلیسی سەرچنارەوە توانرا ئەو دوو تۆمەتبارە لەناو كافتریایەكدا لە شاری سلێمانی دەستگیر بکرێت.

سەبارەت بە ناسنامەی تۆمەتبارەکان ئاشکرای کردوە، یەكێک لە تۆمەتباران ناوی "و، ت، ش"ە و لەدایكبووی 1993 و ئەوی دیکەشیان ناوی "د، ش، ن"ە و لەدایكبووی 1992 ەیە.

ئاشکراشی کردوە، تۆمەتباران هەستاون بەدروستكردنی چەند لاپەڕەیەكی فەیسبووك و بەناوی شێخەوە و لە ڕێی نوشتەوە فیڵیان لە ژنان كردووە، لە بەرانبەر دروستكردنی هەر نوشتەیەكدا بڕێك پارەیان وەرگرتووە.

لەئێستادا تۆمەتباران بە فەرمانی دادوەر و بەپێی مادەی دووی خراپ بەكارهێنانی ئامێرەكانی پێوەندی، ڕاگیراون و لە لایەن بنكەی پۆلیسی سەرچنارەوە پەڕاوی لێكۆڵینەوە بۆ تۆمەتباران كراوەتەوە.

 

به‌ڕێوه‌به‌ری گشتی هاتوچۆی هه‌رێم رایده‌گه‌یه‌نێت: له‌ سه‌ره‌تای ئه‌مساڵه‌وه‌ به‌هۆی رووداوه‌كانی هاتوچۆوە 427 كه‌س گیانیان له‌ ده‌ستداوه‌ و زیاتر له‌ پێنج هه‌زار كه‌سیش بریندار بوون.

عه‌بدولقادر عه‌زیز، بەڕێوەبەری گشتی ھاتوچۆی ھەرێم  راگه‌یاند: له‌ 1ی كانوونی دووه‌م تاوه‌كو 30ی ئه‌یلولی 2019، له‌ هه‌رێمی كوردستان به‌هۆی رووداوه‌كانی هاتوچۆوه‌ 427 كه‌س گیانیان له‌ده‌ستداوه‌ و پێنج هه‌زار و دوو كه‌سیش بریندار بوون.

وتیشی: "لەماوەی ساڵێك و نۆ مانگدا 10 هه‌زار و 928 کەس بوونەتە قوربانی رووداوەکانی ھاتوچۆ كه‌ ته‌نیا ساڵی پار (655) كه‌س به‌ رووداوه‌كانی هاتوچۆ گیانیان له‌ ده‌ستداوه‌ و چوار هه‌زار و 844 كه‌سیش برینداربوون".

روونیشیكرده‌وه‌: به‌پێی ئامار و به‌راوردكاری رووداوه‌كان تائێستا رێژەکە کەمترە لە ساڵی پار، جگە لەوەی ئاماری سێ مانگی داھاتووش ماوە، بەڵام ھیوادارم کە ئەمساڵ رێژەکە کەمتر بێت لە ساڵی پار.

ناوبراو به‌ دواڕۆژی وتوه‌ : "ھۆکارەکان بە پلەی یەکه‌م شۆفێرەکان خۆیان هۆكارن و رێگەوبانەکانیش خراپن و ستاندارد نین، ئەمەش دەگەڕێتەوە بۆ قەیرانی دارایی كه‌ نه‌توانراوه‌ وه‌ك پێویست رێگەكان نۆژه‌ن بكرێنه‌وه‌.

 

 

 

ڕاوێژكاری ئابوری سەرۆك وەزیرانی عێراق ڕایدەگەیەنێت: هەفتەی داهاتو رەشنوسی پرۆژەی یاسای بودجەی 2020ی عێراق رەوانەی ئەنجومەنی نوێنەرانی عێراق دەكرێت.

 

حسێن هەنین ڕاوێژكاری ئابوری سەرۆك وەزیرانی عێراق بە ڕۆژنامەنوسانی ڕاگەیاند: لەئێستا لیژنەی شارەزایان لە سەرۆكایەتی ئەنجومەنی وەزیرانی عێراق بەردەوامن لە گۆڕانكاریكردن لە رەشنوسی پڕۆژیاسای بودجەی 2020 بۆ ساڵی ئایندە و لە زوترین كاتدا تەواو دەكرێت و بڕیارە هەفتەی داهاتو رەوانەی ئەنجومەنی نوێنەرانی عێراق بكرێت.

 


جێگەی ئاماژەبۆكردنە تاوەكو ئێستا ڕوون نیە پشكی هەرێمی كوردستان لە پرۆژەی یاسای بودجەی 2020ی عێراق چەندەو چۆنە.

