میوەی ئەناناس وەكو دەرمانخانەیەك وایە، چونكە سوودێكی زۆری هەیە، بۆیە پسپۆرانی بواری میوە ئامۆژگاری مرۆڤ دەكەن كە زۆر میوەی ئەناناس بخوات، لە هەمان كاتدا سوودێكی زۆری هەیە بۆ زۆرترین جۆرەكانی نەخۆشی.

لەمیانەی ئەنجامدانی توێژینەوەیەك لەسەر میوەی ئەناناس ئەوەیان بۆ دەركەوتووە، كە میوەی ئەناناس وەك دەرمانخانەیەك وایە بۆ زۆرێك لەنەخۆشییەكانی وەك هەوكردنی جیوب و شێرپەنجەو سكچوون و زۆرێكی تر لەنەخۆشییەكانی ئەم سەردەمە، ئەمە جگە لەئاسانكردنی كاری هەرسكردن.

هەروەها زانایانی بواری میوە باسیان لەوەش كردووە، كەخواردنەوەی شەربەتی ئەناناس چارەسەری نەخۆشی هەوكردنی جیوبی لوتە، بەهۆی ئەوەی مادەی پرۆمیلینی تێدایە.

لە توێژینەوەیەكی تر كە پەیمانگای (كۆینزلاند) لەووڵاتی ئوسترالیا ئەنجامیداوە دۆزینەوەی مادەیەكیان لەڕەگی داری ئەناناس ڕاگەیاندووە، كە دەبێتە هۆی بەرز بوونەوەی دەزگای بەرگری لە لەش و بەرەنگاربوونەوەی خانەكانی شێرپەنجەو چەندین نەخۆشی تری مەترسیدار.

 

 

 

وەزارەتی بازرگانی و پیشەسازی حكومەتی هەرێم ڕوونكردنەوەیەكی بەپەلە دەدات لەسەر بڕینی بەشەخۆراكی ئەو هاوڵاتیانەی مووچەكانیان لەبڕی ملیۆنێك و 500 هەزار دینار زیاترە، بەڕێوەبەرێكی گشتی ئەو وەزارەتەش ڕایدەگەیەنێت، ئەگەر مووچەی بنەڕەتی هەر مووچەخۆرێك بگاتە ئەو بڕە پارەیە ئەوە بەشە خۆراكەكەی دەبڕدرێت نەك كۆی مووچەكەی.

لەدوای هەڵوەشاندنەوەی سیستەمی پاشەكەوتی مووچە، مووچەی بەشێك لەمووچەخۆرانی هەرێم دەگاتە سەرووی ملیۆنێك و 500 هەزار دینار، بەگوێرەی بڕیارێكی پێشووی وەزارەتی بازرگانی عێراقیش ئەو هاوڵاتیانەی مووچەكانیان دەگاتە ئەو بڕە، ئەوە بەشەخۆراكیان دەبڕدرێت.

(نەوزاد ئەدهەم) بەڕێوەبەری گشتی بازرگانی لەوەزارەتی بازرگانی حكومەتی هەرێم بۆ ئێس ئێن ئێن ڕایگەیاند، بەگوێرەی بڕیارەكەی وەزارەتی بازرگانی عێراق ئەگەر مووچەی بنەڕەتی مووچەخۆرێك بگاتە ملیۆنێك و 500 هەزار دینار ئەوە بەشە خۆراكەكەی دەبڕدرێت، ئەوەشی كە باس لەكۆی مووچە دەكات هەڵەیەو بڕیارەكە باسی ئەوەی نەكردووە كە كۆی مووچە بگاتە ملیۆنێك و 500 هەزار دینار.

وتیشی: دەبێت هەر وەزارەتێكی حكومەتی هەرێم لیستی مووچەی بنەڕەتی ئەو فەرمانبەرانە ئامادەبكات كە مووچەی بنەڕەتیان دەگاتە ئەو بڕە پارەیەو ئاراستەی وەزارەتی بازرگانی بكەن بۆ ئەوەی بەشە خۆراكەكانیان ببڕدرێت.

