The Latest

شوفێران سبەینان ژێر ئۆتۆمبێلەكان بگەڕێن

 

 

چەند رێكخراوێكی پاراستنی مافی ئاژەڵان لەئەمریكا، هەڵمەتێكیان دەستپێكردووە بۆ هۆشیاركردنەوەی شوفێران لەوەی لەزستاندا پێش كارپێكردنی ئۆتۆمبێلەكانیان، تەماشایەكی ناو بزوێنەر‌و ژێر ئۆتۆمبێلەكانیان بكەن.

لەگەڵ هاتی زستان ‌و ساردبوونی كەش، بەشێوەی ئاسایی ئەو گیانەوەرانەی لەدەرەوە دەژین، بە دوای پەناگەیەكدا دەگەڕێن، تا لەسەرما‌و باران بیانپارێزێت، باشترین شوێنیش بۆ ئەو مەبەستە، ژێر ئۆتۆمبێل ‌و ناو بزوێنەرەكانە.
بۆ هۆشیاركردنەوەی شوفێران لەپاراستنی ئەو ئاژەڵانە‌و ئۆتۆمبێلەكانی خۆشیان، چەند رێكخراوێكی پاراستنی مافی ئاژەڵان لەئەمریكا، هەڵمەتێكیان دەستپێكردووە‌و ئاماژە بەوەدەكەن، پێویستە شوفێران لەزستاندا پێش ئەوەی كار بەئۆتۆمبێلەكانیان بكەن، چێكێكی ئۆتۆمبێلەكانیان بكەن تا بزانن هیچ گیانەوەرێك تێیدا خۆی شاردۆتەوە یان نا.
لەهەرێمی كوردستانیش ئەو دیاردەیە بەئاشكرا دەبینرێت، بەتایبەت كە زۆرینەی گەراجی ئۆتۆمبێلەكان لەكوردستان كراوەن ‌و زیاتر ئۆتۆمبێل لەحەوشە یان بەردەرگا دەوەستێنرێت.

 

 

 

 

چاوەڕوان دەكرێت ئێوارەی ئەمڕۆ لە توركیاوە دەیان پەنابەری كورد ریپۆرتبكرێنەوەو بگەڕێنەوە هەرێمی كوردستان.

(كوردە یەشار) نوێنەری فیدراسیۆنی پەنابەران لە توركیا رایگەیاندووە، ئێوارەی ئەمڕۆ سێشەممە (63) هاوڵاتی عێراقی كە زۆرینەیان كوردن رەوانەی شاری زاخۆ دەكرێنەوە.
ناوبراو باسی لەوەشكردووە، ئەو هاوڵاتیانە لەچەند ناوچەیەكی توركیا لەلایەن پۆلیسەوە دەستگیركرابوون، ئەمڕۆش رەوانە دەكرێنەوە.

جێگەی باسكردنە هەفتەی رابردوو لەنێو دەریای ئیجە بەلەمێكی گواستنەوەی هاوڵاتیان ژێرئاو كەوت و لەئەنجامیشدا ژمارەیەك هاوڵاتی كورد خنكان و بڕیارە بەم نزیكانە تەرمەكانیان رەوانە بكرێنەوە، كە زۆربەیان خەڵكی پارێزگای دهۆك بوون.

 

 

ئـ . كـ

 

 

 

بریارە ئەمرۆ بەشیك لە دووكاندارو كاسبكارانی كوردی شاری كەركوك بۆماوەی چەند كاتژمێریك مانگرتن رابگەیەنن و وەك نارەزایەتیەك لەبارودۆخی شارەكە بۆماوەیەك دووكانەكانیان دابخەن.


بەپیی ئەو زانیاریانەی كە دەست كوردیو كەوتون ئەمرۆ سێ شەممە بەشیك لە دووكاندارو كاسبكارانی كوردی ناوشاری كەركوك لەگەرەكە جیاوازەكان دووكانەكانیان دادەخەنو مانگرتن رادەگەیەنن لەدژی ئەو بارودۆخەی كە لەدوای رووداوەكانی 16ی ئۆكتۆبەرەوە بە زۆر سەپێنراوە بەسەریاندا .


