دوای ده‌ستگیركردنی نه‌جمه‌دین كه‌ریم پارێزگاری له‌سه‌ركارلادراوی كه‌ركوك له‌  فڕۆکەخانەی رەفیق حەریری لە بەیروتی پایتەختی لوبنان له‌ ئێستادا ناوبرا ئازادكراوه‌ و رایگه‌یاندووه‌  ئێستا بە گەشت لە بەیرووتم.

نه‌جمه‌دین كه‌ریم، به‌ كوردستان بیستو چواری راگه‌یاندووه‌ ، به‌ ئازادی له‌ به‌یرووتم و به‌م زووانه‌ ده‌گه‌ڕێمه‌وه‌ بۆ كوردستان.

زیاتر وتویه‌تی  به‌م زووانه‌ ده‌گه‌ڕێمه‌وه‌ كوردستان و ئه‌م رووداوه‌ش هیچ په‌یوه‌ندی به‌ پۆلیسی نێوده‌وڵه‌تی (ئینته‌رپول)ـه‌وه‌ نییه‌ و به‌ڵكو داوای حكومه‌تی عه‌بادی بووه‌ له‌ وڵاتانی عه‌ره‌بی، كه‌ هیچ كاریگه‌رییه‌كی نییه‌.

هه‌روه‌ها گوتی: هیچ كێشه‌یه‌كی گه‌شتكردنم نییه‌ و پێشتریش چه‌ندین جار گه‌شتم بۆ ده‌ره‌وه‌ كردووه‌.

نه‌جمه‌دین كه‌ریم، سوپاسی هه‌موو ئه‌و كه‌س و لایه‌نانه‌ی كردووه‌، كه‌ په‌رۆشی هه‌واڵزانینی بوونه‌ و له‌ په‌یوه‌ندیدا بوونه‌ له‌گه‌ڵی.

 

لەئاكامی ڕووداوێكی هاتوچۆ لەسەر ڕێگەی سلێمانی – قەرەداغ، كەسێك گیانی لەدەستدا‌و كەسێكی دیكەش بریندار بوو.


پێشنیوەڕۆی ئەمڕۆ چوارشەممە (22/5/2019) بەهۆی ڕووداوێكی هاتوچۆ لەنێوان ماتۆڕسكیلێك ‌و ئۆتۆمبێلێكی بارهەڵگر لەسەر ڕێگەی سلێمانی – قەرەداغ لەنزیك پردی تانجەرۆ كەسێك گیانی لەدەستدا‌و كەسێكی دیكەش بریندار بوو.


هۆكاری ڕووداوەكەش ئەوەبووە ماتۆڕسكیلەكە لەدواوەوە بەهۆی تیژڕەوییەوە خۆی كردوە بەژێر بارهەڵگرەكەدا، مەخابن شۆفێری ماتۆڕسكیلەكە گیانی لەدەستداوە‌و سەرنشینەكەشی بەسەختی برینداربووە، كە شۆفێر‌و سەرنشینی ماتۆڕسكیلەكە، كڵاوی سەلامەتی‌و هۆكارەكانی دیكەی سەلامەتیان نەبووە.


أ.س

چوار شەممە, 22 ئایار 2019 16:25

لەنێوان دەوڵەتی دینی و دەوڵەتی مەدەنیدا

نووسراوە لەلایەن:

ئیسلام بەرنامەی ژیانی مرۆڤە بۆ دنیاو دواڕۆژ ، بۆیە تەواوکاری یەکن، بەدنیا قیامەت بەدەست دەهێنرێ و قیامەتیش خزمەتی ڕێكخستن و باش بەرهەم هێنانی دنیا دەکات و هەریەکەشیان تایبەتمەندی خۆی هەیە.
هەر بەوپێیە پەروەرین دروستکراوەکانی کردوەتە دوو جیهان ، جیهانی دیار و جیهانی نادیار، هەردوو جیهانەکەش بەکۆمەڵێک ڕێسا ڕێکی خستون، کە بریتین لە ڕێسا گەردونیەکان ، کە کیمیای شتەکان و فیزیا و فەلەک و سروشت و بوارەکانی ترن، هەروەک بەشە زیندوەکانیشی بەڕێسا ژیانیەکان ڕێكخستووە ، بەڵام بەشێکی زۆری سپاردووە بە وەحی و بەعەقڵ لەڕێگای زانست و مەعریفەو ئەزمونەوە .
بۆ هەر بوارێکیش کۆمەڵێک بنەمای دیاری کردووە بەوەحی ، بەڵام وردەکاری و جێبەجێکردنەکانیشی کردوەتە ئەرکی عەقڵ، بۆیە عەقڵ و نەقڵ تەواوکاری یەکترین.
دوای ئەم ئاماژە گشتیە، دەمەوێ بێمە سەر باسی دەوڵەت و دەوڵەتداری، بەشی ڕێكخستنی ژیانی دنیای مرۆڤەکانە، بۆیە ئیسلام بەوەحی هەندێ بەهاو بنەمای بۆ دیاری کردوە و میکانیزم شێوازی جێبەجێکردن و وەرگێڕانی بۆ واقع زۆری سپاردووەتە عەقڵ و ئەزموون و خواستویست و توانای مرۆڤەکان.
لەو بەهاو بنەمایانەی لەئیسلامدا دیاریکراون بۆ دەوڵەت بریتین لە:
۱-مرۆڤ سەنتەرە لەم زەویەدا، بۆیە هەمووشت دەبێ لەپێناوی ئەو دروستکراوە ڕێزلێگراوەی خواوەندابێت.
۲-مرۆڤ خوا کردویەتە دەسەڵاتدارو فەرمانڕەوای ئەم زەویە و مافی خاوەنداریەتی پێ بەخشیوە.
۳-خوای خاوەن و بەدیهێنەر مرۆڤی ڕێكخستووە بەشێوازی ئوممەت و قەوم و شەعب و هۆز وفەسیلە و خێزان و تاک ، هیچ لەمانە ئەوانی تر ناسڕنەوە مەگەر لەکاتی دژوەستاندا لە هەر شتێکدا لەپێشتر بون بۆ گەورەترەکەیە لەگەڵ پاراستنی بچوکترەکەدا، بۆ نمونە بڕیار بۆ زۆرینە دەبێ بەڵام زۆرینە ناتوانێ بڕیاری پاکتاوی کەمینە بدات یان حسابی بۆ نەکات.
٤-کەوایە خەڵک چۆن ڕێکەوتبوون دابەش بوبن بەسەر گەلەکاندا ، ئەوا گەل سەرچاوەی دەسەڵاتەکانە و مافی خۆیانە کێ دەکەنە نوێنەری خۆیان بۆ مومارەسەی دەسەڵات.
٥-کەوایە دەسەڵات پیرۆز نییە، چونکە نوێنەری خوا نیە ، هی خەڵکە، بۆیە خەڵک بۆی هەیە دیاریکات، چاودێری بکات ، ڕەخنەی لێبگرێ ، ئامۆژگاری بکات، لێپێچینەوەی بکات ، سزای بدات، لای ببات هەموو ئەم بەهایانە بەمیکانیزمی گونجاو لەدەستوڕێکدا ڕێکی بخات و دوایی بەیاسا وردەکاریەکانی تەواوبکات.