 

بەهۆی دابەزینی پلەكانی گەرما لەناوچە شاخاوییەكان و ئەو پاڵەپەستۆیە نزمەی لە دەریای ناوەراستەوە هەلكەوتووە ، تەوژمێكی سەرما رووی لە كوردستان كردووە".

وەك لە وێنەكانی خوارەوە هاتووە ، بەفربارین لەناوچە شاخاوییەكان و دەروازەی حاجی ئۆمەران دەستی پێكردووە و بەشێك لە شاخەكانی سپیپۆش كردووە".

 

زۆربەمان لەكاتی گەشتكردن و دانیشتن لەناو ئۆتۆمبێلەكان بیر لەخۆشترین و فراوانترین شێوە دەكەینەوە، بەڵام لەكاتی ڕووداوەكانی هاتوچۆ لەوانەیە ئەو شوێنانە مەترسیدارترین بن .


پشتی شۆفێر و كورسیەكەی تەنیشتی مەترسیدارترین شوێن.

 

پاسی بچوك: پارێزراوترین شوێن ئەو دوو كورسیەیە كە دەكەوێتە بەشی پشتەوەی شۆفێرەكە.

 

مەترسیدارترین شوێن ئەو كورسیانەیە كە دەكەونە تەنیشتی شۆفێر لەكاتی ڕووداوەكانی هاتوچۆ .

 

پاسی گەورە : پارێزراوترین شوێن كورسیەكانی ناوەڕاستە بەهۆی ئەوەی لەئاراستەی هاتۆچۆی شەقامەكە دوورە .


مەترسیدارترین شوێنیش كورسیەكانی نزیك لەپەنجەرە و پێشو دوای پاسەكانە كە هەمیشە مەترسیدارترینن و ئەگەری زیانیان زۆر ترە .

به‌ڕێوه‌به‌ری گشتی گواستنه‌وه‌، رایده‌گه‌یه‌نێت"پرۆژه‌ی لێدانی لۆگۆ و ره‌نگی تایبه‌ت به‌ تا‌كسیی شاره‌كان كه‌وته‌ بواری جێبه‌جێكردنه‌وه‌ و له‌ ئه‌مرۆوه‌ شۆفێرانی ته‌كسی ده‌توانن فۆرمی تایبه‌ت وه‌ربگرن".

له‌مباره‌یه‌وه‌ سه‌لاح جه‌وهه‌ر به‌ڕێوه‌به‌ری گشتی گواستنه‌وه‌ له‌ وه‌زاره‌تی گواستنه‌وه‌ و گه‌یاندن، له‌ كۆنگره‌یه‌كی رۆژنامه‌وانیدا وتی:"پرۆژه‌ی لێدانی لۆگۆ و ره‌نگی تایبه‌تی تا‌كسیی شاره‌كان، پرۆژه‌یه‌كی گشتییه‌ بۆ سه‌رتاسه‌ری هه‌رێمی كوردستان، ئه‌مڕۆ له‌ قۆناغی كۆتایین بۆ ئاماده‌كاریی ئه‌و پرۆژه‌یه‌، ئاگاداری شۆفێران ده‌كه‌ین بۆ ئه‌وه‌ی سه‌ردانی به‌ڕێوه‌به‌رایه‌تی گواستنه‌وه‌ی پارێزگاكان بكه‌ن بۆ وه‌رگرتنی فۆرمی تایبه‌ت و ده‌ستكردن به‌ جێبه‌جێكردنی پڕۆژەکە".

ناوبراو وتیشی:"رۆژی 17-11-2019 ئه‌و پرۆژه‌یه‌ كه‌وته‌ بواری جێبێكردنه‌وه‌، فۆرمی تایبه‌ت ره‌وانه‌ی به‌ڕێوه‌به‌رایه‌تی شاره‌كان ده‌كه‌ین و شۆفێران له‌ رۆژی 18-11-2019وه‌ ده‌توانن ئه‌و فۆرمه‌ وه‌ربگرن" .

ئاماژه‌ی به‌وه‌ش كردوه‌:"ئه‌و فۆرمه‌ ده‌چێته‌ به‌ڕێوه‌به‌رایه‌تی پۆلیسی هاتوچۆ، له‌ فلته‌ری بایۆمه‌تری ناوی چێك ده‌كرێته‌وه‌، ئه‌گه‌ر ده‌رچوو ده‌چێته‌ ئاسایشی ناوچه‌كه‌ و پۆلیسی به‌ڵگه‌ی تاوان، ئه‌گه‌ر پێشینه‌ی تاوانی نه‌بوو، ئه‌گه‌ر ئەستۆپاكیی هه‌بوو و ده‌ركه‌وت پێشینه‌ی تاوانی نییه،‌ ئه‌وا لۆگۆی تایبه‌تی پێده‌درێت" .

 

پەڕەى 8 لەکۆى 5485 پەڕەدا