جێگەی ئاماژەیە ساڵی رابردوو لە رۆژێكی وەك ئەمرۆدا هێزەكانی عێراق بەهاوكاری میلیشیاكانی حەشدی شەعبی هێرشیان كردە سەر شاری كەركوك و شارەكەیان لەدوای 14لەژێر دەسەلاتی كوردا دەرهێناو بەهۆی ئەوەشەوە زۆربەی دانیشتوانەكەی ئاوارە بون و تائێستاش زیاترلەدووهەزارخیزانی كورد نەگەراونەتەوە سەرماڵ و حاڵی خۆیان.


أ.س

بریارە ئەمرۆ سێ شەممە جارێكی دیكە قوتابیانی دەرچوی 12ی ئامادەیی كەلە زانكۆكانی هەریمی كوردستان وەرنەگیراون لەبەردەم زانكۆی سلێمانی و لەبەردەم وەزارەتی خوێندنی باڵا لەهەولێرگردببنەوە.


گردبونەوەی ئەو قوتابیانە بەمەبەستی دەربرینی نارەزایەتیە كە پاش راگەیاندنی ناوی قوتابیانی وەرگیراو لەزانكۆو پەیمانگاكانی هەریم ئەو قوتابیانە ناویان نەگەراوەتەوە و وەرنەگیراون.


جێگەی ئاماژەیە شەوی رابردوش وەزارەتی خوێندنی باڵا رایگەیاندبریاریانداوە 16 هەزار قوتابی دیكە لەزانكۆو پەیمانگاكان وەرگرن و لەچەند رۆژی داهاتوودا میكانیزمەكان رادەگەیەنن.


أ.س

لەبارەی (مەنیجی بەربوك) ئەمانە بزانن

 

 