٦-بۆیە دەوڵەت مەدەنیە و مەدەنیبونی دەوڵەتیش لەوەدا خۆی نمایش دەکات، کە تەواوی تاک تاک و خێزان خێزان و فەسیلەو پێکهاتەکانی هەرگەلێک ئەو دەوڵەتە بەهی خۆی بزانێ و هەموویان یەکسان بن تیایداو هیچ جیاکاری و هەڵاواردنێک نەبێ لەنێوانیاندا ، جگە لە پابەندبوون بەدەستورێک کە بەڕەزامەنی و حساب بۆ کردنی هەمووان ومتمانەی هەموان دانرابێ، ئەوەندە هەیە دەقەکانی ئەو دەستورە دژنەوەستێ لەگەڵ نەگۆڕی بیرو باوەڕی زۆرینەو ڕێزگرتنی کەمینەکان دوای یەکسان کردنیان لەبەرەم یاسادا.
۷-هەرکات سەپاندن و زۆرە ملێ و ناعەدالەتی و جیاکاری و هەڵاوردن هاتە ئاراوە دەوڵەت لەمەدەنی بون دەردەچێ و دەبێتە دەوڵەتی دینی، با باسی دینیش نەکات، چونکە دەوڵەتی دینی یانی دەوڵەتی فیرعەونی دەسەڵاتدار یان خۆی بەخوا دەزانێ یان خۆی بەنوێنەری خوا دەداتە قەڵەم.

دوای ئه‌وه‌ی  وەزارەتی دارایی و ئابووریی ھەرێم دەرماڵەی ھاتووچۆی بەشێک لە فەرمانبەرانی بەڕێوەبەرایەتی گشتیی تەندروستی سلێمانی بڕی بەرپرسێکی کارگێڕیی بەڕێوەبەرایەتیەکە رایدەگەیەنێت، چاوەڕێی وەڵامی وەزارەتی دارایین بۆخەرجکردنەوەی دەرماڵەکە، دڵنیاییش لە خەرجکردنەوەی دەدات.

عەبدوڵڵا ئەحمەد یاریدەدەری بەڕێوەبەری گشتیی تەندروستی سلێمانی بۆکاروباری کارگێڕی و دارایی راگەیاند: تائێستا کێشەی لێبڕینی دەرماڵەی ھاتووچۆی کارمەندانی تەندروستی لەسلێمانی و دەوروبەری چارەسەر نەکراوەو چاوەڕێی وەڵامی وەزارەتی دارایی و ئابووریی ھەرێم دەکەین.

وتیشی:"لەڕێگەی وەزارەتی تەندروستییەوە داوا لە وەزارەتی دارایی کراوە پێداچوونەوە بە بڕیاری لێبڕینی دەرماڵەی ھاتووچۆی کارمەندانی تەندروستی بکات و خەرجکردنی دەرماڵەکە دەستپێبکاتەوە، بەڵام تائێستا دارایی وەڵامی نەداوەتەوە".

بەوتەی ئەو بەرپرسەی تەندروستی سلێمانی كه‌ بۆ سایتی لێماندی دواوه‌ ، بڕینی ئەو دەرماڵەیە زوڵمە لەبەشێک لە کارمەندان، چونکە ناکرێت بەھۆی ئەوەی ئۆتۆمبێلی تایبەت بەھاتووچۆی کارمەندانی بەڕێوەبەرایەتی گشتی تەندروستی سلێمانی دابینکراوە، بەڵام دەرماڵەی ھاتووچۆی کارمەندی قەزاکانی دەوروبەری سلێمانی و مەڵبەندەکان ببڕدرێت.

عەبدوڵڵا ئەحمەد دڵنیایی دەدات کە ئەو دەرماڵەیە بۆ ئەو کارمەندانە خەرجدەکرێتەوە، چونکە ھەست دەکرێت کە بەھەڵە بڕدراوەو لێکتێنەگەیشتن بۆ رێنماییەکە ھەیە.

دوای ده‌ستگیركردنی نه‌جمه‌دین كه‌ریم پارێزگاری له‌سه‌ركارلادراوی كه‌ركوك له‌  فڕۆکەخانەی رەفیق حەریری لە بەیروتی پایتەختی لوبنان دەستگیرکراوە و هه‌ره‌یكه‌ له‌ دادگای هه‌ولێر و به‌غدا داوا ده‌كه‌ن تاوه‌كو راده‌ستیان بكرێت.

تۆری هه‌واڵی "روسیا الیوم" له‌ سه‌رچاوه‌یه‌ك گواستیتیه‌وه‌ " كه‌ هه‌ریه‌كه‌ له‌ داداگای فیدرالی له‌ به‌غدا و داداگی هه‌رێمی كوردستان دوایان كردووه‌ نه‌جمه‌دین كه‌ریم راده‌سیتان بكرێت."

