به‌ڕێوه‌به‌رایه‌تی په‌روه‌رده‌ی رانیه‌ رایده‌گه‌یه‌نێت ، سه‌رجه‌م ئه‌و مامۆستایانه‌ ئاگادار ده‌كاته‌وه‌ كه‌ بونه‌ته‌ كه‌فیلی هاووڵاتیان بۆ وه‌رگرتنی پێشینه‌ی هاوسه‌رگیریی و داوایان لێده‌كات به‌زووترین كات كه‌فیله‌كه‌ سه‌ردانی گه‌نجینه‌كان بكه‌ن ، به‌مه‌به‌ستی دانه‌وه‌ی قیستی پێشینه‌كه‌ ، یان تا ته‌واوبوونی پشكی قه‌رزی كه‌ڵه‌كه‌بوو و مانگانه‌ (180)هه‌زار دینار له‌ موچه‌ی كه‌فیله‌كه‌ ده‌بڕین.

له‌ راگه‌یه‌نراوێكی به‌ڕێوه‌به‌رایه‌تی په‌روه‌رده‌ی رانیه‌دا كه‌ واژۆی محه‌مه‌د كه‌ریم به‌ڕێوه‌به‌ری په‌روه‌رده‌كه‌ی له‌سه‌ره‌ تێیدا هاتووه‌:((به‌ نووسراومان له‌فه‌رمانێكی وه‌زاره‌تی دارایی و ئابووری هه‌رێم ئاگادارتان ده‌كه‌ینه‌وه‌ كه‌ ئه‌و مامۆستاو فه‌رمانبه‌رانه‌ی بونه‌ته‌ كه‌فیلی هاووڵاتیان بۆ وه‌رگرتنی پێشینه‌ی هاوسه‌رگیریی، پێویسته‌ كه‌فیله‌كه‌ هاووڵاتی ئاگادار بكاته‌وه‌ كه‌ به‌زوترین كات سه‌ردانی گه‌نجینه‌ی راپه‌ڕین بكات بۆدانه‌وه‌ی قیستی پێشینه‌ی هاوسه‌رگیریی)).
له‌ راگه‌یه‌ندراوه‌كه‌دا هاتووشه‌: به‌پێچه‌وانه‌وه‌ له‌سه‌ر داوای به‌ڕێوه‌به‌رایه‌تی گه‌نجینه‌ی راپه‌ڕین موچه‌ی كه‌فیله‌كان بۆماوه‌ی (3)مانگ راده‌گرین ، یان تا ته‌واوبوونی پشكی قه‌رزی كه‌ڵه‌كه‌بوو و مانگانه‌ (180)هه‌زار دینار له‌ موچه‌ی كه‌فیله‌كه‌ ده‌بڕین.


بەڕێوبەرایەتی گشتی كارەبای سلێمانی ڕێنمایی نوێ دەدات بە هاوڵاتیان و ڕایدەگەیەنێت: لەكاتی بارانباریندا مەترسیی تۆڕەكانی كارەبا زیاتر دەبێت، بۆیە پێویستە لەكاتی بارانباریندا لە ستونی كارەبا و تۆڕەكانی دوربكەوینەوە.

 

دەقی ڕاگەیەندراوەكە:

 

بۆ دووركەوتنەوە لەمەترسییەكانی كارەبا لەكاتی بارانبارین و لافاودا

لەكاتی بارانباریندا مەترسیی تۆڕەكانی كارەبا زیاتر دەبێت، بۆیە پێویستە لەكاتی بارانباریندا لە ستونی كارەبا و تۆڕەكانی دوربكەوینەوە و ئەم خاڵانەی لای خوارەوە پەیرەو بكەین.

- دووركەوتنەوە لە ستوونی كارەبا و محاویلە و كەلوپەلە كارەباییەكان و لەسەر شەقامەكان لەكاتی بارانباریندا.

- لەكاتی هاتنە ژوورەوەی ئاو بۆ ناو ماڵەكان لەكاتی بارانباریندا، پێویستە تەزووی كارەبا لەسەرچاوەكەیەوە (بۆردە)كە بكوژێنرێتەوە، دواتر ماڵەكە پاك بكەرەوە.

- نابێت رێگە بدرێت مناڵان بچنە دەرەوە یاری بكەن و لەستونەكانی كارەبا نزیك ببنەوە.

-لەكاتی تەڕبوونی ئامێرە كارەباییەكان، نابێت بەكاربهێنرێت تا چاك دەكرێتەوە.

-لەكاتی ئاگركەوتنەوە بەهۆی بەریەككەوتنی ئاوو كارەبا، پێویستە بۆ كوژاندنەوەی ئاگرەكە، لم یان ئاگرگوژێنە بەكار بهێنرێت نەك ئاو.

