The Latest

 

بریارە ئەمرۆ لەیارییەكانی چوونی قۆناغی پێشكۆتایی خولی یانە پاڵەوانەكانی ئەوروپا هەردوو یانەی بایرن میونخ و ریال مەدرید رووبەرووی یەكترببنەوە".

یارییەكە كاتژمێر (9:45)ـی شەو بەكاتی هەولێر لەیاریگای (ئەلیانز ئەرێنا) لەشاری میونخ بەرێوەدەچێت".

ریال مەدرید پاڵەوانی دوو وەرزی رابردووە ، چاوی لەوەیە بە ئەنجامێكی ئیجابی بگەرێتەوە مەدرید و لەوێ خۆی بۆ گەیشتن بە یاری كۆتایی ئامادە بكات".

هەرچی یانەی بایرن میونخ دوای یەكلایی كردنەوەی خولی ئەڵمانیا و گەیشتنی بە یاری كۆتایی جامی ناوخۆ ، دەیەوێت وەك یەكەم یانە لەسەر سێ نازناو جەنگ بكات ، بۆ ئەمەش پشت بە ئەزمونی هاینكسی راهێنەر دەبەستێت".

بایرن میونخ و هاندەرانیان دەیانەوێت تۆڵەی دوو ساڵی رابردوویان بەرامبەر ریال مەدرید بكەنەوە كە لەسەر دەستی ئەم یانەیە دەستبەرداری چامپیۆنس لیگ بوون".

لەریزەكانی بایرن هەریەكە لە (نۆیەر و ئەلەبا و تۆلیسۆ و ڤیدال) بەهۆی پێكانەوە ناتوانن بەشداری بكەن".

رێكان عزیز

 

بریارە ئەمرۆ لەیارییەكانی قۆناغی چارەكی كۆتایی پاڵەوانیەتی پلە دووەكانی كوردستان هەردوو یانەی ئاسۆ و شەقڵاوە رووبەرووی یەكترببنەوە".

یارییەكە كاتژمێر (4:00)ـی ئێوارە بەكاتی هەولێر لەیاریگای (یانەی شەقڵاوە) بەرێوەدەچێت".

ئاسۆ لە قۆناغی یەكەم توانی بەربەستی هەرسێ یانەی (خەبات و شێخان و زانكۆی جیهان) ببرێت و گەیشتە قۆناغی چارەكی كۆتایی، لەو سێ یارییەشدا توانی (8) گۆڵ تۆمار بكات و تەنها (3) گۆڵی لێ تۆمار بكرێت".

براوەی یارییەكەی ئەمرۆ پێویستی بە یەك یاری دیكە دەبێت بۆ ئەوەی بەشێوەیەكی فەرمی سەركەوێت بۆ خولی یانە پلە یەكەكانی كوردستان".

ئەمەش خشتە وكاتی یارییەكانی دیكەیە:

لا يتوفر نص بديل تلقائي.


 

رێكان عزیز

 

لەمیانی یارییەكانی دواین گەڕی قۆناغی كۆمەڵەكانی جامی یەكێتی ئاسیا ، هەردوو یانەی زەورا و قوەجەویە یارییان كرد ، زەورا شكستی هێنا لەگەیشتن بە قۆناغی داهاتوو ، قوەجەویەش گەیشتە پێشكۆتایی".

ئەمە ئەنجامی یاری هەردوو یانەبوو:

قوەجەویە 2 – 0 سوێق
جەیش 1 – 1 زەورا

یانەی قوەجەیە بە باشترین دووەم گەیشتە قۆناغی داهاتوو ، زەوراش نەیتوانی پلەی یەكەم بباتەوە و لە پاڵەوانیەتییەكە ماڵئاوایی كرد".


 

رێكان عزیز

 

لەمیانی یارییەكانی چوونی قۆناغی پێشكۆتایی یانە پاڵەوانەكانی ئەوروپا یانەی لیڤەرپوول بەسەركەوتنێكی گەورە كۆتایی بەیارییەكە هێنا و بە ئەنجامی (5 – 2) لە یانەی رۆمای بردەوە".

ئەستێرەی یارییەكەی محمد سەلاح بوو بە تۆماركردنی دوو گۆڵ و دروست كردنی دوو گۆڵی دیكە ، دوو گۆلەكەی دیكەش فێرمینهۆ تۆماریكرد و گۆڵی پێنجەمیش سادیۆ مانێ تۆماریكرد".

هەردوو گۆڵەكەی رۆماش یاریزانان (ئەدین دزیكۆ و دیگۆ پیرۆتی) تۆماریانكرد".

بەم ئەنجامەش یانەی لیڤەرپوول لەیاری گەرانەوەدا بەهەر ئەنجامێكی بردنەوە و یەكسانبوون و دۆراندن بەجیاوازی (2) گۆڵ دەگاتە یاری كۆتایی".


