The Latest


لەماوەی 72كاتژمێری ڕابردودا زیاترلە 350 كەسایەتی سیاسی لە وەزیرو پەرلەمانتاران و بەرپرسانی پلە باڵا لەگەڵ خێزانەكانیادا بەهۆی خۆپیشاندانەكانەوە لەڕێگەی فرۆكەخانەكانەوە عێراقیان جی َهێشتوەو .


ماڵپەری (غدپرێس) لەزاری سەرچاوەیەكەوە" بەهۆی ئەو خۆپیشاندانانەوە كە ماوەی چەند رۆژێكە لە چەند پارێزگایەكی عێراق سەریان هەڵداوە لەماوەی سێ رۆژی ڕابردودا 350 كەسایەتی سیاسی لە وەزیرو پەرلەمانتاران و بەرپرسانی پلە باڵا كە نزیكەی 1300كەس بوون بەژن و منداڵەكانیانەوە لەرێگەی فرۆكەخانەكانی هەولێرو نەجەف و بەغداوە عێراقیان جێ هێشتووە"


سەرچاوەكە ئاماژەی بەوەشداوە" لەئێستادا زۆربەی ئەو خانو و باڵەخانانەی كە كەوتونەتە ناوچەی سەوزی بەغدادەوە و ماڵی بەرپرسانی تێدا نیشتە جێ بووە چۆڵكراون و دانیشتوانەكانیان بەرەو ئەستەنبوڵ وعومان و دوبەی و وڵاتی دیكە رۆیشتون"


جێگەی ئاماژەیە نزیكەی دووهەفتەی لە پارێزگاكانی ناوەراست و باشوری عێراق خۆپیشاندان سەری هەڵداوە و تا ئێستاش نزیكەی 13 خۆپیشاندەر كوژراون و زیاترلە 700 كەسیش برینداربون و دەیان بارەگای حیزبی و حكومیش سوتێنراون.


أ.س

بەرێوەبەرایەتی كۆمەڵگەی باشماخ ڕایدەگەیەنێت ،لەسۆنگەی خەمخۆری و هەستكردن بە بەرپرسیارێتی و بەمەبەستی پاراستن ڕێگری كردن لە هاوردەكردنی كەرەستە و كاڵا و بابەتی نەگونجاو و خراپبوو و بەسەرچوونزیكەی هەزاركارتۆن جگەرەی نەشیاومان لەناو بردوە.

بەرێوەبەرایەتی كۆمەڵگەی باشماخ لەڕاگەیەنراویكدا كەوینەیەكی دەست كوردیو كەوتوە رایگەیاندوە"بەرواری ٢٢-٧-٢٠١٨ بڕی (٩٥٠) كارتۆن جگەرەی جۆری (Mister) لەپاش ئەنجامدانی پشكنین لەلایەن لایەنی پەیوەندی دارەوە دەركەوت كە جگەرەكە ووشكبووەتەوە شیاونیە بۆ بەكار هێنان ولەپاش پێكهێنانی لیژنەیەك كە پێكهاتبوون لە نوێنەری چەند فەرمانگەیەكی پەیوەندی داری كۆمەڵگای باشماخ هەستان بە لەناوبردنی ئەم بارە."


كۆمەڵگەی باشماخ راشیگەیاندوە"دەستخۆشی بۆ ئەندامانی لیژنەو سەرجەم فەرمانگەكانی كۆمەڵگای باشماخ كە بەردەوام لەئەركدان بەمەبەستی زیاتر خزمەتكردنی هاونیشتمانیان. "
أ.س

بەرێوەبەرایەتی شارەوانی هەڵەبجە ئاگاداری هاوڵاتیانی ژمارەیەك گەرەك دەكاتەوە كە خانوەكانیان تاپۆ نەكراوە سەردانی شارەوانی بكەن بەمەبەستی تاپۆكردنی خانوەكانیان.


لە نوسراوێكدا كەوێنەیەكی دەست كوردیو كەوتوە و واژووی كوێستان محمد سەرۆكی شارەوانی هەڵەبجەی لەسەر هاتووە" ئاگاداری هاوڵاتیانی كە موڵكەكانیان دەكەونەوە ئەم گەرەكانەوە دەتوانن سەردانی شارەوانی هەلەبجە بكەن بەمەبەستی تاپۆكردنی مولكەكانیان"


لە نوسراوەكەی شارەوانی هەڵەبجەدا ناوی گەرەكەكانیش هاتووە كە ئەمانەن" ناو بازار- مەرزە بۆتۆو – كیمیا باران- شەهیدان – شیخ كاوە- كانیە قوڵكەی 1+2 –بەشێك لەئوتێلی گەشتیاری)


أ.س

 

ڕۆژنامەی شەرقول ئەوسەت ئەمڕۆ دوو شەمە بڵاویكردەوە، لیستی فەتح بە سەرۆكایەتی هادی عامی فەرماندەی حەشدی شەعبی پاش ڕاگەیاندنی ئەنجامی بژاردنەوەی دەستی دەبێتە لیستی یەكەم و پێش لیستی سائرونی ڕەوتی سەدر دەكەوێت.