ئه‌مه‌ له‌ كاتێكدا هه‌ره‌یكه‌ له‌ به‌غدا و هه‌رێم ناكۆكن له‌ سه‌ر ئه‌م بابه‌ته‌ به‌ڵام پۆلیسی ئینته‌ پول رایگه‌یاندووه‌ كه‌ نه‌جمه‌دین كه‌ریم راده‌ستی دادگای به‌غدا ده‌كه‌ن.

سه‌رچاوه‌كا زیاتر وتویه‌تی " ئینترپول به‌ ده‌سه‌ڵاتدارانی كوردستانی راگه‌یاندوه‌ كه‌ ده‌ستگیر كردنه‌كه‌ له‌سه‌ر داواوای دادگای به‌غدا بووه‌ نه‌ك هه‌ولێر بۆیه‌ راده‌ستی به‌غدای ده‌كه‌نه‌وه‌."


ئەمڕۆ چوارشەممە لەناو بارەگایی فەرماندەیی گشتی فەوجێكی پێشمەرگە دژی خراپی خواردن و نەبوونی خزمەتگوزاری گرد بونەوە و داوایان كرد كە بەوزترین كات كێشەكانیان بۆچارەسە بكرێت.


بەپیی گرتەیەكی ڤیدیۆی كە بڵاوكراوەتەوە سەرلەبەیانی ئەمڕۆ لەناو بارەگایی فەرماندەیی گشتی پێشمەرگە لەناوچەی راپەرین ژمارەیەكی لە پێشمەرگەی فەوجێكی هێزەكانی پێشمەرگەگردبونەوەیەكیان ریكخستوە.


گردبونەوەی بۆئەو پێشمەرگانە دژی خراپی جۆری خواردن و نەبوونی خزمەتگوزاری وەك فێنك كەرەوە و پێداویستیە سەرەتاییەكانی دیكە بووە لەناو بارەگای لیواكەیانداو بۆئەو مەبەستەش گردبونەوەی ناڕەزایەتییان رێكخستووە.


پێشمەرگە بەشداربووەكانی گردبوونەوەكە داوایان كردووە هەرچی زوترە وەڵامی داواكارییەكانیان بدرێتەوە و ئەو پێداویستیانەیان بۆ دابین بكرێت و جۆری ئەو خواردنەی، كە رۆژانە بۆیان دابین دەكرێت كوالێتیەكەی باشتر بكرێت.


أ.س

 

شێوازێكی نوێ‌ بۆ ئاسانكاری  بۆ خەرج كردنی مووچە لەلایەن بانكی ناوەندی و بانكەكانی عێراق دیكەوە پەیڕەو دەكرێت. ئه‌مه‌ش له‌ كاتێكدا لە ساڵانی ڕابردوودا و تا مانگی نیسانی ئەمساڵیش مووچەی خانەنشینان لە عیراق دوو مانگ جارێك پێكەوە خەرج دەكرا، بەڵام لە چەند ڕۆژی ڕابردوودا دەستەی گشتی خانەنشینی عیراق ڕایگەیاند، كە ڕەزامەندی وەزارەتی دارایی وەرگیراوە بۆ خەرجكردنی مووچەی خانەنشینان بە شێوەی مانگانە.

ئەحمەد سەفار، ئەندامی لیژنەی دارایی لە پەڕلەمانی عیراق لە لێدوانێكی بۆ "سۆمەریە نیوز" ئاماژەی بەوەكردووە، بابەتی خەرج كردنی مووچە بەپێی خشتە و كاتێكی دیاریكراوە، جا ئەو سیستمە نیو مانگ یان هەفتانە یان مانگانە یان دوو مانگ جارێك یان 6 مانگییە، بەڵام حكومەتی عیراق بەدرێژایی ساڵانی ڕابردوو پشتی بەستووە بە دابەشكردنی مووچە بە شێوەی مانگانە، جگە لە خانەنشینان، كە دوو مانگ پێكەوە خەرج كراوە.