 

 

 

بریارە ئەمرۆ یارییەكانی قۆناغی گرووپەكانی پاڵاوتنی یۆرۆی (2020) بەرێوەبچێت ، ئەمەش خشتە و كاتی یارییەكانە:

 

ئەمرۆ: (8:00) : ( توركیا × مولدوفا )

ئەمرۆ: (10:45) : ( مۆنتینیگرۆ × ئینگلتەرا )

ئەمرۆ: (10:45) : ( كوسوفو × بولگاریا )

ئەمرۆ: (10:45) : ( پورتوگال × سربیا )

ئەمرۆ: (10:45) : ( لوكسمبۆرگ × ئۆكرانیا )

ئەمرۆ: (10:45) : ( ئەندۆرا × ئەلبانیا )

ئەمرۆ: (10:45) : ( فەرەنسا × ئایسلەندا )

 

هەڵبژاردەی ئۆڵۆمپی عێراق بردنەوەی دووەمی لەسەریەكی لە پاڵاوتنەكانی جامی ئاسیا لەسەر یاریگای پاص لە ئێران لە كۆمەڵەی سێیەم بۆ لەدایك بووانی ژێر تەمەن 23 ساڵان بەدەستهێنا و بە ئەنجامی (2 - 0) لە هەڵبژاردەی توركمانستانی بردەوە".

گۆڵی یەكەمی عێراق لەلایەن مراد محمد لەخولەكی 16 تۆمار كرا، گێمی یەكەمیش بەم گۆڵە كۆتایی هات، لەخولەكی 88 سجاد جەبار گۆڵی دووەمی تۆمار كرد، بەم بردنەوەیەش عێراق بە شەش خاڵ پلەی یەكەمی گرتوەو نزیكە لە گەیشتن بە كۆتاییەكان، لەدواین یاریش بەرامبەر بە ئێران یاری دەكات".

 

لە یارییەكی پڕگۆڵدا هەڵبژاردەی ئەڵمانیا سێ خاڵی گرنگی لە پاڵاوتنەكانی یۆرۆ لە كۆمەڵەی سێیەم بەدەستهێنا كاتێك لە دەرەوەی یاریگای خۆیدا بە سێ گۆڵ بەرامبەر بە دوو گۆڵ لە هۆڵەندای بردەوە".

لیرۆی سانی و سێرجی جنابری و نیكو شۆڵز سێ گۆڵەكەی ئەڵمانیایان تۆماركرد ، دوو گۆڵەكەی هۆڵەنداش دی لیخت و مەمفیس دیبای تۆماریانكرد".

بەم ئەنجامەش ئەڵمانیا یەكەم سێ خاڵی بەدەستهێنا ، هۆڵەنداش بە دوو یاری خاوەنی سێ خاڵە".

 

 

 

توێژینەوەیەكی نوێ دەریدەخات پەرەسەندنی خۆراكی مرۆڤ بەدرێژایی مێژوو لەوانیە كاریگەری هەبووبێت لەسەر شێوەی قسەكردنی.

تیمێكی زمانەوانی لە زانكۆی زیورخ، میكانیكی زیندەوەریان بەكارهێناوە لەهەوڵێكدا بۆ دۆزینەوەی بەڵگە لەسەر پەرەسەندنی كشتوكاڵ لەهەزاران ساڵداو دەڵێن لەوانەیە پەیوەندی هەبێت بەسەر توانای مرۆڤەوە بۆ ووتنی پیتەكانی ئێف و ڤ.

بەپێی بیرۆكەی توێژینەوەكە كە دەڵێت، كشتوكاڵ هەندێك خۆراكی بۆ مرۆڤ ڕەخساندووە، نەرمی لە سیستەمەی خۆراكی مرۆڤدا هاتۆتە ئاراوە، ئەمەش بۆتە هۆی داخورانی دانی مرۆڤ و بەچوونە تەمەنەوە شێوەی ووتنی دەنگی ئەو پیتانەی ئاسانتر كردووە.

لەسەر بنەمای گروپێك لەزمانە فراوانەكانی جیهان، بڕوایەك لای شارەزایانی زمان هەیە كە مرۆڤ هاوبەشن لە هەمان ئەندامی بایۆلۆجی و توانادا بۆ دروستكردنی دەنگ لە زمانەكاندا.

لەگەڵ داخورانی دانی مرۆڤدا بەشێوەیەكی سروشتی بۆتە هۆی لاربوونەوەی بەئاڕاستەی سەرەوە، بۆ ڕاستكردنەوەی ئەمە، كاكیلەی خوارەوە چۆتە پێشەوە بەشێوەیەك ڕیزی دانی سەرەوەو خوارەوە هاوتەریب بوون.