-پێویستە كەرەستەی فریاگوزاری سەرەتایی (أسعافات أولیە) لەهەموو ماڵێكدا هەبێت و كەسێكیش لەئەندامانی خێزان ئاشنابێت بەكارەكانی فریاگوزاری سەرەتایی .

-كاتێك كەسێك تووشی بەركەوتنی تەزووی كارەبا دەبێت، پێویستە ئەو كەسە بەپارچەیەك پلاستیك یاخود تەختە رزگاربكرێت.

 

 

س ب

 

مارسیلۆی بەرازیلی و ئەستێرەی باڵی چەپی یانەی ریال مەدرید هەواڵە خۆشەكەی بۆ هاندەرانی تیپەكەی راگەیاند و مانەوەی خۆی لە ریزەكانی مێرنگی دووپات كردەوە".

ماڵپەری كالچیۆ مێركاتۆی ئیتاڵی ئاشكرای كردووە : " مارسیلۆی بەرازیلی لەو بریارە پاشگەزبۆتەوە كە پێشتر لەسەردەمی سۆلاری داویەتی بۆ رۆیشتن لە ریزەكانی ریال مەدرید".

ئەو سەرچاوەیە دەڵێت : " مارسیلۆ پلانی داناوە بۆندەكەی تا دوو ساڵی دیكە لەگەڵ یانەی ریال مەدرید نوێ بكاتەوە و درێسی سپی بپۆشێتەوە".


ئەفسەرێكی بەرگری شارستانی هەولێر هۆشداری دەداتە هاووڵاتییان و داوا لە هاوڵاتیان و شۆفێران دەكات بەهۆی بەرزبوونەوەی رێژەی باران بە وریاییەوە مامەڵە بكەن و كۆمەڵێك رێنمایی تایبەت بۆ خۆپاراستن لە ئەگەری روودانی لافاو دەخاتە روو.


رائید سەركەوت كاڕەش ئەفسەر لە بەڕێوەبەرایەتی بەرگری شارستانی هەولێر لە لاپەڕِەی تایبەتی خۆی لەتۆڕی كۆمەڵایەتی فەیسبوك چەند رێنوێنییەكی لەبارەی چۆنیەتیی خۆپاراستنی هاووڵاتییان لە كاتی دروستبوونی لافاو بۆ خۆپاراستن پێویستەو ڕایگەیاند: كەلوپەلی گرانبەها و فەرمی لە شوێنی بەرز دابنێن و سەرچاوەی كارەبا بكوژێنەوە كە كارت پێی نەما، هەوڵ بدە بە ژێر بەرزەپرد و ئەندەرپاس نەڕۆیت.


ئەوەشی خستەڕوو: پێویستە هاووڵاتییان دوور بكەونەوە لە لێخوڕینی ئۆتۆمبێل و لەژێر تەلی كارەبا هاتوچۆ مەكەن و دوور بكەوە لە خانوو باڵاخانەی كۆن و شوێنە نزمەكان، هەوڵ بدە لایتی شەحنت لابێت و دەستكاری ئاوەڕۆی بەردەرگای ماڵەكەت مەكە" رائید سەركەوت وای گوت.


ئاماژەی بەوەشكرد: ئەگەر دەزانی خانووەكەت یان شوێنی مانەوەت سەلامەت نییە، چۆڵی بكە و بڕۆ شوێنی سەلامەتتر و منداڵی بچووك و ژن بەتەنیا لە ماڵەوە جێ مەهێڵە و لەكاتی هەر رووداوێك راستەوخۆ پێوەندی بكە بە ژمارەكانی بەرگری شارستانی 115 و 125.


جێگەی ئاماژەبۆكردنە لە شەوی ڕابردوەوە شەپۆلێكی بەهێزی بارانبارین هەرێمی كوردستانی گرتوەوتەوەو لەبەشێك لە شاروشارۆچكەكان لافاو دروست بووە.

 

 

 

س ب

 

 

بەهۆی زۆری باران و بەرزبوونەوەی ئاوی دەریاچەی حەمرین، ڕێگەی سەرەكی نێوان خانەقین – بەغدا لە شارەدێی سەعدیەوە داخرا.

ڕێگەی نیوان شارۆچكەی خانەقینی سەربە پارێزگای دیالەو شاری بەغدا، بەهۆی بەرزبوونەوەی ئاوی دەریاچەی حەمرینەوە تا كاتێكی نادیار داخرا.

هۆكاری سەرەكی داخستنی ڕێگەكە، تێكچوونی ڕێگەكەیە لە ڕێگەی سەر دەریاچەی حەمرین و بەهۆی بەرز بوونەی ئاستی ئاوی دەریاچەكە، كە ئێستا بەهۆی بەردەوامی بارانەوە ئەگەری لافاویشی لێدەكرێت.