بەدەست خۆم نیە هەست و نەستم وام لێدەكەن هەموو ساڵێك و لە ڕۆژی 13 ی تشرینی یەكەم كە ڕۆژی كۆچی دوایی هونەرمەندی لێهاتوو (سوبحی كۆیی) یە بە جۆرێكی جیاواز لە ساڵانی دیكە چەند وشەیەكی وەفاداری لەبارەوە بنووسم و مەزنی و گەورەیی ئەو هونەرمەندە بەبیر هەموو لایەك بهێنمەوە كە هەرگیز لەبیر نەچێتەوە، چونكە لە تەمەنێكی یەكجار كوورتدا توانی كارێكی یەكجار زۆرمان بە جوانترین شێوە پێشكەش بكات و دڵی هەموومان خۆش بكات و ئەرشیفێكی دەوڵەمەندیش لە دوای خۆی جێ بهێڵێ، ئەگەرچی ئێمە هەموومان لە ڕێگەی شاشە ڕەش و سپیەكەی تەلەفزیۆنەوە بە باشیەوە بە كەسایەتی (مەنیجی بەربوك) ئاشنا بووینە كە وەك پیرەژنێكی بلح و فیتنەگێری چیرۆكی تەمسیلی (مەسەلەی شارێك) ڕۆڵێكی خراپ و گێرەشوێنی دەبینی، بۆیە هەر ئەوەش بووە ناسنامەی (سوبحی كۆیی) كە خەڵكی بەو كاراكتەرە دەیناسنەوە بە تایبەتی لەو ئان و ساتەدا كە ئافرەت و نواندن وەك دوو جەمسەری سالب و موجەبی دژ بە یەك وا بوون، بە تایبەتیش ئەگەر پیاوێك لەو سەردەمەدا ڕۆڵی ئافرەتی بدیبایە ئەوا دەبووە جێگەی ڕەخنەو تیر و توانجی هەموو تاكەكانی كۆمەڵگەی كوردەواری، ئێمە بۆیە باسی ئەو كەسایەتیە دەكەین، چونكە هەر كاتێ دەڵێین (مەنیجی بەربوك) ئا لەو كاتەشدا دەبێ بڵێین (سوبحی كۆیی) كە لە تەك هەر یەك لە هونەرمەندانی وەك (عەلی ئەحمەد و سەباح عەبدولرەحمان و هۆشیار سەید ئەحمەد و عەبدولرەزاق شەمسەددین و فەیسەڵ موحەمەد ساڵح و خوالێخۆشبوو عەبدولواحید مەرجان و جەلال بەیار) و دەیانی دیكە توانی جوانترین ڕۆڵ بەرجەستە بكات و بە كارامەیی بچێتە قالبی ئافرەتێكی گەڕۆكی بەكێشەی وەك (مەنیجی بەربوك) كە من پێم وانیە هیچ ئافرەتێكی هونەرمەندی قاڵبووی هونەری شانۆو نواندن بتوانێ بەو سەلیقەو لێزانیەوە ئەو ڕۆڵە سەرنج ڕاكێشە بگێڕێ و سەرنجی هەموو لایەك بۆ خۆی رابكێشێ و لە هەمان كاتیش سەركەوتنی تەواویش بەدەستەوە بدات بەجۆرێك هەموو ئاشقانی ئەو بوارە لەو ساوە تاكو ئێستاش بە تاسەوە باسی لێوە بكەن و لە بیرو هزریاندا بە نەمری بمێنێتەوە، چونكە ئەمڕۆ ساڵیادی كۆچی دواییتی، ئەگینا ئەو هونەرمەندە لە گەلێك كاری دیكەی وەك داستانی شۆڕش و مارەیی و نەخۆشی ددان و ئاخر زەمان و دەبەنگ و نەخۆشی لەبیرچوونەوەو دوا فیشەك و چڵپاوو هەورو ساماڵ و گێلە پیاوو كۆمەڵێك بەرهەمی دانسقەی دیكەدا بەشداری كارای هەبوەو بە جۆرێك هەموو لایەك گەواهی بۆ دەدەن، دوا جار دەمانەوێ بڵێین (سوبحی ئەحمەد عەبدولڵا) كە نازناوی لە بواری هونەریدا (سوبحی كۆیی) بووە لە ساڵی (1955) لە كۆیە لە دایك بووەو لە ساڵی (1975) لەگەڵ خاتوو سەبیحەی ئامۆزای ژیانی هاوسەری پێكهێناوەو بەرهەمی ئەو هاوسەرگیرییە پەیدابوون و هاتنە سەر دنیای دوو منداڵی چاوگەش بووە بە ناوی ئاری و هونەر، هەروەها لە ساڵی (1972) دەستی بە كاری هونەری كردوەو یەكێك بووە لە دەستەی دامەزرێنەرانی تیپی هونەرە میللیەكانی هەولێر، بۆیە تەنیا شتێك كە دڵمان پێ خۆش بێ و دڵنەواییمان بداتەوە بەرهەمە جوان و دانسقەكانیەتی كە لە ئەرشیفەدا بە زیندوویی ماوەتەوە ئەوپەڕی دڵنەواییمان پێ دەبەخشن، كەچی داخەكەم ئەو هونەرمەندە لە ڕۆژی 13 ی تشرینی یەكەمی ساڵی (1980) و لە تەمەنی (25) ساڵیدا بە ڕووداوی ئۆتۆمبێل لەسەر ڕێگای (هەولێر – كۆیە) بۆ دوا جار چاوە پڕ لە خۆزگەكانی لێكناو كۆچی دوایی كردو خەم و ناسۆرێكی زۆریشی بۆ ئێمە جێهێشت كە هەرگیز لەبیرمان نەچێتەوە.

موحەمەد سەعید كوردە – رۆژنامەی هەولێر

 

 

ئـ . كـ

 

دهۆك...گەنجێك كۆتایی بەژیانی خۆی دەهێنێت

 

گەنجێكی تەمەن 28 ساڵ شەوی رابردوو بەهۆكاریكینادیار كۆتایی بەژیانی خۆیهێناوەو پۆلیسیش رایدەگەیەنیت لێۆكۆڵینەوەیان لەوبارەەوە دەست پێكردوە.


گەنجێكی تەمەن 28 ساڵ لە قەزای سیمێلی سەربەپاریزگای دهۆك بەهۆكاریكی نادیار كۆتایی بەژیانی خۆی هیناوەو دواتر تەرمەكەی رەوانەی نەخۆشخانەی دادای پزیشكی كراوە .