توێژینەوەكە گەشتۆتە ئەوەی، سەبارەت بەمێژووی مرۆڤ ئەم شێوەی دانە بنەمابووە لەكاتی گەوروبوونی مرۆڤدا، وەك سەرنج دراوە لەزۆر لە كەللـەسەرەكانی بەر لەمێژوودا ئەوەی دۆزراونەتەوەو بۆ ماوەی (30) ساڵ توێژینەوەیان لەسەر كراوە.

بەڵام كاتێك كۆمەڵگە بەرەو كشتوكاڵ و دانەوێڵەو بەخێوكردنی ئاژەڵ هەنگاوی ناوە، سیستەمی خۆراك گۆڕاوەو دانی مرۆڤ كەمتر تووشی داخوران بووە، ئەمەش ڕێگەیداوە مرۆڤی زیاتر دانیان لەكاتی گەورە تەمەنیدا بمێنێت.

بەپێی توێژینەوەكە سەرەتای ڕێكبوونی دان بەشێوەیەك بۆ ووتنی پیتەكانی ئێف و ڤ لەڕێگەی دانانی لێوی خوارەوە لەژێر دانی سەرەوەدا بووە.

توێژینەوەكە دەڵێت، هەموو ڕەفتارێك و نەریتێكی كۆمەڵایەتی بەكارهاتووە لەوانەیە گۆڕانكاری لە شێوەی وتنی زماندا هەبێت.

 

 

لەوانەیە هیوایەك بۆ ڕاگرتنی گۆڕانكاری كەش و هەوا لەسەر ئەندازیاری جیۆلۆجی خۆر وەستابێت.

توێژەرەوانی زانكۆی هارڤاردو برنستۆن و پەیمانگای تەكنەلۆجیای ماساچۆسیتس توێژینەوە لەسەر كەمكردنەوەی وزەی گەیشتوو بەزەوی دەكەن لە خۆرەوە، بە شكانەوەی تیشكەكەی.

بەپێی بڵاوكراوەیەك لە گۆڤاری (نەیچەر) دا، توێژەرەوان توێژینەوە لەسەر ناردنی وردیلە بۆ بەرگی زەوی دەكەن بۆ شكانەوەی بەشێك لەتیشكی خۆر بۆ دوور لە زەوی.

ئامانجی ئەمەش خاوكردنەوەی خێراگەرم بوونی زەویە كە دەبێتە هۆی گۆڕانكاری كەش و هەوا.

توێژەرەوان دەڵێن، لە توێژینەوەكەیاندا كاریگەری نەرێنی ئەو تاقیكردنەوەی بەهەند وەردەگرن، ئەگەر بێت و لەهەندێك ناوچەی زەوی بكرێت كە لەوانەیە تووشی پشێوی كەش و هەوا بێت.

هەندیك زانا ئەم كارە بە مەترسی دەزانن و دەڵێن، ڕێگریكردن لە تیشكی خۆر كاریگەری لەسەر ژیانی بوونەوەرەكانی سەر زەوی دەبێت لەوانە ڕووەك و درەخت و تەنانەت گیاندارانی دەریا.

 

 

تیمێكی شارەزایان بۆ یەكەم جارە بەمەبەستی دەستنیشانكردنی باشی و خراپی دەستكاریكردنی (DNA) مرۆڤ كۆدەبنەوەو دەڵێن، كارێكی نابەجێیە لەم كاتەدا ئەم كارە بكرێت.

لە كۆتایی ساڵی ڕابردوودا زانایەكی چین مشتوومڕێكی گەورەی نێودەوڵەتی هێنایە ئاراوە، كاتێك ڕایگەیاند: یەكەم منداڵی بەرهەم هێناوە دوای ئەوەی دەستكاری خانەكانی كردووە، ووتیشی : ئەم گۆڕانكاریەی كردوە لە (DNA) دا بۆ پاراستنی جمكێك (دوانە) لە ڤایرۆسی (HIV) ئایدز.

دوای كۆبوونەوەیان لەسەرەتای ئەم هەفتەیدا لەبنكەی سەرەكی ڕێكخراوی تەندروستی جیهانی لەجنێڤ، دەستەكەی لە (18) شارەزا پێكهاتووە هۆشداریاندا لەو هەنگاوەو دەڵێن، مەترسی گەورەی تێدایە، دەشبێت بەر لە دامەزراندنی سیستەمی داتای بەهێز بۆ كۆنترۆڵكردنی ئەو تەكنەلۆجیایە هەوڵی كاركردن لەو بوارەدا نەدرێت. 