لە ئێستادا تیمەكانی شارەوانی شارەدێی سەعدییە سەرقاڵی چاككردنەوەی ڕێگەكانن.

ڕێگەی دەریاچەی حەمرین، شارۆچكەی خانەقین و ناوچەكانی دیكەی هەرێمی كوردستان دەبەستێتەوە بە بەغداو ناوچەكانی تری ناوەڕاست و باشوری عێراقەوە، بە ڕێگەیەكی سەرەكی دادەنرێت، هەروەها بەهۆی داخستنی ئەو ڕێگەیە، لە ئێستادا شوفێران لە ڕێگەی ئیمام وەیسەوە هاتوچۆ دەكەن كە ڕێگەیەكی خراپە.

 

خۆزێ مۆرینهۆی پورتوگالی و راهێنەری پێشووی یانەكانی چێڵسی و ئینتەرمیلان و ریال مەدرید و مانچستەر یونایتد باس لە گەرانەوەی زێدان دەكات بۆ یانەی ریال مەدرید و قسەش لەسەر مباپی دەكات".

مۆرینهۆ لە لێدوانێكیدا بۆ رۆژنامەی سپۆرتی ئیسپانی وتی : " ئێمە ناتوانین لەماوەیەكی كەمدا باس لە سەركەوتنەكانی زێدان بكەین ، چونكە ئەو توانی مێژووێكی گەورە بۆ خۆی دروست بكات بە بردنەوەی سێ چامپیۆنس لیگ ، پێم وایە ئەو باشترین كەس بوو بۆ دۆخی ئێستای مەدرید".

لەبارەی واژ‌وكردنی بۆند لەگەڵ مباپیش وتی : " ئەو رۆڵێكی باشی هەبوو لە بردنەوەی جامی جیهانی بۆ فەرەنسا بەڵام لای من باشترین یاریزانی جیهان نییە بەڵكو بەنرخترین یاریزانە لە جیهان ، ئەگەر بچمە هەر یانەیەك هیچ كاتێك بەدوای ئەوە ناگەرێم بۆند لەگەڵ مباپی واژۆ بكەم".

 

بەڕێوبەرایەتی هاتوچۆی گەرمیان ڕایدەگەیەنێت: بەهۆی دروستبونی لافاو هەموو ئەو ڕێگایانەی دەكەوێتە سەر ڕێڕەوی پردی دەرەدۆین داخراوە.


بەڕێوبەرایەتی هاتوچۆی گەرمیان لە ئاگاداری نامەیەكدا كە ئاڕاستەی شۆفێرانی كردووە، ڕایگەیاند: ئـــاگاداری بۆ شۆفێرانی نێوان (كەلار _سلیمانی )و هەموو ئەوانەی ڕێگایان دەكەوێتە سەر ڕێڕەوی پردی "دەرەدۆین"، لەئێستادا پردەكە بۆجارێكی تر داخراوە.


هەروەها ئاماژەی بەوەشكرد: بەهۆی هاتنی لافاوە پردەكە تێكچوە بۆیە ڕێگای بناری بەمۆ بەكاربێنن ، بۆ ئەو مەبەستەش مەفرەزەكانی پۆلیسی هاتووچۆی سەربەڕێوەبەرایەتیمان ڕێنمایی هاوڵاتیان دەكەن .

 

 

 

س ب

 

 

 

لەسەر یاریگای نور هەڵبژاردەی پورتوگالی پاڵەوانی یۆرۆی رابردوو بۆ پارێزگاری كردن لە نازناوەكەی هەوڵی بەدەستهێنانی یەكەم بردنەوە دەدات كاتێك لەسەر هەمان یاریگا لە جەولەی رابردوو لەگەڵ ئۆكرانیا بەبێ گۆڵ بەرامبەر بوون، ئەمشەو میوانداری هەڵبژاردەی صربیا دەكات".

پورتوگال بەسەركردایەتی كریستیانۆ رۆناڵدۆی باشترین یاریزانی جیهان لەساڵی 2017 هەوڵ دەدات یەكەم سێ خاڵ بەدەست بهێنێت".

لەیاری یەكەم كریستیانۆ نەیتوانی فریای تیپەكە بكەوێت و سەركەوتنی بۆ دەستەبەر بكات بۆیە پێشبینی دەكرێت لەیاری ئەمشەو ئەم یاریزانە ئاستێكی بەرز پێشكەش بكات و سەركردایەتی تیپەكەی بكات".