 

رێكان عزیز

 

بەڕێوەبەرى پاسپۆرتى پارێزگای سلێمانى ڕایگەیاندووە: موچەى مانگى ١١ و ١٢ی ساڵی ڕابردووی ڕەگەزنامە و پاسپۆرت و نشینگە و کارتی زانیاری لەلایەن حکومەتى عێراقەوە خەرجدەکرێت.

ئه‌مڕۆ سێ شه‌ممه‌، سالار عەبدوڵا بەڕێوەبەرى پاسپۆرتى پارێزگاى سلێمانى له‌ پەیجی فەرمی بەڕێوەبەرایەتییەکە ڕاگەیاندووە: لە کۆبوونەوەیان لەگەڵ هەریەکە لە وەزیرى ناوخۆى عێراق و پارێزگارى سلێمانى بڕیارى خەرجکردنى مووچەى هەر چوار بەڕێوەبەرایەتییەکە دراوە.

ئه‌وه‌ش خراوه‌ته‌ڕوو: لە کۆبوونەوەکەدا بەڕێز وەزیرى ناوخۆی عێراق ڕەزامەندى دەربڕیوە بە سەرفکردنى موچەى مانگى (١١ ،١٢)ى ساڵی ڕابردووى هەر چوار بەڕێوەبەرایەتییەکانى ڕەگەزنامە، پاسپۆرت، نشینگە و کارتى زانیارى.

 

 

وەزارەتی دارایی حكومەتی هەرێم رایگەیاندووە، مووچەی مانگی دووی فەرمانبەران لەبەر دەستەو هەفتەی داهاتووش دابەش كردن دەست پێدەكات.

سەرەتای ئەم هەفتەیە حكومەتی عێراق بڕی (317) ملیار دیناری بۆ مووچە رەوانەی هەرێم كردووە، بڕیاریش وایە هەفتەی داهاتوو لە هەرێم مووچەی مانگی دووی دوو وەزارەت دابەش بكرێت.

ئەمەو بەپێی زانیارییەكان لەبەر ئەوەی مانگی رابردوو سەرەتا مووچەی هەریەكە لە وەزارەتەكانی پەروەردەو تەندروستی دابەش كرا، پێشبینی دەكرێت هەفتەی دابێ‌ ئەو دوو وەزارەتە مووچە وەربگرن.

 

 

ئـ . كـ

 


جیان لویجى بۆفۆن گۆلچى ئیتاڵى و یانه‌ى یۆڤانتۆس هێرشێكى توندى هاورێكانى ، دواى ئه‌وه‌ى له‌سه‌ر ده‌ستى ناپۆلى تووشى شكست هاتن به‌گۆلێكى خاوێن له‌ خولى ئیتاڵى .
پێگه‌ى فوتبۆڵى ئیتاڵى ئاشكراى كردوه‌ له‌ ژوورى خۆ گۆرینى یاریزانان بۆفۆن هێرشێكى توندى كردۆته‌ سه‌ر هاورێكانى دواى ئه‌وه‌ى تووشى شكست هاتن له‌ چركه‌ ساته‌كانى كۆتایى یارى له‌ خولى كالشیۆى ئیتاڵیا .
هه‌مان سه‌رچاوه‌ ئه‌وه‌شى ئاشكرا كردوه‌ یاریزانى مه‌غریبى مهدى بن عه‌تیه‌ روبه‌روى زۆرترین ره‌خنه‌ى بۆفۆن بۆته‌وه‌ دواى ئه‌وه‌ى ئه‌م یاریزانه‌ نه‌یتوانى چاودێرى یاریزانى ناپۆلى كۆلیبارى بكات .
جێگه‌ى ئاماژه‌یه‌ ناپۆلى به‌تاكه‌ گۆلى یاریزان كۆلیبالى توانى سه‌ركه‌وتن به‌سه‌ر یۆڤانتۆس به‌ده‌ست بهێنێت له‌ خوله‌كه‌كانى كۆتایى یارى هه‌فته‌ى (34)خولى ئیتاڵى .

 ن.ش

 