سەرپەرشتیاری دەستەی ڕاوێژكاری (مارگرێت هامبۆرگ) ووتی : دەستەكە ڕەزامەندی لەسەر كۆمەڵێك بنەمای سەرەكی داوە.

دەستەی زاناكان داوای لە ڕێكخراوی تەندروستی جیهانی كرد بەپێی یاسا لیستی توێژینەوەی گۆڕانكاری لە (DNA) دا دامەزرێت، ووتیشی : كاركردنی زانستی لەو تەكنەلۆجیایەدا دەبێت بەڕوونی و ئاشكرا تۆمار بكرێت.

شارەزایان كۆكن لەسەر ئەوەی ئەم هەنگاوە نهێنی لەو كارەی زانا چینیەكەدا ناهێڵێتەوەو دەستەكە خوازیارە ئەو ڕوونی و ئاشكراییە ببێتە مایەی ئاشكراكردنی دۆكیۆمێنتەكانی لەو توێژینەوە گرنگەدا بەدەست هاتووە.

هەروەها مارگرێت ووتی: داوا لە لێكۆڵەرەوەكان دەكات دڵنیابن لە تۆماركردنی توێژینەوەكانیان لەڕێكخراوی تەندروستی جیهانی بەر لەوەی بڵاویبكەنەوە.

ووتیشی پۆڵێنكردنی ڕێنمایەكانی تایبەت بە دەستكاریكردنی (DNA) ی مرۆڤ كارێكە بۆ تەواوكردنی نزیكەی (18) مانگ دەخایەنێت، ئاماژەی بەوەشدا كە ئەركێكی سەختە، بەڵام پێویستە بە شێوەیەكی وەردبین و فراوان جێبەجێ بكرێت.

کۆمپانیای کورەك تیلیکۆم بەداخەوە ئاگاداری بەشداربووانی دەکاتەوە کە دەستەی راگەیاندن و گەیاندنی عێراقی فەرمانی داوە بە بڕینی لێکبەستنەوەی نێوان کورەك و کۆمپانیاکانی تر بەهۆی بۆچوونی جیاواز سەبارەت بە واژۆکردنی کرێبەستی تایبەت بە خزمەتگوزاری پارێزگاری کردن لە ژمارە، ئەو بڕیارە کورەك بە بڕیارێکی نا دادپەروەر و زاڵمانەی دەبینێت بەرامبەر بە مافی بەشداربووان و کۆمپانیاکە.
هەروەها دەستەی راگەیاندن و گەیاندنی عێراقی کاتی پێویستی بۆ دیراسەت کردن و وەڵامدانەوەی بڕیاری واژۆکردنەکە بە کورەك نەدا، بەڵکو پێویست بوو دەستەکە چاوەڕێی وەڵامی فەرمی کۆمپانیای کورەك تیلیکۆم بکات دوای ئەوەی کاتێکی گونجاوی بۆ دەڕەخساند بۆ وەڵامی پەیوەست بەم بابەتەوە.
هەر جیاوازیەك لە بۆچوونی نێوان دەستەو کۆمپانیاکان هەبێت پێویستە بەتەواوی بە دوور بێت لە تێوەگلاندنی بەشداربوو لەم جیاواز بینیە و سزادانیان.
لەبەر ئەوە ئێمە وادەزانین کە بڕیاری دەستەی راگەیاندن و گەیاندن زاڵمانەیە و نادادپەروەرییانەیە و لە بەرژەوەندی هاوڵاتیاندا نیە، بەڵکو ئەم دەستەیە ویستویەتی سزای هاوڵاتیان بدات و بێبەشیان بکات لەم خزمەتگوزارییە و زەرەر بە بەرژەوەندییەکانیان بگەیەنێ لە جیاتی ئەوەی بیر لە چارەسەری تری بەکەڵك بکاتەوە و لەسەرمێزی گفتوگۆ و راگۆڕینەوە دابنیشێ، بەرژەوەندی هاوڵاتیانی بن پێ کردووە و زەرەری لە ناوبانگی کۆمپانیاکەمان داوە.
ئەمە جاری یەکەم نییە کۆمپانیای کورەك تیلیکۆم خۆی لە پێگەی ڕووبەڕوو بە بڕیاری زاڵمانە دەرهەق بەخۆی دەبینێتەوە و وادەبینێت کە بە ئامانج کراوە، لە کاتێکدا واماندەزانی هەموو جۆرە پشتگیریەك دەکرێین چونکە تاکە کۆمپانیای نیشتیمانیین و دەستەکەش هاوپشکی ستراتیژیمانە لە کەرتی گەیاندندا.
بەم هۆیەوە کۆمپانیای کورەك تیلیکۆم بەداخەوەیە کە پرسەکان بەم ئاقارە گەیشتن و داوای لێبوردن لە بەشداربووانی دەکات لە بەرامبەر ئەم بڕینە بێ پاساوەی نێوان کۆمپانیاکان و بەڵێنیان پێدەدات کە کاردەکات بۆ چارەسەرکردنی ئەم کێشەیە بە زووترین کات و ئەمە لە پێشینەی کارەکانی دەبێت، هەروەها دەخوازێت کە دەستەی ڕاگەیاندن و گەیاندنیش لەم بڕیارەیان پاشگەز ببنەوە و فەرمان بکەن بە دووبارە بەستانەوەی پەیوەندییەکانی نێوان کۆمپانیاکان بۆ بەرژەوەندی هاوڵاتی عێراقی .