لەلای خۆیەوە هێمن سلێمان بەرپرسی راگەیاندنی پۆلیسی دهۆك رایگەیاندوە لەئێستادا لێكۆڵینەوە لەورووداوە دەستی پێكردوە ڕەنگە هۆكاری خۆكوشتنی ئەو گەنجە بۆ كێشەی كۆمەڵایەتی بگەرێتەوە.


أ.س

نێچیرڤان بارزانی سەرۆك وەزیرانی هەرێمی كوردستان و جۆن سولیڤان جێگری وەزیری دەرەوەی ئەمەریكا كۆدەبنەوە ولەكۆبونەوەكەدا پشتگیریی ئەمەریكا بۆ هەرێمی كوردستان دووپات دەكرێتەوە و داوای بەردەوامی گفتوگۆكانی هەولێر ـ بەغدا دەكرێت بۆ چارەسەركردنی كێشەكان و هاریكاریی ئەمنی و ئابووری.

ماڵپەری حكومەتی هەرێمی كوردستان بڵاویكردوەتەوە نێچیرڤان بارزانی سەرۆك وەزیرانی هەرێمی كوردستان پێشوازی لەجۆن سولیڤان جێگری وەزیری دەرەوەی ئەمەریكا و شاندێكی باڵای یاوەری كرد وەكە لە ژەنەراڵ میگی ڤادل یاریدەدەری سەرۆكی دەستەی ئەركانی هابەش، دۆگلاس سیلیمان باڵیۆزی ئەمەریكا لە عێراق، ستیڤ ڤاگن كونسولی گشتیی ئەمەریكا لە هەرێمی كوردستان و چەند بەرپرسێكی دیكەی دیپلۆماسی و سەربازیی ئەمەریكا پێكهاتبوو.


لە دیدارێكدا سولیڤان پیرۆزبایی لە نێچیرڤان بارزانی كردوە بۆ سەركەوتنی هەڵبژاردنی پەرلەمانی كوردستان و سەركەوتن بە سەر داعشدا، هەروەها پشتگیریی ئەمەریكای بۆ هەرێمی كوردستان دووپات كردەوە و داوای بەردەوامیی گفتوگۆكانی هەولێر ـ بەغدای كرد بۆ چارەسەركردنی كێشەكان و هاریكاریی ئەمنی و ئابووری. بەڕێزیان هەروەها تیشكی خستە سەر دوایین پێشهاتەكانی عێراق و هیوای خواست هەموو سەركردە عێراقییەكان كار بكەن بۆ ئەوەی لە كاتی دیاریكراوی خۆیدا و بەپێی دەستووری عێراق، حكوومەتی تازەی عێراق دەستبەكار ببێت.


لای خۆیەوە سەرۆك وەزیرانی هەرێمی كوردستان سوپاسی ئەو سەردانە و هاوكارییەكانی ئەمەریكای بۆ هەرێمی كوردستان كردوە و پوختەیەكی دەربارەی پرۆسەی سیاسیی عێراق و بەشداریی هەرێمی كوردستان تیایدا و پرۆسەی سیاسی لە هەرێمی كوردستان و هەڵبژاردنەكانی پەرلەمانی كوردستان خستوەتە ڕوو.


أ.س

 

 

 

1. فاسۆلیا : بە پاقلەی شێوە گورچیلەیی ناسراوە یارمەتییەكی زۆری كردنە دەرەوەی بەردی گورچیلە دەدات، چونكە دەوڵەمەندە بە ڕیشاڵ و سەرچاوەیەكی دەوڵەمەندی پرۆتینی گیانلەبەرییەو ڕێژەیەكی زۆری ڤیتامین  ی تێدایەو تەندروستی گورچیلەو كۆئەندامی میز باشتر دەكات.

2. كەرەوز : ئەم سەوزەیە وزەیەكی زۆر دەدات بە گورچیلەكان، بەكارهێنانی تۆی كەرەوز لە چا یان هەر وەكو بەهارات ڕێگە لە دروستبوونی بەردی گورچیلە دەگرێت.