بە گوێرەی لێدوانی بەرپرسێكی باڵای شیعەكان كە ناوەكەی بۆ ڕۆژنامەكە ئاشكرا نەكردووە، دوای بژاردنەوەی دەستی لیستی فەتح دەبێتە یەكەم و كورسیەكانی بۆ 60 كورسی بەرز دەبێتەوە، لیستی سائیرونیش وەك خۆی كەمێنێتەوە كە ژمارەی كورسیەكانی 45 كورسی یە.


ئەو بەرپرسە ئاماژەی بەوەكردووە، دوای سەردانەكەیان بۆ هەرێمی كوردستان، كەشَكی ئەرێنی لە نێوان كورد و شیعەكان دروست بووەـ بەتایبەت هادی عامری پەیوەندیەكی بتەوی هەیە لەگەڵ سەركردەكانی هەرێمی كوردستان.


هەروەك دەڵێت: پێنج لیستە براوەكەی شیعە( فەتح و نەسر و سائیرون، دەوڵەتی یاسا و حیكمە) هاڕوان دەبێت كورد و شیعە پێكهێنەری سەەركی حكومەتی داهاتوو بن.

 

بەڕێوبەرایەتی ئاسایشی هەولێر لەسەر ڕوداوی هێرشكردنەسەر بینای پارێزگای هەولێر دڵنیایی دەداتە هاوڵاتیان و ڕایدەگەیەنێت: بارودۆخی ئەمنی هەولێر جێگیرە.

 


بەڕێوبەرایەتی ئاسایشی هەولێر لە بەیاننامەیەكدا كەوێنەیەكی دەست كوردیو كەوتوە، ڕایگەیاند:" كاتژمێر 7:12 خولەكی سەرلەبەیانی ئەمڕۆ دووشەممە سێ چەكدار كە ناسنامەیان لای ئێمە ئاشكرایە لە كردەوەیەكی تیرۆرستیدا پەلاماری باڵەخانەی پارێزگای هەولێریانداو ڕوبەڕوی پۆلیسەكان بونەوە، سەرەتا پۆلیسێكیان برینداركرد كە پاسەوانی دەرگای سەرەكی باڵەخانەكە بوو دواتر چوبونە ناو باڵەخانەكەوە".

 

 

هەروەه ئاماژەی بەوەشكر:" دەست بەجێ هێزەكانمان كۆنترَۆڵی دۆخەكەیان كردوو لە ماوەیەكی كەمدا توانیان هەرسێ تیرۆرستەكە بكوژن بەبێ هیچ زیانێك لە هێزەكانمان، بەڵام بە داخەوە فەرمانبەرێكی خزمەتگوزاری پارێزگا لەلایەن تیرۆرستانەوە شەهیدكرا".

 

 

بەڕێوبەرایەتی ئاسایشی هەولێر ئەوەشی خستەڕوو:" جەماوەر دڵنیا دەكەینەوە كە ڕەوشی ئەمنی پارێزگای هەولێر ئارامە و هێزەكانمان بەردەوام ئامادەن بۆ شكست هێنان بەهەر هەوڵ و پیلانێكی دوژمنان".

 

 

لە كۆتای ڕاگەیەندراوەكەی ئاسایشی هەولێردا ئەوەش هاتووە:" لە ئایندەیەكی نزیكدا ووردەكاری زیاتری ئەم كردەوە تیرۆرستیە بڵاو دەكەینەوە".

 

 

 

 

 

 

س ب


باڵی سەربازی پەكەكە ناسراو بە هەپەگە ڕایدەگەیەنێت لە دوو ڕۆژی ڕابردوودا لە چەند چالاكیەكدا دژی سوپای توركیا لە باكوری كوردستان و هەرێمی كوردستان، لانی كەم حەوت سەرباز كوژراون.


لە ڕاگەیەنراوی پەكەكەدا هاتووە " لە بەرواری 21ی ئەم مانگە لە ناوچەی برادۆست هێرشكرایە سەر پێگەیەكی سوپای توركیا و سێ سەرباز كوژران و سەربازێكیش برینداربوون.


هەروەك لە ئەنجامی هێرشێكدا بۆ سەر بارەگایەكی سەربازی لە جۆلەمێرگ دوو سەرباز كوژراون و دوو سەربازی دیكەش برینداربوون.

 

جێگری پارێزگاری هەولێر ڕایدەگەیەنێت: ئەو سێ چەكدارەی چونە ناو بینای پارێزگای هەولێرەوە كوژران و لە ڕوداوەكەدا كارگوزارێك و پاسەوانێكی بیناكە بونەقوربانی.

 


تاهیر عەبدوڵا جێگری پارێزگاری هەولێر بە ڕۆژنامەنوسانی ڕاگەیاند: لەدوای ئەوەی لە كاژمێر 7:45 خولەكی سەرلەبەیانی ئەمڕۆ دووشەممە سێ چەكدار چوونە نێو باڵەخانەی پارێزگای هەولێر و لەدوای چوار كاتژمێر لەئۆپەراسیۆنی هێزە ئەمنیەكان توانرا سێ چەكدارەكە بكوژرێت.

 


هەروەها ووتیشی: لە ڕوداوەكەدا كارگوزارێك كوژراوەو پاسەوانێكی بینای پارێزگاكەش بریندارە.

 

 

 

 

 

 

س ب

پەڕەى 1 لەکۆى 4028 پەڕەدا