هاوڵاتیان وکوردستانیان و موسوڵمانانی خۆشەویست... السلام عليكم ورحمة الله وبركاته

وەک دەبینین هەڵمەتێکی چەواشەکارانە و بێ بنەمایانەو دور لەڕاستی و دروستی دەست پێکراوە دژمان بۆ لێدان لە کەسایەتیمان و لەمێزەر و جبەو میحرابمان و شوناسی کوردبونمان و موسوڵمان بونمان ....

ئەمەش هەوڵێکی نەزۆک و بێ سود و بێ ئەنجام و چەند بارەیەو تاقی کراوەیە دژمان ، بەڵام لەبەر ڕای گشتی و دۆستان و خەمخۆران و ئازیزانمان، هەستاین بە نوسینی ئەم وەڵامە بۆ ئەو کەسانە... ئەگینا خەڵکی ئێمە چاک دەناسێت و ئەو جۆرە کەسانەش کە دژمان دەنوسێت چاکییان دەناسێت....
بۆیە لەوەڵامی ئەو کەسانەدا دەنوسین...

١. ئێمە بەقسەو وتەی ئەو کەس و پەیج و ئەکاونتانە سارد نابینەوە لە وتنی حەق و پشتیوانی لە مەزڵومان و شەهیدان، وە لە هەر شوێنێک قسەو نوسین و وتەیەکی خێری ئێمەی پێویست بێت، دەیڵێین و ئامادەین، جا با ئەو کەسانە تواناکانیان لە بوارێکی باشتردا بخەنە کار کە ئەنجامی هەبێت

٢. داعش کە هات ، یەکەم زەرەرمەندی سەرەکی، ئێمەی مەلاو وتار بێژی میانڕەو بوین، بۆیە هەرگیز پشتیوانی داعشمان نەکردووەو ناکەین، وە ئەوانەی بیرمەندو خاوەن فکرن، چاک دەزانن داعش بۆ گیانی سونەو موسوڵمانان دروست کراوە نەوەک بۆ گیانی کوفرو ناحەزانی ئیسلام، بۆیە هەرگیز من و مامۆستا هاو پیشەکانم پشتی داعش ناگرین و هەرگیز دژی میللەتە مەزڵومەکەمان ناوەستینەوە

٣. هیوادارم بەکار هێنەرانی فەیس بووک کەمێک زیاتر بیرو هۆشییان بکەنەوەو جوانتر بکەونە دوای ڕاستییەکان، شەرت نییە هەر وێنەیەك دوو دێڕی خرایە ژێر، ئەو نوسینە هی خاوەنی وێنەکە بێت.... وە ئەوانەی لە وتەو قسەی کەسەکاندا تەزویر دەکەن، خوای گەورە تۆڵەیان لێ بکاتەوەو لە کۆڵ فەیس بوک و سۆشیاڵ میدیاو هەموو تۆڕێکی کۆمەڵایەتی و کۆمەڵگای کوردییان بە گشتی بکاتەوە....