دواى دابه‌زینى ئاستى له‌گه‌ڵ یانه‌كه‌ى ،ئه‌ستێره‌ى وێڵزى و یانه‌ى ریال مه‌درید گاریس بێل نزیك بۆته‌وه‌ له‌ جێهێشتنى یاریگاى سه‌نتیاگۆ برنابیۆ .
رۆژنامه‌ى ئێكسبرێسى ئینگلیزى ئاشكراى كردوه‌ مانچسته‌ر یونایتد به‌سه‌ركردایه‌تى راهێنه‌رى پرتوگالى جۆزىَ مۆرینۆ ده‌یه‌وێت گرێبه‌ست له‌گه‌ڵ گاریس بێل ئیمزا بكات له‌ پێناو به‌هێز كردنى هێلى پێشه‌وه‌ى یانه‌كه‌ى .
رۆژنامه‌كه‌ ئه‌وه‌شى ئاشكرا كردوه‌ جگه‌ له‌وه‌ى مانچسته‌ر یونایتد گرنگى به‌تواناكانى گاریس بێل ده‌دات ، له‌ هه‌مان كاتدا ئینته‌رمیلان گرنگى به‌م یاریزانه‌ ده‌دات .
رۆژنامه‌ ئینگلیزیه‌كه‌ زیاترى نوسیوه‌ ریال مه‌درید ده‌یه‌وێت سوود له‌م هه‌له‌ وه‌ربگریت و گرێبه‌ستێكى ئالوگۆر ئه‌نجام بدات و له‌به‌رامبه‌ر ده‌ست به‌ردار بوون له‌ تواناكانى بێل ،گرێبه‌ست له‌گه‌ڵ ماوۆر ئیكاردى ئه‌رجه‌نتینى ئیمزا بكات .

 ن.ش

 


یانه‌ى یۆڤانتۆس بیر له‌وه‌ ده‌كاته‌وه‌ گرێبه‌ست له‌گه‌ڵ راهێنه‌رێكى نوىَ ئیمزا بكات ، ئه‌گه‌ر بێتو راهێنه‌رى ئیتاڵى ئه‌لیگرى ده‌ست له‌ پۆسته‌كه‌ى بكێشێته‌وه‌ .
ئه‌لیگرى پالێوراوه‌ شوێنى ئارسن فینگه‌ر بگرێته‌وه‌ له‌ یانه‌ى ئه‌رسناڵ ، بریاره‌ راهێنه‌رى فه‌ره‌نسى له‌ كۆتایى ئه‌م وه‌رزه‌ ریزى گانه‌رز جێبهێلێت .
راهێنه‌ران فه‌ره‌نسى و یانه‌ى ریال مه‌درید زێنه‌دین زێدان و ئیتاڵى سیمۆنى ئینزاگى راهێنه‌رى لازیۆ و دیدیه‌ دیشامب راهێنه‌رى هه‌لبژارده‌ى فه‌ره‌نسا و رۆبه‌رتۆمانشینى راهێنه‌رى پێشووى ئینته‌رمیلان پالێوراون بۆئه‌وه‌ى شوێنى ئه‌لیگرى بگرنه‌وه‌ .
راهێنه‌رى ئیتاڵى مانشینى پالێوراوى یه‌كه‌مه‌ بۆئه‌وه‌ى ببێته‌ راهێنه‌رى یۆڤانتۆس ، له‌ هه‌مان كاتدا راهێنه‌ر ماسیمۆ كاریرا یاریده‌ده‌رى پێشووى ئه‌نتۆنیۆ كۆنتى له‌ یۆڤانتۆس پالێوراوه‌ .

 ن.ش

 


هێرشبه‌رى ئینگلیزى و پێشووى لیڤه‌رپول مایكل ئۆین پێش بینى ئه‌نجامه‌كانى یارى پێش كۆتایى قۆناغى كۆمه‌ڵه‌كان ده‌كات كه‌ بریاره‌ یاریه‌كان ئه‌مشه‌و سبه‌ى شه‌و یاریه‌كانى چوون ئه‌نجام ده‌درێت .
لیڤه‌رپول ئه‌مشه‌و له‌ یاریه‌كى ئاگریندا روبه‌رووى رۆما ده‌بێته‌وه‌ له‌ یاریگاى ئه‌نفێڵد رۆد ، له‌به‌رامبه‌ردا سبه‌ینىَ چوار شه‌مه‌ له‌ یاریگاى ئه‌لیانز ئه‌رینا ریال مه‌درید پاڵه‌وانى دوو وه‌رزى رابردوو ده‌بێته‌ میوانى بایره‌ن میونخ .
مایكل ئۆین پێش بینى ده‌كات لیڤه‌رپول به‌ئه‌نجامى (3×1)سه‌ركه‌وتن به‌سه‌ر رۆما به‌ده‌ست بهێنێت ، وه‌ پێش بینى ده‌كات و ریال مه‌درید و بایره‌ن میونخ به‌گۆلێك یه‌كسان بن .
جێگه‌ى ئاماژه‌یه‌ لیڤه‌رپول به‌سه‌ركه‌وتنى به‌سه‌ر یانه‌ى مان سیتى و رۆما به‌سه‌ركه‌وتنى به‌سه‌ر به‌رشلۆنه‌ و ریال مه‌درید له‌سه‌ر خیسابى یۆڤانتۆس و بایره‌ن میونخ به‌سه‌ركه‌وتنى به‌سه‌ر ئیشبیلیه‌ خۆیان گه‌یانده‌ قۆناغى پێش كۆتایى خولى یانه‌ پاڵه‌وانى ئه‌وروپا .

 ن.ش

 

پەڕەى 1 لەکۆى 3705 پەڕەدا