ئەمەش پێكهاتەی پێشبینیكراوی هەردوو هەڵبژاردەیە:

 

 

ئارەزووی كەلانەیەكی بەتەڕەپیاز ناكەیت لەم بەهاروو نەورۆزەدا ؟ خواردنی تەڕەپیاز كە بەچەندین شێوە دەخورێت لە كۆمەڵگەی ئێمە، ئەم پێكهاتە خۆراكییە سەوزەیە چەندین سوودی بۆ تەندروستی جەستە هەیەو لێرەدا سوودەكانی دەخەینە ڕوو:

1. بەهۆی زوو زوو گۆڕان لە كەش و هەوا خەڵكی ڕووبەڕووی هەڵامەت دەبێت، هەربۆیە تەڕەپیاز دژی ئەنفلۆنزاو هەڵامەتەو دەتان پارێزێت لە سەرمابوون، خواردنی تەڕەپیاز لەم وەرزەدا بەسوودە. 

2. تەڕە پیاز هاوكاری بەهێزكردنی چاوە كە لە كزبوون و تووشبوون بە نەخۆشییەكان دەیپارێزێت، تەڕە پیاز ڕێژەیەكی بەرچاو لە (ڤیتامین ئەی، كارۆتین، زیاكسانتین، كاللۆتین) لە خۆ دەگرێت كە بەسوودن بۆ پاراستنی چاو. 

3. تەڕەپیاز بەكتریاكانی ناوپۆشی گەدە ناهێڵێت، بەمەش سوودێكی زۆر باشی بۆ گەدە هەیەو چارەسەری برینی گەدە دەكات. 

4. بۆ ئێسك بەسوودە، بڕێكی زۆر ڤیتامین كەی تێدایە كە یارمەتی بەهێزبوونی ئێسك دەدات، ئەم ڤیتامینە یارمەتی زیادكردنی پرۆتین دەدات بۆ ئەوەی كالیسیۆمی زیاتر بمژرێت و چڕی ئێسك زیاد بكات، ڤیتامین كەی لەگەڵ ڤیتامین دی و كالیسیۆم یەك دەگرێت ئەگەر ئەو خۆراكانە بخورێت كە دەوڵەمەندن بە كالیسیۆم ئەوا پێكهاتەی ئێسك باشتر دەبێت. 

5. رێ لە شێرپەنجە دەگرێت، زیادكردنی تەڕەپیاز لە ژەمە خۆراكییەكاندا مەترسی هەندێك جۆری شێرپەنجە كەم دەكاتەوەو رێ لە چەندان جۆری شێرپەنجە دەگرێت بەهۆی ئەو پێكهاتە گرنگانەی كە تێیدایە. 

6. تەڕەپیاز یارمەتی باشتركردنی پێست دەدات، چونكە ئاوێتەی دیاریكراوی ئاللیسین تێدایە، ئەم ئاوێتە لە تەڕەپیازدا رێ لە چرچ و لۆچی پێست دەگرێت. 

7. تەڕەپیاز دژی هەموو جۆرە هەوكردنێكە. 

8. خواردنی تەڕەپیاز سوودێكی باشی هەیە بۆ ڕێكخستنی شەكر لە لەشدا. 

9. خواردنی تەڕەپیاز بۆ دڵ بەسوودە، چونكە رێژەیەكی زۆر لە ڕیشاڵەكانی تێدایە كە ئەمەش بەسوودە بۆ پاراستنی دڵ و كەمكردنەوەی ئاستی چەوری خوێن كۆلیستڕۆڵ.

كوردیو - سلێمانی


بەهۆی ئەو شەپۆلە بارانبارینەی كە ڕووی لە شاروشارۆچكەكانی هەرێمی كوردستان كردووە لەئێستادا ئاستەنگی هاتوچۆ لەنێوان پارێزگاكانی هەرێم دروست بووەو لەبەشێك لەناوچەكان لافاو دروست بووە.


بەگوێرەی هەواڵی پەیامنێرەكانمان لەبەشێك لە شاروشارۆچكەكانی هەرێمی كوردستان، بەهۆی ئەو شەپۆلەبارانبارینەی كە لەشەوێ ڕابردوەوە هەرێمی كوردستانی گرتوەتەوە لافاو لە چەند ناوچەیەك دروست بووەو دەوامی بەشێك لە قوتابخانەكانیش ڕاگیراون.


هەروەها هەر بەهۆی ئەو شەپۆلەی بارانبارینەوە ئاستەنگی هاتوچۆ لەنێوان بەشێك لە پارێزگاكان و شاروشارۆچكەكان دروستبوەو لەئێستا بەهۆی لافاوەوە شۆفێران وەك پێویست ناتوانن شۆفێری بكەن.

 

 

 

س ب

پەڕەى 1 لەکۆى 4966 پەڕەدا