٤. هیوادارم میللەتی کوردی خۆشەویست لە کاتی بڵاو بونەوەی هەر کورتە ڤیدیۆیەکدا، بگەڕێت بە دوای ڤیدیۆکەدا بە تەواوەتی، بۆ ئەوەی هەموو وتارەکەو بابەتەکە تێ بگات، وە بۆ ئەوەی حوکم لەسەر کەسەکان نەدرێت بە ڤیدیۆیەکی کورتی بڕڕاو... من ئەو وتارەم لە نوێژی هەینی ڕابردوودا داوە، بە بەرچاوی چەندەها کەس و مۆبایل و کامێرەوە، نەچوم بە دزییەوە وتار بدەم، ئێستەش کە کەمێکی بڕڕاوە بۆ مەبەستێکی نادروست و چەواشەکارانە، ئەوە من داوا لە بینەران و بیسەران و خوێنەران دەکەم، بفەرموون بێن تەماشای ئەو وتارەم و هەموو وتارەکانی ترم بکەن، بۆ ئەوەی حەقیقەتیان بۆ ڕون بێتەوە، وە بۆ ئەوەی بزانن ڕۆژانەو حەفتانەو مانگانەو ساڵانە، ئێمە وتارو گوفتارو خوتبەو کۆبونەوەکانمان، لە خزمەتی دین و ژین و دنیاو قیامەتی میللەتی کوردی موسوڵمان و هەموو میللەتانی مافخوراو چەوساوەی دنیادا بووەو دەبێت، وە هەرگیز چاوەڕوانی پاداشتی دنیاییمان نەکردووە لە هیچ کەس و لایەنێک، بەڵکو تەنهاو تەنها داوای دوعای خێرمان کردووە لە موسوڵمانان و وەتەنهاو تەنها وتومانە، ئەجرو پاداشتی ئێمە لای ئێوە نییە، بەڵکوو لای خوای گەورەو موتەعالە.... جل جلاله

وەک خوای گەورە دەفەرمێت :
وَمَآ أَسۡـَٔلُكُمۡ عَلَيۡهِ مِنۡ أَجۡرٍۖ إِنۡ أَجۡرِيَ إِلَّا عَلَىٰ رَبِّ ٱلۡعَٰلَمِينَ
من داوای هیچ جۆره پاداشتێکتان لێ ناکه‌م له‌سه‌ری، من ته‌نها پاداشتی خۆم له په‌روه‌ردگاری جیهانه‌کان ده‌خوازم.

الشعراء ١٠٩
٥. لە کۆتایدا دەمەوێت ئەوە دوبارە بکەمەوە کە چەوەشاکاران و دۆڕاوان، خۆیان نازانن چۆن بەتاڵ بکەنەوە لەو ڕق و قینەی کە هەیانە بەرامبەر ئیسلام و موسوڵمانان و مزگەوت، مەجبور دێن بە چەواشەکاری تۆمەت و جنێو و زمانی تەشهیرو زبر دەبەخشنەوە، ئەمەی لێرە ڕودەدات دژمان، هەر ئەوەیە دژی هەموو موسوڵمانان ڕویداوە لە نیوزلەنداو میانمارو ئەفریقای ناوەڕاست و سوریاو عێراق و بەریتانیاو ئوستورالیاو میسرو تونس و جەزائیر و ...، هەمووی هەمان فکرەی تیرۆریستییە، بەلام ناوو کارەکتەرەکان دەگۆڕێن، ئەگینا هەدەفەکە لێدانە لە ئیسلام نەوەک لە سەید ئەحمەد و فڵان و فیسار....

بەڵام وەک چۆن ئەوەی نیوزلەندا بە شکست شکایەوە بۆ ناحەزان و بە سەرکەوتن بۆ ئیسلام (الحمد لله ) ، لێرەو لە هەموو شوێنێکی ئەم سەر زەوییە، بەهەمان شێوە بە قازانج دەشکێتەوە بۆ ئیسلام و موسڵمانان، ان شاءالله

بۆیە ئەو کارانە ئێمە زیاتر چەسپاو دامەزراو دەکات بە ڕێبازەکەمان و دینەکەمانەوە...
پشت بەخوای گەورە داهاتووی گەش و جوانتر چاوەڕوانی ئەم ئیسلامەو موسوڵمانان دەکات
پشت بە خوای گەورە کۆتایی دێت بە ناخۆشییەکانی وڵاتی موسوڵمانان و خوای گەورە دەروی خێر دەکاتەوە لە هەموو مەزڵومان، وە زاڵمان و درۆزنان و چەواشەکاران، زەلیل و ڕسواو سەرشۆڕ تر دەکات...
برای دڵسۆزتان دکتۆر سەید ئەحمەد عبدالوهاب پێنجوێنی
٢٤ ی ٣ی ٢٠١٩

پەڕەى 1 لەکۆى 4964 پەڕەدا