ڕاشیگەیاندووە، بەردەوام خانەنشینان لەكاتی چوونیان بۆ وەرگرتنی مووچەكانیان تووشی كێشە دەبوون ئەویش بەهۆی قەرەباڵغی بانكەكان، بەڵام ئێستا بانكی ناوەندی و وەزارەتی دارایی هەنگاو دەنێن بەرەو جێگیركردنی مووچەی خانەنشینان.

ئاشكراشی كردووە، كە لەڕێكەی ڤیزە كارتێكەوە بۆ خانەنشینان، خانەنشینان دەتوانن مووچەكانیان لە هەژمارە بانكیەكانیان بهێڵنەوە یان هەمووی وەربگرن یان بەشێكی وەربگرن.

ئەو پەرلەمانتارە ڕاشیگەیاندووە، لە ئێستادا بانكی ناوەندی و بانكەكانی دیكە كاردەكەن بۆ دانانی ڕێوشوێنێكی ئاسان بۆ وەرگرتنی مووچەی خانەنشینان بە شێوەی مانگانە و بەبێ‌ ئەوەی قەرەباڵغی دروست ببێت.


وابریارە هەفتەی داهاتوو پەرلەمانی كوردستان كۆببێتەوە و لە كۆبونەوەكەدا دەنگ لەسەر كاندیدانی سەرۆكی هەرێم بدرێت.


دوای ئەوەی لە ماوەی رابردوو پەرلەمانی كوردستان كۆبویەوە لەلایەن فراكسیۆنەكانی پارتیو گۆران و یەكێتیەوە پرۆژەیاسای كاراكردنەوەی سەرۆكایەتی هەرێم دەنگی لەسەردرا و دواتریش پێنج كەس خۆیان بۆ پۆستی سەرۆكایەتی هەریم كاندید كردو بریاریشە هەفتەی داهاتوو پەرلەمانی كوردستان كۆببێتەوە .

ڕۆژی ١٩ی ئەم مانگە سەرۆكایەتی پەرلەمان ناوی پێنج كاندیدی بۆ پۆستی سەرۆكی هەرێم ڕاگەیاند كە مەرجی كاندیدبوونیان تێدایە، كە بریتین لە نێچیرڤان بارزانی و رێبوار خۆشناو و ئومێد عەبدولسەلام و محەمەد حەمەساڵح و هیوا عەبدوڵا.


أ.س

سەبارەت بە گۆرانکاری لە پلەکانی گەرمی و به‌رزتر بوونه‌وه‌ی پله‌ گه‌رما ده‌زگای کەشناسی کوردستان پێشبینی كه‌ش و هه‌وای راگه‌یاند.

پێشبینی: لەرێکەوتی ٢٥/٥/٢٠١٩ رۆژی شەمە ھەرێمی کوردستان و عێراق بەگشتی دەکەوێتە ژێر کاریگەری دووھەم شەپۆلی گەرما و بەرادەیەکی بەرچاو پلەکانی گەرمی بەرزدەبێتەوە لەناوچەکە پێشبینی دەکرێت کاریگەریەکانی تا سەرەتایی مانگی داھاتوو رێکەوتی ١/٦/٢٠١٩ بخایەنێت ، بەشێوەیەک لەناوچەجیاجیاکانی ھەرێمی کوردستان بەرزترین پلەکانی گەرما لە ٣٥ پلەی سلیزیەوە تا سەر و ٤٠ پلەی سلیزی بەرزبوونەوە بەخۆیەوە ببینێت ، لە دوا رێکەوتی ١/٦/٢٠١٩ کاریگەریەکانی کەمدەبێتەوە پلەکانی گەرمی بەرادەیەکی کەم نزمدەبێتەوە بۆ ئاستی ئاسایی ساڵانە .

پەڕەى 1 لەکۆى 5191 پەڕەدا