بریارە سبەی یارییەكانی گەڕی یەكەمی قۆناغی گرووپەكانی پاڵاوتنی یۆرۆی (2020) بەرێوەبچێت ، ئەمەش خشتە و كاتی یارییەكانە:

سبەی : (5:00) : ( جۆرجیا × سویسرا )

سبەی : (8:00) : ( جەبەل تاریق × ئێرلەندا )

سبەی : (8:00) : ( سوید × رۆمانیا )

سبەی : (8:00) : ( ماڵتە × دورگەكانی ڤارۆ )

سبەی : (10:45) : ( ئیتاڵیا × فنلەندا )

سبەی : (10:45) : ( لیشتنشتاین × یۆنان )

سبەی : (10:45) : ( بۆسنە × ئەرمینیا )

سبەی : (10:45) : ( ئیسپانیا × نەرویج )

 

رۆژنامەیەكی ئیتاڵی بڵاوی كردەوە ، یانەی ریال مەدرید دەیەوێت پاولۆ دیبالای ئەستێرەی یانەی یوڤێنتوس بباتە ریزەكانی".

رۆژنامەی كالچیۆ مێركاتۆی ئیتاڵی ئاشكرای كردووە، یانەی ریال مەدرید دەیەوێت سوود لە كێشەكانی دیبالا وەربگرێت لە كەم بەشداریكردنی یارییەكان كە ئێستا بە روونی كێشەی لەگەڵ ئەلێگری هەیە و بۆ ئەمەش دەیانەوێت بیگوازنەوە بێرنابیۆ".

ئەو سەرچاوەیە دەڵێت : " ریال مەدرید بۆ گواستنەوەی دیبالا ئامادەیە (80) ملیۆن یۆرۆ لە خەزێنەی یانەكەی تەرخان بكات و بیداتە یانەی یوڤینتۆس"

 

یانەی مانچستەریونایتدی ئینگلیزی بەنیازە لە هاوینی داهاتوو بۆندێك پێشكەشی ئەستێرەیەكی ئەڵمانی بكات كە لە یانەی ریال مەدرید یاری دەكات".

رۆژنامەی زەسەنی ئینگلیزی بڵاوی كردۆتەوە : " یانەی مانچستەر یونایتد دەیەوێت تۆنی كرۆسی ئەڵمانی و ئەستێرەی هێڵی ناوەراستی یانەی ریاڵ مەدرید دەكاتە ئامانج و دەیەوێت لە گواستنەوەكانی داهاتوو ئەو یاریزانە بباتە ریزەكانی".

سەرچاوەكە دەڵێت : " كارگێری یانەی مانچستەریونایتد ئامادەن بڕی ٥٨ ملیۆن یۆرۆ بەو یاریزانە بدەن و بیگوازنەوە ئۆڵدترافۆرد".

 

سەرچاوەیەكی ئیتاڵی بڵاوی كردەوە ، یانەی یوڤینتۆسی ئیتاڵی ئامادەیە لە بەرامبەر كڕینی ئەستێرەیەكی میسری ، پاولۆ دیبالا و بڕە پارەیەك بداتە لیڤەرپول و هاورێیەك بۆ رۆناڵدۆ بدۆزێتەوە".

ماڵپەری تۆتۆ میركاتۆی ئیتاڵی ئاشكرای كردووە : " یانەی یوڤینتۆس جارێكی تر گرنگی بە محەمەد سەڵاحی میسڕی هێرشبەری یانەی لیڤەرپوڵ دەدات و دەیەوێت بیگوازێتەوە تۆرینۆ".

ئەو سەرچاوەیە دەڵێت : " یانەی یوڤینتۆس ئامادەیە سەروو (60) ملیۆن یۆرۆ بۆ گواستنەوەی سەڵاح پێشكەش بكات ، بۆ ئەمەش ئامادەن ناوی دیبالا بخەنە نێو بۆندەكە".