3. شەربەتی هەنار : بەپێی نوێترین توێژینەوە كە پزیشكان ئەنجامیان داوەو بۆیان دەركەوتووە كە ماددەیەك لە هەنار هەیە، ڕێگە لە دروستبوونی بەردی گورچیلە دەگرێت، ئەگەر مەترسی دروستبوونی بەرد لەسەر گورچیلەكانت هەبێت، دەتوانن ڕۆژانە یەك تا دوو كوپ شەربەتی هەنار بخۆنەوە، بەمەیش لە بەردی گورچیلە بە تەواوی ڕزگارتان دەبێت.

4. ئاو : خواردنەوەی ئاو زۆر گرنگە، بەڵام كاتێك بەردی گورچیلەت هەبێت پێویستە شلەی تەواو لەناو سیستەمی لەشدا بمێنێتەوە، بۆ ئەوەی لە ڕێگەی هەڵقوڵانی ئاوەوە یارمەتی كردنە دەرەوەی كانزا زیادەكان و بەردی گورچیلە بدات، ئەگەر كاتێكی دیاریكراوت نەبێت بۆ خواردنەوەی ئاو، ئەوا بەگوێرەی كاڵی و تۆخی ڕەنگی میز دەتوانن بزانن كە لەشتان پێویستی بە ئاوە.

 

 

 

ئـ . كـ

 

 

 

لێكۆڵەرەوانی پۆلیسی توركیا چوونە ناو كونسوڵخانەی سعودیەوە لە ئیستەنبوڵ ئەمەش دوو هەفتە دوای دیارنەمانی ڕۆژنامەنووس (جەمال خاشقچی) دێت.

سەرچاوەیەكی سیاسی توركیا لە ماوەی ڕابردوودا ڕایگەیاندبوو، تیمێكی هاوبەشی لێكۆڵەرەوانی توركیاو سعودیە كونسوڵخانەكە دەپشكنن، ئەویش كۆتا شوێنە كە دوایین جار خاشقچی لێبینراوە پێش دیارنەمانەكەی.

بەرپرسانی توركی دەڵێن، پێیان وایە (جەمال خاشقچی) لەناو كونسوڵخانەكەدا كوژرابێت و لاشەكەی لەوێوە گواسترابێتەوە، سعودیەش بە توندی كوشتنی خاشقچی ڕەت دەكاتەوە.

 

 

ئـ . كـ

 

پۆلیسی سلێمانی لەبارەی كوژرانی بەرێوەبەری ناحیەی ناڵپارێز زانیاری ئاشكرادەكات و رایدەگەیەنێت، لێكۆڵینەوەیان لە رووداوەكە دەستپێكردووە.


بەرێوەبەرایەتی پۆلیسی سلێمانی ئاشكرایكردووە، پاشنیوەڕۆی دوێنێ 15-10-2018 بەڕێوەبەری ئاوی ناحیەی ناڵپارێز بەفیشەك كوژرا و هێزەكانی پۆلیسی قەزای پێنجوێن لێكۆڵینەوەكانیان دەستپێكردووەو بەدوای تۆمەتبارانەوەن .

ئاماژە بەوەشكراوە، هاوڵاتی ( أ ، أ ، ع ) ی تەمەن 33ساڵ كە بەڕێوەبەری ئاوی ناحیەی ناڵپارێزە دوێنێ بە فیشەك كوژرا، دوای گەیشتنی هێزەكانی پۆلیس و تیمەكانی بەشی پۆلیسی بەڵگەی تاوان كەشف و هێڵكاری بۆ شوێنی ڕوداوەكە كراو لە ئێستاشدا هێزەكانی پۆلیس سەرقاڵی لێكۆڵینەوە و دەستگیركردنی تۆمەتبارانی ڕوداوەكەن .

پۆلیسی سلێمانی جەختیشكردوەتەوە، بەپێی زانیارییە سەرەتاییەكانی پۆلیسیش هۆكاری ئەو ڕوداوە كێشەی كۆمەڵایەتی بووە .

 

پەڕەى 1 لەکۆى 4348 پەڕەدا