 

یانەی بەرشەلۆنەی ئیسپانی رایگەیاند لەكاتی بوونی بۆند بۆ ئەستێرەیەكی تیپەكەیان ئامادەن دەستبەرداری بن".

یانە كەتەلۆنییەكە ئاشكرای كردووە : " لەكۆتایی ئەم وەرزەدا دەستبەرداری فیلیپی كۆتینیۆی بەرازیلی و ئەستێرەی تیپەكەیان دەبن".

رۆژنامەی ماركای ئیسپانی دەڵێت : " بەرشلۆنە ئامادەیە ڕێگە بە كۆتینهیۆی بەڕازیلی دەدات لە هاوینی داهاتوودا یانەكە بەجێبهێڵێت بەو مەرجەی بۆندەكەی كە پێشكەشی دەكرێت لە (100) ملیۆن كەمتر نەبێت".

 

 

ئێوارەی ئەمڕۆ سێ سەرۆكایەتییەكەی عێراق لەشاری بەغدا لەبارەی رووداوی ژێرئاوكەوتنی بەلەمەكەی شاری موسڵ كۆبوونەوە.

كۆبوونەوە نائاساییەكەی سێ سەرۆكایەتییەكەی عێراق تایبەتە بە رووداوی ژێرئاوكەوتنی بەلەمەكەی شاری موسڵ لەرووباری دیجلەدا كە تاكو ئێستا زیاتر لە (100) كەس لەو رووداوەدا گیانیانلەدەستداو ژمارەیەكی زۆریش بێ‌ سەرو شوێن بوونە.

ئەمەش لەكاتێكدایە، ئەمڕۆ (د. بەرهەم ئەحمەد ساڵح) سەرۆك كۆماری عێراق سەردانی شاری موسڵی كردن بەڵام لەلایەن هاوڵاتیانەوە هێرشی كرایە سەرو بەزەحمەت ڕزگاری بوو.

 

 

هاوڵاتیانی موسڵ و بە تایبەتی كەسوكاری قوربانیانی ڕووداوەكەی دوێنێ لە بەرپرسانی عێراق توڕەن و بەو هۆیەشەوە، هێرشیان كردە سەر سەرۆك كۆماری عێراق و پارێزگاری موسڵ.

دوێنێ لە شاری موسڵ لە ڕووباری دیجلە بەلەمێكی گەشتیاری ژێرئاو كەوت و بەهۆیەوە زیاتر لە (100) كەس خنكان و هێشتاش ژمارەیەكی زۆری خەڵك بێسەروشوێنن، ئەمڕۆش ژمارەیەك بەرپرسی عێراق سەردانی موسڵیان كرد، بەڵام ڕووبەڕووی توڕەیی خەڵك بوونەوە.

(د. بەرهەم ئەحمەد ساڵح) سەرۆك كۆماری عێراق لە موسڵ لەلایەن كەسوكاری قوربانییەكانەوە هێرشی كرایەسەرو بە زەحمەت لە دەستیان ڕزگاری بوو.

لە كاتی هێرشكردنە سەر (د. بەرهەم)، خەڵكەكە دروشمی (كلا كلا للفساد) واتا نا بۆ گەندەڵی – یان دەوتەوە.

هەر ئەمڕۆ خۆپێشاندەرانی موسڵ ئۆتۆمبێلەكانی (نۆفڵ عاكوب) پارێزگاری شارەكەیان بەردباران كرد، كە بۆ بەسەركردنەوەی بریندارو كەسوكاری قوربانییەكان چووبووە شوێنی ڕووداوەكە، خۆپێشاندەران بەردەوام دروشمی نا بۆ گەندەڵییان دەوتەوە.

بەپێی هەواڵی میدیا عێراقییەكانیش ئۆتۆمبێلەكانی پارێزگاری موسڵ دوو هاوڵاتییان كردووە بە ژێرەوە.

پەڕەى 1 لەکۆى 4957 پەڕەدا